News @ M-Media

Category: ဆောင်းပါး

  • ငယ်ဘ၀ ဒဏ်ရာများ

    ငယ်ဘ၀ ဒဏ်ရာများ

    မောင်လူငယ်

    ကျနော်သည် ဒီအကြောင်းကို မပြောချင် မရေးချင်ဘဲ မေ့ထားခဲ့သည်မှာ နှစ်ပေါင်း ၂၀ ကျော်ခဲ့ပြီးဖြစ်သည်။ မေ့ချင်သော်လည်း မေ့မရသည် မှာ ကျနော်အသက် ၃၀ ရောက်သည်တိုင်ပင်ဖြစ်သည်။


    ထို့နေ့ရောက်တိုင်း ကျနော်ရင်မှာ ငိုမိသလို မမေ့နိုင်သော ဒဏ်ရာများလည်း အဟောင်းမှ အသစ် အသစ် ပြန်ဖြစ်ရသည်။ ကျနော် အသက် ၅ နှစ်သားအရွယ်တွင် မြန်မာသမိုင်းတွင် အထူးခြားဆုံးဖြစ်သော် ၈၈၈၈ အရေးအခင်းနှင့် ကြုံတွေ့ခဲ့ရသည်။ အသက် ၅ နှစ်သားဆိုတော့ နည်းနည်း သိတတ်နားလည်သောအရွယ်ဖြစ်သလို ဦးနှောက်ဖွံ့ဖြိုးမှု ကောင်းသောအရွယ်ပင်ဖြစ်သည်။ ကျနော်သည် ထိုစဉ်အရွယ်တွင် မိခင်ဘက်မှာ အဘိုးအဘွားများနှင့် အတူနေခဲ့ရပြီး အဘိုးအဘွားများ လက်ပေါ်တွင် ကြီးပြင်းခဲ့ရသည်။ ကျနော်မိဘများသည် စကားမပြောတတ် နားမကြားသူများဖြစ်ကာ မွေးစဉ်က ကျနော် နားကြားသော်လည်း စကားပြောတတ်အောင် သင်ပေးခဲ့သူမှာ ကျနော် အဘွားနှင့် ကျနော်အဒေါ်ပင်ဖြစ်သည်။

    ဆူးလေးဘုရားလမ်းနှင့် အနော်ရထာလမ်းဒေါင့်တွင် ကျနော် ဘိုးဘွားအိမ်တွင် ကျနော်နေကာ သူငယ်တန်းကို အမက ၅ ကျောက်တံတား (ပန်းဆိုတန်းလမ်း) တွင် စတင်ကျောင်းတတ်ခဲ့ရသည်။ ညနေ ခေါင်းလောင်းထိုး ကျောင်းဆင်းချိန် ကျနော်သည် ၃၃လမ်းရှိ အဒေါ်အိမ်သို့သွားကာ ကျနော်အမနှင့် ဆော့ကစားလေ့ ရှိသည်။ လူကြီးများ၏ စကားဝိုင်းတွင် ၀င်ရောက် နားထောင်လောက်အောင် ကျနော်သည် နားမလည်ခဲ့ပါ။ တခု တော့ ကြားမိတာကတော့ (မဆလ)၊ ကလေးပီပီ ကျနော်ကြားရသော အရာကို နားမလည်ဘဲ ကျနော်အန်တီကြီးကို မေးမိသည်။ မဆလာဝယ်ပြီး ဘာလုပ်မလိုလဲတဲ့ သားကို ကျွေးမလိုလား လို ပြောလိုက်တော့ လူကြီးများက ပြုံးရယ်ကြလေသည်။

    ကျနော် အဘိုးမှာ စာရေးဆရာ ၁ဦးဖြစ်ကာ ထို့စကားဝိုင်းတွင် ဦးဆောင်ဆွေးနွေးလေသည်ကို ကျနော်မှတ်မိလေသည်။  ကျောင်းတက်သောအချိန်မှာ တိုတောင်းကာ ကျောင်းကို ပိတ်လိုက်ရပြီး ဆူးလေရှိ ဘိုးဘွားအိမ်တွင် ကျနော်သာ အချိန်ကုန်နေလေသည်။ ကျနော် မိခင်မှာ  ကျနော်ညီကို မွေးပြီးစ ၆လသားအရွယ် နို့တိုက်နေချိန်ဖြစ်ကာ ကျနော် အား မကြည်အားနိုင်ချေ။ ပျင်းပျင်းနှင့် အိမ်ရှေ့တံခါးနားတွင် ထိုင်ကာ ဟိုဟို ဒီဒီကြည်သော့ လူအအုပ်အုပ် အထွေထွေ ဥပဒေဟို သွားလာနေပြီး လူအုပ်ကြီး များသထက် များလာနေသည်ကို တွေ့မိသည်။

    ရှေ့တန်းတွင် ၀ါးလုံးရှည်ပေါ်တွင် အလံကို ပြောင်းပြန်လှန်ပြီး ထောင်ကာ ကိုင်ဆောင်ချီတက်ကြသည်။ ထူးခြားသည်ကား လေးထောင့်အကွက် မှန်ဘောင်တွင် လူ ၁ဦးပုံကို ကိုင်ထားသူနှင့် အလံကို ပြောင်းပြန်လှန်ထားခြင်းမရှိဘဲ နဂိုအတိုင်းကိုင်ထားသူများ အပြင် နောက်တွင် လူအုပ်ကြီးက ချီတက်နေကြသည်။ ကျနော်သည် ဓာတ်ပုံထဲက လူကို မသိပါ။ စစ်ဝတ်တန်ဆာနှင့်မျက်နှာ တည်ငြိမ်ရင်ကျက်ပုံကြောင့် ကလေးပီပီ သိလိုစိတ်ဖြစ်မိသည်။ နောက်တွင် သိရသည်မှာ အမျိုးသားခေါင်းဆောင်ကြီး မြန်မာပြည်လွတ်လပ်ရေးအတွက် အသက်စွန့်သွားခဲ့ရသော ကိုအောင်ဆန်းဖြစ်ကြောင့် သိရသည်အပြင် အလံကို မူလအတိုင်းထားကိုင်ခြင်းသည် ၁၉၄၇ အလံဖြစ်ကြောင်းလည်း သဘောပေါက်မိသည်။ လူအုပ်ထဲတွင် ကျနော်သဘောကျမိသည်မှာ ကချင်လွယ်အိတ်ကလေးနှင့် ကျောင်းသားများပင်ဖြစ်သည်။ ငယ်ရွယ်သောမျက်နှာများဖြင့် နဖူး ခေါင်းစည်းထားပြီး လက်ပတ်အနီရောင်၊ ၀ါစိမ်းရောင် ပတ်ကာ လူအုပ်များကို ဦးဆောင်နေသည်ကို အားကျမိသည်။ ပြောနေသော အော်သံ၊ ဟစ်ကြွေးသံများကို မှတ်သားထားမိသည်မှာ ဒီအသက်အရွယ်ရောက်သည်တိုင်ပင်ဖြစ်သည်။ အသံတွေကတော့ “တပါတီ အလိုမရှိ ဒီမိုကရေစီ ချက်ချင်းပေး၊ မရရင်ချ ရရင်ချ၊ သားသတ်သမား စိန်လွင်” ဟု ဟစ်ကြွေးကာ ပျံ့လွင့်နေသည်မှာ ကျနော်ပင် စိတ်ဓာတ်တတ်ကြွလာသည်။

    ကြည်နေတုန်းမှာ ပင် ကျောင်းသားကြီး တယောက်က ကလေး ဘာလုပ်နေတာတုန်း၊ ဘာလိုချင်လဲ ဟု မေးတော့ ကျနော်က “ဒေမော်ခဝေကီ” လိုချင်တယ်လို့ မပီမသ ပြောလိုက်တယ်။ သူက သဘောကျပြီး သူ အဖော်တွေကို ဟေ ဒီမှာ ကလေးက ဒီမိုကရေစီတဲ့ လိုချင်တယ်တဲ့။ ကျနော်ကို ၀ိုင်းမြှောက်ပြီး ချီပိုးနေတယ်။ ကျနော်ကို အကိုကြီးနဲ့ လိုက်မလား သွားကြည်မယ် ကလေး လို့ပြောတော့ ကျနော်လည်း လိုက်သွားတယ်။ အိမ်က စိတ်မချလို အဖော်ပါ ထည့်ပေးလိုက်တယ်။ ဆူးလေနဲ့ မြို့တော်ခန်းမဆိုတာ နီးနီးလေးပါ။ လူကြီးတွေ စိတ်ပူတာလဲ သဘာဝကျပါတယ်။ အဲဒီမှာ လူအုပ်တွေကလည်း အများကြီး လူမျိုးဘာသာတောင် မရွေးဘူး။ အော်သံတွေကလည်း အတူတူဘဲ။ “’ဒီမိုကရေစီ ချက်ချင်းပေး”တဲ့။ လူအုပ်ကြီးနဲ့ မျက်နှာချင်းဆိုင်မှာ အစိမ်းရောင် ဖျော့ဖျော့လေး ဆင်တူဝတ်ထားတဲ့ သူတွေ အများကြီးဗျာ။ သူတို့မျက်နှာတွေကလည်း ရန်ဖြစ်တော့မယ် မျက်နှာအတိုင်းဘဲ။ ကိုင်ထားတာကလည်း ကျနော်ဆော့တဲ့ သေနတ်နဲ့ အတော်ကို တူတယ်ဗျာ။ ကျနော်သေနတ်ကတော့ အတော်သေးတယ်။ ထူးတာက ကျနော်သေနတ်မှာ ဓားမတပ်ထားဘူးဗျာ။ သူတို့ထဲက ပခုံးမှာ အစက်ကလေးနဲ့ သူက ထွက်လာပြီး ဘဲနှုတ်သီးလိုလို လန်နေတဲ့ဟာကို ပါးစပ်မှာ တေ့ထားပြီး ပြောပြောနေတယ်။ ဘာတွေပြောမှန်းတောင် မသိဘူး။

    ကျောင်းသားကြီးက ကျနော်ဆီကို လာပြီး ထပ်မေးတယ် ဘာကိုလိုချင်လဲ ဒီမိုကရေစီ နောက်ပြီး ချောကလက်ပေးလိုပြောတာဘဲ။ ကျောင်းသားကြီးက ဝေးဟေးဟေးလို လက်ခုပ် ဖြောင်းဖြောင်းတီးနေပြီး သူက မြေပဲအချိုတောင့် ပေးတော့ ကျနော်စားတယ်။ နောက်တော့ ကျနော် တသက် မမေ့နိုင်တဲ့ ဖြစ်ရပ်လေးက အဲဒီမှာ ဖြစ်ခဲ့ပါတယ်။ ကျနော်ကို မုန့်လေးပေးတဲ့အကိုကြီးက ပေးပြီး ခြေလှမ်း ၃၊ ၄လှမ်း လျှောက်တာ ဒီအချိန်မှာ စစ်တပ်က ပစ်လိုက်တာ မုန့်ကျွေးတယ် အကိုကြိးရဲ့ ရင်ဝကို မှန်ပြီးနေရာမှာတင်လဲသွားတယ်။ အဖြူရောင် အင်္ကျီပေါ်မှာ အနီရောင်တွေ တဖြည်းဖြည်း လွှမ်းလာသလို အကိုကြီးရဲ့ မျက်လုံးက ကျနော်ကို ကြည်နေပြီး လူအုပ်ကြီးက အလဲလဲ အကွဲကွဲဖြစ်ကာ ကျနော်ကို ချီပြီး ပြေးလာသလို ကျနော်အိမ်ကိုလည်းအရောက်ပို့ပေးတယ်။

    ကျနော်တောင် ကလေးပီပီ ငိုမိတယ်။ အကိုကြီးရဲ့ မျက်လုံးတွေက ပြောနေတာက ဘယ်တော့မှ မမေ့ပါနဲ့တဲ့။ ဘိုးဘွားများကို ကျနော်မေးမိတယ်။ သား သေနတ်က ပစ်လိုက်တိုင်း  ရောင်စုံမီးဆလိုက်တွေ ထွက်ပြီး ဟို အစိမ်းရောင်ဝတ်တဲ့သူက ပစ်လိုက်တာ သားကို မုန့်ပေးတဲ့ အကိုကြီး ရင်ဝမှာ အနီရောင်တွေထွက်လာတာ ဘာလို့လဲလို မေးတော့ ဘိုးဘွားတွေက ဘာမှမပြောနိုင်အောင် မျက်နှာမှာ စိတ်မကောင်းဖြစ်တဲ့အမူအရာကို မြင်ရသလို အကိုကြီးရဲ့လဲကျသွားတဲ့ပုံစံဟာ ဒဏ်ရာတခုလို့ ဒီအရွယ်ရောက်တဲ့အထိ ဘယ်လိုမှ မမေ့နိုင်ခဲ့ပါ။ ကျနော်ကဲ့သို့ ကြုံတွေ့ခဲ့ရသူများလည်း ကျနော်ကဲ့သို့ ဖြစ်မည်ကို ခံစားမိပါသည်။

    နိဂုံးချုပ်ဆိုရသော် ကျနော်သည် ထို့ကဲ့သို့သောဖြစ်ရပ်များ ထပ်မံပေါ်ပေါက်လာမည်ကို ကျနော်စိုးရိမ်မိသည်။ မည်သူကိုမျှလည်း မမုန်းသလို ကျနော်အား မုန့်ကျွေးခဲ့သော ကျောင်းသားကြီး၏ လဲကျနေသောပုံစံပေါင်းများစွာကို မမြင်တွေ့လိုတော့သလို နောက်မျိုးဆက်သစ်များကိုလည်း ဒဏ်ရာများ မပေးချင်သည်မှာ ကျနော်ရင်ထဲက ဆန္ဒပင်ဖြစ်သည်။

  • ကိုယ်ပိုင်ကျောင်းများနဲ့ မိဘတို့ရေ

    ကျော်ဆန်း

    သြဂုတ်၊ ၁၆၊ ၂၀၁၂

    ကိုယ်ပိုင်ကျောင်းများနဲ့ မိဘတို့ရေ

    ကိုယ်ပိုင်ကျောင်း မှတ်ပုံတင် ဥပဒေတစ်ရပ်ကို ၂၀၁၁ ဒီဇင်ဘာ (၂)ရက် နေ့က ပြဌာန်းပေးလိုက်တဲ့အတွက် ၀မ်းသာပီတိ ဖြစ်ခဲ့ရပါတယ်။ ဒိလိုရှိသင့်တာ ကြာပြီလို့ယူဆထားတဲ့အတွက်ကြောင့်လည်း မျှော်လင့်ချက်တစ်ရပ်
    ပြည့်စုံသွားတယ်လို့ ဆိုနိုင်တယ်။ ပညာရေးဝန်ကြီးဌာက မူဝါဒနဲ့ သင်ရိုးတွေချမှတ်ပေးမယ်။ ကျောင်းတစ်ကျောင်းမှာ ရှိအပ်တဲ့ အရည်အသွေးတွေ ရှိမရှိ ကြီးကြပ်ပေးမယ်။ ကိုယ်ပိုင်ကျောင်းတွေက စည်းကမ်းနည်းလမ်းနဲ့အညီ သင်ကြမယ်ဆိုတော့ နိုင်ငံတော်မှာလည်း ၀န်ထုပ်ဝန်းပိုးလျော့သွားမှာ ဖြစ်သလို ကျောင်းတွေကလည်း အရည်အသွေးရော အဆင့်အတန်းမှာ ပြိုင်ကြရမှာ ဖြစ်လို့ အနာဂတ် ပညာရေးအတွက် အလားလာကောင်းတွေ ပေါ်ထွန်းလာမယ်လို့ မျှော်လင့်ရတာပါပဲ။ မိဘတွေအနေနဲ့လည်း ရွေးချယ်စရာတွေ ပေါ်ပေါက်သလို ကျောင်းသားတွေအနေနဲ့လည်း တစ်နေကုန်စာသင် ကျုရှင်တက်ဘ၀ကနေ လွတ်ကြတော့မှာပါလားဆိုပြီး ၀မ်းသာခဲ့ရတာပါ။ လက်တွေ့မှာတော့ အထင်နဲ့အမြင်က တစ်ထပ်တည်းမဟုတ်လေတော့ ၀မ်းသာရမှာလား ၀မ်းနည်းရမလားတောင် မဝေခွဲတတ်အောင် ဖြစ်နေပါပြီ။

    ကိုယ်ပိုင်ကျောင်းနဲ့ သင်ကြားရေးပုံစံ

    ကိုယ်ပိုင်ကျောင်းတွေမှာ အသုးံပြုရမဲ့သင်ရိုးက နိုင်ငံတော်က ပြဌာန်းပေးထားတဲ့ သင်ရိုးဖြစ်လို့ အစိုးရကျောင်းများနဲ့ အတူတူပါပဲ။ ဒါဖြင့် မိဘတွေက ငွေကုန်ကြေးကျခံပြီး ဘာကြောင့်ကိုယ်ပိုင်ကျောင်းကို အပ်ကြမှာလဲလို့ မေးစရာရှိပါတယ်။ အဓိကကတော့ ရုပ်ဝတ္ထုပစ္စည်းတွေနဲ့ သင်ကြားရေးပုံစံမှာ ကွားခြားမယ်၊ အစိုးရကျောင်းတွေထက် အများကြီး သာလွန်လိမ့်မယ်လို့ မျှော်လင့်ပြီး ကိုယ်ပိုင်ကျောင်းတွေမှာ အပ်ကြမှာပါ။ အပ်လည်းအပ်နေကြပါပြီ။ တစ်ချို့နာမည်ကြီးကျူရှင်တွေ၊ ဘော်ဒါတွေက ကိုယ်ပိုင်ကျောင်းအဖြစ် ပြောင်းလဲ မှတ်ပုံတင်လာကြတော့ မိဘများလည်း မျှော်လင့်တစ်ကြီး အထင်ကြီးတစ်ခွဲသားနဲ့ ကျောင်းလခတွေ အများကြီးပေးပြီး ကျောင်းအပ်ကြတာပေါ့။

    ကိုယ်ပိုင်ကျောင်းတွေက အခုမှထောင်ကြတာဆိုတော့ အဆောက်အဦးအသစ်တွေနဲ့ ဆေးရောင်တွေ စိုစိုပြေပြေနဲ့မို့ အထင်ကြီးစရာပါ။ ကျောင်းလခလည်း တန်အောင်ယူထားတော့ ဆရာ၊ဆရာမ တွေလည်း ငှားရမ်းနိုင်တဲ့ အင်အားရှိကြပါတယ်။

    အစိုးရကျောင်းတွေကတော့ အခမဲ့ နီးပါးဖြစ်တာကြောင့် နိုင်ငံတော်ကချပေးတဲ့ ဘတ်ဂျက်နဲ့ပဲ လုံလောက်အောင် သုးံစွဲကြရတာပါ။ အချို့သောကျောင်းတွေမှာ ဆရာ၊ ကျောင်းသား အချိုးမညီမျှတာတွေ ရှိကောင်းရှိပါမယ်။ ဒါပေမဲ့ အစိုးရကျောင်းမှာရှိတဲ့ ဆရာ၊ဆရာမတွေအားလုးံနီးပါးဟာ ပညာရေးနဲ့ပတ်သက်တဲ့ သင်တန်းတွေကို တက်ရောက်ဆည်းပူး အောင်မြင်ထားကြသူတွေက များပါတယ်။ ကလေးတွေကို ဘာသင်ပေးရမယ်၊ ဘယ်လိုသင်ပေးရမယ်၊ ဘာကြောင့်သင်ရတယ် ဆိုတာတွေကိုလည်း လေ့လာတက်မြောက်ထားကြပါတယ်။

    ဒါဖြင့်ရင်ကျောင်းသားတွေ ဘာကြောင့် ကျူရှင်ယူနေကြရတာလည်း လို့မေးစရာရှိတယ်။ စောဒကတက်နိုင်ပါတယ်။

    ဒီအတွက် အရှင်းဆုံးနဲ့အတိကျဆုံး အဖြေပေးလို့ရပါတယ်။ နားမလည်မှုနဲ့ ဂုဏ်တုဂုဏ်ပြိုင်တွေကြောင့်လို့ပဲ ဖြေပါရစေ။
    ပုဂ္ဂုလိက ကျောင်းတွေမှာ အပ်ထားတဲ့ မိဘများနဲ့ ကျောင်းသား ကျောင်းသူတွေကို သင်ကြားရေးမှာ ဘာတွေများထူးခြား သွားပြီးလဲလို့ မေးကြည့်ချင်ပါတယ်။ လေ့လာကြည့် မိသလောက်တော့ ဘာဆိုဘာမှ မထူးခြားပါဘူး။
    ပုဂ္ဂလိကကျောင်းတွေမှာလည်း အမည်ခံ လက်တွေ့ စာသင်ခန်းတွေရှိပါတယ်။ ဘာတွေများ လက်တွေ့ သင်ပြနေပြီလဲ။ အလွတ်ကျက်၊ စာအံဆိုတဲ့ ပုံစံထက် ဘာများပိုပြီး ထူးခြားသွားပါပြီလဲ။ ကျောင်းသားတွေရဲ့ နားလည်မှု ၊ ဖန်တီးတတ်မှု၊ လက်တွေ့ဆောင်ရွက်တတ်မှုအတွက် ဘာတွေများ သင်ပေးနေပါပြီလဲ။

    နာမည်ကြီးပုဂ္ဂလိက ကျောင်းတစ်ခုခုက ကျောင်းသားတွေကို လေ့လာကြည့်လိုက်စမ်းပါ။ တစ်နေ့တစ်နေ့ စာကျက်စရာ 4/5 ပုဒ် ပါလာတာ တွေ့ရပါလိမ့်မယ်။ ကျောင်းမှာ သိပ္ပံလက်တွေ့ချိန် ဘာလုပ်ရသလဲမေးကြည့်တော့ ပြိုင်ရတယ်လို့ ဖြေပါတယ်။ ၀မ်းသာစရာပါ။ ဘာပြိုင်ရတာလဲ မေးကြည့်တော့ ယောက်ျားလေးနဲ့မိန်းကလေး စာအလွတ်ရွတ်တာ ပြိုင်ရတာတဲ့။ ၀မ်းသာမိစောလေခြင်းလို့ နောင်တရ လိုက်မိပါတယ်။
    ပထ၀ီကို အလွတ်ကျက်မှတ်နေလို့ ကမ္ဘာလုံးပုံကြီးရှေ့ချပေးပြီး မေးကြည့်ပါတယ်။ ဘယ်နေရာ၊ ဘယ်ဒေသဘာဆိုတာ ကမ္ဘာ့မြေပုံပေါ်မှာကြည့်ပြီး ဖြေကြားနိုင်စွမ်း မရှိပါ။ ကြက်တူရွေးလို နှုတ်တိုက်ချ၊ အလွတ်ကျက်၊ ပြန်ဆို ဆိုတဲ့သင်ကြားမှုထက် ဘာတစ်ခုမှ ပိုလာတာကို မတွေ့ရပါ။

    နားမလည်မှုနဲ့ ဂုဏ်ပြိုင်မှု

    မိဘများကို မေးချင်ပါတယ်။ မနက်လင်းကနေ ညနေ မိုးချုပ်တဲ့ထိ ကလေးတွေကို ဘာကြောင့်များ စာသင်ခန်းတွေထဲ ထည့်ထားချင်ရတာပါလဲ။ အိမ်မှာ စောင့်ရှောက်မယ့်လူ မရှိလို့လား။ ဒါမှမဟုတ် ဒီလိုတစ်နေကုန်သင်မှ ပညာတတ်ကြီး ဖြစ်လာမယ်လို့ထင်လို့လား။ မိမိရှေ့ကလူတွေ၊ မိမိနဲ့ခေတ်ပြိုင်တွေကို နှိုင်းယှဉ်ကြည့်စမ်းပါ။ ကမ္ဘာတစ်လွှားခေါင်းပြူကြည့်စမ်းပါ။ ဘယ်သူတွေ ဘာကြောင့် တိုးတက်အောင်မြင် နေသလဲ နားလည်အောင် ကြည့်ကြစေချင်ပါတယ်။

    ကျောင်းစာသင်ခန်းထဲမှာ အမှတ်(၁၀၀)ရရုံနဲ့ လူ့လောကကြီးထဲမှာ ဘာမှဖြစ်မလာနိုင်ပါဘူး။ လူဆိုတာ မွေးကတည်းက ချိနဲ့စွာ မွေးဖွားလာတာပါ။ ရုပ်ပိုင်း၊ အသိပိုင်း၊ ညဏ်ရည်ပိုင်းဘာသာစကားပိုင်း ချိနဲ့စွာ မွေးဖွားလာတဲ့အတွက် အကူအညီလိုအပ်ပါတယ်။ ဒါတွေကို ဖွံ့ဖြိုးလာအောင် အကူအညီပြုတာကို ပညာရေးလို့ခေါ်တာပါ။ စာသင်ခန်းမှာရော အိမ်မှာပါ စာတွေကို အလွတ်အော်ကျက်နေတာ ပညာရေး မဟုတ်ပါဘူး။
    a
    ခန္ဓာကိုယ်ကြံ့ခိုင်ကျန်းမာအောင် ဘယ်လိုတည်ဆောက်ရမယ်။ လူမှုပေါင်းသင်းဆက်ဆံရေး ဘယ်လို ဖွံ့ဖြိုးအောင် လုပ်ရမယ်။ အချင်းချင်းဆက်သွယ်ဖို့ ဘာသာစကားဖွံ့ဖြိုးအောင် ဘယ်လိုလေ့ကျင့်ရမယ်။ တွေးတတ်၊ ခေါ်တတ်၊ တီထွင်ဖန်တီးတတ်ဖို့အတွက် ညဏ်ရည်ဖွံ့ဖြိုးအောင် ဘယ်လိုလေ့ကျင့်ပျိုးထောင် ရမယ်ဆိုတာ ပညာရေးပါ။ ဒီလိုအခြေခံကောင်းတွေ ရနိုင်မယ့်နေရာတွေကိုသာ မိမိရဲ့သားသမီးတွေကို အပ်နှံ သင်ယူစေသင့်တယ်။ ပြောင်ပြောင်မြင်တိုင်း ရွှေထင်နေရင်တော့ ငွေနဲ့အချိန်တွေပဲ ကုန်သွားရမှာပါ။

    မိဘတွေကို နောက်ထပ်မေးချင်တဲ့ မေးခွန်းတစ်ခုရှိပါသေးတယ်။ မိမိသားသမီးတွေကို ပုဂ္ဂလိကကျောင်းတွေမှာ အပ်နှံလို့ ကုန်ရတဲ့ငွေကြေးပမာဏရဲ့ တစ်ဝက်လောက်ကိုများ အစိုးရကျောင်းတွေမှာ အကုန်ခံဘူးပါသလား ဆိုတာကိုပါ။ အစိုးရကျောင်းများရဲ့ပညာရေး တိုးတက်ကောင်းမွန်ဖို့အတွက် ဘယ်လောက်များ ပံ့ပိုးပေးခဲ့ဘူးသလဲဆိုတာ ပြန်ဆန်းစစ်ကြည့်စေချင်ပါတယ်။ ကျောင်းတွေကို မကောင်းဘူးလို့ အပြစ်ပြောနေမဲ့အစား တတ်နိုင်တဲ့ဘက်က ပါဝင်ပံ့ပိုးပေးရင် ကျောင်းတွေကို ရွှေချထားနိုင်မယ်လို့တောင် ထင်မိပါတယ်။

    ကလေးတွေကို ကျူရှင်ပို့ကြတဲ့ အခြားအကြောင်းတစ်ရပ်ကတော့ ဂုဏ်တုဂုဏ်ပြိုင်ကိစ္စပါ။ မိဘချင်း၊ ကလေးချင်းတွေ့ဆုံတဲ့အခါ ဘယ်ကျောင်းမှာနေတယ်၊ ဘယ်လောက်တောင်ပေးရတယ်ဆိုတာ အပြိုင်ပြောပြီး ဂုဏ်ယူကြတာပါ။ ကျူရှင်မတက်နိုင်ရင် မျက်နှာငယ်တယ်လို့ ထင်ကြတဲ့ အခြေအနေပါ။ အိမ်မှာ ဘယ်ဆရာခေါ်သင်တယ်၊ တစ်လ ဘယ်လောက်ပေးရတယ် ဆိုတာလည်း ကြွားလုံးတစ်ခုပါပဲ။
    ဒီလိုပြောနေခြင်းက အပြစ်တင်လိုခြင်း မဟုတ်ပါ။ ပြန်လည်စဉ်းစားစေလိုတဲ့ စေတနာကြောင့်ပါ။

    ကလေးတွေပျော်ပျော်ရွှင်ရွှင် ဆော့ကစားပြီး၊ အေးအေးချမ်းချမ်းသင်ယူကာ၊ မိသားစုနဲ့ နွေးနွေးထွေးထွေး နေစေချင်တဲ့ စေတနာကြောင့်ပါ။
    ပညာရေးပြောင်းလဲတယ်ဆိုတဲ့ နေရာမှာ မိဘများကလည်း အဓိကအခန်းကဏ္ဍက ပါဝင်ပါတယ်။ မိဘတွေကိုယ်တိုင်က ဘယ်ဟာအကောင်း/ ဘယ်ဟာအညံ့ဆိုတာ မခွဲခြားနိုင်ရင် သားသမီးတွေအတွက် ဘာတွေမှ ပြောင်းလဲလာမှာမဟုတ်ကြောင်း အသိပေးလိုက်ပါရစေ။

     

    စာရေးသူ ဦးကျော်ဆန်း၏ ခွင့်ပြုချက်ဖြင့် ကူးယူဖော်ပြပါသည်။

  • သမိုင်းဖွဲ့ သတင်း

    သမိုင်းဖွဲ့ သတင်း

    သန်းမင်းထိုက် (မြန်မာစာ)
    သတင်းစာတွေဟာ သမိုင်းကိုပြောသတဲ့။ သမိုင်းဟာ တည်ဆောက်ပြီးသား အဆောက်အအုံတစ်ခုဆိုရင် သတင်းစာတွေဟာ စီနေဆဲ အုတ်ချပ်တွေဖြစ်တယ်။

    သမိုင်းမှာ အတုယူစရာတွေလည်း ပါတယ်။ သံဝေဂရစရာ တွေလည်းပါတယ်။ “သတင်း”ဆိုတာမှာလည်း ဒီနှစ်ခုစလုံးပါလေရဲ့။
    ဒါပေမယ့် သတင်းစာဟာ ခေတ်ပြိုင်အသံဖြစ်တယ်။ သမိုင်းဆိုတာကတော့ အတိတ်ရဲ့ ပဲ့တင်သံပဲဖြစ်တယ်။

    ခေတ်ပြိုင်အသံဟာ စိတ်လှုပ်ရှားမှုကို ပိုပြီးဖြစ်စေတယ်။ ညှို့ဓာတ် ပိုကဲတယ်။ စာနာထိုက်တာကို ဖတ်ရ၊ကြားရရင် ကရုဏာ စိတ်ကိုဖြစ်စေတယ်။ ၀မ်းသာစရာကို ဖတ်ရ၊ ကြားရရင် ကြည်နူးစိတ်ကို ဖြစ်စေတယ်။ ၀မ်းနည်းစရာကို ဖတ်ရ၊ကြားရရင် ကြေကွဲစိတ် ကိုဖြစ်စေတယ်။ သတင်းဟာ လူ့စိတ်ကို ထိလွယ် ခိုက်လွယ်စေတယ်။ ဒါကြောင့် သတင်းမီဒီယာမှာ စွမ်းအင်ထူး ရှိတယ်။

    ဘယ်စွမ်းအင်ပဲဖြစ်ဖြစ် အပြုအတွက်သုံးနိုင်သလို အပျက်အတွက်လည်း သုံးနိုင်တယ်။ အနောက်တိုင်း မီဒီယာတွေမှာ တစ်ခါတစ်ခါ ဒီလိုစွမ်းအင်တလွဲအသုံးချမှုတွေရှိတယ်။ မရိုးသားတဲ့ သတင်းတိုက်ပွဲတွေကို ဆင်လေ့ရှိတယ်။

    မိန်းမပျိုကို အသက်အန္တရာယ်ပြုနေတဲ့ခွေးကို လုံးထွေးသတ်ပုတ် သုတ်သင်လိုက်တဲ့ လူငယ်အတွက် အမေရိကန်ရဲက ချီးကျူးစကားအပြင် မနက်ဖြန်သတင်းစာထဲမှာ “ရဲရင့်တဲ့ အမေရိကန်လူငယ်လေး တစ်ဦးက မိန်းမပျိုရဲ့အသက်ကို ကယ်တင်လိုက်ခြင်း”ဆိုတဲ့ သတင်းကို ဖတ်ရစေ့မယ်လို့ပါ သတင်းကောင်းပါးလိုက်သေးတယ်။ ဒါပေမယ့် လူငယ်လေးက သူဟာ အမေရိကန်နိုင်ငံသား မဟုတ်ပါဘူး၊ ဆော်ဒီ နိုင်ငံသားပါလို့ ပြောလိုက်တော့ နောက်နေ့မနက်သတင်းစာမှာ ပါလာတာက “အပြစ်မဲ့တဲ့ အမေရိကန်ခွေးတစ်ကောင်ကို အစ္စလာမစ် အကြမ်းဖက်တစ်ဦးက သတ်ပစ်လိုက်ခြင်း” တဲ့။

    ဒါဟာ ရယ်မောစရာ ပြက်လုံးတစ်ခုအဖြစ် ရေးထားတာပါ။ ဒါပေမယ့် ရယ်စရာရဲ့ နောက်ကွယ်မှာ မောစရာပါနေတာကိုတော့ သတိပြုစေချင်ပါတယ်။ ဒါဟာ တကယ့်ဖြစ်ရပ်မှန် မဟုတ်ပေမယ့် တကယ့်ဖြစ်ရပ်မှန်ပေါင်းများစွာရဲ့ ပုံရိပ်စစ်ဖြစ်ပါတယ်။ “အပြစ်မဲ့” “အကြမ်းဖက်”ဆိုတဲ့ စကားလုံးလေးတွေကို အလိုက်သင့် လိုတိုး ပိုလျှော့လုပ်သွားရုံနဲ့ လိုရာဆွဲ အနက်ဖော်ဆောင်ပြီးသား ဖြစ်သွား ပါတယ်။

    အပြစ်မဲ့ အသတ်ခံရသူတွေကို လူတွေက သနားရမယ့်အစား သေတာတောင် နည်းသေးတယ်ဆိုတာမျိုး ရွံရှာမုန်းတီးသွားစေပြီး လူသတ်ကောင်တွေကိုကျတော့ ကမ္ဘာကြီးရဲ့ အမှိုက်သရိုက်တွေကို ရှင်းပေးနေတဲ့ လောကအလှဆင်သူတွေအဖြစ် ပြောင်းပြန်ဇောက်ထိုး အကဲဖြတ်အမှတ်ပေးမိကြအောင်လည်း မီဒီယာတွေက မျက်လှည့်ပြ တတ်ကြပါတယ်။

    သတင်းမှားတွေဟာ သမိုင်းမှားတွေကို တည်ဆောက်ပေး ပါတယ်။ အစ္စလာမ်သာသနာနဲ့ မွတ်စလင်တွေအပေါ် ကမ္ဘာ့မီဒီယာရဲ့ တစ်ဖက်စောင်းနင်း သတင်းမှားလွှင့်မှုတွေက အင်နဲ့အားနဲ့ ရှိလှပါတယ်။ ကိုယ့်သမိုင်းကို ကိုယ်သာ ကာကွယ်ကြရပါလိမ့်မယ်။


  • အကြမ်းဖက်သမားအများစုဟာ အစ္စလာမ္မစ်တွေဆိုတာ မဟုတ်မှန်

    အကြမ်းဖက်သမားအများစုဟာ အစ္စလာမ္မစ်တွေဆိုတာ မဟုတ်မှန်

    99.6 % အကြမ်းဖက်သမားဟာ အစ္စလာမ္မစ် မဟုတ်ကြောင်း ဥရောပရဲတပ်ဖွဲ့   (Europol) ထောက်ပြ 

    ဖိုးသောကြာ
    သြဂုတ် ၁၅၊ ၂၀၁၂

     

    “မွတ်ဆလင်အားလုံးဟာအကြမ်းဖက်သမားမဟုတ်၊ သို့သော် အကြမ်းဖက်သမားအများစုဟာ မွတ်ဆလင်တွေဖြစ်တယ်” ဆိုတဲ့လက်သုံးစကားဟာ အစ္စလာမ်ဘာသာဝင်တွေကို မုန်းတီးသူတွေ သုံးနေကြ ပေါ်ပြူလာစကားလုံးပေါ့။ ရှင်းရှင်းလင်းလင်းပြောရရင်တော့ ဒါဟာ အချက်အလက်တွေအပေါ်တကယ်အခြေခံပြီး ပြောကြားတာနေမဟုတ်ပါဘူး။ FBI ရဲ့ တရားဝင်ထုတ်ပြန်ချက်တွေအရ US မှာဖြစ်တဲ့ အကြမ်းဖက်မှုတွေမှာ ၉၄%သောအကြမ်းဖက်သူတွေမှအပ ကျန်သူတွေသာ မွတ်ဆလင်တွေဖြစ်ကြပါတယ်တဲ့။ အမေရိကန်မြေပေါ်မှာ ဖြစ်ပွါးခဲ့တဲ့ အကြမ်း ဖက်မှုတွေကို  ၁၉၈၀မှ ၂၀၀၅ အထိမှတ်တမ်းပြုစုဖော်ပြချက်တွေအရ  ၆ ရာခိုင်နှုန်းသော အကြမ်းဖက်လုပ်ရပ်တွေသာ မွတ်ဆလင်တွေနဲ့  သက်ဆိုင်ပါတယ်။ ကျန်တဲ့ ၉၄% ထဲမှာတော့ ၄၂% ကို လက်တင်အမေရိကသားတွေ၊ ၂၄% ကိုလက်ဝဲအစွန်းရောက်အဖွဲ့ဝင်တွေ၊ ၇% ကို ဂျူးအစွန်းရောက်တွေ၊ ၅% ကိုကွန်မြူနစ်တွေနှင့် ၁၆% ကိုတော့ အခြားအဖွဲ့တွေကျူးလွန်တာလို့ ခွဲထုတ်နိုင်ပါတယ်။

    တစ်ဖက်ကိုကြည့်ကြည့်ကြရအောင်။ ဥရောပရဲတပ်ဖွဲ့ ဖြစ်တဲ့ ယူရိုပိုလ် (Europol) တရားဝင်ဝဘ်ဆိုက်မှ နှစ်စဉ်ထုတ်ပြန်နေတဲ့ ဥရောပအကြမ်းဖက်မှုအနေအထားနဲ့ ဖြစ်စဉ် အစီရင်ခံစာတွေကို ၂၀၀၇၀၈၀၉ နှစ်အလိုက်ထုတ်ပြန်တာကို လေ့လာရင်လည်း အကြမ်းဖက်သမားအများစုက မွတ်ဆလင်တွေပါလို့ အထောက်အပံ့ဖြစ် တဲ့အနေအထားမရှိပါဘူး။ တစ်စုံတစ်ယောက်က ၂၀၀၇ ထက်အရင် ရီပို့ထ်တွေကို ရှာဖွေနိုင်မယ်ဆိုရင် လေ့လာချက်ထဲမှာထည့်သွင်းဖော်ပြနိုင်အောင် ပေးပို့နိုင်ပါတယ်။

    အထက်ပါရလဒ်တွေက ဘယ်လိုနည်းနဲ့မှ အကြမ်းဖက်သမားအများစုဟာ မွတ်ဆလင်တွေပါလို့ အထောက်အပံ့မဖြစ်ပါ။ အချက်အလက်တွေကိုအနှစ်ချုပ်လိုက်ရင် ဥရောပမှာဖြစ်ပွါးခဲ့တဲ့ ၉၉.၆%သောအကြမ်းဖက်တိုက်ခိုက်ခံရမှုတွေကို မွတ်ဆလင်မဟုတ်သူတွေက ကျူးလွန်ခဲ့တာဖြစ်ပြီး ၈၄.၈%သောတိုက်ခိုက်မှုတွေကို ခွဲထွက်ရေးအုပ်စုတွေက ကျူးလွန်တာဖြစ်ပါတယ်။ လက်ဝဲဝါဒီတွေရဲ့ အကြမ်းဖက်တိုက်ခိုက်မှုတွေဟာဆိုရင် အစ္စလာမ္မစ်အုပ်စု တွေထက် ၁၆ဆပိုများနေပါသေးတယ်။ ၂၀၀၆ ကနေ ၂၀၀၈ အထိ တိုက်ခိုက်ခံရမှုတွေမှာ ၀.၄%သာ အစွန်းရောက်မွတ်ဆလင်တွေပြုလုပ်ခဲ့တာလို့ သတ်မှတ်နိုင်ပါတယ်။

    ဥရောပမှာ ဖြစ်ပွါးတဲ့ အကြမ်းဖက်တိုက်ခိုက်မှုဆိုင်ရာ တရားဝင်စာရင်း ဇယားတွေကို အောက်မှာဆက်လက်ဖော်ပြထားပါတယ်။

    ၂၀၀၆ခုနှစ်စာရင်းဇယား

    ၂၀၀၇ခုနှစ်စာရင်းဇယား

    ၂၀၀၈ခုနှစ်စာရင်းဇယား

    ရီပို့ထ်အရ ၂၀၀၈ခုနှစ်အတွင်းမှာ UK နိုင်ငံအတွင်းမှာ အစ္စလာမ္မစ်တိုက်ခိုက်မှုတစ်ခုရှိတာကို အပေါ်က ၂၀၀၈ခုနှစ်စာရင်းဇယားမှာ ထည့်သွင်းမဖော်ပြထားပေမဲ့ အောက်က ဘားဂရပ်(ဖ)မှာတော့ ထည့်သွင်းတွက်ချက်ဖော်ပြထားပါတယ်။

    အပေါ်က စာရင်းဇယားတွေကို ကြည့်လိုက်တာနဲ့ အကြမ်းသမားအများစုဟာ မွတ်ဆလင်တွေပါလို့ ဝါဒဖြန့်နေတာတွေဟာ ယုတ္တိမတန်ဘူးဆိုတာ လွယ်လွယ်ကူကူကောက်ချက်ချနိုင်ပါတယ်။ ဒါဟာအမှန်တရားစစ်စစ်ပဲဖြစ်ပါတယ်။

    အထက်ပါ ဒေတာတွေကို စုစည်းပြီး ၂၀၀၆ခုနှစ်မှ ၂၀၀၈ခုနှစ်အထိ ဥရောပနိုင်ငံတွေမှာ ဖြစ်ပွါးခဲ့တဲ့ အကြမ်းဖက်တိုက်ခိုက်မှုတွေကို သက်ဆိုင်ရာဂရုပ်အလိုက် ခွဲထုတ်ဖော်ပြချက်ဘားဂရပ်(ဖ)ပါ။

    ၂၀၀၉ခုနှစ်ယူရိုပိုလ်ရီပို့ထ် စာမျက်နှာ(၇)မှာ အောက်ပါအတိုင်းအနှစ်ချုပ်ထားပါတယ်။

    အစ္စလာမ္မစ်အကြမ်းဖက်တွေဟာ ကမ္ဘာနဲ့အဝှမ်းမှာအကြီးအကျယ်ဖြစ်ပွါးနေတယ်ဆိုသော်လည်း အချက်အလက်တွေအရတော့ EU အနေနဲ့ ၂၀၀၈ခုနှစ်အတွင်းမှာ UK မှာဗုံးခွဲတိုက်ခိုက်မှု တစ်ကြိမ်သာတိုက်ခိုက်ခံခဲ့ရပါတယ်။ ခွဲထွက်ရေးအကြမ်းဖက်သမားတွေသာ ဥရောပတစ်လွှားမှာ အဓိကအကြမ်းဖက်သူတွေဖြစ်ပါတယ်။ အဓိကအကြမ်းဖက်သမားတွေကတော့ စပိန်နှင့်ဖရန့်စ်က ဘက်စ်ခွဲထွက်ရေးသမားများ၊ ဖရန့်စ်မှ ကော်ဆီကန်ခွဲထွက်ရေးသမားများဖြစ်ပါတယ်။ ETA(ဘက်စ်ခွဲထွက်ရေးသမားများ) နှင့် FARC(ကိုလံဘီယာခွဲထွက်ရေးသမားများ) ကြားက ဆက်ဆံရေးအနေထားတွေက အီးယူအတွင်းက ခွဲထွက်ရေးသမားတွေဟာ အီးယူပြင်ပမှာ မိတ်ဆွေအဖွဲ့အစည်းတွေနဲ့ ပေါင်းကူးဆက်ဆံမှုပြုလုပ်ရှာဖွေပါတယ်။ UK မှာတော့ အိုင်းရစ်ရ်ှခွဲထွက်ရေးသမားတွေဖြစ်တဲ့ RIRA နဲ့ CIRA တို့ဟာ အခြားလက်နက်ကိုင်အဖွဲ့တွေဟာ ရာဇဝတ်မှုနဲ့ အကြမ်းဖက်မှုတွေကြူးလွန်လျှက်ရှိနေပါတယ်။

    ဒီကနေ့ လက်ယာအစွန်းရောက်တွေရဲ့ လွှမ်းမိုးမှုဝါဒဖြန့်မှုတွေကြောင့် လူအများစုက အစ္စလာမ္မစ်အကြမ်းဖက်သမားဆိုသည်မှာ အနောက်ကမ္ဘာကို အဓိကခြိမ်းခြောက်နေသော အကြမ်းဖက်သမားများအဖြစ်အမြင်ရောက်နေကြတယ်။ တကယ်တမ်းကျတော့ အနောက်ကမ္ဘာက အစ္စလာမ္မစ်ကြမ်းဖက်သမားဆိုတာထက် တခြားသောအဖွဲ့အစည်းတွေက အကြမ်းဖက်မှုတွေပိုပြီးလုပ်ဆောင်နေကြပြီး အစ္စလာမ္မစ်တွေထက် အဆပေါင်းများစွာ ပိုမိုလုပ်ဆောင်နေကြတာပါ။ ဒါကို အခြားအဖွဲ့တွေရဲ့ အကြမ်းဖက်မှုကို မျက်ကွယ်ပြုပြီး အစ္စလာမ္မစ်တွေကို ပိုပြီးအာရုံစိုက်အောင် ရည်ရွယ်ချက်ရှိရှိနဲ့ ဝါဒဖြန့်နေကြတာဖြစ်ပါတယ်။ ဒါမှလည်း အကြမ်းဖက်သမားအများစုဟာ မွတ်ဆလင်တွေဆိုတဲ့ အနေအထားမျိုး ပြောလို့ဆိုလို့ကောင်းမှာဖြစ်ပါတယ်။

    ဒါ့ကြောင့် US မှာအကြမ်းဖက်တိုက်ခိုက်မှုတွေရဲ့ ၆% ဥရောပမှာဆိုရင်တော့ တစ်ရာခိုင်နှုံးရဲ့တစ်ဝက်တောင်မပြည့်တဲ့ အစ္စလာမ္မ္မစ်တွေရဲ့ တိုက်ခိုက်မှုတွေကို မတော်မတရားပုံကြီးချဲ့ပြီး လူထုကိုကြောက်လန့်အောင် ခြောက်လှန့်ပြီး မလိုလားအပ်တဲ့ အကြောက်တရားတွေ ဖြန့်ဝေနေတာဟာ လုံးဝကိုမဖြစ်သင့်တဲ့ကိစ္စတစ်ခုဖြစ်ပြီး လူထုအနေနဲ့လည်း ဒါကိုထုတ်ဖော်ပြီး ပကတိအခြေအနေမှန်ကို သဘောပေါက်နားလည်ရန်ကြိုးစားသင့်ပါတယ်။

    တကယ်တော့ အနောက်ဥရောပရဲ့ လူနည်းစုဖြစ်တဲ့ အစ္စလာမ်ဘာသာဝင်တွေအပေါ်မှာ အကြမ်းဖက်သမားဆိုတဲ့ ခေါင်းစဉ်တစ်ခုတင်ပြီး ဘာသာကွဲတွေရဲ့ အထင်အမြင်လွဲမှားမှု၊ အကြောက်တရားတိုးပွါးမှုနဲ့ ထိရှလွယ်မှုတွေတိုးပွါးစေရုံသက်သက်ပဲဖြစ်ပွါးစေတာပါ။ အစ္စလာမ်ဘာသာဝင်တွေဘက်ကလည်း အဲ့ဒီလိုမျိုး ရူးနှမ်းနှမ်းနဲ့ မဟုတ်မမှန်စွတ်စွဲပြောကြားချက်တွေအပေါ်မှာ အချက်အလက်အမှန်တွေနဲ့ အဖြစ်မှန်တွေကိုအခြေခံပြီး ပြန်လည်ချေပပြောဆိုသင့်ပါတယ်။

     ကိုးကား – Europol Report: All Terrorists are Muslims…Except the 99.6% that Aren’t

  • ဒီလိုနဲ့ပဲ အိန္ဒိယတောင်ပိုင်းသားလို့ နာမည်တပ်ဦးမှာလား ….. ။

    ပသီဝိုင်းဝတ်ရည်မြင့်

    သမိုင်းမှန်ကို တကယ်ပဲ မသိကြတာလား၊ နားမလည်ကြတာလား …… ?

    ကျွန်မတို့အမိမြန်မာနိုင်ငံကြီးမှာ ဘာသာရေးလွတ်လပ်ခွင့်ရှိတယ်ဆိုပေမယ့်၊ ကိုယ်လက်ခံယုံကြည်တဲ့ ဘာသာတရားကို ဖိနှိပ်ချုပ်ချယ်နေတာတွေကိုလည်း တွေ့မြင်နေရတယ်။ စာလေးတစ်ပုဒ်ဖတ်ပြီးအဲဒီစာလေးမှာ ကျွန်မ ရင်ထဲက ခံစားချက်ကို ချရေးလိုက်တော့ စာတစ်ပုဒ်ဖြစ်သွားတယ်။

    ကျွန်မတို့ရဲ့ ဘ၊ ဘိုး၊ ဘေး၊ ဘီ၊ ဘင် တွေဟာ မြန်မာနိုင်ငံမှာမွေး မြန်မာနိုင်ငံမှာ ကြီးပြင်းလာခဲ့တဲ့ တိုင်းရင်းသားစစ်စစ်တွေပါ။ မြန်မာရှင်ဘုရင်တွေလက်ထက်ကတည်းက ဘုရင့်သစ္စာခံ မင်းမှုထမ်းတွေပါ။ ဘုရင်ကိုယ်တိုင်နှစ်သက်ကြည်ဖြူလို့ သူ့ရဲ့ စားတော်ကဲအဖြစ် ခန့်ခံခဲ့ရသူ၊ သူကြွယ်အဖြစ်သတ်မှတ်ပေးခဲ့ပြီး သူကြွယ်မင်းလို့နာမည်တပ်ခံရသူတွေပါ ဘယ်နိုင်ငံမှ ရောက်လာပြီးနေခဲ့ကြသူတွေလည်းမဟုတ်ပါဘူး။ ခေတ်အဆက်ဆက် ပသီလို့ အသိအမှတ်ပြုခံခဲ့ရသူတွေပါ။ မြန်မာ့နိုင်ငံသမိုင်းကြောင်းတလျှောက်လုံးမှာ လွတ်လပ်ရေးရဖို့အတွက် ကြိုးပမ်းခဲ့သူ၊ လွတ်လပ်ရေးရပြီးအချိန်တွေမှာလည်း နိုင်ငံတိုးတက်ဖို့ အများနဲ့တန်းတူ သက်စွန့်စံဖျားကြိုးပမ်းခဲ့ကြသူတွေပါ။

    အဲလိုနေခဲ့သူတွေရဲ့ သားစဉ်မြေးဆက်ဖြစ်လာတဲ့ ကျွန်မတို့မှာတော့ မှတ်ပုံတင်လုပ်တဲ့အခါမှာ ကိုယ့်ဆွေမျိုးသားချင်းထဲမှာ တစ်ယောက်မှ မရှိတဲ့ အိန္ဒိယဆိုတဲ့ ဂုဏ်ပုဒ်ကို တပ်ခံရတယ်။ တော်တော်တော့ ရင်နာမိတယ်။  

    အိမ်ထောင်စုဇယား၊ မှတ်ပုံတင် ၁၀-နှစ်ကတ်၊ ၂၀၁၀-မဲပေးဖို့ထုတ်ပေးတဲ့ ကတ်မှာ လူမျိုးက ပသီပဲဗျ။ ၁၈-နှစ်နောက်ပိုင်းမှတ်ပုံတင်လဲတော့ အစ္စလာမ်ဘာသာဝင်ဖြစ်တာနဲ့ လူမျိုးနေရာမှာ အိန္ဒိယ+ဗမာ၊ ပါကစ္စတန်+ဗမာ၊ ဘင်္ဂလားဒေ့ရှ်+ဗမာ စတာတွေကို ထည့်တော့တာပဲ။ ပသီလို့ လုံးဝမပေးတာကြောင့် ၄-၅ ခါထက် မနည်း မှတ်ပုံတင် ပြန်လုပ်ခဲ့ဖူးတယ် မှတ်ပုံတင်တစ်ခါလုပ်ရင် ဖြည့်ရတဲ့ Form တွေကလည်း သိတဲ့အတိုင်းပဲ။  အဲဒါ နောက်ဆုံးတစ်ခေါက်မှာတော့ လ၀ကနဲ့ အကြီးအကျယ် ပြဿနာဖြစ်ပါတယ်။ တိုင်းရင်းသားဖြစ်ကြောင်း အထောက်အထား စာအုပ်မျိုးစုံ (ကိုယ့်ဘက် သူ့ဘက်က ထုတ်ထားတဲ့ စာအုပ်တွေ)ကို ယူသွားပြီး အပိုင်အနိုင်ပြောသော်လည်း ကျွန်မတို့က အဲဒါတွေ နားမလည်ပါဘူး။ အထက်က ပြောတာကိုပဲ လုပ်ရတာပါတဲ့။  နောက်တော့ ပတ်စ်ပို့စ်လုပ်တဲ့အချိန်မှာ ၁၀-နှစ်ကတ်နဲ့လုပ်ပါတယ်။ ချလံထွက်ခါနီးမှာ ပြဿနာတွေ မျိုးစုံတက်ပြီး ငွေကုန်လူပန်းပြီး ပတ်စ်ပို့စ်လည်း မရခဲ့တော့ပါဘူး။ ဒါနဲ့ ပသီမရရင် မှတ်ပုံတင်မယူဘူးဆိုပြီး ကျွန်တော် အသက်(၃၀)ကျော်အထိ ၁၀-နှစ်ကတ်နဲ့ပဲ နေခဲ့ပါတယ်။ ဒီလိုနဲ့နေလာရင်း ခရီးသွားရတာတွေများလာတာတော့ လမ်းမှာ မှတ်ပုံတင်ဆင်းပြရတိုင်း ၁၀-နှစ်ကတ်ပဲဖြစ်နေပြီး ဘာသာက မွတ်စလင်မ်ဖြစ်နေတဲ့အတွက်  ၁၀-နှစ်ကတ်ကို အခုအချိန်ထိ မလဲလို့ဆိုပြီး ခဏခဏ ပြဿနာဖြေရှင်းရပါတယ်။

    အဲဒါနဲ့ မှတ်ပုံတင်လဲမှဖြစ်တော့မယ်ဆိုပြီး ၁၈-နှစ်ပြည့် မှတ်ပုံတင်ပြန်လုပ်ပါတယ်။ အဲဒီမှာလည်း အပေါ်မှာပြောခဲ့သလို လ၀ကနဲ့ ခဏခဏ စကားပြောရပါတယ်။ နှစ်ဘက် အဖိုးအဖွားတွေရဲ့ မှတ်ပုံတင်တွေ၊ မျိုးရိုးစဉ်ဆက်တွေကို အထောက်အထားခိုင်လုံစွာတင်ပြနိုင်တယ်။ ကျွန်မအမေက ရန်ကုန်မွေးဖွားကြီးပြင်းလာသူဖြစ်တော့ အမေနဲ့ အဖိုးအဖွား တွေရဲ့ case file ကို ရန်ကုန်မှာပြန်ယူခိုင်းတယ်။ ကျွန်မတို့ယူပေးနိုင်ခဲ့တယ်။ နောက် အဖေဘက်က case file ကိုကျတော့ မန္တလေး မြို့နယ်လ၀ကရုံးက ရှာလို့မတွေ့သေးဘူးလို့ပြောလာတယ်။ ဒါနဲ့ ကျွန်မတို့လက်ထဲမှာ case file တွေကို copy ကူးထားတာရှိနေလို့ ပေးတာတောင် မရဘူး ရုံးမှာရှာနေဆဲဆိုပြီး လပေါင်း တော်တော်ကြာကြာ အချိန်ဆွဲထားခဲ့တယ်။ တချို့ကလည်းပြောတယ် ပိုက်ဆံပေးလိုက်ကွာတဲ့ ကျွန်မတို့ လုံးဝမပေးပါဘူး။ မှတ်ပုံတင်လုပ်လို့ တရားဝင် ကုန်ကျငွေကိုသာပေးခဲ့ပါတယ်။ နောက်ဆုံးမှာ လ၀ကက ဘာပြောလဲဆိုတော့ သမိုင်းတွေဘာတွေ ကျွန်မတို့ နားမလည်ပါဘူး။ အထက်က အမိန့်အတိုင်း ကျွန်မတို့ လုပ်ရတာပဲလို့ပြောတယ်။ ဒါနဲ့ ကျွန်တော်တို့က ဘယ် အိန္ဒိယ ပါကစ္စတန်ကမှ မဟုတ်တဲ့အတွက် အဲဒါပေးရင် မယူနိုင်ဘူးလို့ပြောတယ်။ သူတို့ဘက်က လေသံပြော့သွားပြီး လုပ်ပေးမယ်လို့ ပြောတယ်။ မှတ်ပုံတင်သွားယူရတဲ့နေ့မှာ case file ကို ကျွန်မတို့လက်ထဲပေးပါတယ်။ အဲဒီ case file ကိုင်သွားပြီး။ လ၀က ဦးစီးမှူးဆီမှာ မှတ်ပုံတင်ကို သွားထုတ်ရပါတယ်။ Case file ကို ကျွန်မကြည့်လိုက်တော့ ရှေ့ဆုံးစာရွက်တစ်မှာ နာမည်၊ လူမျိုး၊ ဘာသာ အကုန်ရေးထားတယ်။ အဲဒီမှာ ကြည့်လိုက်တော့လည်း ပသီ လို့ ရေးထားတယ်။ ဒါနဲ့ မှတ်ပုံတင်ယူဖို့ကို လက်မှတ်ထိုးလိုက်တယ်။ မှတ်ပုံတင်လည်း လက်ထဲရောက်ရော လူမျိုးနေရာမှာ အိန္ဒိယ+ဗမာ၊ အိန္ဒိယ+ဗမာ တဲ့။ တော်တော်ကို အံ့သြမိပါရဲ့။ နားကို မလည်နိုင်အောင်ပါပဲ။ လွတ်လပ်ခွင့်အပြည့်အ၀ရှိတယ်ဆိုတာ ဘာလဲ။

    ဒီလိုနဲ့ပဲ အိန္ဒိယတောင်ပိုင်းသားလို့ နာမည်တပ်ဦးမှာလား ….. ။

    သမိုင်းကိုနားမလည်သူတွေ၊ သမိုင်းကို ကိုယ်တိုင် သေချာမသိတာနဲ့ပဲ မရှိဘူး မသိဘူးလို့ ပြောပြီး သမိုင်းကို လိမ်ညာချင်သူတွေနဲ့တော့ မြန်မာပြည်ကြီးမှာ အချုပ်အခြာအာဏာတည်တံ့ခိုင်မြဲရေး၊ တိုင်းရင်းသားစည်းလုံးညီညွတ်ရေးအော်နေလို့လဲ အလကားပါပဲ။ ကျွန်မတို့တွေ သမိုင်းကို ပိုမိုနားလည်သင့်ကြပြီ၊ နားလည်အောင် ကြိုးစားသင့်ကြပါပြီ။

    လက်ခံယုံကြည်တဲ့ဘာသာတရားမတူညီတာနဲ့ ကိုယ့်ဘာသာသည်သာလျှင် အမြင့်မြတ်ဆုံးပဲလို့ အတွင်တွင်ပြောနေကြမယ့်အစား အခြားဘာသာများ အကြောင်းကိုလည်း သေချာစွာလေ့လာသင့်ကြပါတယ်။ ကိုယ့်ဘာသာသာသနာမဟုတ်တာကို လေ့လာမယ်ဆိုရင် အဲဒီဘာသာဝင်မဟုတ်သူ ရေးထားတဲ့ စာတွေကို လေ့လာတာထက်စာရင် တခြားဘာသာဝင်တွေရေးသားထားတဲ့ စာအုပ်စာပေတွေကိုသေချာလေ့လာပြီး မိမိရဲ့ဦးနှောက်နဲ့ ဆင်ခြင်စဉ်းစားနိုင်ကြရင်ဖြင့် စစ်မှန်တဲ့လေ့လာမှုကို ရရှိနိုင်ပါတယ်။ ကိုယ်တိုင်ဖတ်ရင်းနားမလည်ရင်တောင်မှ အဲဒီဘာသာဝင် ကိုယ့်မိတ်ဆွေ သူငယ်ချင်းတွေကို မေးမြန်းသင့်ပါတယ်။ ဖြေကြားပေးသူ အနေနဲ့လည်း ကိုယ်မဖြေနိုင်တဲ့မေးခွန်းမျိုးကို ကိုယ့်ထက် နားလည်သူဆီမှာ မေးမြန်းပြီးမှသာ ပြန်လည်ဖြေကြားပေးသင့်ပါတယ်။

    ဘာသာမတူ၊ လူမျိုးကွဲပြားတဲ့ မြန်မာ့မြေက မောင်နှမအားလုံးလည်း အစွန်းရောက်သူများမဖြစ်ကြရအောင် သမိုင်းကိုသေချာစွာလ့လာပြီး ကိုယ့်ဘာသာတရားရဲ့ ဆုံးမသွန်သင်ချက်များအတိုင်း လျှောက်လှမ်းပြီး စည်းလုံးညီညွတ်ပြီးအေးချမ်းသာယာတဲ့ အမိမြန်မာနိုင်ငံဖြစ်လာဖို့ ၀ိုင်းဝန်းထူထောင်သင့်ကြဖို့ အချိန်တွေမလွန်သေးပါဘူး။

    သမိုင်းမှန်ကို တကယ်ပဲ မသိကြတာလား၊ နားမလည်ကြတာလား …… ဆိုတာ မိမိကိုယ်တိုင် တွေးကြည့်ရင်း အမှန်တရားကို မြတ်နိုးသူများဖြစ်ကြပြီး သမိုင်းရဲ့တရားခံတွေအဖြစ်မှ ကင်းလွတ်နိုင်ကြပါစေ …………… ။

     

    ပိုစ်ပိုင်ရှင်ကို ခွင့်ပြုချက်တောင်းခံပြိး ဖော်ပြခြင်းဖြစ်ပါသည်။