Category: ဆောင်းပါး

ကျမတို့ အတုယူရမည့် မွတ်စလင်တို့၏ ပရဟိတ

မိုးနှင်းဖြူ ရေးသည်။

မွတ်စလင်ကုသိုလ်ဖြစ်ဆေးရုံ( Muslim Free Hospital ) ကို ရန်ကုန်မြို့တွင် ၁၉၃၇ ခုနှစ်က စတင်တည်ထောင်ခဲ့သည်။ မွတ်စလင်ခေါင်းဆောင်တစ်စုက ဆေးဝါးကုသရန် မတတ်စွမ်းနိုင်သော ရန်ကုန်ဒေသခံ ဆင်းရဲနွမ်းပါးသူများကို ကုသပေးရန် တည်ထောင်ခဲ့ခြင်းဖြစ်သည်။ အစဦးပိုင်းတွင် မွတ်စလင်များထံမှရသော ရန်ပုံငွေဖြင့်သာ ရင်းနှီးမတည်ခဲ့သည်။

မွတ်စလင်ကုသိုလ်ဖြစ်ဆေးရုံ(ဘားလမ်းဆေးရုံ)မှာ ယခုတိုင်တည်ရှိကာ ၀န်ဆောင်မှုပေးလျက်ရှိပြီး မြန်မာမွတ်စလင်တို့၏ လှူဒါန်းခဲ့သော အလှူငွေများဖြင့် လည်ပတ်လျက်ရှိသည်။

၁၉၈၈ ခုနှစ်တွင် နိုင်ငံကို Burma မှ Myanmar သို့ပြောင်းလဲခေါ်ဝေါ်ခဲ့ပြီး မြို့ကို Rangoon မှ Yangon မြို့အဖြစ် ပြောင်းလဲခေါ်ဆိုခဲ့သည်။ သို့တိုင်အောင် မွတ်စလင်ကုသိုလ်ဖြစ်ဆေးရုံ၏ ခံယူချက် ဆောင်ရွက်ချက်များမှာ အပြောင်းအလဲမရှိခဲ့ချေ။
ဆေးရုံစတင် တည်ထောင်စဉ်ကပင် လူမျိုးရေး၊ ဘာသာရေးနှင့် ဆင်းရဲချမ်းသာ ခွဲခြားဆက်ဆံမှုမရှိခဲ့။ မြန်မာမွတ်စလင်တို့သည် ဆင်းရဲနွမ်းပါးသော မွတ်စလင်များ၊ ဗုဒ္ဓဘာသာဝင်များ၊ ခရစ်ယာန်ဘာသာဝင်များ၊ ဟိန္ဒိူဘာသာဝင်များအပါအ၀င် မည်သည့်ဘာသာဝင်အတွက်မဆို ကျန်းမာရေးစောင့်ရှောက်မှုပေးရန်အတွက် ဆေးဝါးဒါန ပြုပေးလျက်ရှိသည်။

ယင်းမှာ မြန်မာနိုင်ငံတွင် ဖြစ်ပျက်နေသော ထူးခြားသည့် အံ့သြဖွယ်ရာပင်ဖြစ်သည်။ မြန်မာနိုင်ငံတွင် မွတ်စလင်လူဦးရေမှာ ၄ ရာခိုင်နှုန်းသာရှိ၍ လူနည်းစုဖြစ်သည်။ မြန်မာနိုင်ငံက မွတ်စလင်အများစုမှာ ထိတ်လန့်စွာနေထိုင်ရသည်။ ငြိမ်းချမ်းစွာနေထိုင်သော မွတ်စလင်များအား ဆန့်ကျင်အကြမ်းဖက်မည့် ဘေးအန္တရာယ်မှာလည်း မြင့်တက်လျက်ရှိသည်။

စစ်သွေးကြွ ဗုဒ္ဓဘာသာဘုန်းကြီးတို့က မွတ်စလင်များအား အကြမ်းဖက်ရန် ပေါ်ပေါ်ထင်ထင် လှုံ့ဆော်ကြသည်။ မြန်မာပြည်၏ အချိ့နေရာများတွင် (မွတ်စလင်တို့၏) စီးပွားရေးများ၊ နေအိမ်များ မီးရှို့ခံရသည်။ မွတ်စလင်တို့ သတ်ဖြတ်ခံရသည်။ ဘုန်းကြီးများက မွတ်စလင်တို့အား တိရိစ္ဆာန်နှင့် ခိုင်းနှိုင်းပြောဆိုကာ တိုင်းပြည်မှ ထွက်ခွာသွားရန် တောင်းဆိုခဲ့ကြသည်။ ၂၀၁၃ ခုနှစ်က တိုင်းမ်မဂ္ဂဇင်း ဆောင်းပါးတွင် မန္တလေးမြို့က ဗုဒ္ဓဘာသာဘုန်းကြီးတစ်ပါး၏ အကြမ်းဖက်ဖန်တီးမှုအကြောင်း ရေးသားဖော်ပြခဲ့သည်။ အဆိုပါ ဆောင်းပါးဖော်ပြချိန်ကစပြီး အခြေအနေက ပိုမိုဆိုးရွားလာခဲ့သည်။

သို့တိုင် မွတ်စလင်ကုသိုလ်ဖြစ်ဆေးရုံမှာမူ ဗုဒ္ဓဘာသာ လူများစုကြီးအား ခွဲခြားဆက်ဆံမှုမရှိ အခမဲ့ ကူညီကုသမြဲ ကုသပေးလျက်ပင်ရှိသည်။ ထို့ပြင် ယင်းဆေးရုံ၌ နိုင်ငံရေးရည်ရွယ်ချက်လည်း မရှိချေ။

မွတ်စလင်ကုသိုလ်ဖြစ်ဆေးရုံမှ ၀န်ထမ်းများအကြားတွင်လည်း မတူကွဲပြားသော ဘာသာတရားများအကြား သင့်မြတ်မှုကို လှစ်ဟပြသနိုင်ခဲ့သည်။ မွတ်စလင်၊ ဗုဒ္ဓဘာသာ၊ ခရစ်ယာန်တို့မှ ဆရာဝန်၊ သူနာပြုအားလုံး လေးစာသမှုနဲ့ အတူတကွ လုပ်ကိုင်ကြသည်။
ပံ့ပိုးပေးနိုင်မှု အကန့်အသတ်နှင့်သာရှိသော အဆိုပါ ဆေးရုံ၏ ကုသမှု အရည်အသွေးနှင့် အရေအတွက် မှတ်တမ်းများက အမေရိကန်နိုင်ငံ၌ပင် တွေးကြည့်၍ မရသောနိုင် အချက်အလက်များဖြစ်သည်။ မြန်မာပြည်မွတ်စလင်တို့က နှစ်စဉ် ဒေါ်လာ ၄ သိန်း လှူဒါန်းသည်။ လူနာများတွင် ငွေတတ်နိုင်သူက နိုင်သလောက်ပေးသည်။ ငွေကြေးချို့တဲ့သူများကမူ မပေးနိုင်ကြချေ။

ပြင်ပလူနာဌာနတွင် တစ်ရက်လျှင် လူနာ ၄၅၀ ခန့် ကုသပေးသည်။ ဘားလမ်းဆေးရုံတွင် ကုတင် ၁၆၀ ခန့်ရှိသည်။ လွန်ခဲ့သည့် ၂၀၀၀ ပြည့်နှစ်ကဆိုလျှင် စာရင်းအင်းများအရ တစ်နှစ်အတွင်း ဆေးရုံတက် ကုသလူနာ ၆၀၀၀ ခန့်ကို ၀န်ဆောင်မှုပေးနိုင်ခဲ့သည်။ ဆေးရုံတွင် ဆေးဝါးဌာန၊ ခွဲစိတ်ဌာန၊ သားဖွားဌာနနှင့် မျက်စိအထူးကုဌာန စသဖြင့် ဌာနခွဲများ ဖွင့်လှစ်ထားပြီး ဓါတ်မှန်စမ်းသပ်ခန်း၊ ဆေးပေးခန်း၊ Ultrasound နှင့် ခွဲစိတ်ခန်းများ ရှိသည်။ လက်ရှိအချိန်တွင် ပျမ်းမျှတစ်လအတွင်း မွေးလူနာ ၂၂၀ ခန့်ရှိသည်။
စုစုပေါင်း ဆရာဝန် ၄၅ ဦးက ဆေးရုံတွင် အချိန်ပေး လစာမဲ့လုပ်ကိုင်လျက်ရှိသည်။

ထိတ်လန့်ကြောက်မက်ဖွယ်ရာများနေ့စဉ် ဖြစ်ပျက်နေပြီး ရှုတ်ထွေးပွေလီလှသော ကမ္ဘာကြီးတွင် သူတစ်ပါးတို့အား ကူညီစောင်မရန်အတွက်သာ စိုးရိမ်စိတ်ကြီးနေသူတို့ထံမှ ဖြာထွက်လာသော အလင်းတန်းများကို မြင်ရသည်မှာ ကျေနပ်အားရစရာပင်ဖြစ်၏။

ကျမ ကချင်တိုင်းရင်းသူ တစ်ဦးပါ။
မြန်မာအမည်မိုးနှင်းဖြူပါရှင်
.
** စာရေးသူ မိုးနှင်းဖြူရဲ့ FB စာမျက်နှာမှ ကူးယူဖော်ပြခြင်းဖြစ်ပါသည်။
xxxxxxxxxxxxxxxxxxxxxxxxxxxxxxxxx
ဆက်စပ် သတင်းနှင့် ဆောင်းပါးများ ဖတ်ရန်
——————————–
ငွေကြေးမပြည့်စုံတဲ့ ဝေဒနာရှင်များကို မွတ်စလင် ကုသိုလ်ဖြစ် ဆေးရုံမှာ အခမဲ့ ကျောက်ကပ်ဆေးပေးနေ
http://www.m-mediagroup.com/news/44898
.
မြန်မာမွတ်စ်လင်မ်တို့၏ အကျိုးပြု သမိုင်း တစ်ပုဒ်နှင့် အားလုံး အတွက် စံနမူနာ
http://www.m-mediagroup.com/news/38059
.
မွတ်စ်လင်မ် ကုသိုလ်ဖြစ်ဆေးရုံ က ဒေါက်တာ ဒေါ်ခင်ဝင်းကြူ ရဲ့ ပုံရိပ် တစေ့တစောင်း
http://www.m-mediagroup.com/news/32641
.
မွတ်စ်လင်မ် ကုသိုလ်ဖြစ် အခမဲ့ဆေးရုံသည် မြန်မာ့ ညီညွတ်သွေးစည်းခြင်း မျှော်လင့်ချက်တစ်ခု
http://www.m-mediagroup.com/news/18346
.
လူမျိုး၊ဘာသာမခွဲ ကုသပေးနေတဲ့ မွတ်စလင် ကုသိုလ်ဖြစ်ဆေးရုံ ၇၆ နှစ်ပြည့်တော့မည်။
http://www.m-mediagroup.com/news/8347
.
ကျောက်တံတားမြို့နယ်ရှိ မွတ်စ်လင်မ် ကုသိုလ်ဖြစ်ဆေးရုံ
http://www.m-mediagroup.com/news/2371
.
ပြည်သူ့ဂုဏ်ရည်ဆု ပဏာမစာရင်းတွင် မွတ်စလင်မ် ကုသိုလ်ဖြစ်ဆေးရုံ ၃ ကြိမ်ဆက်တိုက်ပါဝင်ခဲ့
http://www.m-mediagroup.com/news/2363

November 21, 2015
စစ်မီးလျှံ၊ ပဋိပက္ခနှင့် ငြိမ်းချမ်းရေး

နိုဝင်ဘာ ၂၀ ၊ ၂၀၁၅
M-Media
မာန်ထက်သျှံ ရေးသည်။

စစ်တို့မည်သည် လက်နက်ကိုင်သည်။ အကြမ်းဖက်သည်။ အနိုင်ရရေးအတွက် လူ့အသက်ကို သတ်ကြသည်။ လူသားများ၏ အသက်၊အိုးအိမ်၊ စည်းစိမ်များ ဆုံးရှုံး ပျက်စီးတတ်သည်။ ထို့ကြောင့် စစ်ဆိုသော အရာကို လူသားများမုန်းသည်။

ပဋိပက္ခ ဆိုသည်မှာ တစ်ဦးနှင့်တစ်ဦး၊ အုပ်စုတစ်ခုနှင့် တစ်ခု အမြင်မကြည်လင်မှု မကျေနပ်မှုများမှ စတင်တတ်သည်။ ပဋိပက္ခကြောင့် လူတို့၏ အသက်ဇီဝိန် ကြွေကျတတ်သည်။ လူ့အဖွဲ့အစည်းများ အတိဒုက္ခရောက်ကြရသည်။ ပဋိပက္ခကို လူတို့မလိုလား လူသားများစက်ဆုပ်ကြသည်။

ငြိမ်းချမ်းမှုအတိဖြင့် တည်ဆောက်ထားသော ကမ္ဘာကြီး ဖြစ်စေလိုကြသည်။ ငြိမ်းချမ်းရေးကို မျှော်လင့် တောင့်တကြသည်။ ငြိမ်းချမ်းမှု၏ ဓါတ်သဘောကို ခံစားလိုကြသည်။ လူသားတိုင်းငြိမ်းချမ်းချင်သည်။

စစ်ဘေးဒဏ်ကြောင့် ကမ္ဘာသူကမ္ဘာသားတို့ အခက်အခဲမျိုးစုံကြုံတွေ့ရသည်။ စစ်မီးလျှံကြောင့် မြန်မာပြည်သားတို့ ဒုက္ခနွံ့နစ်ခဲ့ကြသည်။ စစ်မက်ဖြစ်ပွားမှု၏ ရလဒ်သည် လူသားအားလုံးကို ဘေးတွေ့စေသည်။ စစ်ပွဲတွေကြောင့် ကလေးသူငယ်များ၏ တောက်ပတဲ့ အနာဂတ်ဘ၀ကို ရိုက်ချိုးပစ်သည်။ ဒါကြောင့် စစ်ပွဲတွေ မရှိရင်ကောင်းမည်ဟု ပြောလာကြသည်။

ပဋိပက္ခတွေ ကမ္ဘာတစ်လွှားဖြစ်သည်။ ပဋိပက္ခတွေ မြန်မာ တ၀ှမ်းဖြစ်ပြန်ပြီ။ လူတွေကြောင့်လား။ မူတွေကြောင့်လား။ ခွဲခြားဆက်ဆံမှုတွေကြောင့်လား။အရောင်အသွေး အဆင်းသဏ္ဍန်ကြောင့်လား။ ပဋိပက္ခ၏ နောက်ဆက်တွဲဖြစ်စဉ်ကြောင့် ဒုက္ခသည်စခန်းတွင် လူအများ ပြည့်ကျပ်နေသည်။

ငြိမ်းချမ်းရေးဆိုတာ ဘယ်မှာရှာရမည်နည်း။ သတင်းစာဂျာနယ်တွေပေါ်မှာလား။တီဗွီပေါ်မှာလား။ လူကြီးတွေဆီမှာလား။ အစိုးရဆီမှာလား။ လူတွေရဲ့ မျက်နှာပေါ်မှာလား။ဖြေပေးပါ စာရှုသူ။ အပြုံးပီတိမဲ့နေသော မျက်နှာကို ငြိမ်းချမ်းပါတယ်လို့ ပြောနိုင်မလား။ ထိတ်လန့်ခြင်း၊ လွှမ်းဆွေးခြင်းများနှင့် ဖုံးနေတဲ့ မျက်နှာကို အေးချမ်းပါတယ်လို့ ဆိုနိုင်ပါ့မလား။

စစ်၏ အမည်းစက်ကြောင့် ငိုကြွေးသံနှင့် အတူ ကြောက်ရွံ့ခဲ့ကြသည်။ အနိဠာရုံ မြင်ကွင်းများကြောင့် ၀မ်းနည်းပူဆွေးခဲ့ရသည်။ အမိမဲ့၊ အဖမဲ့ ကလေးသူငယ်များ၏ ဘ၀သည် အသိုက်ပျက် ငှက်ငယ် တစ်ကောင် ကဲ့သို့ ပျံသန်းရာ ခရီးလမ်း ပျောက်ဆုံးနေရရှာသည်။

ပဋိပက္ခတွေ ဖြစ်နေသည်။ ဘာသာမတူလို့၊ လူမျိုးကွဲလို့၊ အသားအရောင် ကွဲပြားလို့၊ နိုင်ငံရေး အယူအဆချင်း မတူလို့ပေါ့။ ကွဲပြားမှုသည် အင်အားတစ်ရပ်ဟု ခံယူစေချင်သည်။ လူသားများကြား ကွဲလွှဲမှုတွေ ရှိကောင်းရှိမည်။ သို့သော် ကွဲလွှဲမှုကို အခြေခံကာ ကွဲပြဲမှုတော့ မဖြစ်သင့်။ ငါစွဲ၊ ၀ါဒစွဲ၊ ဂိုဏ်းဂဏစွဲ၊ ပုဂ္ဂိုလ်စွဲ၊ ဘာသာစွဲ၊ လူမျိုးစွဲ၊ ပါတီစွဲ၊ ဒေသစွဲ၊ မိရိုးဖလာစွဲ၊ ပတ်ဝန်းကျင်စွဲ စသည့် အချည်အနှောင်များကြောင့်ဆိုလျှင် အဘယ်မှာ ပဋိပက္ခကို ဖြေရှင်းနိုင်အံ့နည်း။

ငြိမ်းချမ်းသော ဘ၀ဟူသည် စိုးရိမ် ကြောက်ရွံ့မှု ကင်းရမည်။ ၀မ်းနည်း ပူဆွေးမှု ကင်းရမည်။ လုံခြုံမှုရှိပြီး သဟဇာတ ရှိသော လူမှုအသိုက်အ၀န်းထဲမှ ဖြစ်ရမယ်။ မတရားမှုတွေကင်းစင်ပြီး ရင့်ကျက်တည်ငြိမ်သော လူမှုဘ၀၀န်းကျင်ကို လူသားတိုင်း လိုလားကြသည်။

စစ်ပွဲတွေကို ကြည့်လိုက်ပါ။ စာသင်ခန်းတွင်ရှိရမည့် အရွယ်များ ရှေ့တန်း စစ်မျက်နှာပြင်တွင် တိုက်ခိုက်နေကြသည်။ စာရေးသော လက်များသည် သေနတ်ကိုင်ဆောင်သော လက်များ အဖြစ် အသွင်သဏ္ဍာန်ယူနေကြသည်။ လူ့အကျိုးပြုလုပ်ငန်းတွေ ဆောင်ရွက်ရမည့် အစား မိုင်းထောင် ဗုံးခွဲနေကြရသည်။အချို့မှာ ပညာရေးဖြင့် ထိတွေ့ရမည့်အစား သွေးထွက်သံယိုမှုများနှင့် ကျင်လည်နေကြရသည်။

စစ်ပွဲတွေဘာကြောင့်ဖြစ်လာရသနည်း။ ကိုယ့်အယူအဆချင်း မတူညီလို့ လက်နက်စွဲကိုင် တိုက်ကြတာလို့ပြောရင် မှားမည်မထင်။ တစ်ဦးနှင့် တစ်ဦး၊တစ်ဖက်နှင့် တစ်ဖက် တိုက်ကြ ခိုက်ကြ ခုတ်ကြ ထစ်ကြနှင့် စစ်ပွဲဆိုရွံ့ရှာမိလေပြီ။

ပဋိပက္ခတွေကို ဘယ်သူဖန်တီးသနည်း။ လူတစ်စုဟုဆိုကြသည်။ နောက်ကွယ်မှ ကြိုးကိုင်သူများဟု ပြောကြသည်။ နောက်ကွယ်မှ ကြိုးကိုင်သူ လူတစ်စုဟု ဆိုလျှင် ပိုမှန်မည်။ ဘာကြောင့်များ ဖန်တီးရသနည်း။ အယူဝါဒမှိုင်းတွေကြောင့် အစွဲတွေကြောင့် အမုန်းမီးတွေကြောင့် ဒေါသအမှားတွေကြောင့် အမျိုးမျိုးသုံးသပ်ကြသည်။ သို့ပေမယ် လူသားတိုင်းကတော့ ပဋိပက္ခမှိုင်းတိုက်သော လူအချို့ကို ဆန်ကျင်နေကြရသည်။

ငြိမ်းချမ်းရေးရမ္မက်သည် ချိုမြိန်သည်။ ခံစားမှု အေးစက်စေသည်။ ရင့်ကျက် တည်ငြိမ်သည်။ လူသားတိုင်း ဆာလောင် တောင့်တကြသည်။ ငြိမ်းချမ်းခြင်း အတိဖြင့် ဖုံးလွှမ်းတဲ့ ကမ္ဘာမြေတခွင်ရှင်သန် အသက်ဆက်လိုကြသည်။

စစ်ပွဲတွေအကြောင်းမေးချင်သည်။ နှစ်၆၀ကျော် တိုင်အောင် မဖြေရှင်းနိုင်တဲ့ မြန်မာပြည်းတလွှားက သေနတ်သံများ ဘယ်တော့များမှ ရပ်စဲမှာလဲ။ ပြည်ထောင်စု သွေးချင်းညီအစ်ကိုတွေ အကြား ယုံကြည်မှုခိုင်မာစွာ ဘယ်တော့မှတည်ဆောက်နိုင်မှာလဲ။ တမြေတည်းနေ၊ တရေတည်းသောက် မောင်နှမသားချင်းများဟု အဘယ့်ကြောင့် မခံယူနိုင်ဝံ့သနည်း။ စစ်ဒဏ်အလူးအလဲ ခံစားနေရသော ပြည်သူတွေကို မေးကြည့်ပါ။ စစ်တိုက်တာကောင်းကြလားလို့။ အားလုံး အဖြေတစ်ခုတည်း ထွက်မည်မှာ မလွှဲပေ။ ‘စစ်ပွဲဆိုတာကို ကျုပ်တို့ အလိုမရှိ’တဲ့ ။

ပဋိပက္ခတွေ အကြောင်းဆိုချင်သည်။ မြန်မာပြည် အနောက်ဘက်ခြမ်းကစပြီး အလယ်ပိုင်းတ၀ိုက်ကို မွှေကာ အရှေ့ဘက်ခြမ်းရောက် ထိတိုင်အောင် မငြိမ်းတဲ့ ဘာသာရေး ပဋိပက္ခမီးတွေ ဆက်ပြီး တောက်လောင်နေဦးမှာလား။ ကြောက်ရွံ့မိသည်။ ထိတ်လန့်မိသည်။ လူမှုစီးပွားဘ၀ ပျက်သုဉ်းရသည်။ မည်သည့် လူသားအတွက်မှ အကျိုးမရှိ။ ပဋိပက္ခကြောင့် နေရပ်ရှောင်ခွာ ထွက်လာကြသူများကို မေးကြပါ။ ဖြေကြပါဦးမည်။ ‘ဘာသာရေး၊လူမျိုးရေး ပဋိပက္ခများကို လုံးဝအလိုမရှိ’ လို့။

ငြိမ်းချမ်းရေး သတင်းစကားဆက်ချင်သည်။ ငြိမ်းချမ်းရေးသည် လူသားတို့၏ အသက်၊ လူသားတို့၏ ဘ၀၊ လူသားတို့၏ မနက်ဖြန်၊ လူသားတို့၏ ပစ္စုပန်၊ လူသားတို့၏ အနာဂတ် ၊လူသားတို့၏ မျှော်လင့်ချက် ရောင်ခြည်သာဖြစ်သည်။ ငြိမ်းချမ်းသော ရွှေပြည်ကြီးရဲ့ လွပ်လပ်ခြင်းကို စံစားရသူတစ်ဦးနှင့် သောက အပူမီးဝိုင်းကာ အသက်လုပြေးရသူတစ်ယောက်တို့၏ ခံစားချက်မှာ မိုးနှင့် မြေပမာ ကွာခြားလှပေသည်။ ထိုသူမှာငြိမ်းချမ်းရေး သတင်းစကားကို အပြည့်အ၀ စောင့်စားနေမိသည်။

စစ်ပွဲအတွင်း ဓါတုလက်နက်တွေသုံးသည်။ လူသားမျိုးရိုး ဗီဇထိတိုင်အောင် ခြိမ်းခြောက်လာသည်။ ဓါတုလက်နက်ပပျောက်အောင်ဟု ဆိုကာ စစ်ပွဲဆင်နွှဲကြပြန်သည်။ ငြိမ်းချမ်းရေးစစ်ပွဲ ဟုဂုဏ်ယူဝံ့ကြွားစွာ တိုက်ကြခိုက်ကြသည်။ ဘယ်လိုပဲဆိုဆို စစ်ဖြစ်ပြီဆိုလျှင် လူသားတွေ အခက်ကြုံသည်။ နေမှုထိုင်မှု စားမှုသောက်မှု အစစအရာရာမှာ ဒုက္ခတွေ့သည်။ ၀မ်းနည်းစရာကောင်းလှပါသည်။

ပဋိပက္ခကို ရှောင်ရှားလိုသည်။ စစ်မီးလျှံကို မုန်းသည်။ ငြိမ်းချမ်းမှုကို ပိုင်ဆိုင်လိုကြသည်။ သို့သော် ငြိမ်းချမ်းမှုဆိုတာ အဘယ်မှာနည်း။ သေနတ်သံ ၀န်းရံထားတဲ့ လူမှုဝန်းကျင်မှာ ငြိမ်းချမ်းရေး စကား ထွက်ဆိုနိုင်ပါ့မလား။ ဒေါသသံညံနေတဲ့ လူအုပ်ကြားထဲမှာ ငြိမ်ချမ်းပါစေလို့ ပြောနိုင်မှာလား။
ငြိမ်းချမ်းရေးမျှော်လင့်ချက်ရော ရှိသေးလား။ မေးလိုက်ချင်သည် မြန်မာပြည်ကြီး။ ငြိမ်းချင်မှုမရှိရင် မလွတ်လပ်ဘူး။ လွတ်လပ်မှုမရှိရင် ၀မ်းနည်းလာမယ်။ ပူဆွေးလာမယ်။ မျှော်လင့်ချက်တွေမဲ့လာမယ်။ ငြိမ်းချမ်းခြင်းနှင့် လွတ်လပ်ခြင်းဟာ တစ်ခုနှင့်တစ်ခု အပြန်အလှန် ဆက်စပ်မှီခိုနေတယ်။ ဒီတော့ ငြိမ်းချမ်းရေးဆောင်ယူနိုင်မှ လွတ်လပ်ခြင်း အရသာကို အပြည့်အ၀ခံစားနိုင်မယ်။

ကမ္ဘာမြေကြီး ပြန်လည်သင့်မြတ်ချင်ပြီ။ မြန်မာပြည်ကြီး ငြိမ်ချမ်းချင်ပြီ။ မြန်မာပြည်ကြီး ဘယ်တော့ ငြိမ်းချမ်းမှာလဲ။ ဒီနေ့လား။ မနက်ဖြန်လား။ မနေ့ကလား။
ငြိမ်းချမ်းချင်ပြီ။ ငြိမ်းချမ်းချင်ပြီ။ ငြိမ်းချမ်းချင်ပြီ။
စစ်ဘေးသင့် ပြည်သူတစ်ဦး၏ စကားသံ။
အေးချမ်းချင်ပြီ။ အေးချမ်းချင်ပြီ။ အေးချမ်းချင်ပြီ။
ပဋိပက္ခကြောင့် ရှောင်ခွာပြေးနေသူတစ်ဦးရဲ့ ထွက်ဆိုသံ။
ဘာကြောင့် မငြိမ်းချမ်းသနည်း။ မငြိမ်းချမ်းအောင်လုပ်လို့ မငြိမ်းချမ်းသည်။ ဒါဆို ဘာကြောင့် ငြိမ်းချမ်းအောင် မလုပ်ကြသနည်း။ အဖြေကရှင်းသည်။ အတ္တအတားအဆီးတွေကြောင့် ဖြစ်ဟန်တူသည်။ အတ္တမာန်မာနများ၊ အယူသည်းမှုများ၊ မုန်းတီးမှုများ၊ ရန်ငြိုးရန်ဖက်မှုများ၊ မနာလို ၀န်တိုမှုများ ရှိနေဦးမည်ဆိုက အကြမ်းဖက် သံသရာထဲတွင် တ၀ဲလည်လည် ဖြစ်နေဦးမည်ဖြစ်သည်။ အတ္တအတားအဆီးတွေကို ဘယ်သူဖန်တီးသနည်း။ လူတွေဖြစ်သည်။ ငြိမ်းချမ်းခြင်းကို လိုချင်တာသည် လူသားဖြစ်သည်။ မငြိမ်းချမ်းမှုကို ဆောင်ကျဉ်းသူမှာလည်း လူသားပင်ဖြစ်သည်။ သို့ဆိုလျှင် လူသားအချင်းချင်း ညှိနှိုင်းကာ ငြိမ်းချမ်းမှုကို တည်ဆောက်လို့ မရနိုင်စွမ်းလား။ အချိန်ကြောင့်လား။ ကာလအကန့်အသတ်တွေကြောင့်လား။ ဘေးဘက်က ဘောင်ခတ်ဝန်းရံမှုတွေကြောင့်လား။ အားလုံးကို ရိုက်ချိုးပြီး ငြိမ်းချမ်းရေးတံခါးကို တွန်းဖွင့်ချင်သည်။ အေးချမ်းမှု အလင်းတန်းကို ဖူးတွေ့ချင်ပြီ။ ဒါကမ္ဘာသူကမ္ဘာသားများ၏ စိတ်ဆန္ဒ။ မြန်မာပြည်သားတို့၏ အာသီသ။ငိမ်းချမ်းမှုကို မျှော်လင့်သည်။ မ၀င့်မရဲ တောင့်တမိသည်။
စစ်ပွဲတွေကို မလိုလား၊ ပဋိပက္ခတွေ မဖြစ်စေချင်၊ စစ်မှန်ပြည့်ဝသော ဒီမိုကရေစီနှင့်အတူ လွတ်လပ်ငြိမ်းချမ်း မျှတလမ်းသို့ မတူလက်များတွဲကာ အနာဂတ်မြန်မာပြည်ကြီးကို မြန်မာပြည်သူများအားလုံး ၀ိုင်းဝန်းတည်ဆောက်လိုကြသည်။
အမှောင်တွေပြီးရင် အလင်းပေါက်လာမည်။ ညကုန်ဆုံးရင် နေ့သစ်ရောက်လာမည်။ လှပတဲ့ အာရုံဦးနံနက်ခင်းမှာ ငြိမ်းချမ်းရေး ဂျိုးဖြူငှက်၏ သာယာနာပျော်ဖွယ် တေးသီမှုသံစဉ်ကို ကြားချင်လှပါဘိ။ တို့ချစ်တဲ့ မြန်မာပြည်ကြီး ထာဝရငြိမ်းချမ်းပါစေလို့ ဆုမွန်စကားခြွေလိုက်ချင်သည်။ ငြိမ်းချမ်းမှုအပေါင်း ခညောင်းပါစေ။

စာဖတ်သူ အပေါင်းလည်း ကိုယ်၏ကျန်းမာခြင်း၊ စိတ်၏ငြိမ်းချမ်းရေး နှစ်ဖြာသော သုခနှင့် အစဉ် ပြည့်စုံပါစေသတည်း။
ငြိမ်ချမ်းရေးကို ထာဝရမျှော်လင့်တောင့်တနေသူ

မာန်ထက်သျှံ

November 20, 2015
အစွန်းရောက် အမျိုးသားရေး၊ ဘာသာရေး အစွဲများကို လက်မခံကြောင်း ရွေးကောက်ပွဲက တစ်ဆင့် ပြသလိုက်သော မြန်မာလူထု

ဆောင်းပါးရှင်- ဆွေဝင်း (Myanmar Now)

ရန်ကုန် (Myanmar Now) – နိုဝင်ဘာ ၈ ရက် ရွေးကောက်ပွဲကြီးတွင် အတိုက်အခံ အမျိုးသားဒီမိုကရေစီအဖွဲ့ချုပ် (NLD) အပြတ်အသတ် အနိုင်ရခြင်းသည် စစ်တပ်နှင့် ၄င်း၏ ကျောထောက်နောက်ခံပြုထားသည့် နိုင်ငံရေး အင်အားစုတို့ကို ပြည်သူတို့ကအောင်ပွဲခံလိုက်ခြင်းဖြစ်သည်ဟု ပြည်တွင်းပြည်ပတွင် ပြောဆိုမှုများရှိနေသည်။

ဆယ်စုနှစ်များစွာ လူထုကို ဖိနှိပ်အုပ်ချုပ်ခဲ့ခြင်းကို မဲတစ်ပြားစီဖြင့် ကလဲ့စားချေလိုက်ကြခြင်းဖြစ်သည်ဟု ဆိုနိုင်သကဲ့သို့၊ မဲမသမာမှုတို့ အကြီးအကျယ် ဖြစ်ပွားခဲ့သော၂ဝ၁ဝ ရွေးကောက်ပွဲမှ တက်လာခဲ့သည့် သမ္မတဦးသိန်းစိန် ဦးဆောင်သော အရပ်သားတစ်ပိုင်းအစိုးရ အာဏာလက်လွှတ်ရန် ပြည်သူတို့က “သင်တို့ သွားကြလော့၊ ဆင်းကြလော့” ဟု တစ်ခဲနက်ကြွေးကြော်လိုက်သည်ဟုလည်း ဆိုနိုင်သည်။

သေချာသည်ကတော့ စစ်မှန်သည့် ဒီမိုကရေစီ အကူးအပြောင်းများဖြစ်ပေါ်ရန် ပြည်သူလူထုက NLD ခေါင်းဆောင် ဒေါ်အောင်ဆန်းစုကြည်ကို ပြည်သူ့ အာဏာ အပ်နှင်းလိုက်ခြင်းဖြစ်သည်။

ဤရွေးကောက်ပွဲတွင် အရှုံးကြီးရှုံးနိမ့်သွားသော စစ်တပ်ကျောထောက်နောက်ခံပြု ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီကိုသာ ပြည်သူများက အလဲ ထိုးအနိုင်ယူခဲ့ခြင်းမဟုတ်ချေ။

နိုင်ငံတကာအလယ်တွင် မြန်မာနိုင်ငံကို ဂုဏ်သိက္ခာညှိးနွမ်းစေခဲ့သော ဗုဒ္ဓဝါဒအမည်ခံ အစွန်းရောက် မျိုးချစ်အင်အားစုတို့ကို ပြည်သူများက အနိုင်ယူခဲ့ခြင်းဖြစ်သည်ဟုလည်း ကောက်ချက်ပြုနိုင်သည်။

ဗုဒ္ဓဟောကြားသည့် တရားဓမ္မများနှင့် ကိုက်ညီမှုမရှိသော၊ ကျဉ်းမြောင်းသည့် အစွန်းရောက်တရားများဖြစ်သော “အမျိုး” ၊ “ဘာသာ” စသည့် အယူအဆများအား ကာကွယ်မည်ဟု ကြွေးကြော်နေသော ဘုန်းတော်ကြီးအချို့ဦးစီးသည့် အမျိုးဘာသာ သာသနာစောင့်ရှောက်ရေးအသင်း (မဘသ) က ရွေးကောက်ပွဲမတိုင်မီ လအနည်းငယ်တွင် ဒေါ်အောင်ဆန်းစုကြည်နှင့် NLD ပါတီ အာဏာရလာပါက မြန်မာပြည်ကြီး အစ္စလမ်ဘာသာလွှမ်းမိုး လတ္တံ့ဟု ပြည်သူလူထုကို မုသာဝါဒ၊ ပိသုဏာဝါစာ စသည့် ဝစီဒုစရိုက်မျိုးစုံဖြင့် မှိုင်းတိုက်ရန် ကြိုးပမ်းခဲ့သည်။

ဒေါ်အောင်ဆန်းစုကြည်မှာ နိုင်ငံခြားသားကိုအိမ်ထောင်ပြုခဲ့၍ အမျိုးမစောင့်သည့် ပုဂ္ဂိုလ်ဟူ၍လည်းကောင်း၊ NLD ပါတီသည် မဘသအဖွဲ့ကအကြံပြုတင်သွင်းပြီး နောက်ဆုံး သမ္မတ အတည်ပြုသည့် မျိုးစောင့်ဥပဒေလေးရပ်ကို လွှတ်တော်တွင် ကန့်ကွက်ခဲ့သဖြင့် ထိုပါတီအာဏာရလာပါက ထိုဥပဒေများအားပြင်ဆင်နိုင်သဖြင့် ဘာသာ သာသနာဆုတ်ယုတ်ကုန်တော့မည်ဟူ၍လည်းကောင်း စသဖြင့် မဘသ ဆရာတော်များက နိုင်ငံအနှံ့လှည့်လည်၍ ဟောပြောခဲ့ကြသည်။

ဘယ်ပါတီ၊ ဘယ်ပုဂ္ဂိုလ်ကို မိမိတို့က မထောက်ခံဟု ဟစ်ကြွေးခဲ့သော်လည်း ပြည်ခိုင်ဖြိုးပါတီ၏ ဥက္ကဋ္ဌဖြစ်သူ သမ္မတကြီးဦးသိန်းစိန်မှာ တိုင်းပြည်အပေါ် အထူးကျေးဇူးဥပကာရရှိသူ ပုဂ္ဂိုလ်၊ ကျေးဇူးရှိသူအပေါ် ကျေးဇူးတုံ့ပြန်ခြင်းမှာ ဗုဒ္ဓတရားတော်နှင့်ညီသည် စသဖြင့် ချီးမွမ်းခန်းများဖွင့်ကာ ပြည်ခိုင်ဖြိုးပါတီအတွက် တစ်ဖက်လှည့်ဖြင့် မဲဆွယ်ခဲ့ကြသည်။

ထို့ပြင် မဘသအဖွဲ့က ရွေးကောက်ပွဲမတိုင်မီ ထုတ်ဝေခဲ့သော သာကီသွေး၊ အတုမရှိ စသည့် ဂျာနယ် မဂ္ဂဇင်းများတွင်လည်း မဘသ၏ ဥက္ကဋ္ဌ ဆရာတော် ဦးတိလောကဘိဝံသ အပါအဝင် မဘသ ဦးဆောင်ဆရာတော်များ၊ လူပုဂ္ဂိုလ်များက ဒေါ်အောင်ဆန်းစုကြည်နှင့် NLD ကို တိုက်ရိုက်တစ်မျိုး၊ သွယ်ဝိုက်၍ တစ်ဖုံ ထိုးနှက်တိုက်ခိုက်ခဲ့ကြသည်ကိုလည်း တွေ့ရသည်။

သမ္မတဦးသိန်းစိန်ကို ဒုတိယသက်တမ်း ဆက်လက်ထမ်းဆောင်စေလိုတယ်ဟု မဘသ၏ အထွေအထွေအတွင်းရေးမှုးဖြစ်သူ ဆရာတော်ဦးဝိမလဗုဒ္ဓိက ဇွန်လတွင်ကျင်းပခဲ့သည့် မဘသ ညီလာခံတွင် အတိအလင်း ထုတ်ဖော်ပြောကြားခဲ့သည်။

မဘသဆရာတော်များ ထိုကဲ့သို့လှုပ်ရှားနေချိန်တွင် ပြည်ခိုင်ဖြိုးပါတီ ကိုယ်စားပြုပြီး ရွေးကောက်ပွဲဝင်သူ အစိုးရဝန်ကြီးတချို့ကလည်း အမျိုးဘာသာ သာသနာကို ထမ်းရွက်မည်ဟု အသံကောင်းဟစ်ခဲ့လေသည်။ ပြည်ခိုင်ဖြိုး ပါတီဝင်တချို့ကလည်း မဘသအဖွဲ့ကရေးသားသည်ဟု သံသယဖြစ်ဖွယ်ရာရှိသော ဒေါ်အောင်ဆန်းစုကြည်ကို တိုက်ခိုက်သည့် စာရွက်စာတမ်းများကို ဧရာဝတီတိုင်းရှိ မြို့နယ်များတွင် ဝေငှခဲ့သည်။

ဘာသာရေးနှင့် နိုင်ငံရေး ဒွေးရောယှက်တင် မပြုရန် တားမြစ်ထားသည့် ဖွဲ့စည်းပုံအခြေခံဥပဒေကို ပြောင်ပြောင်တင်းတင်း ချိုးဖောက်နေခဲ့ကြသော်လည်း အာဏာပိုင်တို့က မသိကျိုးကျွံပြုခဲ့ကြသည်။

စစ်ခေါင်းဆောင်များကို မနှစ်မြို့သော၊ ပြည်ခိုင်ဖြိုးပါတီကို မထောက်ခံသောသူတို့၏ မဲများကို ရရှိရန် သမ္မတဦးသိန်းစိန်၏ နိုင်ငံရေး အကြံပေးတစ်ဦးဖြစ်သူ ဦးနေဇင်လတ်ကလည်း ရာထူးမှ ထွက်ကာ အမျိုးသားတိုးတက်ရေးပါတီ (NDP) ကို ထူထောင်ပြီး၊ မဘသအဖွဲ့တွင် တက်ကြွစွာလှုပ်ရှားနေသည့် လူပုဂ္ဂိုလ်တို့ကို အမတ်လောင်းများအဖြစ် ထမ်းဆောင်ရန် ကမ်းလှမ်းခဲ့သည်။ NDP ၏ ပါတီကြေညာ စာတမ်းတွင်လည်း အမျိုးဘာသာ သာသနာစောင့်ရှောက်မည်ဟု ထည့်သွင်းထားသည်။

ထိုအမျိုးသားရေးလှုပ်ရှားမှုများကိုထောက်ရှု၍ ၁၉၉ဝ ရွေးကောက်ပွဲတွင်ကဲ့သို့ NLD အပြတ်အသတ် အနိုင် မရနိုင်ဟု တွက်ဆမှုများ ထွက်ပေါ်လာသည်။

သို့သော် ထိုတွက်ဆချက်များ အလုံးစုံမှားယွင်းကြောင်း NLD ၏ အောင်ပွဲရလဒ်များက သက်သေခံလိုက်သည်။

ပြည်ခိုင်ဖြိုးက လွှတ်တော်နေရာ အနည်းငယ်မျှသာ ရရှိပြီး ဦးနေဇင်လတ်၏ ပါတီမှာ ဘဲဥပင် မကွဲခဲ့ပေ။ ထိုနည်းတူ အမျိုးသားရေး၊ ဘာသာရေး အသံများ ဟစ်ထားသော၊ NLD မှ ခွဲထွက် ဖြစ်ပေါ်လာသည့် အမျိုးသားဒီမိုကရေစီ အင်အားစု (NDF)၊ မွတ်စလင် မုန်းတီးရေးများပြုလုပ်နေသည့် ဦးနေမျိုးဝေ၏ မတူကွဲပြားခြင်းနှင့် ငြိမ်းချမ်းရေး ပါတီတို့မှာလည်း ရွေးကောက်ပွဲတွင် နေရာ တစ်နေရာမှ မရရှိခဲ့ပေ။

မဘသ အားအကောင်းဆုံးဟူ ဆိုစမှတ်ပြုထားသည့် ဧရာဝတီတိုင်းတွင်ပင် NLD ပါတီက လွှတ်တော်နေရာ အားလုံးနီးပါး ရရှိခဲ့သည်။

စစ်တပ်ခေါင်းဆောင်များလွှမ်းမိုးထားသော အုပ်ချုပ်ရေးကို ပြည်သူတို့ စက်ဆုပ်ရွံရှာမှုသည် မွတ်စလင် ဆန့်ကျင်သည့် လှုပ်ရှားမှုများထက် ပိုမိုအား ကောင်းနေခြင်း၊ လူမျိုးရေး ဘာသာရေးအမည်ခံ အစွန်းရောက် လှုပ်ရှားမှုများကို ပြည်သူအများစုက လက်မခံခြင်းတို့ကို ဤရွေးကောက်ပွဲတွင် ထင်ထင်ရှားရှားပြသလိုက်ခြင်းဟု ကောက်ယူနိုင်သည်။

၂ဝ၁၂ ရခိုင်ပြည်နယ်အဓိကရုဏ်းများဖြစ်ပွားပြီး၊ ထိုမီးပွားများ အရှိန်အဟုန်ဖြင့် မြန်မာနိုင်ငံ တစ်ဝှမ်းရိုက်ခတ်လာသည်တွင် မွတ်စလင်မုန်းတီးရေး ခံစားချက်များ တိုးပွားလာသည်ဟု ယူဆခဲ့ကြသော်လည်း နောက်ပိုင်းတွင် ထိုအခြေအနေများသည် နိုင်ငံရေးနှင့် ဆက်နွယ်ကြောင်း ပြည်သူတို့က သံသယဖြစ်လာသည်။

မွတ်စလင်မုန်းခြင်းသည် NLD ကို မုန်းခြင်း၊ ဒေါ်အောင်ဆန်းစုကြည်ကို မုန်းတီးခြင်းအဖြစ်သို့ ဆွဲခေါ်ခံသွားရသည်၊ ထိုထိုအမုန်းစကား တရားပွဲများ၊ အင်တာနက်စာမျက်နှာများ၊ ဂျာနယ်များတွင် တသွင်သွင်ပြောဆို ထုတ်လွှင့်နေသူများကိုလည်း အာဏာပိုင်တို့က အရေးမယူ လျစ်လျူပြုနေသည်ကိုလည်း ပြည်သူတို့ သတိမူမိလာသည်။

နောက်ဆုံး ပြည်သူတို့ကို အမျိုးမျိုးဖိနှိပ်ခဲ့သော ဗိုလ်ချုပ်ကြီးဟောင်းများကို အမျိုးဘာသာ သာသနာစောင့်ရှောင့်မည့် သူများအဖြင့် ပုံဖော် မဲဆွယ်နေခြင်းဖြစ်ကြောင်း ပြည်သူတို့ တွေ့ရသော အခါ သူတို့၏မကျေနပ်ချက်များ အထွဋ်အထိပ်ရောက်လာခဲ့သည်။

သို့သော် သံဃာတော်များကို အလွန်ကြည်ညိုကိုင်းရှိုင်းသည့် ဤထေရဝါဒနိုင်ငံတွင်ရှိသော ပြည်သူတို့သည် ထိုမကျေနပ်ချက်များကို မြိုသိပ်ခဲ့သည်။ ဆန့်ကျင်ဖက် ပြောဆိုပါကလည်း မွတ်စလင်ဘက်က ရပ်သူအဖြစ် စွပ်စွဲခံရမည်ကို စိုးကြောက်ခဲ့သည်။ ထို့ပြင် အကြောင်းမသင့်ပါက စာရေးဆရာ၊ ကျူရှင်ဆရာ ဦးထင်လင်းဦးကဲ့သို့ ဘာသာ သာသနာညှိးနွမ်းစေမှုဖြင့် ဖမ်းဆီးထောင်ချခံရမည်ကိုလည်း သတိထားခဲ့ကြရသည်။

သို့သော် ရွေးကောက်ပွဲနေ့တွင်ကား မျိုးစောင့်ဥပဒေ ကန့်ကွက်တဲ့ပါတီကို မဲမထည့်ကြနဲ့ ဟူသောစကားများကို ရဲရဲတင်းတင်းဥပက္ခောပြု၍ NLD ပါတီ သောင်ပြိုကမ်းပြို အနိုင်ရစေရန် မဲပေးလိုက်ကြသည်။

ရခိုင်ပြည်ရှိ အစိုးရအခေါ် ဘင်္ဂါလီ၊ ၎င်းတို့ကိုယ် ၎င်းတို့ ရိုဟင်ဂျာဟုခေါ်သောသူများ နိုင်ငံသားပြုခွင့်ရမရ ဆိုသော အကြောင်းအရာသည် ပြည်သူလူထုကြားတွင် အင်မတန် ထိလွယ်ရှလွယ်ကိစ္စအဖြစ် ဆက်လက် တည်ရှိနေမည်ဖြစ်သော်လည်း၊ အစွန်းရောက် အမျိုးသားရေး၊ ဘာသာရေး အမည်ခံဟောပြောမှုများကို ပြည်သူတို့ လက်မခံကြောင်း ရွေးကောက်ပွဲရလဒ်များက ထင်ထင်ရှားရှားဖော်ပြလိုက်သည်။

ပြည်ခိုင်ဖြိုးရှုံးသွားသည်ကို မည်သို့သဘောရပါသနည်းဟု မိမိက မေးမြန်းသောအခါ ရန်ကုန်ရှိ မဘသ ထိပ်တန်းတာဝန်ရှိသူတစ်ဦးက “သေခါနီးဆဲဆဲလူကို ကယ်ဖို့ဆိုတာ မလွယ်ဘူးဗျ” ဟု မှတ်ချက်ပြုသည်။

လက်ရှိအချိန်တွင်တော့ မဘသဆရာတော်များက NLD ပါတီ၏ အနိုင်ရမှုကို ကြိုဆိုသည်ဟူ၍လည်းကောင်း၊ မျိုးစောင့်ဥပဒေများနှင့် ၁၉၈၂ နိုင်ငံသားပြုခွင့်ဥပဒေအား ပြင်ဆင်ရန်ကြိုးစားပါက ငြိမ်နေလိမ့်မဟုတ်ဟု ထုတ်ဖော် မိန့်ကြားထားသည်။

မည်သို့ပင်ဆိုစေကာမူ မြန်မာနိုင်ငံရှိလူထုသည် ဘာသာရေးအစွဲ၊ လူမျိုးရေးအစွဲ ပြင်းထန်သူများ မဟုတ်ကြောင်း ရွေးကောက်ပွဲမှ တစ်ဆင့်ပြသလိုက်သည်ကို မဘသ ဆရာတော်များသည် လည်းကောင်း၊ နိုင်ငံတကာမှ စောင့်ကြည့် လေ့လာနေသူများသည် လည်းကောင်း အတန်အသင့် သဘောပေါက်နိုင်ပြီဖြစ်သည်။ ။

November 20, 2015
အများပျော်လို့ လိုက်မပျော် နိုင်ကြသေးသူများ

ဆောင်းပါးရှင် -ဖိုးစမ်းချောင်း (GG)
ဧရာဝတီမှာ ကူးယူဖော်ပြသည်။

၂၀၁၄ ခုနှစ် ဇူလိုင်လအတွင်းက ဖြစ်ပွားသည့် မန္တလေး အဓိကရုဏ်း ကာလတွင် လက်နက် ကိုင်ဆောင်ထားသော ဆူပူအုံကြွသူတချို့ (ဓာတ်ပုံ – ဧရာဝတီ)

ကျင်းပပြီးစီးခဲ့သော ရွေးကောက်ပွဲတွင် NLD ပါတီ အောင်ပွဲခံနိုင်သည့်အတွက် ပြည်သူအများ ပျော်ရွှင်နေကြသော်လည်း လွတ်လွတ်လပ်လပ် မပျော်ရွှင်နိုင်သူများ ရှိနေပါသည်။ ၎င်းတို့ကတော့ အစ္စလမ်ဘာသာဝင်များ ဖြစ်ကြသည်။

အကြောင်းမဲ့ စိုးရိမ်မှုတော့ မဟုတ်ပါ။ ၂၀၁၂ ကြားဖြတ် ရွေးကောက်ပွဲတွင် NLDပါတီမှ နေရာအားလုံး အနိုင်ရပြီးနောက် မြန်မာနိုင်ငံ အနှံ့အပြားတွင် ရုတ်တရက် ဖြစ်ပေါ်လာခဲ့သော အဓိကရုဏ်းများနှင့် အမျိုးဘာသာ သာသနာဆိုသည့် အဖွဲ့အစည်းများ အားကောင်းလာကာ မွတ်စလင် မုန်းတီးစိတ်များ ပေါ်ပေါက်လာလာစေရန် ရည်ရွယ်ချက်ရှိရှိ လုပ်ဆောင်နေမှုများစသည့် အကြောင်းခြင်းရာများကို အခြေခံကာ စိုးရိမ်နေကြခြင်း ဖြစ်သည်။

“ရွေးကောက်ပွဲ မတိုင်ခင်မှာ ကောလာဟလတွေကလည်း အများကြီးကြားရတော့ အရမ်းစိုးရိမ်မိတယ်” ဟု ချမ်းမြသာစည် မြို့နယ်၊ ချမ်းရှေ့ရပ်နေ အစ္စလမ် ဘာသာဝင်တဦးဖြစ်သူ ဦးခင်မောင်ထွေးက ပြောသည်။ “ရွေးကောက်ပွဲမတိုင်ခင် တရက် အလိုလောက်မှာ လူတွေ အမြဲစည်ကားနေတဲ့ လမ်းမကြီးတွေကို ခြောက်ကပ်ကုန်တယ်” ဟု သူကဆိုသည်။

ဘာသာရေးကို ဇောင်းပေးသည့် ပါတီများ ၂၀၁၅ ရွေးကောက်ပွဲတွင် ပေါ်ပေါက်လာသကဲ့သို့ ဘာသာရေး၊ လူမျိုးရေး ထိုးနှက်ချက်များဖြင့် မဲဆွယ်စည်းရုံးမှုများ ရှိခဲ့သည့်အတွက် အစ္စလမ် ဘာသာဝင်များ အနေဖြင့် ရွေးကောက်ပွဲ ကာလတွင် အဓိကရုဏ်းများ ဖြစ်လာလေဦးမလားဆိုသည့် ပူပန်မှုများရှိခဲ့ကြောင်း နိုင်ငံရေး တက်ကြွလှုပ်ရှားသူ တဦးဖြစ်သည့် ဦးညီညီကျော်က ပြောသည်။

“အခုမှပဲ စိတ်တော်တော် အေးသွားတယ်။ ရွေးကောက်ပွဲမှာ မဲသွားပေးဖို့ကို စိုးရိမ်ကြပေမယ့် သီးခြားခွဲထွက်နေခြင်းမရှိဘဲ တာဝန်သိ နိုင်ငံသား တယောက်အနေနဲ့ မဲရုံကို တန်းစီပြီး မဲသွားပေးခဲ့တဲ့ မွတ်စလင်တွေကိုလည်း ဂုဏ်ယူမိပါတယ်” ဟု ဦးညီညီကျော်က ရွေးကောက်ပွဲ ကျင်းပပြီးနောက် ငါးရက်အကြာတွင် ဧရာဝတီသို့ပြောသည်။

၂၀၁၀ ရွေးကောက်ပွဲကာလတွင် ရွေးကောက်ပွဲ ခုံရုံးအနေဖြင့် နေပြည်တော်တခုတွင်သာ ရှိသော်လည်း ၂၀၁၅ ရွေး ကောက်ပွဲတွင် တိုင်းနှင့်ပြည်နယ် ၁၄ခုစလုံး၌ ရွေးကောက်ပွဲခုံရုံးများ ထားရှိသောကြောင့် ရွေးကောက်ပွဲလွန်ကာလတွင် အငြင်းပွားမှုများ ပိုမိုကြုံတွေ့ရနိုင်သည်ဆိုသော ခန့်မှန်းချက်များ ထွက်ပေါ်ခဲ့သည်။ ထို့အတူပင် ရွေးကောက်ပွဲနောက်ပိုင်း မဲရလဒ် အငြင်းပွားမှုများမှ မြစ်ဖျားခံကာ တခြားသောပြဿနာများ တက်လာလေမလားဆိုသည့် စိုးရိမ်မှုများလည်း အစ္စလမ် ဘာသာဝင်များတွင် ရှိနေပေသေးသည်။

ရွေးကောက်ပွဲဆိုင်ရာ မဲရလဒ် အငြင်းပွားမှုများမှတဆင့် ပထမအနိုင်ရရှိသူ ကိုယ်စားလှယ်လောင်းအား အကြောင်း တစုံတခုရှာကာ ပယ်ချလိုက်ပြီး ဒုတိယလူကို တင်မြှောက်လိုက်သည့် ဖြစ်စဉ်မျိုး ဖြစ်လာခဲ့ပါက လူထုအနေဖြင့် လမ်းပေါ်ကို တက်လာနိုင်ကြောင်း၊ ထိုအချိန်တွင် မိမိတို့အစ္စလမ် ဘာသာဝင်များမှာ အဖွဲ့အစည်း တစုံတခု၏ နိုင်ငံရေးကစားကွက်ထဲ ကျရောက်သွားလေမလားဆိုသည့် စိုးရိမ်မှုများတော့ ကျန်ရှိနေဆဲဖြစ်ကြောင်း ဦးညီညီကျော်က ပြောသည်။

ရွေးကောက်ပွဲ မကျင်းပခင်ကလည်း လူမျိုးရေး ဘာသာရေး အဓိကရုဏ်းများ ပေါ်ပေါက်လာမည်ကို လွန်စွာစိုးရိမ်ခဲ့ပြီး ရွေးကောက်ပွဲလွန် ကာလကိုလည်း ပိုမို၍ စိတ်ပူမိကြောင်း မန္တလေးမြို့ စကြာနွယ်စင် ရပ်ကွက်နေ အစ္စလမ်ဘာသာဝင်တဦးက ပြောသည်။

စကြာနွယ်စင်ရပ်ကွက်မှာ အစ္စလမ်ဘာသာဝင် အများစုနေထိုင်သော ရပ်ကွက်ကြီးတခုဖြစ်ပြီး လွန်ခဲ့သော တနှစ်ကျော်က စကြာနွယ်စင်ရပ်ကွက်၊ ၇၅လမ်း၊ ၃၅လမ်းထောင့်၌ ယာဉ်မတော်တဆမှု အသေးစားတခုဖြစ်ပေါ်ပြီး ထိုမှတဆင့် လူစုလူဝေး ဖြစ်လာကာ ဘာသာရေး ပဋိပက္ခဖြစ်စေရန် လှုံ့ဆော်သူများ ပေါ်ပေါ်လာခဲ့သည်။ သို့သော်လည်း ထိုစဉ်အချိန်က သံဃာတော်များ၊ မြို့မိမြို့ဖများ၊ လုံခြုံရေးတာဝန်ရှိသူများမှ အချိန်မီ ဝိုင်းဝန်း ထိန်းသိမ်းနိုင်လိုက်သောကြောင့် ပြဿနာ ကြီးကြီးကျယ်ကျယ် မတက်ခဲ့ခြင်းဖြစ်သည်။

ရွေးကောက်ပွဲဆိုင်ရာ အငြင်းပွားမှုအနေဖြင့် အမှုအသေးအဖွဲ အနည်းငယ်သာ ရှိသေးပြီး မဲရလဒ်နှင့်ပတ်သက်၍ ကိုယ်စားလှယ်လောင်း အချင်းချင်း ကန့်ကွက်သည့်အမှုမျိုး ယနေ့အထိ လုံးဝမရှိသေးကြောင်း မန္တလေးတိုင်းဒေသကြီး၊ ရွေးကောက်ပွဲ ကော်မရှင်အဖွဲ့ခွဲရုံး၊ ဒုညွှန်မှူး ဦးကျော်ကျော်စိုးက နိုဝင်ဘာ ၁၂ ရက်နေ့က ဧရာဝတီသို့ ပြောသည်။ ခရိုင်အစီရင်ခံစာ မိမိတို့ ထံတက်လာမှ အမှုအရေအတွက်ကို အတိအကျ ပြောနိုင်မည်ဖြစ်ကြောင်း ၎င်းက ဖြည့်စွက်ပြောကြားသည်။

အမှန်တကယ်အားဖြင့်် မန္တလေးမြို့ခံ အစ္စလမ်ဘာသာဝင်များ စိုးရိမ်စိတ်ပေါ်လာသည်မှာ ရွေးကောက်ပွဲနီးမှ မဟုတ်ပါ။ မိထ္တီလာ အဓိကရုဏ်း နောက်ပိုင်းကတည်းက အစ္စလမ်ဘာသာဝင် အများစုနေထိုင်ရာ စကြာနွယ်စင်၊ ကုလားပျို၊ ဂျွန်းတန်း၊ ၄၁ ပန်းဆတ်၊ သိုးခြံအစရှိသည့် မန္တလေး ရပ်ကွက်ကြီးများတွင် ညစဉ်ညတိုင်း အစ္စလမ်လူငယ်များမှာ အလှည့်ကျ ကင်းစောင့် တာဝန်ယူခဲ့ရသည်ကို တွေ့မြင်နေရသည်။

ထို့အတူပင် သင်္ကြန်၊ သီတင်းကျွတ် စသည့် မြန်မာ့ရိုးရာ ပွဲတော်ကြီးများတွင် ယခင်တုန်းက မန္တလေးမြို့ခံ မွတ်စလင် လူငယ်များ ဝင်ရောက် ဆင်နွှဲလေ့ရှိသော်လည်း ၂၀၁၂ နောက်ပိုင်းတွင်မူ မြင်တွေ့ရခြင်း မရှိတော့ပါ။

မိမိတို့ဘက်မှလည်း မွတ်စလင် လူငယ်များအား လူအများအပြား ဆင်နွှဲသော ပွဲတော်များတွင် ဝင်ရောက် ဆင်နွှဲခြင်းမပြုရန် ပြောဆို ထိန်းသိမ်းထားကြောင်း အမျိုးသားညီညွှတ်ရေး ကွန်ဂရက်ပါတီမှ ဒုဥက္ကဌ (၄) ဦးခင်မောင်သိန်းက ပြောသည်။ ဦးခင်မောင်သိန်းသည် ချမ်းအေးသာစံ မဲဆန္ဒနယ်တွင် ပြည်သူ့လွှတ်တော် ကိုယ်စားလှယ်နေရာအတွက် ဝင်ရောက် ယှဉ်ပြိုင်ခဲ့သည့် အထက်မြန်မာပြည်၏ တဦးတည်းသော မွတ်စလင် ကိုယ်စားလှယ်လောင်း ဖြစ်သည်။

“မြန်မာရိုးရာ ပွဲတော်တွေထဲမှာ ဆင်နွှဲရင်း လူငယ်သဘာဝ ရန်တွေဘာတွေဖြစ်ခဲ့ရင် မုတ်ဆိတ်တွေနဲ့ဆိုပြီး ပြဿနာက ပိုကြီးသွားနိုင်လို့ အတတ်နိုင်ဆုံး ထိန်းသိမ်းရတာပါ” ဟု ၎င်းက ရှင်းပြသည်။

နိုင်ငံတော်သည်လည်း အသွင်ကူးပြောင်းကာလကို အေးအေးဆေးဆေးနှင့် သွားနေသည်ဟု ယုံကြည်ကြောင်း၊ ဒေါ်အောင်ဆန်းစုကြည် သည်လည်း လွန်စွာ အမျှော်အမြင်ကြီးသော ခေါင်းဆောင် တဦး ဖြစ်သကဲ့သို့ နိုင်ငံတကာမှလည်း စောင့်ကြည့်နေခြင်းကြောင့် ပြဿနာ အသေးအမွှားမှတပါး တခြားကိစ္စများ ဖြစ်လာနိုင်စရာမရှိဟု ဦးခင်မောင်သိန်းက ယူဆသည်။

မိမိတို့ ရွေးကောက်ပွဲ ကော်မရှင်တွင် အားနည်းချက်၊ ချို့ယွင်းချက်များ ရှိသော်လည်း တတ်နိုင်သမျှ အကောင်းဆုံး လုပ်ဆောင်ပေးခဲ့ကြောင်း၊ ထွက်ပေါ်လာသည့်ရလဒ်ကို ရှုံးတဲ့လူကလည်း ကျေနပ်ပါ။ နိုင်တဲ့သူကလည်း အေးအေးဆေးဆေး နေပါဟု အကြံပြုလိုကြောင်း မန္တလေးတိုင်းဒေသကြီး၊ ရွေးကောက်ပွဲကော်မရှင် အဖွဲ့ခွဲရုံး၊ ဒုညွှန်မှူး ဦးကျော်ကျော်စိုးက ဧရာဝတီသို့ ပြောသည်။

ရွေးကောက်ပွဲလွန် ကာလတွင် စိုးရိမ်စိတ်များ လျှော့နည်းလာပြီ ဖြစ်သော်လည်း အစိုးရသစ် မဖွဲ့နိုင်မချင်း စိုးရိမ်မှုများတော့ ကျန်ရှိနေဦးမည်ဖြစ်ကြောင်း မန္တလေးမြို့ခံမွတ်စလင် တဦးဖြစ်သူ ဦးနေဝင်းက ပြောသည်။

“အသိစိတ်ထဲမှာတော့ သိပ်မစိုးရိမ်တော့ဘူး။ မသိစိတ်ထဲတော့ စိုးရိမ်နေတုန်းပဲ” ဟု ၎င်းက မှတ်ချက်ပြုသည်။

(ဖိုးစမ်းချောင်း (GG)သည် မန္တလေးအခြေစိုက် သတင်းစာဆရာတဦး ဖြစ်သည်)

http://burma.irrawaddy.org/article/2015/11/17/101717.html

November 18, 2015
IS အဖွဲ့ကို အမေရိကန်နဲ့ ဗြိတိန်တို့ ကျူးကျော် ဆင်နွှဲခဲ့တဲ့ အီရတ်စစ်ပွဲက မွေးဖွားပေးခဲ့

နိုဝင်ဘာ ၁၆ ၊ ၂၀၁၅
M-Media
မိုးဝေ တင်ဆက်သည်။

– ပြီးခဲ့တဲ့လက CNN နဲ့ အင်တာဗျူးမှာ ဗြိတိန်ဝန်ကြီးချုပ်ဟောင်း တိုနီဘလဲရဲ့ အီရတ်စစ်ပွဲမှာ သူတို့မှားခဲ့ကြောင်း ၀န်ခံမှုက တော်တော်လေး တာသွားခဲ့ပြီး အီရတ်စစ်ပွဲသာ မရှိခဲ့ဘူးဆိုရင် IS အကြမ်းဖက်အဖွဲ့လည်း ပေါ်ထွက်မလာဘူးဆိုတာကို သွယ်ဝိုက် ၀န်ခံလိုက်တာလည်း ဖြစ်ပါတယ်။

အခုအချိန်အထိတော့ ဘလဲဟာ အီရတ်စစ်ပွဲနဲ့ IS အဖွဲ့ရဲ့ ဆက်စပ်မှုကို ငြင်းဆိုထားပြီး အနောက်နိုင်ငံတွေက စစ်တပ်တွေ စေလွှတ်ခဲ့တဲ့ အဲဒီစစ်ပွဲကို ခြေစုံပစ်ဝင်ခဲ့တာဟာ စစ်သွေးကြွတွေရဲ့ လုပ်ရပ်တွေကို တိုက်ဖျက်ဖို့နဲ့ အနောက်နိုင်ငံနဲ့ မပြေလည်မှုကြောင့် ဆက်ဒမ်ဟူစိန်က အဲဒီ စစ်သွေးကြွတွေကို လက်နက်တစ်ခုအနေနဲ့ သုံးစွဲခြင်းကနေ တားဆီးဖို့သာ ဖြစ်ခဲ့တယ်လို့ အခိုင်အမာ ဆိုနေတုန်းပါပဲ။

၁၂ နှစ်ကြာခဲ့တဲ့ အခုအချိန်မှာတော့ အဲဒီအချက် ၂ ချက်စလုံး လုံးလုံးကြီး မှားခဲ့တယ်ဆိုတာကို တွေ့မြင်နေကြရပါပြီ။ အီရတ်နိုင်ငံကို ဗြိတိန်တပ်တွေ ခြေချပြီး ၆ လအတွင်းမှာပဲ ရာမာဒီမှာ ပုန်းခိုနေကြတဲ့ စစ်သွေးကြွတွေကို တိုက်ခိုက်ဖို့အတွက် SAS တပ်ဖွဲ့ကို ဘဂ္ဂဒတ် အနောက်ပိုင်း ဆင်ခြေဖုံးဒေသကို စေလွှတ်ခဲ့ပါတယ်။ အဲဒီအချိန်တုန်းက အဲဒီ စစ်သွေးကြွတွေဟာ အမေရိကန်ရဲ့ ကျူးကျော်တိုက်ခိုက်မှုကြောင့် စွန်နီတွေရဲ့ မကျေမနပ်ဖြစ်မှုကို အခွင့်ကောင်းယူ စုစည်းထားတဲ့ နိုင်ငံခြားသားနဲ့ အီရတ်တိုက်ခိုက်ရေးသမား အုပ်စုလေးပါ။ ဆိုင်ကော်လို့ ခြုံပေါ်ရောက်လာတဲ့ ဒီအဖွဲ့လေးဟာ သိပ်မကြာခင်မှာ အီရတ်က အလ်-ကိုင်းဒါအဖွဲ့ ဖြစ်လာခဲ့ပြီး ၂၀၁၃ ခုနှစ် အလယ်ပိုင်းလောက်မှာတော့ IS အဖွဲ့အဖြစ် အသွင်ပြောင်းနိုင်ခဲ့ပါတယ်။

အီအုပ်စုရဲ့ တစ်ဖြည်းဖြည်း ကြီးထွားလာမှု တစ်လျှောက်လုံးမှာ သူတို့နစ်နာတယ်လို့ ခံစားရတဲ့အချက်က လျော်ကန်ပါတယ်။ အများစုက အမေရိကန်နဲ့ ဗြိတိန်ရဲ့ ဒီကျူးကျော်တိုခိုက်မှုဟာ ဒေသတွင်းမှာရှိတဲ့ တရားဥပဒေစိုးမိုးမှုကို ပျက်ပြားစေတယ်။ စွန်နီတွေရဲ့ အုပ်ချုပ်မှုကို ပျက်သုဉ်းစေပြီး၊ ပြိုင်ဘက် ရှီအာအုပ်စုက သူတို့နေရာကို ၀င်ယူဖို့ အခွင့်အရေး ရလိုက်တယ်။ စသဖြင့် ဒီလို ယုံကြည်ကြပါတယ်။ ဆုံးရှုံးမှုတွေ ကြီးလွန်းပါလားလို့ သူတို့ရဲ့အတွေးက နက်ရှိုင်းလာပြီး စွန်နီအများစုက အမေရိကန်နဲ့ ဗြိတိန်ဟာ သူတို့လုပ်နေတာကို သူတို့ အတိအကျ သိပြီးဖြစ်ရမယ်လို့ ယုံကြည်လာကြပါတယ်။

ဒီအမြင်တွေကြောင့် ဆွန်နီတွေရဲ့ ခုခံမှုဟာ ကျယ်ကျယ်ပြန့်ပြန့် ဖြစ်လာပါတော့တယ်။ နောက်ပြီး အလုပ်လက်မဲ့ဖြစ်ရတာ၊ ဂုဏ်သိက္ခာနဲ့ ပိုင်ဆိုင်မှုတွေ ဆုံးရှုံးရတာကြောင့် မကျေမချမ်းဖြစ်နေသူတွေ၊ အစ္စလာမ်သာသနာက ဗျာဒိတ်တွေအရ ဒီစစ်ပွဲဟာ ဖြစ်လာတယ်လို့ ယုံကြည်ကြတဲ့ စစ်သွေးကြွတွေဟာလည်းဒီလှုပ်ရှားမှုထဲမှာ ပါဝင်လာပါတယ်။ ရှုပ်ထွေးပွေလီလှတဲ့ အီရတ်နိုင်ငံရေးအခြေအနေနဲ့အတူ အဲဒီ စစ်သွေးကြွတွေဟာ သြဇာလွှမ်းမိုးလာခဲ့ပြီး ဆီးရီးယား မငြိမ်မသက်ဖြစ်လာတဲ့အခါမှာတော့ အဲဒီမှာလည်း သြဇာကြီးထွားလာပါတယ်။

မှားမှားမှန်မှန် – အရှေ့အလယ်ပိုင်းက ဆွန်နီတွေကတော့ ဂျော့ဂ်ျဘုရ်ှရဲ့ ကျူးကျော်တိုက်ခိုက်မှုမှာ ပါဝင်ဖို့ ဘလဲရဲ့ဆုံးဖြတ်ချက်ဟာ အီရန်နိုင်ငံအတွက် ချက်ကောင်းဖြစ်ခဲ့ပြီး တစ်ချိန်ကရှိခဲ့တဲ့ ပါရှန်တွေရဲ့သြဇာ ပြန်လည် ရယူဖို့ လမ်းဖွင့်ပေးလိုက်တာလို့ ယုံကြည်နေကြပါတယ်။ ဒါမျိုးယုံကြည်တာက အကြောင်းမဲ့တော့ မဟုတ်ပါဘူး။ ဆက်ဒမ်ရဲ့ သြဇာလွှမ်းမိုးမှုကို အဆုံးသတ်ဖို့ ဘာ့သ်ပါတီကို ဖြိုခွဲတာ၊ စွန်နီတွေအပေါ်မှာ ဖိနှိပ်ချုပ်ချယ်တာနဲ့ ရှီအာလူမျိုးကြီးဝါဒီ ကျောထောက်နောက်ခံကနေ လာသူတွေကို အီရတ်ခေါင်းဆောင်တွေအဖြစ် အမေရိကန်ရဲ့ မဟာမိတ်တွေက သွတ်သွင်းပေးတာတွေကို ထောက်ပြခဲ့ပါတယ်။

စွန်နီတွေ နာကျည်းမှုပိုဖြစ်စေပြီး IS ထွက်ပေါ်လာခြင်းနဲ့ တိုက်ရိုက်ဆက်စပ်နေတဲ့ ကိစ္စတစ်ခုကတော့ အမေရိကန်က ဦးစီးတဲ့ အကျဉ်းထောင် စနစ်ပါပဲ။ အဘူရာအစ်ဘ်မြို့က အဲဒီအကျဉ်းထောင်ဟာ အလွန်ဆိုးရွားတဲ့ ကျူးလွန်မှုတွေနဲ့ စတင်ခဲ့ပြီး အဓိက လူမျိုးစုနှစ်ခုက လူ အစုလိုက်အပြုံလိုက် ထိန်းသိမ်းထားတဲ့ နေရာ ဖြစ်လာခဲ့ပါတယ်။ စွန်နီ ဂျီဟတ်ဝါဒီတွေကတော့ အဲဒီအကျဉ်းထောင်စနစ်ဟာ သူတို့လူစုဖို့ အထိရောက်ဆုံး လက်နက်တစ်ခု ဖြစ်ခဲ့တယ်လို့ ဆိုပါတယ်။

IS ရဲ့ အကြီးတန်းတပ်မှူးတစ်ယောက်က သူနဲ့ အကြီးတန်းခေါင်းဆောင်ပိုင်းတွေ တစ်ပေါင်းတည်း ထိန်းသိမ်းခံခဲ့ရတဲ့ နိုင်ငံတောင်ပိုင်းက ကမ့်ဘက်ကာ အကျဉ်းထောင်သာ မရှိခဲ့ဖူးဆိုရင် ဒီနေ့ IS ဆိုတာ ရှိလာမှာမဟုတ်ဖူးလို့ Guardian ကို ပြောခဲ့ပါတယ်။

“အဲဒီအကျဉ်းထောင်က အားလုံးကို လုပ်ပေးလိုက်တာပါ။ ကျွန်တော်တို့ရဲ့ အယူအဆကို တည်ဆောက်ပေးလိုက်တာပါ” လို့ ဆိုပြီး ဒီလို ပြီးပြည့်စုံတာမျိုး ဘဂ္ဂဒတ်မှာ မရနိုင်သလို၊ ဘယ်မှာမှလည်း မရနိုင်ဘူးလို့ ပြီးခဲ့တဲ့ ဒီဇင်ဘာမှာ ပြောကြားခဲ့ပါတယ်။

“အဲဒီနေရာဟာ အန္တရာယ်ရှိတဲ့ နေရာမဟုတ်သလို၊ လုံခြုံတဲ့နေရာမျိုးလည်း မဟုတ်ပါဘူး။ ဒါပေမယ့် ကျွန်တော်တို့ဟာ အလ်-ကိုင်းဒါး ခေါင်းဆောင်ပိုင်းနဲ့ မီတာအနည်းငယ် ဝေးတဲ့နေရာမှာ ရှိနေခဲ့တာပါ”

၂၀၀၅ ခုနှစ် အီရတ်နိုင်ငံ ၀ရုန်းသုန်းကားဖြစ်တဲ့အချိန်မှာတော့ ဂိုဏ်းဂနကွဲမှု အခြေအနေတွေက သိသိသာသာ ဖြစ်လာပါတယ်။ စွန်နီစစ်သွေးကြွတွေက အချိန်ကို ကောင်းကောင်းအသုံးချနိုင်ခဲ့ပေမယ့် အောင်မြင်မှုတော့ မရခဲ့ပါဘူး။ ၂၀၀၆ ခုနှစ် အီရတ် တိုင်းရင်းသားခေါင်းဆောင်တွေက အမေရိကန်တပ်ဖွဲ့နဲ့ပေါင်းပြီး သူတို့ကို ပြန်တိုက်တဲ့အခါမှာတော့ စစ်သွေးကြွအဖွဲ့လည်း အစိတ်စိတ်အမွှာမွှာ ဖြစ်ခဲ့ပါတယ်။

အမေရိကန်တပ်ဖွဲ့တွေ ထွက်သွားပြီး၊ အာရပ်နွေဦးတော်လှန်ရေးဖြစ်ခဲ့တဲ့ ၂၀၁၁ နောက်ပိုင်းနှစ်တွေမှာ ISIS အဖွဲ့ဟာ လွန်ခဲ့တဲ့ ၈ နှစ် ဗြိတိန်နဲ့ အမေရိကန်စစ်တပ်တွေက ဘာဆာရာကနေ မြောက်ဘက်ကို ရွှေ့သွားကတည်းက မဖြေရှင်းနိုင်ဘဲ ကျန်ရစ်ခဲ့တဲ့ အီရတ်ပြည်သူတွေရဲ့ နာကျည်းချက်တွေကို အသုံးချနိုင်ခဲ့ပါတယ်။

စစ်သွေးကြွတွေက ဗြိတိန်နဲ့ အမေရိကန်တို့ ဦးဆောင်တဲ့ ဒီကျူးကျော်မှုကြောင့် အခုထက်ထိ ဒီလိုတွေ ခံစားနေရတာဖြစ်တယ်လို့ စည်းရုံးခဲ့ပြီး အဲဒါကလည်း တော်တော်လေး တာသွားခဲ့ပါတယ်။

ဒီလို မျှော်လင့်ချက်မဲ့တဲ့အချိန်မှာ သိက္ခာကင်းမဲ့မှု၊ တရားမဲ့မှုတွေကို လက်တဖက်ကနေ ကြံ့ကြံ့ခံပြီး၊ နောက်တစ်ဖက်က ဆုံးရှုံးသွားတဲ့ ဂုဏ်သိက္ခာကို ပြန်ယူဖို့ ကြိုးစားရတော့မယ်လို့ ဆိုလိုက်ခြင်းဟာ IS အဖွဲ့က ခွချက် ချက်လိုက်ခြင်းသာ ဖြစ်ပါတယ်။

ဒီသဘောထားတွေဟာ အခုအချိန်အထိ IS ရဲ့ လူစုတဲ့ နည်းလမ်းမှာ တော်တော်လေးကို အသုံးဝင်တဲ့ သဘောထားတွေပါပဲ။ အီရန်က စစ်ဘက်ဆိုင်ရာနဲ့ နိုင်ငံရေးအအရ သြဇာလွှမ်းမိုးထားနိုင်တဲ့ ဆီးရီးယားနဲ့ လက်ဘနွန်တို့မှာလည်း သူတို့အဖွဲ့က တော်တော် ခရီးရောက်နေပြီဖြစ်ပါတယ်။ တစ်ကယ်လို့များ အီရတ်စစ်ပွဲသာ မရှိခဲ့ဖူးဆိုရင်တော့ ဒါမျိုးတွေလည်း ဖြစ်လာဖို့ အကြောင်းမရှိပါဘူး။

ဘဂ္ဂဒတ်မှာနေထိုင်သူ စွန်နီတစ်ဦးဖြစ်တဲ့ ဂျီဟဒ်မိုဟာနဒ်ကတော့ အီရတ်ကျူးကျော်စစ်ဟာ မှားယွင်းခဲ့တယ်လို့ ဘလဲရဲ့ ၀န်ခံမှုဟာ မထင်မှတ်ဘဲ ဖြစ်လာတာဆိုတာ ထင်ရှားတယ်လို့ ဆိုပါတယ်။

“အခြားတစ်ဖက်ကနေ ကောက်ချက်ချဖို့တော့ လုံးဝ မဖြစ်နိုင်ပါဘူး။ အမေရိကန်နဲ့ ဗြိတိန်ရဲ့ ကျူးကျော် တိုက်ခိုက်မှု မရှိဘဲနဲ့ IS ဆိုတာ ရှိမလာနိုင်ပါဘူး။ ဒါက သိပ်ကိုရှင်းပါတယ်” လို့ ပြောကြားခဲ့ပါတယ်။

ref: theguardian

November 16, 2015