မူရင်းဆောင်းပါးရှင်-Kapil Komireddi
ဘာသာခြား (မွတ်စလင်မ်) များကို မလိုလားတဲ့ သီရိလင်္ကာ ဗုဒ္ဓဘာသာ ဘုန်းကြီးများ နိုင်ငံကို မည်သို့ ခြယ်လှယ်နေသလဲ?
မိမိပြည်တွင်းရှိသူများမှာ တစ်ပြေးညီနိုင်ငံသားများသာဖြစ်သည်၊ အစိုးရအနေနှင့် ခွဲခြားဆက်ဆံခြင်း မပြုပါ ဟု သီရိလင်္ကာနိုင်ငံမှ အတည်ပြုပြောဆို သွားသည်။
သီရိလင်္ကာနိုင်ငံသမ္မတ မဟင်းဒါး ရာဂျာပတ်ဆာက လူမျိုးရေး သတ်မှတ်ချက်ပေါ် အခြေခံပြီး နိုင်ငံရေးအာဏာ အတွက် လှုပ်ရှားမှုများမှာ မိမိအား စိတ်ကွက်စေသည်ဟုဆို၏။ လူမျိုးပေါ်မူတည်၍ တာဝန်ရာထူးသတ်မှတ်ချက် အသီးသီးကို ကန့်ကွက်သောအားဖြင့် သူက “ လူအဖွဲ့အစည်းအားလုံးအဖို့ တန်းတူညီမျှအခွင့်အရေးရှိမှသာ ဒီနိုင်ငံထဲ အတူယှဉ်တွဲနေထိုင်နိုင်မှာဖြစ်တယ် ” ဟု မကြာသေးမီကပင် အခိုင်အမာပြောကြားလိုက်သည်။
၂၀၀၅ ခုနှစ် ရွေးကောက်ပွဲပြီးချိန်မှစ၍ သီရိလင်္ကာမှာ လူမျိုးရေး အခြေတည် ၀ါဒဖက်သို့ ကူးပြောင်းလာခဲ့သည်။ ပြင်းထန်ကြမ်းတမ်းသည့် ပြည်တွင်းစစ် အတွင်း ချေမှုန်းခံရပြီးနောက် တမီလ် လူမျိုးတို့သည် ပြေလည် သင့်မြတ်ရေးပြုလုပ်ကြမည့် အစား တိုင်းပြည်ကို သိက္ခာကျဆင်းစေလျက်ရှိသည်။ ဥပဒေပြုသူများသည်လည်း မျက်ကန်းမျိုးချစ် လူယုတ်မာများ ဖြစ်လာကြသည်။ ၄င်းပြင် သင်္ကန်းခြုံ ဘုန်းတော်ကြီးတို့ကလည်း မိမိကိုယ်ကို ဆင်ဟာလာ လူများစုအား ကာကွယ်ပေးသူများအဖြစ် ပုံဖမ်းကာ လူနည်းစုတစ်စုမဟုတ် တစ်စုအပေါ် နေ့စဉ်နှင့်အမျှ အပြစ်ရှာ နှိပ်ကွပ်လာကြသည်။
သိရီလင်္ကာ မှ အဓိကရုဏ်းတခု မြင်ကွင်း
ယမန်နှစ် ဧပြီလတွင် ဗုဒ္ဓဘာသာဝင် အကြမ်းဖက်သမားတို့သည် သီရိလင်္ကာ အလယ်ပိုင်းရှိ ဗလီဝတ်ကျောင်း တစ်ခုအား နှောင့်ယှက်ခဲ့ကြသည်။ ဗုဒ္ဓဘာသာသာသနာ့ နယ်မြေအတွင်း တည်ဆောက်ထားသည်ဟု စွပ်စွဲကာ ချက်ခြင်း ပိတ်ခိုင်းခဲ့သည်။ ရဲအရာရှိများမှာ ယင်းအမှုကို တားဆီး အရေးယူရမည့် အစား မြင်ကွင်းကိုရပ်ကြည့်နေသည် သာမက ၄င်းတို့အား လွတ်လပ်စွာ သွားလာလှုပ်ရှားခွင့်ပင် ပေးခဲ့သည်။ ယင်းစော်ကားမှု သတင်းသည် ကိုလံဘိုရှိ အာဏာပိုင်တို့ထံ ပေါက်ကြားရောက်ရှိသွားသောအခါ ၀န်ကြီးချုပ်က ဗလီဝတ်ကျောင်းတော်အား ရွှေ့ပြောင်းလိုက်ရန် မွတ်စ်လင်မ်တို့ကို အမိန့်ပေးခဲ့သည်။ မွတ်စ်လင်မ်တို့အပေါ်ပြောင်ပြောင်တင်းတင်း အကြမ်းဖက်နေသော ဗုဒ္ဓဘာသာဝင် မျက်ကန်းမျိုးချစ်များဖက်မှ ဘက်လိုက်ရပ်တည်ပြီး ယင်းသို့ လျှပ်တစ်ပြက်ဆုံးဖြတ်လိုက်ခြင်းမှာ မိမိနိုင်ငံသားအားလုံးကို စောင့်ရှောက်သည်ဟူသော သီရိလင်္ကာ၏ ကြွေးကြော်ချက်ကို အရှက်ရသွားစေသည်။
“ ဗုဒ္ဓဘာသာဝင် စွမ်းအားရှင် တပ်ဖွဲ့ ” – Bodu Bala Sena (BBS) ဟု ကင်ပွန်းတပ်ထားကြသော အုပ်စုတစ်စုသည် ကိုလံဘို၌ အခြေပြုလျက် စားပိုင်ခွင့်ရှိ အမှတ်တံဆိပ်စံနစ် Halal System အား စော်ကားရှုတ်ချခဲ့ကြသည်။ ထောင်နှင့်ချီသော ယောက်ျားမိန်းမများသည် အဆိုပါတပ်ဖွဲ့ဝင် မျက်ကန်း မျိုးချစ်တို့၏ တရားကိုနာယူရန် ကိုလံဘိုမြို့တော်သို့ စုရုံးရောက်ရှိလာခဲ့၏။ “ ငါတို့ နိုင်ငံဟာ ဆင်ဟာလီ လူမျိုးတစ်မျိုးတည်းရဲ့ တိုင်းပြည်ဖြစ်တယ်။ ငါတို့ဟာ ဒီတိုင်းပြည်ရဲ့ သွယ်ဝိုက် ကာကွယ်ရေးသမားတွေဖြစ်တယ် ” ဟု သံဃာတော်တစ်ဦးမှ ကြေငြာသည်။ ရက်သတ္တပတ်အနည်းငယ် လွန်မြောက်ပြီးသော် ဘုန်းကြီးများက ကိုလံဘိုရှိ မွတ်စ်လင်မ်ပိုင် သားသတ်ရုံတစ်ခုကို သားသတ်ခြင်း မပြုနိုင်အောင် ၀င်ရောက် စီးနင်းခဲ့ကြသည်။ သို့သော် ၄င်းပရ၀ုဏ်အတွင်း နွားတစ်ကောင်ကိုမျှ မတွေ့ကြရသဖြင့် အကြီးအကျယ် စိတ်ပျက်သွားသည်။ အကြောင်းမှာ ကိုလံဘို၌ နွားသတ်ခြင်းကို ၂၀၁၂ ခုနှစ် မေလကတည်းကပင် ပိတ်ပင်တားမြစ် ထားပြီးသောကြောင့်ဖြစ်သည်။ အသားသည်များက မြို့ပြင်၌သာ ဆောင်ရွက်ဖြန့်ဖြူးလျက်ရှိသည်။ ယင်းသို့ ရမယ်ရှာမရသည့် အပေါ် မကြေမချမ်းဖြစ်ကာ ကျန်းမာသန့်ရှင်းရေးဆိုင်ရာ (ဟလာလ်) အမှတ်တံဆိပ်ထံသို့ ဘုန်းကြီးများမှ ဦးလှည့် ဆူပူခြင်းဖြစ်သည်။ ရဲဝန်ထမ်းများမှ ထိုဖြစ်စဉ်ရပ်ဝန်းသို့ ရောက်လာကြသော်လည်း ဘုန်းကြီးများကိုသာ အားပေးအားမြှောက် ပြုခဲ့ကြသည် ဟု BBC မှ တင်ပြသည်။
BBS အကြမ်းဖက်အုပ်စု၏ အထူးဦးစားပေးရည်မှန်းချက်ဖြစ်သည့် တိရစ္ဆာန်များအားကာကွယ်ရေး မှသည် မွတ်စ်လင်မ် အမျိုးသမီးတို့၏အ၀တ်အစားများအား လှန်လျောကြည့်ရှုလိုခြင်း အဆင့်သို့ ရောက်လာကြသည်။ ကိုလံဘို မြို့လယ်လမ်းပေါ်တွင် မွတ်စ်လင်မ်အမျိုးသမီးတစ်ဦးမှာ တံတွေးဖြင့် အထွေးခံရပြီး၊ ဘူတာရုံတစ်ခု၌ လုံခြုံစွာ ၀တ်စားဆင်ယင်ထားသည့် မွတ်စ်လင်မ်အမျိုးသမီး လေးဦးထက်မနည်း လူရမ်းကားတစ်စု၏ တိုက်ခိုက်ခြင်းကို ခံရသည်။
ရာစုတစ်ခုနီးပါး တိုင်အောင် ဗုဒ္ဓဘာသာဝင်တို့သည် တိုင်းတစ်ပါးသား လူနည်းစုများမှ အသုံးချမှုခံလိုက်ရ သယောင်ယောင် ယုတ်မာသော လံကြုပ် ဇာတ်လမ်းများကို အသုံးပြု၍ ဆင်ဟာလီလူများစုတို့၏ မူလအသိတရား၌ ညစ်ညမ်းမှုများ ပြန့်နှံ့သွားအောင် ထိုးဆွမှုပြုခဲ့ကြသည်။ “ ဆင်ဟာလီ လူမျိုးတို့က ဒီကျွန်းကို နိဗ္ဗာန်တမျှ ထင်ရှားလှပသာယာအောင် ဖန်တီးခဲ့ကြတာပါ။ အရိုင်းအစိုင်း ဖျက်ဆီးရေးသမားတွေကြောင့် ဒီကျွန်းက ပျက်စီးသွားရတယ်။ တိရစ္ဆာန်တွေကို ရက်စက်ကြမ်းကြုတ်စွာ သတ်ဖြတ်ခြင်း၊ ခိုးဝှက်ခြင်း၊ ကာမေသုမိစ္ဆာစာရကံကျူးလွန်ခြင်း၊ မုသားဆိုခြင်း၊ မူးယစ်သေစာသောက်စားခြင်း အလေ့အထတွေအတွက် ခရစ်ယာန်ဝါဒ နဲ့ ဟိန္ဒူဝါဒမှာ တာဝန်ရှိတယ် ” ဟု Anagarika Dharmapala က ၂၀ ရာစု အစပိုင်းတွင် ရေးသားဖော်ပြခဲ့သည်။
လက်တွေ့၌မူ ခရစ်ယာန်တို့သည် သီရိလင်္ကာရှိ ဗုဒ္ဓဘာသာဝင် ဆင်ဟာလီ လူများစုအပေါ် ထူးထူးခြားခြား လွှမ်းမိုးခြယ်လှယ်ခြင်း မရှိခဲ့ကြချေ။ ဆင်ဟာလီတို့၏အုပ်ချုပ်ရေးကို ဖြိုလဲရန်ကြိုးစားခဲ့သော ဟိန္ဒူဘာသာဝင်တမီလ်အုပ်စုများကသာ ၂၀၀၉ ခုနှစ်တွင် ရက်စက်မှုကို လက်ဦးခံခဲ့ရခြင်းဖြစ်သည်။ သို့သော် စိတ်၏ လုံခြုံမှုမရှိသော လူများစုမှာ မိမိတို့သာလျှင် သာမြတ်မှုရှိကြောင်း ပြသနိုင်ရန်အတွက် အခြားလူနည်းစုဝင်တို့အတွင်းမှ အားနည်းချက်များကို မပြတ်ရှာဖွေကြိုးပမ်းလေ့ရှိသည်။
လက်ရှိအဖြစ်အပျက်သည် ရာဂျာပတ်ဆာ ၏ နိုင်ငံရေးအာဏာခိုင်မာစေအောင်ပြုလုပ်သော နည်းလမ်းတစ်ရပ်ဖြစ်သည်။ အစိုးရ၏ သြဇာအကြီးဆုံး ရာထူးများ၌ မိမိ၏ မိသားစုဝင်များကိုသာ ခန့်အပ်ထားသည်။ ဆင်ဟာလာ အမျိုးသားရေးဝါဒီများမှာ ၄င်းတို့ကျွေးမွေးထားသော အခြေခံ အင်အားစုမှ ပေါက်ဖွားလာခြင်းဖြစ်သည်။ အတိတ်ကာလမှ အပြန်အလှန်အဓိကရုဏ်းတို့အား အဆုံးသတ်လိုက်သည့် မွတ်စ်လင်မ်များမှာ တမီလ်များနှင့် ရင်ဘောင်တန်းလာနိုင်ကြပြီဖြစ်သည်။ ထိုအချက်ကြောင့် သည်းခံခြင်းနှင့်မေတ္တာတရားအကြောင်းကို သမ္မတက တဖွဖွ ပြောဆိုနေသည့်တိုင် ၄င်း၏ညီဖြစ်သူ ကာကွယ်ရေးဌာနအတွင်းဝန် ဂိုတာဘာယာ က ဗုဒ္ဓဘာသာဝင်ရဟန်းတုများ၏ BBS ဂိုဏ်းကို ဖန်တီးလိုက်ခြင်းဖြစ်၏။ လတ်တစ်လောကျင်းပသွားခဲ့သော BBS အခမ်းအနားတွင် ယင်းဂိုဏ်းသားများ အားလုံးကို မိမိတို့၏ အမျိုးဘာသာသာသနာနှင့်တိုင်းပြည်ကို ကာကွယ်သူများအဖြစ် အမွှမ်းတင်ခဲ့ပြီး “ ဒီ ဘုန်းတော်ကြီးတွေအပေါ် ဘယ်သူမှ သံသယ မထားရ။ အသင်တို့ကို အားပေးကူညီဖို့ ကျွန်ုပ်တို့ ဒီကို လာရောက်ရခြင်း ဖြစ်တယ် ” ဟု ပြောကြားသွားသည်။
မိမိတို့၏နိုင်ငံသည် ရာဂျာပတ်ဆာ လက်အောက်ရောက်မှ ဆင်ဟာလီ ဗုဒ္ဓဘာသာဝင် အမြောက်အများ ချိုးနှိမ်ခံရသည် (သိက္ခာကျဆင်းရသည်)။ သို့ပါသော်လည်း သူတို့သည် တမီလ် နှင့် မွတ်စ်လင်မ်များကဲ့သို့ ယနေ့သီရိလင်္ကာနိုင်ငံ၌ အသံတိတ်လျက် ရှိပေသည်။
** The Daily Beast တွင် အိန္ဒိယဂျာနယ်လစ် Kapil Komireddi ရေးသားသော What Intolerant Buddhist Monks Are Doing To Sri Lanka ဆောင်းပါးကို သစ္စာချို မှ တိုက်ရိုက်မြန်မာပြန်ဆိုဖော်ပြခြင်းဖြစ်သည်။ **
What Intolerant Buddhist Monks Are Doing To Sri Lanka 
