News @ M-Media

Category: ဆောင်းပါး

  • ရခိုင်တောင်ပိုင်း အမျိုးသားရေးဝါဒီတို့ကို တန်ပြန်တိုက်စစ်ဆင်သော NLD

    ရခိုင်တောင်ပိုင်း အမျိုးသားရေးဝါဒီတို့ကို တန်ပြန်တိုက်စစ်ဆင်သော NLD

    ဆွေဝင်း/Myanmar Now

    12065776_1234923659856366_8247256981965881736_n
    တောင်ကုတ်မြို့တွင် ဒေါ်အောင်ဆန်းစုကြည် ဟောပြောစဉ် (ဓါတ်ပုံ NLD)

    ရခိုင်ပြည်နယ်တွင် အင်အားကောင်းသည့် ရခိုင်အမျိုးသားပါတီက  ဒေသအတွင်း မဲအပြတ်အသတ်ဖြင့်အနိုင်ရရန်  အမျိုးသားရေးစိတ်ဓာတ်ကို နှိုးဆွနေသော်လည်း ပြည်နယ်တောင်ပိုင်း မဲဆန္ဒနယ်များတွင်မူ NLD  နိုင်မည့် အလားအလာများ ရှိနေသည်။

    ဆင်ခေါင်း၊ ရခိုင်ပြည်နယ် (Myanmar Now) – အမျိုးသားဒီမိုကရေစီအဖွဲ့ချုပ် (NLD) ကိုယ်စားလှယ်ဖြစ်သူ ဦးစိုးဝင်းသည် လက်တစ်ဖက်က  ခပ်နွမ်းနွမ်းပင်နီတိုက်ပုံကို မြဲမြဲဆုပ်လျက်၊ ကျန်လက်တစ်ဖက်က စကားပြောမိုက်ကရိုဖုန်းကို ကျစ်ကျစ်ပါအောင်ကိုင်ထားပြီး သူ၏ခန္ဓာကိုယ်တစ်ခုလုံးကိုလည်း ရှေ့နောက်ယိမ်းထိုးကာ  ဆင်ခေါင်းကျေးရွာရှိ ရာဂဏန်းမျှသော ရခိုင်တိုင်းရင်းသားတစ်စုကို မေးခွန်းများ တရစပ် ပစ်ထုတ်လိုက်သည်။

    “၂ဝဝ၇ ခုနှစ်တုန်းက ဘုန်းကြီးတွေကို သတ်ဖို့ အမိန့်ပေးတာ ဒေါ်အောင်ဆန်းစုကြည်လား”

    “လက်ပံတောင်းတောင်မှာ မနက်စောစော ဘုန်းကြီးတွေကို မီးလောင်ဗုံးနဲ့ အာရုံဆွမ်းကပ်တာ ဘယ်သူလဲ၊ ဒေါ်အောင်ဆန်းစုကြည်လား” ဟု သူက ပါးစပ်မှအမြှုပ်ထွက်မတတ် မေးမြန်းလိုက်သည်။

    ပရိသတ်က  “မဟုတ်ဘူး၊ မဟုတ်ဘူး” ဟု ဆိုကာ လက်ခုပ်လက်ဝါးတီးပြီး သူ၏ မာန်ပါလှသည့် ဟောပြောမှုကို တုံ့ပြန်လိုက်ကြသည်။

    ရခိုင်၊ ဗုဒ္ဓဘာသာ ဖြစ်သူ ဦးစိုးဝင်း၏ ထိုဟောပြောပွဲကို ရခိုင်ပြည်နယ်တောင်ဘက်တွင် အကြီးဆုံးမြို့ဖြစ်သည့် သံတွဲမြို့အရှေ့ဘက်  တောကြိုအုံကြားရှိ ဆင်ခေါင်းကျေးရွာ၏ ဖုံထူသည့် ရွာလမ်းဆုံတစ်ခုတွင် ပြုလုပ်နေခြင်းဖြစ်သည်။
    800
    သံဃာတော်များ နှင့် ဗုဒ္ဓသာသာနာကို စော်ကားခဲ့သူမှာ ဒေါ်အောင်ဆန်းစုကြည်မဟုတ်၊ စစ်တပ်၊ လက်ရှိအစိုးရနှင့် အာဏာရပြည်ထောင်စုကြံ့ခိုင်ဖွံ့ဖြိုးရေးပါတီတွင်နေရာယူထားသော ဗိုလ်ချုပ်ကြီးဟောင်းများသာဖြစ်သည်ဟု သူက မဲဆန္ဒရှင်များကို ရှင်းပြနေသည်။

    ဗုဒ္ဓဘာသာအခြေခံ အမျိုးသားရေးဝါဒကို ၂ဝ၁၅ ရွေးကောက်ပွဲတွင် မည်သို့အသုံးချနေကြောင်း ဦးစိုးဝင်း၏ မဲဆွယ်စည်းရုံးရသည့် အခြေအနေက ဖော်ပြနေသည်။

    ဒေါ်အောင်ဆန်းစုကြည်၏ NLDပါတီအနိုင်ရပါက ဗုဒ္ဓဘာသာဝင်အများစုရှိသည့် မြန်မာနိုင်ငံတွင် အစ္စလာမ်ဘာသာ လွှမ်းမိုးမည်ဖြစ်ကြောင်း  အမျိုး၊ ဘာသာ၊ သာသနာစောင့်ရှောက်ရေးအဖွဲ့ (မဘသ)မှ ဘုန်းတော်ကြီးများက ပြောကြားနေသည်။

    နိုင်ငံမဲ့ ရိုဟင်ဂျာ/ဘင်္ဂါလီမွတ်စလင် တစ်သန်းခန့်နေထိုင်သော ရခိုင်ပြည်နယ်တွင် လူမျိုးရေး အကြမ်းဖက်မှုများ ဖြစ်ပေါ်ခဲ့သည့် ထိုစွပ်စွဲပြောဆိုချက်များ အထူးပျံ့နှံ့လျက်ရှိသည်။

    3

    “ဒေါ်အောင်ဆန်းစုကြည်ကို ပြည်သူလူထုကျောခိုင်းတာ မြင်စေချင်တဲ့သူတွေက၊ ရွေးကောက်ပွဲမှာ ရှုံးစေချင်တဲ့သူတွေက ဒီလို ကောလာဟလတွေကို  ဖြန့်နေတယ်။ ဒါတွေကို မယုံပါနဲ့။ ဒီကောလာဟလတွေကို ယုံမယ်ဆိုရင် စစ်အာဏာရှင်စနစ် သက်ဆိုးရှည်နေဦးမှာပဲ” ဟု ဦးစိုးဝင်းက ပရိတ်သတ်ကို ပြောနေသည်။

    ဟောပြောပွဲ၏ နောက်နားရှိ အုန်းပင်တစ်ပင်အောက်တွင် ပြည်ခိုင်ဖြိုးပါတီ၏ မဲဆွယ်ပိုစတာ တစ်ခုရှိနေပြီး၊ ထိုအရာနှင့်ပေ အနည်းငယ်အကွာတွင်  “မျိုးစောင့်ဥပဒေ ပညာပေးဟောပြောပွဲ” ဟု ရေးသားထားသော မဘသ၏ ပိုစတာတစ်ခု စိုက်ထူထားသည်ကိုလည်း တွေ့ရသည်။

    11

    မြန်မာနိုင်ငံ၏ အဆင်းရဲဆုံးပြည်နယ်များတွင် တစ်ခုအပါအဝင်ဖြစ်ပြီး မတည်ငြိမ်မှု အများဆုံး ဖြစ်ပွားနေသည့် ရခိုင်ပြည်တွင် NLD  သည် အင်အားကောင်းသည့် ရခိုင်အမျိုးပါတီ (ANP) ကို အကြိတ်အနယ်ယှဉ်ပြိုင်နေရသည်။  ရခိုင်တိုင်းရင်းသားတို့၏ လူမျိုးရေးစိတ်ဓာတ်ဖြင့် ထောက်ခံမဲများရရန် မျှော်လင့်ထားသည့် ANP က  တိုင်းဒေသကြီးလွှတ်တော်အတွက် ၃၄ နေရာ၊ ပြည်သူ့လွှတ်တော်အတွက် ၁၇ နေရာ၊ အမျိုးသားလွှတ်တော်အတွက် ၁၂ နေရာတို့ကို ဝင်ရောက်ယှဉ်ပြိုင်နေပြီး ထိုနေရာအများစုကို အနိုင်ရရန် မျှော်လင့်ထားသည်။

    တောင်ပိုင်းက စစ်မြေပြင်
    ————————-
    ရခိုင်ဘာသာနှင့်ယဉ်ကျေးမှုတို့ ပိုမိုအားကောင်းရာ ပြည်နယ်၏ အလယ်ပိုင်း၊ မြောက်ပိုင်း ဒေသတို့သည် ANP  ပါတီ အခိုင်အမာ  အားကောင်းသည့်နေရာများ ဖြစ်သော်လည်း ဗမာစကားကို ပြောသော  မြန်မာနိုင်ငံအလယ်ပိုင်းဒေသနှင့် ဆက်စပ်နေသည့် ပြည်နယ် တောင်ပိုင်းတွင်မူ ANP ၏ လူထုထောက်ခံမှုမှာ ပီပီပြင်ပြင် မရှိလှပေ။  ပြည်ခိုင်ဖြိုးပါတီကလည်း ဗုဒ္ဓဘာသာရခိုင်ပြည်သူများ၏ ဓလေ့ထုံးတမ်းယဉ်ကျေးမှုများကို ကာကွယ်စောင့်ရှောက်ပေးမည့် ပါတီတစ်ခုအဖြစ် ဒေသခံလူထုလက်ခံလာစေရန် လုပ်ဆောင်လျက်ရှိသည်။

    ဒေသတွင်းဖြစ်ပွားသည့်လူမျိုးရေး ပဋိပက္ခများကြောင့် ဒေသခံများ ၂ဝ၁၂ ခုနှစ်မှစ၍ ထိခိုက်မှုများဖြစ်ခဲ့ကာ လူပေါင်း တစ်သိန်းခန့်ကို ရွှေ့ပြောင်းပေးခဲ့ရသည်။ ရွှေ့ပြောင်းရသူ အများစုမှာ ကိုယ့်ကိုယ်ကိုယ် ရိုဟင်ဂျာဟု ခေါ်ဆိုပြီး အစိုးရက ဘင်္ဂါလီဟု ခေါ်ဆိုသူများ ဖြစ်သည်။  သံတွဲတွင်  ၂ဝ၁၃ ခုနှစ် အောက်တိုဘာလအတွင်းကလည်း  မွတ်စလင်ကျေးရွာများကို ဗုဒ္ဓဘာသာ ရခိုင်တို့၏ တိုက်ခိုက်မှုများ ဖြစ်ပွားရာ လူသေဆုံးမှုရှိခဲ့သည်။

    မွတ်စလင်တို့၏ ယာယီနိုင်ငံသားကဒ် (White Card) များကို အစိုးရက ဖေဖော်ဝါရီလအတွင်း ရုပ်သိမ်းပြီးနောက် ဘူးသီးတောင်၊ မောင်တောမြို့တို့မှ မွတ်စလင် တစ်သိန်းခန့် မဲပေးခွင့် ဆုံးရှုံးသွားခဲ့သည်။ ရိုဟင်ဂျာတို့ မဲပေးခွင့်ဆုံးရှုံးသွားသည့်အခါ ANP က ပြည်နယ်အတွင်း နိုင်ငံရေး အသာစီးရရေးအတွက် NLD ကို အနိုင်ရရန်  လိုအပ်လာပြီဖြစ်သည်။

    ANP ပါတီက ရခိုင်ပြည်နယ်၏ အမျိုးသားလုံခြုံရေးနှင့် သဘာဝရင်းမြစ်များကို ကာကွယ်စောင့်ရှောက်ပေးမည်ဟု  ကတိပေးထားသည်။

    “ရခိုင်တိုင်းရင်းသားတွေကသာ ရခိုင်ပါလီမန်ကို ထိန်းချုပ်နိုင်မှ မိမိတို့ရဲ့ တိုင်းရင်းသားတွေရဲ့ လုံခြုံရေးနဲ့ အနာဂတ်ကို ကာကွယ်နိုင်မှာဖြစ်ပါတယ်”  ဟု ANP  ဥက္ကဋ္ဌ ဒေါက်တာအေးမောင်က ကျိတ်တလိမြို့တွင် နိုဝင်ဘာ ၁ ရက်ကနေ့က မဲဆန္ဒရှင်များနှင့်တွေ့ဆုံစဉ် ပြောကြားခဲ့သည်။

    Myanmar Now က ဆက်သွယ်မေးမြန်းရာတွင်လည်း   ဒေါက်တာအေးမောင်က ရခိုင်ပြည်နယ်အတွင်းရှိ မဲဆန္ဒနယ်များတွင်  သူ့ပါတီက  ၉ဝ ရာခိုင်နှုန်းကျော် အပြတ်အသတ်နိုင်မည်ဖြစ်ကြောင်း ပြောကြားသည်။

    ထို့ပြင် ပြည်ခိုင်ဖြိုးပါတီကလည်း အနိုင်ရရန် ကြိုးပမ်းလျက်ရှိသည်။ သမ္မတဦးသိန်းစိန်သည် (အင်္ဂါနေ့) နိုဝင်ဘာ ၃ ရက်က စစ်တွေမြို့မှတစ်ဆင့်  ရခိုင်ရှေးဟောင်း မြောက်ဦးမြို့ရှိ စေတီတစ်ဆူတွင် ထီးတော်တင်ခဲ့ကြောင်း သတင်းများတွင် ဖော်ပြထားသည်။

    အမျိုးသားရေးဝါဒီတို့၏ တိုက်ခိုက်မှုများ
    ——————————————
    သံတွဲမြို့နှင့်အနီးဝန်းကျင်ကျေးရွာများတွင် မဲပေးခွင့်ရှိသူ ၉ဝ,ဝဝဝ ခန့်ရှိကြောင်း မြို့နယ်ရွေးကောက်ပွဲကော်မရှင်အဖွဲ့၏ စာရင်းအရ သိရသည်။

    လူမျိုးရေးပြဿနာအပေါ် အခြေခံသည့် ထိုးနှက်မှုများနှင့် ပတ်သက်ပြီး NLD က  ရခိုင်လူထုကို ပြန်လည် ရှင်းလင်းနေရသည်။

    “ANP ကရော၊ ပြည်ခိုင်ဖြိုးရော ကျွန်တော်တို့ကို ရန်သူလို့ သတ်မှတ်ထားပါတယ်။ ကျွန်တော်တို့ပါတီကို နေ့စဉ်နဲ့အမျှ တိုက်ခိုက်မှုတွေ လုပ်နေပါတယ်” ဟု ပြည်သူ့လွှတ်တော် အမတ်လောင်း သံတွဲမြို့နယ် NLD ဥက္ကဋ္ဌ  ဦးဝင်းနိုင်က ပြောကြားသည်။

    သံတွဲမြို့အနီး ညောင်ခြေထောက်ကျေးရွာနေ အသက် ၅၈ နှစ်အရွယ် ဒေါ်ခင်စန်းလှိုင်က ANP နှင့် ပြည်ခိုင်ဖြိုးပါတီတို့ လွန်ခဲ့သည့်လအတွင်းက  ရွာဘုန်းကြီးကျောင်းသို့ လာရောက်ခဲ့ပြီး NLD သည် မွတ်စလင်တို့ဖြင့် ဖွဲ့ထားသည့်  ပါတီဖြစ်သောကြောင့် မဲမပေးရန် ပြောကြားခဲ့သည်ဟု ဆိုသည်။

    “ရခိုင်အမျိုးသားပါတီက ပြည်ခိုင်ဖြိုးထက် ပိုပြီး ကြမ်းတယ်” ဟု အဆိုပါ အမျိုးသမီးက ပြောသည်။

    အမှန်တကယ်တွင် NLD  ပါတီအနေဖြင့် ရွေးကောက်ပွဲတွင် ဝေဖန်မှုများကို ကြုံတွေ့ရမည်ကို စိုးရိမ်သောကြောင့် မွတ်စလင်တစ်ဦးကိုမှ အမတ်လောင်းအဖြစ် ထည့်သွင်းထားခြင်းမရှိပေ။

    ရွေးကောက်ပွဲတွင် အခြားပါတီများအား ထိပါးပုတ်ခတ်သည့် မဲဆွယ်မှုများကို မလုပ်ဆောင်ခဲ့ကြောင်း ပြည်ခိုင်ဖြိုး၊ ANP တို့က  ငြင်းဆိုထားသည်။

    8

    “မဲဆွယ်စည်းရုံးရာမှာ NLD ပါတီကို မတိုက်ခိုက်ပါဘူး။ ဒါပေမယ့် ကျွန်တော်တို့ပါတီ အနိုင်ရရင်တော့ ခိုးဝင်လာတဲ့သူတွေကို  တားမြစ်သွားမှာပါ ” ဟု  သံတွဲမြို့မှ ANP အမတ်လောင်း ဦးမောင်မောင်ဖြူက ပြောကြားသည်။

    သံတွဲမြို့ မဘသ အတွင်းရေးမှုး သုခဝတီကျောင်းတိုက် ကျောင်းထိုင်ဆရာတော် ဘဒ္ဒန္တစန္ဒိမာက  မဘသအဖွဲ့ အဆိုပြုခဲ့သည့် မျိုးစောင့်ဥပဒေများကို မထောက်ခံသည့် NLD ကဲ့သို့သော ပါတီများကို မဲမပေးရန် သူ့ ဒကာ၊ ဒကာမများကို ညွှန်ကြားထားသည်ဟု ပြောသည်။

    “ဒေါ်အောင်ဆန်းစုကြည်ကို မယုံကြည်ဘူး။ ဦးဇင်းတို့ရခိုင်ပြည်က ယဉ်ကျေးမှု နဲ့ ထုံးတမ်းစဉ်လာတွေကို  တည်ဆောက်ထားတာ။ ဒါပေမယ့် သူက လူ့အခွင့်အရေးကို ဦးစားပေးလွန်းရာကျနေတယ်” ဟု ဘဒ္ဒန္တစန္ဒိမာက  ပြောသည်။

    ရခိုင်ပြည်မှာ ပြန်လည်ဦးမော့လာသည့် NLD
    ——————————————
    ၂ဝ၁၂ အစောပိုင်း ရခိုင်ပြည်နယ် တောင်ကုတ်မြို့တွင် ဗုဒ္ဓဘာသာဝင် လူတစ်စုက ခရီးသည်တင်ဘတ်စ်ကားတစ်စီးကို တိုက်ခိုက်ကာ မွတ်စလင် ၁ဝ ဦးကို သတ်ဖြတ်ခဲ့ပြီးနောက် ဒေါ်အောင်ဆန်းစုကြည်က ‘လူများစုက လူနည်းစုကိုအနိုင်မကျင့်သင့်ဘူး’ ဟု ပြောခဲ့သည်။

    အဆိုပါ စကားကို ပြည်ခိုင်ဖြိုး၊ ANP တို့က ဒေါ်အောင်ဆန်းစုကြည်နှင့် NLD ပါတီကို မွတ်စလင်လိုလားသူများအဖြစ်ပုံဖော်ကာ  မဲဆွယ်ရာတွင် အသုံးချလျက်ရှိနေသည်။

    သို့သော် မကြာသေးမီက ဒေါ်အောင်ဆန်းစုကြည်၏ သံတွဲ၊ ဂွ၊ တောင်ကုတ်မြို့ခရီးစဉ်များကြောင့် ရခိုင်ပြည်နယ်တောင်ပိုင်းတွင် NLD ၏  ပုံရိပ်ကို ပြန်လည်မြင့်တက်လာစေကြောင်း အမတ်လောင်း ဦးဝင်းနိုင်က ပြောသည်။

    “ဒေါ်အောင်ဆန်းစုကြည် ပြီးခဲ့တဲ့ လတုန်းက လာပြီး ပြည်သူတွေနဲ့ တွေ့သွားပြီးနောက်ပိုင်း သူ့ကို ပိုမိုနားလည်လာတဲ့အတွက် ရွေးကောက်ပွဲမှာ  ကျွန်တော်တို့နိုင်ပါလိမ့်မယ်” ဟု ဦးဝင်းနိုင်က ပြောသည်။

    ဒေါ်အောင်ဆန်းစုကြည်သည် မွတ်စလင်များကို အခွင့်အရေးပေးခြင်း သို့မဟုတ် သူအာဏာရလာပါက ရိုဟင်ဂျာ/ဘင်္ဂါလီများ ရခိုင်ပြည်နယ်ကို  လွှမ်းမိုးသွားမည်ဆိုသည့် စွပ်စွဲချက်များအပေါ် ရှင်းလင်းရန်  ဖိအားပေးမှုများနှင့် ကြုံခဲ့ရသည်။

    “မေးတဲ့သူတွေကို ဒေါ်အောင်ဆန်းစုကြည်ပြန်ပြောတာက အဲဒီလိုအထောက်အထားမျိုးတွေရှိရင် သူ့ကိုတရားစွဲပါ တဲ့။ အဲဒီလိုပြောတဲ့သူတွေ ဘာမှ ပြန်မပြောနိုင်တော့ဘဲ လူထုကြီးက လက်ခုပ်ဝိုင်းတီးကြပါတော့တယ်” ဟု ဦးဝင်းနိုင်က ပြောသည်။

    “ကျွန်တော်တို့ ပါတီက ရခိုင်ပြည်နယ်တောင်ပိုင်းမှာ ၁၉၉ဝ ရွေးကောက်ပွဲတုန်းက နိုင်ခဲ့တယ်။ လူမျိုးရေး၊ ဘာသာရေး အဓိကရုဏ်းတွေမဖြစ်ခင်ကလိုပဲ လူထုရဲ့ ထောက်ခံမှုက ပြန်မြင့်တက်လာပါပြီ” ဟု ၎င်းက ပြောသည်။

    ဆင်ခေါင်းရွာမှ ဗုဒ္ဓဘာသာဝင်တစ်ဦးဖြစ်သူ အသက် ၃၂ နှစ်အရွယ် ဇော်မင်းဦးက NLD အပေါ် လူမျိုးရေးအရ တိုက်ခိုက်သည့်  ဝါဒမှိုင်းများကို သူလည်းနားဝင်ခဲ့ကြောင်း၊ သို့သော် ဒေါ်အောင်ဆန်းစုကြည် သံတွဲမြို့တွင် ပြောသွားသည့်စကားများကို ကြားရပြီးနောက်  ယင်းအစွဲများ မရှိတော့ကြောင်း ပြောသည်။

    “အမေစုက ဗုဒ္ဓဘာသာပဲဖြစ်ဖြစ်၊ မွတ်စလင်ပဲဖြစ်ဖြစ် ကျွန်တော်တို့အားလုံး စည်းလုံး ညီညွှတ်စွာနဲ့ နေစေချင်တယ်။ အမေ့ကို အရမ်းချစ်သွားပြီ။ ကျွန်တော်တို့ ဒီဒေသမှာ ဟိုးအရင်ကတည်းက မွတ်စလင်တွေနဲ့ အကြာကြီးနေခဲ့ကြတာပဲ။ တစ်မြေတည်းနေကြသူအချင်းချင်း ဘာလို့ တိုက်ခိုက်ရမှာလဲ” ဟု သူက ဆိုသည်။    ။

  • မြန်မာပြည်တွင် မဲတစ်ပြားစီ၏ တန်ဖိုး မတူကြပါ

    မြန်မာပြည်တွင် မဲတစ်ပြားစီ၏ တန်ဖိုး မတူကြပါ

    သင်းလဲ့ဝင်း
    Myanmar Now

    “မဲဆန္ဒရှင်ပျံ့နှုံ့မှုမညီမျှခြင်း”သည် ဒီမိုကရေစီ၏အဓိက၊  အနှစ်သာရဖြစ်သော လူတစ်ဦး၊ မဲတစ်ပြား ဆိုသည်ကို ဖောက်ဖျက်ရုံမျှမက မဲလိမ်လည်မှု၊  ခြိမ်းခြောက်မှုများ အတွက်လည်းစိုးရိမ်ရသည်။

    People-comparison

    ရန်ကုန် (Myanmar Now) − သမိုင်းတွင်မည့် နိုဝင်ဘာ ၈ ရက်နေ့ ရွေးကောက်ပွဲတွင် မဲပေးကြသည့် သန်းပေါင်းများစွာသော မဲဆန္ဒရှင်များထဲမှ လူအများအပြားသည် နှစ်ပေါင်းများစွာ ချုံးချုံးကျနေသော၊  အာဏာရှင်လက်အောက်တွင် ဆယ်စုနှစ် ၅ စု အနှိပ်စက်ခံခဲ့ရသော မြန်မာနိုင်ငံသည် သူတို့၏ မဲများကြောင့်  မျှတသော၊  လွတ်လပ်သော နိုင်ငံသို့ပြောင်းလဲ သွားမည်ဟု မျှော်လင့်အားထားလျက်ရှိပါသည်။

    မဲဆန္ဒရှင်၃၃.၅သန်းနီးပါးသည် ပြည်သူ့လွှတ်တော်အမတ် ၃၂၅ ဦးကို ရွေးချယ်တင်မြှောက်ကြမည်ဖြစ်ပါသည်။ သို့ရာတွင် မြန်မာနိုင်ငံ၏ ရွေးကောက်ပွဲစနစ်၏  ထူးခြားသော အပြုအမူတစ်ခုကြောင့် မဲပြားများ၏တန်ဖိုးနှင့် ထိရောက်မှုမှာ တစ်ပြားနှင့်တစ်ပြား မတူပါ။ လူဦးရေအနည်းဆုံး ရှိသော မဲဆန္ဒနယ်မှ မဲများသည် လူဦးရေအများဆုံးရှိသော မဲဆန္ဒနယ်မှ မဲများထက် အဆရာပေါင်းများစွာ သြဇာလွှမ်းပါသည်။

    ဤသည်မှာ  ပြည်သူ့လွှတ်တော်မဲဆန္ဒနယ်များသည် လူဦးရေ အနည်းအများပေါ်တွင် အခြေခံခြင်းမဟုတ်ဘဲ မြို့နယ်များတွင် အခြေခံသည့်အတွက်ကြောင့်ဖြစ်သည်။ မြို့နယ်များတွင် လူဦးရေခြားနားခြင်း အများအပြားရှိနေပါသည်။

    “ရွေးကောက်ပွဲတစ်ခုတည်းမှာပဲ မဲဆန္ဒနယ် တစ်ခုမှာလူ ၅သိန်းနီးပါးရှိပြီး နောက်မဲဆန္ဒနယ်တစ်ခုမှာတော့ ၅,ဝဝဝ ပဲ ရှိတာမျိုးဟာ အတော်ရှားပါတယ်။  ဒါဟာ ပြည်သူတွေအတွက်တော့ တရားမမျှတတာပါဘဲ” ဟု အမည်မဖော်လိုသော် ရွေးကောက်ပွဲ ကျွမ်းကျင်သူ ပညာရှင်တစ်ဦးကဆိုပါသည်။

    ဤသို့မဲဆန္ဒနယ်များတွင် လူဦးရေအလွန်တရာ ကွဲပြားခြားနားခြင်းကို မဲလ်အပေါ်းရှင်းမန့် သို့မဟုတ် “မဲဆန္ဒရှင်ပျံ့နှံ့မှု မညီမျှခြင်း”ဟု  နိုင်ငံရေးသိပ္ပံပညာရှင်များက ခေါ်ဆိုပါသည်။

    “မဲဆန္ဒရှင်ပျံ့နှံ့မှု မညီမျှခြင်း”သည် ဒီမိုကရေစီ၏အဓိက၊  အနှစ်သာရဖြစ်သော လူတစ်ဦး၊ မဲတစ်ပြား ဆိုသည်ကို ဖောက်ဖျက်ရုံမျှမက ရွေးကောက်ပွဲ စနစ်၏ အများယုံကြည်လက်ခံနိုင်မှုကို မေးစရာဖြစ်စေသည်။ မဲထောင်ချီရ၍ လွှတ်တော်အတွင်းရောက်လာသော အမတ်နှင့် မဲသိန်းချီ၍ရကာ ရောက်လာသော အမတ်၏ အများထောက်ခံမှုအရ ရရှိသော လုပ်ပိုင်ခွင့်၊  အာဏာကိုလည်း မေးခွန်းထုတ်စရာဖြစ်သည်။

    ပို၍စိတ်ပူစရာကောင်းသည်က လူဦးရေနည်းသော  မဲဆန္ဒနယ်များသည် မဲလိမ်လည်မှု၊  ခြိမ်းခြောက်မှု၊  ဝင်ရောက်စွက်ဖက် ခြယ်လှယ်မှုများ ဖြစ်နိုင်သည့် အခြေအနေများ ပေါ်ပေါက်လာနိုင်ပါသည်။

    “မဲပေးသူအရေအတွက်များတဲ့နေရာထက် မဲပေးသူအရေအတွက်နည်းတဲ့နေရာမှာ နိုင်ဖို့ဆိုတာ ပိုလွယ်ပါတယ်။ တခြားတနည်းနဲ့ပြောရမယ်ဆိုရင်တော့ မဲဆွယ်တဲ့အခါမှာ ကုန်ကျစရိတ် ဒါမှမဟုတ် တွေ့တဲ့အခက်အခဲဆိုတာဟာ (မဲဆန္ဒနယ်ရဲ့) အရွယ်အပေါ်မှာလည်း တစ်မျိုးတစ်ဖုံ တည်နေတယ်လေ” ဟု မြန်မာနိုင်ငံအရေးကို နှစ်ရှည်လများ လေ့လာနေသော နိုင်ငံရေး ဆန်းစစ်သူ ရစ်ချပ်ဟောစီကဆိုပါသည်။

    “မဲဆန္ဒရှင်ပျံ့နှံ့မှုမညီမျှခြင်း” သည် ရွေးကောက်ပွဲများ၏ရလဒ်ကိုလည်း ပြောင်းလဲသွားစေနိုင်ပါသည်။ ၂ဝ၁၃ မလေးရှား ရွေးကောက်ပွဲတွင် အာဏာရပါတီ ဘာရီစန်နယ်ရှင်နယ်သည် လူထုတစ်ရပ်လုံး၏မဲကို ရှုံးခဲ့သော်လည်း “မဲဆန္ဒရှင်ပျံ့နှံမှုမညီမျှခြင်း”ကြောင့် ပါလီမန်နေရာ ၆ဝ ရာခိုင်နှုန်းနီးပါးကို ရခဲ့သည်ဟု ပညာရှင်များက ဆိုပါသည်။

    ယခုအချိန်တွင်ပင်  အာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် လူကြိုက်များသော အမျိုးသားဒီမိုကရေစီအဖွဲ့ချုပ် (NLD) နှင့်  ယှဉ်ပြိုင်ရာတွင် ဤသို့သော ရွေးကောက်ပွဲစနစ်၏ မညီမျှမှုကို မည်သို့အမြတ်ထုတ်မည်နည်းဟူသော မေးခွန်းများ ပေါ်ထွက်နေပါသည်။

    အာဏာရပါတီ၏ အထင်ကရဝန်ကြီးများဖြစ်သည့် သမ္မတကြီးဦးသိန်းစိန်ကိုယ်တိုင်ခန့်ထားသော ဦးစိုးသိန်း၊ ဦးအောင်မင်းတို့သည် ကယားပြည်နယ်တွင် အမျိုးသားလွှတ်တော်အတွက် တစ်သီးပုဂ္ဂလအနေဖြင့် ယှဉ်ပြိင်ကြမည်ဖြစ်သည်။

    ကယားပြည်နယ်သည် မဲဆန္ဒရှင်ပျံ့နှံ့မှုမညီမျှဆုံးသော နေရာများတွင် ပါဝင်ကာ ဦးစိုးသိန်း၊ ဦးအောင်မင်း တို့၏ မဲဆန္ဒနယ်များသည် မြန်မာတစ်နိုင်ငံလုံးရှိ အသေးငယ်ဆုံးသော မဲဆန္ဒနယ်များလည်းဖြစ်ပါသည်။ (တစ်သီးပုဂ္ဂလအမတ်လောင်းများဆိုင်ရာ အချက်အလက်ကိုကြည့်ပါ)

    ရိုက်တာသတင်းဌာန၏ စက်တင်ဘာလ သတင်းတစ်ပုဒ်တွင် ဦးစိုးသိန်းသည် သူ၏ သေးငယ်သော ဘောလခဲ မဲဆန္ဒနယ်တွင် ဒေါ်လာသောင်းချီသော စီမံကိန်းများကို ငွေကြေးထောက်ပံ့ခဲ့ကြောင်း ဖော်ပြထားသည်။ ထောက်ပံ့မှုများထဲတွင် ဂြိုဟ်တုစလောင်း၊  ရေပေးဝေခြင်း၊  ဘောလုံးပြိုင်ပွဲတို့လည်း ပါဝင်သည်။

    မြန်မာတစ်နိုင်ငံလုံးတွင် မဲပေးသူဒုတိယအနည်းဆုံး မဲဆန္ဒနယ်ဖြစ်သော ကိုးကိုးကျွန်းတွင်လည်း ယခင် ရေတပ်အကြီးအကဲ ဦးသက်ဆွေက အာဏာရပါတီအတွက် ပြည်သူ့လွှတ်တော်အမတ်လောင်းအဖြစ် ယှဉ်ပြိုင်မည်ဖြစ်သည်။

    ဘယ်လောက်တောင်ဆိုးသလဲ
    ——————————–
    “မဲဆန္ဒရှင်ပျံ့နှံမှုမညီမျှခြင်း” ကို တိုင်းရာတွင် များသောအားဖြင့် မဲပေးသူအများဆုံးမဲဆန္ဒနယ် နှင့် မဲပေးသူအနည်းဆုံးမဲဆန္ဒနယ်၏ အချိုးအစားကို ရှာပါသည်။ မြန်မာနိုင်ငံ၏ “မဲဆန္ဒရှင်ပျံ့နှံမှုမညီမျှခြင်း” သည် ဤတိုင်းတာချက်အရဆိုလျှင် ၃၉၇:၁ ရှိနေသည်။

    Myanmar Now က ဤသို့တိုင်းတာရာတွင် သန်းခေါင်စာရင်းကို မှီငြမ်းပါသည်။ သန်းခေါင်စာရင်းသာလျှင် မြန်မာနိုင်ငံတစ်ဝန်းလုံးကို လွှမ်းခြုံနိုင်ပြီး ထပ်မံ၍စိစစ်ခွဲဝေနိုင်ပါသည်။

    ပြည်ထောင်စုရွေးကောက်ပွဲကော်မရှင်သည် မဲပေးသူအများဆုံး မဲဆန္ဒနယ် ၅ နေရာနှင့် မဲပေးသူအနည်းဆုံးမဲဆန္ဒနယ် ၅ နေရာကိုသာ ထုတ်ဖော်ပြောဆိုကာ တစ်နိုင်ငံလုံး၏ မဲဆန္ဒနယ်အချက်အလက်များကို ကန့်သတ်ချက်များရှိသည်ဆိုကာ ပေးရန်ငြင်းဆိုခဲ့ပါသည်။

    ကော်မရှင်၏ အချက်အလက်များအရဆိုလျှင် “မဲဆန္ဒရှင်ပျံ့နှံမှုမညီမျှခြင်း”အချိုးအစားက ၃၇ဝ:၁ ရှိနေသည်။

    ဤအချိုးနှစ်ခုစလုံးသည် နိုင်ငံတကာစံချိန်စံညွှန်းများနှင့်ယှဉ်ပါက အလွန်မြင့်မားနေသည်ဟု Myanmar Now က ဆက်သွယ်ခဲ့သော ရွေးကောက်ပွဲပညာရှင်များက ဆိုပါသည်။  နိုင်ငံတကာစံချိန်စံညွှန်းများအရ ဆိုလျှင် မဲဆန္ဒနယ်များတွင် မဲပေးသူလူဦးရေသည် တစ်နေရာနှင့်တစ်နေရာ အနီးစပ်ဆုံးတူညီသင့်သည်ဟု သူတို့ကဆိုပါသည်။

    “ရွေးကောက်ပွဲအတွက် မဲဆန္ဒနယ်များရေးဆွဲရာတွင် မဲပေးသူနှင့် အရွေးခံရမည့် ကိုယ်စားလှယ် အချိုးအစားသည် အရပ်ဒေသတိုင်းတွင် အတူတူ ဖြစ်အောင်ထားခြင်းဖြင့် တူညီစွာမဲပေးပိုင်ခွင့်ကို ထိန်းသိမ်းရပါမည်” ဟု ဥရောပနိုင်ငံများ၏ လုံခြုံရေးနှင့်ပူးပေါင်းဆောင်ရွက်မှုအဖွဲ့အစည်း (အိုအက်စ်စီအီး) က ဆိုထားပါသည်။

    ဥပမာအားဖြင့်ဆိုလျှင် မက်ဆီဒိုးနီးယားနိုင်ငံတွင် “မဲဆန္ဒရှင်ပျံ့နှံမှုမညီမျှခြင်း” ဒီဂရီသည် ၃ ရာခိုင်နှုန်းထက်ကျော်လွန် ပါက ရွေးကောက်ပွဲနယ်နမိတ်ကို ပြန်လည်ရေးဆွဲရပါသည်ဟု   အေ့စ် ရွေးကောက်ပွဲဆိုင်ရာ အသိပညာကွန်ယက် အင်တာနက်စာမျက်နှာတွင် ဖော်ပြထားသည်။

    ဂျာမနီ၊ ချက်သမ္မတနိုင်ငံတို့တွင်တော့ သတ်မှတ်ထားသော “မဲဆန္ဒရှင်ပျံ့နှံမှုမညီမျှခြင်း”  များမှာ ၁၅ ရာခိုင်နှုန်းနှင့် ၂၅ ရာခိုင်နှုန်းစီ ဖြစ်သည်။

    ဤနိုင်ငံများနှင့်ယှဉ်လျှင် မြန်မာနိုင်ငံ၏စနစ်သည် မျှတမှုမရှိ၊ ဝင်ရောက်စွက်ဖက် ခြယ်လှယ်မှုများဖြစ် လာနိုင်သော်လည်း ပြောင်းလဲမည့်ပုံမမြင်သေးပါ။

    မြို့နယ်များကိုအခြေခံ၍မဲဆန္ဒနယ်များရေးဆွဲမှုမှာ  ယခင်စစ်အစိုးရ၏ ဆုံးဖြတ်ချက်ဖြစ်ပြီး ၂ဝဝ၈ အခြေခံဥပဒေတွင် ပြဋ္ဌာန်း ထားပါသည်။  တပ်မတော်အတွက် အလွန်တရာအရေးကြီးသည့်  အခြေခံဥပဒေ ပြုပြင်ပြောင်းလဲခြင်းမှာ လာမည့်နှစ်အနည်းငယ် အတွင်း ဖြစ်လာဦးမည်မဟုတ်ပါ။

    ရွေးကောက်ပွဲမဝင်ဘဲ လွှတ်တော်ကိုယ်စားလှယ်အဖြစ် ခန့်အပ်ထားသည့် စစ်သားအရာရှိများသည် လွှတ်တော်တွင် ၂၅ ရာခိုင်နှုန်းရှိပြီး အခြေခံဥပဒေ ပြုပြင်ပြောင်းလဲရန်အတွက် လက်တွေ့အားဖြင့် သူတို့တွင် ဗီတိုအာဏာရှိပါသည်။

    ယခင်အစိုးရသည် ဤစနစ်ကို ရွေးချယ်ခဲ့ခြင်းမှာ သန်းခေါင်စာရင်းအချက်အလက်လည်းမရှိ၊  အရွယ်ညီမျှသော မဲဆန္ဒနယ်များရေးဆွဲခြင်းသည် အလွန်တရာ ရှုပ်ထွေးနိုင်သောကြောင့်ဖြစ်နိုင်သည်ဟု  ရစ်ချပ်ဟောစီက ဆိုပါသည်။

    “လွယ်ကူသက်သာအောင်လုပ်လိုက်တာလို့ ထင်ပါတယ်။ အုပ်ချုပ်ရေးယူနစ်မှာပဲထားမယ်ဆိုပြီး ဆုံးဖြတ်လိုက်တယ်လို့ ထင်ပါတယ်” ဟု သူကပြောသည်။

    နေပြည်တော်ရှိ ပြည်ထောင်စုရွေးကောက်ပွဲကော်မရှင် ညွှန်ကြားရေးမှုး ဦးစိုင်းကျော်သူကို ဆက်သွယ်မေးမြန်းရာ စနစ်သည် ကွာဟခြားနားချက်များရှိသော်လည်း ပြောင်းလဲရန်ဟူသည်မှာ ၎င်းတို့၏ တာဝန်မဟုတ်ဟု ပြောပါသည်။

    “မတရားဘူးဆိုတာ ဟုတ်ပါတယ်။ ဒါကဘာကြောင့်လဲဆိုတော့ ကျွန်တော်တို့ရဲ့ မဲဆန္ဒနယ်တွေဟာ လူဦးရေအပေါ်မှာအခြေမခံဘဲ မြို့နယ်ပေါ်မှာအခြေခံလို့ပါ။ ဒါဟာဖွဲ့စည်းပုံအခြေခံဥပဒေမှာပြဋ္ဌာန်းထားတာပါ။ ဖွဲ့စည်းပုံအခြေခံဥပဒေနဲ့ ရွေးကောက်ပွဲဥပဒေတွေပြောင်းလဲနိုင်ရင်တော့ အဲဒီအတိုင်းပဲ ကျွန်တော်တို့ပြောင်းမှာပါ” ဟု သူက ဆိုပါသည်။

    NLD ၏ ပြောရေးဆိုခွင့်ရှိသူ ဦးဝင်းထိန်ကလည်း ဤ“မဲဆန္ဒရှင်ပျံ့နှံမှုမညီမျှခြင်း”ကို စိုးရိမ်သော်လည်း မဲစာရင်းမှားခြင်း၊  ကြိုတင်မဲပေးခြင်းများကို လတ်တလော ကိုင်တွယ်ရမည့် ကိစ္စများအဖြစ် အာရုံစိုက်နေရကြောင်းပြောသည်။

    “အခုလောလောဆယ်အခြေအနေက မမျှတဘူးဆိုတာ သိတယ်။ ဒါပေမယ့်မြို့နယ်တွေအပေါ်မှာ မူတည်နေတော့ ပြောလို့မရဘူး” ဟုဆိုသည်။

    လူဦးရေကွာခြားမှုအများအပြား
    ——————————-
    မြန်မာနိုင်ငံ၏လူဦးရေ ၅၁.၄၈၆ သန်းအရဆိုလျှင် မြို့နယ်တစ်ခု၏ ပျမ်းမျှလူဦးရေသည် ၁၅၆,ဝဝဝ မျှ ရှိပါသည်။ သို့ရာတွင် ကချင်ပြည်နယ်မှ အင်ဂျန်းယန်မြို့နယ်တွင်  ၁,၇၃၂ ဦးသာ ရှိပြီး  ရန်ကုန်၊ လှိုင်သာယာမြို့နယ်တွင် ၆၈၇,၈၆၇ ဦး ရှိနေသည်။

    သန်းခေါင်စာရင်းကို Myanmar Now က လေ့လာကြည့်ရာ မြို့နယ်အများအပြား − ၈၂ မြို့ သို့မဟုတ် မဲဆန္ဒနယ်အားလုံး၏၂၅ ရာခိုင်နှုန်း− တွင် လူဦးရေ ၇၈,ဝဝဝ နှင့်အောက် ရှိသည်။ လူဦးရေ ၃၁၂,ဝဝဝ နှင့်အထက် ရှိသောမြို့နယ်ပေါင်း ၂၁ မြို့နယ် ရှိပါသည်။

    ဇယား ၁။ သန်းခေါင်စာရင်းအရ လူဦးရေ အလိုက်မြို့နယ်များစီထားခြင်း
    population by town ship

    ရွေးကောက်ခံ ပြည်သူ့လွှတ်တော်ကိုယ်စားလှယ်တစ်ယောက်သည် မဲဆန္ဒရှင်အရေအတွက် မည်မျှကို ကိုယ်စားပြုသနည်းဟု တွက်ချက်ကြည့်ရာ ကွာဟမှုများ၊  မညီမျှသောကိုယ်စားပြုမှုများ  ပို၍ သိသာသွားသည်။
    ကိုယ်စားပြုမှု အရေအတွက်ကိုကြည့်လျှင် ပြည်သူ့လွှတ်တော်ကိုယ်စားလှယ်တစ်ယောက်သည် ကယားပြည်နယ်တွင် လူပေါင်း ၂၄,ဝဝဝ ကို ကိုယ်စားပြုနေပြီး ဧရာဝတီတိုင်းဒေသကြီးတွင် ၁၅၅,ဝဝဝ အထိ ကိုယ်စားပြုနေသည်။

    ဇယား ၂။  ရွေးကောက်ခံပြည်သူ့လွှတ်တော် ကိုယ်စားလှယ် တစ်ယောက်၏ ကိုယ်စားပြုသူလူဦးရေ
    population by MP

    တိုင်းရင်းသားကိုယ်စားလှယ်ပြုမှုနှင့် “မဲဆန္ဒရှင်ပျံ့နှံမှုမညီမျှခြင်း”
    —————————————————–
    “မဲဆန္ဒရှင်ပျံ့နှံမှုမညီမျှခြင်း”သည် ရွေးကောက်ပွဲလုပ်နည်းအရ ကောင်းမွန်ခြင်းမရှိသော်လည်း လိမ်လည်မှုမဟုတ်ဘဲ အမြဲတမ်းလည်း ဆိုးကျိုး မသက်ရောက်ပါဟု ယူဆသည့် ပညာရှင်များလည်းရှိသည်။
    တကမ္ဘာလုံးတွင်တွေ့မြင်နေရသည့်အပြင် မြန်မာနိုင်ငံကဲ့သို့ လွှတ်တော်နှစ်ရပ်ဖြင့် ဥပဒေပြဋ္ဌာန်းမှုပုံစံစနစ်ရှိသော နိုင်ငံများတွင် ပိုပြီးတွေ့ရပါသည်။ ဤသည်မှာ နိုင်ငံရေးအရ အာဏာလျော့နည်းသော ပြည်နယ်များကို အသားပေးရန်လုပ်ထားခြင်းဖြစ်ပါသည်။

    ဤစနစ်ကိုထောက်ခံသူများက မညီမျှခြင်း များပြားသော နိုင်ငံတို့တွင် ချမ်းသာကြွယ်ဝမှုများကို ပြန်လည်ပေးဝေခြင်းများ ဖြစ်လာစေရန်အားပေးမှုပြုသည်ဟု ဆိုကြသည်။

    မြန်မာနိုင်ငံမှ သေးငယ်သော မဲဆန္ဒနယ်အများစုမှာ တိုင်းရင်းသားဒေသများတွင်ရှိနေသည်။ သို့သော်လည်း အကုန်လုံးမဟုတ်ပေ။ (အောက်မှမြေပုံကိုကြည့်ပါ)

    လူဦးရေ ၅ဝ,ဝဝဝ မပြည့်သော မဲဆန္ဒနယ် ၄၄ နယ်တွင် ၁ဝ မြို့နယ်သည် စီပွားရေး အချက်အချာကျသော ရန်ကုန်မှဖြစ်ပါသည်။

    “မြန်မာနိုင်ငံရဲ့ အမျိုးသားလွှတ်တော်ကိုကြည့်မယ်ဆိုရင် “မဲဆန္ဒရှင်ပျံ့နှံမှုမညီမျှခြင်း” ကို တမင်ထည့်သွင်းထားတာ တွေ့ရမှာပါ။ ဘာလို့လဲဆိုတော့ ပြည်နယ်နဲ့တိုင်းဒေသကြီးတစ်ခုစီဟာ သူတို့ဆီမှာ လူဦးရေဘယ်လောက်ပဲရှိရှိ ကိုယ်စားလှယ်လောင်းအရေအတွက်က အတူတူပဲ။ ဒါဟာနိုင်ငံရေးအရ ဆုံးဖြတ်ချက်ချထားတာပါ။ မြန်မာနိုင်ငံလိုမျိုး တိုင်းရင်းသား၊  လူမျိုးစုံတဲ့ နိုင်ငံ တစ်နိုင်ငံမှာဒါဟာ အားလုံးကို တန်းတူညီတူကိုယ်စားပြုမှုကို ပေးတာပါ။ အမေရိကားက အထက်လွှတ်တော် ဆီးနိပ်လိုပဲပေါ့” ဟု ရီချပ်ဟောစီကပြောသည်။

    ယခုအခြေအနေကိုပြောင်းရန်မြန်မာနိုင်ငံ၏ မဲဆန္ဒနယ်များကို လူဦးရေတူညီအောင်လုပ်ပေးပါက အခြားပြဿနာများ ပေါ်ပေါက် လာနိုင်သည်ဟု သူက ဆိုသည်။ ဥပမာအားဖြင့် တိုင်းရင်းသားလူမျိုးစုများ၏ ကိုယ်စားပြုမှုကို လျော့ကျသွားစေပြီး မဲဆန္ဒနယ်ကို မသမာသောရည်ရွယ်ချက်ဖြင့် ရေးဆွဲသတ်မှတ်မှုများ ဖြစ်လာနိုင်သည်ဟုပြောသည်။

    ထို့အပြင် ရှုပ်ထွေးမှုရှိပြီး  နှစ်ရှည်လများ ကြာသွားနိုင်သည်။ ပြည်သူအများစုက မြို့နယ်အုပ်ချုပ်ရေးစနစ်ကို ကျင့်သားရနေပြီဖြစ်သည်ဟု သူကဆိုသည်။

    အချို့ကမူ မြန်မာနိုင်ငံ၏ ယခုလက်ရှိ “မဲဆန္ဒရှင်ပျံ့နှံမှုမညီမျှခြင်း” သည် အလွန်တရာဆိုးဝါးလွန်း၍ တစ်ခုခုတော့ လုပ်သင့်သည်ဟုဆိုသည်။

    “လူတွေရဲ့မဲတွေ တချို့နေရာတွေမှာ အရမ်းကို အားပျော့သွားစေတာဟာ၊  တချို့နေရာတွေမှာ အဆ ၃ဝ လျော့ပြီး ကိုယ်စားပြုခံရတယ် ဒါမှမဟုတ် အဆ ၅ဝဝ ပိုပြီးကိုယ်စားပြုခံရတယ်ဆိုတာဟာ တကယ်တော့ အခြေခံတရားမျှတမှုနဲ့ဆိုင်ပါတယ်” ဟု အမည်မဖော်လိုသော ရွေးကောက်ပွဲပညာရှင်က ဆိုပါသည်။

    “ဒီ “မဲဆန္ဒရှင်ပျံ့နှံမှုမညီမျှခြင်း” ဆိုတာဟာ ရွေးကောက်ပွဲပြီးတဲ့အချိန်အတွက် အလွန်ကြီးကျယ်သောမေးခွန်းပါပဲ။ အဲဒါဟာ ဖွဲ့စည်းပုံအခြေခံဥပဒေပြုပြင်ပြောင်းလဲမဲ့ကိစ္စနဲ့ ယှက်နွယ်နေပြီး ရွေးကောက်ပွဲပြန့်၍ပုံသွင်းခြင်း၊  ဗဟိုချုပ်ကိုင်မှုကိုလျော့ချခြင်း  နဲ့ ဖက်ဒရယ်လဇ်ဇမ်ဆိုတဲ့ ပြည်ထောင်စုဝါဒတွေနဲ့လည်း ဆိုင်ပါတယ်။ ဒါတွေဟာ မေးခွန်းအကြီးကြီးတွေပါ” ဟု ပြောသည်။     ။

    myanmar map

  • စောင့်ကြည့် လေ့လာ အကဲဖြတ်ရမည့် ၂၀၁၅ ရွေးကောက်ပွဲ

    စောင့်ကြည့် လေ့လာ အကဲဖြတ်ရမည့် ၂၀၁၅ ရွေးကောက်ပွဲ

    ရေးသားသူ – မာန်ထက်သျှံ
    M-Media
    ၅၊ နိုဝင်ဘာလ ၊ ၂၀၁၅

    1 (1)
    ရန်ကုန်တိုင်း၊ မြို့နယ်အချို့တွင် ပေါ်ထွက်နေသည့် အမည်တူမဲဆန္ဒရှင် သက်သေခံလက်မှတ်များ (Photo Credit- 7Days)

    မကြာမီ ကျင်းပတော့မည့် ၂၀၁၅ ရွေးကောက်ပွဲဟာ အမှန်တကယ်ပဲ တရားမျှတမှု ရှိနိုင်ပါ့မလား ၊ ရာနှုန်းပြည့် သေချာမှန်ကန်ပါ့မလား ဆိုတဲ့ မေးခွန်းနှင့်ပတ်သက်၍ ပြည်တွင်းကရော ပြည်ပကပါ လေ့လာစောင့်ကြည့်သူများ၏ မေးခွန်း တစ်ရပ်ဖြစ်လာပါတယ်။

    အသွင်ကူးပြောင်းဆဲ မြန်မာနိုင်ငံမှာ အာဏာရ USDP နဲ့ အတိုက်အခံ NLD တို့ကြားမှာ ပြည်သူလူထုရဲ့ ရွေးချယ် ဆုံဖြတ်မှုကို လက်ရှိအစိုးရ အနေနဲ့ မဖြစ်မနေ လက်ခံရမှာဖြစ်ပါတယ်။ နိုင်ငံတဝှမ်း မဲဆန္ဒနယ်တော်တော်များများမှာ USDP နဲ့ NLD တို့ရဲ့ အားပြိုင်မှု အားကောင်းနေဆဲဖြစ်သော်လည်း ပါတီငယ်များနဲ့ တသီးပုဂ္ဂလများရဲ့ အသံများဟာလည်း တချို့ မဲဆန္ဒနယ်များမှာ ရှင်သန်နေဆဲ ဖြစ်ပါတယ်။

    ၁၉၉၀ ခုနှစ်မှာ NLD ပါတီအနိုင်ရပြီး အာဏာမလွှဲတဲ့ ဖြစ်ရပ်ကိုကြည့်ပြီး လက်ရှိ ၂၀၁၅ ရွေးကောက်ပွဲမှာရော NLD အနိုင်ရပြီး အစိုးရဖွဲ့နိုင်လျှင်ရော တပ်မတော်ရဲ့ အခန်းကဏ္ဍက မည်သို့ မည်ပုံဖြစ်လာမည်ကို ထည့်သွင်းစဉ်းစားစရာ အချက်ဖြစ်လာပါတယ်။ လက်ရှိအစိုးရနဲ့ အတိုက်အခံကြား ဆက်ဆံရေး ၊ အတိုက်အခံနှင့် တပ်မတော်တို့ရဲ့ အပြန်အလှန် ယုံကြည်မှု တည်ဆောက်နိုင်ရေး စတာတွေဟာ လက်ငင်းကြုံတွေ့နေရတဲ့ အနေအထားတစ်ခုပါ။ ဒါတွေက နိုင်ငံရေးအရ စိန်ခေါ်မှုတွေဖြစ်ပါတယ်။

    တဖက်မှာ ရွေးကောက်ပွဲ အကြိုကာလ ၊ ရွေးကောက်ပွဲ ကျင်းပစဉ်နှင့် ရွေးကောက်ပွဲပြီးကာလများမှာ တည်ငြိမ်အေးချမ်းစွာ ဖြတ်သန်းနိုင်ရေးဟာ အလွန်အရေးကြီးတဲ့ ရွေးကောက်ပွဲအပေါ် အကျိုးသက်ရောက်စေမယ့် အချက်ဖြစ်ပါတယ်။ ရွေးကောက်ပွဲကြီး တစ်ခုလုံး စ-လယ်-ဆုံး အောင်မြင်စွာ ကျင်းပပြီးစီးရေးဟာ ရွေးကောက်ပွဲနဲ့ ပတ်သက် ဆက်နွယ်သူအားလုံးအပေါ်မှာ တာဝန်ရှိသလို တာဝန်ခံထားသူတွေရဲ့ ဒီရွေးကောက်ပွဲကို မည်သို့ မည်ပုံကိုင်တွယ်ပြီး မည်သို့ မည်ပုံ ဖြစ်လာမည်ကိုလည်း မှတ်တမ်းတင် စောင့်ကြည့်လေ့လာရမည်လည်း ဖြစ်သည်။

    နိုင်ငံတစ်နိုင်ငံရဲ့ ရွေးကောက်ပွဲဟာ တရားမျှတမှုရှိမရှိ နိုင်ငံတကာစံနှုန်းများနှင့်အညီ ဒီမိုကရေစီ နည်းလမ်းတကျကျင်းပခြင်း ဟုတ်မဟုတ် စတာတွေကို စောင့်ကြည့်ဖို့ ယေဘုယျအားဖြင့် အဖွဲ့အစည်း ၄ရပ်မှ ထိန်းကျောင်းစောင့်ကြည့်တတ်ကြပါတယ်။

    သက်ဆိုင်ရာ ရွေးကောက်ပွဲ ကော်မရှင် အဆင့်ဆင့်ဟာ ၎င်းတို့သည် ဥပဒေ ၊ နည်းဥပဒေ၊ အမိန့် ၊ ကြေညာချက် ၊ လုပ်ထုံးလုပ်နည်းများနဲ့ အညီ အလွှာ အဆင့်ဆင့်မှာ လုပ်ဆောင်ခြင်းရှိမရှိဆိုတာကို ဆောင်ရွက်ကြပါတယ်။ အလားတူ နိုင်ငံရေးပါတီများမှလည်း ၎င်းတို့ ပါဝင်ယှဉ်ပြိုင်မည့် မဲဆန္ဒနယ်နှင့် ရွေးကောက်ပွဲကြီး တစ်ခုလုံးအပေါ်မှာ မဲစာရင်း မှန်ကန်မှုရှိမရှိမှ စ၍ ရွေးကောက်ပွဲကြီး ပြီးစီးသည်အထိ ၎င်းတို့ ပါတီမူဝါဒတွေနဲ့ လုပ်ပိုင်ခွင့် အတိုင်းအတာထဲမှ ဆန်းစစ်အကဲဖြတ်နေဆဲဖြစ်သည်။

    သတင်းမီဒီယာများအနေနဲ့လည်း မီဒီယာ ကျင့်ဝတ် စည်းမျဉ်း စည်းကမ်းများအတိုင်း ရွေးကောက်ပွဲအပေါ် ချဉ်းကပ်ကာ မီဒီယာရှုထောင့်မှ မှတ်တမ်းတင်ခွင့်ရမည် ဖြစ်သည်။

    ထိုအဖွဲ့တွေအပြင် လွတ်လပ်ပြီး ဘက်လိုက်မှုကင်းသည့် အရပ်ဘက် အဖွဲ့အစည်းများ အနေနဲ့လည်း ရွေးကောက်ပွဲ အပေါ် စောင့်ကြည့် လေ့လာအကဲဖြတ်ကြပါတယ်။ ၎င်းအရပ်ဘက် အဖွဲ့အစည်းများအနေဖြင့် လွတ်လပ်ပြီး ဘက်လိုက်မှုကင်းကင်းဖြင့် နိုင်ငံရေးအရ သမာသမတ်ကျနမှု ၊ ရွေးကောက်ပွဲ စောင့်ကြည့်လေ့လာသူများရဲ့ ကျင့်ဝတ် သိက္ခာ ၊ စည်းမျဉ်း ဥပဒေများနှင့်အညီ မှတ်တမ်းတင် ဆန်းစစ်အကဲဖြတ်ရမည်ဖြစ်သည်။

    ရွေးကောက်ပွဲနေ့မှာ နိုင်ငံတကာ သံရုံး၃၂ရုံးမှ လေ့လာသူ ၄၇၀ဦး ၊ EU အပါအဝင် နိုင်ငံတကာ ရွေးကောက်ပွဲ စောင့်ကြည့်လေ့လာရေး အဖွဲ့ ၆ခုမှ ၄၆၅ဦး ၊ ရွေးကောက်ပွဲဆိုင်ရာလုပ်ငန်းစဉ်များကို ကူညီအားဖြည့်ပေးနေသည့် နိုင်ငံတကာ အဖွဲ့အစည်း ၉ခုမှ ၁၈၃ဦး အပါအဝင် ပြည်ပလေ့လာစောင့်ကြည့်သူ ၁၁၁၈ဦး၊ ပြည်တွင်းမှ ရွေးကောက်ပွဲစောင့်ကြည့်လေ့လာရေးအဖွဲ့ ၁၃ဖွဲ့မှ ၉၄၀၆ဦး ၊ ပြည်ပသတင်းမီဒီယာ ၄၅ခုမှ ၂၉၁ဦးတို့ စောင့်ကြည့် လေ့လာမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်ရဲ့ ထုတ်ပြန်ကြေညာချက်အရသိရပါတယ်။

    အဆိုပါ အရပ်ဘက်ရွေးကောက်ပွဲ စောင့်ကြည့်ရေး အဖွဲ့အစည်းများ အနက်မှ အချို့မှာ ရွေးကောက်ပွဲအပြီး ၄၈နာရီအတွင်း ကနဦး အစီရင်ခံစာကို ထုတ်ပြန်မည်ဖြစ်သလို ရက်သတ္တပတ်၊ တစ်လအတွင်း ၎င်းတို့ လေ့လာစောင့်ကြည့်ထားသည့် ရွေးကောက်ပွဲဆိုင်ရာ အစီရင်ခံစာများ ထွက်ပေါ်လာဖွယ်ရှိပါတယ်။ ထိုအစီရင်ခံစာများထဲမှာ ၂၀၁၅ ရွေးကောက်ပွဲဟာ ပွင့်လင်းမြင်သာမှု ရှိမရှိ လွတ်လပ်ပြီး တရားမျှတမှုများ မတရားပြုကျင့်ခံရမှုများ ပြုပြင်ပြောင်းလဲရေးနှင့် တိုးတက်ရေးအတွက် ရွေးကောက်ပွဲဆိုင်ရာ ဒီမိုကရေစီ စံနှုန်းများ စတာတွေကို မှတ်တမ်းယူအကဲဖြတ်ပြီး နောင်ကျင်းပမည့် ရွေးကောက်ပွဲများအပေါ် ဝေဖန်ဆန်းစစ်ချက် အကြံပြုချက်များကို ပံ့ပိုးကူညီနိုင်မှာလည်း ဖြစ်ပါတယ်။

    ဒါကြောင့် ရွေးကောက်ပွဲကျင်းပရာတွင် ရွေးကောက်ပွဲဆိုင်ရာ မူမမှန်မှုများနှင့် အလွဲသုံးစားပြုမှုများကို ရပ်တန့်စေပြီး သမာသမတ်ရှိမရှိ ပွင့်လင်းမြင်သာမှု တာဝန်ယူမှု တာဝန်ခံမှုများ ရှိမရှိ ဆိုတာကတော့ ဆန်းစစ်ရဦးမည်ဖြစ်သည်။

    နိုင်ငံသားတိုင်း ရွေးကောက်ပွဲမှာ ပါဝင်စေပြီး အမှန်တကယ်ပဲ ၂၀၁၅ရွေးကောက်ပွဲဟာ မှန်ကန်ပြီး ဘက်လိုက်မှုကင်းမဲ့စွာ ကျင်းပသည့် လွတ်လပ်တရား မျှတသည့် ရွေးကောက်ပွဲ အစစ်အမှန်ဖြစ်လာမည်လား ဆိုတာကတော့ သန်း၅၀ကျော်သော မြန်မာပြည်သူများက စောင့်ကြည့် လေ့လာ အကဲခတ် ရဦးမည်သာ။     ။

    မာန်ထက်သျှံ

  • မဲပေးခွင့်နှင့် ကိုယ်စားပြုခွင့် ဆုံးရှုံး နစ်နာနေရသော မြန်မာနိုင်ငံမှ မွတ်စ်လင်မ်များ

    မဲပေးခွင့်နှင့် ကိုယ်စားပြုခွင့် ဆုံးရှုံး နစ်နာနေရသော မြန်မာနိုင်ငံမှ မွတ်စ်လင်မ်များ

    နိုဝင်ဘာ ၅ ၊ ၂၀၁၅
    M-Media

    4000
    (ဓာတ်ပုံ) မိမိ၏ နိုင်ငံသားစိစစ်ရေးကဒ်ပြားတွင် မြန်မာ+ အိန္ဒိယလူမျိုးဟု ဖော်ပြ ခံထား ရသည်ကို ပြသနေသော မွတ်စ်လင်မ် အမျိုးသမီးငယ် တစ်ဦး (ဓာတ်ပုံ – Thomas Cristofoletti ၊ The Guardian)

    မြန်မာ့ရွေးကောက်ပွဲအချိန်နီးကပ်လာသည်နှင့်အမျှ မွတ်စ်လင်မ်တို့သည် မိမိနှစ်သက်ရာကို ရွေးချယ်မဲပေးခွင့် ငြင်းပယ်ခံနေရသည်။

    ဒေါ်ဝင်းမြမြသည် ဒေါ်အောင်ဆန်းစုကြည်နှင့်  NLD အတွက်၊ ၎င်းပြင် သူမ၏ လက်ဝဲရံအဖြစ် အရာအားလုံးကို ပေးဆပ်ခဲ့သူဖြစ်သည်။ ၂၀၀၃ ခုနှစ် စစ်အစိုးရဟောင်း ကျောထောက်နောက်ခံပြု လူအုပ်စု၏ တိုက်ခိုက်မှုကို ခံရသူထဲတွင် သူမလည်း ပါဝင်ခဲ့၏။ အဆိုပါ ဒီပဲယင်းလုပ်ကြံမှု၌ လူအများအပြား သေကြေခဲ့ပြီး၊ သူမလည်း နှစ်များစွာ အကျဉ်းစံခဲ့ရကာ သူမ၏မိသားစုပိုင် ဈေးဆိုင်သည်လည်း ပိတ်သိမ်းခံလိုက်ရသည်။ ထိုစဉ်ကရရှိခဲ့သော ဒဏ်ရာသည် သူမကို ယခုတိုင် ဒုက္ခပေးနေဆဲ။ “(အဲ့ဒီဒဏ်ရာကြောင့်) ရေအိမ်ကောင်းကောင်း မသွားနိုင်သေးပါဘူး” ဟု သူမ၏ညီမဖြစ်သူက ဆိုသည်။ ဒေါ်ဝင်းမြမြကမူ “NLD အတွက် အသက်ပေးသွားပါမယ်” ဟု ပြောပါသည်။

    ဤမျှအထိ ပေးဆပ်မှုရှိလင့်ကစား ဒေါ်ဝင်းမြမြသည် ရွေးကောက်ပွဲ၌ NLD အတွက် ရှေ့ထွက်ခွင့် မရရှိခဲ့။ လာမည့် နိုဝင်ဘာ ၈ ရက် ရွေးကောက်ပွဲမှာ ဤဆယ်စုနှစ်များအတွင်း လွတ်လပ်ပွင့်လင်းမျှတမှု အရှိဆုံး ဖြစ်ရမည်ဟု ဆိုထားသည့်တိုင် မြန်မာနိုင်ငံထဲတွင် ဘာသာရေးနှင့်ပတ်သက်၍ ထိလွယ်ရှလွယ် အခြေအနေ၌ ရှိနေဆဲဖြစ်သည်။ မွတ်စ်လင်မ်တို့အနေနှင့် သာမန်မဲဆန္ဒရှင်မှသည် အတွေ့ကြုံ ရင့်ကျက်သော နိုင်ငံရေးသမားများ အထိ ရွေးကောက်ပွဲထဲ ပါဝင်ခွင့်ကို အဟန့်အတားပြုခြင်း ခံနေရသည်။

    ထို ဘာသာရေး တင်းမာမှု၏ မဖြစ်သင့်သော အနေအထားထဲပါဝင်နေသူ မန္တလေးတိုင်း NLD ဒုဥက္ကဋ္ဌ ဒေါ်ဝင်းမြမြသည်လည်း လွှတ်တော် အမတ်လောင်း အဖြစ် ရွေးကောက်ပွဲဝင်ရန် လျှောက်ထားသူ မွတ်စ်လင်မ်များ အနက် အပါအ၀င် တစ်ဦးဖြစ်သည်။ သို့သော် ကိုးကွယ်ယုံကြည်မှုအပေါ် အကြောင်းပြု၍ ပယ်ချခံခဲ့ရသည်။

    “ကျွန်မဟာ နိုင်ငံအနှံ့သွားပြီး ရွေးကောက်ပွဲအတွက် (NLD ကို မဲပေးကြဖို့) အစ္စလာမ်ဘာသာဝင်များကို တိုက်တွန်းပေးရမယ်လို့ ကျွန်မတို့ရဲ့ခေါင်းဆောင် ဒေါ်အောင်ဆန်းစုကြည်က ပြောကြားခဲ့ဖူးပါတယ်။ ဒါပေမယ့် (ခုချိန်မှာတော့) ကျွန်မကို ကိုယ်စားလှယ်လောင်း အဖြစ် ဝင်မပြိုင်စေချင်ဘူး ” ဟု ဒေါ်ဝင်းမြမြက ပြောပြသည်။

     

    daw win mya mya
    ဓာတ်ပုံ – မွတ်စ်လင်မ်ဖြစ်နေခြင်းကြောင့် လာမည့်ရွေးကောက်ပွဲ အတွက် ကိုယ်စားလှယ်လောင်း မဖြစ်ခဲ့ရသည့် မန္တလေးတိုင်း NLD ပါတီဒုဥက္ကဋ္ဌ ဒေါ်ဝင်းမြမြ (ဓာတ်ပုံ – Thomas Cristofoletti ၊ The Guardian)

    မွတ်စ်လင်မ်တို့သည် နိုင်ငံ့လူဦးရေ ၅၁ သန်းအနက် အနိမ့်ဆုံး ၅ ရာခိုင်နှုန်းထိ ရှိနေပါသည်။ သို့ရာတွင် အာဏာရပါတီ သို့မဟုတ် အတိုက်အခံပါတီဖက်မှ မွတ်စ်လင်မ် ကိုယ်စားလှယ်လောင်း တစ်ဦးကိုမျှ မတွေ့ကြရချေ။ အစွန်းရောက် အမျိုးသားရေး လှုပ်ရှားမှု ကြီးထွားလာခြင်း၏ ဖိအားက မိမိတို့အပေါ် ရိုက်ခတ်နေကြောင်း NLD မှ ၀န်ခံထားသည်။

    တစ်ချိန်တည်း၌ မြန်မာနိုင်ငံ အနောက်ပိုင်းရှိ နှိပ်စက်ညှင်းပန်းခံ လူနည်းစုဝင် ရိုဟင်ဂျာ မွတ်စ်လင်မ်တစ်သန်းကျော် တို့မှာ နိုင်ငံမဲ့များအဖြစ် တွန်းပို့ခံရပြီး မဲပေးခွင့်လည်း မရရှိချေ။

    မြန်မာနိုင်ငံတွင်း မွတ်စ်လင်မ် လူ့အဖွဲ့အစည်းများ အကြား၌လည်း နိုင်ငံသားဝိသေသ အထောက်အထားအပေါ် အငြင်းပွားဖွယ်ဖြစ်အောင် ခွဲခြားခံ ရမှုနှင့် လူ့အခွင့်အရေးချိုးဖောက်ခံရမှုများ ရှိနေသည်။

    “သူတို့ဟာ မိမိကိုယ်ကို မြန်မာ(နိုင်ငံသား)တွေ အဖြစ် ခံယူထားကြပါတယ်။ ဒါပေမယ့် ရုတ်တရက်ဆိုသလို သူတို့အပေါ် နိုင်ငံခြားသားလို ဆက်ဆံလာကြတယ်ဆိုပြီး မြန်မာမွတ်စ်လင်မ်တွေက ကျွန်တော့်ကို ပြောပြပါတယ်။ ဒါတွေဟာ သူစိမ်းဆန်တဲ့ ခံစားချက် ၀င်အောင် ဖန်တီးနေတဲ့အပြင် သင့်မြတ်မှုကို ဖယ်ထုတ်နေတယ်ဆိုတာ သိပ်ကိုရှင်းလင်းလွန်းနေတယ်။ မွတ်စ်လင်မ်ဦးရေ များပြားတဲ့ မြို့ရွာတွေမှာ ပိုပြီး ဇောက်ချဦးတည် လုပ်ဆောင်လာနိုင်ပါတယ် ” ဟု Burma Campaign UK ၏ ဒါရိုက်တာ Mark Farmaner က The Guardian သို့ ပြောသည်။

    လက်ရှိကာလများတွင် နိုင်ငံသား စိစစ်ရေး ကဒ်ပြားရလိုလျှင် (မိမိတို့၏သားချင်းများ၊ ဆက်နွှယ်မှုများ မရှိပါဘဲလျက်) မိမိတို့၏လူမျိုးကို အိန္ဒိယ သို့မဟုတ် ပါကစ္စတန် အဖြစ် မှတ်ပုံတင်ရန် မွတ်စ်လင်မ်တို့အား ခိုင်းစေနေကြသည်။

    မဲပေးရန်အတွက်ဖြစ်စေ၊ ပြည်ပထွက်ရန်အတွက်ဖြစ်စေ နိုင်ငံသားစိစစ်ရေးကဒ်ပြားမှာ မရှိမဖြစ်လိုအပ်ပါသည်။

    မန္တလေး လ၀ကဦးစီးမှူး ဦးသောင်းဇော်က “ဘယ်သူဘယ်ဝါဖြစ်ဖြစ် မွတ်စ်လင်မ်ဆိုတာနဲ့ ကျွန်တော်တို့က အိန္ဒိယလို့ ရေးသွင်း မှာဖြစ်တယ်” ဟုဆိုသည်။

    အိန္ဒိယ သို့မဟုတ် ပါကစ္စတန် အဖြစ် လူမျိုးအမည်ကို စာရင်းမသွင်းရန် ငြင်းဆန်ခဲ့ကြောင်း၊ မိမိတင်ပြသော အထောက်အထားတို့ အား ငြင်းပယ်ခဲ့ကြောင်း မန္တလေးတွင် မိသားစုလိုက် မျိုးဆက်နှင့်ချီ၍နေထိုင် လာခဲ့သည့် ဈေးဆိုင်ပိုင်ရှင်ဖြစ်သူ ဟာဂျီဦးရန်အောင် မှ ပြောပြသည်။ ယခုသော် မဲပေးခွင့် မရတော့။

    “ကျွန်တော်က ဗမာလူမျိုး ဖြစ်တာကို သူတို့ ငြင်းပယ်ခဲ့ကြတယ်။ လူမျိုးနဲ့ဘာသာ ဘာမျှ မသက်ဆိုင်ကြောင်း (ရောထွေးလို့မရကြောင်း) ကျွန်တော် သူတို့ကို ပြောပါတယ်။ ခင်ဗျားရဲ့ဘာသာက အစ္စလာမ်ဖြစ်နေရင် ခင်ဗျားက အလိုအလျောက် သွေးနှောဖြစ်ပြီးသားပါပဲလို့  သူတို့က သူတို့ရဲ့ လ၀ကပေါ်လစီသစ် အရ ပြန်ပြောပါတယ်” ဟု သူက မျက်ရည်ဝဲလျက် ဆိုရှာသည်။

    “ရူးနေကြပြီလားမသိပါဘူးဗျာ။ မန္တလေးက ဗလီဝတ်ကျောင်းတွေ နှစ်ပေါင်းဘယ်လောက် သက်တမ်းရှိနေပြီဆိုတာ ခင်ဗျားတို့ သိကြပါသလား။ တချို့ဆိုရင် နှစ်ပေါင်း ၂၀၀ အထက်မှာ၊ သက်တမ်း အနုဆုံးပင်လျှင် နှစ်ပေါင်း ၁၅၀ ကျော်နေပါပြီ။ ကျွန်တော်တို့ ဒီမြေမှာ ရာစုချီပြီး နေထိုင်လာကြတာပါ။ ကျွန်တော့်လူမျိုးအမည်ကို အိန္ဒိယလို့ ရေးရမယ်ဆိုရင် အဲ့ဒီ(နိုင်ငံသားစိစစ်ရေး)ကဒ်ကို မယူဘူး”။

    မြန်မာလူမျိုးအဖြစ် စာရင်းသွင်းပေးရန် အချို့က အာဏာပိုင်များကို လာဘ်ထိုးရကြောင်း၊ ယခင်က ဒေါ်လာ ၄၀ သို့မဟုတ် ၅၀ ပေးရသော်လည်း ယခုဈေးမှာ ဒေါ်လာ ၁၅၀ ဖြစ်ကြောင်း သူက ဆက်လက်ပြောပြပါသည်။

    Hj Yan Aung
    ဓာတ်ပုံ – ဟာဂျီဦးရန်အောင်သည် USDP ပါတီဝင်ဟောင်း မွတ်စ်လင်မ်တစ်ဦးဖြစ်သည်။ လွန်ခဲ့သောနှစ်အနည်းငယ်က မှတ်ပုံတင်ပျောက်သွားသဖြင့် အသစ်ပြန်လည်လျှောက်ရာ၌ သူ၏လူမျိုးအမည်ကို အိန္ဒိယ သို့မဟုတ် ပါကစ္စတန်အဖြစ် ရေးသွင်းရန် အဓမ္မစေခိုင်းခံရသည်။ သူမှ ငြင်းပယ်ခဲ့သည်။ (ဓာတ်ပုံ – Thomas Cristofoletti ၊ The Guardian)

    မြန်မာ့နန်းမြို့တော်ဟောင်း မန္တလေးတွင် ဗုဒ္ဓဘာသာဝင်နှင့် မွတ်စ်လင်မ်တို့သည် ရာစုနှစ်ပေါင်းစွာ အေးအတူပူ အမျှ ချစ်ကြည်ရင်းနှီးစွာ ယှဉ်တွဲနေထိုင် လာကြသော်လည်း၊ နိုင်ငံတစ်ဝှမ်း တင်းမာမှုများဖြစ်လာပြီး ယမန်နှစ် ဇူလိုင်လအတွင်း မွတ်စ်လင်မ်ဆန့်ကျင်ရေး အဓိကရုဏ်း၌ လူနှစ်ဦးသေဆုံး သွားခဲ့ရသည်။ မန္တလေးဒေသခံ မွတ်စ်လင်မ်များစွာတို့၏ အိမ်များသည် ယခုအခါ ရှောင်တခင် တိုက်ခိုက်မှုမှ အကာအကွယ်ရရန် သံတံခါးများ တပ်ဆင်၍ ညပိုင်းတွင် သော့ခတ်ထားကြရသည်။

    “ရှေးကာလကတည်းက ကျွန်တော်တို့ အတူတစ်ကွ အေးချမ်းစွာ နေထိုင်လာခဲ့ကြတာပါ။ ဘာပြဿနာမှ မဖြစ်ခဲ့ကြဘူး။ မွတ်စ်လင်မ် ဆန့်ကျင်ရေး လှုပ်ရှားမှုတွေက နိုင်ငံအ၀ှန်း ပြန့်နှံ့နေပါတယ်။ အာဏာရ USDP ပါတီနဲ့ သာမန်လူထုထဲမှာ တင်မဟုတ်ဘူး – NLD ပါတီဝင်တွေထဲမှာပင်လျှင် ရှိနေကြပါတယ်။ ရွေးကောက်ပွဲကို ကျွန်တော် စိတ်မ၀င်စားဘူး၊ ကျွန်တော့်အနေနဲ့ ဘယ်သူ့ကိုမဲပေးရမယ် ဆိုတာ မပြောနိုင်သေးပါဘူး” ဟူ၍  ဦးစမားညီညီက ဆိုသည်။ သူသည် စစ်အုပ်ချုပ်ရေးခေတ် တက်ကြွလှုပ်ရှားသူ မွတ်စ်လင်မ်ကျောင်းသားဟောင်း တစ်ဦးဖြစ်ကာ၊ မွတ်စ်လင်မ်တို့အားဖိနှိပ်ခြင်းအပေါ် အသံထုတ်ရန် ပျက်ကွက်ခဲ့သည့် NLD အား သူမှ အယုံအကြည် ကင်းမဲ့လျက်ရှိသည်။ သူ၏ အိမ်ခေါင်မိုးထိပ်တစ်ဖက်မှကြည့်လျှင် မန္တလေးမြို့လေးဖက်လေးတန်ရှိ မွတ်စ်လင်မ် အသိုင်းအ၀ိုင်းများကို မြင်ရသလို နောက်တစ်ဖက်မှကြည့်ပါက တင်းမာမှုကြီးမားအောင် တို့မီးရှို့မီးလုပ်နေသူ အရှင်ဝီရသူ၏ ဘုန်းကြီးကျောင်းကိုလည်း တွေ့မြင်နေရသည်။

    Samar Nyi Nyi
    ဓာတ်ပုံ – မွတ်စလင်မ်လူ့အဖွဲ့အစည်းမှ တက်ကြွလှုပ်ရှားသူ စီးပွားရေးလုပ်ငန်းရှင် ဦးစမားညီညီအား သူ့အိမ်ခေါ်မိုးထိပ်ပေါ်၌ တွေ့ရစဉ် (ဓာတ်ပုံ – Thomas Cristofoletti ၊ The Guardian)

    မွတ်စ်လင်မ်တို့ကို ခွေးရူးများအဖြစ် သူ၏ အတို့အထောင်တရားများထဲ ရည်ညွှန်းလေ့ရှိပြီး ဗုဒ္ဓဘာသာဝင် ဘင်လာဒင်ဟု အမည်တွင်သူ အရှင်ဝီရသူက မွတ်စ်လင်မ်တို့မှာ မြန်မာပြည်ကိုသိမ်းရန် ကြံစည်နေသည်ဟု ဆို၏။

    တစ်ချိန်က အတိုက်အခံဖက် ရပ်တည်ပြီး ယခုတိုင် ဒေါ်အောင်ဆန်းစုကြည်ပုံ တက်တူးရှိနေသေးသော ဦးဝီရသူက ၎င်းကို “ရှက်လို့” ဟုဆိုလျက် ဖုံးကွယ်ထား၏။ ယခုအခါ သူသည် အစွန်းရောက် အမျိုးသားရေးအုပ်စု မဘသ၏ ခေါင်းဆောင် တစ်ဦးဖြစ်လျက်ရှိသည်။ မဘသသည် နိုင်ငံတွင်းရှိ အမျိုးသမီးများနှင့် မွတ်စ်လင်မ်များကို ပစ်မှတ်ထားသည့် မျိုးစောင့်ဥပဒေ ထွက်ပေါ်ပြဋ္ဌာန်းနိုင်ရန် လှည့်လည်ဦးဆောင်ကြိုးပမ်းခဲ့သည့်အဖွဲ့ဖြစ်သည်။

    “ဗုဒ္ဓဘာသာဝင်တွေကို မွတ်စ်လင်မ်တွေရဲ့အန္တရာယ်ကနေ ကာကွယ်လို စိတ်သက်သက်သာ ဖြစ်တယ်။ အမှန်တကယ်တော့ ဗုဒ္ဓဘာသာဝင် အမျိုးသမီးတွေကို ထိမ်းမြားပြီး မွတ်စ်လင်မ်ဖြစ်အောင်လုပ်ခြင်းအားဖြင့် မွတ်စ်လင်မ်တွေဖက်က အကြမ်းဖက်မှုကို စတင်ခဲ့တာပါ။ မွတ်စ်လင်မ် အမျိုးသားအားလုံးလိုလို ဒီပုတ်ထဲကဒီပဲပါပဲ” ဟု သူက The Guardian သို့ ပြောဆိုသည်။

    ဦးဝီရသူနှင့် မဘသအဖွဲ့သည် မြန်မာအစိုးရ၊ စစ်တပ်နှင့် ပတ်သက်ချိတ်ဆက်နေကြောင်း၊ ၂၀၁၂ ခုနှစ်တွင် အရပ်သားတစ်ပိုင်း အစိုးရဖြင့် စတင်သော ဒီမိုကရေစီအကူးအပြောင်းအား ဖြိုလှဲရန် အကြမ်းဖက်ဇာတ်လမ်းကို ခင်းကျင်းတင်ဆက်ခဲ့ခြင်းဖြစ်ကြောင်း အလ်ဂျဇီးယား သတင်းဋ္ဌာန၏ စုံစမ်းဖော်ထုတ်ချက်တစ်ရပ် ပြီးခဲ့သည့်လ၌ ထွက်ပေါ်ခဲ့သည်။

    “အစွန်းရောက် အမျိုးသားရေးဝါဒီ(ဘုန်းတော်ကြီး)တွေဟာ နိုင်ငံရေး အမြတ်ထုတ်ဖို့အတွက် သူတို့ရဲ့သြဇာကို အသုံးချပြီး အများပြည်သူတွေ မွတ်စ်လင်မ်တွေအပေါ် အကြောင်းမဲ့ အကြောက်တရားဖြစ်လာအောင် တွန်းထိုး မှိုင်းတိုက်ခဲ့ကြတယ်။ ၂၀၀၇ ခုနှစ်က စစ်တပ်အာဏာကို တံတိုင်းကြီး အဖြစ် ရင်ဆိုင်အံတုခဲ့ကြတဲ့ သံဃာထုက အခုဆိုရင် စစ်တပ်ရဲ့လက်ကိုင်တုတ်ဖြစ်ကုန်ပြီလို့ အများက ပြောဆိုနေကြရပါပြီ။ (အဲ့ဒီ) မြန်မာနိုင်ငံရဲ့အစစ်မှန် အကူးအပြောင်းမှာ  ငြိမ်းချမ်းစွာနဲ့ ရှေ့ထွက်ခဲ့ကြတဲ့ ဒီမိုကရေစီထောက်ခံသူသံဃာများအနက် အချို့ဟာ အခုကျတော့ အမုန်းတရားကို ဟောပြောနေကြတယ်” ဟု အကျိုးအမြတ်မကြည့် လူ့အခွင့်အရေးအဖွဲ့ Forty Rights အဖွဲ့၏ အမှုဆောင်ဒါရိုက်တာ မက်သယူး စမစ်က ဆိုသည်။

    အစိုးရနှင့်စစ်တပ်ရော မဘသပါ ပတ်သက် ဆက်နွှယ်မှု မရှိကြောင်း နှစ်ဖက်စလုံးမှ ငြင်းဆန်ထားကြသည်။ သို့သော် မွတ်စ်လင်မ်ပြစ်မှုများကို စွပ်စွဲဖော်ပြလေ့ရှိသော သူ၏ဖေ့စ်ဘွတ် စာမျက်နှာမှတဆင့် အပြောင်းအလဲ အပေါ် သူ့သြဇာသက်ရောက်ကြောင်း ဦးဝီရသူက ကိုယ်ရည်သွေးပြောဆိုနေဆဲပင်။

    Wira thu
    ဓာတ်ပုံ – ရွေးကောက်ပွဲမတိုင်မီ မွတ်စ်လင်မ်ဆန့်ကျင်ရေးလှုပ်ရှားမှုဖြင့် အရှိန်အဟုန်ပြင်းစွာ ပြုလုပ်ခဲ့သော မဘသအဖွဲ့၏ ဦးဆောင်ဆရာတော် တစ်ဦးဖြစ်သူ ဦးဝီရသူအား မစိုးရိမ်ကျောင်းတိုက်ရှိ သူ့ရုံးခန်း၌ တွေ့ရစဉ် (ဓာတ်ပုံ – Thomas Cristofoletti ၊ The Guardian)

    “ဆိုးသွမ်းတဲ့ ရဲတွေ၊ တရားသူကြီးတွေ၊ မွတ်စ်လင်မ်တွေကို အစိုးရက အရေးယူလျက်ရှိပါတယ်။ ဘာမှ သွားပြီး အကြံပေးလမ်းညွှန်နေစရာ မလိုပါဘူး။ ဦးဇင်းရဲ့ ဖေ့စ်ဘွတ်ပေါ် ရေးတင်လိုက်ယုံနဲ့ လုံလောက်ပါတယ်” ဟု သူက ဆိုသည်။

    သူ၏အမြင်နှင့် အခန်းကဏ္ဍကို သက်သေထူနိုင်ရန်လား(စီမံထားလေသလား) မသိ။ မိနစ်အနည်းငယ်အကြာတွင် လင်မယားနှစ်ဦး ရောက် ရှိလာပြီး  ၎င်းတို့သမီး၏ချစ်သူမှာ မွတ်စ်လင်မ်လူငယ် တစ်ဦးဖြစ်နေကြောင်း၊ ထိုသူငယ်အား ဖမ်းဆီးပေးပါမည့် အကြောင်း သူ့ရှေ့တွင် ဒူးထောက်၍ အသနားခံတင်ပြလေသည်။ မကြာသေးမီက ပြဋ္ဌာန်းလိုက်သော ဥပဒေတွင် ဘာသာ မတူထိမ်းမြားမှုကို ပြင်းထန်စွာ တားမြစ်တား၏။

    “ဘာသာတရားနှစ်ခုဟာ ဆန့်ကျင်ဖက် ဖြစ်တာကြောင့် ထိမ်းမြားပေါင်းစပ်ဖို့ မဖြစ်နိုင်ပါဘူး။ တပည့်တော်တို့ ဗုဒ္ဓဘာသာဝင်တွေဆီမှာ ခွင့်လွှတ်ခြင်းနဲ့ မေတ္တာတရား စိတ်သဘောထားရှိတဲ့အတွက် သူတစ်ပါးကို ထိခိုက်နစ်နာအောင် ဘယ်တော့မှ မလုပ်ပါဘူး။ ဒါ့ကြောင့် ဗုဒ္ဓရဲ့သားတော်ထံမှာ လာရောက် အကူညီတောင်းတင်လျှောက်ရခြင်းဖြစ်ပါတယ်” ဟု ဖခင်ဖြစ်သူ ဦးထွန်းလှအောင်က ဆိုသည်။

    ဦးဝီရသူသည် ဖြေးဖြေးချင်း ကိုယ်ကိုကိုင်းညွှတ် နားထောင်နေလျက် သူ၏ စမတ်ဖုန်းအား ကိုင်တွယ် ပွတ်သပ်နေခဲ့၏။ ၎င်းတို့၏တိုင်တန်းချက် အပေါ် မိမိမှ စုံစမ်းစစ်ဆေးပေးမည့်အကြောင်း၊ အကယ်၍ အမှန်ဖြစ်ပါက ဖေ့စ်ဘွတ် စာမျက်နှာပေါ် ရေးတင်လိုက်မည်ဖြစ်ကြောင်း ကတိပြုပြောကြားသည်ကို တွေ့လိုက်ရပေသည်။

    wirathu and couple
    ဓာတ်ပုံ – မိမိ၏သမီးကို အစ္စလာမ်ဇာတ်သွင်းရန်ကြိုးစားနေသည့် သမီး၏ ချစ်သူအား ဖမ်းချုပ်ပေးရန် အရှင်ဝီရသူထံ လာရောက် အရေးဆိုနေသော ဗုဒ္ဓဘာသာဝင်လင်မယားကို တွေ့ရစဉ် (ဓာတ်ပုံ – Thomas Cristofoletti ၊ The Guardian)

    မန္တလေးရှိ အချို့မွတ်စ်လင်မ်များအကြား ရွေးကောက်ပွဲနှင့်ဆက်နွှယ်၍ အကြမ်းဖက်မှုများ ထပ်မံဖြစ်ပွားမည်ကို စိုးရိမ်နေကြကြောင်း သိရသည်။

    ရွေးကောက်ပွဲပြီးသည့်နောက် မည်သည့်အရာဖြစ်လာပါစေ မြန်မာနိုင်ငံ သမိုင်း၌ မွတ်စ်လင်မ်အမတ်များ ကင်းစင်သော ပထမဆုံး ပါလီမန်တစ်ရပ် ပေါ်ပေါက်လာဖွယ် ရှိနေ၏။ မည်သို့ပင်ရှိစေကာမူ မွတ်စ်လင်မ် အရေး၌ ဒေါ်အောင်ဆန်းစုကြည် နှုတ်ဆိတ်နေသော်ငြား မွတ်စ်လင်မ်မဲဆန္ဒရှင်များစွာကမူ – အကယ်၍ သူမ၏ပါတီ အာဏာရလာလျှင် ဘာသာရေး တင်းမာမှုများ လျော့ကျအောင် လုပ်ဆောင်သွားလိမ့်မည်ဟူသော သူတို့၏မျှော်လင့်ချက်ကို ဒေါ်အောင်ဆန်းစုကြည် အပေါ် ခိုင်မတ်စွာ ရပ်တည်ထားရှိဆဲသာ။

    ကိုယ်စားလှယ်လောင်းများထက် ပါတီကိုသာကြည့်၍ မဲပေးကြပါဟု ဒေါ်စုကြည်က မဲဆန္ဒရှင်များကို တိုက်တွန်းထားသည်။

    “တကယ်လို့ NLD က ရွေးကောက်ပွဲမှာ အနိုင်ရခဲ့ရင် ကျွန်မတို့ရဲ့ခေါင်းဆောင် ဒေါ်အောင်ဆန်းစုကြည်ဟာ အခြားဘာသာတရားများ အပေါ် ဘယ်တော့မှ ခွဲခြားချိုးနှိမ်ဆက်ဆံသွားမှာ မဟုတ်ဘူးလို့ ကျွန်မ ပြောလိုပါတယ်” ဟု ဒေါ်ဝင်းမြမြက ဆိုသည်။

    ဟာဂျီဦးရန်အောင်သည်လည်း ထိုသဘောထားအတိုင်းပင်။ အကယ်၍ သူသည် မဲပေးခွင့်ရခဲ့ပါက ဒေါ်အောင်ဆန်းစုကြည်နှင့် သူမ၏ပါတီကိုသာ မဲပေးမည်ဖြစ်ကြောင်း ပြောခဲ့ပေသည်။

    လက်ရှိကြားကာလတွင်တော့ ကျွန်တော်တို့သည် ထိုင်(ကြည့်)ပြီး စိုးရိမ်ပူပန်နေယုံသာ ရှိပါတော့၏။

    xxxxxxxxxxxxxxxxxxxxxxxxxxxxxxxxxxx
    Ref : The Guardian
    Poppy McPherson ရေးသားသော No vote, no candidates: Myanmar’s Muslims barred from their own election ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။

  • တပ်မတော်သားတွေ အနှောင်အဖွဲ့ကင်းစွာ မဲပေးနိုင်မလား

    တပ်မတော်သားတွေ အနှောင်အဖွဲ့ကင်းစွာ မဲပေးနိုင်မလား

    ဆွေဝင်း/Myanmar Now

    Myanmar soldiers march during ceremonies Saturday, March 27, 2010, marking the 65th anniversary Armed Forces Day in Naypitaw, Myanmar.  The day remembers Myanmar's struggle against occupying Japanese Army during World War II. (AP Photo/David Longstreath)
     (AP Photo/David Longstreath)

    မှော်ဘီ၊ ရန်ကုန် (Myanmar Now) – ရန်ကုန်မြို့ ဆင်ခြေဖုံး တပ်ရင်းတစ်ခုတွင်  တစ်နေ့တာ လေ့ကျင့် သင်တန်းများပြီးဆုံးပြီးနောက် လယ်ကွင်းထဲမှ တက်လာသည့် တပ်ကြပ် ခင်မောင်သန်းနှင့် ရဲဘော်သုံးဦးတို့၏ စစ်ရောင်ယူနီဖောင်းများတွင် ရွှံ့များဖြင့် ပေလူးနေသည်။
    သူတုိ့သည် စိုက်ပျိုးရေး နည်းပညာ သင်တန်းတက်ရောက်ရန် မြန်မာနိုင်ငံအခြားဒေသများရှိ တပ်စခန်းများမှ ယခုသင်တန်းသို့ ရောက်ရှိနေခြင်းဖြစ်သည်။

    နိုဝင်ဘာ ၈   ရွေးကောက်ပွဲတွင် သူတို့ မဲပေးမည်လား၊ လွတ်လွတ်လပ်လပ် မဲပေးခွင့်ရှိမည်လား ဆိုသည့် မေးခွန်းများကို  ပြတ်သားရှင်းလင်းစွာ ပြန်လည် ဖြေဆိုနိုင်ခြင်းမရှိခဲ့ပေ။

    “ကျွန်တော်တို့အနေနဲ့ ဘယ်ပါတီကို မဲပေးရမယ်ဆိုပြီး ညွှန်ကြားခံထားရတာ မရှိပါဘူး” ဟု တပ်မတော်တွင်   ၃၅ နှစ်ခန့် တာဝန်ထမ်းဆောင်ပြီးဖြစ်သည့် အသက် ၅၂ နှစ်အရွယ် တပ်ကြပ် ခင်မောင်သန်းက ပြောသည်။

    မဲပေးရာတွင် ယူဆောင်သွားရမည့် နိုင်ငံသားစိစစ်ရေးကတ်သည်  တပ်ရင်းတွင် ထားခဲ့ရသဖြင့် အဆိုပါနေ့တွင် မဲပေး၍ ရ၊ မရ မသိကြောင်း သူက ပြောသည်။

    “ကျွန်တော်မဲပေးမယ့် ပါတီအမည်ကို ကျွန်တော့်မိခင်တပ်ရင်းမှာရှိတဲ့ တစ်ယောက်ယောက်ကို ဖုန်းကနေပဲ မက်ဆေ့ခ်ျပေးဖြစ်မယ် ထင်တယ်” ဟု သူဖြစ်ချင်သည့် အနေအထားကို ပြောသည်။

    ခင်မောင်သန်းနှင့်အတူရှိနေသည့် ရဲဘော်တစ်ဦးက သူ၏ မိခင်တပ်ရင်းမှ တပ်ရင်းမှူးက သူ့ကိုယ်စား မဲပေးလိမ့်မည်ဟု ပြောသည်။ နောက်ရဲဘော်တစ်ဦးကို မေးကြည့်သည့်အခါ ဒေါသထွက်သွားပြီး စစ်တပ်အတွင်း နိုင်ငံရေးကိစ္စပြောခြင်းသည် ရှောင်ကြည်စရာဖြစ်သည်ဟု  ခါးခါးသီးသီး တုန့်ပြန်သည်။

    မြန်မာနိုင်ငံတွင် တပ်မတော်သားဦးရေ လေးသိန်းခန့်ရှိပြီး အများစုသည်  တပ်ရင်းတပ်ဖွဲ့များအတွင်းရှိ  မဲရုံများတွင် မဲပေးကြမည်ဖြစ်သည်။ တပ်မတော်သားများ လွတ်လပ်စွာ မဲပေးခွင့်ရှိမည်လားဆိုသည့် မေးခွန်းနှင့် ပတ်သက်၍ နိုင်ငံရေးပါတီများနှင့် ရွေးကောက်ပွဲလေ့လာစောင့်ကြည့်သူများက အဖြေမရှာနိုင်သေးပါ။

    ဦးသိန်းစိန် အပါအဝင် ဗိုလ်ချုပ်ကြီးဟောင်းများက ဦးဆောင်နေသော အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် တပ်မတော်၏ ကိုယ်ခွဲပါတီအဖြစ် ရှုမြင်ခံထားရသောကြောင့် တပ်မတော်သား အများအပြား  ရွေးကောက်ပွဲတွင် လွတ်လပ်စွာ မဲပေးခွင့်ရရှိပါမည်လားဟု  အခြားနိုင်ငံရေးပါတီများက စိုးရိမ်လျက်ရှိသည်။

    တပ်ရင်းတပ်ဖွဲ့များရှိသည့် မဲဆန္ဒနယ်များတွင် ဝင်ရောက်ယှဉ်ပြိုင်မည့် လွှတ်တော်ကိုယ်စားလှယ်လောင်းများက စစ်တန်းလျားတွင် မဲပေးမည့်ပုံစံကို သံသယရှိကြောင်းနှင့် အတိုက်အခံတို့အတွက် စစ်သားမဲများရရန် မျှော်လင့်မထားကြောင်း ပြောကြားသည်။

    “စစ်တပ်တွေထဲမှာ ပေးမယ့်မဲတွေက ကျွန်တော်တို့အတွက်မဖြစ်နိုင်ဘူးလို့ ယူဆထားပါတယ်” ဟု အမျိုးသားဒီမိုကရေစီအဖွဲ့ချုပ် (NLD) မှ ပါဝင်ယှဉ်ပြိုင်မည့် လွှတ်တော် ကိုယ်စားလှယ်လောင်းများအနက် ရှားရှားပါးပါး စစ်တပ်အရာရှိဟောင်းတစ်ဦးဖြစ်သူ အသက် ၅၉ နှစ်အရွယ် ဒုတိယ ဗိုလ်မှူးကြီးဟောင်း ကျော်ဇေယျက ပြောသည်။

    အမျိုးသားခေါင်းဆောင် ဗိုလ်ချုပ်အောင်ဆန်း၏ သမီးဖြစ်သူ ဒေါ်အောင်ဆန်းစုကြည်ကို ကျိတ်ပြီး လေးစားခဲ့သောကြောင့် NLD ပါတီသို့ ဝင်ခဲ့ခြင်းဖြစ်ကြောင်း၊ နိုင်ငံရေးတွင် စစ်တပ်၏ အခန်းကဏ္ဍကို လျှော့ချသင့်ပြီဖြစ်ကြောင်း သူက ပြောသည်။

    ၂ဝဝ၈ အခြေခံဥပဒေအရ လွှတ်တော်အတွင်း ကိုယ်စားလှယ် ၂၅ ရာခိုင်နှုန်းကို စစ်တပ်က အလိုအလျောက် ရမည် ဖြစ်သောကြောင့် အဆိုပါ နေရာများအတွက် ရွေးကောက်ပွဲတွင် ဝင်ရောက်ယှဉ်ပြိုင်ရန် မလိုပေ။

    မဲပေးရန် အမိန့်

    ဒုတိယဗိုလ်မှူးကြီးဟောင်း ကျော်ဇေယျဝင်ရောက်ယှဉ်ပြိုင်မည့်  ရန်ကုန်၊ ဒဂုံမြို့နယ် မဲဆန္ဒနယ်တွင် မဲပေးခွင့်ရှိသူ ၁ဝ,ဝဝဝ ခန့်အနက် ၃,ဝဝဝ ခန့်သည် တပ်မတော်သားများအဖြစ် မှတ်ပုံတင်ထားပြီး အချို့သည် စစ်ဆေးရုံတွင် အလုပ်လုပ်နေသူများဖြစ်သည်။
    သို့သော် ၎င်း၏ မဲဆန္ဒနယ်အတွင်းရှိ စစ်တပ်လိုင်းခန်းများတွင် နေထိုင်ကြောင်း မှတ်ပုံတင်ထားသည့် အဆိုပါ တပ်မတော်သား ၃,ဝဝဝ အနက် ၁,ဝဝဝ ခန့်သည့် မည်သည့်နေရာတွင် ရောက်ရှိနေထိုင်သည်ကို မသိရကြောင်း ၎င်းကပြောသည်။ စစ်အစိုးရလက်ထက်တွင် ဗိုလ်ချုပ်မှူးကြီး သန်းရွှေက အစိုးရရုံးဌာနများကို နေပြည်တော်သို့ ရွှေ့ပြောင်းခဲ့သည့် ၂ဝဝ၅ ခုနှစ်မှစ၍ အဆိုပါ စစ်တပ်လိုင်းခန်းများတွင် လူနေထိုင်မှုမရှိတော့သော်လည်း ၎င်းတို့အမည်များ ဒဂုံမြို့နယ်အတွင်းရှိ မဲစာရင်းတွင် ပါနေကြောင်း သူက ပြောသည်။

    ထို့ပြင် ၎င်း၏ မဲဆန္ဒနယ်အတွင်း မဲပေးနိုင်သူများစာရင်းသို့ အထူးရဲတပ်ဖွဲ့ဝင် ၇ဝဝ ခန့်၏ အမည်ကိုလည်း ရွေးကောက် ပွဲကော်မရှင်က ထည့်ခဲ့ကြောင်း သူကပြောသည်။
    သူ၏ မဲဆန္ဒနယ်အတွင်း မဲပေးမည့်သူ ထက်ဝက်ခန့်သည့် စစ်ဘက်မှ ဖြစ်သောကြောင့် ၎င်းတုိ့ထံမှ မဲများကို မျှော်လင့်၍ မရကြောင်း၊ တပ်မတော်သားများအနေဖြင့် မိမိတို့သဘောအတိုင်း မဲပေးကြမည်မဟုတ်ဘဲ အထက်အရာရှိများ၏ အမိန့်အတိုင်း မဲပေးကြလိမ့်မည်ဟု ဦးကျော်ဇေယျက သုံးသပ်သည်။
    “ကျွန်တော် ရွေးကောက်ပွဲမှာ အနိုင်ရခဲ့တယ်ဆိုရင်တောင်မှ ပွတ်ကာသီကာပဲဖြစ်မှာပါ” ဟု ၎င်းက ပြောသည်။

    ၂ဝ၁၃ ခုနှစ်တွင် အငြိ်မ်းစားမယူမီအထိ စစ်တပ်တွင် နှစ်၃ဝ ကျော် တာဝန်ထမ်းဆောင်ခဲ့ သူတစ်ဦးဖြစ်သည့်အတွက်  မြန်မာနိုင်ငံတွင် အင်အားအကြီးဆုံးအဖွဲ့အစည်းဖြစ်သည့် စစ်တပ်၏ သဘောသဘာဝကို နားလည်ထားကြောင်း ဦးကျော်ဇေယျက ရှင်းပြသည်။
    တပ်မတော်သားများနှင့်၎င်းတို့၏ မိသားစုများ  နိုဝင်ဘာ ၈ ရက် ရွေးကောက်ပွဲတွင် မည်သည့် ပါတီမှ ကိုယ်စားလှယ်များကို ရွေးချယ်ရမည် ဆိုသည်မှာ အထက်မှလာသောအမိန့်ပေါ်တွင် မူတည်နေကြောင်း ၎င်းက ပြောသည်။

    “စစ်တပ်ထဲက တာဝန်ရှိသူတစ်ယောက်ကနေ တပ်ရင်းမှူးက အစိမ်းကိုပဲ မဲပေးရမယ်လို့ အမိန့်ပေးထားတယ်လို့ ပြောလိုက်ရင် အားလုံးက အစိမ်းကိုပဲ မဲပေးကြမှာပါ” ဟု အစိမ်း ရောင်အလံနှင့်ပါတီအမှတ်တံဆိပ်ကို သုံးထားသည့် ပြည်ထောင်စုကြံ့ခိုင်ရေးနှင ဖွံ့ဖြိုးရေးပါတီအား ရည်ညွှန်းကာ ဦးကျော်ဇေယျက ပြောသည်။

    အမိန့်မနာခံသူများအနေဖြင့် အနာဂတ် အခွင့်အလမ်းများ၊ ရာထူးတိုးမှုများ ထိခိုက်မှုရှိနိုင်ကြောင်း၊ မဲပေးရာတွင် လျှို့ဝှက်မှု ရှိသင့်သော်လည်း  အများသူငါ ဝင်ရောက်ခွင့်မရှိသော စစ်တပ်နယ်မြေအတွင်းရှိ မဲရုံများတွင် မဲရေတွက်မည်ဖြစ်သောကြောင့်  လျှို့ဝှက်လုံခြုံမှု အပြည့်အဝရမည် မဟုတ်ကြောင်း ဦးကျော်ဇေယျက ပြောသည်။

    ‘ယုံကြည်ရသောရွေးကောက်ပွဲ ပေါ်ပေါက်ရေးပြည်သူများ ပူးပေါင်းအဖွဲ့’ မှ အမှုဆောင်ညွှန်ကြားရေးမှူး ဦးစိုင်းရဲကျော်စွာမြင့်က  မဲပေးသည့် မဲရုံများတွင်သာ ဆန္ဒမဲလက်မှတ်များကို စစ်ဆေးခြင်းသည် မဲဆန္ဒရှင်များ၏ လျှို့ဝှက် ဆန္ဒမဲပေးခွင့်ကို ထိခိုက်စေနိုင်သည်ဟု ဆိုသည်။

    “အခြားနိုင်ငံတွေမှာဆိုရင် မဲရုံက မဲလက်မှတ်တွေကို လျှို့ဝှက်လုံခြုံမှုရှိတဲ့ အခြားနေရာတစ်ခုခုမှာ သွားပြီး ရေတွက်ပါတယ်။ ဒါပေမယ့် ကျွန်တော်တို့နိုင်ငံမှာ ဒီစနစ် မရှိသေးပါဘူး။ ဒီမှာ ကိုယ်ပေးတဲ့ မဲရုံမှာပဲ မဲတွေကို ရေတွက်ကြတယ်။ အဲဒီလိုလုပ်ခြင်းကြောင့် နောက်တက်မယ့်အစိုးရအနေနဲ့ အဲဒီမဲဆန္ဒနယ် ကျေးရွာကိုပဲဖြစ်ဖြစ်၊ စစ်တပ်နယ်မြေကိုပဲဖြစ်ဖြစ် အငြိုးအတေးရှိလာနိုင်ပါတယ်” ဟု ဦးစိုင်းရဲကျော်စွာမြင့်က ပြောသည်။

    ရွေးကောက်ပွဲဆိုင်ရာ ညွှန်ကြားချက်များ
    —————————————–
    စစ်တပ်အရာရှိများက ရွေးကောက်ပွဲနှင့်ပတ်သက်၍ အောက်ခြေသို့ သီးခြားအမိန့်များ ထုတ်ပြန်ထားခြင်း ရှိ၊ မရှိ မသိရသော်လည်း သူတို့အရိပ်အကဲကတော့ ရှင်းနေပါသည်။

    အောက်တိုဘာ ၂ဝ ရက်နေ့က နေပြည်တော်တွင် တပ်မတော်အရာရှိ ရာပေါင်းများစွာနှင့် တွေ့ဆုံစဉ် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တပ်မတော် မိသားစုများအနေဖြင့် တပ်မတော်အပေါ် နားလည်နိုင်သည့်၊ အမျိုး၊ ဘာသာ၊ သာသနာကို စောင့်ရှောက်သည့်၊ ပြည်ပအဖွဲ့အစည်းများနှင့် နိုင်ငံခြားသားများ၏ သြဇာခံမဟုတ်သည့်သူများကိုသာ  ရွေးကောက်ပွဲတွင် မဲပေးရန် မိန့်ခွန်းခြွေခဲ့သည်။
    ထိုစကားသည် တပ်မတော် အရာရှိဟောင်းများနှင့်ဖွဲ့စည်းထားသည့် ပြည်ခိုင်ဖြိုးပါတီကို မဲပေးရန်၊ နိုင်ငံခြားသား တစ်ဦးကို လက်ထပ်ခဲ့သည့် ဒေါ်အောင်ဆန်းစုကြည်ဦးဆောင်သော NLD ကို မဲမထည့်ရန်  တိုက်တွန်းချက် ပင်ဖြစ်ကြောင်း အများက လက်ခံထားကြသည်။

    “ကျွန်တော်တို့မှာ ပြည်ခိုင်ဖြိုးကို မဲပေးရုံကလွဲလို့ အခြား ရွေးချယ်စရာမရှိပါဘူး” ဟု ကရင်ပြည်နယ်အတွင်းမှ အမည်မဖော်လိုသူ တပ်မတော်အရာရှိတစ်ဦးက ပြောသည်။

    “ကျွန်တော်တို့မှာ ကိုယ်ကြိုက်တာကို နှစ်သက်စွာ ရွေးချယ်ခွင့်မရှိပါဘူး။ လက်ရှိ အခြေအနေတွေ အရ ပြည်ခိုင်ဖြိုးကိုပဲ မဲပေးရမှာပါ” ဟု ပြောကြားသည်။

    ကရင်ပြည်သူ့ပါတီမှ စောမောင်တုတ်က ကာကွယ်ရေးဦးစီးချုပ်၏ အမိန့်ကြောင့် တပ်မတော်သားများ ရွေးကောက်ပွဲတွင် လွတ်လပ်စွာ မဲပေးခွင့်  ထိခိုက်စေသည်ဟု ဆိုသည်။

    စောမောင်တုတ်သည် တပ်ရင်းတပ်ဖွဲ့ အများအပြားရှိသည့် မှော်ဘီမြို့နယ်တွင် ပြည်သူ့လွှတ်တော် မဲဆန္ဒနယ်အတွက် ဝင်ရောက် ယှဉ်ပြိုင်ရမည်ဖြစ်သော်လည်း တပ်မတော်သားများထံမှ မဲရရန် မဖြစ်နိုင်ကြောင်း ပြောကြားသည်။

    “ဒီကိစ္စနဲ့ ပတ်သက်လို့ ကျွန်တေ်ာတို့ ဘာမှလုပ်ပိုင်ခွင့်မရှိပါဘူး။ သူတို့လုပ်တာပဲ လက်ပိုက်ကြည့်နေရမှာပါ” ဟု သူက ပြောသည်။

    ရွေးကောက်ပွဲကော်မရှင် ဥက္ကဋ္ဌဦးတင်အေးက ရွေးကောက်ပွဲနေ့တွင် တပ်ရင်း တပ်ဖွဲ့များအတွင်းရှိ မဲရုံများသို့ ရွေးကောက်ပွဲ လေ့လာစောင့်ကြည့်ရေး အဖွဲ့များ၊ စာနယ်ဇင်းသမားများကို ဝင်ရောက် ခွင့်ပြုသွားမည်ဟု သတင်းစာရှင်းလင်းပွဲတစ်ရပ်တွင် ပြောကြားထားသည်။
    မြန်မာနိုင်ငံရွေးကောက်ပွဲ အတွက် ဥရောပသမဂ္ဂ၏ စောင့်ကြည့်လေ့လာရေး အဖွဲ့ အကြီးအကဲ အလက်ဇန်းဒါးဂရက် လန်းဒေါ့ဖ်က စစ်တပ်အတွင်းရှိ မဲရုံများသို့ ဝင်ရောက်ကြည့်ရှုခွင့် ရရန် ဗိုလ်ချုပ်မှူးကြီး မင်းအောင်လှိုင်က အာမခံထားသည်ဟု ဆိုသည်။

    “ခွင့်မပြုနိုင် ရလောက်အောင် နိုင်ငံတော်လုံခြုံရေး အတွက် ထိခိုက်ခိုက်လောက်တဲ့ ထည့်သွင်း စဉ်းစားရမှုမရှိဘူးဆိုရင် ဥရောပသမဂ္ဂ အဖွဲ့တွေအနေနဲ့  တပ်ရင်းတပ်ဖွဲ့တွေမှာ လုပ်မယ့် မဲပေးမှုတွေကို ဝင်ကြည့်နိုင်ဖို့ ကာကွယ်ရေးဦးစီးချုပ်က သဘောတူထားပါတယ်”  ဟု သူက ပြောကြားသည်။    ။