အောက်တိုဘာ၊ ၈ ၊ ၂၀၁၂
M-Media
စာတမ်းရေးသားသူ- ဦးကျော်မြင့် B.Com, A.A
ဦးကျော်မြင့်- ရခိုင်ပြည်နယ်အရေး စုံစမ်းစစ်ဆေးရေးကော်မရှင်သို့ အကြံပြုစာတမ်း
အောက်တိုဘာ၊ ၁၉၊ ၂၀၁၂
M-Media
ဆောင်းပါးရှင်- သုတေသီ
မြန်မာပြည်ဟာ လွန်ခဲ့တဲ့နှစ်ပေါင်းများစွာကတည်းက ဘာသာပေါင်းစုံ ချစ်ကြည်စွာစုစည်းနေထိုင်ရာ တိုင်းပြည်တပြည်ဖြစ်ပါတယ်။ ဒါပေမဲ့ခုနောက်ပိုင်းတွေမှာ ပယောဂအမျိုးမျိုးနဲ့ ချစ်ခင်မှုကပျက်စီးပြီး သူ့ဘာသာ ငါစော်ကား ငါ့ဘာသာသူစော်ကားနဲ့ တယောက်နဲ့တယောက် ပုတ်ခတ်စော်ကားနေကြပါတယ်။ ဘာသာရေး အကြောင်းကို မပြောလိုပေမဲ့ လူမှုရေးစော်ကားတာဟာဖြင့် ဥပဒေကို မသိလို့၊ မလေ့လာလို့ လို့ခံစားရပါတယ်။ အဲတော့ ဥပဒေသိတဲ့ သူတွေအနေနဲ့ ဥပဒေအသိကိုမျှဝေပေးခြင်းဖြင့် တဘာသာနဲ့ တဘာသာ လူမှုရေး စော်ကားမှု၊ ပုတ်ခတ်မှုတွေကို အသင့်အတင့် တားမြစ်နိုင်လိမ့်မယ်လို့ယူဆမိပါတယ်။
မြန်မာပြည်မှာ လွတ်လပ်စွာကိုးကွယ်ခွင့်ရှိသလို ဘာသာတရားတိုင်း သူတို့ရဲ့ မိသားစုအရေးဖြစ်တဲ့ လက်ထပ်၊ ကွာရှင်း၊ သားသမီးအုပ်ထိန်း၊ အမွေ စတာတွေကိုသူတို့ရဲ့ ဓလေ့ထုံးစံတွေနဲ့အညီ ကျင့်သုံးနိုင်ဖို့ ဥပဒေပြဌာန်း ခွင့်ပြု ထားပါတယ်။ ဒီလိုဥပဒေတွေကို ပုဂ္ဂလိကဥပဒေ (သို့) မိသားစုဥပဒေ (သို့) ဓလေ့ထုံးတမ်းဥပဒေလို့ ခေါ်ပါတယ်။
မြန်မာနိုင်ငံမှာ ဗုဒ္ဓဘာသာဝင်တွေအတွက် မြန်မာ့ဓလေ့ထုံးတမ်းဥပဒေ၊ မွတ်စလင်တွေအတွက် အစ္စလာမ့်တရားဥပဒေ၊ ခရစ်ယျာန် ဘာသာဝင်တွေအတွက် ခရစ်ယျာန်ဥပဒေ၊ ဟိန္ဒူဘာသာဝင် အတွက် ဟိန္ဒူမိသားစု ဥပဒေလို့ လက်ခံထားရှိပါတယ်။ ဒါပေမဲ့ ဒီဥပဒေတွေကို ဥပဒေစာအုပ်တခုတည်းမှာ အပြည့်အစုံ ရှာဖွေမတွေ့နိုင်ပါဘူး။ ဓလေ့ထုံးတမ်း ဥပဒေ ဖြစ်တဲ့အတွက် စီရင်ထုံး၊ ဖြတ်ထုံးတွေမှာပါ လေ့လာမှ အပြည့်အစုံသိရှိနိုင်ပါတယ်။
မြန်မာ့ဓလေ့ထုံးတမ်းဥပဒေ
မြန်မာ့ဓလေ့ထုံးတမ်း ဥပဒေဟာ မြန်မာတို့ရဲ့ မမှတ်မိနိုင်လောက်တော့အောင်ကို ရှေးကျပြီး နှစ်ပေါင်းများစွာ ကျင့်သုံးလာတဲ့ ဓလေ့ထုံးစံတွေဟာ ဥပဒေကဲ့သို့ အာဏာသက်ရောက်လာတဲ့အတွက် ပထမဆုံး ဓမ္မသတ်ကျမ်းအဖြစ် နဲ့ ဘုရင်ခေတ်မှာ စတင်ကျင့်သုံးခဲ့ပါတယ်။ နောက်ပိုင်းကိုလိုနီဘ၀မှာ ၁၉၃၀ အရေးတော်ပုံအပြီး ဗမာဗုဒ္ဓဘာသာဥပဒေ လို့ပြဌာန်းခဲ့ပါတယ်။ ဒါကို ဗမာတို့ရဲ့ မိသားစုအရေးဟာ ဘာသာရေးနဲ့ မသက်ဆိုင်ဘူး။ ဗမာတို့ရဲ့ နှစ်ပေါင်းများစွာကျင့်သုံးလာတဲ့ ဓလေ့ထုံးစံသာဖြစ်တယ်လို့ ဗုဒ္ဓဘာသာ ဥပဒေလို့ ခေါ်တာကို ကန့်ကွက်ခဲ့ပြီး ဗမာ့ဓလေ့ထုံးတမ်းဥပဒေလို့ သမုတ်ခဲ့ကြပါတယ်။ နောက်ပိုင်းမှာတော့ မြန်မာ့ဓလေ့ထုံးတမ်းဥပဒေ လို့ပြောင်းလဲခေါ်ဝေါ်ခဲ့ကြပါတယ်။
မြန်မာ့ဓလေ့ထုံးတမ်းတခုဟာ ဥပဒေဖြစ်လာဖို့အတွက် နှစ်ပေါင်းများစွာ လိုက်နာကျင့်သုံးခဲ့ခြင်းရှိရပါမယ်။ ဥပဒေကဲ့သို့ အာဏာသက်ရောက်ခြင်းရှိဖို့လဲလိုပါတယ်။
မြန်မာ့ဓလေ့ထုံးတမ်းဥပဒေအရ လက်ထပ်ခြင်းဟာ ဘာသာရေးနဲ့မသက်ဆိုင်ဘဲ လူမှုရေးကိစ္စသက်သက် သာဖြစ်ပါတယ်။
တရားဝင်ထိမ်းမြားခြင်းမြောက်ရန် အခမ်းအနား၊ စာချုပ်စာတမ်း၊ သက်သေတို့မလိုအပ်ပါဘူး။ ပုဆိုးတန်းတင် အကြင်လင်မယားလို့ ဆိုရိုးရှိပါတယ်။ အမျိုးသားနဲ့ အမျိုးသမီး ၂ဦး တစ်အိမ်ထဲမှာ အတူတူ နေတယ်။ ဘုရားသွား ကျောင်းတက်အတူတူလုပ်တယ်။ ပတ်ဝန်းကျင်က လင်မယားလို့သတ်မှတ် ထားတယ် ဆိုတာတွေဟာ တရားဝင် လင်မယားဖြစ်ဖို့ လုံလောက်တဲ့သက်သေခံချက်တွေဘဲဖြစ်ပါတယ်။
ကိုးကွယ်ယုံကြည်ရာ ဘာသာတရား တားမြစ်ချက်မရှိပါဘူး။ မည်သည့်ဘာသာဝင်ကိုမဆို တရားဝင် လက်ထပ်နိုင်ပါတယ်။
မြန်မာ့ဓလေ့ထုံးတမ်းဥပဒေအရ အသက်အရွယ်ကန့်သတ်ချက်မရှိပါဘူး။ မိန်းကလေးနှင့် ယောကျာင်္းလေး လူပျို၊ အပျိုဖေါ်ဝင်ပြီး အိမ်ထောင်သားမွေး ပြုနိုင်တဲ့ မည်သည့် အသက်အရွယ်မဆို တရားဝင် ထိမ်းမြားနိုင်ပါတယ်။ ဒါပေမဲ့ ကိုလိုနီခေတ်မှာ အင်္ဂလိပ်အစိုးရပြဌာန်းခဲ့တဲ့ ကလေးသူငယ်များ ထိမ်းမြားခြင်းကိုကာကွယ်သည့် ဥပဒေ (၁၉၂၉) ကြောင့် ယခုအခါ ယောကျာင်္းလေးအသက် ၁၈နှစ်၊ မိန်းကလေးအသက် ၁၆ နှစ်မပြည့်ခင် လက်ထပ်ခွင့် မရှိတော့ပါဘူး။
တရားဝင် လင်မယားဖြစ်ဖို့အတွက် သွေးသားတော်စပ်မှုဆိုင်ရာ တားမြစ်ချက် မြန်မာ့ဓလေ့ထုံးတမ်း ဥပဒေမှာ မရှိပါဘူး။ နှမအရင်းနှင့်ပင်တရားဝင်လင်မယားဖြစ်နိုင်ပါတယ်။ မည်သူမျှတားမြစ်နိုင်ခြင်းမရှိပါ။
ကွာရှင်းပြီးသားမိန်းမတယောက်သည် ချက်ခြင်းနောက်အိမ်ထောင်ပြုနိုင်ပါတယ်။
ယောကျာင်္းတယောက် ဟာ တချိန်ထဲမှာ မိန်းမဘယ်နှစ်ယောက်ဘဲယူရမယ် ဆိုတဲ့ တားမြစ်ချက်လဲ မရှိပါဘူး။ မိန်းမအမြောက်အများ ယူတဲ့စနစ်ပါ။ နောက်မိန်းမယူဖို့ ပထမမယား သဘောတူရန်လဲ မလိုအပ်သလို ကန့်ကွက်လို့လဲ မရပါဘူး။ ယောကျာင်္းနောက်မိန်းမယူယုံမျှ ဖြင့်လဲ ပထမမိန်းမက ကွာရှင်းခွင့်မရပါဘူး။ ယောကျာင်္းကောင်းတယောက် မောင်းမပေါင်း ၁၀၀၀ လို့ လက်ခံထားတဲ့ ဓလေ့ထုံးတမ်းဥပဒေပါ။
မိန်းမ တယောက်ကတော့ တချိန်ထဲမှာ တရားဝင် လင်ယောကျာင်္း တယောက်သာ ယူခွင့်ရှိပါတယ်။ ယောကျာင်္းရှိလျှက် နောက်ယောကျာင်္းနှင့် ကာမ ကျူးလွန်ခြင်းဟာ မယားခိုးမှုလို့သတ်မှတ်ပါတယ်။ ရှေးယခင် ဓမ္မသတ်တွေအရ ထိုလင်ငယ်နေတဲ့မယားကို လင်ယောကျာင်္းက ရိုက်နှက်ဆုံးမခွင့် နဲ့ ကာမကျူးလွန်တဲ့ နောက် ယောကျာင်္းကို မိမိပိုင်နက်အတွင်းမိပါက သတ်နိုင်ခွင့်တောင်ပြဌာန်းထားပါတယ်။ ဒါကို ကိုလိုနီခေတ် ရာဇသတ်ကြီး ခေါ် ပြစ်မှုဆိုင်ရာဥပဒေ ပြဌာန်းလိုက်တော့ မှ နောက်ယောကျာင်္းဖြစ်တဲ့ မယားခိုးကို ထောင်ဒဏ်သာ သတ်မှတ် ပါတော့တယ်။ မိန်းမကိုတော့ အိမ်ထောင်ရေးဖေါက်ပြန်မှုအဖြစ် ယောကျာင်္းဘက်က ကွာရှင်းခွင့်ရပါတယ်။
ကွာရှင်းခြင်းနဲ့ပတ်သက်ရင်တော့ မြန်မာ့ဓလေ့ထုံးတမ်းဥပဒေအရ မည်သည့်အကြောင်းပြချက်မှမလိုဘဲ ၂ဦးသဘောတူ ကွာရှင်းနိုင်ပါတယ်။ မိန်းမဘက်ကတဘက်သတ်ကွာရှင်းချင်ရင်တော့ ယောကျာင်္းဖြစ်သူဟာ ကူးစက်ရောဂါခံစားနေရလျှင်၊ပေါင်းသင်းရန်ပျက်ကွက်လျှင်၊ ထောက်ပံ့ရန်ပျက်ကွက်လျှင်၊ နှင့် လက်ရောက်မှုတွေ ကျူးလွန်လျှင် ကွာရှင်းနိုင်ပါတယ်။
ယောကျာင်္းတယောက်ကတော့ မိန်းမတယောက်ဟာ အကြောင်းမရှိဘဲ ပေါင်းသင်းရန်ပျက်ကွက်မှု၊ မိန်းမ၀တ္တရားမကျေပွန်မှု နဲ့ အိမ်ထောင်ရေးဖေါက်ပြန်မှုတွေကျူးလွန်ရင် ကွာရှင်းခွင့်ရပါတယ်။
ကွာရှင်းမှုအပြီး တဆက်တည်း ပစ္စည်းခွဲဝေပေးရန်တောင်းဆိုနိုင်ကြပေမဲ့၊ မယားရဲ့ အိမ်ထောင်ရေး ဖေါက်ပြန်မှုကြောင့် ကွာရှင်းတာဆိုရင်တော့ ထိုမိန်းမမှာ ပစ္စည်းအပေါ်မှာ အရေးဆိုခွင့်မရှိပါဘူး။
သားသမီးအုပ်ထိန်းခွင့်နဲ့ပတ်သက်လျှင်လည်း ၂နှစ်အောက်ငယ်တဲ့ သားသမီး၊ သမီးမိန်းကလေးများ အိမ်ထောင်ကျတဲ့အထိနဲ့ သားယောကျာင်္းလေးများ အရွယ်ရောက်တဲ့ထိ မိခင်ကအုပ်ထိန်းခွင့်ရှိပြီး ဖခင်က စရိတ်များကို တာဝန်ယူရမှာဖြစ်ပါတယ်။ မိန်းမရဲ့ အိမ်ထောင်ရေးဖေါက်ပြန်မှုကြောင့် ဆိုရင်တော့ မိခင်ဟာ သားသမီးအုပ်ထိန်းခွင့်ဆုံးရှုံးပါတယ်။
ရှေးယခင် ဓလေ့ထုံးတမ်းအရ မယားကြီး၊ မယားငယ်၊ အမြောင် နဲ့ အပျော်မယား ရယ်လို့ အဆင့်အတန်းတွေ သတ်မှတ်ထားခဲ့ပြီး အမွေဆက်ခံခွင့်နဲ့ သားသမီးတွေရဲ့ခံစားခွင့်တွေမှာပါ ကွာခြားပါတယ်။ ၁၉၅၄ ခုနှစ် ဗုဒ္ဓဘာသာမြန်မာအမျိုးသမီး များအထူးထိမ်းမြားမှု နှင့်အမွေဆက်ခံရေး အက်ဥပဒေ ပြဌာန်းပြီးနောက် မယားမည်မျှရှိစေကာမူ မယားအားလုံးဟာ ညီမျှသော မယားပြိုင် အဆင့်အတန်းရရှိလာကြပါတယ်။
CEDAW လို့ခေါ်တဲ့ အပြည်ပြည်ဆိုင်ရာညီလာခံမှ အမျိုးသမီးများ အမျိုးသားများနှင့်တန်းတူ အခွင့်အရေး ရရှိရေး၊ အမျိုးသမီးများအနှိမ်ခံရမှု ပပျောက်ရေးအတွက် ဥပဒေကြမ်းတခုတင်သွင်းခဲ့ပါတယ်။ ထိုဥပဒေအရ ပြည်တွင်းမိသားစုဥပဒေများကို သူ့ဥပဒေနဲ့အညီ လိုအပ်သလိုပြင်ဆင်ရပါမယ်။ ဒီညီလာခံမှာ ကမ္ဘာ့နိုင်ငံ အားလုံးနီးပါး တက်ရောက်ပြီး သဘောတူလက်မှတ်ထိုးခဲ့ကြပေမဲ့ ပြည်တွင်းဥပဒေကို သူ့ဥပဒေနဲ့အညီ ပြင်ဆင်ဖို့ကိုတော့ မြန်မာနိုင်ငံအပါအ၀င် နိုင်ငံတော်တော်များများ မလိုက်နာနိုင်ကြသေးဘဲ ရှိနေပါတယ်။ ဒီထဲမှာ ပြည်တွင်း မိသားစုဥပဒေ တွေကို တလင်တမယားစနစ်အဖြစ် ပြဌာန်းပေးရမယ်ဆိုတာကို မလိုက်နာနိုင်တာလဲ တချက် အပါအ၀င် ဖြစ်ပါတယ်။
ဒါကတော့ မြန်မာ့ဓလေ့ထုံးတမ်းဥပဒေရဲ့ အိမ်ထောင်ရေးဆိုင်ရာသိမှတ်စရာ အကျဉ်းချုပ်ဖြစ်ပါတယ်။
အောက်တိုဘာ၊၁၈၊ ၂၀၁၂
M-Media
ဆောင်းပါးရှင်- Storm Rider
တခါတုန်းက အစ္စလာမ့်တံခွန်ဆိုတဲ့ ကုရ်ဘာနီ စွန့်လှူတဲ့ အလှူအဖွဲ့နဲ့ မြို့သစ်တွေကို အသားလိုက်ဝေတာ လုပ်အားပေးအနေနဲ့ လိုက်သွားဘူးပါတယ်။ ကျွန်တော်တို့က ရွှေပြည်သာဘက်က ရပ်ကွက်တွေကို ဘာသာလူမျိုးမခွဲခြားဘဲ လိုက်ဝေတာ။တန်းစီတဲ့ လူအုပ်ကြည်ပြီး ကျွန်တော်တော်လေး တုန်လှုပ်မိပါတယ်။ စိတ်မကောင်းလည်း တော်တော်ဖြစ်ပြီး မျက်ရည်တောင်ဝဲမိပါတယ်။ ။ပါလာတဲ့ အသားထုပ် အရေအတွက်နဲ့ တန်းစီပြီးအသားယူဖို့ စောင့်နေတဲ့ နွမ်းဖတ်နေတဲ့ အဝတ်စားတွေနဲ့ လူအုပ်ကြီးဟာ ဘယ်လိုမှ မလောက်မှန်း ကျွန်တော်တို့သိလိုက်လို့ပါ။ ဒါတောင်ရပ်ကွက် နှစ်ခုက လူပဲရှိသေးတာတဲ့။ အဲ့ဒါနဲ့ ကျွန်တော်တို့လည်း ရပ်ကွက်ကတာဝန်ရှိတဲ့လူတွေနဲ့ ဝေခြမ်းရေး အစီအစဉ်စရော။ ကားပေါ်က အသားထုတ်တွေကို လှမ်းကြည့်ပြီး အခြေအနေ မဟန်မှန်းသိတဲ့ လူတချို့က အသားထုတ်တွေကို လုယူဖို့ တီးတိုးတီးတိုးသံတွေ ညံလာတဲ့အခိုက် အခြေအနေကို ရိပ်စားမိတဲ့ လှူဒါန်းရေး အဖွဲ့ဝင်တွေနဲ့ ရပ်ကွက်လူကြီးတွေ တိုင်ပင်ပြီး လူထုကိုကြေငြာရပါတယ်။မလုကြဖို့နဲ့ အခုဒီမှာ တန်းစီနေတဲ့ လူတွေ အကုန်လုံးရမှာ ဖြစ်ကြောင်း ကြေငြာရပါတယ်။
တဆက်တည်း အစ္စလာမ့်တံခွန်က တာဝန်ရှိတဲ့လူတွေကို ဆက်သွယ်ပြီး အသားထုတ်တွေ ထပ်လိုချင်ကြောင်း။ လောက်ငှမှု မရှိကြောင်း ပြောတော့ပြန်ပြောတာက အသားဝေဖို့လမ်းကြောင်းတိုင်းက အသားထုပ်ထပ် လိုချင်နေပေမယ့် သူတို့လည်း ဘယ်လိုမှ မတတ်နိုင်တော့ကြောင်း အကြောင်းပြန်တော့ ကျွန်တော်တို့ ဇောချွေးတွေပျံနေကြပြီ။ မထူးတော့တဲ့အဆုံး အိမ်ကိုဖုန်းဆက်ပြီး အသားထုတ် ဘယ်လောက်ကျန်သေးလည်း လှမ်းမေးတော့ (၅၀) လောက်ရမယ်ပြောလို့ ကျွန်တော်လည်း နီးရာကားနဲ့ သုတ်ခြေတင်လို့ အမြန်သွားယူပါတော့တယ်။
အလ္လာဟ်အရှင်ဘက်က အကူအညီကလည်း အစ်ခ်လားစ် (စိတ်ရင်းစေတနာ) မှန်တော့ ထပ်ရောက်လာပါတယ်။ နီးစပ်ရာဆွေမျိုးများနဲ့ လွတ်လပ်ရေးရပ်ကွက် (ဘင်္ဂါလီစု လို့လည်းခေါ်ပါတယ်) အဲ့ဒီထဲကို ကားနဲ့ပတ်ပြီး အလှူခံတော့ စုစုပေါင်းအသားထုပ် အရေအတွက် (၃၈၀) ခန့်ထပ်ရပါတယ်။ အဲ့ဒါနဲ့ သုတ်ခြေတင်ပြေး။ ဟိုရောက်တော့ သန်လျင်ဘက် အသားလှူတဲ့ အဖွဲ့တဖွဲ့ကလည်း အသားထုတ် (၅၀၀) ကျော်နဲ့ ထပ်ရောက်နေပြီ။ ALLAHAMDULILLAH (အလ္လာဟ်အရှင်မြတ်ကို ကျေးဇူးတင်ခြင်း) ဆိုပြီး အဲ့ဒီကြမှ သက်ပြင်း ချနိုင်တော့တယ်။
ဒါတောင် ထပ်ပြီး လူ(၅၀) လောက်နဲ့ ရပ်ကွက်လူကြီးတွေကို ပေးဖို့ကျန်တော နောက်နေ့ယူလာပါ့မယ့် လို့ကတိပေးပြီး ပြန်လာခဲ့ရတယ်။ အချိန်ကလည်း ည ၈း၀၀ နာရီကျော်ပြီ။ လူတွေလည်း မနက် ၅း၃၀ နာရီ ထဲက တောက်လျှောက် RUN ခဲ့ရတာဆိုတော့ တကိုယ်လုံးကို ကိုင်ရိုက်ထားသလို ကိုက်ခဲပြီး ပင်ပန်းနေပြီ။ မျက်စိထဲမြင်နေတာက လူမမယ်ကလေး တယောက်နဲ့ အသက် ၆၅-၆၈ နှစ် လောက်ရှိတဲ့ အမေအိုကြီးရဲ့ သနားစဖွယ် မျက်နှာလေးတွေနဲ့ မနက်ဖြန် ဆက်ဆက်လာပို့ပါနော်။မနက် ၇း၀၀ နာရီ လာစောင့်နေပါ့မယ် ဆိုတာကြောင့် စိတ်ထဲ တော်တော် မကောင်းဖြစ်ပြီး မနက်ဖြန် အတွက် ရင်မောရင်း ပြန်ခဲ့ရပါတယ်။
ဒါပေမယ့် အဲ့ဒီနေ့မှာလည်း အလ္လာဟ်ဘက်က အကူအညီတွေက ထပ်ရောက်လာပြီး ဆိတ်နှစ်ကောင်လှူတဲ့လူနဲ့ အိမ်မှာရှိတဲ အလှူလုပ်ဖို့ ဝေစုအိုးထဲက ချက်ပြီးသား အသားတွေ ယူပြီးဝေခြမ်း နိုင်ခဲ့ပါတယ်။ အလှူခံ ၉၅ရာခိုင်နှုန်းဟာ ဗုဒ်ဓ ဘာသာဝင်တွေပဲဖြစ်ပါတယ်။အဲ့ဒီတုန်းက အခုလို အစ္စလာမ့်တံခွန်အဖွဲ့က ရပ်ကွက်တခုခြင်းစီ နွားအကောင်လိုက် မလှူနိုင်သေးဘူး။ မှတ်မိရသလောက် ပထမနှစ်က ဟံသာဝတီဒါရ်ဂါဗလီ (အခုတော့မရှိတော့ပါဘူး စစ်အစိုးရလက်ထက် အစ္စလာမ့် သာသနိက အဆောက်အအုံကို ဖျက်ပြီး အခုဘာလုပ်ထားတယ်ဆိုတာ မိတ်ဆွေများသိမှာပါ)။ နောင်နှစ်တွေမှာတော့ရွာသာကြီး အမဲဈေးမှာ လုပ်အားပေးတွေ အင်အားနဲ့ ကိုယ်တိုင်ပဲ ကစိုင်လုပ်။ကိုယ်တွေပဲ ခုတ်ထစ်ဖြတ်တောက်ပြီး ကိုယ်တိုင်ပဲ ကားတွေနဲ့ဝေချမ်းရေးလုပ်ရပါတယ်။
ဒါတောင် အလှူခံတွေရှိတဲ့ နေရာတွေကိုသယ်တဲ့ လမ်းတလျှောက် စစ်ဝတ်စုံနဲ့ဓါးပြ၊ ရဲဝတ်စုံနဲ့ဓါးပြ၊ ယာဉ်ထိန်းရဲဝတ်စုံနဲ့ ဓါးပြတွေက လမ်းထောင့် အသီးသီးမှာ ဆက်ကြေးတောင်းပြီး ပါလာတဲ့အသားတွေကိုလည်း အေးဓါးမြ တိုက်ပါသေးတယ်။အဆိုးဆုံးနေရာကတော့ ဒဂုံတောင်မြောက်လမ်းဆုံနား ငမိုးရိပ်ချောင်းကူးတံတားနားမှာပါ။ စစ်ကား TE11 ကြီးရပ်ပြီးတော့ကို မသထာကြေးတောင်းတာ။
အစ္စလာမ်တံခွန်က လုပ်ဆောင်တောင် ကုရ်ဗာနီစွန့်လှူတဲ့ အစီအစဉ်ဟာ အခုတော့ တော်တော်ကို အောင်မြင်နေပါပြီ။ နွားအကောင်လိုက် ရပ်ကွက်အလိုက် အသင်းကိုလှူတဲ့ သူဌေးတွေ ဒုနဲ့ဒေးပါ။ ဒီအလုပ်နဲ့ ဒီအသင်းကို စတင်ဖွဲ့စည်း အကောင်အထည်ဖော်ခဲ့တဲ့ ဦးတင်မောင်သန်း နှင့် အဖွဲ့ဝင်များအား အလ္လာဟ်အရှင်မြတ်ထံတော်ပါးမှ သာသနာ့အကျိုး ၊ နိုင်ငံ့အကျိူးအား ဆထက်တံပိုး ထမ်းပိုးနိုင်တဲ့ အင်အားများချီးမြင့် ပေးသနားတော်မှုပါစေ။
အဲ့ဒီလိုသွားပို့ရာ ကျွန်တော်တို့ လုပ်အားပေးတွေဟာ အသားထုတ်တွေ တင်ဆောင်ထားတဲ့ HILUX တို့DYNA တို့လို ကားတွေရဲ့ နောက်ခန်းမှာ တပါတည်းလိုက်ပါသွားရပါတယ် ။ သေချာဆေးကြောပြီး သွေးတွေဘာတွေ မမြင်အောင် ဘယ်လောက်လုပ်လုပ် အဲ့ဒီနေ့မှာ တကူးတက ကိုယ်ပိုင်ကားတွေနဲ့ ပြသနာကို မီးခွက်ထွန်းပြီးရှာတဲ့ ခွေးတွေက ဘေးကနေ ဖြတ်ကျော်ရင်းခွေးကုလားတွေ။ ငါ-ိုးမကုလားတွေဆိုပြီး ပေါ်တင်ဆဲတာကိုလည်း မသိချင်ယောင်ဆောင်ပြီး မျက်နှာလွဲထားရပါသေးတယ်။ စိတ်ထဲကလူငယ်ပီပီ ပြန်ဆဲချင်ပေမယ့် ကားပေါ်ပါလာတဲ့ အကိုတချို့က ဖျောင်းဖျတာကြောင့် အံကိုကြိတ်လို့မျက်ရည်ဝဲမိပါတယ်။ စိတ်ထဲကတော့—-အော်—အဲဒီခွေးကုလားလို့ မင်းတို့နှိမ်ပြီး ခေါ်နေတဲ့လူတွေဟာ မင်းတို့အမျိုး မင်းတို့ဘာသာဝင်တွေအတွက် ဗုဒ်ဓဘာသာအယူအရ ကံ၊ ကံ၏ အကျိုးကြောင့်ဘဲ ဖြစ်ဖြစ်၊ စနစ်ဆိုးကြောင့်ပဲ ဆိုဆို၊ စစ်အစိုးရစနက်ကြောင့်ပဲဆိုဆိုကမ္ဘာ့အဆင်းရဲဆုံးနိုင်ငံက အဆင်းရဲဆုံးဆိုတဲ့ လူ့ငမွဲတွေကို ကျောသားရင်သား မခွဲခြားဘဲ အစ္စလာမ်သာသနာရဲ့ သွန်သင်ဆုံးမတဲ့ နည်းလမ်းအတိုင်း အလ္လာဟ်အရှင့် မျက်နှာ တခုတည်းသာကြည့်ပြီး စိတ်စေတနာ သန့်သန့်နဲ့ သွားလှုနေတာပါလို့ စိတ်ထဲမှာဘဲ ပြောနေမိပါတော့တယ်။
စက်တင်ဘာ၊ ၁၉၊ ၂၀၁၂
စာတမ်းပြုစုရေးသားသူ
ဖိုးလှိုင် (B.Sc, H.G.P,R.L)
ဤ စာတမ်းသည် နိုင်ငံတော် သမ္မတ ဦးသိန်းစိန်ဖွဲ့စည်းပေးထားသော ရခိုင်ပြည်နယ် ပဋိပက္ခ စုံစမ်းရေးကော်မရှင်သို့ ဖိုးလှိုင် (B.Sc, H.G.P,R.L) မှ ပေးပို့သော အကြံပြုစာတမ်းဖြစ်ပါသည်။
အခန်း(၆)
(စ) ကွဲပြားသောဘာသာအယူဝါဒရှိသူမတူညီသည့်လူမျိုးစုများအကြား ငြိမ်းချမ်းစွာ အတူယှဉ်တွဲနေထိုင်နိုင်မည့် နည်းလမ်းများ
(၁) အပြည်ပြည်ဆိုင်ရာ ဓလေ့ထုံးတမ်းများ၊ အပြည်ပြည်ဆိုင်ရာ စာချုပ်များ၊ နိုင်ငံတကာဥပဒေများ ။
ရခိုင်ဒေသရှိ အာဏာပိုင်အဆင့်ဆင့်ကို သင်တန်းများပေးရန်လိုအပ်သည်။ အပြည်ပြည် ဆိုင်ရာဓလေ့ထုံးတမ်းများသည် အပြည်ပြည်ဆိုင်ရာစာချုပ်များ၊ ဥပဒေများမဟုတ်၍ လေးစား လိုက်နာရန်မလိုဟု မဆိုနိုင်ပါ။ ယဉ်ကျေးသည့်ကမ္ဘာ့နိုင်ငံများက လေးစားလိုက်နာသော ဓလေ့ ထုံးတမ်းများရှိပါသည်။ ထိုဓလေ့ထုံးတမ်းများကို လေးစားလိုက်နာရန် စည်းနှောင်အားလည်း ရှိပါသည်။
အလားတူ အပြည်ပြည်ဆိုင်ရာ စာချုပ်များကိုလည်း ပါဝင်လက်မှတ်ထိုးသူအသီးသီးက လေးစားလိုက်နာရန် တာဝန်ရှိသည်။ အကယ်၍ လက်မှတ်ထိုးထားခြင်းမရှိပါလျှင်လည်း ဆန့်ကျင်ခွင့်မရှိပါ။ ဥပမာ…ါနညသခငိနပြဿနာများ၊ စစ်ရာဇဝတ်မှုများ၊ လူသား မျိုးနွယ်အပေါ်ကျူးလွန်သည့် ရာဇဝတ်မှုများဆိုင်ရာစာချုပ်များကို လက်မှတ်မထိုးသူများပင်လျှင် ဆန့်ကျင်ကျူးလွန်ခွင့် မရှိပါ။ နိုင်ငံအစိုးရများအပေါ်တွင်စည်းနှောင်အားရှိပါသည်။
အလားတူ နိုင်ငံတကာဥပဒေများကိုလည်း လေးစားလိုက်နာရန် တာဝန်ရှိပါသည်။ ယခုအခါ ရခိုင်ဒေသမှ လုံထိန်းများနှင့် အာဏာပိုင်အချို့တို့သည် မျက်ကန်းတစ္ဆေ မကြောက် ဖြစ်နေကြပါသည်။ ထို့ကြောင့်စနစ်တကျ သင်တန်းများပေးသင့်ပါသည်။ မျက်ကန်းမျိုးချစ် များသည် သေသည်အထိ၎င်းတို့၏ အစွန်းရောက်သည့်အစွဲအလမ်းများကို မြဲမြဲကိုင်ဆွဲထား လေ့ရှိပါသည်။ အပြည်ပြည်ဆိုင်ရာခုံရုံးများတွင် အပြစ်ပေးခံရသူအားလုံးနီးနီး၊ ရုံးတင်ခံရဆဲ ပုဂ္ဂိုလ်အားလုံးနီးနီး ခေါင်းမာကြကြောင်းတွေ့ရသည်။ မည်သည့်အခါမှ ၄င်းတို့၏ အကြမ်းဖက် ဝါဒကို မစွန့်လွှတ်ကြပါ။ ထို့ကြောင့် ရခိုင်ဒေသတွင် အစွဲများချွတ်ရန်၊ စနစ်တကျ သင်တန်းများ ပေးရပါမည်။
(၂) အာဏာပိုင်အဖွဲ့အစည်းအတွင်း ကွဲပြားသော ဘာသာအယူဝါဒ ရှိရန်လို ။
ကွဲပြားသော ဘာသာအယူဝါဒရှိသူများအကြား ငြိမ်းချမ်းစွာ အတူတကွ နေထိုင် နိုင်ရန်အတွက်အုပ်ချုပ်သူအာဏာပိုင်အဖွဲ့အစည်း အဆင့်ဆင့်တွင် ကွဲပြားသောဘာသာ အယူ ဝါဒရှိသူများ မျှမျှတတပါဝင်ဖွဲ့စည်းရန် လိုအပ်ပါသည်။ တစ်ဘက်ကို အာဏာပိုင်များအဖြစ် ခန့်ထားပြီး ၊ အခြားတစ်ဘက်ကို ဖိနှိပ်ချုပ်ချယ်မည်ဆိုလျှင် ငြိမ်းချမ်းစွာအတူယှဉ်တွဲနေထိုင်ရန် လုံးဝမဖြစ်နိုင်ပါ။ ခွဲခြားဆက်ဆံမှုအားလုံးကို ရာဇဝတ်မှုအဖြစ်ပြဋ္ဌာန်းလျက် ပြတ်ပြတ်သားသား အရေးယူအပြစ်ပေးရန် လိုအပ်ပါသည်။
(၃) ပြစ်မှုကျူးလွန်သူများကို ဖော်ထုတ်၍ အရေးယူအပြစ်ပေးရန် ။
ရခိုင်ဒေသတွင် အကြမ်းဖက်ကျူးလွန်သူ လူနည်းစုများက တစ်ဖက်သတ်အရေးယူ အပြစ်ပေးခံနေရပါသည်။ အကြမ်းဖက်ကျူးလွန်ကြသူအများစုက အရေးယူအပြစ်ပေးမခံရဘဲ အကြမ်းဖက်မှုများကို ဆက်လက်ကျူးလွန်နေကြပါသည်။ ဥပမာ- တောင်ကုတ်လူသတ်မှုကြီး သည် ထင်ရှားသော သာဓကဖြစ်သည်။ အကြမ်းဖက်ကျူးလွန်ကြသည့် လုံထိန်းများလည်း အာဏာရှိမြဲရှိနေသည်။ တရားမျှတမှုမရှိသ၍ ငြိမ်းချမ်းစွာအတူယှဉ်တွဲနေထိုင်ရန် မဖြစ်နိုင်ပါ။ ရခိုင်ပါတီကြီးတစ်ခုက တင်ပြသည့်အတိုင်း လူနည်းစုများအားလုံးကို မောင်းထုတ်မှသာလျှင် အကြမ်းဖက်သမားများက ကျေနပ်လက်ခံကြပါမည်။ ထို့ကြောင့် ပြစ်မှုကျူးလွန်သူများကို ဥပဒေနှင့်အညီအရေးယူမှသာလျှင် ငြိမ်းချမ်းစွာအတူယှဉ်တွဲနေနိုင်မည်ဟု သုံးသပ်ပါသည်။
အခန်း(၇)
(ဆ) ဥပဒေစိုးမိုးရေး အကြံပြုချက်များ
(၁) စစ်တပ်ကို ဆက်လက်ချထားပါ။
(၂) လုံထိန်းတပ်ဖွဲ့တွင် ခရစ်ယာန်များနှင့် ဟိန္ဒူများကိုပါ ထည့်သွင်းပေးပါ။
(၃) ရဲစခန်းများကို တိုးချဲ့ပေးပါ။
(၄) လူနည်းစုအခွင့်အရေး ကာကွယ်သည့်ဥပဒေပြဋ္ဌာန်းပေးပါ။
(၅) ခွဲခြားဆက်ဆံမှုအားလုံး ဖယ်ရှားပေးပါ။
(၆) အစ္စလာမ်ဘာသာဝင်များအား၊ ဥပဒေနှင့်အညီ နိုင်ငံသားစိစစ်ရေးကတ်ပြားများ ထုတ်ပေးပါ။
(၇) အိမ်ထောင်ခွဲများကို အိမ်ထောင်စုဇယားများခွဲပေးပါ။
(၈) ခရီးသွားလာခွင့် ကန့်သက်ချက်များကို ဖယ်ရှားပေးပါ။
(၉) လယ်ယာကိုင်းကျွန်းများ မတရားသိမ်းခြင်းကို ရပ်ဆိုင်းပေးပါ။ သိမ်းပြီးသားများကိုလည်း ပြန်လည်ပေးအပ်ပါ။
(၁၀) ဒုက္ခသည်အားလုံးကို တရားဥပဒေနှင့်အညီ မျှမျှတတ ဆက်ဆံပါ။ မျှမျှတတ အိမ်ရာများ တည်ဆောက်ပေးပါ။ မတရားသိမ်းခြင်းခံထားရသည့် အိမ်များ၊ ဆိုင်ခန်းများအားလုံး၊ မူလပိုင်ရှင်သို့ ပြန်ပေးပါ။
အခန်း(၈)
(ဇ) စီးပွားရေးနှင့်လူမှုရေးဖွံ့ဖြိုးတိုးတက်မှုဆိုင်ရာအကြံပြုချက်များ
(၁) လျှပ်စစ်မီး ။
ကျေးရွာများအရောက် လျှပ်စစ်မီးများ နေ့၊ည (၂၄)နာရီရရှိရေး ဆောင်ရွက်ပေးပါ။ ဒေသထွက်ဓာတ်ငွေ့များကို ဒေသခံပြည်သူများ ရရှိခံစားနိုင်ရန် ဆောင်ရွက်ပေးပါ။
(၂) ဈေးဆိုင်များ ။
ဈေးများ(၃)ဆခန့် တိုးချဲ့တည်ဆောက်ပေးပါ။ အိမ်ဆိုင်များလည်း တိုးချဲ့ဖွင့်လှစ်နိုင်ရန်၊ စီစဉ်ပေးပါ။ စည်ပင်သာယာ မြေလွတ်များတွင် ဈေးရောင်းချနိုင်အောင် စီစဉ်ပေးပါ။ ဈေးသည် များအား ဖမ်းဆီးခြင်း၊ ဈေးကောက်များ တိုးမြှင့်ကောက်ခြင်းမပြုပါနှင့်။ အခြားအခွန် အကောက်များလည်း အထပ်ထပ်မကောက်ပါနှင့်။ ဈေးသည်များသည် လူမျိုးမခွဲ၊ ဘာသာမခွဲ ဈေးရောင်းကြသူများသာဖြစ်သည်။ ထို့ကြောင့် ဈေးသည်များရန်လိုသည်။ ဈေးသည်များကို အားပေးရန် ကာကွယ်ရန်လိုသည်။
(၃) လမ်း တံတားများ ။
ပျက်စီးနေသော လမ်းတံတားများကို ပြုပြင်ရန်လိုပါသည်။ လမ်းတံတားများကို တိုးချဲ့ ဆောက်လုပ်ရန်လိုပါသည်။ သို့မှသာ စီးပွားရေးဖွံ့ဖြိုးရန် အထောက်အကူပြုမည်။ သယ်ယူ ပို့ဆောင်ရေးလုပ်ငန်းတွင် အလုပ်အကိုင်အသစ်များပေါ်မည်။ သို့မှသာ တစ်ဘက်နှင့်တစ်ဘက် ရန်ဆောင်မှု တဖြည်းဖြည်း လျော့ပါးသွားမည်။
(၄) ခရီးသွားလုပ်ငန်းများ ဖွံ့ဖြိုးရန်လို ။
ရခိုင်ဒေသသည် ကမ္ဘာတွင် ချောင်အကျဆုံးနေရာဖြစ်သည်။ ကမ္ဘာလှည့်များလည်းမရှိ၊ နိုင်ငံတကာသတင်းသမားလည်းမရှိ၊ INGO များလည်း အလွန်ရှား၊ ပြည်တွင်းမှ အစ္စလာမ် ဘာသာဝင်များလည်း ရခိုင်သို့မသွားရဲကြပါ။ အခြားလူမျိုးများလည်း အနည်းအကျဉ်းသာ သွားကြသည်။ ထို့ကြောင့် ခရီးသွားလုပ်ငန်းဖွံ့ဖြိုးရန်အလွန်ခက်ခဲသည်။ လဝက၏ ကန့်သတ် ချက်များ လျှော့ရန်လိုသည်။ အနိုင်ကျင့်ဗိုလ်ကျမှုများ ဖယ်ရှားရန်လိုသည်။ သို့မှသာ အလုပ် အကိုင်၊ အခွင့်အလမ်းများ တိုးပွားလာမည်။ တည်းခိုခန်းလုပ်ငန်းများလည်း တွင်ကျယ်လာမည်။ ပဋိပက္ခများလည်း လျော့နည်းလာမည်။
(၅) နိုင်ငံခြားရင်းနှီးမြုပ်နှံမှု ။
နိုင်ငံခြားရင်းနှီးမြှုပ်နှံမှုသည် ဒေသတည်ငြိမ်အေးချမ်းရေးနှင့် တိုက်ရိုက်သက်ဆိုင် ပါသည်။ ဒေသခံများကိုလည်းနိုင်ငံခြားရင်းနှီးမြှုပ်နှံမှုလုပ်ငန်းတွင် ကျယ်ကျယ်ပြန့်ပြန့် ပါဝင်လာနိုင်ရန် သင်တန်းများပို့ချရန်လိုသည်။ ၄င်းတို့ကိုယ်တိုင်ကလည်း ၄င်းတို့ဒေသ၏ ထူးခြားသောလုပ်ငန်းများကို ဖော်ထုတ်လုပ်ကိုင်နိုင်ရန်အားပေးရမည်။ ဒေသခံများကိုယ်တိုင် နိုင်ငံခြားထွက်၍ မိမိတို့နှင့် လက်တွဲဆောင်ရွက်နိုင်မည့် နိုင်ငံခြားရင်းနှီးမြှုပ်နှံမှုများကို ရှာဖွေ သင့်ကြောင်း အကြံပြုသင့်သည်။ အထူးသဖြင့် ပဋိပက္ခကို မီးခွက်ထွန်းရှာနေသူများလျော့နည်း သွားအောင် ဆောင်ရွက်ရပါမည်။
(၆) (၅၀ဝ၀)ကျပ်တန်ဖုန်း ။
ရခိုင်ဒေသတွင်း လမ်းပန်းဆက်သွယ်မှုများအလွန်ညံ့သည်။ (၅၀ဝ၀)ကျပ်တန် ဖုန်းကဲ့သို့ သင့်လျော်သည့်ဖုန်းများ အမြန်ဆုံးရရှိရန် ဆောင်ရွက်ပေးသင့်သည်။ တယ်လီဖုန်းများအမြန်ဆုံး ချပေးနိုင်လျှင် ဒေသဖွံ့ဖြိုးရေးလည်း အလွန်လျင်မြန်စွာ ဖွံ့ဖြိုးတိုးတက်လာမည်။ အလုပ်ကိုင် အသစ်များလည်း ဖွံ့ဖြိုးတိုးတက်လာပေမည်။
(၇)အာဆီယံအစည်းအဝေးများနှင့် နိုင်ငံတကာအားကစားပွဲများ၊ ဖိတ်ခေါ်ပွဲများကျင်းပရန် ။
ဒေသခံပြည်သူများသည် ပိတ်လှောင် မွန်းကျပ်နေကြပါသည်။ မြန်မာနိုင်ငံသည် မကြာမီ အာဆီယံဥက္ကဋ္ဌတာဝန်ယူရပါမည်။ ယခုအချိန်မှစ၍ နိုင်ငံတကာအစည်းအဝေးများ၊ ညီလာခံများ၊ ရခိုင်ပြည်နယ်တွင် ကျင်းပသင့်ပါသည်။ နိုင်ငံတကာအားကစားပြိုင်ပွဲများ၊ ဖိတ်ခေါ်ပြိုင်ပွဲများ၊ ချစ်ကြည်ရေးပွဲများကျင်းပသင့်ပါသည်။ သို့မှသာ အလုပ်အကိုင်အသစ်များ လည်း ပေါ်ထွက်လာပါမည်။ ဒေသလည်း ဖွံ့ဖြိုးလာပါမည်။
(၈) ပညာရေးကဏ္ဍ ။
အခြေခံပညာရေးစာသင်ကျောင်းများ၊ များများတိုးချဲ့ဖွင့်ပါ။ ရိုဟင်ဂျာဒေသများတွင် စာသင်ကျောင်းမြန်မြန်ဖွင့်ပေးပါ။ ရိုဟင်ဂျာ ဆရာဆရာမများ များများခန့်ထားပေးပါ။ သို့မှသာ ဆရာများက ရိုဟင်ဂျာလူငယ်များကို စာသင်ကျောင်းများတွင်သာမက အရပ်ထဲတွင်ပါ ဆုံးမ သွန်သင်နိုင်မည်။ လူငယ်များ အယူမသီးရန်၊ အစွန်းမရောက်ရန်၊ ဗဟုသုတရှိရန် ဆရာ၊ ဆရာမများကသာလျှင် ဆောင်ရွက်နိုင်ပါမည်။ ရိုဟင်ဂျာများသည် အလွန်ခေတ်နောက်ကျ ကျန်ရစ်ခဲ့ပါသည်။ ခေတ်ပညာတတ် အလွန်နည်းပါသည်။
သမ္မတကြီး၏ အယူအဆကိုထောက်ခံလိုပါသည်။ ပညာရေးကဏ္ဍသည် အလွန်အရေး ကြီးသော ကဏ္ဍဖြစ်သည်ဟု သဘောတူပါသည်။ ထို့ကြောင့် စာသင်ကျောင်းများလက်ရှိအရေ အတွက်ထက် (၄)ဆခန့် ရိုဟင်ဂျာဒေသတွင် တိုးချဲ့တည်ဆောက်ရန် လိုအပ်ပါသည်။
(၉) ကမ္ဘာ့ကုလသမဂ္ဂ လက်အောက်ခံအဖွဲ့အစည်းများ ။
မစ္စတာ ကင်တားနား မတိုင်မီရှိခဲ့သော လူ့အခွင့်အရေးကိုယ်စားလှယ်များ၊ အကြိမ်ကြိမ် ပြောင်းခဲ့ပြီးဖြစ်သည်။ မõတာ ကင်တားနား တစ်ဦးတည်းသာလျှင် ယခုအချိန်အထိ ရှည်ကြာ ခဲ့သည်။ တည်မြဲခဲ့သည်။ မြန်မာပြည်အတွက်လည်း များစွာအကျိုးပြုခဲ့သည်ဟုမှတ်ယူပါသည်။ ရခိုင်ပြည်နယ်တွင် အကူအညီလိုအပ်သူများကိုလည်း အထိုက်အလျောက် ကူညီနိုင်ခဲ့သည်ဟု ယုံကြည်ပါသည်။ အလားတူ အခြားအဖွဲ့အစည်းများကလည်း အကူညီလိုအပ်သူများကို အထိုက် အလျောက် ကူညီနိုင်ခဲ့ကြပါသည်။
သို့သော် အစွန်းရောက်များက ထိုအဖွဲ့အစည်းများကို ဘက်လိုက်သည်ဟု စွပ်စွဲကြပါသည်။ နိုင်ငံတကာ လူသားချင်းစာနာသည့် အဖွဲ့စည်း အားလုံးကို ရခိုင်ပြည်နယ်မှ မောင်းထုတ်လိုကြသည်။ နိုင်ငံတကာအစိုးရများ၊ အဖွဲ့အစည်းများ၊ စာနယ် ဇင်းများ၊ အားလုံးကို ဘက်လိုက်သည်ဟု စွပ်စွဲကြပါသည်။ အားလုံး၏အသံကို နှုတ်ဆိတ်သွား စေလိုကြပါသည်။ သို့မှသာလျှင် ရိုဟင်ဂျာများအားလုံးကို တတိယနိုင်ငံသို့မောင်းထုတ်နိုင်မည်ဟု ယုံကြည်နေဟန်တူပါသည်။ ထိုသို့ မောင်းထုတ်လိုကြောင်း၊ ဆန္ဒထုတ်ဖော်ကြေညာပြီးလည်း ဖြစ်သည်။ မစ္စတာ ကင်တားနားအားလည်း နောက်တစ်ကြိမ် မြန်မာပြည်မလာစေလိုပါ။ အသစ် တစ်ယောက် ပြောင်းလိုကြဟန်တူပါသည်။ ဘယ်လောက်ပြောင်းပြောင်း၊ ၄င်းတို့ နှစ်သက် မည်ဟုမယုံကြည်ပါ။
ရခိုင်ဒေသတွင် များနှင့် ကမ္ဘာ့ကုလသမဂ္ဂအဖွဲ့အစည်းအားလုံး အားကောင်းရန် လိုအပ်ပါသည်။ ထို့ကြောင့် အစိုးရအနေဖြင့် ထိုသို့အားကောင်းလာရန်၊ အလေးအနက်ထား ဆောင်ရွက်သင့်ပါကြောင်း အကြံပြုအပ်ပါသည်။
လေးစားစွာဖြင့်
ဖိုးလှိုင်(B.Sc.,H.G.P,R.L)
17.9.2012
စာတမ်းအပြည့်အစုံ ကို အောက်ပါလင့်ခ်တွင် ရယူနိုင်ပါပြီ။
PDF file Link – Click Here
အောက်တိုဘာ၊ ၁၆၊ ၂၀၁၂
M-Media
ဆောင်းပါးရှင်-T.Z.A
မပြောမဖြစ်လွန်းလို့ပြောရတာပါခင်ဗျား…လွန်တာကျွံတာရှိက ဆုံးမပါ”အစရှိတဲ့ ဟိုလွန်ခဲ့တဲ့ ဆယ်စုနှစ် နှစ်ခုကျော်လောက် နာမည်ကြီးအဆိုတော် လွှမ်းမိုးသီဆိုခဲ့တဲ့ သီချင်းလေးတစ်ပုဒ်ကို သွားသတိရမိတယ်။ အဲဒီသီချင်းလေးထဲကလိုပဲ စာရေးသူလည်း နည်းနည်းမျှဝေချင်တာလေးတွေရှိလာတယ်။ ဒါပေမယ့် စာရေးသူတို့ရဲ့ ထုံးစံအတိုင်း ပုဂ္ဂိုလ်စွဲ၊ ဂိုဏ်းဂဏစွဲ၊ ၀ါဒစွဲ ကင်းကင်းနဲ့ ကိုယ်မျှဝေချင်တာလေးတွေကို မျှဝေလိုက်ပါတယ်။ အကယ်၍များ တိုက်ဆိုင်မှုများရှိခဲ့လျှင်လည်း တိုက်ဆိုင်မှုသက်သက်အဖြစ်သာ နားလည်ပေးကြဖို့လည်း မေတ္တာရပ်ခံအပ်ပါတယ်။
စာရေးသူတို့ ငယ်ငယ်တုန်းက သင်ကြားခဲ့ရတဲ့ လောကပါလ တရားနှစ်ပါး။လောကကို စောင့်ရှောက်တဲ့ တရားနှစ်ပါးပေါ့နော်။ (ဒါက စာပေသဘောအရဘာသာပြန်တာပါ။ ယုံကြည်ချက်မဟုတ်ပါဘူး၊) အဲဒီတရားနှစ်ပါးဆိုတာ “ဟီရိ၊ သြတ္တပ္ပ”တဲ့။ အဲဒါ မြန်မာလို ပြန်ရင်တော့ အရှက်တရား၊ အကြောက်တရား ပေါ့။ ဒီတရားနှစ်ပါးမရှိရင် လောကပျက်စီးရာ ပျက်စီးကြောင်းပေါ့။ ဒါပေမယ့် အခုအချိန်မှာ ဒီလို ကောင်းမြတ်တဲ့ကိုယ်ကျင့်တရားတွေကို ထိန်းသိမ်းထားကြတဲ့လူတွေဟာ စိန်ခေါ်ခံနေရတယ်။
“ကောင်းမှုမြတ်နိုး ကောင်းအောင်ကြိုး၍ ကောင်းကျိုးကိုယ်၌ တည်စေမင်း”ဆိုတဲ့ စာရေးသူတို့ငယ်ငယ်တုန်းက သင်ကြားခဲ့ရတဲ့ ပျို့ကဗျာလေးကို မှတ်မိကြမှာပါ။ အခု စာရေးသူတို့တိုင်းပြည်မှာ ဘယ်သူတွေက ကောင်းမှုမြတ်နိုးပြီး ဘယ်သူတွေကို ကောင်းအောင်ကြိုးပမ်းပြီး ကိုယ်ကျင့်တရားတွေကိုထိန်းသိမ်းနေကြပါသလဲ။
ဖွင့်ကြည့်လိုက်ပါ။ Facebook အစရှိတဲ့ social website တွေ၊ forum တွေကို။ အပြောအဆိုတွေ၊ အသုံးအနှုန်းတွေ ရင့်သီး ရိုင်းပြတာတွေ အများကြီးပါ။ အားလုံးကိုမဆိုလိုပါ။ ဒါပေမယ့် တော်တော်များပါတယ်။ “မိမိကိုယ်ကို လုံခြုံစိတ်ချပြီလို့ ထင်တဲ့အချိန်မှာ မိမိလုပ်လိုက်တဲ့အလုပ်ဟာ မိမိစရိုက်အမှန်ကိုဖော်ပြတယ်”ဆိုတာကို မမေ့သင့်ပါ။ အင်တာနက်ပေါ်မှာ အတိုင်းအတာတစ်ခုအထိတော့ လုံခြုံတယ်ပေါ့။ ကိုယ်က သူများကိုဆဲလည်းရတယ်။ သေးတဲ့ပြဿနာကို ကြီးအောင်၊ ကြီးတဲ့ပြဿနာကို အကျိုးနည်းအောင် ဖွ လည်း ရတယ်။ ချင့်ယုံတဲ့လူတွေရှိသလို ယုံတဲ့လူတွေလည်းရှိတယ်။ အယောက် တစ်ရာကြည့်လို့ ငါးယောက်၊ ဆယ်ယောက်လောက်ပဲ ယုံရင်တောင် ကိုယ့်အကြံအစည်က အတိုင်းအတာတစ်ခုအထိ အထမြောက်ပြီကိုး။
ငါးပါးသီလထဲမှာ မုသာဝါဒကံ ပါ ပါတယ်နော်။ ကျွန်တော်တို့မြန်မာပြည်က အချို့သော မီဒီယာများ (print / web) “ပညာရှိသတိဖြစ်ခဲ”ဆိုသလို များဖြစ်နေသလား။ တမင်တကာပဲ မသိချင်ယောင်ဆောင်နေသလား။ ပြောလိုက်ရင်တော့ “ကျွန်တော်မျိုး အသက်ထက်ဆုံး ရှောင်ကြဉ်ပါ၏” တဲ့။စာရေးသူရဲ့ မိတ်ဆွေတစ်ယောက်ပြောသလိုပေါ့။ “ဟ…ပြောတာကိုက ရှင်းနေတာပဲ၊ မုသာဝါဒကံကို ကျွန်တော်ရှောင်တယ် လို့ပြောတာ၊ avoid ပေါ့နော်။ ကျွန်တော် မုသားမပြောဘူး၊ မလိမ်ဘူးလို့ပြောတာမဟုတ်ဘူး၊ အဲဒီမလိမ်ဘူး၊ မပြောဘူးဆိုတဲ့ ကံကို ကျွန်တော်ရှောင်တယ်လို့ပြောတာ”တဲ့။
သြော်—မှတ်သားစရာပါပဲ။ သူတို့ပြောတဲ့ အသက်ထက်ဆုံးရှောင်ကြဉ်တယ်ဆိုတာ အဲဒါမျိုးလားမသိဘူး။
ကျွန်တော်တို့တိုင်းပြည်မှာ ပညာရှင်တွေတော်တော်ပေါတယ်။
“ကျားက လူကို သတ်တော့ ကျားကို ကျားဆိုး လို့ခေါ်တယ်၊ လူက ကျားကိုသတ်တော့ အမဲလိုက်တာပါ”တဲ့။ မဆိုးဘူး။
“အင်္ဂလိပ်က မြန်မာပြည်ကိုနယ်ချဲ့တော့ အင်္ဂလိပ်ကို နယ်ချဲ့မိစ္ဆာကောင် လို့ခေါ်တယ်၊ မြန်မာဘုရင်တွေ ယိုးဒယားသွားတိုက်တော့ နိုင်ငံတော် နယ်ပယ်ချဲ့ထွင်တာပါ” တဲ့။ သြော်—-“နယ်ချဲ့” ဆိုတဲ့စကားကို “နယ်ပယ်ချဲ့ထွင်တယ်”လို့လည်း ခေါ်ပေသကိုး။ အဲဒီလိုပေါ့နော်။ လိုရာဖြတ်တောက်ပြီး ပြီးမြောက်အောင် လုပ်လိုက်ကြပေသကိုး။ ရွှေချထားရမယ့် ဦးနှောက်တွေ။
အခုအချိန်မှာ အမှန်အတိုင်းပြောတဲ့လူတွေဆိုလို့ရှိရင်တော့….မှန်တစ်ချပ်ကိုအရှေ့တည့်တည့်မှာထား ပြီးရင်ခြေထောက်နဲ့ကန်၊ ဘာဖြစ်သတုံး၊ အဲဒီမှန်ကွဲသွားမှာပေါ့။ ဟုတ်လား။ အဲဒီလိုပါပဲ။ “မှန်ကန်ရင် ကွဲတတ်ပါတယ်။” သတိထားပြီးမှန်ကန်ကြပါလို့ပြောရမယ့်ပုံ။ ဒီအချက်က ကျွန်တော်အဓိက ပြောချင်တဲ့အချက်ပါပဲ။
မှားတာကိုမှားမှန်းသိရင်ပြင်လို့ရမှာပါ။ ဒါပေမယ့် မှားတာကို မှားမှန်းမသိရင်တော့၊ ပိုဆိုးတာက အဲဒီအမှားကို
အမှန်လို့ထင်သွားရင်တော့.
“လူသတ်တယ်? ကောင်းလား။” လို့မေးရင်
“မကောင်းဘူး။” လို့ဖြေမယ်။
“အဲဒါဆို သေဒဏ်ကျခံထားရတဲ့ ရာဇ၀တ်သားတွေကို ဘာလုပ်ရမလဲ၊ သေဒဏ်မှလျှော့ပေါ့ခံစားစေပေါ့? အဲဒီလိုလုပ်လို့ရမလား”လို့ ထပ်မေးရင်….
“ဟာ..ဒါတော့ဘယ်ဖြစ်မလဲ၊ တိုင်းပြည်မှာတရားဥပဒေစိုးမိုးဖို့လိုတယ်”လို့ဖြေမှာပေါ့။
“ကဲ…ဒါဆိုရင် မင်းတို့တိုင်းပြည်မှာ လူသတ်တဲ့ လူသတ်သမားတိုင်းအဖမ်းခံရလား၊ ကြိုးစင်တက်ရလား”လို့ထပ်မေးရင်…
“ဟုတ်ကဲ့၊ ကျွန်တော် တုပ်ကွေးမိပြီးနှာစေးနေပါတယ်”လို့ ဖြေရင်ကောင်းမယ်။ ကိုယ်လည်း နီးရာဓါးကြောက်ရတာကိုး။
အမှန်ကိုပြောလိုက်ရင်….ဟာ.ဒုက္ခပဲ၊ ငါပါ ရောပြီး ပြဿနာအရှာခံရတော့မယ်ပေါ့။ ဟုတ်လား။ ဒီလိုနဲ့ပဲ အမှန်ကိုပြောချင်တဲ့စိတ်တွေက ခြိမ်းခြောက်ခံရတာနဲ့၊ ဇဝေဇ၀ါဖြစ်အောင် နည်းမျိုးစုံနဲ့ brain wash လုပ်ခံရနဲ့… အဲဒီလိုနဲ့ ကောင်းတာပြောချင်တဲ့စိတ်၊ မကောင်းတာကို တားဖြစ်ချင်တဲ့ စိတ်ကလေးတွေဟာ လုပ်ကြံခံနေရပါတယ်။
ဟိုတစ်လောက အင်တာနက်မှာရော၊ ပြည်တွင်းက ပုံနှိပ်မီဒီယာတွေမှာပါ တွေ့မြင်ကြားသိလိုက်ရပါတယ်။ မြန်မာမလေးတစ်ယောက် ဂျပန်သွားပြီး မယ်စကြ၀ဠာသွားပြိုင်နေတဲ့ပုံပါ။
အဲဒီပုံကို ၀ိုင်းပြီး Like လုပ်ကြ၊ အဲဒီမိန်းကလေးကို ၀ိုင်းပြီး vote ပေးကြနဲ့၊ သူတို့ကပြောလိုက်သေးတယ်။ ဒီလိုဝတ်တာ ပြိုင်ပွဲစည်းကမ်းအရ ၀တ်ရတာပါတဲ့၊ ဘာပဲပြောပြော ကိုယ့်မြန်မာမိန်းကလေးတစ်ယောက် နိုင်ငံဂုဏ်ဆောင်ပြီး ဒီလိုပြိုင်ပွဲမှာ သွားပြိုင်တာ ကိုတော့ အားပေးရမှာပေါ့တဲ့။ “၀ံသာနုစိတ်ဓါတ်”ဆိုတာကို ဘယ်လိုဘာသာပြန်ရမလဲ ပြန်စဉ်းစားရမယ့် အခြေအနေကို ရောက်သွားပါတော့တယ်။
အချုပ်အားဖြင့်မျှဝေချင်တာကတော့ “ဟီရိ၊ သြတ္တပ္ပ”ဆိုတဲ့ အရှက်တရား၊ အကြောက်တရားတွေနဲ့ ဖွဲ့စည်းထားတဲ့၊ ဗြဟ္မစိုရ်တရားတွေနဲ့ ပြည့်ဝနေတဲ့၊ စည်းကမ်းရှိစွာနဲ့ ဖွံ့ဖြိုးတိုးတက်တဲ့ လူ့ဘောင်တစ်ခုကို စာရေးသူတို့အားလုံး အလိုရှိကြမှာပါ။ အဲဒီလို သာယာဝပြောတဲ့ လူ့ဘောင်တစ်ခုကိုရရှိဖို့ဆိုရင် “လူကို လူလိုမြင်ဖို့လိုပါတယ်”။ “သူကတော့မည်းလို့၊ ငါကတော့ ဖြူလို့၊ သူကတော့ ဟိုလူမျိုးမို့လို့၊ ငါတို့ကတော့ ဘယ်လူမျိုးမို့လို့”ဆိုတဲ့ အစွဲတွေနဲ့ တစ်ယူသန်စွဲပြီး “လူကို လူလိုမမြင်သမျှ” ကာလပတ်လုံးတော့ စာရေးသူတို့လူ့ဘောင်ဟာ သာယာဝပြောတဲ့လူ့ဘောင်မဖြစ်နိုင်ပါဘူး။ “ကိုယ်နဲ့မတူတဲ့သူအားလုံးကိုသတ်၊ ဒါမှ မဟုတ်လည်း မောင်းထုတ်”။ အဲဒီလိုလုပ်တိုင်းသာ ကိုယ့်တိုင်းပြည်၊ ကိုယ့်လူမျိုး အခြေတင့်မယ်၊ အနေမြင့်မယ်ဆိုရင်…
သမိုင်းမှာလည်း ဒီလိုဖြစ်ရပ်မျိုးတွေပေါ်ခဲ့ပါတယ်။ အောင်မြင်ပါသလား။ ကိုယ်လုပ်တဲ့လုပ်ရပ်အတွက်တော့ ကိုယ့်ရဲ့နောင်လာ နောက်သားတွေ အရှက်ရစေမယ့် အဖြစ်မျိုးတော့ မဖန်တီးချင်ပါနဲ့။ “တဒင်္ဂအောင်မြင်မှုဟာ ထာဝရမဟုတ်ပါဘူး” ။ “တဒင်္ဂကို ထာဝရနဲ့မလဲပါနဲ့” “ထာဝရကောင်းဖို့ဆိုရင်တော့ အမှန်တရားနဲ့အညီ အရာရာကို လုပ်ကိုင်မှရပါလိမ့်မယ်”ဆိုတာပြောရင်းနဲ့ နိဂုံးချုပ်အပ်ပါတယ်။