News @ M-Media

Category: ဆောင်းပါး

  • ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံ အခြေခံဥပဒေ (၂၀၀၈) အရ ဘာသာရေး လွတ်လပ်ခွင့်

    justice3

    ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံ အခြေခံဥပဒေ (၂၀၀၈) အရ ဘာသာရေး လွတ်လပ်ခွင့်

    ၂၀၀၈ခုနှစ်၊ ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေ အခန်း(၈) နိုင်ငံသား၊ နိုင်ငံသားများ၏ မူလအခွင့်အရေးနှင့်တာဝန်များ အခန်းတွင် နိုင်ငံတော်က အသိ အမှတ်ပြုသော ဘာသာသာသနာများ၊ နိုင်ငံသားတို့ကိုးကွယ်ယုံကြည်ရာ ဘာသာသာသနာ ဆိုင်ရာအခွင့်အရေး နှင့်တာဝန်များကိုပြဋ္ဌာန်းပေးထားသည်။

    ပုဒ်မ ၃၆၁ တွင် “နိုင်ငံတော်သည် ဗုဒ္ဓဘာသာသာသနာတော်ကို နိုင်ငံတော်၏ နိုင်ငံသား အများဆုံးကိုးကွယ်ရာဖြစ်သော ဂုဏ်ထူးဝိသေသနှင့်ပြည့်စုံသည့် ဘာသာ သာသနာဖြစ်သည်ဟုနိုင်ငံတော်က အသိအမှတ်ပြုသည်” ဟူ၍၄င်း၊

    ပုဒ်မ ၃၆၂ တွင် “နိုင်ငံတော်သည် ခရစ်ယာန်ဘာသာသာသနာ၊ အစ္စလာမ်ဘာသာ သာသနာ၊ ဟိန္ဒူဘာသာသာသနာနှင့် နတ်ကိုးကွယ်သောဘာသာ တို့ကို ဤဖွဲ့စည်းပုံအခြေခံ ဥပဒေအာဏာတည်သောနေ့၌ နိုင်ငံတော်တွင်ရှိနေကြသော ကိုးကွယ်ရာဘာသာများဟူ၍ အသိအမှတ်ပြုသည်” ဟူ၍၄င်း၊ နိုင်ငံတော်က အသိအမှတ်ပြုသော ဘာသာ သာသနာများကို ဖော်ပြပြဋ္ဌာန်းထားပါသည်။

    ပုဒ်မ ၃၆၃ တွင် “နိုင်ငံတော်သည် အသိအမှတ်ပြုထားသော ဘာသာသာသနာများကို တတ်နိုင်သမျှ ကူညီစောင့်ရှောက်မည်´´ ဟူ၍ ဖော်ပြပြဋ္ဌာန်းပါရှိသည်ကိုတွေ့ရပြီး နိုင်ငံတော်က အသိအမှတ်ပြုထားသော ဘာသာသာသနာများ အားလုံးအပေါ်တွင် ခွဲခြားခြင်းမရှိဘဲ သာတူညီမျှ ကူညီစောင့်ရှောက်မည်ဖြစ်ကြောင်းတွေ့နိုင်သည်။

    ပုဒ်မ ၃၅၄ အရ “နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာ အေးချမ်းသာယာရေး သို့မဟုတ် ပြည်သူတို့၏ ကိုယ်ကျင့် တရားအကျိုးငှာ ပြဋ္ဌာန်းထားသည့် ဥပဒေ များနှင့် မဆန့်ကျင်လျှင်

    * မိမိ၏ ယုံကြည်ချက်၊ ထင်မြင်ယူဆချက်များကို လွတ်လပ်စွာထုတ်ဖော်ပြောဆိုခွင့်၊ရေးသားဖြန့်ဝေခွင့်၊

    * အသင်းအဖွဲ့သို့မဟုတ် အစည်းအရုံးများ ဖွဲ့စည်းဆောင်ရွက်ခွင့်၊

    * တိုင်းရင်းသားလူမျိုးတစ်မျိုးနှင့်တစ်မျိုး သို့မဟုတ် တိုင်းရင်းသားလူမျိုး အချင်းချင်းကိုလည်းကောင်း၊ အခြားဘာသာသာသနာ ကိုလည်းကောင်း ထိခိုက်နစ်နာမှုမရှိစေဘဲ မိမိချစ်ခင်မြတ်နိုးသည့် စကား၊ စာပေ၊ ယဉ်ကျေးမှု၊ ကိုးကွယ်သည့် ဘာသာသာသနာနှင့် ဓလေ့ထုံးတမ်းများကို လွတ်လပ်စွာ ဆောင်ရွက်ပိုင်ခွင့်၊အခွင့်အရေးများကို လွတ်လပ်စွာ သုံးစွဲဆောင်ရွက်ခွင့်ရှိပါသည်။  [၂၀၀၈ခုနှစ်ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေ ပုဒ်မ ၃၅၄ (က)၊ ၃၅၄(ဂ)၊ ၃၅၄(ဃ)]

    ပုဒ်မ ၃၄၈ တွင် ” နိုင်ငံတော်သည် ပြည်ထောင်စုသမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ ရာထူးဌာနန္တရ၊ အဆင့်အတန်း၊ ယဉ်ကျေးမှု၊အမျိုးသား၊ အမျိုးသမီး၊ ဆင်းရဲချမ်းသာ တို့ကို အကြောင်းပြု၍ ခွဲခြားမှုမရှိစေရ”  ဟူ၍၄င်း၊

    ပုဒ်မ ၃၅၂ တွင် ” နိုင်ငံတော်သည် အလုပ်အကိုင်ခန့်ထားရာတွင်ဖြစ်စေ၊ နိုင်ငံ့ဝန်ထမ်း ရွေးချယ်တာဝန်ပေးရာတွင်ဖြစ်စေ သတ်မှတ်သော အရည်အချင်းနှင့်ပြည့်စုံပါက ပြည်ထောင်စု သမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာ ဘာသာသာသနာ၊အမျိုးသား၊ အမျိုးသမီး ကိုအကြောင်းပြုလျက် ရာထူးရွေးချယ် ခန့်ထားခြင်းကို ခွဲခြားမှုမပြုရ . . .” ဟူ၍၄င်း၊

    ပုဒ်မ ၃၆၈ တွင် “နိုင်ငံတော်သည် ပညာရည်ထူးချွန်သော နိုင်ငံသားများအား လူမျိုး၊ ကိုးကွယ်ရာဘာသာ၊ အမျိုးသား၊ အမျိုးသမီး ခွဲခြားမှုမထားရှိဘဲယင်းတို့၏အရည်အချင်းအလိုက် ချီးမြှောက်ထောက်ပံမည်”  ဟူ၍၄င်း၊ဖော်ပြထားရာ ပြည်ထောင်စုသမ္မတမြန်မာနိုင်ငံတော်အတွင်းတွင် ကိုးကွယ်ရာဘာသာ သာသနာ နှင့်ပတ်သက်၍ နိုင်ငံသားတို့၏လွတ်လပ်ခွင့်နှင့် ကိုးကွယ်ရာဘာသာသာသနာကို အကြောင်းပြု၍ နိုင်ငံသားတို့၏ အခွင့်အရေးကို ခွဲခြားဆက်ဆံမှု မရှိစေရန် ပြဋ္ဌာန်းချက်များဖြစ်၍ ပြည်ထောင်စု မြန်မာနိုင်ငံတော် အတွင်းတွင် နိုင်ငံတော်က အသိအမှတ်ပြု ထားသော ဘာသာ သာသနာများ၏ သာတူညီမျှ အခွင့်အရေးကိုဖော်ဆောင်ပေးထားခြင်းပင်ဖြစ်သည်။

    ပုဒ်မ ၃၆၄ တွင် ” နိုင်ငံရေးကိစ္စအလို့ငှာ ဘာသာသာသနာကို အလွဲသုံးစားမပြုရ။ ထို့ပြင် လူမျိုးရေးကြောင့်သော် လည်းကောင်း၊ ဘာသာရေးကြောင့်သော် လည်းကောင်း တစ်ဖက်နှင့် တစ်ဖက်၊ တစ်ဂိုဏ်းနှင့် တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုးမျိုးပေါ်ပေါက် လာစေရန် ရည်ရွယ်သော သို့မဟုတ် ပေါ်ပေါက်လာရန်အကြောင်းရှိသော အပြုအမူသည် ဤဖွဲ့စည်းပုံ အခြေခံဥပဒေနှင့် ဆန့်ကျင်သည်။ ထိုအပြုအမူမျိုး အတွက် ပြစ်ဒဏ်ပေးနိုင်ရန် ဥပဒေပြဋ္ဌာန်းနိုင်သည်။”  ဟူ၍ ပြဋ္ဌာန်းပါရှိရာ လူမျိုးရေး၊ ဘာသာရေးကြောင့် တစ်ဖက်နှင့်တစ်ဖက်၊တစ်ဂိုဏ်းနှင့် တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုးမျိုး ပေါ်ပေါက်လာစေရန် ရည်ရွယ်သော၊ သို့မဟုတ် ပေါ်ပေါက်လာစေရန် အကြောင်းရှိသော အပြုအမူသည် ဖွဲ့စည်းပုံအခြေခံဥပဒေနှင့် ဆန့်ကျင်သော အပြုအမူဖြစ်၍ ပြစ်မှုပြစ်ဒဏ် ထိုက်သင့်မည်ဖြစ်သည်။ ပြစ်ဒဏ်ပေးနိုင်ရန်  ဥပဒေပြဋ္ဌာန်းနိုင်ကြောင်းလည်းဖော်ပြ ပြဋ္ဌာန်းထားသည်။

    ယခုလက်ရှိတွင် ပြစ်မှုဆိုင်ရာဥပဒေ (ယခင် ရာဇသတ်ကြီး) အခန်း ၁၅၊ ဘာသာသာသနာ ဆိုင်ရာပြစ်မှုများအခန်းတွင် ကိုးကွယ်ရာဘာသာ သာသနာအရေးနှင့် စပ်လျဉ်း၍ ပြစ်မှုမြောက်စေ မည့် အင်္ဂါရပ်များ၊ ပြစ်မှုကျူးလွန်သူတို့ ထိုက်သင့်မည့်ပြစ်ဒဏ်များကိုပြဋ္ဌာန်းထားသည်။

    ၂၀၀၈ခုနှစ်ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေ အခန်း(၁၄)၊ ကူးပြောင်းရေးကာလ ပြဋ္ဌာန်းချက်များအခန်း ပုဒ်မ ၄၄၆ တွင် ” တည်ဆဲ ဥပဒေများသည် ပြည်ထောင်စု လွှတ်တော်က ပယ်ဖျက်ခြင်း၊ ပြင်ဆင်ခြင်း မပြုသေးမီ ဤဖွဲ့စည်းပုံအခြေခံဥပဒေနှင့် မဆန့်ကျင်သမျှ အတည်ဖြစ်သည်။”  ဟုပြဋ္ဌာန်းပါရှိသည်။

    ထို့ကြောင့် လက်ရှိကာလတွင် ယခုထက်တိုင်တည်ဆဲဥပဒေတစ်ရပ်ဖြစ်သော ပြစ်မှုဆိုင်ရာဥပဒေ (ယခင် ရာဇသတ်ကြီး) ပါပြဋ္ဌာန်းချက်များကို ဆန့်ကျင်၍ ဘာသာသာသနာ ဆိုင်ရာပြစ်မှုများကိုကျူးလွန်ပါက ၄င်းဥပဒေအရ အပြစ်ပေးအရေးယူခြင်းခံရမည် ဖြစ်သည်။

    ပြစ်မှုဆိုင်ရာဥပဒေ (ယခင် ရာဇသတ်ကြီး)

    အခန်း ၁၅

    ဘာသာသာသနာဆိုင်ရာပြစ်မှုများ

    ပုဒ်မ ၂၉၅။ ။

    လူတစားကိုးကွယ်သည့်ဘာသာသာသနာကိုစော်ကားရန်အကြံဖြင့် ကိုးကွယ်ဝတ်ပြုသောနေရာကိုဖျက်ဆီးခြင်း၊ သို့တည်းမဟုတ်ယုတ်ညံ့စေခြင်း။

    လူတစားကိုးကွယ်သည့် ဘာသာသာသနာကို စော်ကားရန်အကြံဖြင့်ဖြစ်စေ၊ ကိုးကွယ် ၀တ်ပြုသောနေရာကိုသော်လည်းကောင်း၊ အထွဋ်အမြတ်ထားသော အရာဝတ္ထုကိုသော်၎င်း၊ ဖျက်ဆီးခြင်းသည် သို့တည်းမဟုတ် ပျက်စီးနစ်နာစေ ခြင်းသည်၊ သို့တည်းမဟုတ် ယုတ်ညံ့စေ ခြင်းသည်၊ ထိုဘာသာသာသနာကိုစော်ကားသည်ဟု လူ တစားက ယူဆတန်ရာသည်ကို သိလျက်နှင့်ဖြစ်စေ မည်သူမဆို၊ ထိုလူတစားက ဘာသာသာသနာ ရေးဆိုင်ရာ ကိုးကွယ်ဝတ်ပြုသောနေရာကိုသော်၎င်း၊ အထွဋ်အမြတ်ထားသော အရာဝတ္ထုကိုသော် ၄င်း ဖျက်ဆီးလျှင် သို့တည်းမဟုတ် ပျက်စီးနစ်နာစေလျှင်၊ သို့တည်းမဟုတ် ယုတ်ညံ့စေလျှင်၊ ထိုသူကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ် ရမည်။

    ပုဒ်မ ၂၉၅-က။ ။

    လူတစားကိုးကွယ်သည့် ဘာသာ သာသနာကိုဖြစ်စေ၊ ဘာသာရေးယုံကြည်မှုကိုဖြစ်စေ၊ စော်ကားခြင်းဖြင့်၊ ထိုလူတစား၏ ကိုးကွယ်ရာဘာသာရေး စိတ်ဓာတ်ကို နာကြည်းစေရန် ကြံရွယ်၍ မသမာစိတ်ဖြင့် တမင်ကျူးလွန်သောပြုလုပ်မှုများ။

    ပြည်ထောင်စုနိုင်ငံတော်တွင် နေထိုင်သော လူတစား၏ ဘာသာရေးစိတ်ကို နာကြည်းစေ ရန် တမင်မသမာသောအကြံဖြင့် မည်သူမဆို၊ စကားဖြင့်ဖြစ်စေ၊ စာဖြင့်ဖြစ်စေ၊ ထင်ရှားသော ပုံသဏ္ဍာန်ဖြင့်ဖြစ်စေ၊ ထိုလူတစားကိုးကွယ် သည့်ဘာသာသာသနာကိုသော်၎င်း၊ ဘာသာ သာသနာရေးယုံကြည်မှုကိုသော်၎င်း၊ စော်ကားလျှင်၊ သို့တည်းမဟုတ် စော်ကားရန်အား ထုတ်လျှင်၊ ထိုသူကို နှစ်နှစ်ထိထောင်ဒဏ် တမျိုးမျိုးဖြစ်စေ၊ ငွေ ဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရ မည်။

    ပုဒ်မ ၂၉၆။ ။ ဘာသာသာသနာရေးဆိုင်ရာအစုအဝေးကိုနှောင့်ယှက်ခြင်း။

    ဥပဒေနှင့်အညီ ဘာသာသာသနာရေးဆိုင်ရာ ကိုးကွယ်ဝတ်ပြုခြင်းပြုနေသော၊ သို့တည်းမ ဟုတ် ဘာသာသာသနာရေးဆိုင်ရာ အခမ်းအနားကို ကျင်းပနေသော အစုအဝေးတစ်ခုခုအား မည်သူမဆို၊ မိမိအလိုအလျောက် အနှောင့်အယှက်ဖြစ် စေလျှင်၊ ထိုသူကို တနှစ်ထိ ထောင်ဒဏ် တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

    ပုဒ်မ ၂၉၇။ ။ သင်္ချိုင်း စသော နေရာအရပ်များကို ကျူးကျော်စော်ကားခြင်း။

    တဦးတယောက်သောသူ၏ စိတ်ကို နာစေရန်အကြံဖြင့်ဖြစ်စေ၊ တဦးတယောက် ကိုးကွယ် သည့် ဘာသာသာသနာကို စော်ကားရန်အကြံဖြင့်ဖြစ်စေ တဦးတယောက်သောသူ၏ စိတ်ကို နာစေတန်ရာသည်ကို၊ သို့တည်းမဟုတ် တဦး တယောက်သောသူ ကိုးကွယ်သည့် ဘာသာ သာသနာကို စော်ကားတန်ရာသည်ကို သိလျက်နှင့် ဖြစ်စေ မည်သူမဆို၊ ကိုးကွယ် ၀တ်ပြုသော နေရာ၌သော်၎င်း၊ သင်္ချိုင်း၌သော်၎င်း၊ မသာအခမ်းအနား ဆောင်ရွက်ရန် သီးသန့်ထားသည့် နေရာ၌သော်၎င်း၊ လူသေအလောင်းထားရန် သီးသန့် နေရာ၌သော်၎င်း ကျူးကျော်စော်ကားလျှင်၊ သို့တည်းမဟုတ် လူသေအလောင်းကို မဖွယ်မရာပြု လျှင်၊ သို့တည်းမဟုတ် မသာအခမ်းအနား ကျင်းပဆောင်ရွက်ရန် စုဝေးနေသူတို့ကို အနှောင့် အယှက်ဖြစ်စေလျှင်၊ ထိုသူကို တနှစ်ထိ ထောင်ဒဏ် တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

    ပုဒ်မ ၂၉၈။ ။

    ဘာသာရေးစိတ်ကို နာစေရန် တမင်ကြံရွယ်၍၊ စကား စသည်များကိုပြောဆိုခြင်း။

    တဦးတယောက်သောသူ၏ ဘာသာရေးစိတ်ကို နာစေရန်တမင်ကြံ၍၊ မည်သူမဆို၊ ထိုသူကြားလောက်သောနေရာ၌ စကားပြောဆိုလျှင်၊ သို့တည်းမဟုတ် အသံတခုခုကိုပြုလျှင်၊ သို့တည်းမဟုတ် ထိုသူမြင်လောက်သောနေရာ၌ ကိုယ်အမူအရာတခုခုကိုပြုလျှင်၊ သို့တည်းမဟုတ် အရာဝတ္ထုတခုခုကိုထားလျှင် ထိုသူကို တနှစ်ထိ ထောင်ဒဏ် တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ရမည်။

    source: ဥပဒေရေးရာ

  • သန့်ရှင်းသော ကော်မရှင် ဖြစ်စေချင် (သို့) ဒေါက်တာအေးမောင်ကို ဖယ်ရှားပါ

    ဇန်နဝါရီ ၃၁၊ ၂၀၁၃
    M-Media
     စိန်စံထိုက် (ဟံသာမြေ)

    သန့်ရှင်းသော ကော်မရှင် ဖြစ်စေချင် (သို့မဟုတ်) ဒေါက်တာအေးမောင်ကို ဖယ်ရှားပါ

    Dr-Aye-Mg

    ရခိုင်ပဋိပက္ခ စုံစမ်းစစ်ဆေးရေးကော်မရှင်တွင် အဖွဲ့ဝင်အဖြစ်ပါဝင်သော ရခိုင်အမျိုးသားတိုးတက်ရေး ပါတီ ဥက္ကဋ္ဌ ဒေါက်တာအေးမောင်အား ကော်မရှင်မှ ထုတ်ပယ်ခြင်း ပြုသင့်ပါသည်။

    ဒေါက်တာအေးမောင်သည်ကော်မရှင် အဖွဲ့ဝင်တစ်ဦး၏စံနှုန်းနှင့် မကိုက်ညီဘဲ အတ္တကြီး၍ ရန်လိုသူ တစ်ဦးဖြစ်ကြောင်း ပြည်တွင်းထုတ် ဂျာနယ်များ၏ ဖေါ်ပြချက်အရ အထင်အရှား တွေ့မြင်နိုင်ပါသည်။

    သုံးသပ်ချက်အချို့ကို ဂျာနယ်များမှ ကိုးကားချက်များနှင့်တကွ အောက်တွင် စုစည်း တင်ပြလိုက်ပါသည်။

    ၁။ ကော်မရှင်မဖွဲ့မီ (၂)ရက်အလို (၁၅.၈. ၂၀၁၂) ရက်စွဲဖြင့် ထုတ်ဝေသော (newday news) ဂျာနယ်တွင် ဒေါက်တာအေးမောင်သည် (ရခိုင် ပဋိပက္ခနှင့် ပက်သက်၍ စုံစမ်းစစ်ဆေးရေး ကော်မရှင်ဖွဲ့ရန် မလိုပါ) ဟု အတိအလင်း ပြောဆိုခဲ့ပါသည်။

    (မှတ်ချက်) ဒီလိုလူကို ဘာကြောင့် ကော်မရှင်ထဲ ပါဝင်စေတာလဲ ဆိုတာကို စဉ်းစားကြဖို့ လိုပါသည်။

    ၂။ (၃၀.၁၀.၂၀၁၂) နေ့စွဲဖြင့် ထုတ်ဝေသော (Flower News) ဂျာနယ်တွင် (Flower News) သတင်းထောက်မှ ဒီလို ပဋိပက္ခဖြစ်တာ    ဘယ်သူ့မှာ တာဝန်အရှိဆုံးလဲ ဟု မေးမြန်းသည်ကို ဒေါက်တာအေးမောင်မှ ပြည်ထောင်စု အစိုးရ နဲ့ ပြည်နယ်အစိုးရမှာ လုံးဝ တာဝန်ရှိပါတယ် ဟု ပြောဆိုခဲ့ပါသည်။

    (မှတ်ချက်)ဒေါက်တာအေးမောင်၏ ပြောကြားချက်မှာပြည်ထောင်စု အစိုးရနှင့်ပြည်နယ်အစိုးရကိုပြည်သူလူထုမှ အကြည်ညို ပျက်အောင် ပြောဆိုခြင်း ဖြစ်ပါသည်။

    ၃။ (၃၀.၁၀.၂၀၁၂) နေ့ထုတ် မြန်မာပို့စ် ဂျာနယ် ဖော်ပြချက်၌ ဒေါက်တာအေးမောင်မှ ပြောဆိုခဲ့ရာတွင် –    “ရခိုင် ပြဿနာ ဗမာပြည်ကို ကူးရင် ဒီနေ့ကူးရင် မနက်ဖြန် ရပ်သွားမယ်။ ရန်ကုန်မှာ ရခိုင်နဲ့ မဟုတ်ဘဲ ဗမာနဲ့ပြဿနာကြီးဖြစ်တော့မယ်ဆိုရင်  အခုဖြစ်နေတာတွေ ငြိမ်သွားလိမ့်မယ်။ အဲဒီပုဂ္ဂိုလ်တွေက မလုပ်သင့်တော့ဘူးလို့ ယူဆရင် ငြိမ်သွားလိမ့်မယ်။” ဟု ပြောဆိုခဲ့ပါသည်။

    (မှတ်ချက်)ဤသို့ဖော်ပြချက် အရဒေါက်တာအေးမောင်သည်ပြဿနာကို ရန်ကုန်ဘက်သို့ကူးစက်စေရန် လှုံ့ဆော်သည့် အခြေအနေ တစ်ရပ်ဖြစ်ကြောင်း တွေ့ရှိရမည် ဖြစ်ပေသည်။

    ၄။ (၂.၁၁.၂၀၁၂) နေ့စွဲဖြင့် ထုတ်ဝေသေမြန်မာဂလိုဘယ်လ် ဂျာနယ်၏ ဖေါ်ပြချက်တွင် – (၂၈.၁၀.၂၀၁၂)နေ့တွင် ရခိုင်ပြည်နယ် အချက်အလက်များ စုစည်း ပြောကြားနိုင်ရန် ရန်ကုန်ရောက် ရခိုင် ကိုယ်စားပြု ပြောရေးဆိုခွင့် အဖွဲ့ကို ဖွဲ့စည်းကြောင်း၊ ဤသည်ကို ဒေါက်တာအေးမောင်မှ ပြောဆိုကြောင်း၊ ထိုအဖွဲ့ကို ရန်ကုန်ရောက် ရခိုင်ကွန်ယက် အသင်းအဖွဲ့အသီးသီးမှ လူပေါင်း (၁၅၀) ခန့်နှင့် ပြောရေးဆိုခွင့် အဖွဲ့တင် (၂၇) ဦး ပါဝင်ပြီး ထိုပြောရေးဆိုခွင့် အဖွဲ့တွင် ဒေါက်တာအေးမောင် ပါဝင်ကြောင်း အကျယ်တ၀င့် ရေးသားထားသည်ကို တွေ့ရပါမည်။

    (မှတ်ချက်) ဤဖော်ပြချက်အရဒေါက်တာအေးမောင်သည်နိုင်ငံတော်မှ ဖွဲ့စည်းထားသောကော်မရှင် အဖွဲ့ဝင်တစ်ဦးဖြစ်ပါလျက် ရခိုင်များသာ ပါဝင်သော ပြောရေးဆိုခွင့် အဖွဲ့ တစ်ဖွဲ့ကို ထပ်မံ ဖွဲ့စည်းခြင်းမှာနိုင်ငံတော်မှ တရားဝင် ဖွဲ့စည်းထားသော ကော်မရှင်ကို မထီမဲ့မြင်ပြုရာ ၊ ဆန့်ကျင်ရာ ရောက်သည့် အပြင် ပဋိပက္ခ ဖြစ်သော အုပ်စုတစ်စုကို ကိုယ်စားပြုသောကြောင့် လူမျိုးအခွဲ ၀ါဒရှိကြောင်း ပေါ်လွင်ပါသောကြောင့် ကော်မရှင် အဖွဲ့ဝင်အဖြစ် ပါဝင်ခြင်းမှာ လုံးဝ မသင့်လျော်ပါဟု သုံးသပ်ခြင်း ပြုရမည် ဖြစ်ပေသည်။

    ၅။ ထို့အပြင် ရခိုင်အမျိုးသား တိုးတက်ရေးပါတီမှ  (၂၀၁၃) ခုနှစ် ပြက္ခဒိန် ထုတ်ဝေရာတွင်  မသီတာထွေးရုပ်ပုံဖြင့် ထုတ်ဝေခြင်း ပြုခဲ့ပါသည်။

    (မှတ်ချက်) ဤသို့ ပြုလုပ်ခြင်းမှာ ပြဿနာ ပြန်လည်ဖြစ်ပေါ်အောင် နှိုးဆွခြင်း ဖြစ်သည်ဟု ယူဆရပါသည်။

    အထက်ဖေါ်ပြပါ အခြေအနေ ၊ အကြောင်းအရာများကြောင့်ဒေါက်တာအေးမောင်သည် နိုင်ငံတော်မှ ဖွဲ့စည်းထားသော (ကော်မရှင်) အဖွဲ့ဝင် အဖြစ်မှ ထုတ်ပယ်ခြင်း ပြုသင့်ပါကြောင်း သန့်ရှင်းသော ကော်မရှင် ဖြစ်စေချင်သည့် ဆန္ဒဖြင့် အလေးအနက် သုံးသပ်မိပါသည်။

     

     စိန်စံထိုက် (ဟံသာမြေ)

    ဆောင်းပါးရှင်၏ အမြင်နှင့် အာဘော်သာဖြစ်ပါသည်။

  • မွှေးပျံ သင်းကြိုင် ရနံ့စုံ လှိုင်တဲ့နေ့

    ဇန်နဝါရီ ၂၅ ၊ ၂၀၁၃
    စိန်စံထိုက် (ဟံသာမြေ)
    M-Media

    ၂၀. ၁. ၂၀၁၃ တနင်္ဂနွေနေ့ နေ့လည် (၃) နာရီခန့်တွင် strand hotel ခန်းမကြီးအတွင်းမှာ ရနံ့စုံသင်းပျံတဲ့ ပန်းဥယျာဉ်ကြီးတစ်ခု ကောင်းကင်က ခုန်ဆင်းလာသလား မှတ်ရအောင် မွှေးပျံသင်းကြိုင် ရနံ့စုံလှိုင် ခဲ့ပါတယ်…။

    အကြောင်းကတော့ ကျဆုံးလေပြီးသော အာဇာနည်ခေါင်းဆောင်ကြီးများအား ဂုဏ်ပြုပွဲနှင့် ဆရာကြီး ဦးရာဇတ်၏ (၁၁၅) နှစ်မြောက် အထိမ်းအမှတ် အခမ်းအနားပွဲကြီးကို လူမျိုးစုံ၊ ဘာသာစုံတို့မှ ရဟန်းသံဃာ ၊ လူငယ်၊ လူကြီး အလွှာစုံမှ စုဝေးရောက်ရှိကာ နိုင်ငံကျော် အနုပညာရှင်များမှမြန်မာ့ ဇာတိသွေး ဇာတိမာန် တက်ကြွ စေမည့် အမျိုးသားရေး တေးသီချင်းများ သီဆိုခြင်းမှာ တက်ရောက်လာကြသူ ပရိသတ် အားလုံး ကြက်သီးမွှေးညှင်းများ ထလောက်အောင် မျိုးချစ်စိတ်များ တဖွားဖွား ပေါ်ပေါက်ခဲ့ရသောကြောင့်ပင် ဖြစ်လေသည်။

    13

    တေးသီချင်းများကို နားသောတဆင်ရင်း  နိုင်ငံတော်၏ ဆောင်ပုဒ်တစ်ခုဖြစ်သော “မျိုးချစ်စိတ်ဓာတ် ရှင်သန်ထက်မြက်ရေး” ဟူသောဆောင်ပုဒ်ကို အကောင်အထည် ဖော်နေသည့်အလား နှလုံးသားထဲ စွဲမှတ် ခံစားမိလျက်သား ဖြစ်ခဲ့ရပါသည်။

    အခမ်းအနားမှာကြွရောက်လာကြတဲ့ ဗုဒ္ဓဘာသာ ရဟန်းသံဃာတော်များ ဗုဒ္ဓဘာသာဝင်များ၊ ခရစ်ယာန် ဘုန်းတော်ကြီးများနှင့် ခရစ်ယာန် ဘာသာဝင်များ၊ ဟိန္ဒူဆရာတော်များ၊ ဟိန္ဒူဘာသာဝင်များ၊ အစ္စလာမ် ဓမ္မကထိကများနှင့် အစ္စလာမ် ဘာသာဝင်များ တဖွဲဖွဲ ကြွရောက်လာကြသည့်မြင်ကွင်းမှာ အားရကျေနပ်ဘွယ် ပီတိဖြစ်ဘွယ်ရာပင် ဖြစ်တော့သည်။

    အခမ်းအနားတွင်  တက်ရောက် ဟောပြောကြသော သီတဂူဗုဒ္ဓတက္ကသိုလ်မှ ဆရာတော် အရှင်တိက္ခသာရ နှင့် ရှု့ထောင့်စုံမှ ပညာရှင် အသီးသီး၏ ဟောပြောချက်များတွင် တူညီသော အချက်မှာ ဆရာကြီး ဦးရာဇတ်အား ချီးမွမ်း ထောပနာ ပြုခြင်းပင် ဖြစ်ပေသည်။

    10

    16

    ဤသည်ကိုပင် ကျွန်တော့်အသိစိတ်တွင် လက်ကနဲ အသိတစ်ချက် ၀င်လာပြီး စဉ်းစား တွေးတောစရာများ ပေါ်လာခဲ့ရပေသည်။အကြောင်းမှာ ဆရာကြီး ဦးရာဇတ်သည် အစ္စလာမ် ဘာသာဝင် ဖြစ်ပါလျှက် နိုင်ငံအကျိုး၊ လူမျိုးအကျိုးအတွက် စွမ်းစွမ်းတမံဆောင်ရွက်ရင်း တိုင်းပြည်အတွက် အသက်ကိုပင် ပေးဆပ်ခဲ့သူတစ်ဦး ဖြစ်ခဲ့ပြီး ဆရာကြီး၏ နောက်ပိုင်းတွင် အစ္စလာမ် ဘာသာဝင်များ အနက် ဗိုလ်မှုးကြီးဘရှင်၊ ဦးရာရှစ်၊ ဦးခင်မောင်လတ်၊ ဗိုလ်မှုးကြီးတင်စိုး၊ သံအမတ်ကြီး ဦးဖေခင်၊ ၀မ်းအိုဝမ်း ကျော်ဝင်းမောင်၊ ဆရာကြီး ဃာဇီမုဟမ္မဒ်ဟာရှင်(မ်)၊ ဆရာကြီးချယ် စသော နိုင်ငံအကျိုး၊ လူမျိုးအကျိုး၊ သာသနာ အကျိုးများကို စွမ်းစွမ်းတမံ ဆောင်ရွက်သည့် ပုဂ္ဂိုလ်များ ပေါ်ပေါက်ခဲ့ပါသော်လည်း ယခုနောက်ပိုင်း ကာလများတွင် ထိုထိုသော မျိုးချစ်အာဇာနည် ပုဂ္ဂိုလ်များ ပေါ်ပေါက်မှု မရှိတော့ဘဲ ယခင်က သမိုင်းဝင် ပုဂ္ဂိုလ်များ၏ အထိမ်းအမှတ် အခမ်းအနားများပြုလုပ်ခြင်းဖြင့် လွမ်းဆွေး တမ်းတ သတိတရဖြင့် ရင်သပ်ရှုမော အလွမ်းတောထဲ ယောင်လည်လည် ဖြစ်နေခဲ့ကြ ရပေသည်။     ။        ။        ။

    ဒါသည်ပင် ကျွန်တော့် အတွက် များစွာ စဉ်းစား တွေးတောဘွယ်ရာ ဖြစ်ရပေတော့သည်။

    တကယ်ဆိုပါလျင် ဦးရာဇတ်ကိုယ်ပွါးများ တစ်စ တစ်စ တိုးပွါးလာသင့်ပါလျှက် ဤသို့ မဖြစ်ပေါ်ခြင်းမှာ . . .

    အစ္စလာမ်ဘာသာဝင်များသည် တိုင်းချစ်ပြည်ချစ် မျိုးချစ်စိတ် မရှိတော့၍လား?

    သို့တည်းမဟုတ်ပါက . . . ထိုသို့ မပေါ်ပေါက်အောင် စနစ်တကျ ဟန့်တားမှုများ ရှိနေသည်လား ဆိုသည်ကို အများစုမှ လေ့လာ သုံးသပ် အဖြေရှာရန် လိုအပ်ပေသည်။

    တကယ်ဆိုလျှင် အစ္စလာမ် ဘာသာ၏ အဆုံးအမတွင် “မိမိနေထိုင်သော တိုင်းပြည်ကို ချစ်မြတ်နိုးခြင်းသည် အီမာန်တည်းဟူသော ဘာသာရေး ယုံကြည်ချက်၏ အစိတ်အပိုင်း တစ်ရပ်ဖြစ်သည်” ဟု လမ်းညွှန်ထားသည်ဖြစ်၍  အစ္စလာမ် ဘာသာဝင်မှန်လျှင် တိုင်းပြည် အကျိုးဆောင်ရွက်ရန် သာသနာ့တာဝန် တစ်ရပ်ဟု မှတ်ယူကြရမည် ဖြစ်ပေသည်။   ။          ။       ။

    ထိုအခမ်းအနားတွင် ဟောပြောသည့် ပုဂ္ဂိုလ်များ အားလုံး အထူးပင်ကောင်းမွန်လှပေသည်။ ထိုအကောင်းဆုံးများထဲမှ ကျွန်ုပ် အနှစ်သက်ဆုံးကိုဖေါ်ပြရမည်ဆိုပါက (အရှင်တိက္ခသာရကထိက သာသနာ့ဒဇဓမ္မာစရိယ(B.A,M.A) (သီတဂူကမ္ဘာ့ဗုဒ္ဓတက္ကသိုလ်) မှ ဟောကြားသော ဗုဒ္ဓ၏ အဆုံးအမ တရားထူးဖြစ်သော

    “ဂရုဏာနဲ့ ပညာ ၂ပါး ရှိမှ လူသား အားလုံး ငြိမ်းချမ်းမှု ရမယ် ”

    “လူအချင်းချင်း လူလို မြင်တတ်တဲ့ ဂရုဏာစိတ် ရှိကြရမယ် ”ဟူသော ဟောပြောချက်သည်လည်းကောင်း၊

    သမိုင်းပညာရှင် ဆရာကြီး ဒေါက်တာခင်မောင်ညွှန့် ဟောပြောတဲ့ “ကိုးကွယ်ချင်တဲ့ဘာသာ ကိုးကွယ်ပါစေ – ဘယ်မှာမွေးသလဲ၊ ဘယ်မှာ နေသလဲ ဆိုတာပဲ အရေးကြီးတယ်”ဟူသော ဟောပြောချက် တို့မှာ တကယ့်ကို အနှစ်သာရရှိတဲ့ တန်းဖိုးထား မမေ့အပ်တဲ့ တရားတွေပါလားလို့ ယုံကြည်မှု ဖြစ်ရပါတယ်။

    ဒါကြောင့် ကျွန်တော်တို့မြန်မာနိုင်ငံဖွါး မျိုးဆက်သစ် အစ္စလာမ်မောင်မယ်များဟာ ဒီလိုအခမ်းအနားတွေမှာ ပါဝင်ကြားနာပြီး ဆရာကြီးဦးရာဇတ်လို တိုင်းပြည်နဲ့လူမျိုးအတွက် ဘ၀တွေ ပေးဆပ်ရင်း အစ္စလာမ်ဘာသာဝင်တို့ရဲ့ ဂုဏ်ကိုမြှင့်တင်ကြရင်း၊ အတားအဆီးများရှိမယ် ဆိုရင်တောင် ထိုအတားအဆီးများကိုဖြတ်ကျော်ရင်း မိမိတတ်စွမ်းသမျှ ခွန်အားဖြင့် တိုင်းပြည်အကျိုး သယ်ပိုးကြပါစို့လို့ ဆန္ဒပြုရင်း . . .

    ဆရာကြီး ဦးရာဇတ် ရဲ့ ၁၁၅ ကြိမ်မြောက် အခမ်းအနားကြီးကို ဂုဏ်ပြု မှတ်တမ်းတင်အပ်ပါသည်။

     

    စိန်စံထိုက် (ဟံသာမြေ)

  • မြန်မာမင်းများ၏ လူမျိုးစုံ အမှုထမ်းများနှင့် တာဝန်ခွဲဝေခန့်ထားမှုများ

    ဇန်နဝါရီ ၂၂ ၊ ၂၀၁၃
    M-Media
    တင်မင်းထွဋ်

    တိုင်းပြည်တစ်ပြည်တည်ထောင်ရာတွင် မတူကွဲပြားသောလူမျိုးစုံ အယူဝါဒကွဲပြားသူများကို စုရုံးကာ တည်ထောင်ခဲ့ကြရသည်။ စုရုံးမှုသည် အား တစ်ခုဟု မှတ်ယူသင့်ပေသည်။ စုရုံးမှုမှ စည်းလုံးညီညွတ်မှု ကို ရှရှိနိုင်ပေသည်။ ပြိုကွဲခြင်းများသည် စည်းလုံးညီညွတ်မှုပျက်သုဉ်းသောအခါ ပေါ်ပေါက်လာခဲ့သည်။ အနော်ရထာမင်းကြီးသည်  အစုစုပြိုကွဲနေသော ပြည်နယ်များ လူမျိုးများကို စုရုံးကာ ပထမမြန်မာနိုင်ငံတော်ကို အောင်မြင်စွာ တည်ထောင်နိုင်ခဲ့သည်။ စုစည်းမှု၏ တန်ဖိုးကို ကောင်းမွန်စွာအသုံးချတည်ဆောက်ခဲ့သည်။

    ဆရာကြီးဦးနု၏ အဆက်အနွယ်များ

    ဆက်ခံရာ မင်းဆက်များ၏ သမိုင်းကို ပြန်လည်လေ့လာသော် သမိုင်းလှခဲ့သည့် မင်းများ၏ ဆောင်ရွက်လုပ်ဆောင်ခဲ့သည်များသည် အလွန်မှတ်သားဖွယ် အတုယူဖွယ်များ တွေ့ရသည်။ မြန်မာမင်းများ၏ အမှုတော်ထမ်းရွက်ရန် မင်းမှုထမ်းများ ခန့်ထားမှုများနှင့် ပတ်သက်ပြီး မင်းတုန်းမင်းတရားကြီး၏ လူမျိုးပေါင်းစုံ တာဝန်ခွဲဝေခံထားမှုကို ဦးဖေမောင်တင် (မဟာဝိဇ္ဇာ) ရေးသားပြုစုတဲ့ မြန်မာမင်း လက်ထက်တော် စာတမ်းများ စာမျက်နှာ (၃၃) တွင်အောက်ပါအတိုင်း ဖော်ပြထားသည်။ ဤကဲ့သို့ သမိုင်းအထောက်အထားများ၊ မှတ်တမ်းများ များစွာရှိနေပါသည်။ သို့သော် ဒီသမိုင်းအထောက်အထားကိုတော့ လူသိနည်းသေးသည်ဟု ယူဆသည့် အတွက် ပြန်လည်တူးဖော်ခြင်းဖြစ်ပါသည်IMAGE0058

    ပုဏ္ဏားအမှုထမ်းများလည်း ပုဂံခေတ်မှစ၍ တွေ့ရှိလာရာ မင်းတုန်းမင်းလက်ထက်တော်၌ ခတ္တိယ၊ ဗြဟ္မဏ၊ သုဒ္ဓ၊ ဗိသျှ၊ ပုဏ္ဏားဖြူ ၁၀ဝ၊ ပုဏ္ဏားညို ၁၀ဝ၊ ဘိသိက်တော်ပုဏ္ဏား ၃၀ဝ၊ ရေကြည်တော်ခပ် ၁၀ဝ၊ ဂြိုဟ်စာကျွေး နတ်တင် ၁၀ဝ၊ ဇာတာတော်ဆေး ၁၀ဝ၊ ပုရောဟိတ် ၆၀၊ အခါပေး ၁၀ဝ ရှိ၏။

    ကသည်းလူမျိုးအမှုထမ်းများမှာ လှေတော်တန်း၊ မြင်းစီးသူရဲတန်း၊ ယက်ကန်းတော်၊ဆတ္တာတော်၊ ခဝါတော်၊ အနှိပ်တော်၊ ရေကြည်တော် ပျော်ရာက အမှုတော်ထမ်းကြရသည်။

    မြန်မာမူဆလင်အမျိုးသားများဖြစ်ကြသော ကင်းတားကုလားပျိုတပ် အမှုထမ်းတို့သည်

    (၁)ရန်ပြိုအမြောက်

    (၂)ရန်ပုံခွင်းအမြောက်

    (၃)ရန်ကင်းအမြောက်

    (၄)ရန်လင်းကြီးအမြောက်

    (၅)လက်မနှိပ်အမြောက်    စသော အမြောက်စုအမှုတော်ထမ်း၌ တသင်းတွင် လူ ၁၀ဝ၀ ခန့်အမှုတော် ထမ်းရွက်ကြရသည်။   ထို့ကြောင့်လည်း မင်းတုန်းမင်းတရားကြီး လက်ထက်တော်၌ ဘာသာရေးလွတ်လပ်မှုရရှိရုံမျှမက မင်းတရားကြီးကိုယ်တော်တိုင် ပလီများ ဆောက်လုပ် လှူဒါန်းခဲ့လေသည်။

    မြေထူးကုလားအမှုထမ်းတို့မှာ ကုလားပျိုကင်းတားအမြောက်စစ်သည်တော်တို့ မိမိတို့တတ်စွမ်းရာက အမှုထမ်းကြရသည်။

    KaThae

    အက္ကပတ်ကသည်းတို့မှာ မြင်းစီး ဓားခုတ် လှံထိုး စစ်သည်တော်အဖြစ် အမှုထမ်း၏။

    UChoneSonofULein_MyanDusMayor
    သီပေါမင်းလက်ထက်တွင် အက္ကပတ်မြင်းဝန်၊ပင်လယ်မြို့စား မင်းကြီး မဟာမင်းလှမင်းထင်ရာဇာဘွဲ့ခံ ဗိုလ်ချုပ်ဦးချုံ

    ကလယ်အမှုထမ်းတို့မှာ ပန်းဘဲအလုပ်၊ ဆင်တော် မြင်းတော်ကကြိုးတန်ဆာလုပ် အမှုထမ်းများ ဝတ်ဆင်ရန် အဝတ်တန်ဆာအချုပ်အလုပ်၊ ကြေးသွန်း၊ ပန်းတဉ်း၊ မိမိတတ်စွမ်းရာကအမှုထမ်းရသည်။

    ဝေသာလီအမှုထမ်းတို့မှာ ဖျာရက်၊ ရိုင်ရက်၊ ခြင်းကြားရက်၊ ပဒေသာတန်ဆောင်တန်လုပ်ဝါးနှင့် ဆိုင်ရာ မိမိတတ်ကျွမ်းရာက အမှုထမ်းကြရသည်။

    ရှမ်းအမှုထမ်းဖြစ်ကြသော ကောင်းဟန်ရှမ်း၊ ယွန်းရှမ်း၊ ဓနုရှမ်း၊ ကဒူးရှမ်းတို့သည် လက်နက်ကိုင် စစ်သည်ဘက်၌ အမှုထမ်းကြပြီးပလောင်အမှုထမ်းတို့မှာ လက်ဖက်၊ သစ်ကြားသီး၊ သစ်အယ်၊ သစ်တို၊ လိမ္မော်၊ ဗကျာက် ဟူသမျှအလုပ်နှင့်စစ်မှုတွင် ထမ်းဆောင်ကြရသည်။

    တရုတ်အမှုထမ်းတို့မှာ မုန့်တော်ဆက်၊ နဂါးတိုး၊ နရားအက၊ လက်သမား၊ ကျောက်သွေး စသောအမှုတော်ကို ထမ်းရသည်။ ကုလားတိမ်အမှုထမ်းတို့မှာ မီးပန်း မီးကျည် မီးနီ မီးဝါ မီးစိမ်း မီးပြာ မီးဖြူ မီးပန်းအလုပ်၊ မျက်လှည့်၊ ကြေးသွန်း၊ ယမ်းချက်၊ ယမ်းထောင်း၊ အမြောက်ဆံလုပ် အမှုတော်ထမ်းကြရသည်။ (ပေါ်တူဂီ စသော တိုင်းတပါးမှ လာရောက်သော လူမျိုးများကို ကုလားတိမ်ဟုဆိုလိုခြင်း ဖြစ်ပါသည်။)

    မရမံအမှုထမ်းများမှာ ဘုရင်ကိုးကွယ်တော်မူသော ဆရာတော် သံဃာတော်များ၏ ကျောင်းဝစ္စပသာကုဋီများကိုသုတ်သင်ရသည်။ ယိုးဒယားအမှုထမ်းတို့မှာ အချက်အပြုတ်အလုပ်၊ ရေကြည်တော်ခပ်၊ ယိုးဒယားရာမဇာတ်ဖြင့် အမှုတော် ထမ်းကြရသည်။ မော်လမြိုင် ဒလဘက်အမှုထမ်းတို့မှာ သင်းဘောသမ္ဘန်လှေတော်လုပ် လက်သမား စသဖြင့် အမှုထမ်းကြရလေသည်။

    ဤသို့ဖြင့် မြန်မာမင်းများ၏အုပ်ချုပ်စီမံပုံသည် သဘောထားပြည့်ဝ၍ လွတ်လပ်မှုရှိသည်။

    ဆရာဦးဖေမောင်တင်၏ မြန်မာမင်းလက်ထက်တော်များ စာအုပ်တွင် ဤကဲ့သို့ ဖေါ်ပြပါရှိသကဲ့သို့ စာမျက်နှာ (၃၅)တွင် ပေးထားသောမှတ်ချက် ၁-၂ သည်လည်း စိတ်ဝင်စားဖွယ် တွေ့ရပြန်သည်။

    (မှတ်ချက် ၁၊ ၂။ ။ဤယံ ကောင်စစ်ဂျင်နရယ်တို့ တည်းခိုသော အခွန်ဝန်မူလာအီဗရာဟင်၏ တိုက်နေရာသည် ယခုမန္တလေးမြို့ ၂၆ ဘီလမ်း၊ အာဇာနီလမ်း ရိုးကုမ္ပဏီတိုက်ပျက်ကြီး၏မြောက်ဖက် ဝင်းကြီးပင်ဖြစ်သည်။ စစ်မဖြစ်မီက မွတ်စလင်အမျိုးသား အထက်တန်းကျောင်းရှိသည်။ ယခုအခါ ကေဘီမော်တော်စတိုး ကားပျက်များထားသည်။ ဈေးချိုတော် မြောက်ဖက်တိုက်တန်းနှင့်ကပ်လျက် စူလတီဗလီ၌ သင်းချိုင်းဂူတခုတွင် မူလာအီဗရာဟင်၏သား မူလာအစ္စမံအလယ်သည် အဖရှိစဉ်ကပင် မင်းတရားကြီးလက်ထက်တော်၌ သူဌေးကြီးတို့အစီးအနင်းအဆောင်အရွက် မဟာဘောဂဓနရာဇာဘွဲ့နှင့်တကွ သူကောင်းပြုတော်မူသည်။ ယင်းနောက် သား မာန်အောင်  ရတနာစေတီတော်ဒါယကာသီပေါဘုရင်လက်ထက်တော်တွင် အခွန်ဝန် အကောက်ဝန် လောကဗိမာန် လှေတော်အုပ် ကျောက်ရဲမြို့စား မင်းလှစည်သူ ဘွဲ့အမည် အရည်နှင့် သူကောင်းပြုတော်မူသည်။ နောက် မြန်မာနိုင်ငံတော်ကို အရှင်အင်္ဂလိပ်အစိုးရ မင်းတို့ သိမ်းပိုက်အုပ်စိုးတော်မူရာ လူကြီးလူကောင်းမှန်သည့် အတိုင်း ခန်ဘဟာဒူးဟူသောဘွဲ့ကို ပေးသနားတော်မူ၍ မင်းသုံးဆက်တိုင် ရာထူးဌာနန္တရအမျိုးမျိုး သူကောင်းပြုတော်မူခြင်းကို ခံစံရသောမူလာအစ္စမံအလ်သည် သက္ကရာဇ် ၁၂၀၃ ခု ဒုတိယဝါဆိုလဆန်း ၁၁ ရက် တနင်္ဂနွေဘွား အသက် ၆၆ နှစ် သက္ကရာဇ်၁၂၆၇ နတ်တော်လဆန်း ၂ ရက် တနင်းလာနေ့ နံနက် ၅ နာရီအချိန် ထွက်ကသွာအေလာဟီရှိသည့်အတိုင်း အသျှင်မြတ်အမိန့်တော်ကို ခံရလေသည်}}စသည်ဖြင့် ကျောက်စာ ရေးထိုးထားလေသည်။)

    IMAGE0062
    သီပေါမင်းလက်ထက် ရွေးလက်ျာတပ်မှ ထိုးကွင်းမင်ကြောင်ဘောင်းဘီစွပ်နှင့် တွေ့ရသော တပ်မှူး ဦးရွှေဂုဏ် (အသက် ၇၆နှစ် အရွယ် ၁၃၀၀ပြည့်နှစ်က ရွှေဘိုခရိုင် ဘူးကြီးကျေးရွာတွင် ရိုက်ကူးပါသည်၊)
    ရွှေဘို ဦးဘဦး ပြုစုစီရင်ရေးသားသော ရွှေမန်းအနှစ်တရာပြည့် ဗမာမွတ်စလင်တို့၏အထုပ္ပတ္တိ စာအုပ်မှ ကူးယူဖော်ပြပါသည်။

    ထိုခေတ်ကာလသမိုင်းများ တစ်လျှောက်တွင်ပင် လူမျိုး ဘာသာထက် အရည်အချင်း အရည်အသွေးကို သာကြည့်၍ ဦးစားပေးရွေးချယ် ချီးမြှင့်မြှောက်စားခဲ့ကြကာ အရောင်အသွေးအစုံ ပြည်သူများ၏ ချစ်ကြည်လေးစားမှုကို မြန်မာဘုရင်များ ရရှိခဲ့ကြသည်။ မြန်မာနိုင်ငံတော်သည် သူ့ကျွန်ဘ၀ရောက်ခဲ့သော်လည်း ကျွန်ဘ၀ရောက်တဲ့ နိုင်ငံအများစုထက် စော၍ လွတ်မြောက်ခဲ့သလို ကျွန်ပြုခံကာလတစ်လျှောက်လုံးတွင်လည်း တိုင်းရင်းသားပေါင်းစုံ၏ နည်းမျိုးစုံ တော်လှန်မှုများကို ကာလအစဉ်အဆက် နယ်ချဲ့ များ ရင်ဆိုင်ခဲ့ရသည်။

    ယနေ့အချို့ ပြောကြသလို တိုင်းတပါးသား ကျူးကျော်သူများ ဆိုပါက မိမိနိုင်ငံကိုသာ မိမိ အသက်ပေးချစ်ကာ စွန့်လွတ်ကြမည်သာ ဖြစ်သည်။ မြန်မာနိုင်ငံရှိ မူရင်းနေထိုင်သူ img006တိုင်းရင်းသားအားလုံးသည် သမိုင်းကာလတစ်လျှောက်လုံး မြန်မာမင်းများ၏ ပျိုးထောင်ပေးခဲ့သော မိမိတိုင်းပြည် မိမိနယ်မြေကို ချစ်စိတ် တန်ဖိုးထားစိတ်များကြောင့်သာ ယခု လို ဘ၀ပေါင်းများစွာ ပေးဆပ်ခဲ့ကြခြင်း ဖြစ်ပါသည်။ သမိုင်းတွင် ပေးဆပ်ပြခဲ့သည် လုပ်ပြခဲ့သည် ဆိုသော စကားများသည် ၎င်းပုဂ္ဂိုလ်များ ကိုသာမက လူမျိုးအားလုံးကို စော်ကားသော စကားများပင်ဖြစ်သည်။ ပေးဆပ်ရဲသော လုပ်ရဲသောသတ္တိသည် လူတစ်ထောင်တွင် တစ်ယောက် မလုပ်နိုင်သော စိတ်ဓါတ်ဖြစ်သည်။ ပေးဆပ်ခြင်း၏ နောက်ကွယ်တွင် ဘ၀ပေါင်းများစွာ တန်ဖိုးထားမှုများစွာကို ပေးအပ်ခဲ့ရသည်ကို သိသင့်လှပေသည်။

    သမိုင်းတွင် စုပေါင်း အား ကြောင့်သာ အောင်မြင်ခဲ့သည်များသာ ရှိပါသည်။ လူမျိူးတစ်မျိုးတည်း၏ တီထွင်မှုများကြောင့် ကမ္ဘာကြီး တိုးတက်မလာသည်ကို တွေ့မြင်နိုင်သလို ကူးလူးဆက်ဆံ ဖလှယ်ခြင်းကြောင့်သာ တိုးတက်လာခြင်းဖြစ်ပေသည်။

    မြန်မာ့နိုင်ငံ၏ တိုးတက်မှုဏ္ဍစုံကို ပြန်လည်လေ့လာပါက နယ်ပယ်စုံတွင် ထူးချွန်ပြောင်မြောက်သူများသည် လူမျိုးစုံ အယူဝါဒစုံသူများ သာ ဖြစ်သည်။ စနစ်ဆိုးများ၏ အောက်တွင် ဘ၀သက်တမ်းတစ်ခုစာမျှ နေထိုင်ခဲ့ရသော မျိုးဆက်များသည် ဆိုးမွေများကို အများအပြား ရရှိခဲ့ကြပေသည်။

    ဘက်နှစ်ဖက်ကိုကြည့်တတ်သော စိတ်ဓါတ်များ ပျက်သုဉ်းကာ တစ်ဖက်ဆွဲ စိတ်ဓါတ်များ ရင့်သန်လာခဲ့ကြသည်။ စနစ်၏ သားကောင်များ ဖြစ်မှန်းမသိ ဖြစ်ခဲ့ကြရသည်။

    တိုင်းပြည်တွင်းရှိ လူမျိုးပေါင်းစုံ စည်လုံးညီညွတ်ခြင်းကို ဘယ်တော့အခါမျှ မည်သည့်အာဏာရှင်များ  မနှစ်မြို့ နိုင်ပေ။ ထိုင်ခုံများတည်မြဲရေးအတွက် မဟာလူမျိုးကြီးဝါဒသည် အာဏာရှင်များ၏အသုံးချ နည်းဗျူဟာများထဲမှ သည်းခြေအကြိုက်တစ်ခု ပေဖြစ်သည်။ နေရာဒေသ နိုင်ငံကွာခြားသော်လည်း အာဏာရှင်ကြီးများ  အနည်းနဲ့ အများ ကျင့်သုံးခဲ့ကြသည်ကို သမိုင်းတွင် လေ့လာနိုင်ပေသည်။

    ရွှေထီးဆောင်းခဲ့သည်များကို အရိုးဆွေးသည့်အထိ ပြန်လွမ်းနေခြင်း မဟုတ်သလို ဘာကြောင့် ရွှေထီးဆောင်းခဲ့ကြရသည်၊ ဘာကြောင့်ဇန်လျောခဲ့ကြသည် များကိုတော့  ပြန်လည် သုံးသပ်သင့်ပါက လေ့လာသင့်ပေသည်။ ကာလအပိုင်းအခြားကြောင့် ခေတ်ပြောင်းခဲ့ပင်မဲ့ အချို့ သမိုင်းများသည် တစ်ပတ်လည် လာသည်။ ထိုအခါ သမိုင်းထဲက အမှားများကို ပြန်လည်သုံးသပ်မှုမရှိကာ သမိုင်းဟောင်းများထဲက အမှားများအတိုင်း ပြန်လည်မကျူးလွန်ဖို့ကိုတော့  သတိပြုသင့်လှပေသည်။

    တင်မင်းထွဋ်

    ၂၀-ဒီဇင်ဘာ-၂၀၁၂

  • အမျိုး၊ ဘာသာ၊ သာသနာ ကာကွယ်ခြင်းလော.နာဇီ ဖက်ဆစ်စနစ် ထူထောင်ခြင်းလော။ (အပိုင်း-၂)

    အမျိုး၊ ဘာသာ၊ သာသနာ ကာကွယ်ခြင်းလော.နာဇီ ဖက်ဆစ်စနစ် ထူထောင်ခြင်းလော။ (အပိုင်း-၂)

    ဇန်နဝါရီ ၂၂ ၊၂၀၁၃

    ဆောင်းပါးရှင်- ဦးဦးမှော်ဆရာ

    အပိုင်း(၁) ဖတ်လိုလျင်

    ၁၉၃၀ ၀န်းကျင်လောက်မှာ ဂျာမနီမှာ ဂျူးလူမျိုးဦးရေ ၆ သိန်းကျော်ရှိပြီး၊ ဒါဟာ တနိုင်ငံလုံးလူဦးရေရဲ့ ၁% သာ ရှိပါတယ်။  ဂျာမန်ဂျူးတွေဟာ သူတို့ကိုယ်သူတို့ ဂျာမနီနိုင်ငံသားဖြစ်ရတာကို ဂုဏ်ယူလေ့ရှိပြီး၊ သူတို့လူမျိုးတွေထဲက အလွန် ကျော်ကြားတဲ့ ကဗျာဆရာတွေ၊ စာရေးဆရာတွေ၊ အနုပညာရှင်တွေ မြောက်မြားစွာ ပေါ်ထွန်းခဲ့တာပါ။ ဒါတင်မကသေးဘူး။ ပထမကမ္ဘာစစ်ကြီးမှာ ဂျာမန်ဂျူး ၁ သိန်းကျော်ဟာ ဂျာမနီစစ်တပ်ထဲ ၀င်ရောက် အမှုထမ်းခဲ့ပြီး အဲဒီထဲက မြောက်မြားစွာသော ဂျူးစစ်သားတွေဟာ သူရဲကောင်းဘွဲ့တံဆိပ်တွေ ချီးမြှင့်ခံရတဲ့ အထိ တိုင်းပြည်တာဝန် စွမ်းစွမ်းတမံထမ်းဆောင် ခဲ့ကြပါတယ်။

    ဒါ့အပြင် ဂျာမန်ဂျူးလူမျိုးတွေဟာ အစိုးရဌာနတွေမှာလည်း ၀င်ရောက်အမှုထမ်းနေသလို၊ တက္ကသိုလ်တွေမှာလည်း ဆရာများအဖြစ် အမှုထမ်းနေခဲ့ပါတယ်။ ၁၉၀၅ ခုနှစ်ကနေ ၁၉၃၆ ခုနှစ်အတွင်း နိုဘဲလ်ဆုရခဲ့တဲ့ ဂျာမနီနိုင်ငံသား သိပ္ပံပညာရှင်နဲ့ အနုပညာရှင် ၃၈ ဦး ရှိတဲ့ထဲမှာ ဂျာမန်ဂျူး ၁၄ ဦး ပါဝင်တဲ့အထိ ဂျူးတွေဟာ ဂျာမနီနိုင်ငံအတွက် ဂုဏ်ဆောင်ခဲ့တာပါ။ လူမှုဘ၀နဲ့ စီးပွားရေးနယ်ပယ်တွေမှာ ဂျာမန်ဂျူးတွေအပေါ် ခွဲခြားဆက်ဆံမှု တချို့တလေ ရှိပေမဲ့လည်း သူတို့ကိုယ်တိုင်ရဲ့အနာဂတ်ကို ဂျာမနီနိုင်ငံမှာပဲ မြှုတ်နှံထားဖို့ ဆုံးဖြတ်ထားကြပါတယ်။ (ဒါကပဲကိုယ့်သေတွင်း ကိုယ်တူးမိသလား မပြောတတ်ဘူး) သူတို့ဟာ ဂျာမန်စကား ကိုသာပြောပြီး ဂျာမနီကို ကိုယ့်အိမ်လိုပဲ သဘောထားခဲ့ကြပါတယ်။

    ၁၉၃၃ ဇန်န၀ါရီလ ၃၀ ရက်နေ့ နာဇီပါတီအာဏာရလာပြီးနောက်ပိုင်းမှာ နာဇီပါတီခေါင်းဆောင်တွေဟာ ဂျာမန်ဂျူးတွေ ကို အလုံးစုံဆန့်ကျင်တိုက်ခိုက်ဖို့ ကျိတ်ပြီးဆုံးဖြတ်ခဲ့ပါတယ်။ ဒီအစီစဉ်အရ လူထုတွေပါ လက်ခံပါဝင်လာအောင်လုပ်ရမဲ့ လုပ်ငန်းစဉ်တွေထဲမှာ အရေးအကြီးဆုံးအဖြစ် မီဒီယာကိုသုံးပြီး ၀ါဒမှိုင်း တိုက်ခဲ့ပါတယ်။ ထိလွယ်ရှလွယ်ဖြစ်စေတဲ့ အကြောင်းအရာတွေကို စီကာပတ်ကုံး ရေးသားလှုံ့ဆော်ထားတဲ့ ဂျူးမုန်းတီးရေးစာတွေ လှိုင်လှိုင်ထုတ်ဝေခဲ့ပြီး၊

    လူကြီးရော ကလေးတွေပါ အံ့သြစရာကောင်းလောက်အောင်  နာဇီဝါဒမှိုင်းတိုက်မှုအောက် ကျရောက်ခဲ့ပါတယ်။ နိုင်ငံ့သမိုင်းတလျောက် ဂျာမန်များ နဲ့ ဂျူးများ တသားတည်းနေခဲ့ကြပေမဲ့လည်း ဖက်ဆစ်နာဇီပါတီရဲ့ ဂျူးမုန်းတီးရေး ၀ါဒမှိုင်းတိုက်ခဲ့မှုကြောင့်  သူစိမ်းပြင်ပြင် ဖြစ်သွားခဲ့ကြတယ်။ (ဒီအကြောင်းကို ကျနော့်ဆောင်းပါး အပိုင်း-၁ မှာ ဖေါ်ပြ ခဲ့ပြီးပါပြီ။)

    antibiotic-pills
    (ခုလို ဘုရားဟောခဲ့သယောင်ယောင် ခပ်တည်တည်နဲ့ ရွှီးခဲ့တာကိုလည်း အဲဒီအချိန်က ဂျာမန်ပညာတတ်များမျောပါခဲ့ကြပါတယ်။)

    14844_442204705850729_1684637979_n

     

    74607_442204012517465_466445627_n

    537080_442204165850783_2051887246_n
    (ဂျူးတွေကို ခုလိုလူမျိုးရေးအရသာမက ဘာသာရေးအရပါ စက်ဆုပ်မုန်းတီးစိတ်ဝင်သွားအောင် လုပ်ကြံရေးသားခဲ့ပါတယ်။)

    ၁၉၃၃ ခုနှစ် ဧပြီလ ၁ ရက်နေ့မှာတော့ နာဇီပါတီဝင်တွေဟာ ဂျူးစီးပွားရေးလုပ်ငန်းတွေ အသက်မွေး ၀မ်းကျောင်းမှု လုပ်ငန်းတွေကို တနိုင်ငံလုံး အတိုင်းအတာဖြင့် ဆန့်ကျင်သပိတ်မှောက်ဖို့ စတင်ဆော်သြ ခဲ့ပါတော့တယ်။ ဒီသပိတ်မှောက်မှုဟာ ဂျာမန်-ဂျူး အဓိကရုန်းတွေဖြစ်ပွားစေပြီးဖို့ ရည်ရွယ် လုပ်ဆောင်တာ ဖြစ်ပြီး၊ ဂျူးမုန်းတီးရေး လှုံ့ဆော်စာတွေကိုလည်း ပြောင်ပြောင်တင်းတင်း ဖြန့်ဝေခဲ့ပါတယ်။ ဂျာမန်-ဂျူး အဖွဲ့အစည်းကြီးက တရားဥပဒေအရ အကာကွယ်ယူနိုင်ဖို့ ကြိုးစားခဲ့ပေမဲ့၊ ဂျူးလူမျိုး နှိပ်ကွပ်ရေးဟာ အစိုးရကိုယ်တိုင်ရဲ့ မူဝါဒဖြစ်နေတဲ့အတွက် လျစ်လျူရှုခံခဲ့ရပါတယ်။ (ကျနော်တို့ဆီမှာ `သမ္မတကြီးဆီသို့ အိတ်ဖွင့်ပေးစာ´ မျိုးထင်ပါ့)။

    23339_442205672517299_2129691052_n

    နောက်ပြီး ၁၉၃၃ မေလမှာ `ဂျာမနီ အစိုးရ၀န်ထမ်းများ ပြင်ဆင်ခန့်အပ်တဲ့ ဥပဒေတစ်ရပ် ထုတ်ပြန်လိုက်ပြီး ဂျူးလူမျိုး ၀န်ထမ်းတွေကို အကြောင်းပြချက်မရှိ အလုပ်တွေက ထုတ်ပယ်လိုက်ပါတယ်။ ဒီဥပဒေအရ မိမိရဲ့ အဘိုးအဘွားထဲမှာ ဂျူးတစ်ယောက်ပါခဲ့ရင်တောင် ဂျူးလူမျိုးအဖြစ် သတ်မှတ်တာပါ။ အဲဒီနောက်ပိုင်း ဂျူးလူမျိုးတွေရဲ့ အသက်မွေးဝမ်းကျောင်းမှု လုပ်ငန်းတွေအားလုံး တစတစရပ်တန့်သွားပါပြီ။ ဂျူးလူမျိုး ၀န်ထမ်းများ အသိပညာရှင် အတတ်ပညာရှင်များ၊ ဆရာ ဆရာမများကို အလုပ်မှ အကြောင်းမဲ့ထုတ်ပယ် ကြပါပြီ။ ဒါဟာ “သွေးဖြင့်`နိုင်ငံသား´ သတ်မှတ်မှု” ဆိုတဲ့ ခေါင်းစဉ်အောက်က ရလဒ်တခုပေါ့ဗျာ။

    251948_442206049183928_745924239_n
    (ဒါကတော့ မြင့်မြတ်သော ဂျာမန်သွေးကို ကာကွယ်ဖို့ဆိုတဲ့ အကြောင်းပြချက်နဲ့ ဂျူးသွေးပါသူတွေကို ၀န်ထမ်းအဖြစ် ကနေ ရပ်စဲဖို့အတွက် ထုတ်ပြန်ချက်တစ်ခုပေါ့.. )

    ဂျာမန်မျိုးချစ်များဆိုသူတွေနဲ့ နာဇီပါတီဝင်တွေဟာ ဂျူးလူမျိုးပိုင် ဆိုင်ခန်းတွေ၊ စတိုးဆိုင်တွေ၊ ဆေးခန်းတွေ၊ ရှေ့နေ ရုံးခန်းတွေရှေ့မှာရပ်ပြီး `ဂျူးတွေဆီက ဘာမှမ၀ယ်ရ´၊ `ဂျူးလူမျိုးတွေဟာ ဂျာမနီကို ကြမ္မာဆိုးတွေ သယ်ဆောင်လာတဲ့ သူတွေ´ ဆိုတဲ့ စာတမ်းတွေကိုင်ဆောင်ပြီး စောင့်ကြပ်နေခဲ့ပါတယ်။ ဒါ့ပြင် ဂျူးလူမျိုး ဆိုင်တွေ၊ ရုံးခန်းတွေ၊ အိမ်တွေအားလုံးကို `ဒေးဗစ်ရဲ့ ကြယ်´လို့ခေါ်တဲ့ ဂျူးအမှတ်တံဆိပ်ကို လိုက်လံရေးဆွဲပြီး ကွဲကွဲပြားပြား သိသာထင်ရှားအောင် ပြုလုပ်ခဲ့ပါတယ်။ ဒီလိုနဲ့တဖြေးဖြေး နိုင်ငံတ၀ှမ်းလုံး အမျိုးသားရေး ခေါင်းစဉ်တပ်ပြီး ဂျူးလူမျိုးများကို ကိုယ်ထိလက်ရောက်တိုက်ခိုက်ခြင်း၊ ဂျူးပိုင်အိမ်တွေ၊ ဆိုင်ခန်းတွေကို တိုက်ခိုက်ဖျက်ဆီးခြင်း၊ ဂျူးလူမျိုးများနဲ့ ဆက်ဆံနေဆဲ ဂျာမန်များကို သစ္စာဖေါက်များအဖြစ် သတ်မှတ်ပြီး အပြစ်ပေးခြင်းတွေ လုပ်လာပေမဲ့ တရားဥပဒေရဲ့ အကာကွယ်ပေးမှုကို ဂျူးတွေမရခဲ့ပါဘူး။

    734701_442205979183935_822194292_n

    156394_442206369183896_1930159710_n 166513_442206679183865_424235765_n

    ဒီကြားထဲ နာဇီပါတီအာဘော် သတင်းစာတွေက `ပြည်သူ့တိုက်ပွဲ´ ဆိုတဲ့ ခေါင်းစဉ်ကြီးတပ်ပြီး ဗြောင်ကျကျ မီးလောင်ရာ ဓါတ်ဆီလောင်းပေးပါတော့တယ်။ “ပြည်ပမှ ဂျူးအဖျက်သမားများရဲ့ လုပ်ရပ်ဆိုးများကို ကာကွယ်ခြင်း” လို့ နားထောင်ကောင်းအောင် သုံးထားပါသေးတယ်။ “လူထုအစည်းဝေးကြီးမှ ဂျူးလူမျိုးများကို ဆန့်ကျင်ကြောင်း ကြေငြာချက်” ၊ “ဂျူးလူမျိုးများကို ဆန့်ကျင်ကြ” ၊ “တိုက်ပွဲကို ရှောင်လွဲလို့ မရနိုင်တော့ပါ” .. စသဖြင့် လူမျိုးရေး လှုံ့ဆော်စေတဲ့ ခေါင်းစည်းတွေနဲ့ ပြောင်ပြောင် တင်းတင်း ထုတ်ဝေလာပါတယ်။ ဒါ့ပြင် နိုင်ငံတကာက စာနယ်ဇင်းတွေမှာ ဂျာမန်ဂျူးတွေ ဖိနှပ်ခံနေရတဲ့အကြောင်း ဖေါ်ပြနေကြလို့ ဂျာမနီနိုင်ငံတော် ကြီးကို သိက္ခာကျအောင် ရေးသားမှုများအတွက် လက်တုန့်ပြန် ကလှည့်စားချေရမယ်လို့လည်း ၀ါဒဖြန့်ပါသေး တယ်။ ဒီလိုလုပ်ဆောင်ရာမှာ လူမျိုးရေးမုန်းတီးမှုအပြင် ဘာသာရေးအရ မုန်းတီးဆန့်ကျင်စေရန် လည်း ၀ါဒဖြန့်ခဲ့တာပါ။

    555195_442207505850449_244281815_n269334_442223005848899_882349476_n

    154146_442210369183496_56313890_n

    ဧပြီ ၁ ရက်နေ့ ဂျူးဆန့်ကျင်ရေး စတင်စဉ်က သူတို့ရဲ့ရည်ရွယ်ချက်က ဂျာမနီမှာရှိတဲ့ ဂျူးလူမျိုးစီးပွားရေး လုပ်ငန်းတွေ ပြိုလဲသွားဖို့ဆိုတဲ့ ရည်ရွယ်ချက်သာရှိသေးတာပါ။ အစပိုင်းမှာတော့ တပြည်လုံးအတိုင်းအတာနဲ့ ဂျူးဆန့်ကျင်ရေး လုပ်ဆောင်ဖို့ ဒေသဆိုင်ရာနာဇီပါတီတစ်ခုက ဦးဆောင်လှုံ့ဆော်မှုသက်သက်နဲ့ လုပ်ခဲ့တာဖြစ်ပြီး၊ ဂျာမန်ပြည်သူ အများစုက ပုံမှန်အတိုင်းပဲ ဂျူးဆိုင်တွေမှာဝယ်မြဲ၊ ဂျူးတွေနဲ့ဆက်ဆံဆဲ ဖြစ်နေပါသေးတယ်။ နောက်ပိုင်း အစိုးရ ကိုယ်တိုင် အတိအလင်းပါဝင်လာတော့ ရည်ရွယ်ချက်တွေ ပိုမိုကြောက်စရာကောင်းလာပြီး၊ ဂျူးလူမျိုးတွေ အားကိုးရာမဲ့ ဘ၀ရောက်အောင်၊  အဘက်ဘက်က အသက်ရှင်ရပ်တည်ရန် ခက်ခဲလာပြီး နေရပ်စွန့်ခွာသွားအောင်၊ အဆုံးစွန်ထိ ဖေါ်ပြရရင်တော့ ဂျာမနီနိုင်ငံမှာရော ကမ္ဘာပေါ်ကပါ ဂျူးလူမျိုးများ လုံးဝပပျောက်သွားစေရန်ထိ ရည်ရွယ်ချက်တွေ ထားလာ ပါတော့တယ်။ ပုံမှန်ဦးနှောက်ရှိသူအတွက်ဆိုရင် ဒီလိုတွေဖတ်ရတော့ `ဂျာမန်တွေ ရူးနေလား´ လို့ တွေးပြီး ရယ်စရာကောင်းနေပါလိမ့်မယ်။ ဒါပေမဲ့ သေချာတွေးကြည့်တဲ့အခါ နာဇီဝါဒဖြန့်ချိမှုရဲ့ ထိရောက်ပြီး ကြောက်စရာ ကောင်းပုံကို သတိပြုမိပါလိမ့်မယ်။ နှစ်ပေါင်းများစွာ တမြေတည်းနေ တရေတည်းသောက်၊ ဒိုးတူဘောင်ဖက်နေလာ သူတွေ အချင်းချင်းကြားမှာ လူမျိုးမတူလို့ ၊ ဘာသာမတူလို့ဆိုတဲ့ အကြောင်းပြချက်နဲ့ ကမ္ဘာပေါ်က ပျောက်ကွယ်သွားတဲ့ အထိလုပ်ချင်တဲ့ ဆန္ဒတွေဖြစ်လာအောင် အမှန်တကယ် လုပ်ဆောင် နိုင်ခဲ့ပါတယ်။

    နိဂုံးချုပ်အနေနဲ့ ကျနော်ပြောချင်တာက ဒီလုပ်ရပ်တွေဟာ ရူးသွပ်နေသူတွေရဲ့ လုပ်ရပ်တွေသာ ဖြစ်သလို၊ ဒီနေ့ခေတ်ကြီးမှာ ဘယ်လိုနည်းနဲ့မှ အောင်မြင်မဲ့လုပ်ရပ်တွေလည်း မဟုတ်ပါဘူး။ မကြာခင် အရှက်တကွဲ ကျရှုံးသွားရမှာပါ။ သို့ပေမဲ့လည်း `ခွေးလှေးခုန်လို့ ဖုန်မထပါဘူးကွာ´ဆိုပြီး ဂရုမစိုက်ဘဲ နေ နေလို့ မရပါဘူး။ သမိုင်းကြောင်းမှာ ငါတို့ ဘယ်လို သွေးစည်းစွာ ရပ်တည်ခဲ့တယ်ဆိုတဲ့ ရှင်ပြုတုန်းက ရွှေထီးဆောင်းခဲ့တဲ့ အဖြစ်အပျက်တွေကို စားမြှုံ့ပြန်ရင်း  ငါတို့ကိုတော့ မလုပ်လောက်ပါဘူး လို့ စိတ်ချနေလို့ မရပါ။ အရူးတသိုက်ရဲ့ လုပ်ရပ်ဆိုးက ကျန်တဲ့ ပြည်သူတွေအပေါ် အနည်းနဲ့အများ သက်ရောက်မှုရှိမှာပါ။ ကျန်တဲ့ ပြည်သူတွေက ကိုယ့်အပေါ် အမြင်မစောင်းစေရန် တတ်နိုင်သမျှ ရှင်းပြနိုင်ရပါမယ်။ အရေးယူသည်ဖြစ်စေ၊ အရေးမယူသည်ဖြစ်စေ အစိုးရဆီကို အကြောင်းကြားပါ။ နောက်ပြီး တကမ္ဘာလုံးကြားအောင် တတ်နိုင်သမျှ အသံကျယ်ကျယ်အော်ပါ။ ပြည်တွင်းက ဘာသာပေါင်းစုံချစ်ကြည်ရေး ကြိုးပမ်း လုပ်ဆောင်နေတဲ့ ဘာသာရေးခေါင်းဆောင်တွေကို ပံ့ပိုးကြရပါမယ်။ တစ်ခုသတိထားရမှာက ဒီနေရာမှာ ဒေါသ အလျောက် မတုန့်ပြန်သင့်ပါ။ သူတို့ဒီလိုလုပ်လို့ ကိုယ့်ဘက်က ဘယ်လိုတုန့်ပြန်မယ်ဆိုတဲ့ အတွေးမျိုး တတ်နိုင်သမျှ ဖျောက်ရပါမယ်။ ဆိုးသွမ်းတဲ့လုပ်ရပ်တွေဟာ လုပ်ဆောင်နေသူတစ်စုနဲ့သာ သက်ဆိုင်ပြီး လူအားလုံးကို ကိုယ်စားမပြုဘူးဆိုတာ အမြဲသတိချပ်သင့်ပါကြောင်း …

     

    (ကျနော့်ရဲ့ ပထမဆောင်းပါးမှာ အလွန်ရှည်သွားတဲ့အတွက် ဖြုတ်လိုက်ရတဲ့ အပိုင်းကို ပြန်တင်လိုက်တာပါ။ ပုံတွေ စုံစုံလင်လင်ကြည့်လိုပါက ကျနော့် FB WALL ပေါ်မှာ Album တစ်ခုလုပ်ထားပါတယ်။ မြန်မာပြည်က လူမျိုးရေး၊ ဘာသာရေး သွေးထိုးလှုံ့ဆော်မှုတွေကိုပါ တခါတည်း တင်ပေးထားပါတယ်။ ဒီလင့်မှာသွားကြည့်နိုင်ပါတယ်။

    >>>  https://www.facebook.com/media/set/?set=a.442217339182799.102180.100001836114921&type=1 )

    ဆောင်းပါး (အပိုင်း-၁) ကိုပြန်ဖတ်လိုပါက ဒီနေရာမှာ ဖတ်နိုင်ပါတယ်။