News @ M-Media

Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

  • “ မိတ္ထီ “ တွေ နောက်ထပ် မ“လာ “ အောင် အာဏာပိုင်တို့တကယ်လုပ် လူထုတို့ တကယ်ဝိုင်း

    ဟံသာဝတီဦးဝင်းတင်
    ဒီလှိုင်း ဂျာနယ်။။ အတွဲ(၂)၊ အမှတ်(၁၃)

    321329_249849831824080_2000085586_n

    ဟိုတစ်လောက တစ်တိုင်းပြည်လုံး ဆူပွတ်ယိမ်းယိုင်သွားတော့မလားဟဲ့လို့ ကျုပ်ရင်တမမ ဖြစ်လိုက်ရတယ်ဗျာ။ ပြေးပေါက်တော့ မရှာပါဘူး။ မိုးပြိုအများပေါ့ကွယ်လို့ပဲ စိတ်တုံးတုံးချတယ်။ စိတ်သာတုံးတုံးချတာ စကားကတော့ လျှာဖျားမှာ အားကြီးသီးနေရသပေါ့ဗျာ။ ကျုပ်ကတောပြော-တောင်ပြော ပြောသမားဆိုတော့ စကားရောင်းစကားဝယ် လုပ်ချင်သူတွေနဲ့ အံကိုက်ဖြစ်နေတော့တာပေါ့။

    အားလုံးသိကြတဲ့အတိုင်းပေ့ါ။ မိတ္ထီလာမှာ အရပ်သားနှစ်ယောက်အကြား ပဋိပက္ခပွားရာကတစ်မြို့လုံး သင်္ချိုင်းကုန်းအဖြစ်မျိုး ရောက်သွားခဲ့တယ်လေ။ အစိုးရဘက်က မသာစာရင်းနဲ့ အရပ်ဘက်က လူသေစာရင်းကတော့ကွာချင်တိုင်းကွာပေါ့။ အဖြစ်ဆိုးတွေကတော့ ဆိုးသွားခဲ့ပြီပေါ့ဗျာ။ ဘာတတ်နိုင်မှာလဲ။ အစိုးရကြီးများတောင် ဘာမှမတတ်နိုင်တာ။ ကျုပ်တို့လို အရပ်သူအရပ်သား ပါမွှားနင်းပြားတွေအဖို့ကတော့ ဘုရားတနေခဲ့ကြရတာပါပဲ။ ဘာမှမတတ်နိုင်ဘူးဆိုပေမဲ့ ပြောရေးရှိကပြောအပ်စွလေးတွေတော့ ပြောရမှာပေါ့။

    လူကြီးတွေကတော့ ပြောကြပါရဲ့။ တရားဥပဒေစိုးမိုးရေးတဲ့။ မိတ္ထီလာနဲ့နောက်ဆက်တွဲ မသာပေါင်းများစွာ၊ မီးလောင်မြေပေါင်းများစွာ၊ ဗလီပြိုပေါင်းများစွာကတော့ တစ်မျိုးအသံထွက်နေလေရဲ့။ အဲ့ဒီအသံတွေ ပြောတဲ့စကားကဘယ်လိုလဲ။ ရဲတွေလက်ပိုက်ကြည့်နေသတဲ့။
    တာဝန်ရှိသူတွေ မျက်နှာလွှဲနေကြသတဲ့။ အဖျက်သမားတွေ ဂိုဏ်းဖွဲ့ထိုးစစ်ဆင်နေကြသတဲ့။ ဒီလိုအသံတွေကတော့ ထွက်နေတာပဲပေါ့။ ဟုတ်သလောက်လည်း ဟုတ်နေပေသကိုး။

    တစ်ဆင့်တိုးလာတဲ့ အသံတွေက တော့ အာဏာပိုင်တွေ၊ နိုင်ငံရေးခေါင်းဆောင်တွေ ကြောင်တောင်ကန်းနေကြသတဲ့။ တုဏှိဘော လျှာကြောသေနေကြသတဲ့။ ဒါကတော့ မဟုတ်လှဘူးဗျ။ သမ္မတ ဦးသိန်းစိန်ရယ်၊ ပြည်သူ့လွှတ်တော်ဥက္ကဋ္ဌ ဦးရွှေမန်းရယ်၊
    ဒီချုပ်ဥက္ကဋ္ဌ ဒေါ်အောင်ဆန်းစုကြည်ရယ် သုံးပွင့်ဆိုင်ဆွေးနွေးသတဲ့။ မူခြောက်ချက်ချလိုက်သတဲ့။ တရားဥပဒေစိုးမိုးရေး ထိရောက်အောင်လုပ်ရန်ဆိုတာက တစ်ချက်။ ‘မိတ္ထီ’ တွေ နောက်ထပ်မ ‘လာ’ ရလေအောင် တားဆီးကာကွယ်ရန်ဆိုတာကတစ်ချက်။ အဲဒီနှစ်ချက်ကအရေးကြီးဆုံးပဲ။ ကျုပ်တို့ကတည်း ပြောတဲ့အတိုင်း ဖြစ်အောင်လုပ်ကြပါလို့ပဲ ကျယ်ကျယ်ကြီး ပြောရတော့မယ်။ အာဏာပိုင်တွေကလည်း တကယ်လုပ်၊ လူထုကလည်း တကယ်ဝိုင်းကြရပေမပေါ့။

    အရေးကြီးတဲ့ အသံကျယ်ကျယ်တစ်ခွန်းတော့ နိုင်ငံရေးအသိုင်းအဝိုင်းထဲက ပြောလာတယ်။ ၈၈ ကျောင်းသားအဖွဲ့ခေါင်းဆောင်ပိုင်းက ထွက်လာတဲ့အသံဗျ။ ဒီနေ့ သတ်ပွဲ၊ ဖျက်ပွဲ၊ ဖြိုပွဲ၊ ရှို့ပွဲတွေဟာ ပြည်သူတွေမျှော်နေတဲ့၊ တောင်းနေတဲ့၊ တိုက်နေတဲ့ ဒီမိုကရေစီ အပြောင်းအလဲတွေကို ပျက်စီးစေလိမ့်မယ်တဲ့။ အစိုးရက မထိန်းနိုင်ရင်၊ ပြည်သူကမတားနိုင်ရင် ဒီမိုကရေစီ ဇာတ်မပေါင်းခင် ခေါင်းပြတ်၊ ဇက်ပြတ်တွေ ဖြစ်ကုန်လိမ့်မတဲ့။ (ရှစ်လေးလုံးကာလတုန်းက အဖျက်အမှောင့်သမားတွေခေါင်းဖြတ်ပွဲတွေနွှဲခဲ့ကြသလိုလေ။)

    ခေါင်းဆောင်ကြီးတွေပြောသလိုကျုပ်လည်း ပြောနေတာပါပဲဗျ။ ခေါင်းဆောင်လေးတွေရင်မ သလို ကျုပ်လည်းရင်မ နေတာပဲဗျ။ ကျုပ်က ခေါင်းဆောင်းကြီး-ငယ်တွေလို အရာမရာက်တောက်တောက်ပပ မဟုတ်ဘူးလေ။ ဒီတော့ အသံတိုးတိမ် အရောင်အဝါမှိန်ပေပေါ့။

    ကျုပ်ပြောချင်တဲ့ အသံတချို့က ဒီလိုဗျာ။

    မိတ္ထီလာလို၊ မိတ္ထီလာကတစ်ဆင့်တပ်ကုန်းလို၊ တပ်ကုန်းကတစ်ဆင့်အုတ်ဖိုစစ်ကွင်းလို၊ အုတ်ဖိုစစ်ကွင်းက တစ်ဆင့်ကြို့ပင်ကောက်၊ ဇီးကုန်း၊ နတ္တလင်းလို အဲဒီကတစ်ဆင့် မင်းလှ၊ မိုးညိုလို ဆူပူဖျက်ဆီးသတ်ဖြတ်မှုတွေ တောမီးလောင်သလိုပြန့်ကူးနေတာဟာ
    ရပ်တန်းက ရပ်ချိန်တန်ပြီ။ လူထုကိုယ်တိုင်ကိုယ်ကျ ထိန်းကြပ်မှဖြစ်တော့မယ်ဗျာ။ မြို့လူထု၊ ရွာလူထုဟာ ကိုယ့်ကာကွယ်ရေး ကိုယ်လုပ်ကြရတော့မယ်ဗျာ။ ရှစ်လေးလုံးကာလလို ကိုယ့်လမ်း၊ ကိုယ့်အိမ်၊ ကိုယ့်ရပ်ကိုယ် ကာကွယ်တဲ့နည်းကို စီမံကြရတော့မှာပဲ။ လိုအပ်ချက်အတိုင်း
    ရုပ်လုံးဖော်ရတော့မှာပဲ။

    ဒုတိယပြောချင်တာက နှစ်သမနိရှည်ကြာစွာ ရပ်ဆွေရပ်မျိုးလို နေထိုင်ပေါင်းသင်းလာခဲ့ကြသူတွေ ဘာကြောင့်ရမ်းကားရက်စက် ဘီလူးသဘက်လိုသတ်ကြ-ဖြတ်ကြ၊ ရန်စောင်-ရန်လိုဖြစ်နေကြသလဲ။ နှစ်ဖက်လုံးမှာပေါက်ပွားနေတဲ့အစွန်းရောက်တွေကို
    ဘာကြောင့်မဖျဉ်-မဖျန်နိုင်ကြသလဲ။ ခေါင်းမာသမားတွေကို ခေါင်းချင်းဆိုင်ပေးရတော့မှာပဲ။

    တတိယပြောချင်တာက လူတွေဟာလူတွေပဲ။ မွတ်စလင်သော၊ ကုလားသော ဘာသော ညာသော လာပြောမနေနဲ့။ လူဟာလူပဲ။ လူတိုင်းမှာ သူ့လူသားပီပီ အသက်ရှင်နေထိုင်နိုင်တဲ့အခွင့်အရေးရှိတယ်။ လူ့ဘောင် လူ့အဖွဲ့အစည်း အေးချမ်းသာယာရေးဟာ တရားဥပဒေစိုးမိုးရေး သက်သက်ကလေးနဲ့ ကိစ္စမပြည့်စုံသေးဘူး။ လူသားအခွင့်အရေး အပြည့်အဝဖော်ထုတ် ထုံမွှမ်းနိုင်မှ ထမြောက်နိုင်တယ်။

    ဒီမိုကရေစီအပြောင်းအလဲ ဖော်ဆောင်နေတဲ့စစ်အာဏာအရေခွာ အရပ်သားအစိုးရကြီးခင်ဗျား၊ လူ့အခွင့်အရေးအပြောင်းအလဲဖော်ဆောင်ရေးတွေလည်း မေ့ချန်မထားပါလေနဲ့။ မေ့ကျန်သလောက် မေ့ကျန်နေသေးသပါ့ဆိုရင်လည်း တစ်ဆိတ်လောက် ပြန်ကောက်ဖြည့်ဆည်း ဖော်ဆောင်လိုက်ပါဦးလို့ ပြောချင်သဗျာ။ ။

    ဟံသာဝတီဦးဝင်းတင်
    ဒီလှိုင်း ဂျာနယ်။။ အတွဲ(၂)၊ အမှတ်(၁၃)

  • မြန်မာပြည်ရှိ မွတ်စလင်များအား တိုက်ခိုက်နေခြင်းကို ပြင်းထန်စွာ ရှုံ့ချခြင်း (BMA ကြေညာချက်)

    မြန်မာပြည်ရှိ မွတ်စလင်များအား တိုက်ခိုက်နေခြင်းကို ပြင်းထန်စွာ ရှုံ့ချခြင်း (BMA ကြေညာချက်)

    မေ-၄၊ ၂၀၁၃

    ပြည်တွင်းရှိ အစ္စလာမ်ဘာသာဝင်များကို အစွန်းရောက် အုပ်စုတစုမှာ သတ်ဖြတ်တိုက်ခိုက်နေမှု့များ အပေါ် ပြည်ပ အခြေစိုက် မြန်မာမွတ်စလင်မ် အဖွဲ့အစည်းတခုဖြစ်တဲ့ မြန်မာမွတ်စလင်မ် အစည်းအရုံးမှ ကြေညာချက် တစောင်ထုတ်ပြန်လိုက်သည်။  ကြေညာချက် အပြည့်အစုံမှာ အောက်ပါအတိုင်းဖြစ်သည်။

    banner

    မြန်မာပြည်ရှိ မွတ်စလင်များအား တိုက်ခိုက်နေခြင်းကို ပြင်းထန်စွာ ရှုံ့ချခြင်း

    မေ-၄၊ ၂၀၁၃

    ၁။ အစ္စလာမ်သာသနာနှင့် မြန်မာနိုင်ငံသားမွတ်စလင်များကို စော်ကားနှိမ့်ချသော စာရွက်စာတန်းများ၊ ဗီဒီယုိုခွေများကို ဖြန့်ချိခြင်း၊ တရားပွဲများ ကျင်းပပြုလုပ်ခြင်းများကို ဦးသိန်းစိန်အစိုးရ လက်ထက်တွင် မကြုံစဖူး များပြားစွာ နိုင်ငံနှင့်တဝှမ်း ပြုလုပ်လာကြသည်။

    ၂။ ခလေးသူငယ်၊ အမျိုးသမီး၊ သက်ကြီးရွယ်အိုပါမကျန် မြန်မာမွတ်စလင်များကို နှုတ်ဖြင့်စော်ကားမှု၊ ကိုယ်ထိလက်ရောက် တိုက်ခိုက်မှု၊ သတ်ဖြတ်မှု၊ လုယက်မှု၊ မီးရှို့မှုစသည့် ရာဇဝတ်မှုများသည်လည်း မြန်မာ့သမိုင်းတွင် အများဆုံးစံချိန်တင်အောင် ဦးသိန်းစိန်အစိုးရ လက်ထက်မှာမှ ဖြစ်ပွါးလျှက်ရှိသည်။

    ၃။ ငြိမ်းချမ်းစွာ ကိုယ့်လယ် ကိုယ်ထွန်သော လက်ပံတောင်းတောင် လယ်သမားများကို ပစ်ခတ်နှိမ်နင်းသော ဦးသိန်းစိန်အစိုးရသည် မိတ္ထီလာမြို့နေ မွတ်စလင်များကို ခလေးသူငယ်ပါမချန် မိမိရှေ့မှောက်တွင် ရက်ရက်စက်စက် ခုတ်ထစ်သတ်ဖြတ်ပြီး မသေမရှင် မီးရှို့နေကြသော အကြမ်းဖက်သမားများကိုမူ ရပ်ကြည့်နေခဲ့သည်မှာ ဗီဒီယိုမှတ်တမ်းများအရ မြန်မာသိ၊ ကမ္ဘာသိဖြစ်ပေ၏။

    ၄။ သမ္မတဦးသိန်းစိန်သည် လူမျိုးရေး၊ ဘာသာရေး မုန်းတီးမှုလှုံ့ဆော်သူများကို ထိရောက်စွာ အရေးယူမည်ဟု မိန့်ခွန်းများ အကြိမ်ကြိမ်ပြောကြားခဲ့သော်လည်း မုန်းတီးမှုများကို ဦးဆောင်လှုံ့ဆော်နေသော သံဃာများ၊ နိုင်ငံရေးပါတီများ၊ လူပုဂ္ဂိုလ်များကို ယနေ့တိုင် သိလျက်နှင့် အရေးမယူ တမင်လစ်လျူရှုလျှက်ရှိသည့်အပြင် အကြမ်းဖက်မှုများဖြစ်ပွါးမည်ကို သိရှိတိုင်ကြားသော်လည်း မတားဆီးပေးခြင်း၊ အကြမ်းဖက်နေစဉ်လည်း လုံလောက်စွာ အကာအကွယ်ပေးရန် ပျက်ကွက်ခြင်းတို့ကို ဆက်ခါ ဆက်ခါ ပြုလုပ်လျှက်ရှိ၏။

    ၅။ အစ္စလာမ်သာသနာနှင့် အစ္စလာမ်သာသနာ သက်ဝင်ယုံကြည်သူများအား ပစ်မှတ်ထားတိုက်ခိုက်မှုများကို ဦးသိန်းစိန်အစိုးရ၏ ကာလရှည်ကြာစွာ လစ်လျူရှုမှုများကြောင့် နိုင်ငံတကာတွင် အမိမြန်မာနိုင်ငံနှင့် နိုင်ငံသားများ၏ ဂုဏ်သိက္ခာများကျဆင်းလျှက် ရှိရုံသာမက အင်ဒိုနီးရှားနိုင်ငံတွင် မြန်မာသံရုံးကို ဗုံးခွဲတိုက်ခိုက်ရန် ကြံစည်လာသည်အထိ ဖြစ်ရခြင်းမျိုးကို မြန်မာမွတ်စလင်များက လုံးဝ မလိုလားပါ။ အကြမ်းဖက်မှု မှန်သမျှကို ပြင်းထန်စွာ ရှုံ့ချသည်။ အင်ဒိုနီးရှားအစိုးရက အင်ဒိုနီးရှားရှိ မြန်မာသံရုံးနှင့် မြန်မာနိုင်ငံသားများကို အကာအကွယ်ပေးသကဲ့သို့ လည်းကောင်း၊ ဘင်္ဂလားဒေရှ့်အစိုးရက သူ့နိုင်ငံတွင်းရှိ လူနည်းစု ဗုဒ္ဓဘာသာဝင်များ၏ ဘုရားကျောင်းကန်များ၊ အသက်အိုးအိမ်များကို ထိရောက်စွာ အကာအကွယ်ပေးပြီး အကြမ်းဖက်သမားများကို ပြတ်ပြတ်သားသား နှိမ်နင်းသကဲ့သို့ လည်းကောင်း ဦးသိန်းစိန်အစိုးရမှ သိက္ခာရှိသော အရေးယူမှုများကို လုပ်ဆောင်ပြရန် လိုအပ်သည်။

    ၆။ မြန်မာမွတ်စလင်များသည် မည်သို့သောအခြေအနေတွင်မှ အကြမ်းဖက်နည်းလမ်းကို ရွေးချယ်မည် မဟုတ်သည့်အပြင် မိမိတို့၏ ပြည်တွင်းရေးပြသနာများကို နိုင်ငံသားအချင်းချင်း တန်းတူရည်တူ အပြန်အလှန်လေးစားသော အခြေခံများအားဖြင့်သာ ဖြေရှင်းနိုင်သည်ဟု အခိုင်အမာယုံကြည်သည်။ မိမိတို့လူမျိုးနှင့် မိမိတို့သာသနာကို ဧည့်သာသနာနှင့် ဧည့်နိုင်ငံသားအဖြစ် အချောင်အာဏာသိမ်းခဲ့သော စစ်ဗိုလ်လက်တစ်ဆုပ်စာက ၁၉၈၂ခုနှစ်တွင် တရားမဲ့ သမိုင်းဖျောက် သတ်မှတ်ခဲ့ခြင်းကို မြန်မာပြည်ရှိ တိုင်းရင်းသား မွတ်စလင်များက မည်သည့်အခါမှ လက်ခံမည် မဟုတ်ပါ။ လူမျိုးပေါင်းစုံ သွေးစပ်၍ ဖြစ်ပေါ်လာရသော တိုင်းရင်းသားလူမျိုးတိုင်းတွင် တရုပ်စပ်သူများက ဝန်ကြီးဖြစ်နေချိန်တွင် အိန္ဒိယစပ်သူများကို နိုင်ငံမဲ့ ဧည့်သည်များသဖွယ် အဆင့်အတန်းခွဲခြား ဖိနှိပ်မှုများကို ပြတ်ပြတ်သားသား ဆန့်ကျင်တိုက်ဖျက်သွားမည်။

    ၇။ ကာလရှည်ကြာစွာ စနစ်တကျ အစီအစဉ်ရှိရှိ တစ်ဖက်သတ် တိုက်ခိုက်သတ်ဖြတ်နေမှုများကြောင့် အသက်အိုးအိမ်များ ပျက်ဆီးဆုံးရှုံးခဲ့ရသည့်အပြင် ပိုမိုပြင်းထန်ဆိုးရွားစွာ ဆက်လက်တိုက်ခိုက်ဦးမည့် အခြေအနေများ နိုင်ငံအနှံ့ တိုးတက်များပြားလာနေသဖြင့် မြန်မာမွတ်စလင်များသည် နေ့စဉ်နှင့်အမျှ လုံခြုံမှုကင်းမဲ့ပြီး စိုးရိမ်သောကများ ဖိစီးနေသော်လည်း ပုဂ္ဂိုလ်အနည်းငယ်မျှလောက်ကလွဲ၍ နိုင်ငံရေး၊ လူမှုရေး၊ ဘာသာရေးနယ်ပါယ်က ခေါင်းဆောင်များ၊ တိုင်းရင်းသားခေါင်းဆောင်များ၊ ပြည်သူ့လွှတ်တော် ကိုယ်စားလည်များထံမှ စိတ်ပိုင်းဆိုင်ရာ စာနာမှုများကိုပင် ပြည့်ဝလုံလောက်စွာ မရရှိခြင်းတို့ကြောင့် မြန်မာမွတ်စလင်များသည် ကြီးမားသော စိတ်ဒါဏ်ရာများကို ခံစားလျှက်ရှိနေကြောင်းကိုလည်း အတိအလင်း မှတ်တမ်းတင်အပ်သည်။

    ၈။ မြန်မာမွတ်စလင်ဆယ်ဦး တောင်ကုတ်တွင် နေ့ခင်းကြောင်တောင် သွေးအေးအေးနှင့် သတ်ဖြတ်မှုကို မဖေါ်ထုတ်နိုင်ခြင်း၊ ရိုဟင်ဂျာလူမျိုးများကို လူဆိုး၊ နိုင်ငံမဲ့၊ လူလိမ်၊ ခိုးဝင်လာသူများအဖြစ် စော်ကားရေးသားခြင်း၊ ရခိုင်ပဋိပက္ခ၏ လက်သည်တရားခံ လူမျိုးရေး ဘာသာရေးမုန်းတီးမှုလှုံ့ဆော်သူ ရခိုင်အစွန်းရောက်များကို လစ်လျူရှုထားခြင်းစသည်တို့ကြောင့် ရခိုင်ပြည်နယ် ပဋိပက္ခများ စုံစမ်းရေးကော်မရှင်၏ အစီရင်ခံစာကိုလည်း ပြင်းထန်စွာ ရှုံ့ချသည်။

    ၉။ မြန်မာမွတ်စလင်များ၏ အကျိုးစီးပွါးသည် နိုင်ငံတော်၏ အကျိုးစီးပွါးဖြစ်၏။ မြန်မာမွတ်စလင်များ၏ လုံခြုံမှုသည် နိုင်ငံတော်၏ လုံခြုံမှုဖြစ်၏။ ထို့ကြောင့် မြန်မာမွတ်စလင်များ၏ အသက်အိုးအိမ်များကို အကာအကွယ်ပေးရန် နိုင်ငံတော်အစိုးရတွင် အပြည့်အဝ တာဝန်ရှိသည်။ လူမျိုးကိုစွဲ၍လည်းကောင်း၊ ကိုးကွယ်သော သာသနာကိုစွဲ၍လည်းကောင်း အုပ်စုဖွဲ့ တိုက်ခိုက်ခြင်းသည် နိုင်ငံတကာ ရာဇဝတ်မှုဆောင်သော ပြစ်မှုကြီးဖြစ်သဖြင့် အချိန်မီထိရောက်စွာ မတားဆီးပေးနိုင်ပါက နိုင်ငံတော်အစိုးရတွင်သာ တာဝန်ရှိသွားမည်ဖြစ်ကြောင်းကို လေးနက်စွာ သတိပေးလိုက်သည်။

    မြန်မာမွတ်စလင် အစည်းအရုံး မေလ ၄၊ ၂၀၁၃

    Media Contact;

    ဒေါ်မော်လီ +1 416 516 7383 Canada [email protected]; ကိုကျော်စွာ +44 782 842 6801(UK) [email protected]; Ma Yasmin +1 408 250 6227(USA) [email protected]; ကိုကျော်ဝင်း +44-740-345-2378(UK) [email protected]

  • အစ္စလာမ်ဘာသာရေး အဖွဲ့ကြီးမှ သဘောထား ကြေညာချက် ၃/၂၀၁၃ ထုတ်ပြန်

    မေလ- ၆ ၊ ၂၀၁၃

    M-Media

    အစ္စလာမ်ဘာသာရေးအဖွဲ့ကြီးမှ လက်ရှိဖြစ်ပေါ်နေသည့် ကိစ္စရပ်များအပေါ် သဘောထားကြေညာချက် တစ်စောင် ထုတ်ပြန်ကြေငြာလိုက်သည်။ ကြေညာချက်အပြည့်အစုံမှာ အောက်ပါအတိုင်းဖြစ်ပါသည်။
    308618_575882749112866_1502430603_n

  • မြန်မာ မွတ်စလင်တွေ နိုင်ငံရေး ပိုလုပ်ကြ

    မြန်မာ မွတ်စလင်တွေ နိုင်ငံရေး ပိုလုပ်ကြ

    မေ-၆၊ ၂၀၁၃
    M-Media
    ဆောင်းပါးရှင်- အောင်တင်

    နိုင်ငံရေးလုပ်ခြင်းဆိုတာ နိုင်ငံသားတိုင်းရဲ့ အခြေခံရပိုင်ခွင့်ဖြစ်ပါတယ်။

    မွတ်စလင်တွေကို နိုင်ငံရေးကင်းရှင်းကြဖို့ ဧရာဝတီတိုင်းဒေသကြီး အစ္စလာမ်ကောင်စီရဲ့ ထုတ်ပြန်ကြေငြာချက်မှာ စဉ်းစားစရာ အကြောင်းအချက်တွေ၊ စေတနာတွေ ပါနေတာကို လေးစားစွာ အသိအမှတ်ပြုပါတယ်။ သို့သော် မြန်မာမွတ်စလင်တွေ ဘာလုပ်သင့်တယ်။ ဘာကို မလုပ်သင့်ဘူးဆိုတာက တရားဥပဒေရှုဒေါင့်၊ လူ့အခွင့်အရေးရှုဒေါင့်၊ နိုင်ငံသားပိုင်ခွင့်ရှုဒေါင့်၊ လူ့အဖွဲ့အစည်း အေးချမ်းသာယာရေးရှုဒေါင့် စသဖြင့် ရှုဒေါင့်ပေါင်းစုံကကြည့်ပြီး ရေရှည်စဉ်းစားမှ မှန်ကန်ပါမယ်။ ရေတို အကျပ်အတည်းကြောင့် မိမိတို့ရဲ့ မူလရပိုင်ခွင့်တွေကို စွန့်လွှတ်စရာ အကြောင်းမရှိပါဘူး။ စွန့်လည်း မစွန့်လွှတ်သင့်ဘူး။ စွန့်လွှတ်ပါလို့ တိုက်တွန်းခွင့်လည်း မရှိပါဘူး။

    အပြစ်ရှာလိုသူ၊ ဖိနှိပ်လိုသူ၊ ဥပဒေမဲ့ ပြုကျင့်လိုသူတွေ စိတ်ကြိုက် (Appeasement Policy) လုပ်ပေးကြမယ်ဆိုရင် ဒီအပြစ်ရှာလိုသူတွေရဲ့ မူလရည်ရွယ်ချက်က အပြစ်မဟုတ်တာကို အပြစ်လုပ်တဲ့ ရည်ရွယ်ချက်ဖြစ်နေလေတော့ ဒီလိုလိုက်လုပ်ပေးပြီးရင် ဟိုလိုလုပ်ပေးဖို့ တောင်းဆိုရင်း နောက်ဆုံး ဘယ်လိုမှ လိုက်မလုပ်နိုင်တဲ့အဆင့် ရောက်သွားပြီး ဒုံရင်းဘဲ ဖြစ်သွားမှာပါ။ ဥပမာအားဖြင့် မြန်မာ့ယဉ်ကျေးမှုနှင့် သဟဇာတမဖြစ်ဘူးဆိုပြီး မုတ်ဆိတ်ထားတာတွေ၊ အင်္ကျီရှည်ဝတ်တာတွေ၊ ပုဝါပေါင်းတာတွေကို အပြစ်တင်နေတာကို ကျေနပ်သွားအောင် ကျနော်တို့တွေက မုတ်ဆိတ်တွေကို ရိပ်ပစ်လိုက်လို့၊ တိုက်ပုံနဲ့ တောင်ရှည်တွေ ဝတ်၊ ပုဝါတွေချွတ်ပြလိုက်လို့လည်း ပြသနာတွေ ပျောက်သွားမယ်လို့ မထင်ပါဘူး။ အရှက်လုံတဲ့ အင်္ကျီရှည်တွေကို မြန်မာ့ယဉ်ကျေးမှုနဲ့ မကိုက်ညီဘူးဆိုပြီး အပြစ်တင်နေသူတွေဟာ သူတို့ရဲ့ အမ၊ နှမတွေ ဖင်ပေါ်ခေါင်းပေါ် အရှက်ကင်းမဲ့စွာ ဝတ်ဆင်နေတာကို မသိချင်ယောင်ဆောင်နေကြတာကို ကြည့်ခြင်းအားဖြင့်လည်း သူတို့ရဲ့ တမင်အပြစ်ရှာတတ်တဲ့အမြင် (Double Standards) ကိုလည်း သိနိုင်ပါတယ်။ လူတိုင်းမှာ အရှက်လုံပြီဆိုရင် လွတ်လပ်စွာ ဝတ်စားဆင်ယင်ခွင့် ရှိပါတယ်။ သို့သော် အစ္စလာမ်သည် အာရဗ်အတွက်၊ အိန္ဒိယအတွက်၊ တရုပ်အတွက်ဘဲ မဟုတ်။ လူသားအားလုံး အတွက်ဖြစ်တဲ့အတွက် ယဉ်ကျေးမှုပေါင်းစုံအတွက်လည်း ဖြစ်ပါတယ်။ မြန်မာပြည်က မွတ်စလင်များသည် မြန်မာအပါအဝင် တိုင်းရင်းသားပေါင်းစုံရဲ့ ယဉ်ကျေးမှုကို ချစ်မြတ်နိုးသင့်တယ်။ ကျင့်သုံးသင့်တယ်။ ကျနော်တို့ မြန်မာမွတ်စလင်တွေဟာ အစဉ်အဆက်က မြန်မာ့ ယဉ်ကျေးမှုကို မြတ်နိုးကျင့်သုံးသူများလည်း ဖြစ်ပါတယ်။

    ယနေ့ရင်ဆိုင်နေရတဲ့ ပြသနာတွေကို အကောင်းဆုံးနှင့် အမှန်ဆုံး ဖြေရှင်းနည်းက ဘာသာပေါင်းစုံ လူမျိုးပေါင်းစုံ တိုင်းရင်းသားပြည်သူများနှင့် နိုင်ငံရေး၊ လူမှုရေးစတဲ့ နယ်ပယ်အားလုံးမှာ တက်တက်ကြွကြွ ပိုမိုပါဝင် ပူးပေါင်းဆောင်ရွက်တဲ့ နည်းဘဲ ဖြစ်ပါတယ်။ ထွက်ပြေးတဲ့ နည်းလမ်း မဟုတ်ဘူး။ ခက်ခဲကောင်း ခက်ခဲမယ်။ ကြာကောင်း ကြာမယ်။ သို့သော် အခြားနည်းလမ်း မရှိပါဘူး။

    အထူးသဖြင့် နိုင်ငံရေးကို ပိုလုပ်ကြပါ။ ကိုယ်မလုပ်နိုင်ရင်တောင် လုပ်နိုင်သူတွေကို အားပေးပါ။ ထောက်ခံပါ။ ထောက်ပံ့ပါ။

    ကျနော်တို့မှာ ဘာမှ ဖုံးကွယ်ထားတာ (Hidden Agenda) မရှိဘူး။ လျှို့ဝှက်ချက်လည်း မရှိဘူး။ မြန်မာ မွတ်စလင်တွေကြားမှာ ဆွေးနွေးနေတာနှင့် မွတ်စလင် မဟုတ်သူ မြန်မာများနှင့် ဆွေးနွေးတာတွေကလည်း အတူတူဘဲ။ နှစ်ယောက် တည်းပြောလည်း ဒီစကားဘဲ။ တစ်နိုင်ငံလုံးသိအောင် အော်ပြောလည်း ဒီစကားဘဲ။ မြန်မာမွတ်စလင် (မြန်မာပြည်က မွတ်စလင်ကို ဆိုလိုသည်။)တွေဟာ ခေတ်အဆက်ဆက် ကတည်းက သမိုင်းနဲ့ချီပြီး နိုင်ငံရေး၊ လူမှုရေး၊ ပညာရေး၊ စီးပွါးရး၊ အနုပညာ၊ ဂီတ၊ စာပေ၊ အားကစားစတဲ့ နယ်ပယ်အသီးသီးမှာ တိုင်းရင်းသားပေါင်းစုံ ဘာသာပေါင်းစုံ ပြည်သူလူထုနဲ့ ဒိုးတူဘောင်ဖက် ရင်ဘောင်တန်း လုပ်ဆောင်ခဲ့ကြသူတွေဖြစ်တယ်။

    တိုင်းရင်းသားပေါင်းစုံ ပြည်သူလူထု၏ အကျိုးစီးပွါးသည် မြန်မာမွတ်စလင်များ၏ အကျိုးစီးပွါးဖြစ်ပြီး၊ မြန်မာမွတ်စလင်များ၏ အကျိုးစီးပွါးသည်လည်း တိုင်းရင်းသားပေါင်းစုံ အကျိုးစီးပွါးတွင် ပါဝင်ပြီးဖြစ်သည်ဟု အစဉ်အဆက် ယုံကြည် ကျင့်သုံးသူများဖြစ်ပါတယ်။

    ဒါကြောင့်လည်း အင်အယ်လ်ဒီပါတီ နာယကကြီး ဦးတင်ဦးက

    ၁။ မြန်မာမွတ်စလင်တွေဟာ မြန်မာတိုင်းရင်းသားတွေဖြစ်တယ်။

    ၂။ မြန်မာမွတ်စလင်တွေကို ဘယ်တုန်းကမှ လက်တွဲခေါ်ဖို့ မလိုခဲ့ဘူး။ မြန်မာမွတ်စလင်တွေဟာ သမိုင်းအစဉ်အလာအရ တိုင်းကျိုးပြည်ကျိုးကို ဒိုးတူဘောင်ဖက် ထမ်းဆောင်ခဲ့သူများဖြစ်တယ်”လို့ စက်တင်္ဘာလ(၉)ရက်၊ ၂၀၁၂ ရန်ကုန်မှာ ကျင်းပတဲ့ အိးဒ် မိတ်ဆုံစားပွဲ အခမ်းအနား မှာ ရှင်းရှင်းပြတ်ပြတ် မိန့်ကြားခဲ့တယ်။

    ဒါကြောင့် ကျနော်တို့ မြန်မာမွတ်စလင်တွေဟာ မိမိရဲ့ ပိုင်ခွင့်တွေကို တောင်းဆိုရဲသူတွေဖြစ်သလို တာဝန်တွေကိုလည်း ခေါင်းမရှောင် တတ်သူ နိုင်ငံသားကောင်းတွေ ဖြစ်ရပါမယ်။ ကျနော်တို့ဟာ လိုအပ်ချက်အရ ခေါင်းပျော့ပေးနိုင်သူများဖြစ်ပေမဲ့ ဒူးမပျော့တတ်သူများဖြစ်ရမယ်။ ကျနော်တို့ဟာ ဘယ်သောအခါမှ အကြမ်းဖက် သမားများ မဟုတ်သလို၊ ဒူးထောက် တတ်သူများလည်း မဟုတ်ပါ။

    SURRENDER IS NOT THE OPTION.
    http://www.m-mediagroup.com/news/13312

    ဆောင်းပါးရှင်ရဲ့ အာဘော်သာဖြစ်ပါသည်။

  • သွေးစွန်းနေတဲ့ သမ္မာဒိဌိ

    M-Media
    မေလ ၅ ရက်၊ ၂၀၁၃
    ဆောင်းပါးရှင် – ဗြတ်ဝိ

    396949_10200959355563709_367952536_n
    မိတ္ထီလာမြို့ မီးလောင်ပြင်အား စိတ်ပျက်အားငယ်စွာ ငေးမောကြည့်နေသည့် မိသားတစ်စု

     

    ကျီးလန့်စာ

    ယနေ့ မြန်မာမွတ်စလင်တွေကတော့ နယ်ဒေသတွေမှာသာမက မိတ္ထီလာနဲ့ ဥက္ကံမြို့တွေကနေတဆင့် ပျံ့ပွားလာတဲ့မီးကြောင့် စီးပွားရေးအချက် အချာ မြို့ကြီးနှစ်မြို့ဖြစ်တဲ့ ရန်ကုန်နဲ့ မန္တလေးတို့မှာပါ ကျီးလန့်စာ စားနေရတဲ့ အဖြစ်ကို ရောက်ရှိနေပါတယ်။

    အခြေအနေကို ၀င့်ရောက်ဟန့်တားပေးဖို့၊ ပြဿနာရဲ့ အဓိကအရင်းအမြစ်ကို တိုက်ရိုက်တင်ပြပေးဖို့ ဆိုတာတွေက ဘယ်သူ့ဘယ်သူမှရဲ့ တာဝန် မဟုတ်လို့ လူကြီးတွေကိုယ်တိုင် ခံယူထားကြသလိုပါပဲ။

    ဟိုမှာ မီးရှို့တော့မယ်၊ ဒီမှာအကြမ်းဖက်တော့မယ်စတဲ့သတင်းတွေကို အချိန်အတော်ကြာ ကြားနေရတော့ တရားဥပဒေဆို တာ ဘာလဲ၊ အခွန် ထမ်း နိုင်ငံသားတစ်ယောက်အတွက် လုံခြုံငြိမ်းချမ်းရေးဆိုတာဘာလဲ စတာတွေက မှုန်ဝါးလာသလို နှလုံးသည်း ပွတ်တွေလည်း နာကျည်းခက်ထန်ပြီး အမာရွတ်တွေ တက်စပြုလာပါပြီ။

    ကန်မုန်းတီးရေးကို ဖြစ်စေတာ ကန်အစိုးရရဲ့ နိုင်ငံခြားရေး ပေါ်လစီကြောင့်လား (ဘယ်သူမပြုမိမိမှု)

    အမေရိကန်ကို မုန်းတီးတဲ့ လူတွေ ဘာကြောင့် မုန်းကြသလဲ။ အဲဒီအမေးကို ရုရှတူဒေးရဲ့ labeling terrorists ဆိုတဲ့ cross talk မှာ အမေရိကန်စာရေးဆရာ ၀ီလျံဘားမ် ကတော့ အမေရိကန် နိုင်ငံခြားရေးပေါ်လစီကြောင့် လို့ ဆိုပါတယ်။

    သူ့ရဲ့ ဥပမာက ဒီကနေ့ အမေရိကန်ဒုံးပျံတိုက်ခိုက်ရေးစနစ်က အကြမ်းဖက်သမားတွေကို ရည်ရွယ်ပြီးပြစ်လွှတ်တာပါလို့ ဆိုတယ်၊ အဲဒီဒုံးကြောင့် အရပ်သားအများအပြား သေကြရတယ်၊ အမေရိကန် က တောင်းပန်လိုက်တယ်။ နောက်နေ့ ကျတော့ ထပ်ပြစ်တယ်၊ အရပ်သားထပ်သေတယ်၊ အဲဒီလို နေ့စဉ်ရက်စက်ဖြစ်နေရင်တော့ နိုင်ငံတနိုင်ငံရဲ့ အစိုးရကိုယ်တိုင် လုပ်ဆောင်နေတဲ့ ကိစ္စဖြစ်ပေမယ့်၊ အရပ်ဘက်အပြစ်မဲ့တွေ ဓားစာခံနေရ တာကြောင့် “အကြမ်းဖက်မှု” လို့ ခေါင်းစဉ်တပ်နိုင်လောက် တဲ့ အဆင့် ရောက်သွားပြီလို့ ဆိုပါတယ်။ ဒီလိုကိစ္စတွေကပဲ အမေရိကန်ကို မုန်းတီးတဲ့ အကြမ်းဖက်ဝါဒီတွေ မွေးထုတ်ပေးနေတာဖြစ်ပါတယ်တဲ့။

    နုတ်ဆိတ်နေတဲ့ သတင်းလွတ်လပ်ခွင့်အရေး လှုပ်ရှားကြသူ မြန်မာ့မီဒီယာကြီးများ

    အထက်မှာ အမေရိကန်အဖြစ်ကို ဥပမာပေးဖော်ပြခဲ့သလိုပါ။ အပြစ်မဲ့မြန်မာမွတ်စလင် ၁၀ ဦး အသတ်ခံရတဲ့ တောင်ကုတ် အရေးအခင်းကနေ စတယ်၊ မွတ်စလင်ဆန့်ကျင်ရေး အမုန်းတရားတွေကို တစထက်တစ တိုးလို့သာ လှုံဆော်လာကြတယ်။ အမုန်းတရားကြီးထွားစေမယ့် “ဆွ” ပေးတဲ့ မမှန်သတင်းဟော ဘုန်းကြီးတရားတွေ ပျံ့နှံ့သထက်ပျံ့လာတယ်။

    အင်တာနက်လူမှုကွန်ယက်ကနေလည်း အစ္စလာမ်ဆန့်ကျင်ရေးဗန်းပြပြီး နိုင်ငံရေးကို အကြီးအကျယ်အမြတ်ထုတ်ကြတယ်။

    ဖြစ်ပျက်နေတာကြာခဲ့ပါပြီ။ သွေးစွန်းပြီးမှအော်လံထောင်ကြတယ်။ ဘာကြောင့်လဲ။ ဓားစာခံတွေက မြန်မာ့မီဒီယာသမားကြီးတွေနဲ့ ဘာသာမတူလို့များလား။

    မြေစာပင်

    မြေစာပင်ရွေးတိုင်း မြန်မာပြည်ဖွား မွတ်စလင်တွေချည့်ဖြစ်နေတာဘာကြောင့်လဲ။ အရင်းစစ်တော့ အမြစ်မြေကဆိုသလို အိမ်တိုင်းအိမ်တိုင်းရဲ့ အမိအဘတွေ ကိုယ်နှိုက်က ကုလား၊ ကုလားရယ်လို့ ပုတ်ခတ်ပြီး အမုန်းတရားတွေ သွတ်သွင်းပေးနေမှတော့ မျိုးဆက်တွေအလိုက် ကုလားမုန်းသမားတွေထွက် လာတော့တာပါပဲ။ ဒါကို ဒေါ်အောင်ဆန်းစုကြည် ကိုယ်တိုင် ထောက်ပြခဲ့ဖူးပါပြီ။

    ဒီတော့ လွယ်ရာလိုက်ပြီး ကုလားကို ထိုးကျွေးရင် အချိန်တိုအတွင်း ပေါ်ပြူလာဖြစ်နိုင်တယ်ဆိုတာ လူတိုင်းရဲ့ ရင်ထဲမှာ အရိုးစွဲနေပြီပေါ့။

    တဖက်နဲ့တဖက်၊ တစ်အုပ်စုနဲ့ တစ်အုပ်စု အာဏာပြိုင်ကြတဲ့အထဲ မြေစာပင်တွေက အစုလိုက်အပြုံလိုက် သေကြ၊ အိုးအိမ်မဲ့ ခိုကိုးရာမဲ့ဖြစ်နေပါပြီ။

    နိုင်ငံခြားခြိမ်းခြောက်မှုနဲ့ မြန်မာမွတ်စလင်

    မြန်မာမွတ်စလင်တွေဟာ အကြမ်းဖက်နည်းစနစ်ကို ကိုယ်တိုင်ကိုယ်ကျ လုပ်ဆောင်ဖို့နေနေ၊ အားပေးအားမြှောက်လည်း ဘယ်တုန်းကမှ မပြုလုပ်ကြပါဘူး။ ဒါဟာ မှတ်ကျောက်တင် စစ်ဆေးစရာမလိုတဲ့အမှန်တရားပါ။

    နိုင်ငံခြားခြိမ်းခြောက်မှုတွေကြောင့် မြန်မာ့မွတ်စလင်ခေါင်းဆောင်တွေ သဘောထားထုတ်ပြန်ဖို့လိုရင် လက်ရှိဖြစ်ပျက်နေတဲ့ ပြည်တွင်း အကြမ်းဖက် မှုတွေကိုလည်း နိုင်ငံတော်အဆင့် ဗုဒ္ဓဘာသာ အဖွဲ့အစည်းတွေက သဘောထားထုတ်ပြန်ဖို့လိုပါတယ်။

    ခေတ်သစ်ငရဲခွေးကြီး ခုမှလွတ်?

    မေလ ၅ ရက် ဒီနေ့မှာတော့ ဒေါက်တာဆိတ်ဖွားအမှုမှာ ခေါ်ယူမေးမြန်းခံခဲ့ရတဲ့ ပုဂ္ဂိုလ်တစ်ဦးက “မောင်ကာဠု” ဆိုတဲ့ ငရဲခွေးကြီးလွတ်နေ တဲ့အကြောင်း ထောက်ပြပြောဆိုခဲ့ပါတယ်။ ဒါကိုအလဲဗင်းမီဒီယာဂရုကဆောင်းပါးကဏ္ဍကနေဖော်ပြပေးခဲ့ပါတယ်။

    အပိုဒ် နံပါတ်စဉ် ၅ မှာ “မြန်မာမွတ်စလင်” ဆိုတဲ့အသုံးအနှုံးကို တွေ့ရသလို အပိုဒ် နံပါတ်စဉ် ၇ မှာတော့ “မတရားမှုတွေကို ခံစားခဲ့ရတဲ့ မြန်မာ မွတ်စလင်တွေအတွက် ” ဆိုတဲ့ အရေးအသားကိုလည်း တွေ့မြင်ဖတ်ရှုရပါတယ်။ ကြိုဆိုပါတယ် မီဒီယာသမားကြီးများခင်ဗျား။

    သို့သော် သမ္မာဒိဌိတရားထူးက မြန်မာမွတ်စလင်တွေရဲ့ သွေးစွန်းနေတာ ကြာပါပြီ၊ ငရဲခွေးကြီး ခုမှ လွတ်တာမဟုတ်ပါ။

    နောက်တချက်က – ခင်ဗျားတို့ထောက်ပြ ပြောဆိုတော့မှပဲ အာဏာပါဝါရှိတဲ့ လူတွေကိုယ်တိုင် မောင်ကာဠုဝင်စားထားတယ်ဆိုတာ သိရသလို အဲဒီအာဏာပါဝါရှိသူတွေကတော့ အန်အဲလ်ဒီမုန်းတီးရေး သမားတွေ ဖြစ်နေတယ်ဆိုတာပါ သိလိုက်ရပါတယ်။

    အာဏာပါဝါအရသာကို ကောင်းကောင်းကြီး သိကြတာ ဘယ်သူတွေလဲ၊ အဲဒီသူတွေအကြောင်းကို မြန်မာပြည်သူလူထု၊ အထူးသဖြင့် ဗုဒ္ဓဘာသာဝင်အများ စုကြီးကို ပြောပြပြီး ဒါက ဒီလိုရှိတယ်၊ ဒီလိုကြောင့် ဒီလိုတွေ ဖြစ်နေတယ်၊ လုပ်နေတယ် စသဖြင့် မျက်စိဖွင့်နားဖွင့် လုပ်ပေးဖို့ရာ “ခေါင်းဆောင်မီဒီယာ” ကြီးတွေမှာ တာဝန်ရှိတာ မဟုတ်ဖူးလားခင်ဗျာ။ ခုမှထလုပ်တော့ သွေးစွန်းခဲ့တဲ့အမှုတွေထဲက အသက်ဇီဝိန်တွေ ပြန်ရှင်လာမှာမှ မဟုတ်တာ။

    ၉၆၉ နဲ့ ဦးဝီရသူ

    အလဲဗင်းမီဒီယာကြီး တင်ပေးခဲ့တဲ့ ” ခေတ်သစ်ငရဲခွေးကြီးလွတ်နေပြီ ” ဆိုတဲ့ဆောင်းပါးမှာ ဦးဝီရသူနဲ့ သူ့ဝါဒ ကိုးခြောက်ကိုးကို အကာအ ကွယ်ပေး ဖော်ပြသွားတာကတော့ စိတ်ပျက်ဖွယ်ပါပဲ။ တောက်လျှောက် ကောင်းလာ တဲ့ ဆောင်းပါးတပုဒ်ဟာ အဆုံးသတ်ခါနီးကျမှ နို့မလိုင်ထဲ မစင် တစက်ကျတဲ့အဖြစ် ရောက်မှန်းမသိ ရောက်သွားရပါတယ်။

    ” ခေတ်သစ်ငရဲခွေးကြီးလွတ်နေပြီ ” ဆိုတဲ့ဆောင်းပါးရှင်သည်လည်း ထဲထဲဝင်ဝင်တယောက်တော့ ဖြစ်နေမှာ မလွဲဧကန်ပါပဲ။ သူထောက်ပြ တဲ့ ဒေါက် တာဆိတ်ဖွား = စစ်အောင် = မောင်ကာဠုသည် ယခင်စစ်အစိုးရလက်ထက် သုံးစွဲလာတဲ့ အမည်တူ၊ စကားပြေအရေးအသားတူလူစုဖြစ်နေရင် ကုလားမုန်းတီးရေးမှာ ယခင်ကတည်းက အညှာလွယ်တဲ့ ဦးဝီရသူလို လူမျိုးကို သာသနာဗန်းပြပြီး ကောင်းကောင်းကြီးစည်းရုံးစေ ခိုင်းထားတာ မျိုးရော၊ မဖြစ်နိုင်ဘူးလားခင်ဗျာ။

    ဦးဝီရသူရဲ့ တရားတွေကို နားထောင်ကြည့်တော့၊ သူ့ဟန်ပန်က ရဟန်းတပါးရဲ့ ဟန်ပန်မျိုးမဟုတ်ပါ။ ဥပမာ – နှာခေါင်းလေး တရှုံ့ရှုံ့ လုပ်တတ်တဲ့ ဓမ္မဓူတ အရှင်ဆေကိန္ဒ နဲ့ သြဇာသံပိုင်ရှင် သီတဂူဆရာတော်တွေရဲ့ ပါဠိတော်ကိုးကားပြီး ချပြပြောဆို ဝေဖန်ပြတဲ့တရားတော်များနဲ့ ဘုရားဟော ပါဠိနတ္ထိဖြစ်နေတဲ့ ဦးဝီရသူရဲ့ ၉၆၉ အမည်ခံ အမုန်းတရားတွေဟာ အရှေ့နဲ့အနောက်လို ဖြောင့်ဖြောင့်ကြီးဆန့်ကျင်နေတဲ့ အဖြစ်မျိုးပါ။

    ဒါကိုလည်း သမ္မာဒိဌိအမြင်မှန်နဲ့ကြည့်ပြီး လေ့လာစုံစမ်းသင့်ပါတယ်။ မဟုတ်တန်းတရားတွေ ရပ်တန့်ဖို့လိုပါတယ်။ ဘာကြောင့်လဲဆိုရင် ၉၆၉ တရားပွဲကျင်းပတဲ့နေရာတိုင်းမှာ တရားပွဲအပြီး ပြဿနာတွေ ပေါ်ပေါက်ခဲ့တဲ့ သာဓက တွေ ရှိနေလို့ပါပဲ။

    ၉၆၉ လှုပ်ရှားမှု ကိစ္စနဲ့ စပ်လျဉ်းပြီးတော့ ဆရာတော် အရှင်ဆန္ဒာဓိက ကိုယ်တိုင် ရှင်းလင်းပြောပြတဲ့အခါ ၉၆၉ ဆိုတာ ဘယ်လိုအဓိပ္ပါယ် မျိုးဆို တာတွေပါဝင်ခဲ့သလို အကြမ်းဖက်ခံခဲ့ရတဲ့ မွတ်စလင်တွေအတွက်လည်း ၀မ်းနည်းပါတယ် ဆိုတာလည်း ပါဝင်ခဲ့ပါတယ်။ ဒါကို မြန်မာတိုင်းမ်စ် အင်္ဂလိပ် ပိုင်းက ဖော်ပြခဲ့ပါတယ်။

    မြန်မာတိုင်မ်းစ် ဖော်ပြတဲ့ အဲဒီဆောင်းပါးမှာပဲ မကွေးမြို့က ဆရာတော် ဦးကုန္ဒလ ကုမာရရဲ့ အဆိုကို လေ့လာနိုင်ပါတယ်။ ဦးကုန္ဒလကုမာရကတော့ ၉၆၉ စတစ်ကာတွေ အများအပြား ပျံ့နှံ့နေတဲ့ မိတ္ထီလာနဲ့ ပဲခူးဒေသတ၀ိုက်မှာတော့ အကြမ်းဖက်မှုပြဿ နာက လျင်လျင်မြန်မြန် ကူးစက်သွားတယ်လို့ ဆိုပါတယ်။

    အမုန်းတရားကြီးထွားရေးအတွက် ပါဠိတော်မပါတဲ့ ဟောပြောမှုတွေမှာ ၉၆၉ ဆိုတဲ့စကားလုံး အသုံးချခံနေရသလို ၉၆၉ သည် မွတ်စလင်တိုက် ခိုက်ရေး ရဟန်းဟောတရားတွေမှာ ( motivation ) စိတ်ဓာတ်စစ်ဆင်ရေး စကားလုံးတစ်လုံးဖြစ်နေတာ မြေကြီးလက်ခတ်မလွဲဘူး ဆိုတာ အထက်က ရဟန်းတော်တွေရဲ့ ထွက်ဆိုချက်တွေက သက်သေပါပဲ။

    ဒါ့ပြင် မြန်မာနိုင်ငံတော်အစိုးရက မေလ ၄ ရက်နောက်ဆုံးထားပြီး လှိုင်းဘွဲ့ကနေ ထွက်သွားခိုင်းထားတဲ့ လက်နက်ကိုင် ဒီကေဘီအေ ဆက်စပ်အဖွဲ့ အစည်းတွေနဲ့ အဆက်အဆံရှိနေတဲ့ ဦးဝီရသူကို ” ခေတ်သစ်ငရဲခွေးကြီးလွတ်နေပြီ ” ဆိုတဲ့ဆောင်းပါးရှင်က ဘယ်လိုမှ သဘောမထားတဲ့အပြင် အကာအကွယ်ပေးထားတာကတော့ အန္တရာယ်တစ်ခုကို အဖွဲ့အစည်းတစ်ခုဆီ အရောက်ပို့နေသလိုပါပဲ။

    395760_254191624724353_1187194972_n-1
    ဒီကေဘီအေ တပ်ဖွဲ့ဝင်များနှင့်အတူတွေ့ရသည့် ဦးဝီရသူ

    အင်ဒိုအဖွဲ့အစည်းတွေရဲ့ ခြိမ်းခြောက်မှုက အလှမ်းကွာနေပေမယ့် ဦးဝီရသူနဲ့ ဒီကေဘီအေအဖွဲ့တွေ တွဲရိုက်ထားတဲ့ဓာတ်ပုံကတော့ လက်တကမ်း အကွာမှာရှိနေသလို အဲဒီဓာတ်ပုံကရော မြန်မာမွတ်စလင်တွေကို ဘယ်လောက်ထိ စိတ်သောကအဟုန် ပူပန်စိုးရိမ်မှုတွေ ဖြစ်စေခဲ့၊ ဖြစ်နေစေသလဲ ဆိုတာကိုတော့ တရေးတယူလုပ်သူ မရှိသေးပါခင်ဗျား။

    ဆက်တိုက်ဖြစ်ပေါ်နေတဲ့ အကြမ်းဖက်မှု

    ဒီလိုဆက်တိုက်ဖြစ်ပေါ်နေတဲ့အကြမ်းဖက်မှုတွေကို မဖြစ်ခင်ကာကွယ်နိုင်တဲ့အနေအထားတွေ ရှိပေမယ့် မကာကွယ်ဘဲ ဖြစ်ပြီးမှ နာမည်ကောင်း ခံကြတာတွေ၊ မဖြစ်စလောက်ဖမ်းဆီးပြတာ၊ ပြစ်ဒဏ်ချပြတာတွေ လုပ်နေတာဟာ စိတ်ပျက်စရာပါပဲ။

    ပြဿနာရဲ့ အရင်းအမြစ်ကို စစ်ရပါမယ်။ မောင်ကာဠု (ခ) ဒေါက်တာဆိတ်ဖွားသည် စစ်ဘက်ဆိုင်ရာတွေနဲ့ အဆက်အဆံရှိတယ်ဆိုတာကိုတော့ အလဲဗင်းဆရာကြီးတွေက ဖွင့်ချပြပြီးသွားပါပြီ။ ” ဦးသိန်းစိန်အစိုးရအနေနဲ့ မိမိကိုယ်တိုင်ရဲ့ အာဏာစက်မထိရောက်တဲ့ အဖွဲ့စည်းတခုကို ဒီအတိုင်းလွှတ် ထားနေရတယ်ဆိုတဲ့ သံသယ” ကိုရော ဟုတ်မဟုတ်ဆိုတာ ဘယ်နေ့ဘယ်အချိန်များမှ ဖွင့်ချနိုင်မလဲဆိုတာ…..