News @ M-Media

Category: ဆောင်းပါး

  • စီးပွားရေး၊ စီမံခန့်ခွဲရေးအပြီး နည်းပညာနယ်ပယ်တွင်ပါ နေရာယူလာကြသည့် အီရန်အမျိုးသမီးများ

    စီးပွားရေး၊ စီမံခန့်ခွဲရေးအပြီး နည်းပညာနယ်ပယ်တွင်ပါ နေရာယူလာကြသည့် အီရန်အမျိုးသမီးများ

    ဒီဇင်ဘာ ၁၃၊ ၂၀၁၅
    M-Media

    – အီရန်ရဲ့ သိပ္ပံနဲ့ နည်းပညာကျောင်းသားတွေထဲက ၇၀ ရာခိုင်နှုန်းဟာ အမျိုးသမီးတွေဖြစ်ကြပြီး၊ သေးငယ်ပေမယ့် အောင်မြင်ဖို့အလားအလာရှိနေတဲ့ စွန့်ဦးလုပ်ငန်းငယ်လေးတွေမှာလည်း အမျိုးသမီးတွေက အများစုဖြစ်ပါတယ်။ နောက်ပြီး အဲဒီအမျိုးသမီးတွေဟာ ပိုမိုကြီးမားတဲ့အခန်းကဏ္ဍတွေမှာ ပါဝင်လာဖို့လည်း တိုက်တွန်းအားပေးခြင်း ခံနေရပါတယ်။

    အီရန်နိုင်ငံက အမျိုးသမီးတွေနဲ့ပတ်သက်တဲ့ ကြားနေကြ ဒဏ္ဍာရီတွေကတော့ သူတို့တွေဟာ မြင်သာမြင်ရ၊ မကြားရသူတွေဖြစ်တယ်။ သူတို့ဟာ ကားမောင်းလို့မရဘူး။ ဒုတိယတန်းစားနိုင်ငံသားတွေဖြစ်တယ်။ စီးပွားရေးလုပ်ငန်းတွေ စွန့်ဦးတီထွင်လုပ်ဆောင်ဖို့နဲ့ ပါဝါအာဏာရှိတဲ့နေရာတွေရဖို့ဆိုတာ အိမ်မက်တောင်မက်လို့မရတဲ့ အနေအထားမှာ နေကြရတယ်ဆိုတာတွေပါပဲ။ ဒီလိုထင်မြင်ယူဆချက်တွေက လုံးဝ မှားယွင်းပါတယ်။

    အီရန်အမျိုးသမီးတွေဟာ စီးပွားရေးလုပ်ငန်းတွေကို ပိုင်ဆိုင်ပြီး စီမံခန့်ခွဲနေကြတာ တော်တော်လေးကြာခဲ့ပါပြီ။ သူတို့ထဲက အများစုဟာ အမျိုးသားတွေသာ လွှမ်းမိုးတဲ့ စီးပွားရေးမျိုးဖြစ်တဲ့ ရေနံနဲ့ သဘာဓာတ်ငွေ့လုပ်ငန်း၊ ဆောက်လုပ်ရေးလုပ်ငန်း၊ သတ္ထုတွင်းလုပ်ငန်းတွေမှာ ကြီးကြီးမာစတာတွေအဖြစ် လုပ်ကိုင်နေကြတာဖြစ်ပါတယ်။ အခုဆိုရင်တော့ အီရန်အမျိုးသမီးတွေဟာ နည်းပညာဘက်ကိုပါ ခုန်ကူးလာကြပါပြီ။

    သိပ္ပံနဲ့ အင်ဂျင်နီယာနယ်ပယ်တွေမှာ ဘွဲ့ရတဲ့ အမျိုးသမီးအရေအတွက် မြင့်တက်လာခြင်းဟာ အီရန်ရဲ့ ဖူးသစ်စ သိပ္ပံနယ်ပယ်မှာ အမျိုးသမီးတွေ ပိုမိုပါဝင်လာဖို့ တွန်းအားဖြစ်စေမှာ ဖြစ်ပါတယ်။

    အသက် ၂၀ အရွယ်သာရှိသေးတဲ့ ဂွန်ချီ တာဗူစီဟာ သူရဲ့ စွန့်ဦးလုပ်ငန်းဖြစ်တဲ့ Lendem ဖုန်းဆော့ဖ်ဝဲကို မကြာသေးမီက ဖန်တီးနိုင်ခဲ့ပါတယ်။ ဒီဆော့ဖ်ဝဲဟာ အီရန်နိုင်ငံရဲ နည်းပညာလုပ်ငန်းကို အထောက်အကူပြုဖြစ်စေဖို့ ဆောာင်ရွက်တဲ့ iBridges ညီလာခံမှာ McClure ရဲ့ “စွန့်ဦးလုပ်ငန်း ၅၀၀” စာရင်းမှာ ပါဝင်ခဲ့ပါတယ်။

    ဒီ Lendem ဆော့ဖ်ဝဲကနေတစ်ဆင့် သူငယ်ချင်းတွေ၊ လုပ်ဖော်ကိုင်ဖက်တွေနဲ့ မိတ်ဆွေတွေဟာ ဖုန်းအားသွင်းကြိုးလို ဟာမျိုးတွေနဲ့ အခြားပစ္စည်းတွေကို တစ်ယောက်နဲ့တစ်ယောက် ငှားရမ်းမျှဝေ သုံးစွဲနိုင်ကြပါတယ်။ Lendem ၀ဘ်ဆိုက်မှာတော့ ဘယ်သူ့မှာ ဘာတွေရှိတယ်ဆိုတာမျိုး အမြဲတမ်း လိုက်လံစူးစမ်းနေပြီး ငှားပြီးသားပစ္စည်းကို ပြန်ပေးဖို့ သတိပေးတာမျိုးတွေလည်း လုပ်ပေးသလို၊ ငှားရမ်းဖို့အတွက် အာမခံပေးတာလည်း လုပ်ပေးပါတယ်။ McClure ကတော့ ဒီဖန်တီးမှုကို ချီးကျူးခဲ့ပေမယ့် အီရန်အပေါ် ပိတ်ဆို့မှုတွေ မဖယ်ရှားမချင်း ရင်းနှီးမြှုပ်နှံမှု လုပ်မှာမဟုတ်ဘူးလို့ ပြောခဲ့ပါတယ်။

    အီရန်ရဲ့ ဖူးသစ်စ နည်းပညာလုပ်ငန်းမှာ အရေအတွက်နည်းပေမယ့် အီရန်အမျိုးသမီးတွေဟာ ရှေ့ရောက်နေပါတယ်။ ရီယာနာဟ်နဲ့ ဘဟာရာဟ် ဗာဟီဒီယန်တို့ ညီအမနှစ်ဦးကတော့ မြို့တော် တီဟီရန်မှာ အမျိုးသမီးစွန့်ဦးလုပ်ငန်းရှင်များရဲ့သီတင်းပတ် Startup Weekend For Women ကို ပထမဆုံး စီစဉ်ကျင်းပပေးပြီး အဲဒီအခမ်းအနားမှာ အမျိုးသမီး စွန့်ဦးလုပ်ငန်းရှင်တွေရဲ့ အယူအဆတွေ၊ ကွန်ယက်တွေကို မျှဝေစေခဲ့ပါတယ်။

    လက်ရှိ အီရန်လူငယ်အမျိုးသမီးတွေဟ နည်းပညာကဏ္ဍမှာ လမ်းသစ်ဖောက်ဖို့ တွေးတောစဉ်းစားကြသူတွေ ဖြစ်ပါတယ်။ ဒါပေမယ့် သူတို့အရင်ကတည်းက ဒီလို လမ်းသစ်ဖောက်တဲ့ အမျိုးသမီးတွေ ရှိခဲ့ပြီး အဲဒီအထဲမှာ ရှေ့ဆောင်အမျိုးသမီးဖြစ်တဲ့ ဘဟ်နဇ် အာရီယာလည်း ပါဝင်ပါတယ်။

    လွန်ခဲ့တဲ့ ၁၅ နှစ် အီရန်နိုင်ငံမှာ စီးပွားရေးလုပ်ငန်းအငယ်စားဆိုတာ ဘာမှန်း ဘယ်သူမှမသိခင်ကတည်းက အာရီယာနဲ့ သူရဲ့ မိတ်ဖက်တွေဟာ နိုင်ငံရဲ့ ပထမဆုံး IT လေ့ကျင့်ရေးသင်တန်းကျောင်း Kahkeshan Institute of Technology ကို တည်ထောင်ဖွင့်လှစ်ခဲ့သူပါ။

    ဒီသင်တန်းကျောင်းကို တိုးတက်ဖွံ့ဖြိုးဖို့ ကြိုးစားခဲ့တဲ့ စောစောပိုင်းအချိန်တုန်းက သူမကြုံတွေ့ခဲ့ရတဲ့ စိန်ခေါ်မှုတွေဟာ သာမန်အမျိုးသမီးတွေ မကြုံဖူးတဲ့ အရာတွေပါပဲ။

    “အဲဒီအချိန်တုန်းက အီရန်မှာ အိုင်တီဝန်ဆောင်မှုဟာ အစပိုင်ပဲ ရှိပါသေးတယ်။ အဲဒီအချိန်က ကျွန်မတို့ရဲ့အတန်းဟာ ပညာရှင်အဆင့်မျိုးပါ။ သင်တန်းကျောင်းအကြီးကြီးပုံစံ ဟန်ဆောင်ထားပေမယ့်  တကယ်တော့ လူ ၄၊ ၅ ယောက်လောက်ပဲ ရှိပါတယ်။ ကျွန်မဟာ ဖုန်းတွေကို မန်နေဂျာတစ်ယောက်လို၊ နည်းပညာအကြံပေးတစ်ယောက်လို၊ သာမန်ဝန်ထမ်းတစ်ယောက်လို့ အသံမျိုးစုံသုံးပြီး ဖြေကြားခဲ့ရပါတယ်။ ဒီလိုနဲ့ပဲ ကျွန်မတို့ အခုလို ကြီးမားကျယ်ပြန့်လာတာ ဖြစ်ပါတယ်” လို့ အာရီယာက ဆိုပါတယ်။

    အာရီယာနဲ့ အဲဒီသင်တန်းကျောင်းကို အတူတည်ထောင်ခဲ့တဲ့သူတွေဟာ အလျင်အမြန်ပဲ ၀န်ထမ်းတွေကို ၂ ဆတိုးခဲ့ပြီး အဆောက်အဦးတစ်ခုလုံးကိုလည်း နည်းပညာစမ်းသပ်ခန်းနဲ့ ရုံးခန်းနေရာတွေပါ ထားနိုင်အောင် ပြင်ဆင်ခဲ့ကြပါတယ်။ သင်တန်းကျောင်းက ၀န်ထမ်းတွေရဲ့ ၄၀ ရာခိုင်နှုန်းဟာ အမျိုးသမီးတွေဖြစ်ပြီး ကျောင်းသား ၃၇ ရာခိုင်နှုန်းကလည်း အမျိုးသမီးတွေဖြစ်ပါတယ်။ ဒါဟာ သင်ကျောင်းတစ်လျှောက်လုံးမှာ အမျိုးသမီးပါဝင်မှု ပိုများလာတာလည်း ဖြစ်ပါတယ်။ အီရန်က စွန့်ဦးလုပ်ဆောင်သူ အမျိုးသမီးတွေရဲ့လေးစားအားကျစရာ role model ဖြစ်တဲ့ အာရီယာဟာ ကုမ္ပဏီကြီးတစ်ခုကို ပိုင်ဆိုင်နေပါပြီ။

    ရေနံဓာတုစက်ရုံကို တည်ထောင်ခဲ့သူ အီရန်အမျိုးသမီးတစ်ဦးကလည်း လွန်ခဲ့တဲ့နှစ် ၂၀ သူ လုငန်းစတင်ခဲ့တဲ့အချိန်က ဘယ်လိုခြားနားမှုတွေ ရှိခဲ့သလဲဆိုတာကို ဒီလို ပြန်ပြောင်းပြောပြခဲ့ပါတယ်။

    “ကျွန်မတို့ခေတ်တုန်းက အစိုးရအလုပ်မှာ ခန့်အပ်ခံရဖို့သာ မျှော်လင့်ရတာပါ။ ဒါပေမယ့် ဒီနေ့အချိန်အခါမှာတော့ “ငါက ပညာတတ်၊ အခွင့်အလမ်းလည်းရှိတယ်။ ဘာ့ကြောင့် သူများအတွက် အလုပ်လုပ်မလဲ။ တကယ်လို့ (ကိုယ်ပိုင်အလုပ်လုပ်ဖို့) ကြိုးစားပြီး ကျရှုံးရင် ကုမ္ပဏီမှာ ဘယ်အချိန်သွားလုပ်လုပ် ရတာပဲ” လို့ ပြောနေကြတဲ့ အမျိုးသမီးတွေ အများကြီး ရှိလာပါပြီ”

    အီရန်နိုင်ငံမှာ အမျိုးသမီးတွေဟာ မရည်ရွယ်တဲ့ အကျိုးဆက်တွေကနေတစ်ဆင့် အသက်မွေးဝမ်းကြောင်းကဏ္ဍမှာ သြဇာကြီးလာပါတယ်။ ၁၉၇၉ တော်လှန်ရေးဟာ တင်းကြပ်တဲ့ ဘာသာရေးအသိုင်းအ၀ိုင်းကို ဖြစ်လာစေခဲ့ပြီး အမျိုးသမီးတွေရဲ့ အခွင့်အရေးတွေလည်း လျော့ကျခဲ့ပါတယ်။ ဒါပေမယ့် စီးပွားရေး မငြိမ်မသက်ဖြစ်တဲ့အချိန်မှာ မိမိတို့ရဲ့ ဇနီးတွေကို အလုပ်လုပ်ခွင့်ပေးဖို့ကလွဲလို့ ရွေးချယ်စရာမရှိဘူးဆိုတာ အမျိုးသားတွေက သဘောပေါက်လာကြပါတယ်။ တစ်ချိန်တည်းမှာပဲ အစိုးရလည်း အနောက်နိုင်ငံတွေကို ယှဉ်ပြိုင်ချင်လာခဲ့ပါတယ်။ ဒါ့ကြောင့် အီရန်မှာ အခမဲ့ပညာရေးစနစ် ဖြစ်လာခဲ့ပြီး နိုင်ငံတစ်ဝှမ်း မြို့ကြီးတွေနဲ့ ကျေးလက်ဒေသတွေမှာ အစိုးရတက္ကသိုလ်တွေ အစီအရီပေါ်ပေါက်လာခဲ့ကြပါတယ်။ ဒါက အမျိုးသမီးတွေကို ပညာသင်ယူခွင့် ပိုမိုရရှိစေခဲ့ပါတယ်။

    ပြီးခဲ့တဲ့နှစ်က ကျွန်တော် အီရန်ကို သွားလည်တဲ့အချိန်တုန်းက ဒီသမိုင်းသင်ခန်းစာကို ကြားခဲ့ရပါတယ်။ စာရေးဆရာ ဒေါက်တာ နီနာ အန်ဆာရီက ဒီအကြောင်းနဲ့ပတ်သက်ပြီး မကြာသေးခင်က ထွက်ရှိခဲ့တဲ့ သူမရဲ့စာအုပ် Jewels of Allah: The Untold Story of Women In Iran မှာ နှိုက်နှိုက်ချွတ်ချွတ် ရေးသားထားပါတယ်။

    အီရန်နိုင်ငံရဲ့ အဓိက ပြုပြင်ပြောင်းလဲမှုမှာ ပါဝင်ကူညီခဲ့ကြတဲ့ မတူညီတဲ့အသိုင်းအ၀ိုင်းတွေက အမျိုးသမီးတွေဟာ (အီရန်အဓိပတိ) ခိုမေနီရဲ့ ချီးကျူးခြင်းကို ခံခဲ့ရပါတယ်။

    “ကျွန်တော်တို့တိုင်းပြည်က အမျိုးသမီး ငယ်တွေ၊ အမျိုးသမီးကြီးတွေအတွက် ဂုဏ်ယူပါတယ်။ ပြီးတော့ ဒီအမျိုးသမီးတွေဟာ ပညာရေးနဲ့ စီးပွားရေးနယ်ပယ်တွေမှာ တက်တက်ကြွကြွ ရှိကြပါတယ်။ အီရန်အမျိုးသမီးတွေလို အမျိုးသမီးတွေရှိတဲ့ နိုင်ငံတိုင်းဟာ အမှန်တကယ်အောင်မြင်ပါလိမ့်မယ်”

    ဒီစကားလုံးတွေဟာ အမျိုးသမီးအများစုကို အားအင်တွေဖြစ်စေမယ်လုိ့ ခိုမေနီက မသိရှိခဲ့ပါဘူး။ ခန္ဓာကိုယ်ကို မဖြစ်မနေ လုံခြုံအောင် ၀တ်စားဆင်ယင်ရမှုကလည်း အီရန်အမျိုးသမီးတွေ အိမ်အလုပ်တွေကို ထားခဲ့ပြီး စာသင်ဖို့၊ အလုပ်လုပ်ဖို့ သက်တောင့်သက်သာဖြစ်စေခဲ့ပါတယ်။

    အန်ဆာရီနဲ့ အခြားသူတွေကတော့ ဒီနေ့ခတ် အီရန်နိုင်ငံရဲ့ မိသားစုဘ၀တွေမှာ အမျိုးသားအမျိုးသမီး တန်းတူညီမျှမှုဟာ ၁၉၈၀ ပြည့်နှစ်တွေမှာဖြစ်ပွားခဲ့တဲ့ အီရတ်-အီရန်စစ်ပွဲတွင်း အမျိုးသမီးတွေ လုပ်ငန်းခွင့်ဝင်ကြတဲ့ရလဒ် ဖြစ်တယ်လို့ ဆိုပါတယ်။ အမျိုးသမီးတွေဟာ စီမံခန့်ခွဲရေတာဝန်တွေ၊ ဒါမှမဟုတ် ဆရာဝန်အဖြစ်၊ ရှေ့နေ့အဖြစ်၊ တရားသူကြီးတွေအဖြစ် စတဲ့ကဏ္ဍတွေမှာ တစ်နေ့ကုန်တစ်နေ့ခန်း အလုပ်လုပ်ရတဲ့အခါ အမျိုးသားတွေက ကလေးယ်တွေကို ပြုစုစောင့်ရှောက်ရတာ ပုံမှန်တော့မဟုတ်ပါဘူး။
    လက်ရှိအချိန်မှာ အမျိုးသမီးတွေဟာ အမျိုးသားတွေထက်ပိုနည်းတဲ့ အခွင့်အရေးတွေကိုသာ ပိုင်ဆိုင်ထားပြီး ချိုးဖောက်မှုတွေအတွက် ဖမ်းဆီးခံရတာတွေလည်း ရှိနေပါသေးတယ်။ ၂၀၁၃ ခုနှစ်က အာဏာရခဲ့တဲ့ သမ္မတရူဟာနီကတော့ ပြောင်းလဲမှုတွေလုပ်ပေးမယ်လို့ ကတိပြုခဲ့ပါတယ်။

    မဲဆွယ်မှုမှာပြုလုပ်ခဲ့တဲ့ ကတိက၀တ်တွေထဲမှာ အမျိုးသမီးတွအတွက် တူညီတဲ့အခွင့်အရေး၊ မျှတတဲ့အခွင့်အလမ်းတွေကို ဖန်တီးပေးမယ်ဆိုတာလည်း ပါဝင်ပါတယ်။ ဒါပေမယ့် ရူဟာနီရဲ့ အီရန်ကို ခေတ်မီအောင်ဆောင်ရွက်ဖို့ အစီအစဉ်တွေမှာ တိုးတက်မှုအနည်းငယ်သာ ရှိခဲ့ပါတယ်။ ဘာ့ကြောင့်လည်းဆိုတော့ လက်ရှိအခြေအနေကို ထိန်းသိန်းထားချင်တဲ့ အဓိပတိ အယာတိုလာ ခါမေနီဆီကလာတဲ့ ပါဝါကြောင့်ပါပဲ။

    ဒါပေမယ့် တာဗူစီလို လူငယ်စွန့်ဦးတီထွင်သူအမျိုးသမီးတွေဟာ အီရန်ရဲ့လက်ရှိအခြေအနေက ကဏ္ဍတိုင်းကို စိန်ခေါ်ပြီး ပြောင်းလဲနေကြပါတယ်။ တာဗူစီဟာ ၁၉၈၀ ပြည့်လွန်နှစ်တွေက ဖြစ်ခဲ့တဲ့ တော်လှန်ရေးကနေ ပေါက်ဖွားလာသူတစ်ဦးဖြစ်ပြီး အသက် ၂၀ အရွယ်မှာပဲ ကြိုးစားပမ်းစားအလုပ်လုပ်မှုနဲ့ လွတ်လပ်မှုကို ဆာလောင်ခြင်းတို့အတွက် သူ့ခေတ်သူ့မျိုးဆက်ရဲ့ ချွင်းချက်မဲ့ ဥပမာ ဖြစ်လာပါတော့တယ်။

    “အီရန်မှာ ဒါကတော့ နည်းနည်းထူးဆန်းပါတယ်။ ကျွန်မအတွက်တော့ တက္ကသိုလ်တက်ပြီး အလုပ်လုပ်ဖို့ပါပဲ။ သူငယ်ချင်းတွေနဲ့ အပြင်ထွက်မလည်နိုင်ဘူးပေါ့ရှင်။ ဒါပေမယ့် ကျွန်မ ဒီလိုနေရတာကို နှစ်သက်ပါတယ်။ အလုပ်ကို ချစ်မြတ်နိုးပြီး ကျွန်မမှာ ကောင်းမွန်တဲ့ အသင်းအဖွဲ့တစ်ခုလည်း ရှိနေပါပြီ။ ကျွန်မငယ်ငယ်တုန်းက အဖေတို့အမေတို့ဟာ သူတို့ရဲ့ရုံးတွေကို ခေါ်ခေါ်သွားပြီး အလုပ်စမ်းလုပ်ခိုင်းတယ်။ ပြီးတော့ ပိုက်ဆံပေးပါတယ်။ မျိုးဆက်အသစ်မှာ လူတွေဟာ အလုပ်လုပ်ရတာကို တကယ် ကြိုက်လာမှာပါ။ သူတို့ဟာ မိဘတွေကို မှီခိုနေရတာထက် ကိုယ့်ပိုက်ဆံကိုယ်ရှာပြီး ကိုယ်တိုင်သုံးချင်လာမယ်။ ဒါဟာ မြင့်တက်လာနေတဲ့ ယဉ်ကျေးမှုပါပဲ” လို့တာဗူစီက ပြောကြားခဲ့ပါတယ်။

    ဒီယဉ်ကျေးမှုဟာ အမျိုးသမီးတွေကို အလုပ်ခွင့်မှာ ပိုမိုမြင့်မားတဲ့ တန်ဖိုးကို ရရှိစေပါတယ်။ ဂျာနယ်လစ်တစ်ယောက်ဖြစ်တဲ့ ရှာဟ်ရမ် ရှာရစ်ဖ်က ဖာရစီဘာသာစကားနဲ့ဖ်ာပြတဲ့ ပထမဆုံး အိုင်တီဝဘ်ဆိုက် ITiran.com ကို ထူထောင်ခဲ့ပါတယ်။

    “အရင်က ဒါမျိုး နည်းနည်းပဲရှိပါတယ်။ ဒါပေမယ့် ဒီနေ့မှာတော့ အမျိုးသမီး နည်းပညာဂျာနယ်လစ်တွေ တော်တော်များများ ရှိလာပါပြီ။ ကျွန်မနဲ့ လုပ်ဖော်ကိုင်ဖက်ထဲမှာ ၄ ဦးက အမျိုးသမီးတွေဖြစ်ပါတယ်။ သူတို့နဲ့ အလုပ်အတူလုပ်ရတာကို ကျွန်မ ဂုဏ်ယူမိပါတယ်” လို့ ရှာရစ်ဖ်က ဆိုပါတယ်။

    စွန့်ဦးလုပ်ငန်းရှင်တစ်ဦးဖြစ်တဲ့ အီရန်အမျိုးသမီး ဟာမစ်ဒရီဇာ အဟ်မဒီက အီရန်နည်းပညာလုပ်ငန်းနဲ့ စွန့်ဦးတီထွင် လုပ်ငန်းရှင်နယ်ပယ်မှာ အမျိုးသမီးတွေဟာ အားနည်းနေတုန်းပဲလို့ဆိုပြီး ဒါဟာ အီရန်မှာ တစ်မူထူးတာမျိုး၊ တမင်တကာဖြစ်နေတာမျိုး မဟုတ်ဘူးလို့ ဆိုပါတယ်။

    “အမျိုးသမီးတွေအပေါ် ခွဲခြားဆက်ဆံမှုတွေ မရှိဘဲ၊ တူညီစွာ ဆက်ဆံခံရပါတယ်။ သူတို့ရဲ့ တိုးတက်မှုလက်ကြောင်းနဲ့ပတ်သက်လို့လည်း လစ်လျူရှုတာမျိုး မရှိပါဘူး။ လုပ်ငန်းခွင်တွေမှာ အမျိုးသမီးတွေ ပိုမိုပါဝင်လာအောင် ကျွန်မတို့ တက်တက်ကြွကြွ တိုက်တွန်းသင့်ပါတယ်။ ပြီးတော့ ဘုတ်အဖွဲ့တွေမှာလည်း အမျိုးသမီးအဖွဲ့ဝင်တွေ ပါဝင်အောင် ကျွန်မတို့ အသေအချာ လုပ်ဆောင်သင့်ပါတယ်။ ဒီပြောင်းလဲမှုတွေကို မကြာခင်မှာ ကျွန်မတို့ မြင်လာရမှာပါ” လို့ အဟ်မဒီက ပြောကြားခဲ့သည်။

    တကယ်တော့ ဘွဲ့နှစ်ခု၊ သုံးခု ရထားတဲ့အမျိုးသမီးတွေ များလာခြင်းနဲ့အတူ လူ့စွမ်းအားအရင်းအမြစ် ပိုလျှံနေတဲ့ပြဿနာကို ဖြေရှင်းရလိမ့်မယ်လို့လည်း အဟ်မဒီက ယုံကြည်နေပါတယ်။

    “အီရန်အမျိုးသမီးတွေဟာ သိပ်တော်ကြတယ်။ ပညာလည်းတော်တော် တတ်ကြပါတယ်။ သူတို့ကို သုံးလို့တောင် မကုန်ပါဘူး။ သူတို့ရဲ့ ပါရမီကို ဖြုန်းတီးနေသလိုပါပဲ။ သူတို့ကို အိုင်တီနဲ့ အခြားသောလုပ်ငန်းတွေမှာ လိုအပ်ချက်ကြောင့် ၀င်လာတာမျိုးဖြစ်ဖို့ လှုပ်ရှားဆောင်ရွက်မှုတွေ ရှိရပါတော့မယ်”

    အီရန်နိုင်ငံရဲ့ နည်းပညာနယ်ပယ်မှာ အမျိုးသမီးတွေပါဝင်မှု အရေအတွက်ဟာ မြင့်တက်လာနေပြီးအမျိုးသားလုပ်ဖော်ကိုင်ဖက်တွေရဲ့ ထောက်ပံ့မှုနဲ့သာ ရှေ့ဆက်နိုင်မယ်လို့ တာဗူစီက ဆိုပါတယ်။

    “အမျိုးသမီးတွေဟာ ပိုမိုပါဝင်သင့်တယ်လို့ ကျွန်မထင်ပြီး သူတို့ကလည်း ပိုမိုပါဝင်နေကြပါတယ်။ ပြီးခဲ့တဲ့နှစ် စွန့်ဦးလုပ်ဆောင်သူတွေကို တွေ့ဆုံရာမှာ အမျိုးသမီးတည်ထောင်သူတွေ တစ်ယောက်မှ မပါဝင်ပါဘူး။ ဒီနေ့အချိန်မှာတော့ နည်းပညာလုပ်ငန်းကို တည်ထောင်သူ ၁၅ ဦးဟာ အမျိုးသမီးတွေဖြစ်နေပြီး ဒါဟာ တည်ထောင်သူတွေရဲ့ ၁၀ ရာခိုနှုန်းပမာဏဖြစ်ပါတယ်။ သုညကနေ ၁၀ ရာခိုင်နှုန်းဖြစ်လာတာဟာ ကောင်းတဲ့လက္ခဏာပါပဲ”

    (Forbes မဂ္ဂဇင်း၏ ၀ဘ်ဆိုက်မှ Set To Take Over Tech: 70% Of Iran’s Science And Engineering Students
    Are Women ဆောင်းပါးကို ဆီလျောအောင် ဘာသာပြန်ဆိုသည်)

  • “ကမ္ဘာကြီးရဲ့ခေါင်မိုး” လို့ တင်စားခံရတဲ့ တိဘက်က ကြောက်မယ်ဖွယ် သဘာဝပတ်ဝန်းကျင် ပြဿနာများ

    “ကမ္ဘာကြီးရဲ့ခေါင်မိုး” လို့ တင်စားခံရတဲ့ တိဘက်က ကြောက်မယ်ဖွယ် သဘာဝပတ်ဝန်းကျင် ပြဿနာများ

    ဒီဇင်ဘာ ၁၁၊ ၂၀၁၅
    M-Media

    tibet

    – ကမ္ဘာ့ခေါင်းဆောင်တွေက ပဲရစ်မှာ ရာသီဥတုပြောင်းလဲမှုအတွက် ခေါင်းချင်းရိုက်ဆွေးနွေးနေကြတဲ့အချိန် “ကမ္ဘာကြီးရဲ့ ခေါင်မိုး” လို့ တင်စားခေါ်ဝေါ်ကြရတဲ့ တိဘက်နိုင်ငံကတော့ ဆိုးရွားတဲ့ သဘာဝပတ်ဝန်းကျင်ဆိုင်ရာ ပြဿနာတွေနဲ့ ရင်ဆိုင်နေရပါတယ်။

    နိုင်ငံတစ်ဝှမ်းက ရေခဲပြင်ကြီးတွေဟာ မြင့်တက်လာတဲ့ အူချိန်ကြောင့် လျင်လျင်မြန်မြန်ပဲ အရည်ပျော်နေတယ်လို့ တိဘက်တက်ကြွလှုပ်ရှားသူတစ်ဦးက ပြောပါတယ်။

    “တိဘက်ကုန်းပြင်မြင့်ကြီးရဲ့ ကမ္ဘာလုံးဆိုင်ရာအရေးပါမှုကို ကမ္ဘာကြီး၊ ကုလနဲ့ နိုင်ငံခေါင်းဆောင်တွေ၊ နိုင်ငံတကာအသိုင်းအ၀ိုင်းတွေက လှည့်ကြည့်သင့်တယ်လို့ ကျွန်တော်တို့ တောင်းဆိုနေပါတယ်။ ပြီးတော့ တိဘက်ကုန်းပြင်မြင့်ဟာ ကမ္ဘာ့ ရာသီဥတုဆိုင်ရာ ဆွေးနွေးမှုတွေမှာ အဓိကအကြောင်းအရာ ဖြစ်သင့်ပါတယ်” လို့ သဘာဝပတ်ဝန်းကျင်ဆိုင်ရာ သုတေသနပညာရှင် တမ်ပါ ဂျာလ်ဆန် ဇမ်လ်ဟာက ဒီဇင်ဘာ ၁၀ ရက်နေ့မှာ ပြောကြားခဲ့ပါတယ်။

    “ဒါဟာ ပဲရစ်က COP21 (ရာသီဥတုပြောင်းလဲမှုဆိုင်ရာ ညီလာခံ)အတွက် ကျွန်တော်တို့ တိုက်တွန်းချင်တဲ့ ကိစ္စပါပဲ”

    ဇမ်လ်ဟာ ဟာ ပဲရစ်က အဲဒီညီလာခံကို တီဘက်ပေါ်လစီရေးရာအသင်း CTA ကို ကိုယ်စားပြုပြီး တက်ရောက်နေတဲ့သူ ဖြစ်ပါတယ်။

    တီဘက်ကုန်းပြင်မြင့်ဟာ ရေခဲပြင်ပေါင်း ၄၆၀၀၀ တည်ရှိတဲ့ နေရာဖြစ်ပြီး အဲဒီ ရေခဲပြင်တွေဟာ အိန္ဒိယရဲ့ တရုတ်နိုင်ငံတွေအပါအ၀င် အာရှနိုင်ငံတော်တော်များများကို စီးဆင်းတဲ့ မြစ်တွေရဲ့ အဓိက ရင်းမြစ်တစ်ခုလည်း ဖြစ်နေပါတယ်။

    “တိဘက်ကနေ မြစ်ဖျားခံစီးဆင်းတဲ့ ရေကို အာရှပြည်သူ ၁.၃ ဘီလီယံလောက်က မှီခိုနေရပါတယ်။ ဒါပေမယ့် ရာသီဥတုပြောင်းလဲမှုကြောင့် ဒီရေခဲပြင်ကြီးတွေဟာ နှစ်ဆတိုးအရည်ပျော်နေပြီး ကမ္ဘာကြီးရဲ့ အခြားနေရာတွေက ရေခဲပြင်တွေထက် ပိုမြန်မြန် အရည်ပျော်နေတာလည်း ဖြစ်ပါတယ်။ ဒါဟာ ရေအရင်းအမြစ် ဖူလုံရေး ပြဿနာပါပဲ” လို့ COP21 ညီလာခံကို တက်ရောက်နေတဲ့ တီဘက်တက်ကြွလှုပ်ရှားသူ လော့ဘ်ဆန် ယန်ဆိုက ပြောပါတယ်။

    ပင်လယ်ရေမျက်နှာပြင်အထက် မီတာ ၄၀၀၀ အမြင့်မှာတည်ရှိပြီး ဟိမ၀န္တာတောင်တန်းရဲ့ထိပ်မှာ စကွဲယားကီလိုမီတာ ၂.၅ သန်း ကျယ်ပြန့်တဲ့ တိဘက်ကုန်ပြင်မြင့်ဟာ ကမ္ဘာပေါ်မှာရှိတဲ့ ကုန်းပြင်မြင့်တွေထဲမှာ အကြီးဆုံး ကုန်းပြန်မြင့်လည်း ဖြစ်ပါတယ်။

    “အကြီးဆုံးနဲ့ အရေးပါဆုံး မြစ်ကြီး ၆ သွယ်က တီဘက်ကနေ မြစ်ဖျားခံလာပြီး အိန္ဒိယနဲ့ ပါကစ္စတန်အပါအ၀င် ကမ္ဘာပေါ်မှာ လူဦးရေအထူထပ်ဆုံး နိုင်ငံ ၁၀ ခုစီကို စီးဆင်းနေပါတယ်။ တိဘက်ကုန်းပြင်မြင့်မှာဖြစ်တဲ့ အပြောင်းအလဲတွေဟာ အဲဒီတိုင်းပြည်တွေအတွက်လည်း သက်ဆိုင်မှု ရှိနေမှာပါ။ ချက်ခြင်းလက်ငင်းဖြစ်မယ့် အကျိုးဆက်တွေက ရေကြီးတာမျိုးနဲ့ အချိန်အခါမဟုတ် မိုးရွာသွန်းမှုတွေပါပဲ” လို့ ဇမ်လ်ဟာက ဆိုပါတယ်။

    COP21 ညီလာခံပြီးဆုံးဖို့ တစ်ရက်သာလိုတော့တဲ့အချိန်မှာ ကမ္ဘာ့ခေါင်းဆောင်တွေကတော့ ကမ္ဘာ့အပူချိန်ကို အလျင်အမြန် မြင့်တက်စေတဲ့ ကာဘွန်ထုတ်လွှတ်မှု တရားဝင်လျော့ချရေး သဘောတူညီချက်ရရှိဖို့ နောက်ဆုံး မိနစ်အထိ ဆွေးနွေးငြင်းခုံနေကြတုန်းပါပဲ။

    စက်မှုထွန်းကားတဲ့နိုင်ငံတွေကတော့ အိန္ဒိယနဲ့ တရုတ်နိုင်ငံတို့လို ဖွံ့ဖြိုးဆဲနိုင်ငံတွေ ဒီဝန်ထုတ်ဝန်ပိုးကို ပိုမိုမျှဝေဖို့ အင်တိုက်အားတိုက် ကြိုးစားနေကြပါတယ်။

    တိဘက်တက်ကြွလှုပ်ရှားသူတွေကတော့ တိဘက်က စီးဆင်းတဲ့ မြစ်ကြောင်းတွေဟာ ကမ္ဘာ့လူဦးရေရဲ့ ၃ ပုံ ၁ ပုံကို အထောက်အကူပြုနေတာကြောင့် ကမ္ဘာကြီးဟာ တိဘက်ကို လစ်လျူမရှုသင့်ဘူးလို့ ဆိုပါတယ်။

    တရုတ်ဟာ တိဘက်မှာ ဆည်တွေအများအပြားဆောက်ထားပြီး၊ သတ္ထုတွင်းလုပ်ငန်းတွေကိုလည်း တော်တော်များများ လုပ်ကိုင်နေတာကြောင့် ရလဒ်အနေနဲ့ တိဘက်က လှည့်လည်သွားလာနေထိုင်သူ လူမျိုး(နော်မဒ်) တွေဟာ ပြောင်းရွှေ့ပေးနေရပါတယ်။

    “တရုတ်တွေကြောင့် နော်မဒ်လူမျိုး ၂ သန်းကျော်လောက်ဟာ သူတို့ရဲ့နေရာကနေ အိုးအိမ်စွန့်ခွာ ထွက်ပြေးခဲ့ရပါတယ်။ တိဘက်က ဒီနော်မဒ်တွေရဲ့ အသက်မွေးဝမ်းကြောင်းမှုဟာ မရေရာမသေချာတော့ဘူး။ လူငယ်မျိုးဆက်တွေဟာလည်း တိဘက်ယဉ်ကျေးမှုနဲ့ ဘာသာစကားကို ဆုံးရှုံးခဲ့ရပါတယ်။ တိဘက်ပြည်သူတွေဟာ ရာသီဥတုဆိုးဝါးမှုရလဒ်ကို လျော့ပါးသက်သာစေတဲ့၊ လိုက်လျောညီထွေဖြစ်အောင်လုပ်တဲ့ လုပ်ငန်းစဉ်တွေမှာ ပါဝင်သင့်ပါတယ်” လို့ လော့ဘ်ဆန်က ပြောခဲ့ပါတယ်။

    “ပေါ်လစီရေးဆွဲတဲ့နေရာမှာ တိဘက်တွေရဲ့အသံကိုလည်း ထည့်သွင်းသင့်ပါတယ်။ တရုတ်အစိုးရကလည်း တိဘက်ပြည်သူတွေဟာ ပြဿနာမဟုတ်ဘဲ သဘာဝပတ်ဝန်းကျင်ပြဿနာရဲ့ အဖြေဖြစ်တယ်ဆိုတာကိုလည်း အသိအမှတ်ပြုသင့်ပါတယ်” လို့ သူမက ထပ်လောင်းပြောကြားခဲ့ပါတယ်။

    တိဘက်ပြည်သူတွေကတော့ တရုတ်နိုင်ငံဟာ သူတို့ရဲ့ သဘာဝပတ်ဝန်းကျင်ကို လစ်လျူရှုပြီး သူတို့ရဲ့ယဉ်ကျေးမှုနဲ့ ဗုဒ္ဓဘာသာကို ဖျက်ဆီးနေတယ်လို့ စွပ်စွဲခဲ့ကြပါတယ်။

    တိဘက်ပြည်သူတွေရဲ့ နာမ်ပိုင်းဆိုင်ရာခေါင်းဆောင်ဖြစ်တဲ့ ဘုန်းတော်ကြီးဒလိုင်းလားမားကတော့ မကြာသေးမီက ထုတ်ပြန်ခဲ့ဗီဒီယိုမှာ ဒီလိုပြောကြားခဲ့ပါတယ်။

    “ဒီစိမ်းလန်းတဲ့ကမ္ဘာကြီးဟာ ကျွန်တော်တို့ရဲ့ တစ်ခုတည်းသော နေအိမ်ကြီးဖြစ်ပြီး တိဘက်ကတော့ အဲဒီအိမ်ရဲ့ အမိုးဖြစ်ပါတယ်။ တိဘက်ကုန်းပြင်မြင့်ဟာ ကာကွယ်ဖို့လိုအပ်နေပြီး ဒါဟာ တိဘက်ပြည်သူတွေအတွက်သာ မဟုတ်ဘဲ သဘာဝပတ်ဝန်းကျင် ကျန်းမာရေးနဲ့ ကမ္ဘာကြီးရေရှည်တည်တံ့ဖို့အတွက်ပါပဲ”

    ဒလိုင်းလားမားဟာ ၁၉၅၉ ခုနှစ်မှာ အိန္ဒိယနိုင်ငံကို ပြောင်းရွှေ့ခဲ့ရပြီး အဝေးရောက်အစိုးရဖွဲ့စည်းခဲ့ကာ ရုံးချုပ်ကတော့ အိန္ဒိယတောင်ပေါ်မြို့လေးဖြစ်တဲ့ ဒါရမ်ဆာလာမှာ တည်ရှိပါတယ်။

    တိဘက်ရဲ့ သဘာဝပတ်ဝန်းကျင်ထိခိုက်ခြင်းဟာ ကမ္ဘာ့ထိပ်သီးအစည်းအဝေးတွေက ဆွေးနွေးညှိနှိုင်းသူတွေရဲ့ စကားဝိုင်းမှာ အာရုံစိုက်မှု ရမှာမဟုတ်ဘူး ဆိုတာကိုလည်း တက်ကြွလှုပ်ရှားသူတွေက ရိပ်စားမိကြပါတယ်။

    “ကျွန်တော်တို့ဟာ အစိုးရတွေကိုပဲ မှီခိုလို့မရပါဘူး။ ကျွန်တော်တို့ အတူတကွ အလုပ်လုပ်ဖို့လိုတယ်။ ဒါဟာ အစိုးရကိစ္စမဟုတ်ပါဘူး။ ပြည်သူ့ကိစ္စပါ။ သူတို့ဟာ ရာသီဥတုပြောင်းလဲမှုကို အခံစားရဆုံးသူတွေပါ။ ကျွန်တော်တို့ရဲ့ ရည်ရွယ်ချက်က သဘာဝပတ်ဝန်းကျင်ကို တကယ် ဂရုစိုက်တဲ့ အရပ်ဖက်အဖွဲ့အစည်းတွေ၊ အန်ဂျီအိုတွေနဲ့ သိပ္ပံပညာရှင်တွေ ပါဝင်တဲ့ ကွန်ယက်တွေ ဖွဲ့ဖိုပါပဲ” လို့ လော့ဘ်ဆန်က ပြောကြားခဲ့ပါတယ်။

    (Aljzaeera သတင်းဌာနမှ Roof of the world’ cries for climate action ဆောင်းပါးကို ဆီလျော်အောင်
    ဘာသာပြန်ဆိုသည်)

     

  • ဒေါ်အောင်ဆန်းစုကြည် သမ္မတဖြစ်ဖို့ တားဆီးထားတဲ့ ၅၉(စ) ယာယီ ဆိုင်းငံ့ ဖို့ဖြစ်လာမှာလား

    ဒေါ်အောင်ဆန်းစုကြည် သမ္မတဖြစ်ဖို့ တားဆီးထားတဲ့ ၅၉(စ) ယာယီ ဆိုင်းငံ့ ဖို့ဖြစ်လာမှာလား

    daw-aung-san-suu-kyi-attends-parliament

    ဒေါ်အောင်ဆန်းစုကြည်အား  ဖွဲ့စည်းပုံဥပဒေမှ တားဆီးထားသည့် သမ္မတဖြစ်ရေး အခွင့်အလမ်းအတွက် အမြင်သစ်တစ်မျိုးဖြင့် တင်ပြလာသည်ကိုတွေ့ရသည်။

    ပြီးခဲ့သည့်လ ရွေးကောက်ပွဲတွင် ရှုံးနိမ့်ခဲ့သော USDP ပါတီမှ  အမတ်တစ်ဦး ဖြစ်သည့် သူရဦးအောင်ကိုမှ အကြံပြုချက်တခုကို ပြောကြားခဲ့ခြင်းဖြစ်သည်။

    “၂၀၀၈ ဖွဲ့စည်းပုံ အခြေခံ ဥပဒေပါ ပုဒ်မ ၅၉(စ)ကို  ယာယီ ဆိုင်းငံ့ စေမည့် အဆိုတစ်ရပ်ကို လာမယ့် လွှတ်တော်မှာ တင်သွင်းလို့  လွှတ်တော်အမတ် ၅၀ ရာခိုင်နှုန်းအထက်၏ ထောက်ခံမဲ ရရှိခဲ့ရင် အတည်ပြုနိုင်ပါတယ်”  ချင်းပြည်နယ်၊ ကန်ပက်လက်မြို့နယ် ကိုယ်စားပြု  လက်ရှိ ပြည်သူ့လွှတ်တော်အမတ် သူရဦးအောင်ကို မှ The Myanmar Times သို့ ၂၀၁၅ ဒီဇင်ဘာ ၉ ရက်တွင် ပြောကြားခဲ့သည်။

    ပုဒ်မ ၅၉(စ)မတွင် ခင်ပွန်းသည်နှင့် သားသမီးများက နိုင်ငံခြားသား စာရင်းဝင်နေသူကို သမ္မတ ရာထူးအတွက် အမည် တင်သွင်းခွင့် တားဆီးထား၏။

    သို့သော်လည်း စစ်တပ်မှ မိမိ ကိုယ်ကျိုးစီးပွား ကာကွယ်ရေးအတွက် ရေးဆွဲထားခဲ့သည့် ၂၀၀၈ အခြေခံဥပဒေ၌ အဆိုပါပုဒ်မအား ဆိုင်းငံ့ရင် ခွင့်ပြုထားခြင်း မပါရှိသော်လည်း ယခင် အခြေခံဥပဒေများ၌မူ ထိုသို့ပြုလုပ်ခွင့်ရှိကြောင်းတွေ့ရသည်။

    ပုဒ်မ ၅၉(စ) ဖယ်ရှားရန် သို့မဟုတ် အပြောင်းအလဲပြုလုပ်ရန် လွှတ်တော်ကိုယ်စားလှယ် အားလုံး၏ ၇၅ ရာခိုင်နှုန်း အထက် ထောက်ခံပေးရန် လိုအပ်နေသည်။ သို့ဖြစ်ရာ လွှတ်တော်နှစ်ရပ်လုံးရှိ စစ်တပ်အုပ်စုက ၂၅ ရာခိုင်နှုန်၏အဆုံးအဖြတ်က အခရာကျနေကြောင်း ပေါ်လွင်လျက်ရှိ၏။

    “လူထုဆန္ဒအရ၊ နိုင်ငံတကာ အသိုင်းအ၀ိုင်းဆန္ဒအရ NLD ဥက္ကဋ္ဌကို သမ္မတနေရာ တင်မြှောက်ရေးအတွက် လက်ရှိအနေအထားမှာ ပုဒ်မ ၅၉(စ)ကို ပြောင်းလဲလိုက်ဖို့ မလိုအပ်ပါဘူး။ လာမယ့် လွှတ်တော် အစည်းအဝေးမှာ ဒီပုဒ်မကို (အသက်ဝင်မှု ဆိုင်းငံ့ထားရေး) အဆိုပြုချက်တစ်ရပ်ကို တင်သွင်းရပါ့မယ်။ တကယ်လို့ လွှတ်တော် ကိုယ်စားလှယ် ထက်ဝက်ကျော်က ထောက်ခံမယ်ဆိုရင် လွှတ်တော်က ဒီအတိုင်းဖြစ်စေဖို့ ဆုံးဖြတ်ပေးပါလိမ့်မယ်။ ဒါဆိုရင် ဒေါ်အောင်ဆန်းစုကြည်ကို သမ္မတအဖြစ် ရွေးချယ်နိုင်ပြီဖြစ်ပါတယ်” ဟု သူရဦးအောင်ကိုက ပြောပြသည်။

    သူရဥိးအောင်ကိုသည် ပြည်ထောင်စု လွှတ်တေ်ာ နာယက သူရဦးရွှေမန်းနှင့် နီးစပ်သူဖြစ်ပြီး၊ ပြီးခဲ့သည့်သြဂုတ်လအတွင်း ပါတီတွင်းအာဏာသိမ်းပွဲ၌ အခြားသော USDP ခေါင်းဆောင်များနှင့် သဘောထားကွဲလွဲခဲ့သူတစ်ဦးဟု ကျော်ကြားသည်။ ၎င်းအပြင် ဒေါ်အောင်ဆန်းစုကြည်နှင့် ဆက်ဆံရေးကောင်းကို ဆက်လက် ထိန်းသိမ်းလိုသူဖြစ်ကာ လွှတ်တော်ထဲတွင် ဘေးချင်းယှဉ် အတူထိုင်လေ့ရှိသည်။ သို့သော် သူသည် ဤအခွင့်အရေးကို ကြာရှည်ရတော့မည် မဟုတ်။ သူနှင့်ဦးရွှေမန်း နှစ်ဦးစလုံး နိုဝင်ဘာ ၈ ရွေးကောက်ပွဲ၌ ရှုံးနိမ့်သွားခဲ့၍ဖြစ်သည်။

    ပုဒ်မ ၅၉(စ) ဆိုင်းငံ့ရေး စိတ်ကူးနှင့်ပတ်သက်ပြီး ဥပဒေကျွမ်းကျင်ပညာရှင်များအကြား အမြင်အမျိုးမျိုးဖြင့် ဆွေးနွေးလျက်ရှိကြသည်။

    “စစ်တပ်အတွက်ကတော့ စွန့်စားရမယ့် ခြေလှမ်းပါ။ ဒီအချက်က အခြေခံဥပဒေ အပြောင်းအလဲအပေါ်ရှိတဲ့ ဗီတို အာဏာကို ထိခိုက်သွားနိုင်လို့ပါပဲ၊ အဲ့ဒီဗီတိုအာဏာကိုလည်း ဆိုင်းငံ့ရမယ့်အနေအထား ဖြစ်နေပါတယ်” ဟု ၀ါရင့်  နိုင်ငံရေး သုံးသပ်သ တစ်ဦးက သုံးသပ်သည်။

    NLD ၏ ဥပဒေအကြံပေး ဦးကိုနီက လွှတ်တော် ကိုယ်စားလှယ်အများစု၏ ထောက်ခံမှုအားဖြင့် ပုဒ်မ ၅၉(စ) ယာယီဆိုင်းငံ့မှုမှာ နည်းပညာအယူအဆပိုင်းအရ ဖြစ်နိုင်သည်ဟု မိမိ ယုံကြည်ကြောင်း၊ သို့သော် ၎င်းတို့ထက် အရေးအကြီးဆုံးမှာ စစ်တပ်၏ သဘောတူထောက်ခံမှုဖြစ်နေသဖြင့် ဖြစ်နိုင်ဖွယ် နည်းပါးကြောင်း  မြန်မာတိုင်းမ်သို့ ပြောကြားသည်။

    ဒေါ်အောင်ဆန်းစုကြည်ကို သမ္မတနေရာ တင်မြှောက်နိုင်ရေးအတွက် ပုဒ်မ ၅၉(စ)အား ဖျက်သိမ်းခြင်းထက် ယာယီဆိုင်းငံ့ခြင်းကို စစ်တပ်မှ သဘောတူလိုလားနိုင်ခြေရှိသည်ဟုလည်း နိုင်ငံရေး သုံးသပ်သူ အချို့မှ သုံးသပ်နေကြသည်။

    လွှတ်တော်အမတ်နေရာ ၈၀ ရာခိုင်နှုန်းနီးပါး ရရှိထားသည့် NLD ပါတီ၏ခေါင်းဆောင် အသက် ၇၀ နှစ်အရွယ် ဒေါ်အောင်ဆန်းစုကြည်က သူမသည် သမ္မတ နေရာ ရသည်ဖြစ်စေ မရသည်ဖြစ်စေ အနာဂတ်အစိုးရကို ပဲ့ကိုင် ထိန်းကျောင်းပေးသွားမည်ဟု ရှင်းလင်းစွာ ဆိုထားခဲ့ပြီးဖြစ်သည်။

    ဒီဇင်ဘာ ၄ ရက်က ဗိုလ်ချုပ်မှူးကြီးဟောင်း ဦးသန်းရွှေနှင့် NLD ခေါင်းဆောင်တို့၏ ရှောင်တခင်တွေ့ဆုံခဲ့ချိန်ကစပြီး ဖြစ်ပေါ်လာနိုင်သည့် ရလဒ်များအပေါ် ငြင်းခုံခန့်မှန်းချက် အမျိုးမျိုးဖြစ်နေသည်။

    ကြားဝင်သူအဖြစ်ဆောင်ရွက်ခဲ့သော အာဏာရှင်ဟောင်း၏ မြေးဖြစ်သူ၏စကားများအရ “ရွေးကောက်ပွဲအနိုင်ရပြီးသည့်နောက် မြန်မာ့ အနာဂတ်ခေါင်းဆောင်မှာ ဒေါ်အောင်ဆန်းစုကြည်သာ ဖြစ်ပါမည်” ဟု ဦးသန်းရွှေမှ ပြောကြားခဲ့ကြောင်း သိရသည်။

    အဆိုပါပြောကြားချက်များ၊ ဒီဇင်ဘာ ၂ ရက်က သမ္မတဦးသိန်းစိန်နှင့် စစ်တပ်အကြီးအကဲ မင်းအောင်လှိုင်တို့နှင့် တွေ့ဆုံဆွေးနွေးမှုများ၊ သူရဦးရွှေမန်းနှင့် ဆွေးနွေးနွေးမှုများ အပေါ်မူတည်ပြီး ပုဒ်မ ၅၉(စ) ဆိုင်းငံ့ရေးဖြစ်နိုင်ဖွယ်ရာ မြင့်မားနေသည်ဟူ၍ မိမိဖက်မှခံစားရကြောင်း၊ အဆိုပါဆွေးနွေးမှုများမှ ရလဒ်ကောင်းများ ထွက်ရှိခဲ့ကြောင်း၊ နာမည်ပျက် စာရင်းဝင် အေးရှားဝေါလ်ရန်ကုန်ဆိပ်ကမ်းနှင့်အခြားအခရာကျသည်များအပေါ် အမေရိကန်၏ ပိတ်ဆို့မှုလျှော့ချမည့် ဆုံးဖြတ်ချက်ဖြစ်လာသည်ကို တွေ့လာရကြောင်း  တရားစီရင်ရေးနှင့်ဥပဒေရေးရာစိစစ်ရေး ကော်မတီခေါင်းဆောင်သူရဦးအောင်ကိုက ဆိုသည်။

    “ဆိုင်းငံ့တယ်ဆိုတာ ရုပ်သိမ်းလိုက်တာ မဟုတ်ပါဘူး။ စီးပွားရေးနဲ့ သံတမန်ရေးရာတွေမှာတော့ အခွင့်အာဏာ တည်နေဦးမှာပါ။ တကယ်လို့ တိုင်းပြည်နောက်ပြန်ဆုတ်ခဲ့ရင်တော့ အဲ့ဒါတွေက ပြန်လည်အသက်ဝင်လာမှာပဲ”။

    ပုလဲမြို့နယ် လွှတ်တော်ကိုယ်စားလှယ် ဒေါ်ခင်စန်းလှိုင်က သူမသည် သူရဦးအောင်ကို၏ အမြင်ကို ထောက်ခံကြောင်း မြန်မာတိုင်းမ်သို့ ပြောကြားသည်။

    “ဒါဟာ ပြောင်းလဲဖို့အခွင့်အရေးပါပဲ။ တကယ်လို့ လူတိုင်းက လက်ခံသဘောတူမယ်ဆိုရင် လက်ရှိလွှတ်တော်သက်တမ်း မကုန်ဆုံးခင် ဖြစ်ပေါ်သွားမှာပါ။ ဘာကြောင့်လဲဆိုတော့ ဒေါ်အောင်ဆန်းစုကြည်ကို သမ္မတအဖြစ် လူတိုင်းက မြင်တွေ့ချင်နေကြတာလေ”။

    သို့သော်လည်း ယင်းအဆိုပြုချက်အပေါ် USDP အတွင်းပိုင်း၌လည်း အတိုက်အခံပြုနေသူများ ရှိသည်။

    ဗဟိုအလုပ်အမှုဆောင်ဟောင်း ဦးဇော်မြင့်ဖေက “ဒီ(အခြေခံဥပဒေ ဆိုင်းငံ့ခြင်း)ကိစ္စကို ကျွန်တော် ကြားပြီးပါပြီ။ ဒါပေမယ့် ကျွန်တော့်အမြင်အရ ဒါဟာ မဖြစ်နိုင်ပါဘူး” ဟု ဆိုသည်။

    ယင်းအရေးအရာကို ဥပဒေကျွမ်းကျင်ပညာရှင်များနှင့် ဆွေးနွေးပြီးဖြစ်ကြောင်း သူရဦးအောင်ကိုက ပြောကြားလိုက်ပါသည်။

    “ဆွေးနွေးမှုတွေကတော့ ရှိနေဦးမှာပါပဲ။ အဲ့ဒီနောက် အဖြေတစ်ခုကို ကျွန်တော်တို့ တွေ့ရပါလိမ့်မယ်”။

    xxxxxxxxxxxxxxxxxxxxxxxxxxxxxx

    The Myanmar Times မှ ထူးသန့် ရေးသားသော New idea floated to allow NLD leader to assume presidency သတင်းဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။

  • IS ကို လက်နက်တွေ ဘယ်သူထောက်ပံ့နေလဲ

    ဒီဇင်ဘာ ၈၊ ၂၀၁၅
    M-Media

    – အီရတ်နဲ့ ဆီးရီးယားမှာ IS အဖွဲ့ရဲ့ အကြမ်းဖက်လှုပ်ရှားမှုကို အဲဒီအဖွဲ့ကို တိုက်ခိုက်မယ်လို့ ဆိုထားတဲ့ နိုင်ငံတွေက လက်နက်တွေ သွယ်ဝိုက်ထောက်ပံ့ပေးခြင်းအားဖြင့် ကူညီနေတယ်လို့ နိုင်ငံတကာ လူ့အခွင့်အရေးအဖွဲ့တစ်ခုဖြစ်တဲ့ Amnesty International က အင်္ဂါနေ့မှာထုတ်ပြန်တဲ့ အစီရင်ခံစာမှာ ဖော်ပြထားပါတယ်။

    Taking Stock: The arming of Islamic State ဆိုတဲ့ခေါင်းစဉ်နဲ့ ထုတ်ပြန်ခဲ့တဲ့ အဲဒီအစီရင်ခံစာမှာ ဒီလို ဖော်ပြလိုက်တာဖြစ်ပြီး ၂၀၀၃ ခုနှစ်က အမေရိကန်ဦးဆောင်တဲ့ အီရတ်ကျူးကျော်စစ်ကလည်း ဒီအကြမ်းဖက်အဖွဲ့ကို လက်နက်တွေ တစ်ပုံတစ်ပင် ရရှိစေခဲ့တယ်လို့ ထည့်သွင်းဖော်ပြထားပါတယ်။

    IS အဖွဲ့ဟာ သူတို့ရဲ့ လက်နက်ခဲယမ်းတွေကို အီရတ်စစ်တပ်ရဲ့ လက်နက်တိုက်တွေကို ၀င်စီးရာကနေ ရရှိထားတာ ဖြစ်ပါတယ်။ ဒါပေမယ့် တိုက်ပွဲတွေ၊ အီရတ်စစ်တပ်ရဲ့ အညံ့ခံမှုနဲ့ တရားမ၀င်ကုန်သွယ်မှုတွေကနေ တစ်ဆင့်လည်း သူတို့ဟာ လက်နက်တွေ ရရှိခဲ့ပြီး သူတို့အတွက် လက်နက်ခဲယမ်းဟာ ဖူဖူလုံလုံ ဖြစ်ခဲ့ပါတယ်။

    အစီရင်ခံစာမှာတော့ ၂၀၁၄ ခုနှစ်မှာ အီရတ်ရဲ့ ဒုတိယအကြီးဆုံး မူဆိုးလ်မြို့ကို IS က သိမ်းပိုက်ပြီးတဲ့နောက်ပိုင်း အီရတ်စစ်တပ်ရဲ့ လက်နက်တိုက်တွေကနေ အမေရိကန်က ထုတ်လုပ်တဲ့လက်နက်တွေ စစ်ဘက်ဆိုင်ရာယာဉ်တွေ အပါအ၀င် နိုင်ငံတကာထုတ် လက်နက်တွေကို IS က အုံနဲ့ကျင်းနဲ့ ရရှိခဲ့တယ်လို့ ဖော်ပြထားပါတယ်။ ဒီအကြမ်းဖက်အဖွဲ့ကတော့ သူတို့ လုယက်ရရှိထားတဲ့ အဲဒီလက်နက်တွေကို ကိုင်ပြီး စစ်ရေးပြတာကို ဆိုရှယ်မီဒီယာတွေမှာတောင်မှ လွှင့်တင်လိုက်ပါသေးတယ်။

    “အီရတ်ကို ဆယ်စုနှစ်များစွာ လက်နက်တွေ အဆီးအတားမရှိ စီးဝင်ခဲ့တာဟာ IS အဖွဲ့က အဲဒီဒေသတွေကို ထိန်းချုပ်နိုင်တဲ့အခါ သဘောပါလာခဲ့ပြီး သူတို့တွေဟာ အရုပ်ဆိုင်ထဲက ကလေးတွေလို မြူးထူးကြပါတော့တယ်။ ယူကေအပါအ၀င် အခြားနိုင်ငံတွေက အမှုမှတ်အမှတ်မဲ့ တင်ပို့ပေးလိုက်တဲ့ လက်နက်တွေက IS လက်ထဲမှာ အဆုံးသတ်သွားတယ်ဆိုတဲ့ အချက်အလက်ဟာ လက်ရှိ လက်နက်ရောင်းဝယ်မှု သဘောတူညီချက်တွေကို ရပ်တန့်ဖို့ အကြောင်းပြချက်ကောင်း ဖြစ်သင့်ပါတယ်” လို့ ယူကေ Amnesty အဖွဲ့ရဲ့ လက်နက်အစီအစဉ်ဆိုင်ရာ ဒါရိုက်တာဖြစ်သူ အိုလီဗာ စပရာဂူးက ဆိုပါတယ်။

    “အန္တရာယ်တွေကို ပိုပြီး ဂရုတစ်စိုက် တွက်ဆသင့်တယ်။ ပြီးတော့ ရက်စက်ကြမ်းကြုတ်မှုတွေကို မီးလောင်ရာ လေပင့်ပေးမယ့် လက်နက်ရောင်းချမှုတွေကို တားဆီးဖို့ မဆောင်ရွက်ခင် အဆိုးဆုံးအခြေအနေကြီးကို ကျွန်တော်တို့ စောင့်မနေသင့်ပါဘူး”

    IS ရဲ့ လက်နက်တိုက်ထဲက လက်နက်တွေထဲမှာ လူက အလွယ်ထိန်းချုပ်လို့ရတဲ့ လေကြောင်းရန်ကာကွယ်ရေးစနစ် MANPADSတွေ၊ ပဲ့ထိန်း တင့်ဖျက်ဒုံးကျည်တွေ၊ လက်နက်တပ် တိုက်ပွဲဝင်ယာဉ်တွေ၊ ရုရှားနဲ့ တရုတ်နိုင်ငံက ထုတ်လုပ်တဲ့ ကာလာရှင်ကော့ဗ် ရိုင်ဖယ်မျိုးစုံ၊ အမေရိကန်ထုတ် M16 ရိုင်ဖယ်တွေနဲ့ Bushmaster လက်နက်တွေ ရှိနေပါတယ်။

    “IS လို့ခေါ်တဲ့ လက်နက်ကိုင်အုပ်စုဟာ အမျိုးအမျိုးအဖုံဖုံသော လက်နက်တွေကို အသုံးပြုနိုင်နေတာက ပစ်စလတ်ခတ် လက်နက်ရောင်းဝယ်မှုဟာ ဒီလို ကြီးမားတဲ့ ရက်စက်ကြမ်းကြုတ်မှုတွေကို ဖြစ်စေတတ်ပါလားဆိုတဲ့ အကောင်းဆုံးသော ဥပမာ တစ်ရပ်ပါပဲ” လို့ Amnesty International က လက်နက်ထိန်းချုပ်မှု၊ လုံခြုံရေးနဲ့ လူ့အခွင့်အရေးဆိုင်ရာ သုတေသနပညာရှင် ပက်ထရစ် ၀ီလ်ကန်က ဆိုပါတယ်။

    “ညံ့ဖျင်းတဲ့စည်းမျဉ်းဥပဒေတွေ၊ လွန်ခဲ့တဲ့ ၁၀ စုနှစ်တွေအတွင်းမှာ အီရတ်နိုင်ငံကို လက်နက်အဆီးအတားမရှိ စီးဆင်းမှုတွေကို စောင့်ကြည့်အကဲဖြတ်မှု လစ်ဟာတာတွေက IS နဲ့ အခြားလက်နက်ကိုင်အုပ်စုတွေ မကြုံစဖူး လက်နက်အင်အားကို ရရှိစေခဲ့ပါတယ်” လို့ သူက ထပ်လောင်းပြောကြားခဲ့ပါတယ်။

    ဒါပေမယ့် အမေရိကန်တော့ ယခင်ကအမှားတွေကနေ ရရှိခဲ့တဲ့ သင်ခန်းစာတွေကို နာယူမယ့်ပုံ မပေါ်သေးပါဘူး။ ၂၀၁၁ ခုနှစ်နဲ့ ၂၀၁၃ ခုနှစ်အကြားမှာ အမေရိကန်ဟာ အီရတ်အစိုးရနဲ့ ဒေါ်လာဘီလီယံနဲ့ချီ လက်နက်ရောင်းချမှု စာချုပ်တွေ ချုပ်ဆိုခဲ့ပါတယ်။ ၂၀၁၄ ခုနှစ်မှာတော့ ဒေါ်လာ သန်း ၅၀၀ တန်ဖိုးရှိတဲ့ လက်နက်ငယ်တွေနဲ့ ခဲယမ်းတွေကို အီရတ်ကို ပေးပို့ခဲ့ပါတယ်။

    ၂၀၁၄ ခုနှစ် ဒီဇင်ဘာမှာ အမေရိကန်ကွန်ဂရက်ဟာ အာဖဂန်၊ အီရတ်နဲ့ ဆီးရီးယားနိုင်ငံတွေလို နိုင်ငံခြားတိုင်းပြည်တွေက စစ်ပွဲတွေအတွက် ဒေါ်လာ ဘီလီယံ ၆၀ ထောက်ပံ့ပေးဖို့အဆိုကို အတည်ပြုခဲ့ပါတယ်။ အလယ်အလတ်သူပုန်တွေကို လေ့ကျင့်ပေးဖို့ ဒေါ်လာ သန်း ၅၀၀ လောက်ကုန်ကြမယ့် အစီအစဉ်တစ်ခုမှာ လက်တစ်ဆုပ်စာလောက်သာ လူလူသူသူ ဖြစ်လာတာကလွဲလို့ အစီအစဉ် အလုပ်မဖြစ်တဲ့အခါမှာတော့ အိမ်ဖြူတော်ဟာ ခြေမကိုင်မိ လက်မကိုင်မိ ဖြစ်သွားခဲ့ပါတယ်။

    ဒီထက်ပိုဆိုးတာက အလတ်လတ်သူပုန်တွေဟာ သူတို့ရဲ့လက်နက်တွေကို အလ်-နူဆရာတပ်ဦးလို အဖွဲ့တွေကို လက်လွှဲခဲ့ပြီး ဆီးရီးယားကို ဖြတ်ကျော်သွားခဲ့တဲ့ အခါမှာတော့ အမေရိကန်က လေ့ကျင့်ပေးထားတဲ့ အဲဒီသူပုန်တွေရဲ့ လက်နက်တွေဟာလည်း အကြမ်းဖက်အုပ်စုတွေလက်ထဲကို ရောက်ရှိသွားခဲ့ပြန်ပါတယ်။

    “ကျွန်တော်တို့ဟာ အလ်-ကိုင်းဒါးလို အကြမ်းဖက်အဖွဲ့ကို အမှုမဲ့အမှတ်မဲ့ ကူညီနေသလိုများ၊ အားပေးနေသလိုများ ဖြစ်နေမလားဆိုပြီး စောစောပိုင်းကတည်းက စိုးရိမ်မှုတွေရှိခဲ့ပါတယ်။ ကျွန်တော့်ရဲ့ စိုးရိမ်မှုက တကယ်ဖြစ်လာတာကို တွေ့ရတော့ စိတ်မကောင်းဖြစ်မိပါတယ်” လို့ ကွန်နက်တီကတ်ပြည်နယ်က ဒီမိုကရက်ပါတီဝင်တစ်ဦးဖြစ်သူ ခရစ် မာဖီက ပြောပါတယ်။

    အမေရိကန် Amnesty International အဖွဲ့က အရှေ့အလယ်ပိုင်းနဲ့ မြောက်အာဖရိကဆိုင်ရာ အသိပညာပေးအဖွဲ့ ဒါရိုက်တာဖြစ်သူ ဆန်ဂျီးဗ် ဘာရီကလည်း ဒီလိုပဲ ဝေဖန်ခဲ့ပါတယ်။

    “IS လက်နက်ကိုင်တပ်ဖွဲ့ကို အားနည်းစေဖို့ ချေမှုန်းပစ်ဖို့ ဒရောသောပါး ဆောင်ရွက်မှုမှာ အိုဘားမားအစိုးရဟာ နိုင်ငံတကာ လူ့အခွင့်အရေး ၀တ္တရားတွေကို နင်းခြေမပစ်ဖို့ လိုပါတယ်” လို့ ဘာရီက ဆိုပြီး ဒီလို မဆင်မခြင် လုပ်ဆောင်မှုဟာ အီရတ်နဲ့ ဆီးရီးယားတို့မှာ လူ့အခွင့်အရေးချိုးဖောက်မှုတွေကို အကြီးအကျယ်ကျူးလွန်နေတဲ့ လက်နက်ကိုင်အုပ်ိစုတွေရဲ့လက်ထဲကို လက်နက်တွေပိုပြီး ရောက်သွားစေဖို့ လမ်းဖွင့်ပေးလိုက်တာလို့ မှတ်ချက်ပေးခဲ့ပါတယ်။

    Ref: RT

  • ခွဲခြား ဆက်ဆံခံရမှုမှသည် နာမည်ကျော် ဖက်ရှင် ဒီဇိုင်နာဖြစ်လာသူ

    ခွဲခြား ဆက်ဆံခံရမှုမှသည် နာမည်ကျော် ဖက်ရှင် ဒီဇိုင်နာဖြစ်လာသူ

    ဒီဇင်ဘာ ၄ ၊ ၂၀၁၅
    M-Media
    မိုးဝေ တင်ဆက်သည်။
    9143f7007fa14c86ae4d67bcdff724e8_18
    – ကမ္ဘာတစ်ဝှမ်းတွင် H&M ဟုသိကြသည့် ဆွီဒင်ဖက်ရှင်ကုမ္ပဏီ Hennes & Mauritz က ၂၀၁၅ ခုနှစ် ၎င်းတို့၏ ဈေးကွက်မြှင့်တင်ရေး ဗီဒီယိုတွင် ဟီဂျဘ်ပုဝါ ၀တ်ဆင်ထားသော မွတ်စလင်အမျိုးသမီးတစ်ဦးအား ထည့်သွင်းဖော်ပြမှုက ပြီးခဲ့သည့်သတင်းပတ်များအတွင်း မီဒီယာများ၌ ခေါင်းကြီးသတင်း ဖြစ်ခဲ့သည်။

    ထိုကဲ့သို့ ဟီဂျဘ်ဝတ်ဆင်မှုကို ပရိုမိုရှင်းလုပ်ပေးသော ဆွီဒင်ဖက်ရှင်လုပ်ငန်းများတွင် H&M က ပထမဆုံးတော့မဟုတ်။ Ahlens လက်လီအရောင်းဆိုင်ကြီးကလည်း ၎င်းတို့၏ ၂၀၁၅ အရောင်းမြှင့်တင်ရေး ဗီဒီယိုတွင် ဟီဂျဘ်ဝတ်ဆင်ထားသည့် မွတ်စလင်အမျိုးသမီးအား ထည့်သွင်းဖော်ပြခဲ့သည်။

    အဆိုပါ အဖြစ်အပျက်နှစ်ခုစလုံးအတွက် ချီးကျူးမှုများ ရရှိခဲ့သော်လည်း ဝေဖန်မှုများ ရှိခဲ့ပြီး တစ်ချို့က ထိုကုမ္ပဏီများမှာ “ဟီဂျဘ်ပုဝါကို သာမန်ဝတ်စားဆင်ယင်မှုမျိုး ဖြစ်အောင်လုပ်ကာ အမျိုးသမီးများအား ဖိနှိပ်ချုပ်ချယ်မှုကို အားပေးနေသည်” ဟု စွပ်စွဲကြသည်။

    ဂျော်ဒန်မိဘမှ ဆွီဒင်တွင် မွေးဖွားခဲ့သည့် မွတ်စလင်ဒီဇိုင်နာ အီမန် အလ်ဒီဘီကတော့ ထိုသဘောထားများနှင့်ပတ်သက်၍ နေသားကျနေပြီ ဖြစ်သည်။

    သူမ၏ ဒီဇိုင်းတော်တော်များများက အရည်အသွေးကောင်းပြီး ဈေးကြီးသည့် ခေါင်းဆောင်းပုဝါများဖြစ်ပြီး ဆွီဒင်၊ ပဲရစ်၊ နယူးယောက်နှင့် ဒူဘိုင်းတို့ရှိ သီးသန့်ဆိုင်ကြီးများတွင် ရောင်းချကြသည်။

    ရှေ့ဆောင်အီမာမ်၏ သမီး
    ———————————
    သို့သော်လည်း ဖက်ရှယ်နယ်ပယ်သို့ သူမ၏ ခြေချမှုမှာ ပန်းခင်းသောလမ်း မဟုတ်ခဲ့။ မကြာသေးမီက အငြိမ်းစားယူသွားခဲ့သည့် ရှေ့ဆောင်အီမာမ်၏ သမီးတစ်ယောက်အဖြစ် အလ်ဒီဘီမှာ စတော့ဟုမ်းရှိ ဘာသာရေးကိုင်းရှိုင်းသော မိသားစုတွင် ကြီးပြင်းလာသူဖြစ်သည်။ ၁၉၉၀ ပြည့်နှစ်များက စတော့ဟုမ်းရှိ  တစ်ခုတည်းသော ဗလီဝတ်ကျောင်းတော်မှာ အဆောက်အအုံတစ်ခု၏ မြေအောက်ခန်းတွင် ရှိပြီး လူမှုရေးစင်တာနှင့် ပူးတွဲဖွင့်လှစ်ထားသည့် နေရာသာ ဖြစ်သည်။

    စုပေါင်းဝတ်ပြုရန်၊ ဓမ္မစာအုပ်များ ၀ယ်ရန်၊ ကုရ်အာန်ကျမ်းတော်မြတ် သင်ကြားရန်နှင့် ဟာလာအစားအသောက်များ ၀ယ်ယူရန်တွက် တစ်နိုင်ငံလုံးမှ မွတ်စလင်များမှာ ထိုဝတ်ကျောင်းတော်အတွင်းသို့ လာရောက်ကြရသည်။ စနေ၊ တနင်္ဂနွေနှင့် အခြားပိတ်ရက်များတွင် ထိုဗလီဝတ်ကျောင်းတော်၌ စုရုံးကြပြီး သာသနာရေးအသိပညာများကို မျှဝေကြသည်။

    ထို အသိုင်းအ၀ိုင်းလေးထဲတွင် ရှေ့ဆောင်အီမာမ်တစ်ဦး၏ သမီးက မည်ကဲ့သို့ ပြုမူနေထိုင်ရမည်ဆိုသည့် သတ်မှတ်ချက်များလည်း ရှိနေသည်။

    “ကျွန်မ အသက် ၆ နှစ်အရွယ်မှာ ဟီဂျဘ်ပုဝါ စ၀တ်တယ်။ အရွယ်ရောက်လာတဲ့အထိ ကျွန်မကို မိသားစုက စောင့်ကြည့်ခဲ့ကြပါတယ်။ မိတ်ကပ်လိမ်းတာ၊ ကျန်တဲ့မွတ်စလင်လူ့အဖွဲ့အစည်းနဲ့ ခြားနားတဲ့ ကိစ္စတွေ ဆောင်ရွက်တာကို မိသားစုက လက်မခံခဲ့ပါဘူး။ ကျွန်မမှာ တာဝန်တွေ တစ်ပုံတစ်ပင်ရှိနေတယ်၊ ဖြည့်ဆည်းရမယ့် အခန်းကဏ္ဍတစ်ခုလည်း ရှိနေတယ်လို့ ကျွန်မ ခံစားခဲ့ရပါတယ်” ဟု အသက် ၃၀ ရှိဖြစ်သည့် အလ်ဒီဘီက ပြောကြားခဲ့သည်။
    ae35b0b4e9674e90b2aaac5504af4cb2_18
    သို့သော်လည်း ဖက်ရှင်အပေါ် သူမ၏ စိတ်ဝင်စားမှုက တစ်ဖြည်းဖြည်းဖြင့် ကြီးထွားလာခဲ့သည်။

    “အမေနဲ့ အမေ့သူငယ်ချင်းတွေဝတ်တဲ့ တူညီခြုံထည်တွေ၊ တစ်ရောင်တည်းသာဖြစ်နေတဲ့ ခေါင်းဆောင်းပုဝါတွေကို ကြည့်ပြီး ကျွန်မ နှစ်သက်လေ့မရှိတာကို မှတ်မိပါတယ်။ သူတို့ဟာ အမြဲတမ်း ပုံတုံးကြီးတွေ ၀တ်လေ့ရှိပြီး အဲဒီအချိန်တုန်းကလည်း အိနြေ္ဒသိက္ခာရှိတဲ့ ၀တ်စုံဆိုလို့ ဆိုင်တွေမှာ ဒါမျိုးတွေပဲရှိတာကိုး” ဟု သူမက ရှင်းပြသည်။

    အသက် ၁၆ နှစ်အရွယ်တွင် အလ်ဒီဘီတစ်ယောက် အထက်တန်းကျောင်း၌ ဖက်ရှင်ပညာကို စတင်သင်ကြားခဲ့ပြီး အ၀တ်အစားများဖန်တီးရေး သူမ၏ ၀ါသနာအတွက် စွန့်ဦးတီထွင်မှုအခန်းကဏ္ဍ ရှိနေသည်ကိုလည်း သူမက အလျင်အမြန် သဘောပေါက်ခဲ့လေသည်။ ထို့နောက် ဘွဲ့ဝတ်စုံနှင့် မင်္ဂလာဆောင်ဝတ်စုံများကို တီထွင်ဖန်တီးခဲ့ပြီး ထိုလက်ရာများမှာ ဖက်ရှင်ကျသလောက် အိနြေ္ဒသိက္ခာရှိသည့် ၀တ်စုံများလည်း ဖြစ်ခဲ့သည်။

    “သူငယ်ချင်းတွေ ဆွေမျိူညာတကာတွေလို ကျွန်မနဲ့ နီးစပ်တဲ့အသိုင်းအ၀ိုင်းက မှာယူမှုအနည်းငယ်တော့ ရှိခဲ့ပါတယ်”

    တက္ကသိုလ်တွင် အလ်ဒီဘီတစ်ယောက် ဂျာနယ်လစ်နှင့် ဥပဒေဘာသာရပ်ကို သင်ယူခဲ့သည်။ သို့သော်လည်း တစ်နှစ်တာ ကျင်လည်ခဲ့ပြီးနောက် တစ်နှစ်နားရန် ဆုံးဖြတ်ခဲ့လေသည်။

    fdc41ca293f346f4a3c186e4afc12219_18

    ဟီဂျဘ် ဘက်သို့ တစ်ဖန်ပြန်လှည့်
    ———————————
    ကျောင်းနားသည့် ထိုတစ်နှစ်က သူ့အမတွက် အလွန်တန်ဖိုးရှိခဲ့ပြီး ဖက်ရှင်လောက တကယ့်လက်တွေ့ ရောင်းချမှုတွင် မည်သို့ အလုပ်လုပ်သည်ဆိုသည်ကိုလည်း သိခဲ့ရသည်။ သို့သော်လည်း ထိုကာလတွင်ပင် အလ်ဒီဘီမှာ ဟီဂျဘ်ဆန့်ကျင်ရေး ခွဲခြားဆက်ဆံမှုများကိုလည်း ပထမဆုံး ခံစားခဲ့ရလေသည်။

    ဖက်ရှင်ဆိုင်ငယ်တစ်ခု၏ အပြင်ဘက်တွင် အရောင်းစာရေးအလုပ်အတွက် လူခေါ်ထားသည့် ကြော်ငြာကြောင့် အလုပ်သွားလျှောက်သည်ကို သူမ မှတ်မိနေသည်။

    “အဲဒီနေရာအတွက် စုံစမ်းဖို့ ကျွန်မ အထဲဝင်သွားတော့ လူခန့်ထားပြီးပြီလို့ အပြောခံခဲ့ရပါတယ်။ ကျွန်မ သိပ်မယုံတာကြောင့် ဟီဂျဘ်မ၀တ်ထားတဲ့ သူငယ်ချင်းတစ်ယောက်ကို အဲဒီဆိုင်ကို ပြန်လွှတ်ခဲ့ပါတယ်။ သူက မေးတဲ့အခါမှာတော့ ဘယ်တော့လောက် အလုပ်စ၀င်လို့ရမလဲလို့ ဆိုင်က ပြန်ပြောခဲ့တယ်” ဟု သူမက ပြောကြားခဲ့သည်။

    အလုပ်အကိုင်ရှာဖွေပေးသည့် စင်တာမှတစ်ဆင့် အရောင်းစာရေးအလုပ်ကို သူမ ရှာဖွေခဲ့ရသည့် အချိန်လည်း ရှိခဲ့သည်။ ထိုအချိန်တွင်တော့ တာဝန်ခံက အလုပ်လုပ်ရာတွင် ဘာသာရေးမပါရဟု သူမကို ပြောခဲ့သည်။

    “အဲဒီလူက ကျွန်မကို ဟီဂျဘ်ချွတ်လိုက်တာ ပိုကောင်းမယ်လို့ ပြောခဲ့ပါတယ်” ဟု သူမ တွေ့ကြုံရမှုကို အလ်ဒီဘီက ပြောကြားခဲ့သည်။

    ထိုအဖြစ်အပျက်များအတွက် စိတ်ပျက်အားလျော့ရသော်လည်း ဆုံးဖြတ်ချက် ပြတ်သားသည့် အလ်ဒီဘီမှာ တက္ကသိုလ်ပြန်တက်ခဲ့ပြီး ၂၀၁၂ ခုနှစ်တွင် ရုပ်သံဂျာနာလစ်ဇင် ဘာသာရပ်၊ ဥပဒေဘာသာရပ်တို့ဖြင့် ဘွဲ့ရခဲ့သည်။

    နောက်ဆုံးတွင်တော့ ဖက်ရှင်ဆိုင်ငယ်တစ်ခုတွင် အချိန်ပိုင်းအလုပ် ရခဲ့သည်။ သို့သော်လည်း ပထမဆုံးအနေဖြင့် သူမ၏ ခေါင်းဆောင်းပုဝါအတွက် ဆန်းသစ်မှုအချို့ ပြုလုပ်ခဲ့ရလေသည်။

    “(ဟီဂျဘ်ဝတ်တဲ့ပုံစံကို) ပြောင်းလဲဖို့ ကျွန်မ ကြိုးစားခဲ့ရပါတယ်။ မျက်နှာတစ်ဝိုက်မှာ ရစ်ပတ်ရမယ့်အစား အာဖရိကရိုးရာ ခေါင်းဆောင်ပုဝါတွေလို အားလုံးကို အနောက်မှာ စုချည်ခဲ့တယ်။ အဲဒီပုံစံအတိုင်း အင်တာဗျူးသွားခဲ့ပြီး အလုပ်ရခဲ့ပါတယ်” ဟု သူမက ပြောကြားခဲ့သည်။

    ဈေးဝယ်သူများက သူမ၏ ဒီဇိုင်းအား ချီးကျူးမှုကိုလည်း အလ်ဒီဘီက ပြန်ပြောင်းပြောပြခဲ့သည်။

    db289e652e51454297f6ee7a8e11d5a1_18

    “ကျွန်မရဲ့ ယုံကြည်ချက် အယူဝါဒကို မထိခိုက်စေတဲ့ ပြောင်းလဲမှုအချို့ကို လုပ်နိုင်ခဲ့တယ်လို့ ကျွန်မ ခံစားရပါတယ်။ ပြီးတော့ ဒီပြောင်းလဲမှုကို ကျွန်မရဲ့ သာသနာနဲ့ ဆွီဒင်လူ့အဖွဲ့အစည်းကလည်း လက်ခံနိုင်ပါလိမ့်မယ်” ဟု သူမက ပြောကြားခဲ့သည်။

    ၂၀၀၆ ခုနှစ်တွင် ဆွီဒင်ရုပ်သံလိုင်း TV4 ၏ ဟီဂျဘ်ပုဝါစတိုင်များအကြောင်း ဆွေးနွေးသော မနက်ပိုင်း အစီအစဉ်တွင် အခြားသော မွတ်စလင်ဒီဇိုင်နာများနှင့်အတူ အလ်ဒီဘီတစ်ယောက် ပေါ်လာခဲ့သည်။

    “ထိုအစီအစဉ်ပြီး နောက်ပိုင်းမှာ ဆွီဒင်ထိပ်တန်းသတင်းစာ Aftonbladet က ဆွီဒင်မှာရှိတဲ့ ကုန်တိုက်တွေကို သွားပြီး ခေါင်းဆောင်းပုဝါ ရောင်းချဖို့နဲ့ မွတ်စလင်ဖက်ရှင်တွေအတွက် နေရာပေးဖို့ စဉ်းစားနေလားလို့ မေးမြန်းခဲ့ပါတယ်” ဟု အလ်ဒီဘီက ရှင်းပြခဲ့သည်။

    အဖြေကတော့ “No” ဟု ရခဲ့ကြောင်း သတင်းစာက သူမကို ပြန်ပြောခဲ့လေသည်။

    ထို့နောက်တွင်တော့ အလ်ဒီဘီက မွတ်စလင်ဖက်ရှင်များကို ပိုမိုခေတ်မီအောင် ဆောင်ရွက်ရေးနှင့် ပတ်သက်၍ အသေအချာကို စဉ်းစားလာခဲ့သည်။ ထိုးဖောက်မှုမရှိသေးသည့် မွတ်စလင်အမျိုးသမီးများ၏ အ၀တ်အစားဈေးကွက်ကြီးမှာ မည်မျှလောက် ကြီးမားသည်ကို သိရှိလာသည့်အချိန်တွင် ကုန်တိုက်များက ၎င်းတို့၏ သဘောထားကို ပြောင်းလဲမည်ဟု သူမက အသေအချာ သိလာခဲ့သည်။ ထို့ကြောင့် အလ်ဒီဘီမှာ “ရိုးရိုးယဉ်ယဉ်” ဖက်ရှင်စီးပွားရေးလုပ်ငန်းကို စတင်ခဲ့လေတော့သည်။

    723c5361fc1e4d35870cf8db99c05993_18

    လစ်ဟာမှုတစ်ခု ဖြည့်ဆည်းခြင်း
    ———————————
    “နှစ်အနည်းငယ်က ဟီဂျဘ်ခေါင်းဆောင်းပုဝါကို ရောင်းချဖို့ ငြင်းဆိုခဲ့တဲ့ ကုန်တိုက်အချို့ဟာ အခုတော့ လိုလိုလားလားကို ရောင်းချနေပြီး မွတ်စလင်ဖက်ရှင်တွေကနေ အကျိုးအမြတ်တွေ ရယူနေတာကို ကြည့်ရမြင်ရတာ စိတ်ဝင်စားစရာပါပဲ” ဟု အလ်ဒီဘီက ပြောကြားခဲ့သည်။

    ထိုဖက်ရှင်ဈေးကွက်က ကြီးထွားလာနေသည့် ဈေးကွက်တစ်ခုဖြစ်သည်။ Thomson Reuters မှ ၂၀၁၄-၁၅ အတွက် ထုတ်ပြန်သည့် အစီရင်ခံစာတွင် ၂၀၁၃ ခုနှစ် ကမ္ဘာတစ်ဝှမ်းရှိ မွတ်စလင်များက အ၀တ်အစားနှင့် ဖိနပ်တို့အတွက် သုံးစွဲမှုမှာ ကန်ဒေါ်လာ ၂၂၆ ဘီလီယံရှိသည်ဟု ဖော်ပြထားသည်။ ၂၀၁၉ ခုနှစ်တွင် ၄၈၄ ဘီလီယံအထိ တိုးတက်မည်ဟုလည်း ခန့်မှန်းထားသည်။

    ကမ္ဘာတစ်ဝှမ်းရှိ သန်းနှင့်ချီသော မွတ်စလင်ဈေးဝယ်သူများအတွက် Mango နှင့် DKNY ကဲ့သို့သော တံဆိပ်များက မွတ်စလင်များ ဥပုသ်သီလဆောက်တည်သည့် ရမ်ဇာန်ဥပုသ်လတွင် အီးဒ်ပွဲတော်အတွက် အဆင်များကိုသာ ရောင်းချပေးသည်။

    အလ်ဒီဘီက ထို ဈေးကွက်လစ်ဟာမှုကြီးကို သတိပြုမိခဲ့လေသည်။ သူမက ဖောက်သည်များကို မေးမြန်းဆန်းစစ်ပြီးနောက် အများစုက အသင့်ဝတ် ခေါင်းဆောင်းပုဝါများကို ၀ယ်ယူဝတ်ဆင်ချင်သည်ကို သူမက သိရှိခဲ့သည်။ ထိုအချက်က ခေါင်းပေါင်းများဖန်တီးရန် ရရှိသည့် အတွေးလည်း ဖြစ်ခဲ့သည်။ အခုလက်ရှိတွင် Happy Turan ဟုခေါ်သည့် သီးသန့် ခေါင်းပေါင်းအဆင်ဒီဇိုင်းတစ်ခု သူမတွင် ရှိနေပြီဖြစ်သည်။ ထူးခြားသည့် ပုံစံများဖြင့် ဖန်တီးထားသော အဆိုပါခေါင်းပေါင်းများကို မွတ်စလင်များတင်မဟုတ်ဘဲ မွတ်စလင်မဟုတ်သူများအကြားတွင်ပင် ရေပန်းစားနေသည်။

    သို့သော်လည်း အဆိုပါ ခေါင်းဆောင်းပုဝါများကိုသာ အလ်ဒီဘီက ဒီဇိုင်းထုတ်သည်မဟုတ်။

    “မွတ်စလင်ဖက်ရှင်သမားတွေအတွက် သင့်တော်တဲ့ အ၀တ်အစားတွေကိုလည်း ကျွန်မ ဖန်တီးပါတယ်” ဟု အလ်ဒီဘီက ပြောကြားခဲ့သည်။

    သို့သော်လည်း သူမ၏ ဖန်တီမှုများမှာ လွယ်လွယ်နှင့် ပေါက်ခဲ့သည်မဟုတ်။

    “ကျွန်မလုပ်နေတာတွေကို လူတွေလက်ခံလာဖို့ နှစ်တော်တော် ကြာခဲ့ပါတယ်”

    ၂၀၀၁ ခုနှစ်တွင် ခေတ်ပေါ်မွတ်စလင်ဖက်ရှင်အား စတင်ဖော်ထုတ်ခဲ့သည့်အချိန်က ရင်ဆိုင်ခဲ့ရသည့် ဝေဖန်မှုများကိုလည်း သူမက ပြန်ပြာင်းပြောပြသည်။ သူမကိုဝေဖန်သူများက အုပ်စုနှစ်စုဖြစ်ပြီး မွတ်စလင်များနှင့် ဆွီဒင်အမျိုးသားရေးဝါဒီများဖြစ်သည်။

    ၎င်း၏ တီထွင်ဆန်းသစ်မှုများကို မနှစ်မြို့သည့် မွတ်စလင်အချို့နှင့်ပတ်သက်၍ အလ်ဒီဘီက “ဥရောပကိုရောက်လာတဲ့ မွတ်စလင်အချို့က ဖယ်ကျဉ်ခံရမှုကို ခံစားနေရတယ်လို့ ကျွန်မ ထင်ပါတယ်။ ပြီးတော့ သူတို့ရဲ့ ယဉ်ကျေးမှုနဲ့ ဘာသာတရား ကဏ္ဍတိုင်းကိုလည်း တတ်နိုင်သမျှ လက်မလွှတ်ချင်ကြဘူး။ အဲဒီလို လက်လွှတ်လိုက်ရပြီဆိုရင် ဆုံးရှုံးသွားတယ်လို့ သူတို့ ခံစားရပါတယ်” ဟု ပြောကြားခဲ့သည်။

    သို့သော်လည်း သူမအား သံသယမျက်စိဖြင့် ကြည့်ကြသူများကို အလ်ဒီဘီက အနိုင်ယူခဲ့သည်။

    “တစ်ချိန်က ကျွန်မကို တော်တော်ဝေဖန်ခဲ့ကြတဲ့သူတွေဟာ ဒီနေ့မှာတော့ ကျွန်မဖောက်သည်တွေ ဖြစ်နေပါပြီ” ဟု သူမက ဖွင့်ဟခဲ့သည်။

    ၉/၁၁ တိုက်ခိုက်မှု နောက်ပိုင်းတွင် အလှည့်အပြောင်းတစ်ခု ဖြစ်လာခဲ့သည်ဟု အလ်ဒီဘီက ဆိုသည်။

    မွတ်စလင်များအပေါ် ရန်လိုတိုက်ခိုက်မှုများ မြင့်တက်လာခဲ့ပြီး ဟီဂျဘ်ပုဝါ ၀တ်ဆင်ထားသည့် အမျိုးသမီးများမှာလည်း မလုံမခြုံ ခံစားရလာသည်။ တစ်ချို့က ဟီဂျဘ်အား မ၀တ်ဆင်တော့ရန် ရွေးချယ်ခဲ့သည်။ အလ်ဒီဘီကဲ့သို့ အခြားသူများကတော့ အဆိုပါဟီဂျဘ်ကို ခေတ်မီဆန်းသစ်အောင် ဆောင်ရွက်ကြလေတော့သည်။

    အလ်ဒီဘီအတွက် ထိုသို့ဆောင်ရွက်ခြင်းက ဖက်ရှင်ဒီဇိုင်း တီထွင်ဖန်တီးခြင်းထက်ကို ပိုလေသည်။ ယခင်က ဆွီဒင်တွင် ၀တ်စားဆင်ယင်မှုနှင့် စပ်လျဉ်း၍ သတ်မှတ်ထားသည့် စည်းမျဉ်းစည်းကမ်းများကြောင့် မွတ်စလင်အမျိုးသမီးများမှာ အလုပ်လျှောက်ရာတွင် မည်မျှ အခက်အခဲနှင့် ရင်ဆိုင်ရသည်ကို သူမက ရှင်းပြခဲ့သည်။

    သို့သော်လည်း ရဲတပ်ဖွဲ့ဝင် မွတ်စလင်အမျိုးသမီးများ ၀တ်ဆင်ရန်အတွက် ယူနီဖောင်း ဟီဂျဘ်ပုဝါကို ဖန်တီးရန်  ၂၀၀၇ ခုနှစ်တွင် ဆွီဒင်ရဲတပ်ဖွဲ့က အလ်ဒီဘီအား တာဝန်ပေးခဲ့သည်။ ယခုအချိန်တွင်တော့ သူမ၏ ဟီဂျဘ်ပုဝါ ဒီဇိုင်းက ဆွီဒင်မွတ်စလင်ရဲမေများအတွက် ယူနီဖောင်းအဖြစ် အသုံးပြုနေပြီဖြစ်သည်။ ထို့ပြင် ဆွီဒင်စစ်တပ်၊ မီးသတ်၊ ဆေးဘက်ဆိုင်ရာနှင့် ဆေးရုံများတွင် အသုံးပြုရန်အတွက် ဟီဂျဘ်ပုဝါကိုလည်း သူမပင် ဒီဇိုင်းဆွဲ ဖန်တီးနေသည်။

    “မွတ်စလင်တွေအပေါ်မှာရှိနေတဲ့ မကောင်းမြင်မှုတွေကို ဖယ်ရှားဖို့အတွက် ကျွန်မက ဖက်ရှင်ကို လက်နက်တစ်ခုအဖြစ် အသုံးချပါတယ်။ မွတ်စလင်အမျိုးသမီးတွေဟာ ဖိနှိပ်ခံနေရတယ်ဆိုတဲ့ အနောက်တိုင်းက မြင်နေတဲ့ပုံရိပ်နဲ့၊ အဲဒီပုံရိပ်ကြောင့် မွတ်စလင်အမျိုးသမီးတွေ လူ့အဖွဲ့အစည်းကနေ ကင်းကွာသွားတာကိုလည်း ကျွန်မ တွန်းလှန်ချင်ပါတယ်။ ကျွန်မတို့ဟာ လုပ်နိုင်တယ်၊ မလုပ်နိုင်ဘူးဆိုတာကို လူ့အဖွဲ့အစည်းက သတ်မှတ်တာမျိုးထက် အဖြေရှာဖွေခြင်းအားဖြင့် လူ့အဖွဲ့အစည်းမှာ ထူခြားမှုတစ်ခုကို လုပ်ဆောင်ဖို့ ကျွန်မ ကြိုးစားခဲ့ပါတယ်”

    ဖက်ရှင်ဖြင့်ပြောင်းလဲခြင်း
    ———————————
    သူမ၏ ကြိုးပမ်းမှုက လူတိုင်းအပေါ်တွင်တော့ လွှမ်းမိုးနိုင်းခြင်းမရှိ။ မွတ်စလင်ဖက်ရှင်များကို ခေတ်မီအောင် ဖန်တီးမှုကို ရှေးရိုးစွဲ မွတ်စလင်များနှင့် ဆွီဒင်လက်ယာစွန်းရောက်များက မကြိုက်လှ။

    “၂၀၁၁ ကစလို့ ဆွီဒင်အမျိုးသားရေးဝါဒီတွေက ကျွန်မကိုဦးတည်တဲ့ အမုန်းတရားဖြန့်ဖြူးမှုကို လုပ်ဆောင်ကြပြီး ခြိမ်ခြောက်တာမျိုးတွေလည်း ရှိပါတယ်”

    ဖုန်း၊ မက်ဆေ့ခ်ျ၊ Facebook၊ အီးမေးလ်ဖြင့်လည်းကောင်း ၎င်း၏ ဘလော့ဂ်တွင် မှတ်ချက်ရေးခြင်းဖြင့် လည်းကောင်း အလ်ဒီဘီက ခြိမ်းခြောက်မှုများစွာကို ခံခဲ့ရသည်။

    “သတိထားနေ ခင်ဗျားအိမ်ရဲ့ ၀ရန်တာမှာရပ်နေရင်း ခြေချော်ကျသေသွားမယ်။ ဘာမှတ်နေလဲ” ဟူသော မှတ်ချက်များလည်း ပါသည်။

    အချို့သော အင်တာနက်စကားဝိုင်းများတွင် အလ်ဒီဘီမှာ အသက်ရှင်ရန် မထိုက်တန်ဟုပင် ဆွေးနွေးမှုများ ရှိခဲ့သည်။ မွတ်စလင်ရဲမေများအတွက် ဟီဂျဘ်ပုဝါဒီဇိုင်း အပ်နှံခံရပြီးနောက်ပိုင်းတွင် ခြိမ်းခြောက်မှုက ပိုမိုများပြားလာသည်ဟု သူမက ပြောကြားခဲ့သည်။ သို့သော်လည်း အလ်ဒီဘီတစ်ယောက် ဆိတ်ဆိတ်သာ နေခဲ့လေသည်။

    “ဆွီဒင်ရဲတပ်ဖွဲ့မှာ ဟီဂျဘ်ပုဝါ ၀တ်ဆင်ထားတဲ့ မွတ်စလင်အမျိးသမီးတွေကို တွေ့မြင်ရတဲ့အတွက် သိပ်ကိုဂုဏ်ယူပြီး အရမ်းလည်း လေးစားအားကျပါတယ်။ တစ်ခုခုမှာ စွန့်ဦးလုပ်ဆောင်သူဖြစ်ဖို့ဆိုတာ သိပ်တော့မလွယ်ပါဘူး။ တာဝန်ခံမှုက အရမ်းကြီးတယ်။ ဒါပေမယ့် ကျွန်မတို့ မဖြစ်မနေလုပ်ရပါမယ်”

    ယနေ့တွင်တော့ အလ်ဒီဘီ၏  Haute Couture ခေါင်းပေါင်းများကို ဆွီဒင်ရှိ နာမည်ကြီးကုန်တိုက်များတွင် ရောင်းချနေပြီဖြစ်သည်။ သူမက ယူကေဈေးကွက်ကို ထိုးဖောက်ရန် မျှော်လင့်နေသည်။

    “အခုအချိန်မှာ ကျွန်မရဲ့အ၀တ်အစားတွေ၊ ခေါင်းပေါင်းတွေကို ဘာသာပေါင်းစုံက၊ မျိုးရိုးပေါင်းစုံက အမျိုးသမီးတွေ ၀တ်ဆင်နေကြ ပါတယ်။ တစ်ချို့တွေက အဲဒီခေါင်းပေါင်းတွေကို စုဆောင်းကြတယ်။ ဖိနှိပ်ချုပ်ချယ်မှု အရာတစ်ခုလို့ ရှုမြင်နေရာကနေ နှစ်ခြိုက်စရာ ဖက်ရှင်တစ်ခုအဖြစ် ပြောင်းလဲသွားတာမျိုးကို တွေ့ရတာဟာ သိပ်ကို စိတ်ဝင်စားစရာကောင်းပါတယ်” ဟု သူမက ထပ်လောင်းပြောကြားခဲ့သည်။

    ဟီဂျဘ်ပုဝါ ၀တ်ဆင်သည့် မွတ်စလင်အမျိုးသမီးများမှာ ၎င်းတို့၏ ၀တ်စားဆင်ယင်မှုကို မပြောင်းလဲဘဲ ဖက်ရှင်လုပ်ငန်းနှင့် အခြားသောလုပ်းငန်များတွင် ၀င်ရောက်လုပ်ကိုင်လာနိုင်ပြီဟု အလ်ဒီဘီက ၀န်ခံပြောကြားခဲ့သည်။

    သို့သော်လည်း သူမက “လူတိုင်းဟာ ကိုယ့်အထုပ်ကိုယ်ထမ်း ကိုယ့်လမ်းကိုယ် လျှောက်ရတာပါပဲ။ ဆွီဒင်မှာ အရာရာတိုင်း ပြောင်းလဲသွားမယ့် နောက်နှစ် ၁၀၀ လောက်ကို ကျွန်မ မစောင့်နိုင်ပါဘူး။ ပြောင်းလဲမှုအချို့ကို ကျွန်မ လုပ်ခဲ့ရတယ်။ ပြီးတော့ ကျွန်မအတွက် အလုပ်ဖြစ်မယ့် အဖြေတွေကို ရှာဖွေခဲ့ရပါတယ်” ဟု ပြောကြားခဲ့သည်။

    “ကျွန်မဟာ မိန်းမဆန်တယ်လို့ ခံစားရပြီး အရောင်းအသွေးစုံတဲ့၊ သဘာပတ်ဝန်းကျင်နဲ့ လိုက်လျောညီထွေမှုရှိတဲ့ အ၀တ်အစားတွေကို ၀တ်ချင်တယ်။ ဒါ့ကြောင့် ကျွန်မ အဲဒါတွေကို တီထွင်ဖန်တီးခဲ့ပါတယ်” ဟု ဥရောပအမျိုးသမီးငယ်အဖြစ် စတိုင်ကျမှုအတွက် သူမ၏ ဆန္ဒကို ပြောပြခဲ့သည်။

    “ပြသနာတွေကို ဖြေရှင်းဖို့၊ မွတ်စလင်အမျိုးသမီးတွေ အလုပ်ခွင် ပိုဝင်ရေးကို ခွင်ပြုဖို့အတွက် နိုင်ငံရေးနည်းလမ်းအရ အဖြေရှာဖို့ အချိန်တော်ကြာမယ်ဆိုတာ ကျွန်မ စောစောပိုင်းကတည်းက သတိပြုမိခဲ့ပါတယ်။ ဖက်ရှင်ကနေ တစ်ဆင့် ပြဿနာ တော်တေ်ာများများကို ဖြေရှင်းနိုင်မယ်၊ လူ့အဖွဲ့အစည်းမှာ ပိုမိုဝင်ဆံ့လာနိုင်မယ်လို့လည်း ကျွန်မ ခံစားမိပါတယ်”

    “ဖက်ရှင်ဟာ အနုပညာဖြစ်တယ်။ အနုပညာဟာ အပြုသဘောဆောင်ပြီး (မွတ်စလင်အမျိုးသမီးတွေဟာ) ဖိနှိပ်ခံနေရတယ်ဆိုတာ့ တစ်လွဲယူဆချက်တွေကိုလည်း ချေဖျက်မောင်းထုတ်နိုင်ပါတယ်။ ကျွန်မကတော့ ဆက်ပြီး အ၀တ်အစားတွေကို ဖန်တီးသွားချင်ပါတယ်။ ဒါက လူတွေအတွက် အခွင့်အလမ်းတွေ ပြောင်းလဲမှုတွေကို ဆောင်ကျဉ်းပေးလာပါလိမ့်မယ်”

    ref:Al Jazeera