Category: ဆောင်းပါး

မမြဲတော့သော တွဲလက်များ (Has China Lost Myanmar?)

ဇန်နဝါရီ ၁၅ ၊ ၂၀၁၃

M-Media

မြန်မာတို့၏ မရေမရာဒီမိုကရေစီအတွေးက အနောက်ဖက်သို့ ဦးလှည့်လိုက်သည်နှင့် တရုတ်တို့က လူမျိုးစုပြဿနာကိုမွှေပေးလိုက်သည်။မြန်မာအစိုးရကိုဒေါသထွက်လာအောင် ဆွပေးလိုက်ပြီးပြသနာကို အရှိန်မြှင့်ပေးလိုက်သည်။ သမ္မတ ဦးသိန်းစိန်တက်လာပြီးနောက်ပြန်လည် ထူထောင်ရေးများလုပ်လာသည့် ၂၀၁၁ မှစ၍ တရုတ်တို့နှင့်ပြဿနာ စတက်လာခဲ့သည်။ တရုတ်တို့သည် သူတို့၏အိမ်နီးချင်းမြန်မာနှင့် ဆယ်စုနှစ်ပေါင်း အတော်ကြာနွေးထွေးသော ဆက်ဆံရေးထူထောင်ခဲ့ပြီးမြန်မာ့ သဘာဝ သယံဇာတများနှင့် နိုင်ငံခြားရေး မူဝါဒတို့အားမောင်ပိုင်စီးခဲ့သည်။ ယခုအခါမြန်မာသည် လုံးလုံးလျားလျားမဟုတ်သေးသော်လည်း ဒီမိုကရေစီအသွင်သို့ ကူးပြောင်းနေပြီဖြစ် သဖြင့်မြန်မာပြည်သူများသည် ယခင်စစ်အစိုးရနှင့် သူတို့၏စီးပွားရေးများအား အထောက်အပံ့ များစွာပေးခဲ့သဖြင့် မချစ်သော်လည်းအောင့်ကာ နမ်းခဲ့ရသည့် ဘေဂျင်းအား မလိုလားကြောင်း ပြသနေကြပြီဖြစ်သည်။

လက်ရှိမြန်မာ့နိုင်ငံရေးမှာဒေသတွင်း မတည်ငြိမ်မှုများနှင့် ကြုံတွေ့နေရဆဲဖြစ်သည်။ တရုတ်တို့ကလည်းမြန်မာ့နယ်စပ်သို့ စစ်တပ်များပို့ထားသည်။ ဇန်န၀ါရီလစောစောပိုင်း ကတည်းက ပို့ထားသော တရုတ်စစ် တပ်များသည်မြန်မာ့ပိုင်နက် အတွင်းဖြစ်ပွားနေသော စစ်ပွဲ၏ နောက်ဆက်တွဲ ဖြစ်လာနိုင်ချေများအား ကြိုတင်ကာကွယ်ခြင်းဖြစ်သည်။

တရုတ်သည်သူ့အတွက် အိန္ဒိယသမုဒ္ဒရာထွက်ပေါက်အဖြစ်မြန်မာအား အပိုင်တွက်၍ မရတော့ပေ။ ထို့ပြင် အရှေ့တောင်အာရှနိုင်ငံများအနက် သူ့အား သစ္စာခံသောထောက်ခံသူ မိတ်ဖက်အဖြစ်လည်း သတ်မှတ်၍ မရတော့ပေ။ မြန်မာု့မြို့တော်သစ်နေပြည်တော်နှင့် ၀ါရှင်တန်တို့အကြား ဆက်ဆံရေး ပိုမိုနွေးထွေးလာခဲ့သည်။ အမေရိကန် က အာရှ၏ချိန်ခွင်ညှာ အချိန်အဆသစ်ကိုမြင်လာသည့်အတွက် ဘေဂျင်းကစိုးရိမ်လာခဲ့သည်။ ဘေဂျင်းအတွက် အခြေအနေမှာလည်း ပိုဆိုးလာခဲ့သည်။ မုံရွာဒေသတွင် ရှိသည့်နိုင်ငံ၏ အကြီးဆုံးကြေးနီ သတ္တုတွင်း မှာလည်း ရွာသူရွာသားများနှင့် ဘုန်းတော်ကြီးများ၏ ဆန္ဒပြမှုကို ရင်ဆိုင်နေရသည်။ ထိုသတ္တုတွင်းမှာ စစ်အစိုးရထိန်းချုပ်သော ဦးပိုင်ကုမ္ပဏီနှင့် တရုတ်လက်နက်ကုမ္ပဏီ တို့ ပူးတွဲ လုပ်ကိုင်လည်ပတ်နေသည့် သတ္တုတွင်းဖြစ်သည်။ ၂၀၁၁ ခုနှစ်ကလည်း သမ္မတ ဦးသိန်းစိန်သည် တရုတ်ကုမ္ပဏီက ဒေါ်လာ ၃.၆ဘီလီယံရင်းနှီးမြှုပ်နှံကာ တည်ဆောက်နေသည့်မြစ်ဆုံဆည် စီမံကိန်းကိုပြည်သူများ၏ ဆန္ဒနှင့်ဆန့်ကျင်သည်ဟုဆိုကာ ရပ်တန့်ထားရန် အမိန့်ပေးခဲ့သည်။

မုံရွာတွင် ဖြစ်ပေါ်သော ဆန္ဒပြဆန့်ကျင်မှုများကြောင့်မြန်မာနိုင်ငံတွင် ရှိနေသော တရုတ်၏ ရင်းနှီးမြှုပ်နှံမှုများမှာ အန္တရာယ် ရှိနေပြီလောဟု စိုးရိမ်စိတ်ဖြစ်ပေါ်စေခဲ့သည်။ ဘေဂျင်းသည်မြန်မာပြည်ရှိ ၎င်းစိတ်ဝင်စားသည့် ကိစ္စများကို ထိခိုက်နာကျင်စေခြင်းမှ အကာအကွယ်ပေးရေး ဆိုသည့်ကိစ္စကို အနည်းငယ်သာ လုပ်နိုင်ကြောင်း သိလိုက်ရသည်။ အစိုးရပိုင်းမှ ခွဲခြမ်းစိတ်ဖြာစိစစ်သူများ၊နိုင်ငံခြားရေး မူဝါဒဆိုင်ရာပုဂ္ဂိုလ်များ အပါအ၀င် အရှေ့တောင်အာရှရေးရာ ကျွမ်းကျင်သူများက တရုတ်အစိုးရအနေနှင့် သူ၏မူလလက်ဟောင်းမိတ်ဆွေများဖြစ်ကြပြီး နယ်ခြားတွင်နေထိုင်ကြသည့် လူမျိုးစု သူပုန်များဖက်သို့ပြန်လှည့်သင့်ကြောင်းပြောဆိုနေကြသည်။ တရုတ်ပြည်အနောက်တောင်ဖက် ယူနန်ရှိ “ယူနန် ရဲ ကောလိပ်” မှ နိုင်ငံရေးသိပ္ပံပါမောက္ခ လျန်ဂျင်းယွန် က ၂၀၁၁ ခုနှစ်က ရေးသားတင်သွင်းခဲ့သော စာတမ်းမှာ အတော်သြဇာရှိသော စာတမ်းဖြစ်သည်။ ထိုစာတမ်းတွင် အကယ်၍ တရုတ်မြန်မာနယ်စပ်ရှိ လူမျိုးစု သူပုန်များကိုကောင်းစွာ အသုံးချနိုင်ခဲ့လျှင် တရုတ်အတွက်ရေရှည်သစ္စာရှိသည့် မိတ်ဆွေများဖြစ်လာနိုင်ပြီးမြန်မာနိုင်ငံတွင်ကြုံနေရသည့် အမေရိကန်နှင့် တရုတ်တို့၏ထိပ်တိုက် ရင်ဆိုင်နေရသည့်ရှေ့တန်းအတွက် အသုံးဝင်နိုင်ကြောင်း သုံးသပ်ထားသည်။

မြန်မာနိုင်ငံလွတ်လပ်ရေးရကတည်းက သီးခြားခွဲထွက်ရေးအတွက် တိုက်ပွဲဝင်ခဲ့ကြသော “၀” နှင့် “ကချင်” မျိုးနွယ်စုများ သည် ကာလကြာမြင့်စွာကတည်းက တရုတ်နှင့် ချစ်ကြည်ခဲ့ကြသည်။ ၁၉၆၀ ခုနှစ်များဆီက တရုတ်နှင့် ဆက်ဆံရေး အကောင်းဆုံး ကာလများဖြစ်ခဲ့သည်။ ထိုစဉ်က ထိုမျိုးနွယ်စုများနှင့် တရုတ်အမျိုးသား များပါဝင်သော ဗမာပြည်ကွန်မြူနစ်ပါတီအား တရုတ်က ထောက်ပံ့ပေးခဲ့သဖြင့် ဗဟိုအစိုးရအား ဆန့်ကျင် တော်လှန်ရာတွင် တစိတ်တပိုင်း အောင်မြင်မှုရခဲ့သည်။ ၁၉၉၀နှစ်များတွင် ဘေဂျင်းက လူနှင့်ပစ္စည်းထောက်ပံ့မှုများကို ရပ်ဆိုင်းခဲ့သည်။ သို့သော် ယူနန်ပြည်နယ်အစိုးရသည် နယ်စပ်ကူးလူးဆက်ဆံမှုကို ပုံစံပြောင်းပြီး စီးပွားရေး ဆက်ဆံမှုနှင့် မူးယစ်ဆေးဝါး အစားထိုးသီးနှံ အစီအစဉ်များဖြင့် အစားထိုးခဲ့သည်။ ၂၀၁၁ စက်တင်ဘာတွင် နေပြည်တော်နှင့် “၀” တို့ငြိမ်းချမ်းရေး သဘောတူနိုင်ခဲ့ကြသည်။ သို့သော် ကချင်စစ်တပ်နှင့်မြန်မာစစ်တပ်တို့မှာမူ စစ်ပွဲဆင်နွှဲနေဆဲဖြစ်သည်။မြန်မာတပ်များသည် ကချင်တပ်များကို တိုက်ရာတွင် လေကြောင်းမှ တိုက်ခိုက်ခဲ့ကြောင်း ဇန်န၀ါရီ ၂ရက်နေ့ကပြောခဲ့သည်။ ကချင်စစ်တပ်ကလည်း သူတို့ထံတွင် စစ်သည်အင်အား တစ်သောင်းခွဲရှိကြောင်းကြွားနေဆဲဖြစ်သည်။

ဘေဂျင်းသည် အများပြည်သူသိအောင် ကြေငြာခြင်းကိုမူအနည်းငယ်သာပြုလုပ်သည်။ တရုတ်နှင့်မြန်မာတို့ သည်အရေးပါသော အိမ်နီးချင်းများဖြစ်ကြကြောင်း၊နေပြည်တော်နှင့် ၀ါရှင်တန်တို့ ဆက်ဆံရေးကောင်းမွန်လာ သည်ကိုလည်း တရုတ်ကကြိုဆိုပါကြောင်း တရုတ်နိုင်ငံခြားရေး ၀န်ကြီးဌာနမှဆိုသည်။ သို့သော်ဘေဂျင်းနှင့် လွန်ခဲ့သော ဆယ်စုနှစ်များက ဆက်ဆံခဲ့ရာတွင် ဆန္ဒရှိသလောက် ရလဒ်ကောင်းများ မရခဲ့ကြောင်း သိမ်မွေ့စွာပြောခဲ့သည်။ ထို့ကြောင့် တရုတ်သည် ချဉ်းကပ်ပုံ ပြောင်းသင့်ပြီဖြစ်ကြောင်းဖြင့်ပြီးခဲ့သော နိုဝင်ဘာလက ကျင်းပသော ဧည့်ခံပွဲတွင် တရုတ် နိုင်ငံရေးဆန်းစစ် စိတ်ဖြာသူ တစ်ဦးကပြောသည်။ ဘေဂျင်းမှနောက်ထပ်သြဇာရှိသော ဆန်းစစ်သူတစ်ဦးကလည်း နယ်စပ်ရှိ မျိုးနွယ်စုများသည် မိမိတို့အတွက် ဖဲချပ်ဖြစ်ကြောင်း တရုတ်ပြည် သည် ထိုဖဲချပ်ကိုကောင်းစွာကစားသင့်ကြောင်းပြောသည်။ သူ၏အမြင်သည် လွန်ခဲ့သောနှစ်အနည်းက ဆုံခဲ့ရသည့်နိုင်ငံရေး ဆန်းစစ်သူများ၏ အမြင်များနှင့်တူနေသည်။ သို့သော်မည်သူ တစ်ဦးတစ်ယောက်ကမျှ တိုင်းသိပြည်သိ မပြောခဲ့ကြပေ..။

http://www.foreignpolicy.com/တွင် ဖော်ပြခဲ့သည့် ဆောင်းပါးရှင် YUN SUN ၏ Has China Lost Myanmar? ဆောင်းပါးကို M-Media မှာ ဆီလျော်အောင် ဘာသာပြန်ဆိုပါသည်။

January 22, 2013
မြန်မာပြည်မှ နာဇီပေါက်စလေးများ

ဇန်နဝါရီ ၁၀ ၊ ၂၀၁၃

ဒီနေ့မြန်မာနိုင်ငံကို ခရီးသွားကြတဲ့ ဧည့်သည်များဟာ လမ်းတွေပေါ်မှာ တီရှပ်ဝတ်လူငယ် အတော်များများကို တွေ့ကြရပါတယ်..။ သူတို့ ၀တ်ထားကြတဲ့ တီရှပ်တွေမှာ စက်ဝိုင်းထဲမှာ နာဇီစင်္ကြာတံဆိပ်နဲ့ အပေါ်ကNazi ဆိုတဲ့စာတန်းကိုလည်း တွေ့ရပါတယ်..။ ဒုတိယကမ္ဘာစစ်တုန်းက ဆိုင်ကယ်စီး ဦးထုတ်ပုံစံပေါ်မှာ နာဇီတံဆိပ်နဲ့ အလှဆင်ပြီး ဆောင်းကြတာကိုလည်း တွေ့ရပါတယ်..။

မြန်မာနိုင်ငံရဲ့ အကျော်ကြားဆုံး တေးဂီတ၀ိုင်းလည်းဖြစ် .. အမေရိကားကိုလည်း အလည်ရောက်ခဲ့ဖူးပြီး.. ဖေ့စ်ဘွတ်(ခ်) မှာလည်း ပရိသတ် အများအပြားရှိနေတဲ့ The Iron Cross တီးဝိုင်းရဲ့ အမှတ်တံဆိပ်ဟာလည်း ဂျာမန်စစ်သူရဲကောင်းတွေကို ဟစ်တလာ ချီးမြှင့်လေ့ ရှိတဲ့ သံကြက်ခြေ တံဆိပ် ဖြစ်နေတာကို တွေ့ရပြန်တယ်.. အဲဒီ သံကြက်ခြေကို လင်းယုန်က ချီထားတဲ့ ရုပ်ပုံဟာ လင်းယုန်ရဲ့ ခြေသည်းကြားမှာ နာဇီစင်္ကြာ အစား Iron Cross ကို ချီထားတာပဲ ကွာပါတယ်..။ အဲဒါတွေကိုမြင်ရဖန် များလာတော့မြန်မာဟာ စစ်အုပ်ချုပ်ရေးကနေ ဒီမိုကရေစီအုပ်ချုပ်ရေးဆီကို ဦးတည်နေတယ်လို့ နားလည်ထားကြတဲ့ ခရီးသွားတွေ.. ပညာရေးပညာရှင်တွေ.. စိတ်ဝင်စားသူတွေအဖို့ ဇဝေဇ၀ါ ဖြစ်စေပါတယ်..။ ခရီးသည်တစ်ဦးဖြစ်တဲ့ Micah Rubin က သူ့ရဲ့ ဘလော့ဂ်မှာ ရေးထားတာက “သူတို့ ဒီလိုဝတ်ဆင်ကြတာဟာ ကျော်ကြားလိုမှု အတွက်ပဲ လို့ မျှော်လင့်ပါရဲ့.. ဒါကို လျစ်လျူရှုထားတာဟာ နိုင်ငံရေးယုံကြည်ချက် တစ်ခုခုကြောင့်တော့ မဟုတ်လောက်ပါဘူး..” လို့ ရေးခဲ့ပါတယ်.. သူ့ရဲ့ ဘလော့ဂ်မှာလည်း ရင်ဘတ်မှာ နာဇီစင်္ကြာတံဆိပ်ပါတဲ့ တီရှပ်ဝတ်ပြီး ဆိုင်ကယ်စီးနေတဲ့ လူငယ်လေး တစ်ယောက်ရဲ့ ဓါတ်ပုံကိုလည်း တင်ထားခဲ့ပါတယ်..။

မြန်မာအကြောင်းသုတေသနပြုခဲ့တဲ့ ဆစ်ဒ်နီတက္ကသိုလ်က မနုသဗေဒပညာရှင် Jane Fergusan က ပြောတာကတော့ “ ကျွန်မအမြင်မှာတော့ ဒီလူငယ်တွေ ဒီလိုတီရှပ်တွေ ၀တ်တာဟာ ပူတဲ့ရာသီမှာ အေးချင်လို့ ၀တ်တာပါပဲ..”

“သူတို့ဟာဒီစင်္ကြာတံဆိပ်ဟာ နာဇီခေတ်ရဲ့ အမှတ်အသား တစ်ခုဖြစ်ခဲ့တယ်ဆိုတာ သိကောင်းသိကြမှာပါ။ ဒါပေမယ့် အခု ၀တ်ဆင်နေကြတာကတော့ အပူဒဏ်က လွတ်အောင် သာမန် တီရှပ်တစ်ထည်ကို ကောက်ဝတ် လိုက်တဲ့ သဘောပါ..။ သူတို့ဟာ သမိုင်းကို ထဲထဲဝင်ဝင် ပြန်ကြည့်မနေကြပါဘူး။ ပြီးတော့ သူတို့ပိုပြီးနားလည်တာက အဲဒီ (ဆွာစတိကာ) ဆိုတဲ့စင်္ကြာတံဆိပ်ဟာ နာဇီ အမှတ်အသား ဆိုတာထက် သက္ကတ ဘာသာ အလိုအရ အောင်မြင်တဲ့ အနာဂါတ် နိမိတ်ကို ကိုယ်စားပြုတယ်ဆိုတာပါပဲ..” လို့ သုံးသပ်ပါတယ်..။

ဖာဂူဆန်နှိုင်းယှဉ်ပြခဲ့တာ တစ်ခုရှိပါသေးတယ်..။ အဲဒါကတော့ အနောက်နိုင်ငံက အရက်ဘားတွေ နိုက်ကလပ်တွေမှာ ဗုဒ္ဓမြတ်စွာဘုရားရဲ့ ရုပ်ပွားတော်ကို အလှဆင်အဖြစ်ထားသလိုပါပဲ..တဲ့။ အဲဒီလို အလှဆင် ထားလိုက်ခြင်းဖြင့် ဗုဒ္ဓဘာသာကို ယုံကြည် ကိုင်းရှိုင်းသူများကို စော်ကားသလိုဖြစ်စေတယ် ဆိုတာကို သူတို့ မသိကြသလိုပဲ နာဇီစင်္ကြာတံဆိပ်ကို အလှဆင်ဖို့ မြန်မာလူငယ်တွေ ၀တ်ဆင်တာဟာလဲ ဒီသဘောပါပဲ လို့ နှိုင်းယှဉ်ပြခဲ့ပါတယ်..။ အလားတူပဲ တရုတ်စာလုံးတွေကို ဘာမှန်းမသိညာမှန်းမသိနဲ့ ကိုယ်ပေါ်မှာ ဆေးမင် ထိုးထားကြတာလဲ တွေ့ရတာပါပဲ..။ အဲဒီစာလုံးတွေရဲ့ အဓိပ္ပါယ်မှန်ကို သိလို့မှ မဟုတ်တာလို့ လဲ နှိုင်းယှဉ်ပြခဲ့ပါတယ်..။

မြန်မာတွေ တီရှပ်ဝတ်ကြရာမှာ အကျီကို ကြိုက်လို့ ၀တ်ကြတာဖြစ်ပြီး အဲဒီအကျီမှာအင်္ဂလိပ်လို ရိုက်ထားတဲ့ ကြွေးကျော်သံဟာ ဘာကို ဆိုလိုမှန်း သိတဲ့လူနည်းပါတယ်..လို့ ဖါဂူဆန်ကပြောပါတယ်.. “ တစ်ခုခုကို ရည်ရွယ်ချက် ရှိရှိနဲ့ တမင်လုပ်တာမဟုတ်ရင်.. အဲဒါကို တမင်လုပ်ပါတယ်လို့ မပြောသင့်ပါဘူး” လို့လဲ ဖါဂူဆန်က ပြောပါတယ်..။

ဘာပဲဖြစ်ဖြစ်ပါလေ.. နာဇီဘက်တော်သားလို့ ပြောမယ်ဆိုရင်ပြောနိုင်တဲ့ နာဇီတီရှပ်တွေ ၀တ်ဆင်လာတာ ကိုတော့ နိုင်ငံတကာမှာ မွှေစရာတစ်ခု ဖြစ်လာနေပါပြီ..။ ကမ္ဘာတစ်လွှားမှာ ဖြစ်နေတဲ့ ဂျူးမုန်းတီးရေးကို တိုက်ဖျက်နေတဲ့ ကယ်လီဖိုးနီးယား အခြေစိုက် Simon Wiesenthal Center ရဲ့ အဖွဲ့ဝင်တစ်ဦးဖြစ်သူ ဂျူးဘုန်းတော်ကြီး ရဘ်ဘီ အက်ဘ်ရာဟမ် ကူးပါးကတော့ သူ့ရဲ့ အဖွဲ့ဟာ မြန်မာနိုင်ငံမှာ ခေတ်စားလာတဲ့ နာဇီအားပေး အထိမ်းအမှတ်တွေ များပြားလာတာကို ပါဝင်ပတ်သက် ရတော့မှာ ဖြစ်ကြောင်းပြောခဲ့ပါတယ်..။

“ကျွန်တော်တို့ရဲ့ အခြေခံယူဆချက်ကတော့ မသိနားမလည်လို့ ဒီအထိမ်းအမှတ် ပါတဲ့ အကျီတွေကို ၀တ်နေကြတယ် လို့ မှတ်ယူပါတယ်..။ တစ်စုံတစ်ယောက်ကို မုန်းလို့ တမင်တကာ ၀တ်တာမဟုတ်ပါဘူး.”

“ဒါပေမယ့် ကျွန်တော်တို့ဟာ ဂျူးလူမျိုးတွေကို မျိုးဖြုတ်သုတ်သင်ဖို့လုပ်ခဲ့တဲ့ အထိမ်းအမှတ်ဖြစ်တဲ့ နာဇီတံဆိပ်ကို ကမ္ဘာ့တစ်နေရာရာမှာ အချိန်တိုတိုအတွင်း ပေါ်ပြူလာ ဖြစ်လာနေတာမျိုးကို မမြင်ချင်ပါဘူး..”

ရခိုင်တပ်မတော် အမှတ်တံဆိပ် လိုဂိုကို Arakan Army ရဲ့ Facebook Page မှ ယူပါသည်။

ဝိုက်ဆဲန်သဲလ်စင်တာဟာ အာရှတစ်ခွင်မှာ နာဇီအထိမ်းအမှတ်တွေ ပေါ်ပြူလာဖြစ်လာနေတာတွေကို စိတ်ပူကြောင်း.. ဂျူးလူမျိုးတွေအနေနဲ့ ဘယ်တုန်းကမှ အနှိမ်ခံ အချိုးခံ အဖြစ် ခွဲခြားဆက်ဆံခြင်း မခံခဲ့ရတဲ့နေရာတွေမှာတောင်မှ.. ဒီလိုမျိုးနာဇီ အထိမ်းအမှတ်တွေ ပေါ်လာနေတာကို စိုးရိမ်ကြောင်း ဘုန်းတော်ကြီး ကူးပါးက ပြောပါတယ်..။

အိန္ဒိယမှာဆိုရင် ဟစ်တလာရဲ့ အထုပ္ပတ္တိစာအုပ်ဖြစ်တဲ့ Mein Kampf ရဲ့ရောင်းချရမှုဟာ.. အက်ပဲလ် ကို စတင်ထူထောင်သူ စတိဗ်ဂျော့ဘ်စ်ရဲ့ အထုပ္ပတ္တိစာအုပ်ပြီးရင် အရောင်းရဆုံး စာအုပ်ဖြစ်နေတာကိုတွေ့ရကြောင်း.. ၀ယ်ယူကြသူအများစုဟာ တက္ကသိုလ် ဘွဲ့ရများဖြစ်ကြကြောင်းကို ကူးပါးကပြောခဲ့ပါတယ်..။

ဒုတိယကမ္ဘာစစ်အတွင်းက ဂျပန်နဲ့ဂျာမဏီတို့နဲ့ မဟာမိတ်ပြုခဲ့တဲ့ ထိုင်းနိုင်ငံကို ကြည့်မယ်ဆိုရင်လဲပဲ..မြောက်ပိုင်းမြို့တော် တစ်ခုဖြစ်တဲ့ ချင်းမိုင်မှာ ၂၀၁၁ ခုနှစ်တုန်းက ကျင်းပခဲ့တဲ့ ကျောင်းပွဲတစ်ပွဲမှာ ကျောင်းသားလေးတွေဟာ ဟစ်တလာနဲ့ နာဇီ အက်စ်အက်စ် တပ်သားတွေရဲ့ ၀တ်စုံတွေကိုဝတ်ပြီး ချီတက်သရုပ်ပြခဲ့ကြတယ်။ Slur လို့ အမည်ရတဲ့ တီးဝိုင်းတစ်ခုကလည်း ဟစ်တလာလို့ အမည်ပေးထားတဲ့ ရုပ်ရှင်နဲ့သီချင်းကို ထုတ်လုပ်တင်ဆက်ခဲ့ကြပြီး အကသမားတွေက ဟစ်တလာ နှုတ်ခမ်းမွေးနဲ့ နာဇီ ပုံစံ အလေးပြုပုံ တွေကို သူတို့ရဲ့ အကထဲမှာ ထည့်သွင်းခဲ့ကြတယ်..။

ကိုရီးယားမှာလည်း အလှကုန်ပစ္စည်းတွေ အရောင်းမြှင့်တင်ရာမှာတောင် နာဇီအမှတ်တံဆိပ်ကို သုံးခဲ့ကြတယ်.။ အဲဒါတွေကို ကြည့်ပြီး ကူးပါးက “ ဒီဖြစ်စဉ်တွေဟာ အာရှမှာ ပထမဆုံးအကြိမ်ဖြစ်ခြင်းပါလို့ ပြောလိုက်ချင်ပါရဲ့ ဗျာ.. ဒါပေမယ့် ဒါမျိုးတွေ ခဏခဏဖြစ်နေတယ်..။ ဘာကြောင့်ဖြစ်ရပါတယ်လို့ လက်ညှိုးထိုးပြ ဖို့ကလည်းခက်တယ်ဗျ..။” လို့ပြောပါတယ်.။

ကူးပါး၏ စိုးရိမ်မှုကလည်း အခြေအမြစ်ရှိနေပါတယ်..။ ကမ္ဘာပေါ်မှာ အာရှတိုက်ဟာ ဂျူးလူမျိုးဆိုတာကိုတောင် ကောင်းကောင်း မမြင်ဖူးတဲ့ နေရာဖြစ်တယ်..။ ဒါကြောင့် ဂျူးမုန်းတီးရေးဝါဒဆိုတာကို ဘာမှန်းညာမှန်းသဲသဲ ကွဲကွဲမသိပဲနဲ့ စိမ့်ဝင်လာတာကို မသိလိုက်မသိဖာသာနဲ့ လက်ခံမိသွားနိုင်တယ်..။ အာရှဆိုတာကလည်း အ၀တ်အထည်တွေ အများဆုံးထုတ်လုပ်တဲ့ နေရာဖြစ်လေတော့ အ၀တ်အထည်ဈေးကွက်က တဆင့်ဂျူးမုန်းတီးရေးကို သွတ်သွင်းပြီး ပြန့်နှံ့အောင်လုပ်ချင်ရင် ရန်ကုန်လိုနေရာမျိုးဟာ ဈေးကွက်ကြီးပဲလေ..။

ဒုတိယကမ္ဘာစစ်ကာလက နာဇီတွေ ဘာလုပ်ခဲ့တယ်ဆိုတာကိုမြန်မာလူငယ်တွေ သိပ်မသိကြဘူး..။ အာရှသား တချို့ဟာ ဟစ်တလာကို ခေါင်းဆောင်ကောင်း တစ်ယောက်အဖြစ်တောင် မြင်နေကြလေသေးရဲ့။ သူတို့ရဲ့အမြင်မှာ အင်္ဂလိပ်နဲ့ပြင်သစ်တို့ဟာ ကိုလိုနီ နယ်ချဲ့သူတွေဖြစ်ပြီး သူတို့ကို ဟစ်တလာက ဆန့်ကျင်ခုခံ တိုက်ခိုက်ခဲ့တယ်။

အမေရိကန် သမိုင်းပညာရှင် Rosalie Metro ကသူ့ရဲ့ ပါရဂူ ဘွဲ့ယူကျမ်းထဲမှာမြန်မာနိုင်ငံရဲ့ သမိုင်းသင်ပုံကို ဖေါ်ပြခဲ့တယ်..။မြန်မာပြည်မှာ ဟစ်တလာကို များသောအားဖြင့် အကောင်းမြင်ကြတယ်..။ Metro ကမြန်မာပြည်မှာ ခရီးသွားရင်း တက္ကစီမောင်းသူတချို့နဲ့ သမိုင်းအကြောင်း မေးမြန်းဆွေးနွေးကြည့်တဲ့ အခါတချို့က “ဟစ်တလာဟာ လူတော်တစ်ယောက်ဖြစ်ကြောင်း ကြံ့ခိုင်တဲ့ ခေါင်းဆောင် တစ်ယောက်ဖြစ်ကြောင်း ပြောပြတတ်ကြတယ်..” လို့ ပြောပါတယ်။

မက်ထရိုရဲ့ အပြောအရမြန်မာအစိုးရကထုတ်တဲ့ သမိုင်းဖတ်စာအုပ်တွေမှာ နာဇီတွေရဲ့ ရက်စက်ဆိုးသွမ်းမှုတွေကို ဖေါ်ပြမထားဘူး.. ဟစ်တလာရဲ့ ခေါင်းဆောင်မှုကောင်းခြင်းကိုသာ ဖေါ်ပြထားတယ် လို့ ဆိုပါတယ်..။

“ သူတို့ဟာ ပထမကမ္ဘာစစ်အပြီး မှာ ဗာဆိုင်းစာချုပ်အကြောင်းကိုပဲ ဖေါ်ပြကြတယ်..။ အဲဒီအချိန်က ဂျာမဏီရဲ့ အခြေအနေက တော်တော်ဆိုးတယ်.။ ဂျာမန်တွေ ဒုက္ခရောက်ရတာဟာ ဂျာမဏီမှာ ရှိတဲ့ ဂျူးတွေက စီးပွားရေးလုပ်ငန်းတွေကို လက်ဝါးကြီးအုပ်ထားလို့ဖြစ်တယ်.. အဲဒီအတွက် ဂျူးတွေမှာ တာဝန်ရှိတယ်.. အဲဒီလိုနဲ့ ဟစ်တလာဟာ ကြံ့ခိုင်တဲ့ ဂျာမန်ခေါင်းဆောင်ဖြစ်လာခဲ့တယ်” လို့ မက်ထရိုက မြန်မာအစိုးရထုတ် ကျောင်းသုံး သမိုင်းစာအုပ်တွေအကြောင်းကို အကျဉ်းချုံးပြီး ပြောပြပါတယ်..။ မက်ထရိုဟာ မြန်မာစာကိုဖတ်နိုင်သူလည်းဖြစ်ပါတယ်..။

“အဲဒါဟာ ထူးဆန်းအံ့ဖွယ်ပါပဲ.. အဲဒီထဲမှာ ‘သူတို့မှားတယ်’ ဆိုတာ မပါသလို နာဇီတွေဟာဂျူးတွေကို အစုလိုက်အပြုံလိုက် သတ်ဖြတ်ခဲ့ကြတယ်ဆိုတာလဲ မပါဘူး” လို့ပြောခဲ့ပါတယ်..။

မြန်မာကျောင်းသုံး သမိုင်းစာအုပ်တွေမှာ အင်္ဂလိပ်နဲ့ ဂျပန်တို့ဟာမြန်မာပြည်သူတွေရဲ့ ရန်သူဖြစ်ကြောင်း မြန်မာတွေရဲ့ ဂုတ်သွေးစုပ်ခဲ့သူများဖြစ်ကြောင်း ရေးထားတယ်..လို့ မက်ထရိုကပြောပါတယ်..။

အာရှနိုင်ငံတချို့မှာ တဖြည်းဖြည်းတိုးပွားလာနေတဲ့ နာဇီလက္ခဏာ တွေကို တိုက်ဖျက်ဖို့အတွက် ၀ိုက်ဆဲန်သဲလ် အဖွဲ့ဟာ ဂျူးတွေ အစုလိုက်အပြုံလိုက် အသတ်ခံခဲ့ရတဲ့ မှတ်တမ်းတွေ ဓါတ်ပုံတွေကို အများပြည်သူသိအောင် ပြပွဲတွေ ခင်းကျင်းပြီးပြသဖို့ လုပ်နေကြပါတယ်..။ ဂျူးလူမျိုးတွေ ၆သန်းလောက် အသတ်ခံရတဲ့ ဓါတ်ပုံတွေ မှတ်တမ်းတွေကို ခင်းကျင်းပြတဲ့အတွက် ၁၉၄၀၀န်းကျင်နှစ်တွေဆီက ဥရောပမှာ ဖြစ်ခဲ့တဲ့ သမိုင်းအဖြစ် အပျက်တွေကိုနှောင်းလူတွေ သိစေဖို့ ရည်ရွယ်ပါတယ်..။ ၀ိုက်ဆဲန်သဲလ် စင်တာ ရဲ့ ပထမဆုံးပြပွဲကို အိန္ဒိယနိုင်ငံ မွမ်ဘိုင်းမြို့မှာပြသပြီး ထိုင်းနိုင်ငံဘန်ကောက် မှာတော့ ချင်းမိုင်ကျောင်းက ကျောင်းသားလေးတွေဟစ်တလာနဲ့ နာဇီပုံစံကို ဖေါ်ကျူးခဲ့ကြတာ တွေကို တုန့်ပြန်တဲ့ အနေနဲ့ ဂျူးတွေအစုလိုက်အပြုံလိုက် အသတ်ခံရတဲ့ မှတ်တမ်းတွေကို ဖေဖေါ်ဝါရီလ ၄ရက်နေ့မှာ ပြသသွားမှာဖြစ်ပါတယ်..။ မြန်မာပြည်မှာတော့ အဲဒီလို ပြပွဲမျိုး တစ်ခါမှ မလုပ်ဖူးသေးပါဘူး..။ ဒါပေမယ့် ဂျူးဘုန်းတော်ကြီး ကူးပါးကမြန်မာပြည်မှာ တစ်ကြိမ်လောက်လုပ်ဖို့ စိတ်ဝင်စားနေပါတယ်..။ ဒါ့အပြင် အဲဒီ ဘုန်းတော်ကြီးဟာ မြန်မာနိုင်ငံ ရန်ကုန်မြို့က လမ်းတွေပေါ်မှာ ၀င်ရောက်နေရာယူနေတဲ့ နာဇီတံဆိပ်နဲ့ တီရှပ်တွေရဲ့ လာရောက်ရာပင်မလမ်းကြောင်းကိုလည်း ရှာဖွေသွားဖို့ ပြင်ဆင်နေပါတယ်..။

“တကယ်လို့များ ကုမ္ပဏီတစ်ခုခုဟာ သူ့ရဲ့ ရပ်တည်မှုအတွက် ဒီတံဆိပ်ပါတဲ့ တီရှပ်တွေ ထုတ်လုပ်ြပီးတင်ပို့ခြင်းနဲ့ ကြိုးစားနေတယ်ဆိုရင်တော့ ကျွန်တော်တို့ အဲဒါကို ရပ်သွားအောင် လုပ်နိုင်မယ့် နည်းလမ်းကို ရှာရမှာပဲ..” လို့ ကူးပါးကပြောပါတယ်..။

ဒီဆောင်းပါးကို ရေးသားသူဟာ ကမ္ဘောဒီးယား အခြေစိုက် ဂျာနယ်လစ်(စ်) တစ်ဦးဖြစ်သူ Julie Masis ဖြစ်ပါတယ်..။

http://www.atimes.com/ တွင် ဖော်ပြထားသည့် ဆောင်းပါးကို M-Media မှ ဆီလျော်အောင် ဘာသာပြန်ဆိုပါသည်။

January 13, 2013
နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၂)
ဇန်နဝါရီ ၁၁၊ ၂၀၁၃

ဦးဦးမှော်ဆရာ

…. `ဒီအကြောင်းပြချက်မျိုးနဲ့သာဆိုရင် ဘင်္ဂလားဒေ့ရ်ှနိုင်ငံရှိနေသရွေ့ ခင်ဗျားတို့ သံယသရှိနေတာတွေ၊ မသေချာတာတွေကို ဘယ်တော့မှပြီးဆုံးတော့မှာ မဟုတ်´…..

နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၁) မှာ UNHCR မဟာမင်းကြီးနဲ့ သမ္မတဦးသိန်းစိန်တို့ တွေ့ဆုံခဲ့တဲ့ သတင်း အကျဉ်းကိုဖေါ်ပြရင်း နိုင်ငံသား၊ နိုင်ငံမဲ့ နဲ့ တရားဝင်နိုင်ငံမဲ့အကြောင်းကို ဖေါ်ပြခဲ့ပြီးဖြစ်ပါတယ်။ ခု `အမှန်တကယ်နိုင်ငံမဲ့သူများ´အကြောင်းကို ဆက်လက်ရေးသားပါမယ်။

(၂) အမှန်တကယ် နိုင်ငံမဲ့သူ (de facto stateless) ဆိုတာ မည်သည့်နိုင်ငံသားဖြစ်သည် ဆိုသည့် အချက်ကို တရားဝင်ဖေါ်ပြနိုင်ခြင်းမရှိတဲ့သူ (သို့မဟုတ်) ထိုသူနဲ့ ခိုင်မာသောဆက်ဆံရေး ရှိတဲ့ နိုင်ငံများက ထိုပုဂ္ဂိုလ်အား နိုင်ငံသားအဖြစ်လက်ခံရန် သဘောမတူဘဲ ငြင်းပယ်ခံရသောသူကို ဆိုလိုပါတယ်။

(ခိုင်မာသောဆက်ဆံရေး ဆိုတာ တခြားသူတွေအတွက် နိုင်ငံသားအဖြစ်ခံယူရန် လုံလောက်မှုရှိသော အခြေအနေ မျိုးကို ဆိုလိုပါတယ်။)

ဒီလို အမှန်တကယ်နိုင်ငံမဲ့ဖြစ်နေသူတွေဟာ ဘယ်နိုင်ငံရဲ့အကာကွယ်ပေးမှုမှ မရရှိတဲ့အပြင်၊ ခုလိုနိုင်ငံမဲ့ ဖြစ်နေရတာကိုက သက်ဆိုင်ရာနိုင်ငံရဲ့ ခွဲခြားဆက်ဆံမှုနဲ့ ညှဉ်းပန်းနှိပ်စက်မှုကြောင့်လည်း ဖြစ်နိုင်ပါတယ်။ ဒါဆိုရင် သူကတော့ အမှန်တကယ်နိုင်ငံမဲ့ ဖြစ်တဲ့အပြင် ဒုက္ခသည်စာရင်းလည်း ၀င်သွားပါတယ်။ ဒီအကြောင်းကို စာဖတ်သူတို့ အလွယ်တကူနားလည်နိုင်စေရန် ဘင်္ဂလားဒေ့ရ်ှဘက်က ဒုက္ခသည်စခန်း တွေမှာရှိတဲ့ ရိုဟင်ဂျာဒုက္ခသည်တွေနဲ့ ဥပမာပေးရေးသားပါမယ်။

(၁၉၇၈)ခုနှစ်မှာ ရိုဟင်ဂျာလူမျိုးများပေါ်ပြုလုပ်ခဲ့တဲ့ နဂါးမင်းစစ်ဆင်ရေးကဲ့သို့သော စစ်ဆင်ရေး များကြောင့် ရိုဟင်ဂျာလူမျိုး သုံးသိန်းခန့် နေရပ်စွန့်ခွာထွက်ပြေးပြီး၊ ဘင်္ဂလားဒေ့ရ်ှနိုင်ငံထဲမှာ ခိုလှုံခဲ့ရတယ်။ (၁၉၉၁-၉၂) နှစ်များ မှာလည်း မြန်မာစစ်တပ်ရဲ့ ညှဉ်းပန်းနှိပ်စက်မှုများကြောင့် ရိုဟင်ဂျာလူမျိုး ၂၅၀၀၀၀ ကျော်လောက် ဘင်္ဂလားဒေ့ရှ် နိုင်ငံဘက်ကို နေရပ်စွန့်ခွာ ထွက်ပြေးခဲ့ရပါတယ်။ ထိုသူများဟာ တဘက်နိုင်ငံရှိ ဒုက္ခသည် စခန်းများတွင် နေထိုင်ကြရပြီး ထိုထဲတွင် မြန်မာနိုင်ငံနှင့် စပ်ဆက်မှုရှိကြောင်း အထောက်အထား တစ်စုံတစ်ခု (ဥပမာ- အစိမ်းရောင်ကဒ်ပြား၊ အဖြူရောင်စာရွက်) ပြနိုင်သူများသည်မြန်မာနိုင်ငံမှပြန်လည် လက်ခံသည့်အခါ ပြည်တွင်းသို့ ပြန်လည် ၀င်ရောက်နိုင်မှာဖြစ်တယ်။ သူတို့ဟာနေရပ်ပြန်တဲ့အခါ ညှဉ်းပန်းနှိပ်စက်ခံရမယ်လို့ အမှန်တကယ် စိုးရိမ်ကြောက်ရွံ့မှု ရှိနေတဲ့အတွက် ဒီလူတွေဟာကျနော့်ဆောင်းပါး (အပိုင်း-၁)မှာ ပြောခဲ့သလို တရားဝင် နိုင်ငံမဲ့များဖြစ်တဲ့အပြင် `ဒုက္ခသည်များ´အဖြစ်လည်း သတ်မှတ်ခံရပါတယ်။ ဘင်္ဂလားဒေ့ရ်ှနိုင်ငံဘက်က ဒုက္ခသည် စခန်းများမှာရှိတဲ့ တရားဝင်နိုင်ငံမဲ့ ရိုဟင်ဂျာဒုက္ခသည် အရေအတွက်မှာ ၃၀၀၀၀ ခန့်ရှိတယ်လို့ သိရတယ်။

အဲဒီလိုမှမဟုတ်ဘဲ သက်သေခံ အထောက်အထားများကို အဓမ္မသိမ်းဆည်း ဖျောက်ဖျက်ခံရခြင်း၊ ထွက်ပြေးလာစဉ် ပျောက်ဆုံးပျက်ဆီးခြင်း (သို့) အာဏာပိုင်များက မည်သည့်သက်သေခံစာရွက် တရွက်တလေမှ ထုတ်မပေးခဲ့ခြင်း တို့ကြောင့် ဘာအထောက်အထားမှ မပြနိုင်ပါက မြန်မာနိုင်ငံတွင်းသို့ ပြန်လည် အခြေချနေထိုင်ခွင့်ရရန် မျှော်လင့်ချက် နည်းပါတယ်။ ဒီအခြေအနေမျိုးမှာတော့ သူတို့ကို   အမှန်တကယ်နိုင်ငံမဲ့များ လို့ သတ်မှတ်ပါတယ်။ သူတို့ဟာ မြန်မာပြည်မှာ ဘိုးဘွားစဉ်ဆက် မွေးဖွားနေထိုင်လာခဲ့သော်လည်း မြန်မာပြည်နှင့် သက်ဆိုင်ကြောင်းလည်းမပြနိုင်၊ နယ်ချင်းကပ်နေတဲ့ ဘင်္ဂလားဒေ့ရ်ှကလည်း သူတို့နိုင်ငံသားမဟုတ်ဟု ငြင်းပါမည်။ Emdadul Haque (Senior Lecturer of the Department of Law and Justice, Southeast University) ရဲ့ အဆိုအရ       ခုလိုအမှန်တကယ်နိုင်ငံမဲ့ ရိုဟင်ဂျာဒုက္ခသည်ပေါင်း ၄၇၀၀၀၀ ခန့်ရှိတယ်လို့ သိရပါတယ်။ ဒါ ၂၀၁၂ အောက်တိုဘာလမှာ ထုတ်ပြန်တဲ့ စာရင်းအရေအတွက်ပါ။ ထိုသို့သောသူများ အတွက် UNHCR ၏ ဆောင်ရွက်ပေးမှုတွေကတော့ အလွန်ကျယ်ပြန့်ပြီး ရှုပ်ထွေးပါတယ်။ ဒါကြောင့် ဒီဆောင်းပါးမှာ လိုတာပဲ အနည်းငယ်ပြောပါမယ်။ အထူးသဖြင့် နေရပ်ပြန်တဲ့အခါ ညှဉ်းပန်းနှိပ်စက်ခံရမယ် ဆိုတဲ့ စိုးရိမ်ရမှုအတွက် အာမခံချက်ရအောင် လုပ်ဆောင်ပါတယ်။

ဘင်္ဂလားဒေ့ရ်ှနိုင်ငံက ဒုက္ခသည်စခန်းများမှာရှိတဲ့ ရိုဟင်ဂျာဒုက္ခသည်များကို မြန်မာဘက်က ပြန်လည်လက်ခံ ခဲ့တာနဲ့ပက်သက်ပြီး အစိုးရပိုင်းက တရားဝင်သတင်းထုတ်ပြန်တဲ့ စာရင်းအရပြောရရင် ဟင်္သာစီမံချက်ဖြင့် ပြန်လက်ခံသူ အရေအတွက်မှာ ၁၈၀,၀၀၀ ရှိပါတယ်။ နောက်ပြီး ၁၉၉၄ မှ ၁၉၉၆ ခုနှစ်အတွင်း ပြန်လက်ခံသူ ရိုဟင်ဂျာအရေအတွက်မှာ ၂၅၀,၀၀၀ ရှိကြောင်း သိရပါတယ်။ နောက်ပြီး လွန်ခဲ့တဲ့ ၂၀၁၂ ဇူလိုင်လ (၂) ရက်နေ့မှာ ဘင်္ဂလားဒေ့ရှ်-မြန်မာ နှစ်နိုင်ငံ အစည်းဝေးပွဲမှာ မြန်မာ ဒု-နိုင်ငံခြားရေး ၀န်ကြီး ဦးမြင့်မောင် က ဘင်္ဂလားဒေ့ရ်ှမှာ ရှိတဲ့ မြန်မာနိုင်ငံသား ရိုဟင်ဂျာ ၆၈၀၀၀ ကို ပြန်လက်ခံရန် သဘောတူ ခဲ့တယ်လို့ ဘင်္ဂလားဒေ့ရ်ှနိုင်ငံခြားရေးဝန်ကြီးရဲ့ သတင်းစာရှင်းလင်းပွဲမှာ ပြောခဲ့ပါတယ်။ ဒီနေရာမှာ အစိုးရရဲ့ ရိုးသားမှုမရှိတဲ့ အကြောင်းအရာတစ်ခု ဆက်ပြောချင်ပါတယ်။ ၁၉၉၄-၉၆ ခုနှစ်အတွင်းက ဘင်္ဂလားဒေ့ရ်ှဒုက္ခသည် စခန်းများမှ ရိုဟင်ဂျာများကိုမြန်မာဘက်ကစစ်ဆေးပြီး ပြန်လည်လက်ခံခဲ့အကြောင်းကို အစိုးရထုတ် New Light of Myanmar သတင်းစာမှာ took refugee/taken refugee ဆိုတဲ့ အသုံးအနှုန်းများဖြင့် (ဘင်္ဂလားဒေ့ရ်ှနိုင်ငံသားများကိုမြန်မာပြည်တွင် ခိုလှုံခွင့်ပေးခဲ့သည်)ဆိုတဲ့ အဓိပ္ပါယ်မျိုးဖြစ်အောင် ရေးသား ခဲ့တာ တွေ့ရတယ်။

တနည်းအားဖြင့်ပြောရရင် အစိုးရကိုယ်တိုင်က `ကြက်လည်းမောစေ၊ ယာလည်းညှက်စေ´ဆိုတဲ့ အနေအထားမျိုးဖြစ်အောင် လူမျိုးရေးအဓိကရုဏ်း မီးမွှေးနေခြင်းလို့ပဲ မြင်ပါတယ် …

(ဒါ ဘင်္ဂလားဒေ့ရ်ှနိုင်ငံသား ဒုက္ခသည်တစ်ယောက်ကို ပေးတဲ့စာရွက်လား??)

တကယ်တမ်းတော့ ဒီလူတွေဟာ လ၀ကမှတ်တမ်းများနဲ့ တိုက်ဆိုင်စစ်ဆေးပြီးမှ မြန်မာနိုင်ငံက လူများဖြစ်ကြောင်း မှန်ကန်လို့သာ ပြန်လည်လက်ခံခဲ့တာ ဖြစ်ပါတယ်။ UNHCR ရဲ့ ကြီးကြပ်မှုနဲ့ သူတို့ရဲ့ မူလနေထိုင်ရာ ဒေသများတွင်ပြန်လည် နေရာချထားပေးခဲ့ကြောင်း သိရပါတယ်။ ဒီလို သေချာစွာ စစ်ဆေးပြီး ပြန်လည် လက်ခံခဲ့တဲ့သူများကို ခုချိန်ကျမှ ခိုးဝင်လာသူများလို့ စွပ်စွဲလို့မရပါ။

သူတို့ကို ဒီနိုင်ငံသား ဟုတ်၊မဟုတ် မသေချာသေးလို့၊ မရေရာသေးလို့၊ နိုင်ငံခြားသားများအဖြစ် သံသယရှိနေလို့ ဆိုတဲ့ အကြောင်းပြချက်မျိုးဖြင့် နှစ်(၆၀)ကြာအောင် အချိန်ဆွဲထားပြီး ညှဉ်းပန်းနှိပ်စက်ခွင့် မရှိပါ။ ဒီအကြောင်းပြချက်မျိုးနဲ့သာဆိုရင် ဘင်္ဂလားဒေ့ရ်ှနိုင်ငံရှိနေသရွေ့ ခင်ဗျားတို့ သံယသရှိနေတာတွေ၊ မသေချာတာတွေကို ဘယ်တော့မှ ပြီးဆုံးတော့မှာ မဟုတ်ပါ။

(၁၉၈၂)ခုနှစ် နိုင်ငံသားဥပဒေမပေါ်သေးခင်၊ မြန်မာနိုင်ငံ လွတ်လပ်ရေးရခဲ့စဉ် ကတည်းက မြန်မာနိုင်ငံသား ဥပဒေရှိခဲ့ပါတယ်။ အဲဒီဥပဒေတွေအရ မြန်မာနိုင်ငံသားအဖြစ် နေထိုင်ခဲ့သူများကိုပါ ခုချိန်ကျမှ သံသယ ရှိနေလို့ပါဆိုတဲ့ အကြောင်းပြချက်မျိုးကတော့ တကယ်တမ်း ရူးကြောင်ကြောင် လူတစ်ယောက်ရဲ့ စကားလို့ပဲ ပြောရပါလိမ့်မယ်။ ဤလူများ နိုင်ငံတွင်းသို့ တရားမ၀င် ခိုးဝင်နေထိုင်သူများဟုဆိုလျှင် ဖမ်းဆီး အရေးယူနိုင်ရန် ၁၉၄၇ခုနှစ် လူဝင်မှုကြီးကြပ်ရေး လတ်တလောဥပဒေ (Emergency Act) နှင့် တခြား လ၀က ဥပဒေများ ရှိနေသည်မဟုတ်ပါလား။

အထက်ခိုးဝင်နေသူများကို ဘာကြောင့်နှစ်ပေါင်း(၆၀)ကျော် အရေးမယူဘဲထားခဲ့သလဲ။ဒါ စဉ်းစားစရာ တစ်ချက်ပါ …

ဒီလောက်ဆိုရင် အမှန်တကယ်နိုင်ငံမဲ့ဖြစ်နေသူများနဲ့ပက်သက်ပြီး အကြမ်းဖျင်းတော့ သဘောပေါက်မယ် ထင်ပါတယ်။ ခုချိန်ထိ ရေးခဲ့သမျှထဲမှာ နိုင်ငံတကာဥပဒေတွေ မပါသေးပါဘူး။ နိုင်ငံသားတွေကို နိုင်ငံမဲ့ဘ၀ရောက်သွားအောင် ဘယ်အာဏာပိုင်ကမှ လုပ်ဆောင်ခွင့်မရှိပါဘူး။ ဒီအကြောင်းကို ရှင်းပြဖို့အတွက် နိုင်ငံမဲ့ဖြစ်စေတဲ့ အကြောင်းရင်းများ နဲ့မြန်မာနိုင်ငံအနေနဲ့ မဖြစ်မနေလိုက်နာဆောင်ရွက်ရမဲ့ နိုင်ငံတကာသဘောတူစာချုပ်တွေနှင့် ပဋိဥာဉ်ခံ အချက်တစ်ချို့အကြောင်းကို (အပိုင်း-၃) မှာ ဆက်လက် ရေးသားပါဦးမယ်။

Ref: UNHCR – Handbook for Parliamentarians- 2005

        Human Rights Abuses and Discrimination on Rohingyas

        International Crisis Group – Myanmar: A New Peace Initiative – Nov-2011

        bangalnews24.com

ဦးဦး မှော်ဆရာ

(၁၁-၁-၂၀၁၃)
- နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၁) ဖတ်ရန်။
January 11, 2013
ငရမန်ကန်း (သို့) ရာမန်ခန်း အငြင်းပွားမှု့ကို စမ်းစစ်လေ့လာခြင်း
ဇန်နဝါရီ ၁၀၊၂၀၁၂
စန်းဦးအောင်
M-Media

ပဒေသရာဇ် သက်ဦးဆံပိုင် ဘုရင်များခေတ်တွင် ဘုရင့်မျိုးနွယ်မဟုတ်သော သာမန်အရပ်သားများကို “င” တပ်၍ ခေါ်ဆိုသော ဓလေ့ အရ

Nga Ramankan = ငရမန်ကန်း
တခါတရံ Nga Raman= ငရမန်

ဟုခေါ်တွင်သည်။ သူအမည်အရင်းမှာ ရာမန်ခန်း (Ramankan Khan) သို့မဟုတ် ရာမန် (Raman) သာဖြစ်ပါသည်။
မျက်လုံး တဖက်ကန်း၍ ခေါ်ဆိုခြင်း (သို့) မိသားစု အမည် (ခန်း) မျိုးနွယ်ဖြစ်၍ ခေါ်ခြင်း ဟုတ်မဟုတ် ရေးသားထားခြင်းမရှိပေ။

အထက်ဖော်ပြပါ ကောက်နှုတ်ချက်သည် ဦးဖေမောင်တင်နှင့် GH Luce ဘာသာပြန်ဆိုသော မှန်နန်းရာဇဝင် (The Glass Palace Chronicles of Kings of Burma ) ပထမအကြိမ်ကို အောက်စဖို့ တက္ကသိုလ် လန်ဒန်တွင် ၁၉၂၃ ခုနှစ်တွင် ပုံနှိပ် ထုတ်ဝေပြီး ရန်ကုန် တက္ကသိုလ် ပုံနှိပ်တိုက်မှ ၁၉၆၀ တွင် ထပ်မံပုံနှိပ် သည့် ) မြန်မာနိုင်ငံသုတသန အသင်းမှ ထုတ်ဝေသည့် စာအုပ် စာမျက်နှာ ၁၀၀ မှ ၁၀၃ မှ ကိုးကားဖော်ပြခြင်းဖြစ်သည်။

သို့သော် အစ္စရေးနိုင်ငံသား ဂျူး လူမျိုး ဒေါက်တာ မိုရှေရေးဂါး ( ထိုအချိန်က ရန်ကုန်မြို့ရှိ အစ္စရေး သံ အရာရှိ၊ နောင်တွင် အစ္စရေး နိုင်ငံခြားရေး ဝန်ကြီးဌာန ၊ အပြည်ပြည်ဆိုင်ရာ နိုင်ငံရေး လေ့လာရေး ဌာနမှူး တာဝန်ခံဖြစ်လာသူ ) ရေးသားပြုစုသော မြန်မာ့မြေမှ မွတ်စလင်မ်များ(The Muslims Of Burma) စာအုပ်တွင်မူ ခမည်းတော် အနော်ရထားမင်းကိုရဲ့ ပုဂံ ထီးနန်းကို ဆက်ခံခဲသည့် စောလူးမင်း ( ၁၀၇၇-၁၀၈၈) သည် ငယ်စဉ်က အာရဗ် လူမျိုး မွတ်စလင်မ် တစ်ဦးထံ ပညာသင်ကြားခဲ့ကြောင်း နှင့် သူဘုရင် ဖြစ်ချိန်၌ သူ့ဆရာ၏ သား ရာမန်ခန်း (YAMAN KHAN) ကို ဥဿစား(ပဲခူး)မြို့စားအဖြစ် ခန့်အပ်ခဲ့ကြောင်းရေးသားခဲ့ပါသည်။ ကျမ်းပြုဆရာ မိုရှေးရေးဂါးမှ အောက်ခြေ ရှင်းလင်းချက်တွင် မြန်မာ စကားတွင် R မရှိသဖြင့် နာမည်အမှန် Rahman Khan အား Yaman Khan ရမန်ခန်း(သို့) ရမန်ကန်း ဟုရေးသားကြောင်း ဖော်ပြပါရှိသည်။

အလျဉ်းသင့်၍ ပြောရမည်ဆိုလျင် သူသည် မွတ်စလင်မ်တစ်ယောက် ဖြစ်သည်မှာ သေချာသည်ပင်လျင်ပင် ပထမ မြန်မာနိုင်ငံတော်၏ ဒုတိယမြောက် ဘုရင် စောလူးမင်းအား တော်လှန်ခြင်းကို မပြုလုပ်သင့်ပေ။ အထူးသဖြင့် စောလူးမင်းသည် ငယ်သူငယ်ချင်းဖြစ်ပြီး ဘုရင်က မြို့စားအဖြစ် ချီးမြှင့်မြောက်စားထားလျက် ပုန်ကန်ခြင်း မပြုသင့်ပါ။

ငယ်သူငယ်ချင်းဖြစ်သော်လည်း ဘုရင်နှင့် ဝေးဝေးနေသင့်ပါသည်။ လေးစားကြောက်ရွံ့မှုရှိရပါမည်။ ဘုရင်က ခေါ်၍ အတူတူ ကြွေအံ့ ကစားရခြင်းရှိလျှင်ပင် အနိုင်မကစားသင့်ပါ။ ယခုမူ အနိုင်ကစားရုံမက လက်ခမောင်းပင်ခတ်လိုက်ခြင်းမျာ မသင့်လျော်ပါ။ စောလူးမင်းက ရှက်ရမ်းရမ်း၍ မင်းယောက်ျား ပီသလျှင် သတ္တိရှိက ထောင်ထားခြားနားဟု ပြောလျှင်ပင် ဝန်ချတောင်းပန်သင့်ပါသည်။

ရာမန်ခန်းမှာ ကြွေအံကစားခြင်းသာ တော်သည်မဟုတ် စစ်ပရိယာယ်လည်း ကြွယ်သူဖြစ်သည်။

ပုဂံ ကမ်းလွန် ဧရာဝတီ မြစ်ကမ်း ပြည်တော်သာကျွန်းတွင် ရွှံ့နွံ့တော၌ ဝါးဖြင့်လုပ်သော ဆင်ရုပ်မြင်းရုပ် လူရုပ်များထောင်ထားပြီး ည အချိန် ကျန်စစ်သားနှင့် အင်အားတောင့်တင်းသော ပုဂံစစ်သားများကို စစ်မြှုပြီး ထောင်ခြောက်ထဲ၌ ပိတ်ဖမ်းခဲ့သည်။

စစ်နိုင်ချိန်၌ စောလူးမင်းကို မသတ်ဘဲ ကောင်းစွာ ပြုစု၍ တောင်းပန်ပြိး စစ်ရေး လေ့ကျင့်ခြင်းသာ ဖြစ်ကြောင်း လျောက်ထား အသနားခံပါက အသက်ဘေးမှ လွတ်မြောက်နိုင်သည်ကို မခန့်မှန်းမိဘဲ ဘုရင်ကို သတ်ခဲ့သဖြင့် ကျန်စစ်သား လွှတ်သော မုဆိုး ငဇင် လုပ်ကြံခြင်းခံရပြီး ကွယ်လွန်ခဲ့သည်။
- The Glass Palace Chronicles of Kings of Burma စာအုပ် PDF
ဦးဖေမောင်တင်နှင့် GH Luce ဘာသာပြန်ဆိုသော မှန်နန်းရာဇဝင် (The Glass Palace Chronicles of Kings of Burma )

ဒေါက်တာ မိုရှေရေးဂါး ရေးသားပြုစုတဲ့ မြန်မာ့မြေမှ မွတ်စလင်များ သမိုင်းစာအုပ်

ဒေါက်တာ မိုရှေရေးဂါး ရေးသားပြုစုတဲ့ မြန်မာ့မြေမှ မွတ်စလင်များ သမိုင်းစာအုပ်
January 10, 2013
အရည်အချင်းနှင့် လူမျိုး မည်သည့်အရာက အရေးကြီးသလဲ?

ဇန်နဝါရီ ၉၊၂၀၁၃
M-Media
တင်မင်းထွဋ်

လူမျိုးစွဲ၊ ပုဂ္ဂိုလ်စွဲ၊ ၀ါဒစွဲများသည် စွဲမြဲစွာလက်ကိုင်ထားသင့်သော အရာများမဟုတ်ပေ။ မိမိ မိသားစုကောင်စားရေး၊ မိမိ အသိုင်းအ၀န်းကောင်းစားရေးမှသည် မိမိ လူမျိုးကောင်းစားရေးတို့ကို ကြိုပမ်းဆောင်ရွက်ရာတွင် အခွင့်အရေးနှင့် အခွင့်အထူးခံများ ပေးခြင်းဖြင့် ရေရှည်တွင် မိမိလူမျိုး၏ အရည်အသွေးနှင့်တန်ဖိုးကို မြှင့်တင်ပေးရာမရောက်ဘဲ အခွင့်အရေးများကြောင့် မိမိလူမျိုးသည် အခြားသောလူများနှင့် နှိုင်းယှဉ်ပါက အရည်အချင်းများ ကျဆင်းနိုင်ကြောင်း သတိပြုသင့်လှပေသည်။

မြန်မာ့သမိုင်း၏ မြန်မာဘုရင်များ လက်ထက်တွင် မိမိလူမျိုး ၀ါဒကို ဦးစားပေးဆောင်ရွက်ခဲ့ကြသည်များ ရှိခဲ့သလို အခြားသော မတူကွဲပြားသော လူမျိုးစုများကိုလည်း လူမျိုးကိုမကြည့် အရည်အချင်းကို ကြည့်ကာ တန်ဖိုးရှိရှိ အသုံးချကာ ချီးမြှင့်မြှောက်စားခဲ့ကြသည်။ ပသီသွေးသောက်တပ်သားများ ၊ ကိုယ်ရံတော်တပ်များ ၊ ကမန်လေးသည်တော် တပ်များအပါအ၀င် လူမျိုးစုံတပ်များသည် မြန်မာဘုရင်များ လက်ထက်တွင် ထင်ရှားခဲ့သော အရည်အချင်းရှိ လူမျိုးမတူ ကွဲပြားခြားနားသည့် ယဉ်ကျေးမှုများရှိသော လူမျိုးများဖြစ်သော်လည်း အရည်အချင်းကြောင့် ချီးမြှင့်မြောက်စားခံခဲ့ကြရသည်။ မိမိလူမျိုးတစ်မျိုးတည်းသာ အခွင့်ထူးခံပေးကာ ချီးမြှင့်မြောက်စားခြင်းကို မြန်မာဘုရင်များ၏ သမိုင်းတွင် အလွန်အင်မတန်မှ ရှားလှပါသည်။

မြန်မာနိုင်ငံ၏ လွတ်လပ်ရေးကြိုးပမ်းမှုသမိုင်းများတွင်လည်း ဗိုလ်ချုပ်အောင်ဆန်း ဦးဆောင်သော အဖွဲ့အစည်းတွင်သာမက အခြားသော လွတ်လပ်ရေးရရှိရန်ဆောင်ရွက်ကြသည့် နယ်ပယ်စုံတွင် တိုင်းရင်းသားစုံ၊ လူမျိုးစုံမှ ကျရာကဏ္ဍမှ ဆောင်ရွက်ခဲ့ကြသည်။ ထိုစဉ်က အဖွဲ့အစည်းများတွင် လူမျိုး တစ်မျိုးတည်း ဆောင်ရွက်ခြင်း လုပ်ဆောင်ခြင်းမှာ အလွန်အင်မတန်မှ နည်းသလို အောင်မြင်မှုလည်း မရရှိကြောင်း သမိုင်းတွင်လေ့လာနိုင်သည်။ မတူကွဲပြားသော ယဉ်ကျေးမှုပေါင်းစုံ လူမျိုးအစုံ၏ အင်အားနှင့် တန်ဖိုးကိုလည်း ဂရုပြုသင့်လှသည်။

ယဉ်ကျေးမှုတစ်ခုတွင် အခြားသောလူမျိုးများ၏ ယဉ်ကျေးမှုအငွေ့အသက်များလည်း ပါဝင်နေသည်။ ယနေ့ခေတ်ကာလတွင် ကိုယ်ပိုင်ယဉ်ကျေးမှု မပျက်ယွင်းသော လူမျိုးစု အင်မတန်မှ နည်းပါးစွာ ရှိတော့သည်။

လူတစ်ဦး၏ အရည်အချင်းနှင့် တန်ဖိုးကို ၎င်း မွေးဖွာရာဒေသ၊ လူမျိုး၊ ကိုးကွယ်သည့်ဘာသာတို့ဖြင့် တိုင်းတာ၍ မရပေ။ ၎င်း၏ လုပ်ကိုင်နိုင်မှုစွမ်းရည်နှင့် ချင့်ချိန်သုံးသပ်မှုများကိုသာ အခြခံအားဖြင့် သတ်မှတ်ကြသည်။ လူတစ်ဦး၏ အရည်အချင်းနှင့်တန်ဖိုးကို မိမိဘာသာဆောင်ရွက်နိုင်မှသာ ရရှိနိုင်ပေသည်။ အရည်အချင်းနှင့်တန်ဖိုးကို အချိန်ကာလတစ်ခုသာ ချိုးနှိမ်ထားနိုင်သည်။ အစဉ်အမြဲ ထိန်းချုပ်မထားနိုင်ပေ။ အရည်အချင်းရှိ လူတစ်ဦးအနေဖြင့် မိမိဘ၀တက်လမ်းကို ကိုယ်တိုင်ရှာဖွေသွားနိုင်သည်။ ထိုသို့သော လူမျိုးများအတွက် အခွင့်အရေးများမလိုသလို အခွင့်ထူးခံရရှိရန်လည်း မလိုအပ်ပေ။

လူတစ်ဦး၏ ဘ၀သက်တမ်းတစ်ခုစာမျှဖြစ်ခဲ့သော စနစ်ဆိုးများအောက်တွင် နေထိုင်ခဲ့ရသော လူမျိုးစုံများတွင် ထိုစနစ်များ၏ ဆိုးကျိုးများထဲမှ တစ်ခုဖြစ်သော လူမျိုးရေးခွဲခြားခြင်းနှင့် လူမျိုးကြီးဝါဒကို လူမျိုးပေါင်းစုံ ခံစားခဲ့ရသည်။ ညီညွတ်ခြင်းသည် အောင်နိုင်မှုဖြစ်စေသောကြောင့် အိမ်ကြက်ချင်း အိုးမဲသုတ်ကာ ခွပ်စေခဲ့သည်မှာလည်း ခေတ် အဆက်ဆက်ဖြစ်စေခဲ့သည်။ ထိုအကျိုး တရားများ၏ ဆိုးမွေဖြစ်သော တိုင်းပြည်အတွင်း နေထိုင်ကြသူများတွင် အားနည်းသူလူမျိုးစုများ ၊ ဖိနှိပ်ခံလူမျိုးစုများတွင် အားငယ်စိတ်၊ အငုံစိတ်များ၊ တစ်ဘက်ဆွဲစိတ်ဓါတ်များ ရှင်သန်ခဲ့သည်။

ပညာရေးနိမ့်ကျခဲ့သော လူမျိုးစုများနှင့် ရှေးရိုးစွဲလွှမ်းမိုးမှုအားကောင်းသော လူမျိုးစုများတွင်လည်း အတွေးအခေါ်ဘက်မညီမှု နှင့် ကန့်သတ်ခံ ဦးနှောက်များလည်း ဖြစ်စေခဲ့သည်။ အရည်အချင်းသည် တန်းဖိုးရှိသောအရာမဟုတ်တော့ဘဲ အခွင့်အရေးများသည်သာ အားထားရာဖြစ်စေခဲ့သည်။ အခွင့်အရေးသည် အမြဲတမ်းရရှိနိုင်သည့် ကံကောင်းစေသောအရာများ မဟုတ်တော့သည်ကိုလည်း သတိပြုသင့်လှသည်။

မိမိလူမျိုး ၊ မိမိအသိုင်းအ၀န်း တိုးတက်ကောင်းစားရေးကို ဆောင်ရွက်ရာတွင် အခွင့်အရေး၊ အခွင့်ထူးခံများ ပေးခြင်းဖြင့် အရည်အချင်းကို မည်သို့မျှမတိုးတက်လာသလို ထိုအခွင့်ထူးခံရရှိသူ ပုဂ္ဂိုလ်များသည် အခြားတန်းတူ ပုဂ္ဂိုလ်များနှင့် နှိုင်းယှဉ်ပါက အရည်အချင်း ကွာခြားမှုများစွာရှိနေကြောင်း တွေ့နိုင်ပေသည်။ တန်းတူယှဉ်ပြိုင် အခွင့်အရေးပေးခြင်းဖြင့်သာ အရည်အသွေးကို တိုးတက်စေသည်။ ထိုသို့ဆောင်ရွက်ရာတွင်လည်း မိမိလူမျိုးမှ တခြားမတူကွဲပြားလူမျိုးများနှင့် နှိုင်းယှဉ်ကာ မည်သည့်ဘက်တွင် အားသာချက်ရှိသည်၊ မည်သည့်ဘက်တွင် အားနည်းချက်များစွာရှိနေသည်ကို သိထား လေ့ကျင့်ပေးထားမှသာ မိမိလူမျိုး၏ အရည်အသွေးကိုတိုးတက်စေနိုင်သည်။ အခွင့်ထူးခံပေးခြင်းဖြင့် ရေရှည်တွင် အရည်အချင်း မရလာနိုင်ပေ။

တစ်ချိန်က လူကြီးသူမများသည် ဆန်ရင်းနာနာဖွတ်ဆိုသည့် စကားအတိုင်း မိမိတို့၏ မိရိုးဖလာ အသက်မွေးဝမ်းကြောင်း လုပ်ငန်းများတွင် မိမိတို့၏ သားမြေး ဆက်ခံမည့်သူများကို သူများထက် နာနာဖွတ်ကာ တန်ဖိုးတက်စေ၊ အုပ်ချုပ်စေနိုင်ခဲ့သည်။ မည်သူမှ ကိုယ့်မျက်ဝတ်ကို ကိုယ်မမြင်နိုင်ကြပေ တခြားသူ၏ မျက်ဝတ်ကိုသာ မြင်၍ ဝေဖန်နိုင်ခဲ့ကြသည်။ အခြားသူများမှ မိမိမျက်ဝတ်ကို ဝေဖန်လာသော အမြင်များကိုလည်း နားထောင်ကာ ပြုသင့်ဆောင်ရွက်သင့်သည်များကိုလည်း လုပ်ဆောင်သင့်ပေသည်။ ထိုနေရာတွင် မိမိလူမျိုးတွင် အားနည်းချက်လုံးဝ မရှိဟူသော တစ်ဘက်စွဲ စိတ်ကိုလည်း ခေတ္တမေ့ထားသင့်သည်။

မိမိလူမျိုးများ၏ အားနည်းချက်များကို သိုဝှက်မှုမရှိ ရှာဖွေကာ အားနည်းချက်များကို တတ်နိုင်သလောက် ပြုပြင်ရပါမည်။ ယနေ့အချိန်အခါတွင် အလုံးစုံပြီးပြည့်စုံသော လူသားလူ့အဖွဲ့အစည်း မည်သည့်နေရာတွင်မျှ မရှိသေးပါ။ အရည်အချင်းနှင့် အရည်အသွေးတို့သည် ချက်ချင်းလက်ငင်း လုပ်ယူဆောင်ရွက်လို့ ရသည့် အရာများမဟုတ်ပေ။ အဆင့်ဆင့်ဆောင်ရွက်ကြရသည်များသာ ဖြစ်သည်။

အငုံစိတ်များဖြစ်ပေါ်နေသော လူ့အဖွဲ့အစည်း၊ အဖိနှိပ်ခံလူ့အဖွဲ့အစည်းကို အရည်အချင်းမြှင့်တင်ပေးရန် အထူးလိုအပ်လှနေပေသည်။ အဖိနှိပ်ခံလူ့အဖွဲ့အစည်းကို အခွင့်အရေး၊ အခွင့်ထူးခံများပေးခြင်းသည် ဆေးမြီးတိုဖြင့် ကုသခြင်းဖြစ်ပြီး ရေရှည်တွင် အရည်အချင်း တိုးတက်ရရှိမှု အလွန်နည်းပါးသည်။ အငုံစိတ်၊ ဖိနှိပ်ခံရသော စိတ်ဓါတ်များကို အင်အားအသွင်ပြောင်းလဲကာ အရည်အချင်း တိုးတက်စေနိုင်သည်။ အလွန်တရာ ဖိနှိပ်ခံရသော ရိုဟင်ဂျာလူမျိုးစုများမှ ကမ္ဘာနှံ့ ထွက်ပြေး လွတ်မြောက်ခဲ့သော ရိုဟင်ဂျာများသည် စိတ်ဓါတ်ပြောင်းလဲကာ အသိပညာရှင် ၊ အတတ်ပညာရှင်များ ဖြစ်နေသည်ကို လက်တွေ့မြင်တွေ့နေရသည်။ ဖိနှိပ်ခံစိတ်၊ အငုံစိတ်များကို အင်အားတစ်ခုအဖြစ် ပြောင်းလဲကာ အခွင့်အရေးမရှိ အရည်အချင်းဖြင့်သာ ရရှိခဲ့သည်မှာ လက်တွေ့ပင်ဖြစ်သည်။

မြန်မာနိုင်ငံ၏ ဈေးကွက်စီးပွားရေး တံခါများတစ်ချပ်ပြီး တစ်ချပ်ဖွင့်ဟလာတော့မည်ဖြစ်ရာ လက်သင့်ရာ စားတော်ကဲ ခေါ်သည့် ခေတ်များမကြာမှီ ပျောက်ဆုံးတော့မည်ဖြစ်သည်။ အရည်အချင်းသည် အခရာ ကျလာပေတော့မည်။ ထိုအခါတွင် တန်ဖိုးကျနေသော အရည်အချင်း လျော့နည်းနေသော မိမိလူမျိုး ကောင်စားရေး အမြင်များဖြင့်လုပ်ကိုင်နေသော စီးပွားရေးလုပ်ငန်းများ၏ အလားအလာသည် အလွန်စိုးရိမ်ဖွယ်ရာ ဖြစ်နေသည်။ စီးပွားရေးနှင့် လူမျိုးစွဲ၊ ဘာသာစွဲကို ရောထွေးမနေသင့်ပေ။

နိုင်ငံတကာလုပ်ငန်းများသည် အရည်အချင်းသာ အဓိကဖြစ်သည်။ လူမျိုး ၊ ဘာသာသည် အရေးမကြီးပေ။ စွမ်းရည်အပေါ်မှသာ အကဲဖြတ်ကြပေသည်။ ထိုအခါ နိုင်ငံတကာနှင့် ယှဉ်ပြိုင်ရမည့် ပြည်တွင်းစီးပွားရေးလုပ်ငန်းများသည်လည်း အရည်အချင်းကို တန်ဖိုးထားမလား၊ အစွဲများကို ဦးစားပေးရင်း မိမိတို့လုပ်ငန်းများ ကျဆုံးခံမလား ဆုံးဖြတ်ရမည် ဖြစ်သည်။ မိမိလူမျိုးကို ဦးစားပေးသောအစွဲများကို ဆက်လက် လက်ကိုင်ထားမည်ဆိုရင်လည်း မိမိလူမျိုး၏ အရည်အချင်းများကို တန်ဖိုးရှိအောင် ချွန်ထားသင့်သည့် အချိန်ရောက်နေပြီဖြစ်သည်။

တင်မင်းထွဋ်

January 9, 2013