News @ M-Media

Category: ဆောင်းပါး

  • ပြင်သစ်ရွေးကောက်ပွဲတွင် အမျိုးသားရေးဝါဒီများ မရှုမလှ ရှုံးနိမ့်ခဲ့

    ပြင်သစ်ရွေးကောက်ပွဲတွင် အမျိုးသားရေးဝါဒီများ မရှုမလှ ရှုံးနိမ့်ခဲ့

    ဒီဇင်ဘာ ၁၈၊ ၂၀၁၅

    M-Media
    franc
    Front National – FN ပါတီခေါင်းဆောင် မာရီနာလီပင်အား ၂၀၁၅ ခုနှစ် အောက်တိုဘာလအတွင်း မဲဆွယ်ပွဲ၌ တွေ့ရစဉ် (ဓာတ်ပုံ – AFP)

    – ၂၀၁၅ ဒီဇင်ဘာ ၁၃ ရက်ညဥ့်၌ ရွေးကောက်ပွဲအတွက် အစွန်းမရောက်ပြင်သစ်ပြည်သူတို့၏ မဲဆန္ဒများက လက်ျာစွန်းရောက်ခေါင်းဆောင် မာရီနီလီပင်၏ အမျိုးသားတပ်ဦးပါတီအား တုန်လှုပ်သွားစေခဲ့သည်။ သို့သော် သူမသည် သမ္မတလောင်းနေရာ၏လမ်းကြောင်းတွင် ရှိနေဆဲဟု ခေါင်းမာစွာ တင်းခံပြောကြားနေကြောင်း ပဲရစ်ရှိ John Lichfield ပေးပို့သောသတင်းများအရ သိရသည်။

     

    လက်ျာစွန်းရောက် FN ပါတီသည် ဒုတိယအကျော့ ဒေသတွင်း ရွေးကောက်ပွဲ၌ ၎င်းတို့အပေါ် စိတ်ပျက်နေကြသည့် အစွန်းမရောက်ပြည်သူများ၏ ဆန္ဒမဲလှိုင်းလုံးကြီးကြောင့် ၂၀၁၅ ဒီဇင်ဘာ ၁၃ ရက်ညဥ့်က မထင်မှတ်လောက်အောင် အလဲထိုးခံလိုက်ရသည်။

    ပြီးခဲ့သည့်ရက်သတ္တပတ် တနင်္ဂနွေက မာရီနီလီပန်၏ လက်ျာစွန်းရောက်ပါတီသည် ပထမအကျော့မဲပေးခြင်း၌ ပြင်သစ်နိုင်ငံ၏ အခရာကျသောဒေသ ၁၂ ခုအနက် ၆ ခုတွင် အနိုင်ရနေခဲ့သဖြင့် ဥရောပတစ်ခွင်မှ စိတ်အားထက်သန်စွာစောင့်ကြည့်ခဲ့ကြ၏။ သို့သော်လည်း ၎င်း၏သရဖူကို ပြည်လုံးကျွတ်မဲစာရင်း၌မူ မထိန်းသိမ်းနိုင်တော့ချေ။

    ၀န်ကြီးချုပ် မန်နျူယယ်ဗောစ်က ထွက်ပေါ်လာသည့်ရလဒ်ကို “ကျွန်ုပ်တို့တိုင်းပြည်၏ အမှောင်မိုက်ဆုံးကာလများ၌ အမြဲတစေ အနိုင်ရစေခဲ့သည့် ညီနောင်မောင်နှမစိတ်ဓာတ်၊ တူညီသဘောထားနှင့် စည်းလုံးပါဝင်ခြင်းတို့၏ တန်ဖိုးများ၊ ၎င်းအပြင် လူထုအောင်ပွဲကြီးတစ်ခု” ဟူ၍ ဂုဏ်ယူစွာပြောဆိုလိုက်သည်။

    မြောက်ပိုင်း Calais-Lille-Amiens ဒေသကို ကိုယ်စားပြု၍ ကိုယ်တိုင်ဝင်ပြိုင်သော မစ္စ လီပင်၊ သူမ၏တူမဖြစ်သူ အရှေ့တောင်ပိုင်းဒေသကိုယ်စားပြု Marion Mareဲchal-Le Pen (၂၆ နှစ်) အပါအ၀င် FN ပါတီကိုယ်စားလှယ်လောင်းများမှာ လက်ဝဲယိမ်းနှစ်သက်သူများ၏ နည်းဗျူဟာမြောက် မဲထည့်ဝင်မှုကြောင့် အလူးအလဲ ရှုံးနိမ့်သွားသည်။ ကနဦးပိုင်းတွင် မဲထည့်ရန် ယာယီငြင်းဆိုထားသည့် ၃.၅ သန်းသော မဲဆန္ဒရှင်တို့က ထိုသူတို့နှင့်ဆန့်ကျင်ဖက်သို့ ပြန်လှည့်စုပြုံ မဲပေးခဲ့ကြခြင်းကြောင့်ဖြစ်သည်။

    ထိုရလဒ်က ဒေသတွင်း သရဖူဆောင်းရန် မျှော်လင့်နေပြီး၊ ၂၀၁၇ ခုနှစ်တွင် Elyseဲe နန်းတော်အား မဖွယ်မရာပြုလုပ်လိုနေသည့် မစ္စလီပင် (၄၇ နှစ်) အား အပြင်းအထန် စိတ်ပျက်စရာ ဖြစ်သွားစေခဲ့သည်။

    FN ပါတီသည် ၂၀၁၂ သမ္မတနေရာရွေးကောက်ပွဲ၌ လူထု၏မဲဆန္ဒ ၆.၄ သန်းကို ရယူနိုင်ခဲ့သလို ယခုတစ်ခါတွင်လည်း ၇ သန်းနီးပါးခန့် အလားတူ ရယူစုဆောင်းနိုင်ခဲ့သည်ကို တွေ့ရသည်။ ဒေသတွင်း သြဇာထူထောင်လိုမှု ရှုံးနိမ့်လင့်ကစား မစ္စလီပင်၏ ပါတီသည် နိုင်ငံရေးပါတီနှစ်ရပ်အနက် အတိုက်အခံအင်အားစုအနေဖြင့် ၎င်း၏အင်အားကိုသုံးကာ ကြားနေအုပ်စုဖယ်ရှားခြင်းအတွက် ခြိမ်းခြောက်နေသေးသည်။

    france 2
    သူမ၏ပါတီရှုံးနိမ့်သည့်သတင်းထွက်ပေါ်ခဲ့သော်လည်း အထက်စီးစကားဆိုနေဆဲ လီပင် (ဓာတ်ပုံ – AFP)

    သူမက အဆိုပါရလဒ်ကို ၁၈ လတာ ကာလအတွင်း သူမအား သမ္မတနေရာဝင်ပြိုင်စေသော “ကြောက်မက်ဖွယ်အောင်မြင်မှုတစ်ရပ်” ဟု ဆိုခဲ့၏။

    “တိုင်းပြည်မှာ အင်အားစုနှစ်ရပ်ထဲ ရှိကြောင်း ဒီရွေးကောက်ပွဲက ပြသလိုက်ပါတယ်။ နိုင်ငံတကာအရှုပ်အထွေးကိစ္စတွေနဲ့ ပြင်သစ်ပြည်ကို နစ်မြုပ်သွားစေလိုတဲ့ ကမ္ဘာ့အရေးအင်အားစု (နဲ့) အမျိုးသားရေးနဲ့မျိုးချစ်အင်အားစုတွေပဲ ဖြစ်တယ်”။

    လွန်ခဲ့သည့်လအတွင်း လူပေါင်း ၁၃၀ သေဆုံးခဲ့သော ပဲရစ်တိုက်ခိုက်မှုဂယက်များအောက်မှ ရွေးကောက်ပွဲကို ကျင်းပခဲ့ခြင်းဖြစ်သည်။ မကျော်ကြားလှသော ဆိုရှယ်လစ်အုပ်စုမှ ပြဋ္ဌာန်းလိုက်သည့် မပြတ်မသား ဈေးကွက်တံခါးဖွင့် ပြန်လည်ပြုပြင်ရေးဝါဒ၊ စံချိန်တင်အလုပ်လက်မဲ့ပြဿနာ၊ စီးပွားရေးထစ်ငေါ့နေမှု၊ အသုံးစားရိတ်လျှော့ချမှု စသည်တို့ကိုလည်း ဆန့်ကျင်သည့် မဲဆွယ်မှုများရှိခဲ့ကြသည်။

    ပထမအကျော့ မဲရလဒ်အပေါ် FN ၏ခေါင်းထောင်မှုသည် ပြင်သစ်၌ ပြည်တွင်းစစ်ဖြစ်ပွားစေနိုင်ကြောင်း မစ္စတာဗောစ်၏ ပြောကြားချက်အပါအ၀င် ပြည်တွင်းပြည်ပ၏ ပြတ်သားသည့်တုန့်ပြန်မှုများက မဲမထည့်လိုသူ သိန်းချီလူထုများအား စုစည်းနိုင်ခဲ့သည်။ ပထမအကျော့က မဲရှောင်သူ ၅၀ ရာခိုင်နှုန်းဝန်းကျင်အား ဒုတိယအကျော့တွင် မဲထည့်သူ ၅၉ ရာခိုင်နှုန်းဖြစ်စေသည်အထိ လှည့်ပြောင်းသွား၏။ အထူးသဖြင့် FN ပါတီမှ အနိုင်ရရန် မျှော်လင့်ထားသည့် နာမည်ကြီးဒေသသုံးခုအတွင်း ယင်းသို့ မြင့်တက်ပြောင်းလဲသွားခဲ့ပေသည်။

    FN ပါတီ၏ နည်းဗျူဟာမြောက်ခြေလှမ်းကြောင့် မြောက်ပိုင်းနှင့်အရှေ့ပိုင်းဒေသကြီးနှစ်ခု၌ အာဏာရ ဆိုရှယ်လစ်တို့ အကြီးအကျယ် ရှုံးနိမ့်ခဲ့သည်။ သို့ဖြင့် မိမိတို့၏ကိုယ်စားလှယ်အားလုံး ရှုံးနိမ့်ရသဖြင့် ၎င်းတို့က လက်ဝဲယိမ်းမဲဆန္ဒရှင်တို့ကို ကြားနေအဖြစ် ပြောင်းလဲရေးသို့ ခွင့်ပြုပေးခဲ့ကြသည်။

    အစောပိုင်းခန့်မှန်းချက်များအရ မစ္စလီပင်သည် သူမ၏ နိုင်ငံရေးဗဟိုပြုခံတပ်ဖြစ်သော Nord-Pas de Calais-Picardy နယ်တွင် သောင်ပြိုကမ်းပြို အနိုင်ရထားခဲ့ကြောင်း ဖော်ပြသည်။ ၎င်း၌ ဆန္ဒမဲ ၄၂ ရာခိုင်နှုန်းရရှိခဲ့၏။ သို့သော် ထိုပထမအကျော့ကရရှိခဲ့သော ၄၀ ရာခိုင်နှုန်းကျော်ထက် ထပ်တိုးမလာတော့ပေ။ သူမ၏ပြိုင်ဖက် လက်ျာယိမ်းကြားနေသူ ကျန်းမာရေးဝန်ကြီးဟောင်း ဇေဗီယာ ဘာထရန်က ၅၈ ရာခိုင်နှုန်း ရရှိခဲ့သည်။

    တောင်ပိုင်းရှိ Marseilles-Nice ဒေသတွင် Marion Mareဲchal-Le Pen သည်လည်း လက်ျာယိမ်းကြားနေ ကိုယ်စားလှယ်ဖြစ်သော Nice မြို့တော်ဝန် Christian Estrosi ၏အလဲထိုးခြင်းကို ခံလိုက်ရသည်။ သူမ၏ ၄၅ ရာခိုင်နှုန်းကို သူ၏ ၅၅ ရာခိုင်နှုန်းမဲဖြင့် အနိုင်ရခဲ့သည်။

    ပြင်သစ် အရှေ့မြောက်ပိုင်း Alsace-Lorraine ၊ Champagne နှင့် Ardennes ဒေသတစ်ကြောတွင် ဒေသခံ ဆိုရှယ်လစ်ခေါင်းဆောင်က ဆုတ်ခွာကျောခိုင်းမှုကို လက်မခံခဲ့။

    မည်သို့ပင်ဆိုစေကာမူ မြောက်များစွာသော လက်ဝဲယိမ်းသမားများက လက်ျာယိမ်းကြားနေ ကိုယ်စားလှယ်အား ဆန္ဒမဲလှည့်ပြောင်းထည့်ကာ ၎င်းကို ၄၆ ရာခိုင်နှုန်းဖြင့် အနိုင်ပေးလိုက်ကြသည်။ FN က ၃၇ ရာခိုင်နှုန်း၊ ဆိုရှယ်လစ်က ၁၆ ရာခိုင်နှုန်း အသီးသီးရရှိခဲ့ကြသည်။

    မစ္စတာ ဆာကိုဇီ၏ လက်ျာယိမ်းကြားနေပါတီဖြစ်သော Les Reဲpublicains က တောင်စွန်းပိုင်းဒေသ Languedoc-Roussillon-Midi-Pyrenees မှ ကျန်ရှိနယ်ပယ်များကို FN အပေါ် အနိုင်ယူရေးအတွက် တိုးဝင်ခဲ့ကြသည်။ နောက်ဆုံးသော ဆိုရှယ်လစ် ကိုယ်စားလှယ်မှ ရှောင်တခင် မထင်မှတ်သောမဲတို့ဖြင့် လီပင်၏လုပ်ဖော်ကိုင်ဖက်နှင့် FN ၏ ဒုဥက္ကဋ္ဌဖြစ်သော လက်ျာစွန်းရောက်ကိုယ်စားလှယ် Louis Aliot အား ဖြတ်ကျော်သွားသည်။

    FN ပါတီသည် ယခင်ရက်သတ္တပတ်၌ အခြားဒေသသုံးခုအတွင်း ပထမနေရာရောက်နေရာမှ ပြီးခဲ့သည့်တနင်္ဂနွေညဥ့်တွင်မူ အားလုံးကို လက်လွှတ်ဆုံးရှုံးသွားခဲ့သည်။ အဘယ်ကြောင့်ဆိုသော် အပယ်ခံပါတီငယ်တို့ထံမှ မဲများကို လက်ဝဲ သို့ လက်ျာယိမ်းကြားနေ လူထုပါတီများမှ ရက်သတ္တပတ်အတွင်း ပြတ်သားထင်ရှားစွာ သိမ်းယူသွားနိုင်၍ဖြစ်သည်။

    သမ္မတဟောင်း နီကိုလပ် ဆာကိုဇီ ဦးဆောင်သော လက်ျာယိမ်းကြားနေ Reဲpublicians ပါတီက ဒေသကြီး ၇ ခု သို့မဟုတ် ၈ ခု၌လည်းကောင်း၊ ဆိုရှယ်လစ်ပါတီက ၄ ခု သို့မဟုတ် ၅ ခု၌လည်းကောင်း ကြီးစိုးသွားသည်။ မစ္စတာ ဆာကိုဇီက မိမိ၏ ပါတီဝင်အောက်ခြေအဆင့်များအဖို့ နားလည်လက်ခံရန် လိုအပ်နေသေးသော အောင်ပွဲတစ်ရပ်ဟု ဆိုလိုက်သည်။ လက်ဝဲသမားတို့၏ ဘက်ပြောင်းမှုမပါဝင်လျှင် FN အားရှုံးနိုင်ချေရှိသော ဒေသသုံးခုတွင် အနိုင်ရလာမှုကို ဆိုလိုသည်။

    ယမန်နှစ်မှစ၍ ကိုယ်ပိုင်အစိုးရအုပ်ချုပ်ရေးပေးရန် ကြိုးစားနေသော နယ်ပယ်ကြီး ၁၂ ခုအတွင်း ရွေးကောက်ပွဲမှာ အကြိတ်အနယ်ဖြစ်ခဲ့သည်။ တနင်္ဂနွေနေ့က Corsica ဒေသ၌လည်းကောင်း၊ ပြည်ပရှိ ပြင်သစ်အစိုးရဋ္ဌာနများ၌လည်းကောင်း မဲထည့်ခဲ့ကြသည်။

    မာရီနီ လီပင်သည် သူမဖက်ရပ်တည်သည့်လူဦးရေအင်အား တောင့်တင်းနေသေးသော်လည်း ထိုကိန်းဂဏန်းက ၂၀၁၇ ခုနှစ်တွင် သမ္မတလီပင် ဘ၀ရောက်ရန်လိုအပ်သည့် တစ်နိုင်ငံလုံး၏မဲအများစု ၅၀ ရာခိုင်နှုန်းရရန်အထိတော့ ဝေးကွာလွန်းလှသည်။

    FN ပါတီသည် အငယ်စား၊ အလတ်စားမြို့လက်တစ်ဆုပ်စာထက် ကြီးမားကျယ်ပြန့်သော မဲဆန္ဒနယ်ကြီးတစ်ရပ်မှာပင် အနိုင်ရရန် မစွမ်းဆောင်နိုင်ခဲ့။ သို့ဆိုလျှင် ဒေသတစ်ခု၌အနိုင်ရရှိယုံဖြင့် နိုင်ငံကြီးတစ်ခုလုံးကို အဆုံးသတ် အုပ်ချုပ်သွားနိုင်လိမ့်မည်ဟု လူထုက မည်သို့ယုံကြည်လက်ခံရပါတော့မည်နည်း ?

    (The Independent မှ ဖော်ပြသော John Lichfield ၏ France election: Front National fails to win a single region in second round of voting – but Marine Le Pen insists she’s still on course for presidency ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)

  • ဖားကန့်က ကျောက်စိမ်းတောင်ကြီးတွေကို ဘယ်သူတွေရွှေ့နေသလဲ

    ဖားကန့်က ကျောက်စိမ်းတောင်ကြီးတွေကို ဘယ်သူတွေရွှေ့နေသလဲ

    ဒီဇင်ဘာ ၁၇၊ ၂၀၁၅
    M-Media
    hpa kant
    ဖားကန့်ဒေသမှ ကျောက်စိမ်းတူးဖော်သည့် မြင်ကွင်းတစ်ခု

    – လာမည့်နှစ် အစိုးရသစ်မတက်မီ မြန်မာနိုင်ငံ၏ ကျောက်မျက်ရတနာသိုက်ကြီးမှ ကျောက်စိမ်းများကို မြန်မြန်နှင့် များများ ရရှိစေရန် ပြီးခဲ့သည့်လများအတွင်း နိုင်ငံမြောက်ပိုင်း တောင်တန်းများကို သတ္ထုတွင်းလုပ်သားများက မြေတူးစက်ကြီးများ၊ ဖောက်ခွဲရေးပစ္စည်းများဖြင့် ထိုးခွဲတူးဖော်နေကြသည်။

    မြန်မာနိုင်ငံ၏ ကျောက်စိမ်းတူးဖော်ရေးလုပ်ငန်းကို ကြီးစိုးလွှမ်းမိုးထားသည့် တရုတ်ကုမ္ပဏီများက တူးဖော်မှု တိုးမြှင့်ဆောင်ရွက်ခြင်းနှင့် အခွင့်အရေးများကို ရသလောက်ယူနေကြခြင်းကြောင့် တစ်ချိန်က ပန်းချီကားတစ်ချပ်သဖွယ် စိုပြေလှပခဲ့သော ကချင်ပြည်နယ်မှ တောင်တန်းများတွင် သစ်တော ဧကပေါင်းများစွာ ပျာက်ကွယ်ခဲ့ရပြီး၊ ချိုင့်ကြီးများ ကုန်းပြင်ဖြစ်နေသာ ချောက်ကမ်းပါးများနှင့် ညစ်ပတ်ပေပွသည့် လမ်းကြောင်းများသာ ကျန်ရစ်ခဲ့ရသည်။

    ဒေါ်အောင်ဆန်းစုကြည်၏ အနိုင်ရ အမျိုးသားဒီမိုကရေစီအဖွဲ့ချုပ်ပါတီ NLD က သန့်ရှင်းသော အစိုးရဖြစ်ရမည်ဟူသော ကတိဖြင့် အာဏာရသည့်အခါ ဒေါ်လာ ဘီလီယံပေါင်းများစွာရရှိမည့် ထိုကျောက်စိမ်းတူးဖော်ရေးလုပ်ငန်းမှာ အပြောင်းအလဲများဖြစ်မည်ဟု ထင်မြင်ယူဆနေကြောင်း ထိုလုပ်ငန်းတွင် ပါဝင်နေသူများက ပြောပြခဲ့သည်။

    NLD က ၎င်းတို့အနေဖြင့် ဥပဒေစိုးမိုးမှုနှင့် စီးပွားရေးယှဉ်ပြိုင်မှုကို ဆောင်ကျဉ်းပေးမည်ဟု ဆိုထားပြီး နိုင်ငံအတွက် အခွန်ငွေ ဒေါ်လာ သန်းပေါင်းရာနှင့်ချီ ဆုံးရှုံးစေသည့် မှောင်ခိုလုပ်ငန်းများကို နှိမ်နင်းသွားမည်ဟု ပြောဆိုထားသည်။ သို့သော်လည်း တိုင်းရင်းသားလက်နက်ကိုင်များ မင်းမူနေသည့် ဝေးလံခေါင်ဖျားသောဒေသတွင် ပြောထားသည့်အတိုင်း ဆောင်ရွက်နိုင်မည်လားဟူသော သံသယလည်း တစ်ချို့တွင် ရှိနေကြသည်။

    လွှတ်တော်အမတ်ယောက်ဖြစ်ပြီး မြန်မာစစ်တပ်နှင့် နီးစပ်သည့်ဆက်ဆံရေးနှင့်အတူ ကျောက်စိမ်းကုန်သွယ်မှုတွင် အာဏာပါဝါရှိသည့် နေ၀င်းထွန်းက တရုတ်ကုမ္ပဏီများမှာ ကျောက်စိမ်းလုပ်ငန်းတွင် လက်ငင်းငွေသား၊ စက်ပစ္စည်းကိရိယာများကို ဖောဖောသီသီ အသုံးပြု၍ ထုတ်လုပ်မှုကို မြှင့်တင်ကာ ဒေသခံ သတ္ထုတွင်းလုပ်သားများကို ထိန်းချုပ်ထားကြသည်ဟု ဆိုသည်။

    “အခုဆိုရင် ကျောက်စိမ်းဈေးကွက်က တရုတ်ကြောင့် ပျက်နေပြီဗျ။ တရုတ်ကုမ္ပဏီတွေက ကျွန်တော့်ကုမ္ပဏီနဲ့ အကျိုးတူပူးပေါင်းဖို့ ကြိုးစားကြတယ်။ ကျွန်တော်က လက်မခံဘူး။ ဘာ့ကြောင့်လဲဆိုတော့ သူတို့က အကျိုးအမြတ် အများကြီး တောင်းတယ်လေ” ဟု လိမ္မောရောင်ရှပ်အင်္ကျီဝတ်ပြီး၊ နေကာမျက်မှန်တပ်ကာ ကောင်းဘွိုင်ဦးထုပ်ဆောင်းထားသည့် နေ၀င်းထွန်းက ၎င်း၏ ကျောက်စိမ်းတွင်းများမှ တစ်ခုဖြစ်သည့် ဖားကန့်အနီး ကျောက်စိမ်းတွင်းနားတွင် ပြောကြားခဲ့သည်။ ၎င်း၏ ဘေးပတ်ပတ်လည်တွင် တူညီဝတ်စုံဝတ်ထားသော ချွေရံသင်းပင်းများ အရံသင့်ရှိနေပြီး ထိုအထဲမှတစ်ဦးက ၎င်း၏ ဖိနပ်ကြိုးအား ငုံ့၍ ချည်ပေးလေသည်။

    ဖားကန့်မြို့တစ်ဝိုက်တွင် ကျောက်စိမ်းတွင်းပေါင်း ၆၀၀ ခန့်ကို တူးဖော်ဆောင်ရွက်နေပြီး မြေနေရာအကျယ်အ၀န်းမှာ ဧက ၂၀၀၀၀ ရှိလေသည်။ သို့သော်လည်း ထိုကျောက်စိမ်းတွင်များကို လွှမ်းမိုးလုပ်ကိုင်နေသည့် ကုမ္ပဏီက ၁၀ ခုခန့်သာရှိပြီး ထိုအထဲမှ အမျာစုမှာ တရုတ်ဦးဆောင်သည့် ပူးပေါင်းဆောင်ရွက်မှုများ ဖြစ်နေသည်ဟု သတ္ထုတွင်းဝန်ကြီးဌာန၏ မြန်မာကျောက်မျက်ရတနာလုပ်ငန်းမှ ဒုတိယအကြီးအကဲ ရဲထွဋ်က ပြောကြားခဲ့သည်။

    “လာမယ့်လတွေမှာဖြစ်မယ့် နိုင်ငံရေးအပြောင်းအလဲတွေကို ကျွန်တော်တို့က စိုးရိမ်နေပါတယ်” ဟု ဖားကန့်ရှိ တရုတ်-မြန်မာ ပူးပေါင်းဆောင်ရွက်သည့် ကုမ္ပဏီဖြစ်သော တစ်သုံးလုံးကုမ္ပဏီမှ ဆိုက်မန်နေဂျာ အီက်ယင်က ပြောကြားခဲ့သည်။ သို့သော်လည်း ထိုအကြောင်းအရင်းက ကျောက်စိမ်းတူးဖော်မှုကို မြင့်တက်လာခဲ့ခြင်းလားဆိုသည့် အမေးကိုတော့ ၎င်းက ဖြေကြားရန် ငြင်းဆိုခဲ့သည်။

    ထိုကဲ့သို့ တူးဖော်မှု တိုးမြှင့်ခြင်းကြောင့် တိုင်းရင်းသားပြည်သူများမှာ ၎င်းတို့ နေထိုင်ရာဒေသမှ အတင်းအဓမ္မ ပြောင်းရွှေ့ခြင်း ခံခဲ့ရသည်။ တူးဖော်ပြီးခဲ့သည့် နေရာများတွင် ကျောက်ရိုင်းတုံးများ ရလိုရငြား လိုက်လံရှာဖွေသူများမှာလည်း မြေစာပုံများ ပြိုကျမှုကြောင့် တစ်ခါတစ်ရံတွင် အသက်ဆုံးရှုံးကြရသည်။ ပြီးခဲ့သည့်လကပင် ထိုကဲ့သို့ မြေစာပုံပြိုကျမှုကြောင့် လူ ၁၁၄ ဦး နစ်မြုပ်သေဆုံးခဲ့ကြရလေသည်။

    ထိုကဲ့သို့ လိုက်လံရှာဖွေသူများအပြားမှာ ဆေးစွဲမှုများလည်း ရှိနေသည်။

    တောင်ရွှေ့သူများ

    မြန်မာပိုင် သုခရတနာ ကျောက်တူးဖော်ရေးကုမ္ပဏီက တရုတ်ပြည်မမှ ကုမ္ပဏီများမှာ ယခုနှစ်အစောပိုင်းမှစ၍ ကျောက်စိမ်းတူးဖော်မှုကို အရှိန်မြှင့်လုပ်ဆောင်လာကြသည်ဟု ပြောကြားခဲ့သည်။

    “သူတို့အများစုက ပြည်တွင်းက (နိုင်ငံသား) တရုတ်ကုမ္ပဏီတွေနဲ့ ပူးပေါင်းဆောင်ရွက်ကြတာပါ။ ကျွန်တော်တို့ ကုမ္ပဏီကတောင် ၆ ဧကလောက်ရှိတဲ့ လုပ်ကွက်နှစ်ခုကို တရုတ်ကုမ္ပဏီတွေဆီ ရောင်းလိုက်တယ်။ ကျွန်တော်တို့ ငွေလိုတယ်လေ” ဟု သူက ဆိုသည်။

    မြန်မာနိုင်ငံမှ မိုင်းလုပ်သားများကမူ ၎င်းတို့မှာ သြဇာအာဏာကို ငွေဖြင့်ဝယ်၍ ကြီးမားသော စက်ယန္တရားများ၊ မြေတူးစက်များဖြင့် ရင်းနှီးမြှုပ်နှံကာ ဆောင်ရွက်နေကြသည့် တရုတ်သူဌေးကြီးများကို မယှဉ်နိုင်ဟု ပြောကြားခဲ့သည်။ ကျောက်စိမ်းတူးဖော်ရေး လုပ်ငန်းခွင်တွင် မြင်တွေ့ရသည့် ထရပ်ကားကြီးများ၊ အခြားသော ယန္တရားကြီးများမှာ တရုတ်ကုမ္ပဏီများက ပိုင်ဆိုင်ကြသည့် ပစ္စည်းများသာ ဖြစ်လေသည်။

    ထိုကုမ္ပဏီများက ဈေးကွက်ကိုလည်း လက်ဦးကြပြီး ၎င်းတို့နှင့် ရင်းနှီးပြီးသားဖြစ်ကာ မြန်မာနိုင်ငံအထိ လာရောက်ဝယ်ယူကြသည့် တရုတ်ဝယ်လာဘ်များကို ရောင်းချကြသည်ဟု ကုန်သည်များက ဆိုသည်။

    မြန်မာ့ကျောက်မျက်ရတနာလုပ်ငန်းမှ တာဝန်ရှိသူတစ်ဦးဖြစ်သူက တရုတ်ကုမ္ပဏီများမှာ ၎င်းတို့၏ ကျော်တူးဖော်ရေးလုပ်ငန်း အဖုအထစ်မဖြစ်စေရန်အတွက် ဒေသတွင်းမှ စစ်ဗိုလ်များနှင့် ပူးပေါင်းထားကြပြီး ၎င်းတို့အား ဒေသတွင်းအစိုးရက မလှန်နိုင်ဟု ဆိုသည်။

    “လုပ်ကွက်တွေပေးဖို့ စစ်ဘက်အရာရှိတွေက တရုတ်ကုမ္ပဏီတွေနဲ့ သဘောတူညီချက်တွေရှိထားတယ်။ တစ်ခါတစ်ရံမှာ လုပ်ကွက်ပိုင်ဆိုင်သူရဲ့အမည်တောင် သူတို့မပြောင်းဘူး။ ဒီလုပ်ကွက်တွေကို ဘယ်သူမှ သွားမထိရဲဘူးဗျ” ဟု အမည်ထုတ်ဖော်မပြောလိုသည့် အရာရှိတစ်ဦးက ပြောကြားခဲ့သည်။

    ထိုကိစ္စနှင့်ပတ်သက်၍ စစ်ဘက်ဆိုင်ရာတာဝန်ရှိသူများနှင့် ဆက်သွယ်မေးမြန်း၍ မရခဲ့တဲ့ သမ္မတရုံးမှ အကြီးတန်းတာဝန်ရှိသူတစ်ဦးဖြစ်သူ ဦးဇော်ဌေးက မှတ်ချက်ပေးရန် ငြင်းဆန်ခဲ့သည်။ ထွက်ရှိသောကျောက်စိမ်းများမှ အများစုမှာ နှစ်စဉ် တရုတ်နိုင်ငံသို့ မှောင်ခိုသွားနေသည်ဟု ဒေသခံများက ပြောကြားခဲ့သည်။ တရုတ်နိုင်ငံတွင် ကျောက်စိမ်းမှာ ကံကောင်းခြင်းများ၊ ဥစ္စာပေါကြွယ်ဝမှုနှင့် အသက်ရှည်မှုကို ဆောင်ကျဉ်းပေးသည့် အမှတ်အသားတစ်ခုဟု ကျယ်ကျယ်ပြန့်ပြန့် ယုံကြည်ကြသည်။

    တရားဝင်အချက်အလက်များအရ ကမ္ဘာ့အကြီးဆုံး ကျောက်စိမ်းဈေးကွက်ရှိသည့် တရုတ်နိုင်ငံမှာ ယခုနှစ် ပထမ ၉ လအတွင်း မြန်မာနိုင်ငံမှ ကန်ဒေါ်လာ သန် ၅၄၀ ဖိုးရှိသော ကျောက်စိမ်းများကို တင်သွင်းသည်ဟု သိရသည်။ အစိုးရမဟုတ်သော အဖွဲ့ Global Witness က ၂၀၁၄ ခုနှစ်တွင် မြန်မာနိုင်ငံ၏ ကျောက်စိမ်းထုတ်လုပ်မှုတန်ဖိုးမှာ ကန်ဒေါ်လာ ၃၁ ဘီလီယံရှိသည်ဟု ခန့်မှန်းတွက်ချက်ခဲ့သည်။

    တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟွာချန်ယင်းက မြန်မာနိုင်ငံမှ ကျောက်စိမ်းမှောင်ခိုကူးမှုတွင် တရုတ်ကုမ္ပဏီများ ပါဝင်သည်ဟူသော မည်သည့်စွပ်စွဲမှုကိုမှ သတိမထားမိဟု ပြောကြားခဲ့သည်။ သို့သော်လည်း မိမိတို့တိုင်းပြည်က ထိုတရားမ၀င်လုပ်ဆောင်းမှုများကို ဆန့်ကျင်သည်ဟု ဆိုလေသည်။

    ဖားကန့်ဒေသ၏ ရဲတပ်ဖွဲ့မှ တာဝန်ရှိသူတစ်ဦးက ရာနှင့်ချီသော ထရပ်ကားများကို ကချင်ပြည်နယ်ရှိ တောများတွင် ဖွက်ထားပြီး ဖားကန့်မှ လျှို့ဝှက် ကျောက်စိမ်းအရိုင်းတုံးကြီးများကို ထိုကားအနည်းငယ်ဖြင့် ညစဉ် တရုတ်နယ်စပ်သို့ သယ်ဆောင်သွားသည်ဟု ပြောကြားခဲ့သည်။

    “ညပိုင်းတွေမှာ ထရပ်ကား ၉ စီး၊ ၁၀ စီးလောက်လှုပ်ရှားကြပါတယ်။ စစ်တပ်က ထိန်းချုပ်ထားတဲ့ဒေသ ဖြစ်တာကြောင့် တရုတ်ကုမ္ပဏီတွေက ဒီထရပ်ကားတွေ ဖားကန့်ထဲဝင်လို့ရအောင် စစ်တပ်နဲ့ ပူးပေါင်းလုပ်ဆောင်ပါတယ်” ဟု အဆိုပါအရာရှိက အမည်မဖော်လိုသည့် အခြေအနေဖြင့် ပြောကြားခဲ့သည်။

    ရွေးကောက်ပွဲကြေငြာစာတမ်းတွင် နိုဘယ်ဆုရှင် ဒေါ်အောင်ဆန်းစုကြည်ဦးဆောင်သည့် NLD ပါတီက လာမည့်နှစ် မိမိတို့ အာဏာလွှဲပြောင်းယူသည့်အခါ ရင်းနှီးမြှုပ်နှံမှုမျာကို အနီးကပ် အသေအချာ စစ်ဆေးသွားမည်ဟု ကတိပြုခဲ့သည်။ သို့သော်လည်း နိုင်ငံရေးပါဝါ၊ ကျယ်ပြန့်သည့်စီးပွားရေးကွန်ယက်နှင့် လွှမ်းမိုးမှုရှိနေသည့် စစ်တပ်ကြောင့် ကျောက်စိမ်းလုပ်ငန်းတွင် ရဲတပ်ဖွဲ့က ၀င်ရောက်စွက်ဖက်ရန် ဖြစ်နိုင်မည်မဟုတ်ချေ။

    “စစ်တပ်ကလွှမ်းမိုးထားတဲ့ဒေသဖြစ်တာကြောင့် အစိုးရကတောင် မထိန်းချုပ်နိုင်ပါဘူး။ အခုအချိန်ထိတော့ ဒေါ်အောင်ဆန်းစုကြည်ဟာ စစ်တပ်ကို သြဇာမညောင်းသေးပါဘူး။ ဒါ့ကြောင့် NLD အစိုးရတက်လာလည်း ထူးမခြားနားပဲ ဆက်ဖြစ်မယ်လို့ ထင်ပါတယ်” ဟု တစ်သုံးလုံးကုမ္ပဏီမှ မန်နေဂျာ အီက်ယင်က ပြောကြားခဲ့လေသည်။

    (Reuters သတင်းဌာနက ဖော်ပြသည့် Chinese jade miners in overdrive ahead of new Myanmar government ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်)

  • ပါလက်စတိုင်းအတွေအပေါ် ဂျူးအခြေချနေထိုင်သူတွေက အကြမ်းဖက်မှုကို အစ္စရေးအစိုးရက ကာကွယ်ပေးနေသလား

    ပါလက်စတိုင်းအတွေအပေါ် ဂျူးအခြေချနေထိုင်သူတွေက အကြမ်းဖက်မှုကို အစ္စရေးအစိုးရက ကာကွယ်ပေးနေသလား

    ဒီဇင်ဘာ ၁၆၊ ၂၀၁၅
    M-Media

    pla
    ဇူလိုင်လက မီးရှို့ခံလိုက်ရသည့် ဒါဝါဘက်ရ်ှမိသားစု၏ အိမ်တွင် မိသားစုဝင်တစ်ဦး ထိုင်နေစဉ်

    – ပြီးခဲ့တဲ့ ဇူလိုင်လက ပါလက်စတိုင်း မိသားစုတစ်ခုကို အရှင်လတ်လတ် မီးရှို့သတ်ဖြတ်ခဲ့တဲ့ ဂျူးအခြေချနေထိုင်သူတွေကို တရားစွဲဖို့ သက်သေမလုံလောက်ဘူးလို့ အစ္စရေးကာကွယ်ရေးဝန်ကြီး မိုရှေး ယာလွန်ရဲ့ ပြောကြားမှုကို ပါလက်စတိုင်းတွေက ရှုတ်ချလိုက်ပါတယ်။

    အဲဒီမီးရှို့မှုဟာ ပါလက်စတိုင်းပိုင်နက်ဖြစ်တဲ့ အနောက်ဖက်ကမ်းက ဒူးမားဆိုတဲ့ရွာလေးမှာ ဖြစ်ပွားခဲ့တာဖြစ်ပြီး ၁၈ လအရွယ် ကလေးငယ်လေး အလီ၊ သူ့မိဘနှစ်ပါးဖြစ်တဲ့ ဆအဒ်နဲ့ ရေဟမ်အပါအ၀င် ဒါဝါဘက်ရ်ှမိသားစု ၃ ဦး မီးလောင်သေဆုံးခဲ့ကြရပါတယ်။

    သူတို့ဇနီးမောင်နှံနှစ်ဦးရဲ့ အသက် ၄ နှစ်အရွယ် သားငယ်လေးကတော့ မီးလောင်ဒဏ်ရာဗရပွနဲ့ မိသားစုမှာ တစ်ဦးတည်းသော အသက်ရှင်ကျန်ရစ်သူ ဖြစ်ခဲ့ပါတယ်။

    “ဒီအကြမ်းဖက်လုပ်ရပ်အတွက် ဘယ်သူက တာဝန်ရှိလဲဆိုတာ ကျွန်တော်တို့ သိပါတယ်။ ဒါပေမယ့် သူတို့ကို တရားစွဲဖို့ သက်သေအလုံလောက်မရှိပါဘူး” လို့ အစ္စရေးစစ်တပ်ရေဒီယိုကို အင်္ဂါနေ့က ပြောကြားမှုမှာ ယာလွန်က ထည့်သွင်းပြောဆိုခဲ့တာပါ။

    အဲဒီနေ့မှာပဲ အစ္စရေးတရားရုံးချုပ်ဟာ “ဒါဝါဘက်ရ်ှမိသားစုကို သတ်ဖြတ်တဲ့သူတွေကို ဥပဒေကြောင်းအရ ချက်ခြင်းလက်ငင်း ဆောင်ရွက်ပေးဖို့” ဆိုတဲ့ တောင်းဆိုလွှာကို ပယ်ချခဲ့ပါတယ်။

    ဒီဇင်ဘာ ၃ ရက်နေ့မှာ အစ္စရေးအာဏာပိုင်တွေက ဂျူးအကြမ်းဖက်အဖွဲ့တစ်ခုရဲ့ အဖွဲ့ဝင်တွေကို ဒီမီးရှို့မှုအတွက် ဖမ်းဆီးလိုက်တယ်လို့ ကြေငြာခဲ့ပါတယ်။

    နိုင်ငံတကာ ကလေးများ ကာကွယ်ရေးအဖွဲ့ DCI ရဲ့ ပါလက်စတိုင်းအဖွဲ့ခွဲက ဒါရိုက်တာ အေယဒ် အဘူ အက်တာအစ်ရ်ှက ယာလွန်ရဲ့ ဒီမှတ်ချက်ဟာ “အရှေ့ဂျရုစလင်အပါအ၀င် အနောက်ဖက်ကမ်းမှာ ဂျူးအခြေချနေထိုင်သူတွေက ပါလက်စတိုင်းတွေအပေါ် အကြမ်းဖက်မှုကို အစ္စရေးအစိုးရက လစ်လျူရှုနေတယ်၊ ပိတ်ဆို့ခံထားရတဲ့ ပါလက်စတိုင်းပြည်သူတွေ ပူပင်သောကဖြစ်အောင်၊ သူတို့ကို ပိုပြီး ထိန်းချုပ်လို့ရအောင် လုပ်နေတယ်ဆိုတာကို ဖော်ပြနေတဲ့ သက်သေသာဓကတစ်ခုပဲ” လို့ ပြောကြားခဲ့ပါတယ်။

    “အစ္စရေးရဲ့ ပေါ်လစီတွေက “အဖမ်းမခံရပါဘူးကွာ” ဆိုတဲ့ အခြအနေမျိုးကိုဖြစ်စေပြီးပြီး ဒီလိုတိုက်ခိုက်မှုတွေ ထပ်ဖြစ်လာအောင် ဆောင်ရွက်လိုက်သလို ဖြစ်နေပါတယ်” လို့ အက်တာအစ်ရ်ှက ဆိုပါတယ်။

    ရာမာလာအခြေစိုက်တဲ့ ပါလက်စတိုင်း လူ့အခွင့်အရေးအဖွဲ့က အလ်ဟက်ကတော့ ဒါဝါဘက်ရ်ှမိသားစုကို မီးရှို့သတ်ဖြတ်တဲ့သူတွေကို တရားဥပဒေရှေ့မှောက် ခေါ်ဆောင်မလာနိုင်တဲ့အတွက် အစ္စရေးအစိုးရကို ရှုတ်ချခဲ့ပြီး ဒါဟာ “စနစ်တကျ တမင်တကာ လစ်လျူရှုခြင်း” သာ ဖြစ်တယ်လို့ ရည်ညွှန်းပြောဆိုခဲ့ပါတယ်။

    ဒီလူ့အခွင့်အရေးအဖွဲ့ရဲ့ ဥပဒေရေးရာ သုတေသနနဲ့ အသိပညာပေးမှုဆိုင်ရာ တာဝန်ရှိသူ မိုနာစဘဲလာကတော့ ဂျူးအခြေချသူတွေဟာ “ပင်ကိုယ်သဘာဝ ခွဲခြားဆက်ဆံတဲ့ ပေါ်လစီတွေကြောင့် ပြစ်ဒဏ်ကင်းလွတ်မှုအတွက် အာမခံချက် ရနေတယ်” လို့ ပြောကြားခဲ့ပါတယ်။

    “ဒီပေါ်လစီတွေက အစ္စရေးအခြေချနေထိုင်သူတွေဟာ ပါလက်စတိုင်းတွေကို သတ်ဖြတ်ကာ လွတ်မြောက်စေပြီး၊ ပါလက်စတိုင်းသံသယရှိသူတွေကတော့ တရားလက်လွတ် သတ်ဖြတ်ခံရတာ၊ မထင်ရင်မထင်သလို ဖမ်းဆီးထိန်းသိမ်းတာကို ခံရစေပါတယ်” လို့ သူမက ဆိုပါတယ်။

    ဒါဝါဘက်ရ်ှမိသားစုကို သတ်ဖြတ်တဲ့သူတွေဟာ ခြွင်းချက်အဖြစ် သီးသန့်လွတ်မြောက်တာမျိုး မဟုတ်ပါဘူး။ အစ္စရေးက လူ့အခွင့်အရေးအဖွဲ့ Yesh Din ရဲ့ အဆိုအရ ပါလက်စတိုင်းတွေနဲ့ သူတို့ရဲ့ ပိုင်ဆိုင်မှုတွေကို ဂျူးအခြေချသူတွေက တိုက်ခိုက်မှု တော်တော်များများဟာ အစ္စရေးအာဏာပိုင်တွေရဲ့ အရေးယူခြင်းကနေ ကင်းလွတ်ခွင့်ရနေတယ်လို့ သိရပါတယ်။

    အောက်တိုဘာလအတွင်း Yesh Din က ထုတ်ပြန်ခဲ့တဲ့ အစီရင်ခံစာမှာ အရှေ့ဂျေရုစလင်အပါအ၀င် အစ္စရေးက သိမ်းပိုက်ပိတ်ဆို့ထားတဲ့ အနောက်ဖက်ကမ်းမှာ ဂျူးအခြေချနေထိုင်သူတွေရဲ့ အကြမ်းဖက်တိုက်ခိုက်မှုဟာ မြင့်တက်လာတယ်ဆိုတာကို တွေ့မြင်ခဲ့ရပါတယ်။ အဲဒီတိုက်ခိုက်မှုတွေကို စုံစမ်းစစ်ဆေးမှုရဲ့ ၉၁.၆ ရာခိုင်နှုန်းဟာ တရားစွဲဆိုမှုမရှိဘဲနဲ့ ပိတ်သိမ်းခဲ့ပြီး၊ ၂၀၁၄ ခုနှစ် သြဂုတ်လကနေ၊ ၂၀၁၅ ခုနှစ် သြဂုတ်လအတွင်းမှာ ဂျူးအခြေချ နေထိုင်သူတွေရဲ့ ပါလက်စတိုင်းတွေအပေါ် တိုက်ခိုက်မှုဟာ ၂ ဆ မြင့်တက်လာတယ်လို့လည်း အဲဒီအစီရင်ခံစာမှာ ဖော်ပြထားပါတယ်။

    ပါလက်စတိုင်းတွေအပေါ် ကျူးလွန်တဲ့ အစ္စရေးစစ်သားတွေကလည်း အရေးယူခံရတယ်ဆိုတာ ရှားပါတယ်။ ၂၀၁၄ ခုနှစ်ကစတင်ပြီး ပါလက်စတိုင်းတွေအပေါ် တိုက်ခိုက်မှုအသစ် ၂၂၉ ခုကို အစ္စရေးစစ်တပ်က စုံစမ်းစစ်ဆေးမှု ပြုလုပ်ခဲ့ရာမှာ ၈ ခုလောက်သာ တရားစွဲဆိုခြင်း ခံခဲ့ရတယ်လို့ Yesh Din ရဲ့ နောက်ထပ် အစီရင်ခံစာမှာ ဖော်ပြထားပါတယ်။

    တစ်ဖက်မှာတော့ အနောက်ဖက်ကမ်း စစ်ခုံးရုံးမှာ ပါလက်စတိုင်းအတွေအပေါ် ပြုလုပ်တဲ့ တရားစွဲဆိုမှုမှာတော့ ၉၉.၇၄ ရာခိုင်နှုန်းဟာ အပြစ်ရှိတယ်ဆိုတဲ့ စီရင်ချက် ချခဲ့တယ်လို့ ၂၀၁၁ ခုနှစ်မှာ အစ္စရေးနေ့စဉ်ထုတ်သတင်းစာ Haaretz က ရရှိခဲ့တဲ့ အစ္စရေးစစ်တပ်က လျှို့ဝှက်မှတ်တမ်းမှာ ဖော်ပြထားပါတယ်။

    ပြီးခဲ့တဲ့နိုဝင်ဘာတုန်းက အစ္စရေးဆယ်ကျော်သက်နှစ်ဦးဟာ အသက် ၁၆ နှစ်အရွယ် မိုဟာမက် အဘူ ခဒီရ်ကို ၂၀၁၄ ခုနှစ်နွေရာသီမှာ ပြန်ပေးဆွဲသတ်ဖြတ်မှုနဲ့ အပြစ်ရှိကြောင်း တွေ့ရှိခဲ့ရပါတယ်။

    အဲဒီတရားခံနှစ်ဦးရဲ့ ဦးလေးဖြစ်သူ အသက် ၃၁ နှစ်အရွယ် ယိုဆက်ဖ် ဟိုင် ဘင်-ဒေးဗစ်ဟာ သူ့ကိုစွဲထားတဲ့ စွဲချက်အတွက် အပြစ်ရှိကြောင်း ဂျေရုစလင်တရားရုံးက တွေ့ရှိခဲ့ရပေမယ့် ရှေ့နေဖြစ်သူက သူ့ရဲ့အမှုသည်ဟာ စိတ်ရောဂါဖြစ်နေတယ်လို့ နောက်ဆုံးအချိန်မှာ လျှောက်လဲခဲ့ပါတယ်။ ဒါ့ကြောင့် စီရင်ချက်ချမှတ်ခြင်း မပြုလုပ်ရသေးပါဘူး။

    ဒီလအစောပိုင်း အလ်ဂျာဇီးရားကို အဘူ ခဒီရ်ရဲ့မိသားစုက ပြောကြားတဲ့အထဲမှာ အဲဒီကြားနာမှုဟာ အမှန်တရားဖြစ်ပါ့မလားဆိုတဲ့ သံသယတွေရှိနေတယ်လို့ ဖွင့်ဟခဲ့ပါတယ်။

    “မိုဟာမက် အသတ်ခံရမှုအတွက် ဒီတရားရုံးကနေ တရားမျှတမှုရလိမ့်မယ်လို့ ကျွန်တော်ကတော့ မထင်ပါဘူး။ သူတို့ကို လွှတ်လိုက်မှာပါပဲ” လို့ သေဆုံသွားသူရဲ့ဖခင် ဟူစိန် အဘူ ခဒီရ်က ဆိုပါတယ်။

    ပါလက်စတိုင်းလွတ်မြောက်ရေးအဖွဲ့က အကြံပေးတစ်ဦးဖြစ်တဲ့ ဇာဗီယာအဘူအီဒ်က အဘူခဒီရ်ကိုသတ်တဲ့သူတွေကို တရားစွဲဆိုမှုက “ပါလက်စတိုင်းတွေရဲ့အသက်တွေဟာ အစ္စရေးအတွက် ဘယ်လောက် ဈေးပေါနေလဲဆိုတာကို ပြသနေတဲ့ သာဓကပဲ” လို့ နောက်ပိုင်းမှာ Twitter စာမျက်နှာကတစ်ဆင့် ရေးသားခဲ့ပါတယ်။

    အာရပ်လူနည်းစုများအခွင့်အရေးဆိုင်ရာ Adalah တရားရေးစင်တာက နိုင်ငံတကာအသိပညာပေး တာဝန်ရှိသူ အမ်ဂျဒ် အီရာကီက ဒါဝါဘက်ရ်ှမိသားစုနဲ့ မိုဟာမက် အဘူ ခဒီရ်တို့ကို သတ်ဖြတ်မှုတွေဟာ “အစ္စရေးအာဏာပိုင်တွေအနေနဲ့ ဂျူးတွေနဲ့ ပါလက်စတိုင်းတွေကို ဆက်ဆံရာမှာ စံနှစ်မျိုးသုံးနေတယ်ဆိုတာကို” ဖော်ပြနေတာသာဖြစ်တယ်လို့ ဆိုပါတယ်။

    “မစုံစမ်းမစစ်ဆေးဘဲ ဖမ်းဆီးမှု၊ စစ်ဘက်တရားစွဲဆိုမှုနဲ့ သီတင်းပတ်အနည်းငယ်အတွင်းမှာ ပါလက်စတိုင်းတွေကို ပြစ်ဒဏ်ချမှတ်မှုတွေအတွက် အစ္စရေးစစ်တပ်ဟာ မကောင်းသတင်းနဲ့ကျော်ဇောပါတယ်။ ဒါပေမယ့် ဂျူးလူမျိုး သံသယရှိသူတွေဆိုရင်တော့ ဆောင်ရွက်မှုဟာ လေးလံနှေးကွေးပြီး တရားစွဲဆိုမှုတွေ၊ ပြစ်ဒဏ်ချမှတ်မှုတွေကို ရှောင်ရှားဖို့အတွက် အကြောင်းပြချက်တွေပေးကြပါတယ်” လို့ အီရာကီက ပြောကြားခဲ့ပါတယ်။

    (Aljazeera သတင်းဌာနမှ Rights groups decry Israel’s comments on Dawabsheh case သတင်းဆောင်းပါးကို
    လေးမောင်မှ ဆီလျော်အောင် ဘာသာပြန်ဆိုသည်။)

  • IS ဒဏ်နှင့် စစ်ဒဏ်ခံ ဆီးရီးယားပြည်သူများအကြား အသားလှိုက်စားသည့် အရေပြားရောဂါတစ်မျိုး ပြန့်နှံ့ဖြစ်ပွားနေ

    IS ဒဏ်နှင့် စစ်ဒဏ်ခံ ဆီးရီးယားပြည်သူများအကြား အသားလှိုက်စားသည့် အရေပြားရောဂါတစ်မျိုး ပြန့်နှံ့ဖြစ်ပွားနေ

    ဒီဇင်ဘာ ၁၅၊ ၂၀၁၅
    M-Media

    ဆီးရီးယားအမျိုးသမီးတစ်ဦးက ၎င်း၏ရောဂါကို ပြသနေစဉ်

    – စစ်ဘေးစစ်ဒဏ်ခံနေရတဲ့ ဆီးရီးယားက IS အဖွဲ့ထိန်းချုပ်တဲ့ဒေသတွေမှာ ကျန်းမာရေးစောင့်ရှောက်မှုစနစ်တွေ ပျက်သုဉ်းကုန်တာက Leishmaniasis လိုခေါ်တဲ့ အသားကိုလှိုက်စားတဲ့ ဗိုင်းရပ်စ်တစ်မျိုးကို ပြန့်နှံ့စေခဲ့ပါတယ်။

    အရေပြားကနေတစ်ဆင့် အသားတွေကို လှိုက်စားပြီး ရုပ်ပျက်ဆင်းပျက်ဖြစ်စေတဲ့ ဒီဗိုင်းရပ်စ်ပိုးဟာ လမ်းတွေပေါ်မှာပုံထားတဲ့ အလောင်းတွေကို သွားရောက်စားသောက်ကြတဲ့ ကပ်ပါးပိုးတွေကနေတစ်ဆင့် ကူးစက်တာလည်းဖြစ်ပါတယ်။

    “အပြစ်မဲ့ပြည်သူတွေကို သတ်ဖြတ်ပြီး၊ အလောင်းတွေကို လမ်းပေါ်မှာ ပစ်စလခတ် လွှင့်ပစ်ထားတဲ့ IS အဖွဲ့ရဲ့ စက်ဆုပ်ဖွယ်ရာ လုပ်ရပ်တွေရဲ့ ရလဒ်ပါပဲ။ ဒါဟာ Leishmaniasis ရောဂါကို အလျင်အမြန်ပြန့်နှံစေတဲ့ နောက်ကွယ်က အဓိကအကြောင်းအရင်းတစ်ခုပါပဲ” လို့ ကာ့ဒ်လခြမ်းနီအဖွဲ့ အကြီးအကဲ ဒီလ်ကက်ရှ် အီဆာက ဆိုပါတယ်။

    ဆီးရီးယားက ကာ့ဒ်တိုက်ခိုက်ရေးသမားတွေကတော့ ဒီရောဂါကို IS က ဆီးရီးယားနိုင်ငံတစ်ဝှမ်း လွှမ်းမိုးပြီး ရက်စက်ကြမ်းကြုတ်မှုတွေ မပြုလုပ်ခင်က မတွေ့ရဘူးလို့ ပြောပါတယ်။ Leishmaniasis ရောဂါဟာ အသက်အန္တရာယ်ကို မထိခိုက်ပေမယ့် အရေပြားပေါ်မှာ ရုပ်ပျက်ဆင်းပျက် အနာတွေ ဖြစ်စေပြီး ဆေးဘက်ဆိုင်ရာအပါအ၀င် အခြေခံလိုအပ်ချက်တွေ မရရှိနိုင်တဲ့ စစ်ဖြစ်ဆဲ ဆီးရီးယားလိုနိုင်ငံမျိုးမှာတော့ ဆိုးဆိုးရွားရွားတွေ ဖြစ်စေတယ်လို့ တိုက်ခိုက်ရေးသမားတစ်ယောက်က ဆိုပါတယ်။

    syr 2

    “ကျွန်တော်တို့ဟာ စစ်မြေပြင်မှာ လေးနှစ်လောက် တိုက်ခိုက်နေရတယ်။ ဒီရောဂါဟာ ယေဘူယျအားဖြင့် စစ်တလင်းဒေသတွေဖြစ်တဲ့ တာလ် ဟာမစ်၊ ဟွန်နဲ့ ကိုဆာမြို့တွေမှာဖြစ်ပါတယ်” လို့ သူက ထည့်သွင်းပြောကြားခဲ့ပါတယ်။

    “စစ်ရေးလှုပ်ရှားမှု အများအပြားနဲ့ လူတွေ ရွှေ့ပြောင်းကြတဲ့ဒေသတွေမှာ ဒါမျိုးဖြစ်ပွားတယ်ဆိုတာ တော်တော်လေးဖြစ်နိုင်ပါတယ်။ အဲဒီလိုအဖြစ်အပျက်တွေက leishmaniasis ရောဂါဖြစ်ပွားဖို့ အကြောင်းအရင်းတွေပါပဲ” လို့ ဒေါက်တာ ၀ီလီယံ ရှက်ဖ်နာက ဆိုပါတယ်။

    သဲကန္တာရ ယင်ကောင်တွေကြောင့် ဒီရောဂါပြန့်နှံ့မှုကို ၂၀၁၃ ခုနှစ်စက်တင်ဘာလမှာ ကြားခဲ့ရပြီး ၂၀၁၄ မေလအထိ လူ ၅၀၀ ၀န်းကျင်လောက်ကို ကူးစက်ခဲ့ပါတယ်။

    “ဒီရောဂါဖြစ်နေတဲ့လူ သေဆုံးသွားလို့ရှိရင် ယင်ကောင်တွေကလာအုံပြီး သူတို့မှာ ရောဂါပိုးကူးသွားမယ်။ အဲဒီယင်ကောင်တွေက ဒေသမှာရှိတဲ့ အခြားသူတွေကို ကူးစက်စေပါတယ်” လို့ ရှက်ဖ်နာက ရှင်းပြခဲ့ပါတယ်။

    ၄ နှစ်ကျော်ကြာ ပဋိပက္ခတွေကြောင့် ဆီးရီးယာရဲ့ ကျန်းမာရေးစနစ်ဟာ တော်တော်လေး ယိုယွင်းပျက်ဆီးနေပါတယ်။ နိုင်ငံတစ်ဝှမ်းမှာရှိတဲ့ ပြည်သူ့ဆေးရုံတွေရဲ့ ထက်ဝက်ကျော်ဟာ စောင့်ရှောက်မှု အပြည့်အ၀မပေးနိုင်ပါဘူး။ IS အဖွဲ့က ထိန်းချုပ်ထားတဲ့ ဒေသတွေက ဆေးရုံးတွေမှာတော့ ၀န်ထမ်းတွေ မရှိကြပါဘူး။ ကျန်းမာရေးဝန်ထမ်းတွေဟာ အသက်ရှင်ရပ်တည်ဖို့အတွက် ထွက်ပြေးကြရပါတယ်။

    မရှိမဖြစ်လိုအပ်နေတဲ့ ဆေးဘက်ဆိုင်ရာ အထောက်အပံ့တွေကို နိုင်ငံတကာအကူအညီပေးရေး အေဂျင်စီတွေက ပေးပို့ဖို့ဟာလည်း တော်တော်လေးဆိုးရွားတဲ့ အခြေအနေမျိုးမှာ ရှိနေပါတယ်။ ကမ္ဘာ့ကျန်းမာရေးအဖွဲ့ WHO ကတော့ ဆီးရီးယားပြည်သူ ၁၃ သန်းကျော်လောက်ဟာ လူသားချင်းစာနာထောက်ထားမှုဆိုင်ရာ အကူအညီတွေကို ချက်ခြင်းလိုအပ်နေတယ်လို့ ဆိုပါတယ်။

    အသားကို လှိုက်စားတတ်တဲ့ Leishmaniasis ရောဂါဟာ ကမ္ဘာပေါ်က တိုက်ကြီးတစ်တိုက်ချင်းစီရဲ့ အဆင်းရဲဆုံးနိုင်ငံတွေမှာ တွေ့ရလေ့ရှိတဲ့ ရောဂါမျိုးဖြစ်ပါတယ်။ မခံမရပ်နိုင်အောင် နာကျင်တဲ့ ဒီရောဂါကို ဆီးရီးယားမှာ Aleppo Button Disease ဒါမှမဟုတ် Aleppo boil လို့ ခေါ်ပါတယ်။

    အဲလစ်ပိုဟာ ၂၀၁၂ ခုနှစ် နှစ်အလယ်လောက်က စခဲ့တဲ့ တိုက်ခိုက်မှုတွေကြောင့် ဖြူခါပြာခါကျနေတဲ့မြို့ ဖြစ်ပြီး အနောက်ဘက်ကို အစိုးရက ထိန်းချုပ်ထားကာ အရှေ့ဘက်ကိုတော့ သူပုန်တွေက ထိန်းချုပ်ထားပါတယ်။ မြို့ရဲ့ ပတ်ပတ်လည်ကိုတော့ IS နဲ့ အလ်ကိုင်းဒါးသစ္စာခံ Al-Nusra Front အဖွဲ့တို့အပါအ၀င် လက်နက်ကိုင်အဖွဲ့ တော်တော်များများက ထိန်းချုပ်ထားကြပါတယ်။

    ဆီးရီးယားက Leishmaniasis ရောဂါဖြစ်ပွားမှုကို စုံစမ်းလေ့လာပြီး ရေးသားခဲ့တဲ့ Acta Dermato-Venereologica အဖွဲ့ရဲ့ အဆိုအရတော့ ၂၀၁၂ ခုနှစ်ကစလို့ နိုင်ငံတစ်ဝှမ်း ဒီရောဂါဖြစ်ပွားသူ ၅၃၀၀၀ ခန့် စာရင်းရရှိခဲ့တယ်လို့ ဆိုပါတယ်။ ၂၀၁၃ ခုနှစ် ပထမ ၆ လအတွင်းမှာပဲ ဖြစ်ပွားသူဟာ ၄၁၀၀၀ ရှိတယ်လို့ ပြောပါတယ်။ အဲလစ်ပိုမှာရှိတဲ့ Leishmaniasis စောင့်ကြည့်စင်တာရဲ့ အဆိုအရတော့ ၂၀၁၃ ခုနှစ်အတွင်း အဲလစ်ပိုတစ်မြို့တည်းမှာပဲ ရောဂါဖြစ်ပွားသူ ၂၂၃၅၆ ဦးရှိခဲ့တယ်လို့ သိရပါတယ်။ ဆီးရီးယားပြည်တွင်းစစ် အရှိန်ရလာတာနဲ့ IS အဖွဲ့ရဲ့အင်အား ကြီးလာတာကြောင့် အဲဒီအချိန်ကနေစပြီး ကူးစက်ဖြစ်ပွားမှု အရေအတွက် တိုးလာခဲ့ပါတယ်။

    syr 4

    Leishmaniasis ရောဂါအတွက် ကာကွယ်ဆေး မရှိသေးပါဘူး။ ရေရှည်ကုသရတဲ့နည်းလမ်း ရှိပေမယ့် စစ်ပွဲဖြစ်ပွားနေတဲ့ ဆီးရီးယားလိုနိုင်ငံမျိုးမှာတော့ ဒီကုသမှုဟာ ရရှိနိုင်မှာမဟုတ်ပါဘူး။ ဒီရောဂါကို ရှောင်ရှားဖို့ တစ်ခုတည်းသော နည်းလမ်းက သဲကန္တာရ ယင်ကောင်တွေ အကိုက်ခံရခြင်းကနေ ရှောင်ကြဖို့ပါပဲ။ ဒါပေမယ့် ဒေါက်တာ ရှက်ဖ်နာက လူသားချင်းစာနာထောက်ထားမှုဆိုင်ရာ အခြေအနေ ဆိုးရွားနေတဲ့ အခြေအနေမျိုးမှာ ဆီးရီးယားပြည်သူတွေဟာ ဒီရောဂါ ဆက်လက်ကူးစက်ခံရမှာ မလွဲဧကန်ပါပဲလို့ ပြောကြားခဲ့ပါတယ်။

    “ဒါက အရေပြားရောဂါဖြစ်ပြီး ရုပ်ပျက်ဆင်းပျက် ပြည်တည်နာတွေကို ဖြစ်စေနိုင်ပါတယ်။ အဲဒီအနာ ဒီအတိုင်းပျောက်ဖို့ဆိုရင် တစ်နှစ်လောက် ကြာတတ်ပါတယ်။ တစ်ခါတစ်ရံမှာ ကပ်ပါးပိုးတွေက ခန္ဓာကိုယ်ထဲ ၀င်ရောက်နိုင်ပြီး ဆိုးရွားတဲ့ ကူးစက်ပြန့်နှံ့မှုတွေ ဖြစ်ပွားနိုင်ပါတယ်”

    (RT မှ ဖော်ပြသည့် Flesh-eating skin disease grips ISIS-controlled areas in Syria ဆောင်းပါးကို ဆီလျော်အောင် ဘာသာပြန်ဆိုသည်)

  • “သူရိယနေ၀န်း ” ၊”ဆောင်းပါးရှင် ပြည်ရွှေဘို” နှင့် ဘာသာတရားတို့၏သိက္ခာ

    “သူရိယနေ၀န်း ” ၊”ဆောင်းပါးရှင် ပြည်ရွှေဘို” နှင့် ဘာသာတရားတို့၏သိက္ခာ

    ဒီဇင်ဘာ ၁၄၊ ၂၀၁၅

    12347582_1531303903855543_1497057956486448504_n
    ၂၀၁၅ ခုနှစ်၊ ဒီဇင်ဘာ ၁၂ ရက် စနေနေ့ထုတ် သူရိယနေ၀န်းဂျာနယ် အတွဲ(၁) အမှတ်(၇၇) ပါ ပြည်ရွှေဘို ရေးသားသော “ဘာသာကို မကာကွယ်ဘဲ ဘာသာကိုးကွယ်လို့ မရပါ(၆)” အခန်းဆက်ဆောင်းပါးတွင် အစ္စလာမ်သာသနာနှင့် အစ္စလာမ် တမန်တော်ကိုသာမက အခြား ဘာသာတရားများ အပေါ် အထင်အမြင် လွဲမှားစေသော၊ တမင်စော်ကားထားသော ရေးသားချက်များ ပါဝင်နေပါသည်။

    ထိုဆောင်းပါးသည် ယေဘူယျအားဖြင့် ISIS အကြမ်းဖက်များ အကြောင်းကို ဇောင်းပေးရေးသားသည့်အသွင်ဆောင်ထားသော်လည်း အရေးအသားပညာကို မလှိမ့်တပတ် အသုံးချ၍ ဘာသာတရားဆိုင်ရာ အပုပ်ချထားခြင်းများကို တွေ့မြင်ရပါသည်။

    ကျနော် လေ့လာမိသမျှ စာဖတ်သူတို့ကို ရှင်းလင်းထောက်ပြချက်နှင့်တစ်ကွ ဝေငှပါမည်။

    “ရှင်းလင်းထောက်ပြချက်” ဖြစ်ပါသည် – ဖြေရှင်းချက် မဟုတ်ပါ။

    ယင်းဆောင်းပါးရှိ “ISIS ၏ စိတ်ဓာတ်နှင့်အတွေးအခေါ်” ခေါင်းစဉ်အောက် ဒုတိယအပိုဒ်တွင် “ISIS ၏ စိတ်ဓာတ်နှင့် အတွေးအခေါ်ကို သိမှ အစ္စလာမ်ဘာသာရဲ့လွှမ်းမိုးမှုအန္တရာယ်ကို သိနိုင်ပါမည်” ဟုလည်းကောင်း၊ တတိယပိုဒ်တွင် “ဒီအကြမ်းဖက်အဖွဲ့တွေရဲ့ ဦးတည်ချက်က အစ္စလာမ်ဘာသာဝင်တိုင်း မိုဟာမက် အသက်ရှိစဉ်အတိုင်း နေထိုင်ကြဖို့ဖြစ်သလို အစ္စလာမ်မဟုတ်သူတွေကို သတ်ဖြတ်ပြီး အစ္စလာမ်ဘာသာ ကမ္ဘာကြီးကို စိုးမိုးရေး ဖြစ်ပါတယ်” ဟုလည်းကောင်း ရေးသားထားသည်။

    အစ္စလာမ်ဖြစ်စေ၊ ခရစ်ယာန်ဖြစ်စေ၊ ဂျူးဖြစ်စေ၊ ဟိန္ဒူဖြစ်စေ၊ ဗုဒ္ဓဘာသာဖြစ်စေ ထိုဘာသာတရားများ၏ လွှမ်းမိုးကျယ်ပြန့်လာမှုကို သိလိုလျှင် သက်ဆိုင်ရာဘာသာတရားများ၏ တန်ဖိုးများ၊ ကမ္ဘာ့သမိုင်းများကို လေ့လာခြင်းဖြင့် သိရှိနိုင်သည်။ အစ္စလာမ် သာသနာပြန့်ပွားလာသည်မှာ လွန်ခဲ့သည့် နှစ်ပေါင်း ၁၄၅၀ ကျော် ကာလ ကတည်းကပင်ဖြစ်သည်။ အစ္စလာမ်ဘာသာ အကြောင်းသိလိုလျှင် အစ္စလာမ် အကြောင်းကိုသာ လေ့လာရပါမည်။ ISIS အကြောင်းကိုလေ့လာလျှင် ISIS အကြောင်းကိုသာ သိပါမည်။ ISIS အဖွဲ့သည် မနေ့တစ်နေ့ကမှ ရုတ်တရက်ပေါ်ပေါက်လာခြင်းဖြစ်သည်။ ယနေ့ကမ္ဘာတစ်ဝှမ်းမှ အစ္စလာမ့်လောကရှိ ပညာရှင်အပေါင်း၊ အသိုင်းအ၀ိုင်းတို့ကလည်း အဆိုပါ အကြမ်းဖက်အဖွဲ့များမှာ အစ္စလာမ်ခေါင်းစဉ်ဖြင့် အစ္စလာမ်ဘာသာ၏ အဆုံးအမဟူသမျှနှင့် အလျဉ်းမကိုက်ညီဘဲ လုပ်ချင်ရာလုပ်နေသည့် အုပ်စုများဖြစ်ကြောင်း၊ အစ္စလာမ်သာသနာ၊ မုစ်လင်မ်တို့နှင့် အလျဉ်းမသက်ဆိုင်ကြောင်း တရားဝင်ထုတ်ပြန်ကြေငြာရှုတ်ချခဲ့ပြီး ဖြစ်သည်။ လက်ရှိတွင်လည်း ၎င်းတို့အား ကန့်ကွက် ရှုတ်ချနေကြကြောင်း အတိုင်းသား တွေ့မြင်နိုင်မည်ဖြစ်သည်။ ISIS နှင့်အလားတူအုပ်စုများသည် အစ္စလာမ်ဘာသာကို ကိုယ်စားမပြုပါ။ (စာရေးသူ၏စကားအတိုင်း) စာရေးသူ၏ စကားအတိုင်း အသုံးပြုပြီး “၉၆၉ အဖွဲ့၏ စိတ်ဓာတ်နှင့် အတွေးအခေါ်ကိုသိမှ ဗုဒ္ဓဘာသာရဲ့လွှမ်းမိုးမှု အန္တရာယ်ကို သိနိုင်ပါမည်” ဟုဆိုလျှင် စာရေးသူကိုယ်တိုင် လက်ခံနိုင်ပါ၏လော ? ထို့ကြောင့် ၎င်းဖော်ပြချက်သည် စုံလုံးကန်းနေသူ တစ်ဦး၏ ရေးသားချက်အဖြစ် ဝေဖန်သုံးသပ်ရပါသည်။

    တဖန် “ဒီအကြမ်းဖက်အဖွဲ့တွေရဲ့ ဦးတည်ချက်က အစ္စလာမ်ဘာသာဝင်တိုင်း မိုဟာမက် အသက်ရှိစဉ်အတိုင်း နေထိုင်ကြဖို့ဖြစ်သလို အစ္စလာမ်မဟုတ်သူတွေကို သတ်ဖြတ်ပြီး အစ္စလာမ်ဘာသာ ကမ္ဘာကြီးကို စိုးမိုးရေး ဖြစ်ပါတယ်” ဆိုသော ရေးသားချက်သည် အစ္စလာမ် သာသနာအား လူသတ်သာသနာနှင့် အစ္စလာမ့်တမန်တော်အား လူသတ်ဖို့ ခိုင်းစေသူအဖြစ် အပြင်းထန်ဆုံး ပရမ်းပတာ စွပ်စွဲလိုက်ခြင်းဖြစ်သည်။ အစ္စလာမ့်တမန်တော် မုဟမ္မဒ် (ငြိမ်းချမ်းစေသား)သည်လည်းကောင်း၊ သူ၏အလျင် ပွင့်ပေါ်လေခဲ့သမျှ တမန်တော်တို့သည်လည်းကောင်း ဖန်ဆင်းရှင်၏ဗျာဒိတ်တော်အတိုင်း အတိအကျ လိုက်နာအကောင်အထည်ဖော်ပြီး သာသနာဖြန့်ဖြူးခဲ့သည့် ပုဂ္ဂိုလ်မွန်များဖြစ်သည်။ ဖန်ဆင်းရှင်၏ ဗျာဒိတ်တော်တစ်ရပ်အား ရှုပါလေ။

    “မည်သူမဆို (အပြစ်မဲ့သူ)တစ်ဦးတစ်ယောက်၏အသက်ကို မတရားသတ်ဖြတ်ခဲ့လျှင် လူခပ်သိမ်းကို သတ်ဖြတ်သကဲ့သို့ ဖြစ်ပြီး၊ တစ်ဦးတစ်ယောက်၏အသက်ကို ကယ်တင်ခဲ့လျှင် လူအပေါင်းတို့ကို ကယ်တင်သကဲ့သို့ဖြစ်၏” ကုရ်အာန်(၅း၃၂)

    တမန်တော့်ရွှေနှုတ်တော်ထွက် သြ၀ါဒတစ်ရပ်ကိုလည်း ထပ်မံ ရှုစားပါလေ။

    “ကမ္ဘာ့တစ်ဖက်ခြမ်းမှ မတရားသတ်ဖြတ်မှုတစ်ခုအား ကျန်ကမ္ဘာ့တစ်ဖက်ခြမ်းမှ တစ်ဦးတစ်ယောက်က ထောက်ခံအားပေးလျှင် ထိုထောက်ခံအားပေးသူသည်လည်း သတ်ဖြတ်သူကဲ့သို့ အပြစ်ရှိ၏”။ စာဖတ်တတ်ပြီး အသိဥာဏ်ရှိသူတိုင်း ဤစကားနှစ်ရပ်ဖြင့် အစ္စလာမ်သာသနာအကြောင်းကို ရိပ်စားသိမြင်နိုင်ပြီဖြစ်၏။

    “ဘာသာရေးအပိုင်း” ခေါင်းစဉ်အောက်စာပိုဒ်၌ “အပေါ်ယံအားဖြင့် မိုဟာမက် သေသွားပြီးတဲ့အခါ” ဟု ရေးသားထားသည်။ The Voice သတင်းစာပါရေးသားချက်ထက်ပင် ပို၍ ရိုင်းစိုင်းနေပါသည်။

    ထိုစာပိုဒ်ထဲမှာပင် စွန္နီ – ရှီအာ ကွဲပြားမှုကို မိမိဖာသာစိတ်ကူးယဉ်ဇာတ်လမ်းထွင် ရေးသားထားပြန်ပါသည်။

    ဒုတိယစာပိုဒ်တွင်တော့ စွန္နီနှင့်ရှီအာကို ပြောင်ပြောင်တင်းတင်း ရန်တိုက်ထားခြင်းအား တွေ့ရပြန်ပါသည်။ ဤသည်ကို မဆီမဆိုင် ဗုဒ္ဓဘာသာ၏ ထေရ၀ါဒနှင့် မဟာယန ဂိုဏ်းကွဲမှုဖြင့် နှိုင်းယှဉ်ရေးသားထားသည်။

    (မုစ်လင်မ်လူ့အဖွဲ့အစည်းအားလုံး၏ခေါင်းဆောင်ဖြစ်လာအံ့သော) တမန်တော် မုဟမ္မဒ်၏မြေးတော် ဟုစိုင်းန်အား အာဏာရူးဖြစ်သူ ယဇီးဒ်နှင့်နောက်လိုက်များက ကရ်ဘလာဟူသောအရပ်သို့ ဖြားယောင်းခေါ်ယူကာ သတ်ဖြတ်ခဲ့ကြသည်။ ထိုအချိန်အထိ မွတ်စ်လင်မ် လူ့အသိုင်းအ၀ိုင်းတွင် စွန္နီ၊ ရှီအာ အုပ်စုများအဖြစ် သီးသန့်ရပ်တည်မှု မရှိသေးပါ။ သို့ဆိုလျှင် စွန္နီတို့က ဟုစိုင်းန်သခင်ကိုသတ်၍ ရှီအာတို့က မကျေနပ်ဖြစ်ပြီး ကမ္ဘာ့ရန်ဖြစ်ရသည့်သဘောမျိုးရေးသားချက်မှာကား (မည်သည့်ဘာသာဝင်ဖြစ်စေ) အစ္စလာမ်သမိုင်းကို လေ့လာထား သူတိုင်း အဖို့ အပြင်းစားဟာသတစ်ခု ဖြစ်သွားပါသည်။ စာရေးသူမှာ ထင်ရာရမ်းတုပ်သူဖြစ်ကြောင်း အတိအလင်း ပေါ်လွင်နေပါသည်။

    တတိယပိုဒ်မှာ ဗုဒ္ဓအယူဝါဒကို တင်ပြပြီး စတုတ္ထပိုဒ်တွင်တော့ ဖန်ဆင်းရှင်အယူဝါဒကို လက်ခံထားသည့် ဂျူး၊ ခရစ်ယာန်နှင့် အစ္စလာမ် – ဘာသာတရားသုံးရပ်စလုံးကို ဗုဒ္ဓဘာသာအယူဝါဒဖြင့် ဆက်နွှယ်၍ မသိမသာ ရှုတ်ချရေးသားထားသည်။ ပဉ္စမပိုဒ်တွင် “ဘုရားသခင်ကို (ယုံကြည်မှု) ဆိုတဲ့ (ကိုးကွယ်မှု)ရဲ့နောက်ကွယ်မှာ (အကြောက်)တရားနဲ့ ဘာသာကို (ထိန်းကျောင်း)ထားသည်ပါ” ဟူသော ရေးသားချက်ဖြင့် ဘာသာတရားသုံးခုစလုံး၏ အနှစ်သာရနှင့်ဆန့်ကျင်ကာ စွပ်စွဲစော်ကားထားပါသည်။

    ထိုဘာသာတရားသုံးရပ်စလုံးက အမှန်ပင် ဖန်ဆင်းရှင်အယူဝါဒကို အခြေတည်ထားပါသည်။ ဗုဒ္ဓဘာသာသာသည် ဖန်ဆင်းရှင် အယူဝါဒကို အခြေတည်မထားသည့်အပြင် ဘုရားဟောတရားဓမ္မများတွင်လည်း ဖန်ဆင်းရှင်နှင့်ပတ်သက်၍ ဖော်ပြထားချက် အလျဉ်းမရှိပါ။ ထို့ကြောင့် မတူညီသော အခြေခံအယူဝါဒများကို အတင်းအဓမ္မ နှိုင်းယှဉ်သုံးသပ်ပြနေခြင်းသည် ဦးနှောက်အခန်းပျက်နေသူတစ်ဦး၏အတွေးအခေါ်သာ ဖြစ်သည်။

    ဆဋ္ဌမအပိုဒ်မှာ အစ္စလာမ်ကို အစွန်းအရောက်ဆုံးဟု စကားခံပြီး ခရစ်ယာန်ဘာသာသည်လည်း အစွန်းရောက် ဘာသာဖြစ်ကြောင်း ဖော်ပြလိုက်ပြန်သည်။

    ကမ္ဘာပေါ်တွင် အစွန်းရောက်သည့်ဘာသာတရားတစ်ခုမျှ မရှိပါ။ လူသားများသာ အစွန်းရောက်ပြီး ရန်ပွဲ၊ သတ်ပွဲ၊ စစ်ပွဲများ ဖြစ်နေကြခြင်းပင်။ လူတို့၏လုပ်ရပ်များဖြင့် ဘာသာတရားကို အခါခပ်သိမ်း ချိန်ထိုးဝေဖန်သတ်မှတ်၍ မရပါ။ အကယ်၍ရပါသည်ဟုဆိုပါက မြန်မာနိုင်ငံ၏လေးနှစ်တာကာလအတွင်း (လက်ရှိအချိန်ထိ) ဗုဒ္ဓဘာသာဝင်များ(အချို့)မှ အခြားဘာသာတရားနှင့်ဘာသာဝင်များအပေါ် မရပ်မနား စော်ကားဖိနှိပ်ချိုးနှိမ် တိုက်ခိုက်သတ်ဖြတ်ခြင်းများကိုကြည့်ပြီး “ဗုဒ္ဓဘာသာသည် ဤသို့သောဘာသာတရားမျိုးဖြစ်သည်” ဟု ဝေဖန်လျှင် စာရေးသူမှ မည်သို့အဖြေပေးမည်နည်း။ “လူတို့၏ လုပ်ရပ်များဖြင့် ဘာသာတရားကို အခါခပ်သိမ်း ချိန်ထိုးဝေဖန်သတ်မှတ်၍ မရပါ” ဟူ၍ ကျွန်ုပ်၏ ရေးသားချက် အတိုင်း(ထိုသဘောတရားအတိုင်း)သာ စာရေးသူဖက်မှ မုချဧကန် ဖြေကြားပေလိမ့်မည်။

    အဆိုပါစာမျက်နှာ ပဉ္စမကော်လံနောက်ဆုံးပိုင်းနှင့် ဆဌမကော်လံအထက်ပိုင်းတွင် အာဖဂန်၌ ဗုဒ္ဓဘာသာကွယ်ပျောက်ရခြင်းကို “အစ္စလာမ်ဘာသာရေးပုဂ္ဂိုလ်တွေက ဗုဒ္ဓဘာသာဘုန်းတော်ကြီးတွေကိုလိုက်သတ်ပြီး အစ္စလာမ်ဘာသာလွှမ်းမိုးသွားခဲ့ရတယ်။ ထွက်ပြေးကြရတဲ့ ဗုဒ္ဓဘာသာဘုန်းတော်ကြီးတွေ မြေမြှုပ်ဝှက်ခဲ့ကြတဲ့ ဗုဒ္ဓရဲ့လဲလျောင်းတော်ရုပ်ပွားတော်တွေကို ဂျာမန်ရှေးဟောင်းသုတေသနပညာရှင်တွေက လိုက်ရှာလျက်ရှိကြရာ ယနေ့အထိတော့ မတွေ့ကြသေးပါဘူး” ဟူ၍ လုပ်ကြံ ဇာတ်လမ်းနှင့် ရေးသားပြန်ပါသည်။

    အာဖဂန်နစ္စတန်သမိုင်းကို မဖတ်ရှုဖူးသူများသာ ဟုတ်နိုးနိုးဖြင့် ယုံကြည်ကြပါမည်။ အာဖဂန်နစ္စတန်သည် တစ်ချိန်က ဗုဒ္ဓဘာသာကြီးစိုးသောနိုင်ငံ တစ်ခုဖြစ်ခဲ့ကြောင်း အမှန်ဖြစ်သည်။ သို့သော် အစ္စလာမ်နိုင်ငံဖြစ်လာရသောသမိုင်းတွင် မည်သည့်သွေးချောင်းစီးမှုမျှ မရှိခဲ့။ ၎င်းတို့ပြည်သူပြည်သားတို့မှ ဆန္ဒအလျောက် ကူးပြောင်းကုန်ကြခြင်းဖြစ်သည်။

    “အစ္စလာမ်ဘာသာရေးပုဂ္ဂိုလ်တွေက ဗုဒ္ဓဘာသာဘုန်းတော်ကြီးတွေကို လိုက်သတ်ပြီး” ဟူသောရေးသားချက်မှာ ဗြောင်လိမ်စကားဖြင့် အမုန်းတရား သပ်လျှိုလိုက်ခြင်းပင်ဖြစ်နေပေသည်။ တစ်ခါ “ထွက်ပြေးကြရတဲ့ ဗုဒ္ဓဘာသာဘုန်းတော်ကြီးတွေ မြေမြှုပ်ဝှက်ခဲ့ကြတဲ့ ဗုဒ္ဓရဲ့လဲလျောင်းတော် ရုပ်ပွားတော်တွေကို ဂျာမန်ရှေးဟောင်းသုတေသနပညာရှင်တွေက လိုက်ရှာလျက်ရှိကြရာ ယနေ့အထိတော့ မတွေ့ကြသေးပါဘူး” ဟူသောရေးသားချက်မှာပင် အဖြေပေါ်နေပြီဖြစ်ပါသည်။ ထိုသို့သောဖြစ်စဉ်မျိုး မရှိခဲ့၍ ရှာမတွေ့ရခြင်းဖြစ်ကြောင်း စိတ်မနှံ့သူတစ်ဦးပင် အလွယ်တကူ နားလည်နိုင်ပေမည်။

    နောက်တစ်ပိုဒ်မှာ “ကိုယ့်ဘာသာဝင်အချင်းချင်းတောင် လေးစားမှုမရှိကြတဲ့ အစ္စလာမ် အစွန်းရောက်တွေဟာ တခြားဘာသာဆိုရင် လေးစားဖို့ဝေလာဝေး လွှမ်းမိုးဖို့ ဦးတည်နေကြတာ ရှင်းရှင်းလင်းလင်းတွေ့မြင်နေကြရပါပြီ” ဟူသော ရေးသားချက်ဖြင့် ဘာသာတရားများအချင်းချင်း တမင်ရန်တိုက်နေခြင်းကို ရှင်းရှင်းလင်းလင်း ပေါ်လွင်နေလျက်ရှိသည်။

    သို့ဆိုလျှင် ပထမမြန်မာနိုင်ငံတော်တည်ထောင်သည့်ခေတ်ကာလမှစ၍ ယနေ့ချိန်အထိ (ကမ္ဘာပေါ်တွင် နှစ် အရှည်ကြာဆုံးပြည်တွင်း စစ်ပွဲများ အပါအ၀င်) ဖြစ်ခဲ့သမျှ ပြည်တွင်းပြည်ပစစ်ပွဲများ၌ ဗုဒ္ဓဘာသာဝင်အချင်းချင်း သတ်ဖြတ်လိုက်ကြသည်မှာ မည်မျှအထိပင် ရှိနေပါသနည်း ? စာရေးသူ၏စကားအတိုင်း အတိအကျမှီးယူ၍ “ကိုယ့်ဘာသာဝင် အချင်းချင်းတောင် လေးစားမှုမရှိကြတဲ့ ဗုဒ္ဓဘာသာဝင်တွေဟာ တခြားဘာသာဆိုရင် လေးစားဖို့ဝေလာဝေး လွှမ်းမိုးဖို့ ဦးတည်နေကြတာ ရှင်းရှင်း လင်းလင်းတွေ့မြင်နေကြ ရပါပြီ” ဟု ဆိုပါလျှင် မည်သို့ရှိခြိမ့်နည်း။ ဤဆယ်စုနှစ်အတွင်း ဗုဒ္ဓဘာသာဝင်များ(အချို့)၏ လက်ချက်ဖြင့် အသက်၊ အိုးအိမ်၊ စည်းစိမ်၊ ဘ၀ ထိခိုက်နစ်နာခဲ့ကြရကုန်သော ခရစ်ယာန်များ၊ မုစ်လင်မ်များသည်ပင် ထိုသို့ တရားဝင်ရေးသားပြောဆိုမှုဟူ၍ မကြားဖူးသေးပါ။ သို့ဖြစ်ရာ စာရေးသူသည် ဗုဒ္ဓဘာသာခေါင်းစဉ်အောက်မှ ဗုဒ္ဓဘာသာ၏ တန်ဖိုးကို ပြန်လည်ဖျက်ဆီးသည့် အသွင် ဆောင်နေပါတော့သည်။

    ၎င်း၏အောက် “ISIS ဆိုတာဘာလဲ” ခေါင်းစဉ်အောက် အစပိုဒ်၌ “အစ္စလာမ်မစ်သောင်းကြမ်းသူတွေကို လေ့လာရင် အစ္စလာမ်ဘာသာကို မလေ့လာလို့မရပါ” ဟု ရေးသားထားပြန်သည်။ ဆောင်းပါးတစ်ခုလုံးတွင် ထိုစာသားအား အကြိမ်ကြိမ်ရေးသားနေခြင်းကိုကြည့်လျှင် ရည်ရွယ်ချက် ရှိရှိ မီးမွှေးနေကြောင်း သိသာပါသည်။ (မှတ်ချက် – စာလုံးပေါင်း အမှန်မှာ သောင်းကျန်းသူ ဖြစ်ပါသည်။ စာလုံးပေါင်းပင် မှန်အောင် မရေးနိုင်သေးသည် ကိုကြည့်၍ ရေးသားသည့်အကြောင်းအရာ အဘယ်သို့ မှန်ကန်နိုင်တော့မည်နည်းဟု တွေးတောမိပါသည်)။

    အထက်ပါအချက်အလက်များကို ထောက်ရှုပါလျှင် ထိုဆောင်းပါးကို ရေးသားနေသူ ပြည်ရွှေဘိုသည် လည်းကောင်း၊ သူရိယနေ၀န်း ဂျာနယ်သည်လည်းကောင်း အများပြည်သူတို့အတွင်း အမုန်းတရားများကို မှိုင်းတိုက်ရိုက်သွင်းလျက်ရှိကြောင်း၊ တစ်စုံတစ်ရာသော မတည်ငြိမ်မှု (၀ါ) ပဋိပက္ခကြီးတစ်ခု ဖြစ်ပေါ်လာစေရန် ရည်ရွယ် ဦးတည်နေပုံရကြောင်း ငြင်းမရအောင် ထင်ရှားနေပါသည်။

    မြန်မာနိုင်ငံသူနိုင်ငံသား အားလုံးနီးပါးတို့သည် စစ်မှန်သော ဒီမိုကရေစီစနစ်အခြေတည် တည်ငြိမ်အေးချမ်း ဖွံ့ဖြိုးတိုးတက်မှုကို အငမ်းမရ ဆာလောင် မွတ်သိပ်မှုတို့ဖြင့် အသည်းကြားက မဲတစ်ပြားစီ ရင်းနှီးပေးဆပ်ခဲ့ကြသည်။ အစိုးရသစ်ပြောင်းလဲရန်လည်း လအနည်းငယ်သာ လိုတော့သည်။ ယခုလိုစပ်ကူးမတ်ကူး အပြောင်းအလဲကာလသည် ဘာသာရေး မဆိုထားနှင့်၊ နိုင်ငံရေးအရပင် ထိလွယ်ရှ လွယ်လွန်းသော အနေအထားဖြစ်သည်။ တစ်စုံတစ်ရာသော ကြီးကြီးမားမား ပဋိပက္ခဖြစ်သည်နှင့် နိုင်ငံ့ အနာဂတ်ကောင်း၏ လမ်းကြောင်း ချော်ထွက်ပျက်ပြားသွားနိုင်သည်။ အမှိုက်ကစ ပြသာဒ် မီးလောင်နိုင်သည်။ သို့ဖြစ်ရာ ၎င်းဆောင်းပါးရှင်နှင့် သူရိယနေ၀န်းဂျာနယ်(အပါအ၀င် အလားတူ ပုံနှိပ်မီဒီယာများ)သည် မြန်မာနိုင်ငံအား တိုးတက်စေချင်လိုသူလော သို့တည်းမဟုတ် ချိုးဖျက်ချင်သူလောဟု မေးခွန်းထုတ်လိုက်ရပေသည်။

    ဂျူလိုင်ရဲရင့်

    **စာရေးသူ၏ FB စာမျက်နှာမှ ကူးယူဖော်ပြပါသည်။