News @ M-Media

Category: ဆောင်းပါး

  • စဉ်းစားရင်းတွေးရင်းမေးခွန်းလေးတွေမေးပါ။

    စဉ်းစားရင်းတွေးရင်းမေးခွန်းလေးတွေမေးပါ။

    အောက်တိုဘာ၊ ၂၀၁၂
    M-Media
    ဆောင်းပါးရှင်- Thantsin Phyoe

    Are we civilized?

    မြန်မာနိုင်ငံက ဗုဒ္ဓဂါယာလိုမျိုး ဗုဒ္ဓဘာသာဝင်တို့ရဲ့အထွဋ်အမြတ်နယ်မြေမဟုတ်ပါ… ဗုဒ္ဓဘာသာဝင်အများစုရှိသော နိုင်ငံ တစ်နိုင်ငံဖြစ်ပြီး အစ္စလာမ်ဘာသာဝင်၊ ကက်သိုလစ် ခရစ်ယန်ဘာသာဝင် အခြား ခရစ်ယျာန်ဘာသာဝင် ဟိန္ဒူဘာသာဝင်တွေ ရှေးနှစ်ပေါင်းများစွာ ကတည်းက နေထိုင်ခဲ့သောနိုင်ငံ တစ်နိုင်ငံလည်းဖြစ်ပါတယ်… မြန်မာ့မြေပေါ်မှာ အရောင်အသွေးစုံလင်တဲ့ တိုင်းရင်းသားလူမျိုးစုတွေနဲ့ ဘာသာ တရားပေါင်းစုံ နေထိုင်ခဲ့ကြတာပါပဲ…

    အထက်ကအချက် အလက်က မြန်မာနိုင်ငံနဲ့ ဆော်ဒီအာရေးဘီးယားနိုင်ငံရဲ့ ကွာခြားချက်ပဲဖြစ်ပါတယ်… ဆော်ဒီအာရေးဘီးယားနိုင်ငံမှာ ဌာနေတိုင်းရင်းသား ဘာသာခြားတွေရှိနေပြီး အဆိုပါဘာသာခြားတွေရဲ့ ကိုးကွယ်ယုံကြည်မှုကို တားမြစ်ထားခြင်း ဌာနေတိုင်းရင်းသား ဘာသာခြားတို့၏ အဆောက်အဦးများကို ခွင့်မပြုခြင်းလား… 

    ဆော်ဒီအာရေးဘီးယားမှာ ဘာသာရေး လွတ်လပ်ခွင့်မရှိဘူးလို့ပြောတာဆိုရင် လက်ခံနိုင်ပေမဲ့ တန်းညှိတာတော့ ထူးဆန်းတဲ့ အတွေးအခေါ် ပြောရရင် တော်တော် တိမ်တဲ့အတွေးအခေါ်ပါပဲ… အရင်ကလည်း ကျနော်ပြောဖူးပါတယ်… ဆော်ဒီအာရေးဘီးယားမှ မဟုတ်ပါဘူး ဘယ်နိုင်ငံမဆို ဘာသာရေး လွတ်လပ်ခွင့် မရှိတဲ့အပေါ်မှာ နိုင်ငံတကာက Action တွေယူမယ်ဆိုရင် ကျနော် အပြည့်အဝထောက်ခံပါတယ်…  ဆော်ဒီအာရေးဘီးယားနိုင်ငံ ဘာသာရေး လွတ်လပ်ခွင့်မရှိဘူး လူအခွင့်အရေး ချိုးဖောက်မှုရှိတာတွေ အတွက် ဘာ့ကြောင့် နိုင်ငံတကာအဖွဲ့ အစည်းကြီးတွေဖြစ်တဲ့ UN ကတာဝန်မရှိတာလဲ… တကယ်လို့ မကျေနပ်ကြဘူးဆိုရင် UN မှာ ဆော်ဒီအာရေးဘီးယားကို စီးပွါးရေးပိတ်ဆို့ အရေးယူတာတွေ ဘာတွေကို လုပ်ထုံးလုပ်နည်းနဲ့ အညီတင်ပြတောင်းဆိုကြပါ… ကျနော်အားပေးတယ်…  ဆော်ဒီမှမဟုတ်ဘူးနော် ကမ္ဘာပေါ်မှာရှိတဲ့ မည်သည့်အချုပ်အခြာ အာဏာပိုင်နိုင်ငံကိုမဆို ဘာသာရေး လွတ်လပ်ခွင့်မရှိတာ လူ့အခွင့်အရေး ချိုးဖောက်တာတွေအတွက် အရေးယူပါ… ဖြစ်သင့်ပါတယ်…

    ကဲ… ဒီနေ့မြန်မာပြည်သားတွေပြောပြောနေတဲ့ အထူးသဖြင့် ဗုဒ္ဓဘာသာဝင်မြန်မာနိုင်ငံသားတွေအသံကောင်းဟစ်နေတဲ့ ဆော်ဒီမှာ ဘုန်းကြီးကျောင်းဆောက်လို့ရလား ဘုရားစေတီတည်ခွင့်ရှိလားဆိုတာ ကျနော်တို့ မြန်မာမွတ်ဆလင်တွေကိုလာမေးလို့ ကျနော်တို့က ဘာပြောရမှာလဲ… အဲ့ဒီခွင့်ပြုမှုမရှိတဲ့အပေါ်မှာ မြန်မာနိုင်ငံကမွတ်ဆလင်တွေမှာ ဘယ်လို Responsiblity ရှိပါသလဲ??? ဆော်ဒီအစိုးရကသူ့ဟာသူချမှတ်ထားတဲ့ ဥပဒေတွေအတွက် ကျနော်တို့နဲ့ ဘယ်လိုသက်ဆိုင်မှုရှိပါသလဲ???

    ဖြေကြည့်ပါ… ပြောရမယ်ဆိုရင် အင်ဒိုနီးရှားလို ကမ္ဘာပေါ်မှာမွတ်ဆလင်အများဆုံးနိုင်ငံတစ်နိုင်ငံမှာ မြန်မာနိုင်ငံက သီတဂူဆရာတော်တို့ ဘုရားတည် ကျောင်းဆောက်ခွင့်ရနေတာ လွတ်လပ်စွာသာသနာပြုခွင့်ပေးထားတာ အင်ဒိုနီးရှားနိုင်ငံသားဗုဒ္ဓဘာသာဝင်တွေကို လွတ်လပ်စွာကိုးကွယ်ခွင့်ပြုထားတာမျိုးတွေကျတော့ မြန်မာနိုင်ငံသားဗုဒ္ဓဘာသာဝင်မိတ်ဆွေတို့ဘာ့ကြောင့် အရေးတယူပြုပြီးမပြောတာလဲ???

    တကယ်ဆိုရင် မြန်မာနိုင်ငံဟာ ဆော်ဒီလိုနိုင်ငံမျိုးနဲ့နှိုင်းယှဉ်ရမှာလား အင်ဒိုနီးရှားလိုနိုင်ငံမျိုးနဲ့နှိုင်းယှဉ်ချင်သလား မိမိဘာသာမိမိဆုံးဖြတ်ကြပါ… ဘယ်အရာမဆိုစဉ်းစားကြတဲ့အခါ ဘက်စုံကစဉ်းစားပါ… ဆော်ဒီလိုနိုင်ငံမျိုးဟာ လူ့အခွင့်အရေးစောင့်ကြည့်ရေးအဖွဲ့ရဲ့စာရင်းမှာဘယ်အဆင့်လဲ??? အဲ့ဒီလိုနိုင်ငံမျိုးကို လက်ညှိုးထိုးပြီး ငါတို့တော့သူတို့ထက်သာသေးတယ်ဆိုတာမျိုး လုပ်ရတာကိုမရှက်ကြရင်ဆက်လုပ်ကြပါခင်ဗျာ… ခပ်တိမ်တိမ်နဲ့ ဆော်ဒီလိုနိုင်ငံမျိုးမှာ ဘုရားစေတီတည်လို့ရလား ဆက်မေးကြပါ…  အဖြေကဘာလဲ ဘယ်လဲသိပြီးသားတွေဆက်လုပ်ချင်လုပ်ကြပေါ့ဗျာ… ဒါပေမဲ့ မိမိဒေသအတွင်းမှာ နိုင်ငံသားအချင်းချင်း စော်ကားတဲ့ လုပ်ရပ်တွေ လေးစားမှုမရှိတဲ့ လုပ်ရပ်တွေဆက်လုပ်နေလို့ ကောင်းမွန်တဲ့ အနေအထားနဲ့ နိုင်ငံဆက်လက် တိုးတက်မယ်ထင်ရင်တော့ လုပ်ကြည့်ကြပါဗျာ… ကျနော်ကတော့ ကျနော့မွေးမြေတိုင်းပြည်ကို တည်ငြိမ်အေးချမ်းစွာနဲ့ မှန်ကန်စွာတိုးတက်စေချင်ယုံသက်သက်ပါပဲ… နိုင်ငံတကာ အလယ်မှာလည်း မိမိနိုင်ငံနဲ့နိုင်ငံသားတို့ရဲ့ လုပ်ရပ်တွေအတွက် ခေါင်းမော့ရင်ကော့ပြီးနေနိုင်အောင် စဉ်းစားပြောဆို နေထိုင်ကြဖို့သာ အကြံပေးချင်ပါတယ်…

    Thantsin Phyoe FB စာမျက်နှာမှ ကူးယူဖော်ပြပါသည်။

  • “မွတ်စလင်မ်တွေ ဘယ်တုန်းကမျှ ဘယ်လူမျိုးကိုမျှ မမြိုခဲ့ဘူးပါ”

    “မွတ်စလင်မ်တွေ ဘယ်တုန်းကမျှ ဘယ်လူမျိုးကိုမျှ မမြိုခဲ့ဘူးပါ”

    အောက်တိုဘာ၊ ၂၀၁၂
    M-Media
    ဆောင်းပါးရှင်- Mohammed Naeem

    ဒီနေ့ မလေးရှားနိုင်ငံ ပူထရာဂျာရာမြို့ မှာရှိတဲ့ လူဝင်မှုကြီးကြပ်ရေးရုံးကို မိတ်ဆွေတစ်ယောက် ဗီဇာသတ်တမ်းတိုးဖို့ လိုက်သွားတုန်း မြန်မာနိုင်ငံက သံဃာတော် ၂ပါး လည်းသက်တမ်းတိုးဖို့ ရောက်နေတယ်။ မြန်မာမွတ်စလင်မ် အမျိုးသမီးတစ်ဦးက အစစ အရာရာ လိုအပ်တဲ့ စာရွက်စာတမ်းတွေ ဖြည့်စွက်ရေးသား ကူညီပေးနေတာ တွေ့လိုက်ရပါတယ်။ တွေ့ရတဲ့ မြင်ကွင်းအတွက် ပီတိလည်းဖြစ်မိပါတယ်။

    အကြောင်းရာအရာ တစ်ခုလည်း တပြိုင်နက်တည်း တွေးနေမိပါတယ်။

    ဒီနေ့ Facebook ပေါ်မှာ အမျိုးမျိုးဝါဒ ဖြန့်နေကြတဲ့ ခါတော်မီ မျက်ကန်းမျိုးချစ်များဟာ အမှန်တကယ်တော့ racial harmony တို့၊ mutual respect တို့ စတဲ့ နိုင်ငံအများအပြား လက်ခံကျင့်သုံးနေကြတဲ့ အချက်အလက်တွေကို နကန်းတစ်လုံးမျှ နားလည်ကြဟန်မရှိယုံသာမက မဟုတ်မမှန် လုပ်ကြံဇာတ်လမ်းများပင် ပြုလုပ်ကာ “တောမီးလောင် တောကြောင် လက်ခမောင်းခတ်” ဆိုသလို ကိုယ်ကျိုးရှာလို့ အမြတ်ထုတ်ရန် သူ့ထက်ငါဦးအောင် ကြိုးစားနေကြပါတယ်။

    ရိုးရိုးလေးသာစဉ်းစားကြည့်ပါ။ သူတို့ပြောသလို OIC လာကူညီမယ် ရုံးဖွင့်မယ်ဆိုယုံမျှနဲ့ မြန်မာပြည်ဟာ မွတ်စလင်မ်တိုင်းပြည် ဖြစ်သွားနိုင်သလား။

    မြန်မာနိုင်ငံမှာ ဗုဒ္ဓဘာသာဝင် ၈၈% ရှိပါတယ်။ မွတ်စလင်မ်တွေ အရေအတွက် ၅% ရှိတယ်ပဲထားပါ။ ဘယ်လိုအချိုးချတဲ့ သင်္ချာပုံသေနည်း နှင့်ပဲတွက်ပါ ဘယ်နည်းနှင့်မျှ မြန်မာပြည်တွင်း နေထိုင်သူ လူဦးရေ ကွာခြားချက်အရ အစ္စလာမ်နိုင်ငံဖြစ်လာစရာမရှိပါ။
    အာရေဗီးယားကျွန်းဆွယ်တစ်ခုလုံးကို နှစ်ပေါင်း ၁၄၀၀ အတွင်း အကြာဆုံး အုပ်ချုပ်ခဲ့တာ မွတ်စလင်မ်တွေပါ။ ဒီနေ့ အာရပ်တစ်ခွင်မှာ မိရိုးဖလာ ခရစ်ယာန်ကိုးကွယ်သူ Coptic Christian အရေအတွက် ၁၄သန်းကျော် ရှိတယ်။ တကယ်လို့ အခုဝါဒဖြန့်နေသလို မွတ်စလင်မ်တွေဟာ အင်အားကြီးမားလာရင် စစ်ပွဲတွေ ဖန်တီးပြီး အစ္စလာမ်ဘာသာထဲ အတင်း အဓမ္မ သွတ်သွင်းတယ်ဆိုရင် ဒီ Coptic Christian တွေ ဒီနေ့ ရှိတော့မည်ပင် မဟုတ်ပါ။

    အိန္ဒိယနိုင်ငံကိုကြည့်ပါ။ိမွတ်စလင်မ်တွေ နှစ်ပေါင်း ၁၀၀၀ ကျော် အုပ်ချုပ်ခဲ့ပေမဲ့ ဟိန္ဒူ ဗုဒ္ဓဘာသာဝင် ဒီနေ့ထိ စုစုပေါင်းလူဦးရေရဲ့ ၈၀%အတိုင်းအတာဖြင့် လူများစု အဖြင့်ရှိနေဆဲပါ။ တကယ်လို့ မွတ်စလင်မ်တွေ အင်အားရှိလာရင် လူတွေကို အစ္စလာမ်ဘာသာထဲ အတင်းဝင်ခိုင်း မဝင်ရင် သတ်ပစ်တာတို့ လုပ်ရိုးမှန်လျင် ဒီနေ့ အိန္ဒိယနိုင်ငံမှာ မွတ်စလင်မ်တွေဟာ ၈၀%ကျန်သင့်တာပါ။ သို့သော် အဖြစ်မှန်ဟာ လက်ရှိဝါဒဖြန့်နေတာတွေရဲ့ ဆန့်ကျင်ဘက်တွေသာ ဖြစ်ကြောင်း တွေ့ရမှာပါ။

    စပိန်နိုင်ငံကိုကြည့်ပါ။ မွတ်စလင်မ်တွေ နှစ်ပေါင်း ၈၀၀ နီးပါး အုပ်ချုပ်ခဲ့ပါတယ်။ မည်သည့် ဘာသာခြားတစ်ဦးကိုမျှ အင်အားသုံးပြီး အစ္စလာမ်ဘာသာကို လက်မခံခိုင်းခဲ့ပါ။ ဒါပေမဲ့ Crusaders တွေဟာ အစ္စလာမ်ဘာသာဝင် တစ်ဦးမကျန်အောင် သုတ်သင်ရှင်းလင်းခဲ့ပါတယ်။ ဒီနေ့ စပိန်မှာ မည်သည့်မွတ်စလင်မ် တစ်ဦးမျှ ဝတ်ပြုရန် ဖိတ်ခေါ်ခွင့်ပင်မပေးပါ။

    ကမ္ဘာအမြင့်ဆုံး ရပ်တော်မူ ဟိန္ဒူဘုရားကျောင်းရှိရာ ဘာသူဂေဖ့် တွင် ဟိန္ဒူဘာသာဝင်တို့ ဘုရားပွဲတော် ကာလ (မလေးရှား သည် OIC အမာခံ အဖွဲ့ဝင်နိုင်ငံဖြစ်သည်။)

    အရှေ့ အာဖရိက၊ မလေးရှား နှင့် ကမ္ဘာ့မွတ်စလင်မ် အများဆုံး နိုင်ငံတစ်ခုဖြစ်တဲ့ အင်ဒိုနီးရှား နိုင်ငံ များကိုကြည့်ပါ။ သမိုင်းတစ်လျှောက် ဘယ်မွတ်စလင်မ် စစ်တပ်မှ အဲဒီနိုင်ငံတွေကို မရောက်ရှိခဲ့ပါ။ အဲဒီဒေသက လူမျိုးစုတွေကို အစ္စလာမ်ဘာသာကို လက်ခံရန် မည်သူမျှ အင်အားမသုံးခဲ့ပါ။

    ဝါဆိုလပြည့်နေ့ ကွာလာလမ်ပူမြို့မြင်ကွင်း တရုတ်လူမျိုး ဗုဒ်ဓဘာသာဝင်များ (Photo-FB)
    ယနေ့တွင် ကွာလာလမ်ပူတမြို့ထဲတွင် မြန်မာ ဘုန်းကြီးကျောင်း (၅၀) ခန့်ရှိနေပြီ ဖြစ်သည်။

    အစ္စလာမ်ဘာသာမှာ အင်အားသုံးပြီး သာသနာထဲ ဇွတ်ဝင်ခိုင်းဖို့ ဘယ်လိုမျှမဖြစ်နိုင်တဲ့ အခြေခံအချက်ဟာ ကုရ်အာန်ကျမ်းတော်မြတ်ထဲမှာ ပါရှိတဲ့ အလ္လာဟ်အရှင်မြတ်ရဲ့ အောက်ပါ အမိန့်အရ သာပိုပြီး ထင်ရှားစေပါတယ်။

    “—မည်သူတစ်ဦး တစ်ယောက်ကိုမျှ အစ္စလာမ်သာသနာတော်တွင်း၌ ဝင်ရောက်ရန်အတွက် အတင်းအဓမ္မ အနိုင်အထက် အလျင်းမပြုရ။ —“

    ကုရ်အာန်ကျမ်းမြတ် ကဏ္ဍတော် ၂၊ စာပိုဒ်အမှတ် ၂၅၆။

    အစ္စလာမ်ဘာသာဟာ လူတို့ရဲ့ ထံပါး ဓါးမိုး၍ ပြန့်ခဲ့တယ်ဆိုတာမှန်ပါတယ်။ ဒါပေမဲ့ အဲဒီဓါးဟာ သံနှင့်ပြုလုပ်ထားတာ မဟုတ်ပဲ မှန်ကန်မှု၊ ကျိုးကြောင်းဆီလျော်မှု စတဲ့ Intellect ဆိုတဲ့ ဥာဏ်ပညာရဲ့ ဓါးပဲဖြစ်ပါတယ်။ အစ္စလာမ်ဘာသာရဲ့ သင်ကြားမှုတွေဟာ လူတွေရဲ့ အသိဥာဏ်တဲ့ လျော်ညီတဲ့ နှလုံးသားက လက်ခံနိုင်တဲ့ သဘာဝကို မဆန့်ကျင်ပဲ သဘာဝကို အသုံးချပြီး လောကီ လောကုတ္တရာ နှစ်ဋ္ဌာနရဲ့ စစ်မှန်တဲ့ ငြိမ်းချမ်းမှုကို ဆောင်ကျဉ်းပေးနိုင်တဲ့ အတွက်ပဲဖြစ်ပါတယ်။

    အဲဒါကြောင့်လည်း အလ္လာဟ်အရှင်မြတ်ဟာ ကုရ်အာန်ကျမ်းတော်မြတ်မှာ အခုလို အမိန့်ပေးထားပါတယ်။

    “——အသင်သည် လူတို့အား ဥာဏ်ပညာဖြင့်လည်ကောင်း၊ ကောင်းမြတ်သော ဆုံးမသြဝါဒဖြင့် လည်းကောင်း အလ္လာဟ်အရှင်မြတ် ဘက်တော်သို့ ဖိတ်ခေါ်ပါလေ။ ထိုမှတပါး အသင်သည် ၎င်းတို့အား အကောင်းဆုံးနည်းဖြင့် အချေအတင်ပြောဆိုပါလေ—-“

    ကုရ်အာန်ကျမ်းမြတ် ကဏ္ဌတော် ၁၆၊ စာပိုဒ်အမှတ် ၁၂၅။

    ၁၉၈၆ ခုနှစ် Reader’s Digest ‘Almanac’ မှာ ဆောင်းပါးတစ်ခုမှာ ကမ္ဘာ့ဘာသာကြီးများရဲ့ တိုးတက်မှု စာရင်းဇယားကို ၁၉၃၄ ခုနှစ်မှ ၁၉၈၄ ခုနှစ် အထိ နှစ်ပေါင်း ၅၀ ကာလ အပိုင်းအခြား တစ်ခု နှင့် ပတ်သက်ပြီး ရေးသားထားပါတယ်။ အဲဒီ ဆောင်းပါးကိုပဲ ‘The Plain Truth’ မဂ္ဂဇင်းမှာထပ်မံ ဖော်ပြခဲ့ပါတယ်။

    အဲဒီဆောင်းပါးမှာ အစ္စလာမ်ဘာသာဟာ ၂၃၅% တိုးတက်ခဲ့တဲ့ အတွက် နံပါတ် ၁ နေရာ ရခဲ့ပြီး ခရစ်ယာန်ဘာသာဟာ ၄၇% တိုးတက်ခဲ့ပါတယ်။

    အဲဒီ နှစ်၅၀ အတွင်း ဘယ်မွတ်စလင်မ်စစ်တပ်မှ စစ်ပွဲတွေဖြစ်ပြီး သူတပါးနိုင်ငံကို အင်အားသုံးပြီး မွတ်စလင်မ်ထဲ မဝင်ခိုင်းခဲ့ပါ။ သန်းပေါင်းများစွာသောသူများဟာ နှစ် ၅၀ အတွင်း အစ္စလာမ်ဘာသာဝင်တွေ ဖြစ်ခဲ့ကြပါတယ်။

    ဒီနေ့ အမျိုးမျိုးသော လိမ်လည်ဝါဒဖြန့်နေတဲ့ကြားက အမေရိကန်နိုင်ငံ နှင့် ဥရောပမှာ အစ္စလာမ်ဘာသာဟာ လက်ခံကိုးကွယ်ယုံကြည်လာသူ အများဆုံးစာရင်းထဲမှာ ထိပ်ဆုံးမှာပါ။ အဲဒီနိုင်ငံတွေမှာ ဒီလောက် အစ္စလာမ်ဆန့်ကျင်ရေး ပိုစတာတွေတပ်ပြီး တိုက်ခိုက်နေတာတောင် သိန်း သန်းချီပြီး အစ္စလာမ်ဘာသာကိုလက်ခံလာသူတွေတိုးလာနေတာ ဘယ်ဓါးနဲ့ ခြိမ်းခြောက်နေလို့လည်း စဉ်းစားကြည့်ရင်သိနိုင်ပါတယ်။

    မလေးရှားနိုင်ငံမှာ မွတ်စလင်မ်တွေရဲ့ အရေအတွက်ဟာ စုစုပေါင်းလူဦးရေရဲ့ ၅၅%သာရှိပါတယ်။ ကျန်တာ တရုတ်ဗုဒ္ဓဘာသာ၊ တရုတ်ခရစ်ယာန်၊ တမီလ်ဗုဒ္ဓဘာသာ၊ တမီလ်ခရစ်ယာန် စသဖြင့် လူတွေ နှစ်သက်ရာကို လွတ်လပ်စွာ ကိုးကွယ်ခွင့်ပေးထားသလို ဘယ်ဘာသာကိုမျှ ဘာမီဒီယာကိုမျှ သုံးစွဲပြီးစော်ကားခွင့်မရှိပါဘူး။ မည်သည့်ဘာသာဝင်ကမျှ အမျိုးပျောက်မှာလည်း စိုးကြောက်မနေသလို လူဝင်မှုကြီးကြပ်ရေးလိုရုံးမှာတောင် “မြေမြို၍ လူမျိုးမပျောက်၊ လူမြိုမှ လူမျိုးပျောက်မည်” ဆိုတဲ့စာတမ်း အစား “ယဉ်ကျေးပါ၊ တာဝန်ကျေပါ၊ ပြုံးရွှင်စွာ အကူအညီပေးပါ” စတဲ့ စာတမ်းများနှင့် တာဝန်ထမ်းဆောင်နေသော လူယဉ်ကျေးများရဲ့ ဆက်ဆံရေးကို မြင်တွေ့ရမှာဖြစ်ပါတယ်။

    နိဂုံးချုပ်အနေနှင့် Dr. Joseph Adam Pearson ဆိုတဲ့ ပညာရှင် ပုဂ္ဂိုလ်ကြီးပြောခဲ့တဲ့ စာပိုဒ်လေး တစ်ခု တင်ပြချင်ပါတယ်။

    “ဒီနေ့ လူတွေဟာ အာရပ်တွေလက်ထဲ တစ်နေ့ကျရင် နြူကလီယားဗုန်းရောက်သွားမှာကို စိုးရိမ်နေကြတယ်။ အမှန်တော့ အဲဒီ လူတွေဟာ အဖြစ်မှန်ကို ယနေ့တိုင် မရိပ်စားမိတာပါ။ အစ္စလာမ်ဆိုတဲ့ ငြိမ်းချမ်းရေး ဗုန်းဟာ ကမ္ဘာပေါ်မှာ တမန်တော်မြတ် မုဟမ္မဒ်(peace be upon him) မွေးဖွားလာတဲ့နေ့ မှစပြီး ကျရောက်ပြီးဖြစ်တယ် ဆိုတာပါ။”

    လက်တွေ့အဖြစ်အပျက်ကလေး တစ်ခုမှာ လူငယ်တစ်ဦး နိုင်ငံရပ်ခြားမှာရှိနေစဉ် လူမျိုးရေးမုန်းတီးမှု ဖြစ်လာအောင် Youtube ကနေ စော်ကားထားတာကို မလေးရှားနိုင်ငံအတွင်းရောက်တာနှင့် လေဆိပ်မှာတင် တရားဝင် ဝန်ချတောင်းပန်စေခဲ့ပါတယ်။

    ဒီလိုအရေးယူမှုမျိုးတွေ အမှန်တကယ်လုပ်လာမယ်ဆိုရင် ယုတ်မာလှတဲ့ ပြည်တွင်း၊ ပြည်ပ နေ အမုန်းဝါဒီများရဲ့ တစ်နပ်စား အကြံများကို ထိန်းချုပ်နိုင်မှာဖြစ်သလို ကမ္ဘာ့နိုင်ငံများနည်းတူ တိုးတက်တဲ့လူ့ဘောင်သစ်ဆီသို့ လျှောက်လှမ်းနိုင်မှာဖြစ်ကြောင်းပါ ခင်ဗျား။

    Ref: Was Islam Spread by the sword? ; History of Islam ; Heroes and Hero worship.

    Mohammed Naeem FB စာမျက်နှာမှ ကူးယူဖော်ပြပါသည်။

  • နိုင်ထက်ရှိန်(ဟင်္သာတ)သို့ အိတ်ဖွင့်ပေးစာ

    နိုင်ထက်ရှိန်(ဟင်္သာတ)သို့ အိတ်ဖွင့်ပေးစာ

    အောက်တိုဘာ၊ ၁ ၊ ၂၀၁၂

    နတ္တလင်းဆရာသိန်း

    Source: http://www.hotnewsweekly.com/archives/11331


    Hot News စာစောင်ပါ အနောက် တံခါးမှဧည့်သည်များ အခန်းဆက်ဆောင်း ပါးများသည် အလွန်စိတ်ဝင်စားဖွယ် ကောင်းပြီး ဗဟုသုတရစေတဲ့အတွက် ကျေးဇူးတင်ပါကြောင်း ဦးစွာပြောကြား လိုပါတယ်။ ဒါပေမဲ့ စိတ်ထဲဘ၀င်မကျဖြစ်နေ တာလေးတွေကို ဆွေးနွေးလိုပါတယ်။ (၁၉.၉.၁၂)နေ့ထုတ် Hot News စာ စောင်ပါ အနောက်တံခါးမှဧည့်သည်များ (၅)နောက်ဆုံးကော်လံမှာ

    “ခရစ်သက္က ရာဇ် (၁၆၆၅)ခုနှစ်နောက်ပိုင်းတွင် ရခိုင် ပြည်သားအစ္စလာမ်ဘာသာဝင်လူမျိုးကို မူ အာရဗ်ဘာသာဖြင့်(ရိုဟင်ဂျာ)ဟုခေါ် ခဲ့ပါသည်။ ထိုအချိန်မှ စ၍ ရခိုင်ပြည် သား အစ္စလာမ်ဘာသာဝင်အုပ်စုတို့ကို (ရိုဟင် ဂျာလူမျိုး)ဟုလည်းခေါ်တွင်လာကြပါ သည် စသဖြင့် ရိုဟင်ဂျာလူမျိုးနဲ့ ပတ်သက် တဲ့အချက်တွေ ကို ရှေးယ ခင်နှစ်ပေါင်း များစွာက ပဲရှိခဲ့လေဟန် သမိုင်းဖြစ်စဉ်နဲ့ ရောထွေးပြီး ထင်ယောင်ထင်မှားဖြစ်စေ ရန် ရိုဟင်ဂျာအမျိုးသားညီညွတ်ရေး အဖွဲ့ချုပ် ကရိုဟင်ဂျာတို့၏ဘ၀ (၁၉၈၉) ခုနှစ် ထုတ် စာစောင် မှာ ရေးသားဖော်ပြ ခဲ့ပါတယ်”

    အဲဒီအချက်တွေဟာ မှားယွင်းတယ် လို့ ကိုနိုင်ထက်ရှိန်သက်သေ သာဓက အထောက်အထားအစုံနဲ့ပြသနိုင်ပါသလား။ ကိုနိုင်ထက်ရှိန်ရဲ့ဆောင်းပါးတွေဟာ ပညာရှင်တစ်ဦးရဲ့ သမာသမတ်ကျတဲ့ ဆောင်းပါးမဆန်ဘဲ ပေါ်လစီဆန်နေတာ တွေ့ရပါတယ်။အဲဒီလောက်နဲ့မရဘူးဗျ။ ခေတ်အဆက်ဆက်က သတင်းမှောင်ချ ထားပြီး Brainwash ပြုလုပ်ခြင်း ခံရတဲ့ မြန်မာပြည်သူလူထုတချို့က အဲဒီလောက် ပြောရုံနဲ့လက်ခံမှာဖြစ်ပေမယ့် နိုင်ငံတကာ နဲ့ ယှဉ်ပြီးဆွေးနွေးငြင်းခုံကြတဲ့အခါမှာ They will not hold water လို့ပြောချင် တယ်ဗျ။နောက်ပြီး (၂၀.၉.၁၂)ခုထုတ် Hot News ရဲ့ အနောက်တံခါးမှဧည့် သည်များ အခန်းဆက်ဆောင်းပါးမှာ

    “မေယုဒေသ(ဘူးသီးတောင်၊မောင်တောဒေသ) မှာရှိတဲ့ ရိုဟင်ဂျာအမည်ခံ စစ်တကောင်း သားဘင်္ဂါလီလူမျိုးတွေအနေနဲ့ကတော့ ကမန်၊မြေဒူး အဆက်အနွယ် ဗမာမူဆလင် များနှင့်မတူဘဲ သီးခြားဘာသာစကား၊ ဓလေ့ထုံးစံ၊၀တ်စားဆင်ယင်မှုတွေထူးခြား စွာ ကွဲပြားခြားနားနေတာတွေ့ရမှာဖြစ်ပါ တယ်”
    အဲဒါဘာကိုပြောချင်တာပါလဲ။ It does not prove anything. ရိုဟင်ဂျာ ပါဆိုမှ ကမန်၊မြေဒူးလိုဝတ်ပါ့ နေပါ့မလား ဗျာ။သီးခြားဘာသာစကား၊ဓလေ့ထုံးစံ၊ ၀တ်စားဆင်ယင်မှုရှိခြင်းသည်ပင်လျှင် သီးခြားလူမျိုးဖြစ်တယ်ဆိုတာ ညွှန်ပြမနေ ဘူးလားဗျ။
    နောက်ပြီး အဲဒီဆောင်းပါးကော်လံ (၄)မှာ
    “ရခိုင်လူမျိုးတွေဟာ အမျိုးသီလ ကိုစောင့်ထိန်းကြသူများဖြစ်တဲ့အတွက် မူဆလင်ဘာသာဝင်များနဲ့ လက်ထပ် ထိမ်းမြားလေ့မရှိကြပါဘူး။ဒါကြောင့် ရခိုင် လူမျိုးများဟာ ဗုဒ္ဓဘာသာဝင်များသာဖြစ် ကြပါတယ်။မူဆလင်ဘာသာကို ကိုးကွယ် သက်ဝင်ခြင်းမရှိကြတဲ့အတွက် (ရခိုင် မူ ဆလင်)ဆိုတာလုံးဝမရှိပါဘူး”
    ကောင်း တာပေါ့ဗျာ။ ရိုဟင်ဂျာနဲ့ ရခိုင်ဗုဒ္ဓဘာ သာတွေနဲ့ သွေးမနှောနိုင်တဲ့အတွက် လူမျို လို့ လူမျိုးပျောက်မှာ မကြောက်ရတော့ဘူး။တရုတ်ဘက်ကို မြန်မာအမျိုးသမီး ကလေးများ လူကုန်ကူးမခံရအောင် ပိုပြီး အားစိုက်ကြိုးပမ်းနိုင်တာပေါ့ဗျာ။

    နောက်ပြီး

    “တကယ်တော့ ရိုဟင်ဂျာ အမည်ရှိတဲ့လူမျိုးဟာ မြန်မာနိုင်ငံမှာ သော်လည်းကောင်း၊ရခိုင်ပြည်နယ်အဖြစ် ထင်ရှားရှိစဉ်ကသော်လည်းကောင်း၊ ကမ္ဘာတစ်ဝန်းလုံးမှာ ဘယ်တိုင်းပြည်မှာ မှမရှိခဲ့သော အမည်ဖြစ်ပါသည်။”
    လို့ ကော်လံ(၅)မှာ ဆိုထားတယ်ဗျ။
    အဲဒါကတော့ Nothing is further than the truth. တက်တက် စင်အောင် လွဲနေ ပြီဗျ။
    Dr.Francis Buchanan ရေးသား ပြီး (၁၇၉၉)ခုနှစ်မှာထုတ်ဝေတဲ့ ‘A Comparative Vocabulary of Some of the Languages Spoken in the Burma Empire’ သုတေသနစာအုပ်ထဲမှာပါတဲ့ ပထမ အချက်က
    ’The Mohamendans settled at Arakan call the country Rovingyaw, the Persians call it Rekan.’

    “ရခိုင်တွင် အခြေစိုက်နေထိုင်ကြ သော မဟာမေဒင်လူမျိုးများသည် အဆို ပါဒေသကို Rovingyaw ဟုခေါ်ဝေါ်ပြီး ပါရှန်လူမျိုးများက Rekan ဟုခေါ်ဝေါ် ကြသည်”

    ဒုတိယကောက်နုတ်လိုတာက
    ’ I shall now add three dialects, spoken in the Burma Empire, but evidently derived from the language of the Hindu nation.The first is that spoken by the Mohammedans, who have long settled in Arakan, and who call themselves Rooinga,or natives of Arakan.

    “ကျွန်ုပ်ဖြည့်စွက်တင်ပြလိုသည့် ဒေသိယစကား ၃မျိုးမှာ ဗမာအင်ပါယာ အတွင်းပြောဆိုနေသော်လည်း အိန်္ဒိယ နိုင်ငံရှိဘာသာစကားမှ ဆင်းသက်လာ သည်။ ပထမဒေသိယ ဘာသာ စကားမှာ ရခိုင်ဒေသတွင် အခြေစိုက်နေထိုင်ခဲ့သည် မှာကြာပြီဖြစ်သည့် မိမိကိုယ်ကို Rooinga (သို့မဟုတ်)ရခိုင်သားဟုခေါ်ဝေါ်သည့် မဟာမေဒင်လူမျိုး တို့ ပြောသည့် စကား ဖြစ် သည်”

    နောက်ပြီး Dr. Buchanan က အဲဒီ Rooinga တို့ရဲ့ ဘာသာစကား၊ရခိုင်ဟိန္ဒူ တို့ရဲ့ Rossawn ဘာသာစကား၊ Banga (ရခိုင်ဘင်္ဂါလီ)တို့ရဲ့ ဘာသာစကားတို့တူ ညီပုံ၊ခြားနား ပုံတွေ ကို ဇယားနဲ့တင်ပြထား သေးတယ်။ အဲဒီတော့အရေးကြီးတဲ့ အချက်များ က- (၁) ရိုဟင်ဂျာများသည် ၁၇၉၉မ တိုင်မီ နှစ်ပေါင်းများစွာကတည်းက ရခိုင် ဒေသတွင် အခြေစိုက်နေ ထိုင်ခဲ့ကြ သည်။(၂) ရိုဟင်ဂျာကသတ်သတ်၊ ဘင်္ဂါလီက သတ်သတ်ဖြစ်သည်ဆိုတာ ပေါ်လွင်နေ သည်။ အဲဒါကြောင့် ကိုနိုင်ထက်ရှိန်ပြော တဲ့

    “(ရိုဟင်ဂျာ)ဆိုတဲ့ ဝေါဟာရကို လူ မျိုးအမည်နဲ့ ခေါ်ဝေါ်သုံးစွဲလာမယ်ဆိုပါ က နောင်နှစ်ပေါင်းများစွာကြာလာတဲ့ အခါမှာ ဘာသာဗေဒသဘောအရ ပြန် လည်အစကောက်ရင် (ရိုဟင်ဂျာ)ဆိုတာ (ရခိုင်ပြည်သား)ဆိုတဲ့ တိုင်းရင်းသားဖြစ် လာစေရန်၊ကြို တင်ဖန်တီး ထားသော ဝေါဟာ ရဖြစ်ကြောင်းတွေ့ နိုင် ပါတယ်”
    ဆို တဲ့ ကောက်ချက်ဟာ လေဖမ်းဝါးရမ်း ချည်ထားခြင်းသာဖြစ်ပါကြောင်း။

    နတ္တလင်းဆရာသိန်း

  • ဘာသာပေါင်းစုံ ငြိမ်းချမ်းစွာ ယှဉ်တွဲနေထိုင်ရေး၊ မီဒီယာကကာကွယ်​ စောင့်ရှောက်ပေး

    ဘာသာပေါင်းစုံ ငြိမ်းချမ်းစွာ ယှဉ်တွဲနေထိုင်ရေး၊ မီဒီယာကကာကွယ်​ စောင့်ရှောက်ပေး

    အောက်တိုဘာ၊ ၁၂၊ ၂၀၁၂
    M-Media
    စနေမောင်မောင် (ဘားမား)

    ၁။ မြန်မာနိုင်ငံ မှုခင်းသတင်းထောက်လောကမှာ စာနယ်ဇင်းကျင့်ဝတ်အပြင် အခါအားလျော်စွာ မြန်မာနိုင်ငံရဲတပ်ဖွဲ့လေ့ကျင့်စီမံ ညွှန်ကြားရေးမှူးချုပ်ကိုပါ နာခံပြီးသတင်းရေးကြရတယ်။ အားကစား၊ ကျန်းမာရေး၊ ဂမ္ဘီရ စသဖြင့် ဂျာနယ်အမျိုးမျိုး ဖတ်ရှုနေတဲ့ပရိသတ်တွေထဲမှာ မှုခင်းသတင်း ဝါသနာရှင်တွေကို ထောက်ပြပြောဆိုရမယ်ဆိုရင် မှုခင်းသတင်း တစ်ပုဒ်မှာ တရားလို၊ တရားခံရဲ့ မိဘနာမည်၊ ဘာသာ၊ လူမျိုး ရေးသားဖော်ပြခွင့် မပြုဘူး။ ဆိုင်ကယ်၊ ကားနံပါတ် မဖော်ပြရဘူး၊ အဆုံးစွန် ဆုံးက အလိုမတူဘဲ သားမယားပြုကျင့်ခံရတဲ့ ၃၇၆ အမှုတွေမှာ နစ်နာသူအမျိုးသမီး ပျို၊ အို၊ ကြီး၊ ငယ်ရဲ့ နာမည်နဲ့ နေရပ်ဖော်ပြခွင့် မရှိဘူး၊ မြို့ပေါ်ရပ်ကွက်မှာ ဖြစ်ခဲ့ရင်တောင် ဘာမြို့နယ်တွင် ဖြစ်ပေါ်ခဲ့သည်လို့ဘဲ ရေးပြရတယ်။

    ၂။       မှုခင်းသတင်းရဲ့ အလိုက်အထိုက် ဖော်ပြလို့မရတာတွေကို သတင်းထောက်က ဖော်ပြရေးသား သတင်းတင်ပြလာရင်တောင် တာဝန်ခံ အယ်ဒီတာ၊ တာဝန်ခံ စာတည်းချုပ်တွေက ဖြုတ်ထုတ်ဖြတ် လုံးဝလုပ်ရတယ်။ ခြေချော်လက်ချော် ဖော်ပြမိတာမျိုး ဘယ်တုံးကမှ မပေါ်ပေါက်ခဲ့ဘူး။ အလကား ပေါ်ပေါက်လို့ ရမလား၊ စာပေစီစစ်ရေးကို ဖြတ်ကြရသကိုး။ ဒီဟာတင်ပြနေရတာက မှုခင်းရှုထောင့်၊ မှုခင်းသတင်း၊ တကယ့်ဖြစ်ရပ်၊ မှုခင်းသတင်းနဲ့ခရိုင်းမ် ဆိုတဲ့ တရားဝင် မှုခင်းသတင်း ဂျာနယ် လေးစောင်ကို မပြတ်ဖတ်ရှု ဆန်းစစ် သုံးသပ်ပြီး အဲ့ဒီက ထင်ပေါ်တဲ့ ရလဒ်ကို သုံးသပ်တင်ပြတာပါ။

    ၃။       ဖော်ပြခဲ့တဲ့ သတင်းထောက်တို့ လိုက်နာရေးသားရတဲ့ စာနယ်ဇင်းကျင့်ဝတ်နဲ့ လမ်းညွှန်ချက်တွေ ခပ်သိမ်းကို တစ်ထိုင်တည်း ပျစ်ပျစ်နှစ်နှစ် စည်းပျက်ကမ်းပျက် ချိုးဖောက်ဖော်ပြခဲ့တာကတော့ မြန်မာ့အလင်း၊ ကြေးမုံနဲ့ မြဝတီ စတဲ့နိုင်ငံတော်ပိုင်သတင်းစာတွေပါ။ ပထမဆုံး ကျင့်ဝတ်ချိုးဖေါက်တာပါ။

    ၄။       မှုခင်းသတင်းဖော်ပြရာမှာ ကပ်စေးအနဲဆုံး ၂ လက္မ၊ ၃ လက္မထက် စာမျက်နှာ လုံးဝပိုမပေးတဲ့ အဓိက သတင်းစာတွေမှာ မှုခင်းသတင်းလေးပုဒ်ကို သတင်းစာ တစ်မျက်နှာလုံး လေးပိုင်း ပိုင်းပြီးတင်ဆက်ခဲ့တဲ့ သတင်းလေးပုဒ်ပါ။ ဟုတ်ပါတယ်။ ရခိုင်အရေးအခင်းရဲ့ စနက်တန်ချိန်ကိုက်ဗုံး သတင်းပါ၊ အကြောင်းကြောင်းကြောင့် အချိန်မရလို့ ဆိုတဲ့ ဝိနည်းရှောင်လို့ ရရိုးထုံးစံ မရှိခဲ့ပါဘူး။ တာဝန်ရှိသူက တာဝန်ရှိသူပါ။

    ၅။       ဒီလေးပိုင်းပိုင်း သတင်းတွေထဲမှာတောင် ကျောက်နီမော် သတင်းတစ်ပုဒ်က လွှဲရင် ကျန်သုံးပုဒ်မှာ တရားလို၊ တရားခံတွေရဲ့ မိဘအမည် ဘာသာ၊ လူမျိုး မဖော်ပြဘဲ၊ ကျောက်နီမော်သတင်း တစ်ပုဒ်ကိုသာ ရင်ထုမနာ စုတ်တစ်သတ်သတ် ဖြစ်ရအောင် အတုံးလိုက် အတစ်လိုက် တစ်တစ်ခွခွ တမင်သက်သက် ဘာသာပေါင်းစုံ ချစ်ကြည်ရေး ပျက်ပြားအောင် ဆင်ကြံကြံပြီး တက်သစ်စ ဒီမိုကရေစီ နိုင်ငံရဲ့ တည်ငြိမ်အေးချမ်းမှုကို ရည်ရွယ်ချက်ရှိရှိ ရိုက်ချိုး ဖျက်ဆီးဖို့ ကြိုးစားခဲ့တယ်။ ဒီရိုက်ချက်တွေဟာ မီဒီယာလောကသားတွေက သက်သေခံ ရှာဖွေတွေ့တယ်။

    ၆။       မြန်မာနိုင်ငံသားအားလုံးက ထမင်းစားတာမို့ ခွေးလှေးခုန်လို့ ဖုန်မထဖြစ်တော့ မဆီမဆိုင် လက်ပံသားဓါးနဲ့ချိုင်ပြီး တရားစခန်းဝင်ပြီး ပြန်လာတဲ့ တောင်တွင်းကြီးသားတွေကို သာသနာ့အာဇာနည်ဘွဲ့ ပေပြီးစတေးပစ်ခဲ့တယ်။ အိမ်ကြက်ခြင်း အိုးမဲသုပ် အခွပ်ခိုင်လို့ ရခိုင်အရေးအခင်း ထောင်းလမောင်း ထလိုက်တာ ပြန်လည် ထူထောင်ရေး အတွက် ပြည်တွင်းအလှူရှင်တွေက ငွေသားတင် အလှူငွေစာရင်း (သတင်းစာအရ) သုံးကုဋေကျော် လှူဒါန်းခဲ့ရတယ်။ ဒါလုံလောက်ပြီလား၊ အဝေးကြီး။ နိုင်ငံတကာက အကူအညီတွေ ပေးနေပေမယ့် ဒါလည်း မပြည့်စုံသေးဘူး။

    ၇။       ချောင်ကြိုချောင်ကြား၊ မြို့စွန်မြို့ဖျား၊ ဆိုင်ကယ်တိုက်သတဲ့ဆို ဖြတ်ကနဲရောက်တတ်တဲ့ နယ်ထိန်းစွန်ရဲတွေ ထုံမွှန်းထားတဲ့ မြန်မာပြည်မှာ တရားစခန်းပြန် ဆယ်ဦးတင်မက စီးလာတဲ့ကားကိုပါ မှုန့်မှုန့်ညက်ညက်ချေတာ ၃ နာရီနီးပါးမှာ ပြည်သူ့အသက် အိုးအိမ်စည်းစိမ်ကို လုံခြုံရေးကာကွယ် စောင့်ရှောက်ပေးနေတဲ့ ကူညီပါရစေတွေ မထိန်းနိုင်လို့ လက်ပိုက်ကြည့်နေရတာမျိုး သမိုင်းအမည်းစက် မဆိုးသင့်ဘူး၊ မစွမ်းထင်းသင့်ဘူး။ မြန်မာနိုင်ငံရဲတပ်ဖွဲ့ရဲ့ ဂုဏ်သိက္ခါကို မငြိုးနွမ်းစေသင့်ဘူး။ သိသိကြီး ဗြောင်ဥပဒေချိုးဖေါက် မျက်ကွယ်ပြုတာ။

    ၈။       မြန်မာနိုင်ငံ ထာဝရတည်ငြိမ်အေးချမ်းပါစေ။ ဒီလိုလူအချင်းချင်း နှိပ်စက်ခြင်း ကင်းရှင်းကြပါစေ၊ ပပဉ္စဝါဒီ၊ နာဇီလက်သစ်တွေ ဒါရိုက်တာအဖြစ်မှ ကင်းရှင်းကြပါစေ။ ဘာသာပေါင်းစုံ ငြိမ်းချမ်းစွာ အတူယှဉ်တွဲ နေထိုင်ရေး ထွန်းကားပြန့်ပွားပါစေ။

    ၉။       ရခိုင်အရေးအခင်းကို ဖန်တီးတဲ့ ဒါရိုက်တာတွေ တာဝန်ရှိသူတွေကို လက်သည်တရားခံအစစ်က ဘယ်သူလဲ၊ မြင်အောင်ကြည့်ပြီး နောင်ကျဉ်အောင် ဖော်ထုတ်အရေးယူနိုင်မှ ဥပဒေစိုးမိုးပြီလို့ ဆိုနိုင်မှာ ဖြစ်သလို ဒါမှလည်း နိုင်ငံတော်နဲ့ နိုင်ငံသားတွေ နစ်နာအောင် လုပ်ဝံ့သူတွေ မပေါ်ပေါက်မှာပါ။ ဥပဒေစိုးမိုးရေး၊ တန်းတူညီမျှရေးဟာ ငြိမ်းချမ်းရေးရဲ့ အုတ်မြစ်ပါ။

    ၁၀။     ဖြစ်ခဲ့ပြီးတဲ့ ရခိုင်အရေးခင်းဟာ ဘယ်သူတွေက ဘာရည်ရွယ်ချက်နဲ့ ကာယကံ၊ ဝစီကံ၊ မနောကံ၊ ကံသုံးပါးလက်တွေ့ပယောဂနဲ့ ဘာကြောင့် ထုဆစ်ခဲ့ရတာလဲ၊ ဆန်းစစ်ကြည့်ကြစို့။ ပျားတစ်စက်နဲ့ ပြည်ပျက်အောင်၊ ဆင်ကြံကြံသူတွေဟာ ဘယ်သူတွေလဲ။

    ၁၁။     စနေမောင်မောင် ၁၉၆၄ ခုနှစ်ထဲမှာ လမ်းစဉ်ပါတီထုတ် နိုင်ငံတကါရေးရာဂျာနယ်မှာ ဖတ်ခဲ့ရဘူးတယ်၊ မြန်မာနိုင်ငံ တိုင်းရင်းသားပေါင်းစုံထဲမှာ လူဦးရေ အများဆုံးက ရှမ်းလူမျိုးတဲ့၊ အဲ့ဒီလူဦးရေ သန်းနှစ်ဆယ်ကာလက (ရှမ်း) တိုင်ရင်းသား သုံးသန်းရှိပြီး၊ လူဦးရေအနည်ဆုံးက ကရင်နီ(ကယား) လူမျိုး။ ဒီတုံးက လူဦးရေကိုးထောင်တဲ့။ အဲ့ဒီတုန်းက မြန်မာမွတ်စလင် ၆ ဒသမ ၅ သန်းရှိသတဲ့။ လင်ယူသားမွေးထွန်ကားတဲ့ လောကမှာ ကိုယ်စီ လူဦးရေပေါက်ကွဲပြန့်ပွားများပြားလာလိုက်တာများ (အမျိုးပျောက်မှာ စိုးကြောက်ပါ) စာအုပ်ကို မင်းရဲနန္ဒကျော်ခေါင်၊ ကလောင်ပုန်းက နှစ်သန်း ရိုက်နှိပ်ပြီး အခမဲ့ ရဟန်းရှင်လူကို အလှူလှူခဲ့တယ်။ နိုင်ငံသား အားလုံးထဲမှာ မွတ်စလင်တွေကို ပစ်မှတ်ထားနှိပ်ကွပ်လာခဲ့တယ်။ ပညာရှိနှိပ်စက်နည်းနဲ့ နိုင်ငံသားအခွင့်အရေး၊ လူ့အခွင့်အရေးတွေကို အာဏာနဲ့ အနိုင်ကျင့်ပြီး နိုင်ငံသားချင်း လူမျိုးရေးမုန်းတီးမှုမျိုးစေ့ ပျိုးခဲ့တယ်။

    မင်းရဲနန္ဒကျော်ခေါင် နာဇီဟာ ငြိမ်းချမ်းစွာ အတူယဉ်တွဲနေထိုင်ပြီး မြန်မာမင်းများလက်ထက်က သစ္စာရှိ နာခံတော်ကောင်းများအဖြစ် နေထိုင်လာတဲ့ မွတ်စလင်တွေကို တစ်ဖက်သတ် စွဲချက်တင်ပြီး မလိုမုန်းထားစိတ်နဲ့ (လူမြိုမှ လူမျိုးပြုတ်တယ်) မှိုင်းသွင်းခဲ့တယ်။ အရပ်ဆယ်မျက်နှာကို မေတ္တာပို့သံ ဓမ္မတေး လွှမ်းတဲ့မြန်မာပြည်မှာ မကြံစည်အပ်တဲ့ လူမျိုးရေး ပဋိပက္ခကို စနစ်တကျ လျှို့ဝှက်ကြံစည်ပြီး မျိုးစေ့တွေ ပျိုးလာခဲ့တယ်။ ထေရဗုဒ္ဓဝါဒီ၊ သီလဝိသုဒ္ဓိဖြစ်တဲ့ သံဃာတော်အရှင်သူမြတ်တွေက အာဏာရှင်တွေ အလိုကျ မကခဲ့ဘူး၊ သူတို့ရဲ့ အဓမ္မဝါဒကို ဓမ္မကရပ်တည်ပြီး၊ သတ္တဝါခပ်သိမ်း ငြိမ်းချမ်းရေးကိုပဲ ဆောင်ရွက်တော်မူခဲ့ကြတယ်။

    နေရာတကာမှာ အနိုင်ပိုင်းပြီး လူမျိုးကြီးဝါဒတည်ထောင်ရေး လျှို့ဝှက်လုပ်ရှားဆောင်ရွက်တဲ့ အာဏာရှင် အုပ်ချုပ်သူတွေရဲ့ နှစ်ငါးဆယ်ရွှေရတုလွန်ကာလမှာ သတ်သတ်မှတ်မှတ် အဓိကပစ်မှတ်ထားပြီး နှိပ်ကွပ်ခံနေရတဲ့ မွတ်စလင်တွေဟာ အကျယ်ချုပ်နဲ့ နေထိုင်ကြီးပြင်းလာနေရတယ်။ ပညာရေး၊ စီးပွားရေး၊ အလုပ်အကိုင်၊ ရာထူး ဘက်စုံက ဖိနှိပ်ခွဲခြားခံရတယ်။ ဒါပေမယ့် လူမှုရေး၊ စီးပွားရေး၊ အနုပညာနဲ့ အားကစားစတဲ့ ကဏ္ဋစုံမှာ နိုင်ငံဂုဏ်ဆောင် အောင်ပွဲရအောင် မွတ်စလင်တွေလဲ တတပ်တအား အမှန်တကယ် ကြိုးစားခဲ့တာ သမိုင်းသက်သေ ရှိပါတယ်။

    အခုလို ကောလဟာလ သတင်းလိမ်တွေနဲ့ ဒီခေတ်မှာလုပ်ကြံချင်လို့ မလွယ်တော့ပါဘူး။ ကမ္ဘာ့ရွာမှာ [IT] မျက်လုံး၊ နားတွေနဲ့ပါ။ အစစ်အမှန်တရားအရ ပြောရရင် မြန်မာနိုင်ငံမှာ မြန်မာ (ဗမာ) လူမျိုးပြီးရင် မွတ်စလင်ဟာ ဒုတိယလူဦးရေအများဆုံးပါ။ ကချင်၊ ရှမ်း၊ ချင်း၊ ကရင်၊ မွန်၊ ရခိုင်၊ ကယား စတာတွေထက် မြို့တိုင်းရွာတိုင်းမှာ ရှေးအစဉ်အဆက်နေထိုင်တွေ့ရှိနိုင်တာက အသေအခြာ မွတ်စလင်ပါ။ ကရင်မရှိတဲ့ အရပ်၊ ရှမ်းမရှိတဲ့အရပ်၊ ကချင်မရှိတဲ့အရပ်တွေ ရှိချင်ရှိမယ်။ မွတ်စလင် မရှိတဲ့အရပ်ဆိုတာ တွေ့ရဖို့ ရှားပါတယ်။

    ၂၀၀၈ ဖွဲ့စည်းပုံမှာ တစ်စုတစည်းထဲ သတ်မှတ်လူဦးရေရှိရင် လူနည်းစုလွှတ်တော် ကိုယ်စားလှယ် ၁ ယောက်နှုန်း သတ်မှတ်ချက်ရှိပေမယ့် သမိုင်းသက်သေတည် မွတ်စလင်များတဲ့ ရန်ကုန်မြို့က မွတ်စလင် လူနည်းစု လွှတ်တော်ကိုယ်စားလှယ် ဒီနေ့လွှတ်တော်ထဲမှာ ရှိနေလို့လား။ မရှိပါဘူး၊ မပါအောင်လည်း အဲ့ဒီကျတော့  မွတ်စလင်က မြန်မာမို့ပါတဲ့။ နားလှည့်ပါးရိုက် ပြန်ပါလေရော။ ဒါဆို ဗမာတိုင်းရင်းသား လွှတ်တော် ကိုယ်စားလှယ်တိုင်း မွတ်စလင်တွေကို ကိုယ်စားပြုတာ မမေ့ဖို့ လိုပါတယ်။

    *၂၀၁၄ မှာ မြန်မာနိုင်ငံလူဦးရေ သန်းခေါင်စာရင်းကောက်ကြမယ်။ နိုင်ငံတကာက တက်သစ်စ ဒီမိုကရေစီမြန်မာနိုင်ငံတော်သစ်ကို နည်းပညာရော ငွေကြေးရော ဝိုင်းကူညီမယ်။ ကိုယ်တိုင်ပူးပေါင်း ကူညီမယ်။ စနစ်တကျ ဘိုင်အိုဂရဖ်ဖီတွေနဲ့ မှတ်တမ်းတင်မယ်။ အရှိကို အရှိအတိုင်း တန်ဘိုးထားမှတ်သားမယ်။ ဒါဆို မွတ်စလင်ဟာ တိုင်ရင်းသားတွေထဲမှာ လူဦးရေ အများဆုံး ပေါ်တင်ကြီးဖြစ်တော့မယ်။ ဒါကိုအစိုးရိမ်လွန်ပြီး လူမျိုးကြီးဝါဒီ အစွန်းရောက်တွေက လူမျိုးရေး ပဋိပက္ခ ပွဲတိုက်ကြတာပဲ။

    ကမ္ဘာမှာ၊ မြန်မာပြည်မှာ တိုင်းရင်းသားမျိုးနွယ် မူလ (၁၄၅ မျိုး)၊ နောက်ပြောင်း (၁၃၅ မျိုး)ထဲမှာ ဗမာလူမျိုးပြီးရင် ဒုတိယ လူဦးရေအများဆုံးက ဦးပိန် (တံတား)၊ ဦးရာဇတ်၊ ဦးရာရှစ်၊ ဦးခင်မောင်လတ်၊ ဆရာချယ်၊ ဗိုလ်မှူးဘရှင်၊ ဝတ်လုံဦးဖေခင်၊ ဝမ်းအိုဝမ်းဦးကျော်ဝင်းမောင် တို့လိုလူမျိုးတွေဆိုတာ သမိုင်းမှန်ကို ဘယ်လိုမှ ဖျောက်ဖျက်လို့ မပျောက်နိုင်တာကို စိုးရိမ်လို့၊ ဒါပေါ်တော့မှာ စိုးရိမ်လို့ ရခိုင်အရေးအခင်းနဲ့ ဆင်ကြံကြံ ဝိတ်လျှော့တာမျိုးပါ။

    မြန်မာနိုင်ငံသားအားလုံး သတိထားကြဖို့လိုတယ်။ ပြည်တွင်းငြိမ်းချမ်းရေး၊ ဘာသာပေါင်းစုံ ငြိမ်းချမ်းစွာ အတူယှဉ်တွဲ နေထိုင်ရေး၊ နိုင်ငံသားတိုင်း နိုင်ငံသားကောင်းပီသရေး၊ နိုင်ငံနဲ့ လူမျိုးအပေါ် သစ္စာစောင့်သိ ကာကွယ်ရေး၊ အသိ၊ သတိ အလေးအနက် ထားရှိကြပါစို့လို့ တိုက်တွန်းနှိုးဆော်လျက်။ ။

    (မြန်မာပြည်ကြီး ငြိမ်ချမ်းသားယာရေးနဲ့ ဒို့တာဝန်အရေးသုံးပါး အားလုံးလေးစားပြီး၊ ဘာသာပေါင်းစုံ ချစ်ကြည်ရေး၊ ဝိုင်းဝန်းကြိုးစားပေး)

    စနေမောင်မောင် (ဘားမား)

  • မမေးလည်းဖြေ(၁၃)- ရိက္ခာအတွက် တိရိစ္ဆာန်ကို သတ်တာ ရက်စက်ကြမ်းကြုတ်တာလား?

    မမေးလည်းဖြေ(၁၃)- ရိက္ခာအတွက် တိရိစ္ဆာန်ကို သတ်တာ ရက်စက်ကြမ်းကြုတ်တာလား?

    အောက်တိုဘာ၊ ၁၂ ၊ ၂၀၁၂
    M-Media
    ဒေါက်တာဇာကိရ်နိုက်(ခ်)

    အမေး (မေးသူမှာ ဟိန္ဒူဘာသာဝင် တစ်ဦးဖြစ်သည်။)

    တိရိစ္ဆာန်တစ်ကောင်ကို သတ်ဖြတ်တာဟာ ရက်စက်ကြမ်းကြုတ်တဲ့ အပြုအမူပဲ။ မွတ်စလင်တွေက ဘာကြောင့် အသားကိုမှ စားကြရတာလဲ။

    အဖြေ
    သက်သတ်လွတ် စားတဲ့ဝါဒက ကမ္ဘာမှာ အခုတလော ခေတ်ထနေတယ်။ အတော်များများက ဒါကို တိရိစ္ဆာန်တွေရဲ့ အခွင့်အ ရေးဆိုတာနဲ့ပဲ ချိတ်ဆက်ပြီး ဆိုနေကြတယ်။ တကယ်ဆိုရင် လူအတော် များများကပဲ အသားငါး စားသုံးမှုကို တိရိစ္ဆာန်တွေရဲ့ အခွင့်အရေးကို ချိုးဖောက်တာပဲလို့လဲ ပြောနေကြပါတယ်။

    အစ္စလာမ်က သတ္တဝါ ခပ်သိမ်းကို သနားကရုဏာထားကြဖို့ ဆိုထားပါတယ်။ တစ်ချိန်တည်းမှာပဲ အလ္လာဟ်က အံ့ဩဖွယ်ရာ သစ်ပင် ပန်းမာလ်တွေ သတ္တဝါတွေကို လူသားရဲ့အကျိုးအတွက် ဖန်ဆင်းပေးထား တော်မူတယ်။ လူသားဘက်ကတော့ ဒီကမ္ဘာရဲ့ အရင်းအမြစ်တိုင်းကို တရားနည်းလမ်းတကျ အလ္လာဟ်ဘက်က ပေးလာတဲ့ နေအ်မသ် ကောင်းချီး ချမ်းသာနဲ့ အမာနသ် ယုံပုံမှုအဖြစ် သုံးစွဲကြရမယ်လို့ပါ တိုက်တွန်းထားတယ်။
    ဒီစောဒကနဲ့ ပတ်သက်လို့ တခြားအချက် ရှုထောင့်အစုံစုံကို ရှုကြည့်ကြပါစို့။

    ၁။ မွတ်စလင်တစ်ဦးသည် သက်သတ်လွတ် ဝါဒီသက်သက် ဖြစ်နိုင်သည်
    မွတ်စလင်တစ်ဦးဟာ သက်သတ်လွတ် စားသူအဖြစ်နဲ့လဲ မွတ်စလမ်င်စစ်စစ်တစ်ဦး ဖြစ်နိုင်တာပါပဲ။ မွတ်စလင်တစ်ဦးကို အသားကိုပဲ မှီဝဲကြရမယ်ဆိုပြီး မလုပ်မနေရ မပညတ်ထားပါဘူး။

    ၂။ ကုရ်အာန်က မွတ်စလင်များအား သားငါးစား သုံးခွင့်ကိုလဲ ပြုထားပါသည်။
    ဘာပဲဖြစ်ဖြစ် ကုရ်အာန်ကလဲ မွတ်စလင်တို့ကို အသားငါး စားသုံးခွင့်ကို ပေးထားပါတယ်။ ဒီအချက်ကို အောက်ပါ ကုရ်အာန် အာယတ်က သက်သေထူပြနေပါတယ်။
    “အို…ယုံကြည်သူတို့၊ တာဝန်ခပ်သိမ်းကို ကျေပွန်ကြ၊ အသင်တို့ (အစားအစာ) အတွက် ခြေလေးချောင်း သတ္တဝါတို့အား အမည် နာမနှင့် ချွင်းချက်ပေး ခွင့်ပြုထား တော်မူသတည်း။” [ အလ် ကုရ်အာန်  ၅း ၁ ]
    “သင်တို့ (လူသားများ) အတွက် ငါအရှင်က ကျွဲနွား တိရိစ္ဆာန်များကို ဖန်ဆင်းထား တော်မူသည်။ ယင်းတို့မှ အနွေးဓါတ် ရသည်။ များစွာသော အကျိုးတရားများကို ရရှိစေမည်။ လူသားတို့ စားသုံးစရာ အသားကို ရစေသည်။” [ အလ် ကုရ်အာန်   ၁၆း ၅ ]

    “အသင်တို့အဖို့ ခြေလေးချောင်း သတ္တဝါတို့တွင် စဉ်းစား ဆင်ခြင် သုံးသပ်ရန် အချက်သည် အမှန်ပင် ရှိချေသည်။ သူတို့၏ ခန္ဓာအတွင်းတွင် သင်တို့သောက်သုံးရန် နို့ကို ထုတ်ပေးစေ၏။ ထို့အပြင်  အသင်တို့အဖို့  ၄င်းတို့တွင်အကျိုးပြုချက် အများအပြား ရှိနေသေးသည်။ ထို့ပြင်တဝ အသင်တို့သည် ၄င်းတို့အနက်မှအသားကို စားသုံးရသည်။” [ အလ် ကုရ်အာန်  ၂၃း ၂၁ ]

    ၃။ အသားဓါတ်သည် အာဟာရ ပြည့်ဝပြီး ပရိုတိန်းကြွယ်ဝလှသည်
    အသားငါး အစားအစာဟာ အထူးပင် ပရိုတိန်းဓါတ်ကို ရရှိစေရာ အရင်းခံကောင်းတစ်ခု ဖြစ်တယ်။ ဇီဝဗေဒအရ ပြည့်စုံလှတဲ့ ပရိုတိန်းတွေ ပါရှိတယ်။ ဆိုလိုတာက ခန္ဓာကိုယ်က မထုတ်လုပ်နိုင်တဲ့ အစားအစာက တစ်ဆင့်သာ ရနိုင်တဲ့ အမိုင်နိုအက်ဆစ် ရှစ်မျိုးစလုံး အသားမှာ ပါနေတယ်။ အသားမှာ သံဓါတ်၊ ဗီတာမင် ဘီ နှင့် နိုင်ယာဆင် တို့လည်း ပါသေးတယ်။

    ၄။ လူတွင် အစုံစား သတ္တဝါ၏ သွားပုံစံ ရှိသည်
    နွား၊ ဆိတ်၊ သိုးတို့လိုမျိုး အသီးအရွက်စား တိရိစ္ဆာန်တို့ရဲ့ သွားကို လေ့လာကြည့်ရင် အားလုံးမှာ ထူးထူးဆန်းဆန်း တူညီနေတဲ့ အချက် တစ်ချက်ကို တွေ့ရမယ်။ ဒီ တိရိစ္ဆာန်အားလုံးမှာပဲ ပြားနေတဲ့ သွားတွေရှိမယ်။ တစ်နည်းပြောရရင် ဟင်းသီးဟင်းရွက်ပါတဲ့ အစာ အာဟာရနဲ့ သင့်တော်တဲ့ပုံစံပေါ့။ ခြင်္သေ့၊ ကျား၊ ကျားသစ်တို့လို အသားစား သားရဲတိရိစ္ဆာန်တွေရဲ့ သွားတွေကို လေ့လာကြည့်ရင် သူတို့မှာက ချွန်ထက်တဲ့ သွားတွေကိုယ်စီပါကြတယ်။ အသားဖြစ်တဲ့ အစာအာဟာရနဲ့ သင့်တော်အောင်ပေါ့ဗျာ။ လူရဲ့သွားတွေကို ဆန်းစစ် လေ့လာကြည့်မယ်ဆိုရင်တော့ ပြားတဲ့သွားလဲပါသလို ချွန်တဲ့သွားလဲ ပါနေတာကို တွေ့ကြရမယ်။ အနန္တတန်ခိုးတော်ရှင် အလ္လာဟ်က လူသားတွေကို ဟင်းသီးဟင်းရွက်တွေကိုသာ စားစေလိုတော်မူရင် ဘာကြောင့် အရှင်က လူတွေမှာ ချွန်ထက်တဲ့ သွားတွေကို ဖန်ဆင်းပေးထား ရတာတုံး ဆိုပြီး မေးခွန်းထုတ် ကြည့်နိုင်ပါမယ်။ ဟင်းသီးဟင်းရွက်ရော အသားရော နှစ်မျိုးစလုံး လူတို့ကို စားစေချင်လို့ လိုအပ်လို့ ရည်မျှော်ပြီး ဖန်ဆင်းပေးထားတော်မူတယ် ဆိုတဲ့အချက်က ကြောင်းကျိုးလဲကျ ယုတ္တိလဲတန်နေပါတယ်။

    ၅။ လူသည် ဟင်းသီးဟင်းရွက်နှင့် အသား နှစ်မျိုးစလုံးကို အစာချေ ဖျက်နိုင်သည်
    ဟင်းသီးဟင်းရွက်စား သတ္တဝါများရဲ့ အစာချေ စနစ်က ဟင်း သီးဟင်းရွက်များကိုသာ အစာချေဖျက်နိုင်တာပါ။ အသားစား သတ္တဝါများ ရဲ့ အစာချေစနစ်ကလည်း အသားကိုသာ အစာချေဖျက်နိုင်ပါတယ်။ ဒါပေမဲ့ လူရဲ့ အစာ ချေဖျက်စနစ်ကကျတော့ ဟင်းသီးဟင်းရွက်ကိုရော အသားငါးကိုပါ အစာချေဖျက်နိုင်ပါတယ်။ အနန္တတန်ခိုးတော်ရှင် အလ္လာဟ်အနေနဲ့ ဟင်းသီးဟင်းရွက်ကိုသာ စားစေချင်တာဆိုရင် အရှင်က ကျွန်ုပ်တို့ကို ဟင်းသီးဟင်းရွက်ကိုရော သားငါးကိုပါ အစာချေ စေနိုင်တဲ့ အစာချေစနစ်ကို ဘာကြောင့် ချီးမြှင့်ထားရတာလဲ။

    ၆။ ဟိန္ဒူ ကျမ်းစာများမှာ အသားစားခွင့် ပေးထား
    (က) သက်သတ်လွတ်မှ သက်သတ်လွတ် သက်သက်စားတဲ့ ဟိန္ဒူ တော်တော်များများ ရှိတယ်။ အသားငါး စားတာဟာ ဘာသာတရားကို ဆန့်ကျင်ရာရောက်တယ်လို့ သူတို့က ထင်ကြတယ်။ ဟိန္ဒူကျမ်းစာများက လူကို အသားငါး စားခွင့်ပေးထားတယ်ဆိုတဲ့ အချက်က အမှန်ပါပဲ။ ကျမ်းစာတွေထဲမှာ ဟိန္ဒူပညာရှိကြီးများနဲ့ သူတော်စင်ကြီးတွေက အသား ငါး စားတယ်လို့ ဖော်ပြထားပါတယ်။

    (ခ) ဟိန္ဒူတို့ရဲ့ ဥပဒေကျမ်းဖြစ်တဲ့ မနု ဆွမရုတိ အခန်း ၅၊ ပါဒ ၃၀မှာ “စားထိုက်ရာ အသားကို စားသုံးသူသည် နေ့စဉ် ရက်ဆက်ပဲ စားစား၊ ဘာမှ မကောင်း မဖြစ်၊ အကြောင်းကား ထာဝရအရှင် ကိုယ်တော်တိုင်က တချို့ကို အစားခံဖို့နဲ့ တချို့ကို စားသုံးသူ အဖြစ်နဲ့ ဖန်ဆင်းထားတော်မူ တာကြောင့်ပါပဲ။”

    (ဂ) မနူ ဆွမရုတီကျမ်းရဲ့ အခန်း ၅၊ ပါဒ ၃၁ မှာလဲ ဒီလို ဆိုထားပါသေး တယ်။ ယာဇ်ပူဇော်မှု အတွက် အသားကို စားသုံးခြင်းကား မှန်ကန်၏။ ဤသည်ကို ရိုးရာအရ နတ်ဘုရားတို့၏ စည်းမျဉ်းတစ်ရပ် အဖြစ် သိထားကြ၏။

    (ဃ) မနု ဆွမရုတီ အခန်း ၅၊ ပါဒ ၃၉ နဲ့ ၄၀ မှာ ဆိုထားသေးတာက “ထာဝရ”အရှင် ကိုယ်တော်တိုင်က ယာဇ်ပူဇော်ရန် အတွက် ယာဇ်ပူဇော် ရသည့် တိရိစ္ဆာန်များကို ဖန်ဆင်းထားတော်မူ၏။ . . .”ဤအတွက် ကြောင့် ယာဇ်ကောင်ကို သတ်ခြင်းကား သားကောင်ကို သတ်သည် မမည်ချေ”တဲ့။

    (င) မဟာဘာရတ္တ အနုသျှသျှံ ပရဝါ အခန်း ၈၈ မှာ ဒရ်မာရာဂ်ျ ယုဒိရှ် သီရနဲ့ ပီတာမဟ် ဗိရ်ှမားတို့အကြား ဘာ အစားအစာကို ရရဒဟ် (အသုဘ အခမ်းအနား) မှာ ပီထရီစ်(ဘိုးဘေးများ)အတွက် ရည်စူးပြီး ကျွေးသင့်ကြောင်း ဆွေးနွေးချက်ကို အသေးစိတ် ဖော်ပြထားပါတယ်။ စာပိုဒ်က ဒီလိုဆိုထားပါတယ်။
    ယုဒိရှ် သီရ ကဆိုသည်။

    “အို . . . ငါ့စကားကို နားထောင် လော့၊ သေသူတို့အတွက် ရည်စူးပြီး အဘယ် အရာကို အလှူပြုပါသော် အကျိုးကုသိုလ် မကုန်မခမ်းရာ ဖြစ်အံ့။ တစ်ဖန် အဘယ်အရာ ဟာဗီ(စ) နှင့် ပသခဲ့ပါသော် အမြဲ ထာဝရ ကုသိုလ်အကျိုး တည်တံ့အံ့ရာနည်း။ အမှန်တွင် အဘယ်အရာနှင့် ပူဇော်ပါက ရေရှည် တည်အံ့ရာနည်း။”
    ဘိရ်ှမားက ဆိုသည်။ “အို . . . ယုဒိရ်ှသိရာ၊ ငါ့စကားကို နားဆင်လေ။ ထိုထို သူက ပွမ်းတီးထားရာ ဟာဗီ(စ)တို့သည်သာလျှင် သေသူကို ရည်စူး၍ ပြုသည့် အလှူတော် (ရှရဒဟ်)အဖို့ အကောင်းဆုံး ဖြစ်၏။ ဆိုင်ရာဆိုင်ရာ သစ်သီးဝလံတို့ကိုလည်း တွဲဖက် ပါဝင်စေသော် ပိုပြီး သင့်ရာ၏။ အကယ်၍ နှမ်း၊ ဆန်၊ မုယော၊ မာရှာ၊ ရေနှင့် သစ်မြစ် သစ်သီးများနှင့် သေသူအဖို့ ရည်စူးပြီး ဆက်ကပ်လှူဒါန်းသည် ရှိသော် သေသူတို့က တစ်လထိ ပီတိ ဘဝင်ရွှင်ပြီး ရှိအံ့။” အို . . . မင်းကြီး၊ ငါးသားကို တည်းခင်းကျွေးမွေးခဲ့ပါသော် သေသူတို့က နှစ်လတာ ရွှင်ကြည်နေအံ့။ သိုးသားနှင့် တည်ခင်းသော် သုံးလ၊ ယုန်သားဆိုက လေးလ၊ ဆိတ်သားဆိုပါက ငါးလ၊ ဝက်သားနှင့်ဆိုက ခြောက်လ၊ ငှက်သားဆိုသော် ခုနှစ်လထိ ကျေးဇူးတင်ရှိနေအံ့။ ပရိရ်ှတာဟုခေါ်သော  သမင်၊ ဒရယ်၊ ချေတို့မှရသည့် အသားနှင့် အလှူပြုသော် တမလွန်မှာ ရောက်နေသူတို့ကို ရှစ်လအထိ ကျေးဇူးဆပ်ရာ ရောက်အံ့။ ရူရုအသားနှင့် လှူသော် ကိုးလထိ ကျေးဇူးဆပ်ရာ ရောက်အံ့။ ဂူဗာရား အသားနှင့် လှူဒါန်းကျွေးမွေးခဲ့သော် ဆယ်လတာ ရွှင်မြူးပြီးရှိအံ့။ ကျွဲသားနှင့်ဆိုပါက ဆယ့်တစ်လတာအထိ သူတို့က ဝမ်းမြောက် ရွှင်မြူးနေကြချေအံ့။ အမဲသားနှင့်အလှူပြုသော် ဆယ့်နှစ်လ တစ်နှစ်လုံးအထိ ရွှင်မြူးဝမ်းသာ နေကြအံ့။ ထောပတ်နှင့် ပယာဆာတို့ကို ရောပြီးလှူသော် အမဲသားကဲ့သို့ပင် တစ်နှစ်လုံး ဝမ်းမြောက် ကြည်နူးစွာ နှင့် ရှိနေချေအံ့။

    ဧရာမ နွားသိုးကြီး အသား (ဝဒရီနဆာ)ဖြင့် လှူဒါန်း ကျွေးမွေးခဲ့ပါသော် နှစ်နှစ်တာအထိ ရွှင်မြူးနေချေအံ့။ ကြံ့သားဖြင့်သူတို့သေဆုံးရာ လပြက္ခဒိန် ရက်နေ့များမှာ ရည်စူးလှူဒါန်းခဲ့ပါသော် အတောမသတ်နိုင်အောင် ရွှင်မြူးနေကြချေအံ့။ ကန်ချာနာပန်း၏ ပွင့်ဖတ် ပွင့်ချပ်များ၊ ကလပ်စကာနှင့် အနီရောင်အဆင်းရှိ ဆိတ်၏ အသားဖြင့် ရည်စူး ဆက်သခဲ့လျှင်လည်း အလားတူပင် အတောမသတ်နိုင်အောင် ရှိအံ့တည်း။
    အသင်တို့၏ ဘိုးဘေးများက ထာဝရ ကျေနပ်မဆုံး ရှိနေစေလို ဘိမူ နီထွေးသော ဆိတ်၏ အသားဖြင့် တည်ခင်းကျွေးမွေးခြင်းမှာ အလျော်ကန်ဆုံးပင် ဖြစ်ချေသတည်းတဲ့။

    ၇။ တခြားဘာသာတရားများ၏ ဩဇာလွှမ်းမိုးမှုခံရသော ဟိန္ဒဝါဒ
    ဟိန္ဒူကျမ်းစာများထဲမှာ နောက်လိုက်တွေကို အသား ငါးစားဖို့ ခွင့်ပြုထားခဲ့ပေမဲ့ များစွာသောဟိန္ဒူတွေက သက်သတ်လွတ် ဟင်းသီးဟင်း ရွက်ကိုပဲ စားသုံးနေကြတယ်။ ဘာကြောင့်လဲဆိုတော့ ဂျိမ်းဝါဒလို တခြား ဘာသာတရားတွေရဲ့ ဩဇာလွှမ်းမိုးမှုကို ခံသွားရလို့ပဲ ဖြစ်တယ်။

    ၈။ အပင်များမှာလည်း အသက် ရှိသည်
    တချို့ဘာသာတရားတွေက အစားအသောက် စည်းမျဉ်းအဖြစ် သက်သတ်လွတ် ဟင်းသီးဟင်းရွက်သက်သက်ကိုပဲ လိုက်နာခဲ့ကြတယ်။ သက်ရှိတိရိစ္ဆာန်တွေကို သတ်ဖြတ်ခြင်းကို လုံးဝဆန့်ကျင်ခဲ့ကြတယ်။ သက်ရှိ တိရိစ္ဆာန်တစ်မျိုးမျိုးကို လုံးဝသတ်ဖြတ်ခြင်းမရှိဘဲနဲ့ လူတစ်ဦးဟာ အသက် ရှင်ရပ်တည်နိုင်တယ်ဆိုရင် ကျုပ်က ဒီလို ဘဝပုံစံကို ပထမဆုံး လက်ခံသူ ဖြစ်လိမ့်မှာပါ။ အတိတ်တုံးက လူတွေဟာ အပင်တွေကို သက်မဲ့များဆိုပြီး ထင်ခဲ့ကြတယ်။ ဒီနေ့ဆို အပင်တွေမှာလဲ အသက်ရှိတာကို ကမ္ဘာ့နိယာမအဖြစ် အားလုံးက လက်ခံထားကြပြီ။ ဒီအတွက် ကြောင့် သက်သတ်လွတ်စားမှု စစ်စစ်ဖြစ်ရင်လဲပဲ သက်ရှိသတ္တဝါတွေကို မသတ်ကြေးဆိုတဲ့ သူတို့ရဲ့ အကြောင်းပြချက်ကို ရေရာမှု မရှိစေနိုင်တော့ ပါဘူး။

    ၉။ အပင်များသည်လည်း နာကျင်မှုကို ခံစားနိုင်
    အပင်တွေကတော့ နာကျင်မှုကို မခံစားနိုင်ရယ်လို့ သူတို့က ရှေ့ဆက်ပြီး ဒီတော့ စောဒကတက်ခဲ့ကြတယ်။ ဒါကြောင့် အပင်တစ်ပင် ကို သတ်တာက တိရိစ္ဆာန် တစ်ကောင်ကို သတ်တာထက်စာရင် ဘာမှ မပြောပလောက်ဖူးဆိုပြီး အကြောင်းပြကြတယ်။ အပင်တွေကလည်း နာကျင်မှုကို ခံစားတတ်တယ်လို့ ဒီနေ့ သိပ္ပံက ပြောလာပါပြီ။ အပင် တွေရဲ့ ငိုညည်းသံကို လူတွေကတော့ မကြားနိုင်ပါဘူး။ ဒါကလဲ လူရဲ့ နားက ကြား နိုင်မဲ့နှုန်း ၂၀ ဟတ်ဇ်ကနေ ၂၀ဝ၀ဝ ဟတ်ဇ်ကြားမှာမရှိရင် အသံကို ကြားနိုင်ရည် မရှိပါဘူး။ ဒီနှုန်းထားထက် နိမ့်ရင်ပဲဖြစ်ဖြစ် မြင့်ရင်ပဲ ဖြစ်ဖြစ် လူရဲ့နားက မကြားနိုင်ပါဘူး။ ခွေးတစ်ကောင်က ၄၀ဝ၀ဝ ဟတ်ဇ် အထိ ကြားနိုင်ပါတယ်။ ဒီဝီစိသံတွေကို ခွေးတွေပဲ ကြားနိုင်ပါတယ်။ လူက မကြားနိုင်ပါဘူး။ ခွေးက သူ့သခင်ထံကလာတဲ့ ဝီစိသံကို ကြားနိုင်တယ်။ အမေရိကပြည်ထောင်စုက လယ်သမားတစ်ဦး က အပင်တွေရဲ့ ငိုညဉ်းသံကို လူကပါကြားနိုင်တဲ့ ကိရိယာတစ်ခုကို တီထွင်ပြီး လေ့လာ သုတေသနပြုခဲ့တယ်။ အပင်က ရေကို ငိုတောင်း လာတာကို သူ ချက်ချင်းပဲ သိခဲ့ရတယ်။ နောက်ဆုံး သုတေသန ပြုချက်များအရ အပင်တွေကလဲ ပျော်ရွှင်မှုနဲ့ ဝမ်းနည်းမှုတို့ကိုတောင် ခံစားနိုင်တာကို ပြသခဲ့တယ်။ အပင်တွေက ငိုလည်း ငိုကြွေးနိုင်တယ်တဲ့။

    ၁၀။ အာရုံနှစ်ပါး လျော့နည်းနေတဲ့ သက်ရှိတစ်ခုကို သတ်ဖြတ်ခြင်းက အသေးအမွှား ရာဇဝတ်မှု မဟုတ်ပါဘူး။
    တစ်ခါတုံးက သက်သတ်လွတ် စားတဲ့သူတစ်ဦးက တိရိစ္ဆာန် တွေမှာ အာရုံငါးပါးရှိပေမဲ့ အပင်တွေမှာက အာရုံနှစ်ခု သို့မဟုတ် သုံးခု ပဲ ရှိတယ်လို့ ပြောဆိုစောဒကတက်ခဲ့ဖူးပါတယ်။ ဒါကြောင့်မို့ အပင် တစ်ပင်ကို သတ်ခြင်းက တိရိစ္ဆာန်တစ်ကောင်ကို သတ်ဖြတ်တာလောက် အပြစ် မများပါဘူး။ အများကြီး နည်းတယ်တဲ့။ ဒါက သူ့ဆင်ခြေလေ။ကဲ ဒါဆို ခင်ဗျားရဲ့ ညီလေးကို တခြား လူတွေနဲ့ နှိုင်းယှဉ်ကြည့်ရင် ဆွံအလဲ ဆွံ့အတယ်၊ နားကလဲ မကြားဘူးဆိုပါစို့။ သူ အရွယ်ရာက်လာချိန်မှာ တစ်ဦးဦးက သူ့ကို သတ်ခဲ့တယ် ဆိုပါစို့။ အသင့်ကိုပဲ တရားသူကြီး လုပ်ပြီး ဒီအမှုကို တရားစီရင်ပါ။ ခင်ဗျားရဲ့ ညီ လေးက အာရုံနှစ်ပါး ချို့ယွင်းနေလို့ လူသတ်သမားကိုတော့ အပြစ်ကို လျှော့လျှော့ပေါ့ပေါ့ စီရင်ပါလို့ အရေး ဆိုလာတယ် ဆိုပါစို့။ ခင်ဗျားက ဒေါသတကြီးနဲ့ ဆွံ့အနားထိုင်း နေတဲ့ ဒုက္ခိတ အပြစ်မဲ့သူကိုမှ သတ်ရက်တဲ့ ကောင်မျိုးကို ဘာကြောင့် ကျုပ်က လျှော့လျှော့ပေါ့ပေါ့ ပြစ်ဒဏ်ချရမှာတုံး။ ကြီးလေးတဲ့ အပြစ်သာ ပေးရမှာပေါ့ဆိုပြီး ထအော်မှာ ကျိန်းသေပဲ။
    အမှန်တကယ်ပဲ ကုရ်အာန်က အခုလို ဆိုထားပါတယ်။
    “အို .. လူသားတို့၊ မြေကမ္ဘာဝယ် ရှိရှိသမျှသော အရာများ အနက် သန့်စင် ကောင်းမွန်သော အရာတို့ကို စားသုံးကြတဲ့။” [ကုရ်အာန်   ၂း ၁၆၈]

    ၁၁။ ကျွဲနွား ဦးရေက အတိုင်းထက် အလွန် တိုးပွားနေ
    တကယ်လို့ လူတိုင်းလူတိုင်းကသာ သက်သတ်လွတ်စား သမား တွေ ဖြစ်နေမယ်ဆိုရင် သူတို့တွေရဲ့ မျိုးပွားနှုန်းနဲ့ ပွားများနှုန်းက အင်မတန် မြန်လွန်းတာကြောင့် ကမ္ဘာမှာ ကျွဲနွား တိရစ္ဆာန်ဦးရေဟာ အဆမန် ပေါက်ကွဲနေပါမယ်။ အလ္လာဟ်ရှင်က အရှင့်ရဲ့အနန္တ ဥာဏ်တော်ကြောင့် အရှင့်ရဲ့ ဖန်ဆင်းမှုချိန်ခွင်လျှာကို အချိုးကျကျ ဘယ်ပုံတည်နေရမယ် ဆိုတာကို သိတော်မူတယ်။ ဒါကြောင့် ကျွဲနွား သိုးဆိတ်စတဲ့ တိရိစ္ဆာန်တွေရဲ့ အသားကို အရှင်က ကျွန်ုပ်တို့ကို စားသုံး ခွင့်ပြုထားတာဟာ အံ့ဩစရာ မရှိပါဘူး။
    ၁၂။ အားလုံးက သက်သတ်လွတ်သမား မဟုတ်တဲ့အတွက်ကြောင့် အသားရဲ့  တန်ဖိုးကလဲ သင့်သင့်မျှမျှ ရှိနေရပါတယ်။
    လူတချို့က သက်သတ်လွတ်သမားတွေ ဖြစ်နေတာကို ကျွန်ုပ် က အမှု မထားပါဘူး။ ဘာပဲဖြစ်ဖြစ်ပေါ့ သူတို့ဘက်က သားငါး စားတဲ့သူ တွေကို ရိုင်းစိုင်း ရက်စက်သူတွေဆိုပြီးတော့ ရှုတ်မချသင့်ပါဘူး။ တကယ် ဆိုရင် အားလုံးသော အိန္ဒိယလူမျိုးတွေကသာ သက်သတ်လွတ်သမားများ မဟုတ်ကြတော့ဘဲ သားငါးစားသူတွေ ဖြစ်သွားကြမယ်ဆိုရင်တော့ လက်ရှိ သားငါးစားသမားတွေဟာ ပိုပြီး ဆုံးရှုံးမှု ကြီးထွားသွားရပါ လိမ့်မယ်။ အသားရဲ့တန်ဖိုးက ဈေးထိုးတက်သွားမှာ ကြောင့်ပါပဲ။
    ဘာသာပြန်ဆိုသူ

    ၀ါးခယ်မမောင်မင်းနိုင် (အစ္စလာမ့် အကယ်ဒမီသိပ္ပံ)