Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

မြန်မာ့ကျောက်စိမ်း၊ ဆေးဝါးနှင့် သောင်းကျန်းသူတို့၏ အဆိပ်သင့်အမွှေဇယား

ဧပြီ ၁၀၊ ၂၀၁၆

M-Media

ကျောက်စိမ်းကုန်သည်တစ်ဦးမှ မိမိရွေးချယ်ထားသည့်ကျောက်များကို ရောင်းချရန်ပြသနေစဉ်။ (ဓာတ်ပုံ – Washington Post)

– မူးယစ်ရာဇာများ၊ စစ်တပ်အခွင့်ထူးခံများနှင့် ငွေကစားသူတရုတ်လူမျိုးများကို တရားမ၀င်ကြွယ်ဝနေစေသည်မှာ သွေးစွန်းနေသောမြန်မာ့ကျောက်စိမ်းပင်ဖြစ်၏။

Yup Zau Hkawng သည် ကချင်ပြည်နယ်တွင် ထင်ရှားသူတစ်ဦး၊ စစ်တပ်နှင့်သူပုန်များအကြား ငြိမ်းချမ်းရေးလုပ်ငန်းစဉ်၌ ကြားဝင်ဆောင်ရွက်သူတစ်ဦး၊ ကချင်လူမျိုးအနက် ရှားရှားပါးပါး ကျောက်စိမ်းတူးဖော်ရေးလုပ်ငန်းရှင်တစ်ဦးဖြစ်သည်။

မြန်မာနိုင်ငံ၏အသက်သွေးကြောတစ်ခုဖြစ်သော ဧရာဝတီမြစ် (ဓာတ်ပုံ – Washington Post)

မြန်မာနိုင်ငံမြောက်ဖျား ကချင်ပြည်နယ်၌ လူဦးရေ ၁.၂ သန်း မှီတင်းနေထိုင်လျက်ရှိသည်။ တရားမ၀င်ကျောက်စိမ်းတူးဖော်ခြင်းယဉ်ကျေးမှု၊ ဘိန်းစိုက်ပျိုးခြင်း၊ သဘာ၀၀န်းကျင်ထိခိုက်ပျက်စီးခြင်း၊ တရုတ်နှင့် လက်နက်ကိုင်သောင်းကျန်းသူတို့ဖြင့် လုံးထွေးနေသော အငြင်းပွားဖွယ် ဖွံ့ဖြိုးရေးလုပ်ငန်းများ အပါအ၀င် မြန်မာနိုင်ငံ၏ ကိုင်တွယ်ရအခက်ခဲဆုံးပြဿနာအချို့ကလည်း ၎င်းပြည်နယ်အတွင်း ရှိနေကြသည်။ ဆယ်စုနှစ်ပေါင်းများစွာ စစ်အုပ်ချုပ်ရေးဒဏ်ခံခဲ့ရပြီးနောက် ဒေါ်အောင်ဆန်းစုကြည် ဦးဆောင်သည့် အရွေးချယ်ခံ အရပ်သားအစိုးရသစ် အာဏာရလာပြီဖြစ်သည်။ သို့သော် ဤအစိုးရသစ်အတွက် အမာကြောဆုံးစိန်ခေါ်မှုများအနက် ကချင်ပြည်နယ်လည်း အပါအ၀င် ဖြစ်လာနိုင်ပေမည်။

ကချင်ပြည်နယ်၏ အနိဋ္ဌာရုံအများအပြားမှာ အဖိုးအနဂ္ဂထိုက်တန်လွန်းသော ကျောက်စိမ်း၌ အကြောင်းခံလျက် ရှိ၏။ အာဏာအရပ်ရပ်ကို ချုပ်ကိုင်ထားသည့် စစ်တပ်၏မိသားစုဝင်များနှင့် ခရိုနီများသည် ၎င်းဒေသထွက် ကျောက်စိမ်းများအပြင် သစ်၊ ရွှေ ကဲ့သို့ သဘာဝသယံဇာတများအား လက်ကုန်နှိုက်ယူလျက်ရှိကြောင်း တက်ကြွလှုပ်ရှားသူများက စွပ်စွဲထားကြသည်။ အစိုးရသစ်တက်မလာမှီ ပြီးခဲ့သောနှစ်၌ ကုမ္ပဏီကြီးများက ကျောက်စိမ်းများကို ရနိုင်သမျှ နေ့နေ့ညည တရစပ်ထုတ်ယူခဲ့ကြရာ တောင်စွယ်တောင်တန်းများမှာ ချိုင့်ဝှမ်းများအဖြစ် ရက်သတ္တပတ်အနည်းငယ်အတွင်း အသွင်ပြောင်းသွားရပေသည်။

လက်နက်များ၊ မူးယစ်ဆေးဝါးများ၊ ကျောက်မျက်ရတနာများသည်လည်း စိုက်ကွက်လယ်ခင်းတို့ကိုလည်းကောင်း၊ တရုတ်နယ်စပ်ပေါ်မှလည်းကောင်း အတားအဆီးမရှိ ယာဉ်တန်းများဖြင့်တင်ဆောင်၍ ကုန်သွယ်လျက်ရှိသည်။ လက်နက်ကိုင် ကေအိုင်အေတပ်ကလည်း နိုင်ငံ့သယံဇာတများကို အကြောင်းပြုပြီး တိုက်ပွဲများ ဆက်လက်ဖြစ်ပွားနေသဖြင့် ဆယ်စုနှစ်များစွာတစ်လျှောက် ထောင်ချီသောလူများ နယ်မြေရွှေ့ပြောင်း အိုးအိမ်မဲ့ဘ၀ ရောက်ခဲ့ကြရသည်။

ရွှေဇက်ဒုက္ခသည်စခန်းတွင် အသက်အကြီးဆုံးဖြစ်သူ Hkum Lu (၉၀ နှစ်)အား တွေ့ရစဉ်။ ၁၉၉၄ ခုနှစ်ကတည်းက မြန်မာအစိုးရနှင့် ကေအိုင်အေအကြား စတင်လာသည့် ပဋိပက္ခတိုက်ပွဲများအရှိန်မြှင့်တက်လာမှုကြောင့် ၂၀၁၁ ခုနှစ်တွင် ထိုနေရာသို့ လူငါးရာခန့်ကို အဓမ္မရွှေ့ပြောင်းအခြေချစေခဲ့သည်။ (ဓာတ်ပုံ – Washington Post )

ထိုနေရာအတွက် အရပ်ဖက်လူ့အဖွဲ့အစည်းများ၏ကွန်ရက်တစ်ခုအဖြစ် အကျိုးဆောင်ပေးနေသော Steven Tsa Ji က “ရွေးကောက်ပွဲမှာ အတိုက်အခံဖက်က အနိုင်ရတဲ့အပေါ် ကျွန်တော်တို့ အလွန် ၀မ်းမြောက်ဂုဏ်ယူမိပါတယ်။ ဒါပေမယ့် နှစ် ၆၀ လောက် ဖြစ်ပျက်လာခဲ့တာကို သူတို့က ငါးနှစ်အတွင်း ဘယ်လိုဖြေရှင်းနိုင်ပါ့မလဲ” ဟု ဆိုပါသည်။

စစ်တပ်ကျားကန် မြန်မာအစိုးရဟောင်းသည် လူထုကန့်ကွက်သံကျယ်လောင်လာပြီးနောက် ၂၀၁၁ ခုနှစ်တွင် စတင်ခဲ့သော ကချင်ပြည်နယ်မှ အမေရိကန်ဒေါ်လာ ၃.၆ ဘီလီယံတန်ဖိုးရှိ မြစ်ဆုံဆည်စီမံကိန်းအား ဆိုင်းငံ့ခဲ့သည်။ ထိုစီမံကိန်းကြောင့် နယ်ခံရွာသူရွာသားပေါင်း တစ်သောင်းကျော် ရွှေ့ပြောင်းခဲ့ကြရသည်။ မြစ်လမ်းကြောင်း ပြောင်းလဲသဖြင့် တောရိုင်းတိရစ္ဆာန်များ၊ ငါးမျိုးစိတ်များနှင့် ဆန်စပါးစိုက်ပျိုးရာ မြေနုကျွန်းများ ပျက်စီးခဲ့ရသည်။

မြန်မာနိုင်ငံအတွင်း လုံလောက်မျှအလျဉ်းမရှိသေးသော်လည်း မူလသဘောတူညီချက်အရ ယင်းရေအားလျှပ်စစ်စီမံကိန်းမှထွက်ရှိသည့် လျှပ်စစ်ဓာတ်အားအများစုကို တရုတ်ပြည်သို့ ပြန်လည်ပို့ဆောင်ပေးရမည်ဖြစ်၏။

မြစ်ဆုံဆည်စီမံကိန်းကြောင့် အောင်မြင်သာရွာသူရွာသား ၁၅၀၀ ခန့် အဓမ္မနေရာရွှေ့ ဖယ်ရှားခံခဲ့ရသည်။ အဆိုပါစီမံကိန်းအား ၂၀၁၁ ခုနှစ်က စတင်ခဲ့ပြီး များမကြာမီ နယ်ခံအများစု ထွက်ခွာပေးခဲ့ရသည်မှာ ယနေ့တိုင် ဖြစ်သည် (ဓာတ်ပုံ – Washington Post )

အစိုးရသစ် အပြောင်းအလဲဖြစ်ခြင်းနှင့်အတူ တရုတ်တို့သည်လည်း အဆိုပါတည်ဆောက်ရေးလုပ်ငန်းများ ပြန်လည်အကောင်အထည်ဖော်နိုင်ရေး မျှော်လင့်ချက်ဖြင့် မြန်မာနိုင်ငံကို စတင် ဖိအားပေးလာတော့သည်။ ပြီးခဲ့သည်လတွင် တရုတ်နိုင်ငံ ဒုနိုင်ငံခြားရေးဝန်ကြီး Liu Zhenmin က “ဒီပူးပေါင်းဆောင်ရွက်မှု ရှေ့ဆက်တိုးမယ့်ပုံဟန်က နှစ်နိုင်ငံစလုံးအတွက် အရေးပါတဲ့ကိစ္စတစ်ခုဖြစ်ပါတယ်” ဟု သတင်းထောက်များအား ပြောကြားခဲ့သည်။

၂၀၁၁ ခုနှစ်တွင် ဤစီမံကိန်းကို ကန့်ကွက်ခဲ့သူ ဒေါ်စုကြည်သည် ဤအရေးနှင့်ပတ်သက်ပြီး လက်ရှိအမြင်ကို မဆိုစလောက်သာ ထုတ်ပြခဲ့သည်။ အစိုးရသစ်သည် ဆုံးဖြတ်ချက်မချမှတ်မီ ဤစီမံကိန်း၏ပဋိညာဉ်အပေါ် ပြန်လည်သုံးသပ်စိစစ်ဦးမည်ဟု သူမက ဆိုသည်။

“ဒီစီမံကိန်းကို ရှေ့ဆက်ဖို့ ဘယ်နည်းနဲ့မှ မဖြစ်နိုင်ပါဘူး။ ဧရာဝတီမြစ်ကို သတ်မယ်ဆိုရင် တစ်နိုင်ငံလုံးကို သတ်ပစ်တာနဲ့ အတူတူပါပဲ” ဟူ၍ ပြည်နယ်လွှတ်တော်အမတ်ဖြစ်သူ Ja Seng Hkwan (၅၀ နှစ်)က ပြောကြားလိုက်သည်။

မြစ်ဆုံဆည်စီမံကိန်းမှာ လတ်တလောအခြေအနေတွင် မတင်မကျ ဖြစ်လျက်ရှိသည်။ ကချင်ပြည်နယ်အတွင်း အမည်ပျက်လျက်ရှိသည့် ယင်းစီမံကိန်းကို အရွေးချယ်ခံအစိုးရသစ်မှ ပြန်လည်လုပ်ဆောင်မည်လော၊ ဖျက်သိမ်းမည်လော ဟူသည်ကို ရှင်းလင်းစွာ မသိရသေးချေ။ ၎င်းကြောင့် မြေပြင်ဧရိယာအများအပြား ရေလွှမ်းနိုင်သည့်အပြင် ၎င်းမှထွက်သော လျှပ်စစ်ဓာတ်အားအများစုမှာလည်း တရုတ်ပြည်သို့သာ ပို့ဆောင်မည်ဖြစ်၏ (ဓာတ်ပုံ – Washington Post)

ကချင်နှင့် အစိုးရအကြား ဖြစ်ပွားရသည့် ပဋိပက္ခ၏အရင်းခံအချက်သည် ဒေသ၏သဘာဝသယံဇာတအား စိုးမိုးထိန်းချုပ်လိုက်ခြင်းကြောင့်ဖြစ်၏။ ယင်းပဋိပက္ခမှာ ၁၉၄၈ ခုနှစ် ဗြိတိသျှထံမှ နိုင်ငံ့လွတ်လပ်ရေး ရရှိချိန်မှ စတင်ခဲ့သည်။ ဗုဒ္ဓဘာသာဝင်လူများစုဖြစ်သော မြန်မာနိုင်ငံမှ ကချင်လူမျိုးတို့သည် များသောအားဖြင့် ခရစ်ယျာန်များ ဖြစ်ကြသည်။

၂၀၁၁ ခုနှစ်၌ ၁၇ နှစ်တာ အတိုက်အခိုက်ရပ်စဲရေးသဘောတူညီချက် ကျိုးပျက်ပြီး ကချင်လွတ်လပ်ရေးတပ်မတော်(ကေအိုင်အေ)နှင့် စစ်တပ်တို့သည် တရုတ်လူမျိုးတို့ ကြီးကြပ်လုပ်ကိုင်နေသော ရေအားလျှပ်စစ်စက်ရုံအနီးတွင် တိုက်ပွဲများ ပြန်လည်စတင်ခဲ့ကြသည်။ လူပေါင်း တစ်သိန်းဝန်းကျင် နေရပ်စွန့်ခွာ ရွှေ့ပြောင်းခဲ့ကြရသည်။

ထိုအချိန်မှစတင်ပြီး လိင်ပိုင်းဆိုင်ရာစော်ကားမှုများ၊ ကလေးစစ်သားစုဆောင်းခြင်းများ၊ မြေမြှုပ်မှိုင်းထောင်ခြင်းများကို နှစ်ဖက်စလုံးမှ ကျူးလွန်ပြုလုပ်ခဲ့ကြကြောင်း Human Rights Watch ကဲ့သို့ တက်ကြွလှုပ်ရှားသူအုပ်စုများက တင်ပြထားကြသည်။ တိုက်ပွဲများကြောင့် ဒေါ်စုကြည်နှင့် သူမ၏ NLD ပါတီ သရဖူဆောင်းခဲ့သည့် နိုဝင်ဘာရွေးကောက်ပွဲတွင် ဒေသတွင်းရှိ ရွာပေါင်းများစွာ၌ မဲဆန္ဒပေးခြင်း မပြုလုပ်နိုင်ခဲ့။

ဧရာဝတီမြစ်ထဲရှိ ရေပေါ်စားသောက်ဆိုင်တစ်ခုအနီး လှေငယ်တစ်စင်းမှ ငါးမျှားနေသူတစ်ဦး (ဓာတ်ပုံ – Washington Post)

လက်ရှိနှစ်များအတွင်း စစ်တပ်ထိန်းချုပ်အုပ်စုများ၊ စစ်တပ်ခရိုနီနှင့်မိသားစုများ၏ ကုမ္ပဏီတို့မှလည်းကောင်း၊ တရားမ၀င် တရုတ်ရင်းနှီးမြှုပ်နှံသူတို့မှလည်းကောင်း အတိုင်းထက်အလွန် တူးဖော်/ထုတ်လုပ်နေခြင်းကြောင့် တောပြုန်းခြင်း၊ မြစ်ချောင်းများတိမ်ကောခြင်း၊ လူအများအပြား သေဆုံးစေသည့် မြေပြိုခြင်းများ လျင်မြန်စွာ ဖြစ်ပေါ်ခဲ့ရသည်ဟု Global Witness အုပ်စု၏အစီရင်ခံစာ၌ ဖော်ပြထားသည်။ ဒေသတွင်း ကျောက်စိမ်းထုတ်လုပ်မှုတန်ဖိုးမှာ ၂၀၁၄ ခုနှစ်တွင် အမေရိကန်ဒေါ်လာ ၁၂ ဘီလီယံမှ ၃၁ ဘီလီယံအထိ မြင့်မားခဲ့ကြောင်း အဆိုပါအုပ်စုက ခန့်မှန်းထားပြီး၊ ယင်းထွက်ကုန်အများစုမှာ တရုတ်ပြည်နယ်စပ်တစ်လျှောက်တွင် ခြေရာပျောက်သွားခဲ့ကြောင်း သိရသည်။

မြစ်ကြီးနားမြို့လည် လေဟာပြင်လ္ဘက်ရည်ဆိုင်တစ်ခုတွင် ကျောက်စိမ်းကောက်သူများနှင့် အ၀ယ်တော်များသည် ကျောက်စိမ်းတုံးနှင့်ကျောက်မျက်များကို အရောင်တင်ပြီးသော်လည်းကောင်း၊ အရိုင်းတုံးများအဖြစ်သော်လည်းကောင်း တရားမ၀င် ရောင်းဝယ်လျက်ရှိကြ၏။ ၎င်းမှာ မြန်မာ့ကျောက်မျက်ရောင်းဝယ်ပိုင်ဆိုင်မှုဆိုင်ရာ ဥပဒေများနှင့် ဆန့်ကျင်နေ၏။ သို့သော် ယင်းကျောက်စိမ်းများက အနိမ့်စားအရည်အသွေးများသာ ဖြစ်ကြသည်။

ဧရာမ တူးဖော်ရေးကုမ္ပဏီများမှ စွန့်ပစ်လိုက်သည့် မြေစာပုံများအတွင် ကျောက်ကောက်သူ နော်ခမ်း (၄၄ နှစ်) က မိမိမှာ လစဉ် အမေရိကန်ဒေါ်လာ ၂၀၀၀ အထိ ၀င်ငွေရရှိကြောင်း၊ ၎င်းအလုပ်သည် အပြင်းစားငှက်ဖျားရောဂါ နှင့် အစဉ်အမြဲ မြေပြိုခြင်းတို့ကြောင့် အန္တရာယ်များလှကြောင်း၊ သို့သော် ကျောက်စိမ်းသည် (ကံကောင်းပါက) တစ်နေ့တည်းနှင့် သူဋ္ဌေးသူကြွယ် ဖြစ်သွားစေနိုင်ကြောင်း ပြောပြသည်။

ဒေါ်စုကြည်၏ အောင်မြင်မှုသည် နိုင်ငံ့လုံခြုံရေးအင်အားစု၊ အခရာကျသည့် ၀န်ကြီးဋ္ဌာနနှင့် ယန္တရားများကို ထိန်းချုပ်ထားဆဲဖြစ်သော စစ်တပ်နှင့် ဆက်ဆံရေးကဏ္ဍအပေါ် မူတည်နေကြောင်း၊ ပါတီအနေဖြင့် ၎င်းကျောက်စိမ်းပြဿနာကို ဦးစားပေးကိုင်တွယ်ဆောင်ရွက်ဖွယ် မရှိနိုင်သေးကြောင်း သူမ၏ပါတီဝင်များက ဆိုကြသည်။

“ဒေါ်စုကြည်အနေနဲ့ ဒီအကြောင်းအရာတွေကို ချက်ခြင်း ပြောဆိုသွားမယ်လို့ ကျွန်မ မထင်မိဘူး။ ငွေရောင်ကျည်ဆံကို သုံးပြီး အနက်ကို အဖြူဖြစ်အောင် ကျွန်မတို့ ပြောင်းလိုက်လို့ မရပါဘူး။ သူမကတော့ ဒီလုပ်ငန်းတွေကို ဖျက်ဆီးမှာ မဟုတ်ပါဘူး။ ဒါဟာ စောင့်စည်းရမယ့် ကျင့်ဝတ်များနဲ့ သက်ဆိုင်နေလို့ပါပဲ။ ဒီစီးပွားရေးတွေက ခရိုနီဝါဒကို ဖြစ်ထွန်းလာစေသော်လည်း တစ်ချိန်တည်းမှာ လူပေါင်းများစွာကို အလုပ်အကိုင်လည်း ရရှိစေပါတယ်။ သူမအဖို့တော့ ဒါဟာ အသေးအဖွဲကိစ္စလေးသာ ဖြစ်ပါတယ်” ဟု ဒေါ်စုကြည်ပါတီဝင် လွှတ်တော်အမတ် တစ်ဖြစ်လဲ ရန်ကုန်မြို့ရှိ ရွှေနှင့်ကျောက်မျက်လုပ်ငန်းရှင်တစ်ဦးလည်းဖြစ်သူ ဒေါ်သက်သက်ခိုင်က ပြောကြားလိုက်ပါသည်။

(Washington Post တွင် Annie Gowen ရေးသားသော Toxic mix of jade, drugs and rebels in Myanmar ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)

April 10, 2016
ဘာသာပြန်ဆိုမှုလုပ်ငန်း – ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၁၅)

ဧပြီ ၈၊ ၂၀၁၆

M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

မွတ်စလင်တို့အုပ်ချုပ်စဉ်က ဘာသာပြန်လုပ်ငန်း စတင်သန္ဓေတည်ရာ စပိန်နိုင်ငံတော်လေဒိုမြို့၏ ယနေ့မြင်ကွင်း

– အလယ်ခေတ် မွတ်စလင်တွေရဲ့ သိပ္ပံပညာရပ်တွေကို စူးစမ်းမှု၊ ဖော်ထုတ်မှု၊ သုတေသနပြုမှုနဲ့ ရေးသားဖြန့်ချီမှုတွေကို ကြည့်လိုက်ရင် သူတို့တွေရဲ့ အသိပညာအပေါ် ဆာလောင်မွတ်သိပ်မှုကို အထင်းသား တွေ့မြင်နိုင်မှာဖြစ်ပါတယ်။ ဒီလိုကြိုးပမ်းအားထုတ်မှုတွေဟာ စာအုပ်ထဲမှာပဲ ရှိနေခဲ့တာမဟုတ်ဘဲ တကယ့်လက်တွေ့အသုံးချနိုင်ခဲ့ကာ လူသားတွေရဲ့ လူနေမှုအဆင့်အတန်းကိုလည်း မြင့်မားစေခဲ့ပါတယ်။

မွတ်စလင်တွေရဲ့ အသိအပညာအပေါ် မဆုတ်မနစ် ရှာဖွေစူးစမ်းမှုမှာ နောက်ခံတွန်းအားတစ်ခု ရှိပါတယ်။ ဒါကတော့ “လူတစ်ယောက်ဟာ သေသွားရင် သူ့ရဲ့ ကောင်းမှုကုသိုလ်နဲ့ပတ်သက်တဲ့ လုပ်ရပ်တွေအားလုံး ရပ်တန့်သွားမယ်။ ဒါပေမယ့် လူတွေကို အကျိုးဖြစ်ထွန်းနေစေတဲ့ အလှူဒါန၊ အသိပညာနဲ့ မိဘကျေးဇူးသိတတ်တဲ့ သားသမီးရဲ့ ဆုတောင်းပတ္တနာပြုမှု အဲဒီ ၃ ခုရဲ့ ကုသိုလ်ကတော့ ဆက်လက် တိုးပွားနေမှာဖြစ်တယ်” ဆိုတဲ့ တမန်တော်မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ရဲ့ သြ၀ါဒတော်ပဲ ဖြစ်ပါတယ်။

ဗဟုသုတနှံ့စပ်စုံလင်လှတဲ့ အလယ်ခေတ် မွတ်စလင်ပညာရှင်ကြီးတွေဟာ သူတို့ရဲ့ ရှာဖွေတွေ့ရှိချက်တွေကို အလွန်ထူထဲလှတဲ့ ကျမ်းစာအုပ်ကြီးတွေအဖြစ် မယုံနိုင်စရာနှုန်းနဲ့ ရေးသားခဲ့ကြပါတယ်။ စာမျက်နှာထောင်ပေါင်းများစွာ၊ အတွဲပေါင်းများစွာပါဝင်တဲ့ ဒီစာအုပ်ကြီးတွေဟာ အလွန်ကြီးမားတဲ့ စာကြည့်တိုက်ကြီးတွေ ပြည့်သွားစေတဲ့အထိကို များပြားခဲ့ပါတယ်။ ၈ ရာစုကနေ ၁၃ ရာစုအထိ ကြာညောင်းခဲ့တဲ့ မွတ်စလင်တွေရဲ့ ဒီရွှေခေတ်မှာ ရှေးဟောင်း အသိပညာ၊ အတတ်ပညာတွေကို ပျောက်ပျက်သွားလုနီးနီး ဖြစ်နေရာကနေ ကယ်တင်နိုင်ခဲ့ပြီး၊ ထပ်မံအဆင့်မြှင့်တာ၊ ရှာဖွေတွေ့ရှိချက် အသစ်တွေကို ထပ်ပေါင်းထည့်တာတွေကိုလည်း လုပ်နိုင်ခဲ့ကြပါတယ်။ ဒါတင်မကသေးဘဲ ဒီ ၀ိဇ္ဇာသိပ္ပံ ပညာရပ်တွေကို သူမတူတဲ့ ပုံစံမျိုးနဲ့ ပြန့်နှံ့အောင်လည်း ဆောင်ရွက်နိုင်ခဲ့ကြပါတယ်။

ဒီလို ပေါက်မြောက်ရခြင်းရဲ့ အဓိကသော့ချက်ကတော့ ကိုယ်တိုင်ကိုယ်ကျ ရှာဖွေ စူးစမ်းမှုကြောင့်ပဲ ဖြစ်ပါတယ်။ အရာတစ်ခု ဘယ်လိုအလုပ်လုပ်လဲဆိုတာကို သိရှိဖို့အတွက် မျက်မြင်ဒိဌ သိရှိဖို့ လိုအပ်ပြီး အဲဒီနောက်ပိုင်းမှသာ ရေးသားဖော်ထုတ်ရတာဖြစ်ပါတယ်။ ၁၀ ရာစုနှောင်းပိုင်းလောက်မှာ ပေါ်ထွန်းခဲ့တဲ့ အစ်ဗနေ့ အလ်-ဟေသမ် (Ibn Al-Haytham) ဆိုတဲ့ စွယ်စုံရပညာရှင်ကြီးဟာ စမ်းသပ်ဖော်ထုတ်မှုတွေကို စွန့်ဦးဆောင်ရွက်ခဲ့သူပါ။ သူဟာ သီအိုရီတွေကို လက်တွေ့စမ်းသပ်အဖြေရှာခဲ့တဲ့ ကမ္ဘာ့ပထမဆုံး သိပ္ပံပညာရှင်ကြီးဖြစ်ပြီး “ယုံကြည်ရာကို သက်သေပြပါ” လို့ဆိုတဲ့ သိပ္ပံပညာရဲ့အားလုံးရဲ့ အခြေခံမူတွေထဲက တစ်ခုကို ချမှတ်ပေးခဲ့သူလည်း ဖြစ်ပါတယ်။

မွတ်စလင်တွေရဲ့ ပညာလိုလားမှု ဗီဇဟာ သမုဒ္ဒရာကြီးတွေကိုဖြတ်ကျော်ပြီး မွတ်စလင်မဟုတ်သူတွေကို ထိတွေ့ခဲ့ပြီးတဲ့နောက်မှာတော့ သူတို့တွေဟာလည်း မွတ်စလင် အသိပညာရှင်၊ အတတ်ပညာရှင်တွေ ရှာဖွေဖော်ထုတ်ခဲ့ အသိပညာသိုက်ကြီးတွေဆီကို စုရုံးရောက်ရှိလာပါတော့တယ်။

သက္ကရာဇ် ၁၁၄၀ လောက်မှာ အင်္ဂလန်က နော်ရ်ဖို့လ်က် (Norfolk) ဆိုတဲ့ ရွာငယ်လေးမှာ မွေးဖွားခဲ့တဲ့ အင်္ဂလိပ်ဘုန်းတော်ကြီး ဒန်နီယဲလ် အော့ဖ် မော်လေး (Daniel of Morley) ဟာ အသိပညာတွေကို ရှာဖွေစူးစမ်းချင်သူတစ်ယောက်ဖြစ်ပြီး မွတ်စလင်တွေရဲ့ တွေ့ရှိဖော်ထုတ်ချက်တွေကို နှစ်မြှုပ်လေ့လာခဲ့ပါတယ်။ သူဟာ သမရိုးကျထဲကနေ ဖောက်ထွက် စဉ်စားတဲ့ ဥရောပသားတွေထဲက တစ်ယောက်လည်းဖြစ်ပါတယ်။ အဲဒီခေတ်အခါက ကမ္ဘာကြီးရဲ့ ထူးခြားဆန်းကျယ်မှုအကြောင်းတွေ၊ ၀ိဇ္ဇာသိပ္ပံပညာတွေကို အာရဘီဘာသာစကားကနေ သင်ယူခဲ့ရတယ်ဆိုတာကို ဒန်နီယဲလ်က ဒီလိုရေးသားခဲ့ပါတယ်။

“လက်တင်ဘာသာစကားနဲ့ ပြန်ဆိုရေးသားထားတဲ့ ဒီအကြောင်းအရာတွေကို ဂရုတစ်စိုက် နားလည်အောင် ဖတ်ရှုရမှာတင်မဟုတ်ဘဲ၊ ကမ္ဘာဂြိုဟ်တွေ၊ ဂြိုပတ်လမ်းတွေ၊ ဂြိုဟ်တွေရဲ့ လှုပ်ရှားသွားလာမှုတွေနဲ့ ပတ်သက်ပြီး အာရပ်တွေရဲ့အယူအဆတွေကို နားလည်သဘောပေါက်ဖို့လည်း ဆန္ဒရှိရပါမယ်။ ဒီသတ္တလောကကြီးမှာ မွေးဖွားကြီးပြင်းလာပြီး လောကကြီးရဲ့ အံ့သြစရာကောင်းတဲ့ အလှအပနောက်ကွယ်က အကြောင်းအရင်းကို သိရှိဖို့ နည်းနည်းကလေးမှ စိတ်မ၀င်စားဘူးလို့ ပြောလာရင်တော့ အဲဒီလူဟာ ဒီကမ္ဘာကြီးမှာနေလို့လည်း ဘာမှ အကြောင်းထူးမှာ မဟုတ်ပါဘူး။ ဒါ့ကြောင့် ဒီလောကကြီး၊ သူ့ရဲ့ အစိတ်အပိုင်းတွေနဲ့ပတ်သက်လို့ အာရဘီကနေ လေ့လာသင်ယူခဲ့တာတွေကို လက်တင်ဘာစကားနဲ့ ရေးရခြင်းဖြစ်ပါတယ်”

ဒန်နီယဲလ်ဟာ သူ့အနာဂတ်ပညာရေးအတွက် သူ့ခေတ်သူ့အခါက အင်္ဂလိပ်လူငယ်တွေလို ဇာတိကို စွန့်ခွာပြီး အရှေ့ဘက်ကို ထွက်လာခဲ့ပါတယ်။ သူ ပထမဆုံး ခြေချခဲ့တာကတော့ ပဲရစ်တက္ကသိုလ်ပါပဲ။ ဒါပေမယ့် အကြောင်းမလှခဲ့ပါဘူး။ သူရောက်ရှိတဲ့အချိန်က ဒီက္ကသိုလ်ရဲ့ ပညာရေးဟာ ဆန်းသစ်မှုမရှိတော့ဘဲ၊ တိမ်ကောလုဖြစ်နေကာ အဲဒီကနေထွက်ခွာဖို့ပဲ တော်တော်လေး ခက်ခဲခဲ့တယ်လို့ သူက ပြောကြားခဲ့ပါတယ်။

“(ပဲရစ်က) ဆရာတွေဟာ တတ်ယောင်ကားတွေဖြစ်ကြတော့ ကျောက်ရုပ်လို တောင့်တောင့်ကြီးနေပြီး ပညာရှိယောင် ဆောင်ကြတယ်” လို့ သူက မချွင်းမချန် ဖွင့်ဟခဲ့ပါသေးတယ်။

သူဘယ်ကို သွားခဲ့သလဲ။

“အဲဒီအချိန်၊ အဲဒီအခါက စပိန်နိုင်ငံက တော်လေဒို (Toledo) မြို့မှာ အာရဘီဘာသာစကားနဲ့ သင်ကြားပို့ချမှုဟာ တော်တော်လေးခရီးရောက်နေတာကြောင့် ကမ္ဘာပေါ်က ဉာဏ်ပညာအရှိဆုံး ဒဿနပညာရှင်တွေရဲ့ ပညာရည်နို့ကို သောက်စို့ဖို့အတွက် အဲဒီကို အပြေးအလွှား သွားရောက်ခဲ့ပါတယ်” လို့ သူကိုယ်ပိုင်ရေးမှတမ်းမှာ ဖော်ပြထားပါတယ်။

၁၂ ရာစုတုန်းက တော်လေဒိုမှာ အနည်းဆုံး မွတ်စလင်၊ ခရစ်ယာန်၊ ဂျူးဆိုတဲ့ ယဉ်ကျေးမှုကြီး ၃ ခုဟာ အတူတကွ ယှဉ်တွဲနေထိုင်ခဲ့ကြပါတယ်။ ယဉ်ကျေးမှုပေါင်းစုံ ပေါကြွယ်ဝလှတဲ့ အဲဒီအချိန်မှာ ပြည်သူတိုင်းက အသိပညာ ဆာလောင်မွတ်သိပ်မှု ဆန္ဒကို မျှဝေပေးခဲ့ကြပါတယ်။ ဒီနေ့ခေတ်မှာတော့ ဒီလို ချစ်ကျည်ရင်းနှီးစွာနေထိုင်ပြီး အတူတကွ လုပ်ကြ၊ ကိုင်ကြတာကို စပိန်ဘာသာစကားနဲ့ ကွန်ဗီဗန်စီယာ (convivencia) လို့ ခေါ်ပါတယ်။

ဘာသာပြန်လုပ်ငန်း သန္ဓေတည်ရာ တော်လေဒို

အရစ္စတိုတယ်၏ တွေ့ရှိချက်များနှင့် ပတ်သက်၍ ရှင်းလင်းချက်ကျမ်းများစွာ ရေးသားခဲ့သည့် မွတ်စလင်ပညာရှင်ကြီး အလ်-ရက်ရ်ှဒ်

၁၂ ရာစုက တိုလေဒိုဟာ သိပ္ပံသမိုင်းမှာရှိခဲ့တဲ့ ဘာသာပြန်ဆိုမှုလုပ်ငန်းမှာ အကြီးအကျယ်ဆုံးနေရာတစ်ခု ဖြစ်ခဲ့ပြီး အာရဘီဘာသာကနေ လက်တင်ဘာသာကို ပြန်ဆိုကြတာဖြစ်ပါတယ်။ ဒါက ခရစ်ယာန်တွေရှိရာ အနောက်နိုင်ငံက ပညာရှင်တွေ၊ ဘာသာပြန်ဆရာတွေ မြောက်များစွာကို စွဲဆောင်နိုင်ခဲ့ပါတယ်။ အနောက်တိုင်းမှာ ပျောက်ဆုံးခဲ့တဲ့ ဂရိ ဒဿနပညာရှင်တွေ၊ သင်္ချာပညာရှင်တွေရဲ့ အရေးပါတဲ့ ဖော်ထုတ်တွေ့ရှိချက်တွေကိုလည်း မွတ်စလင်တွေက စုဆောင်းသိမ်းဆည်း တိုးပွားအောင် ပြုလုပ်ထားခဲ့ပြီး တိုလေဒိုမှာ ပြန်လည်ပေါ်ထွက်လာခဲ့ပါတယ်။ အရစ္စတိုတယ်ရဲ့ ရေးသားမှုတွေကို ဝေဖန်ထောက်ပြခဲ့ပြီး ဖြေရှင်းချက်တွေပေးခဲ့တဲ့ အစ်ဗနေ့ ရက်ရ်ှဒ် (Ibn Rushd) ဟာဆိုရင် ဥရောပမှာ ဉာဏ်သစ်လောင်းအရေးတော်ပုံ (Renaissance) မပေါ်ခင် နှစ် ၂၀၀ လောက်ကတည်းက ဥရောပရဲ့ အသိပညာ ရှင်သန်မှုကို စတင် သန္ဓေတည်ပေးခဲ့တာ ဖြစ်ပါတယ်။ သူ့ကို အနောက်နိုင်ငံတွေက အေဗာရို့စ် (Averroses) လို့ သိကြပါတယ်။

အရစ္စတိုတယ်ရဲ့ ဖော်ထုတ်တွေ့ရှိချက်တွေနဲ့ပတ်သက်ပြီး ၁၂ ရာစုနှောင်းပိုင်းလောက်မှာ ရက်ရ်ှဒ်က ရှင်းလင်းချက်၊ အနှစ်ချုပ်ဖော်ပြချက် ကျမ်းပေါင်းများစွာကို ကော်ဒိုဘာမှာ အာရဘီဘာသာစကားနဲ့ ရေးသားခဲ့ပါတယ်။ မွတ်စလင်ပညာရှင်ကြီး ရက်ရ်ှဒ်ရဲ့ ဒီကျမ်းတွေကို စကော့တလန် ပညာရှင်တစ်ဦးဖြစ်တဲ့ မီခေးလ် စကော့ (Michael Scott) က အာရဘီကနေ လက်တင်ဘာသာစကားကို ပြန်ဆိုခဲ့ပါတယ်။ စကော့ဟာ ၁၂၃၆ မတိုင်ခင်မှာ ကွယ်လွန်သွားခဲ့ပြီး သူ့ရဲ့ ဘာသာပြန်အမွေကို ဆက်ခံခဲ့သူကတော့ ဟာမန် သည် ဂျာမန် (Harman the German) ပဲဖြစ်ပါတယ်။ တော်လေဒိုနဲ့ စစ္စလီတို့မှာ ထွန်းကားခဲ့တဲ့ ဒီ ၀ိဇ္ဇာသိပ္ပံဆိုင်ရာ စာအုပ်စာပေတွေဟာ ဥရောပတစ်ခွင်လုံးကို ပွက်လောရိုက်သွားစေပါတယ်။

ဘီဘီစီရဲ့ An Islamic History of Europe (ဥရောပ၏ အစ္စလာမ့်သမိုင်းကြောင်း) ဆိုတဲ့ အစီအစဉ်မှာ ပါဝင်ခဲ့တဲ့ ရာ့ဂ် အိုမာရ် (Rageh Omaar) က “သူ (အေဗာရို့စ်) ဟာ ပဲရစ်ကို ဥရောပရဲ့ အသိပညာဆိုင်ရာ မြို့ကြီးတစ်မြို့အဖြစ် အသွင်ပြောင်းခဲ့ပါတယ်။ ပြီးတော့ သိပ္ပံက ဖော်ထုတ်တွေ့ရှိတဲ့ အမှန်တရားတွေဟာ တစ်ခါတစ်ရံမှ ဘုရားသခင်ရဲ့ မိန့်မှာချက်တွေနဲ့ အံဝင်ခွင်ကျမဖြစ်တာကြောင့် ဥရောပက သိပ္ပံပညာနဲ့ ဘာသာရေးအကြား ရှိနေတဲ့ပဋိပက္ခကိုလည်း သူက ချုပ်ငြိမ်းအောင် ကြိုးစားခဲ့ပါတယ်။ ခရစ်ယာန်ဘုရားကျောင်းတွေက သူ့ရဲ့အယူအဆတွေကို အာရုံစိုက်လာတဲ့အခါ ဒီကြိုးပမ်းမှုတွေက မထင်မှတ်ထားတဲ့ ဆိုးကျိုးတွေကို ခံစားလာရပါတော့တယ်။ အဲဒီဘုရားကျောင်းတွေဟာ အေဗာရို့စ်နဲ့ အရစ္စတိုတယ်တို့ရဲ့ တွေ့ရှိချက်တွေကို ချက်ခြင်းဆိုသလို ပိတ်ပင်တားမြစ်ခဲ့ပါတယ်။ ပဲရစ်က အသိပညာရှင် အတတ်ပညာရှင်တွေဟာ ဒါကို နှစ်ပေါင်းများစွာ တိုက်ထုတ်ခဲ့ရပါတယ်” လို့ ပြောကြားခဲ့ပါတယ်။

မီခေးလ် စကော့နဲ့ ဒန်နီယဲလ် အော့ဖ် မော်လေးတို့လိုပဲ တိုလေဒိုမြို့ကြီးဟာ အခြားသော ဘာသာပြန်ပညာရှင်တွေနဲ့ ကြက်ပျံမကျ စည်ကားခဲ့ပါတယ်။ ဂျရတ် အော့ဖ် ခရီမိုနာ (Gerard of Cremona) ဟာ အလ်-ဇဟ်ရာဝီ (Al-Zahrawi) ရဲ့ အတွဲ ၃၀ ပါဝင်တဲ့ ဆေးဘက်ဆိုင်ရာ စွယ်စုံကျမ်း၊ အစ်ဗနေ့ အလ်-ဟေသမ် (Ibn al-Haytham) ရဲ့ Book of Optics (အလင်းဆိုင်ရာကျမ်း)၊ အလ်-ကင်ဒီ (Al-Kindi) ရဲ့ ဂျီသြမေတြီဆိုင်ရာ အလင်းပညာရပ်ကျမ်း၊ အလ်-ရာဇီ (Al-Razi) ရဲ့ A Study and Classification of Salts and Alums (Sulfates) (ဆားများနှင့် ဆာလ်ဖိတ်များကို လေ့လာခြင်းနှင့် ခွဲခြမ်းစိတ်ဖြာခြင်းဆိုင်ရာကျမ်း)၊ ဘနူမူဆာ ညီအစ်ကို (Banu Musa Brothers) ရဲ့ ဂျီသြမေတြီဆိုင်ရာကျမ်း စတာတွေကို လက်တင်ဘာသာသို့ ပြန်ဆိုခဲ့ပါတယ်။ ဂျရတ်ရဲ့ ထူးခြားချက်ကတော့ စာအုပ်ပေါင်း ၈၀ ကျော်ကို ဘာသာပြန်ဆိုခဲ့ပေမယ့် အာရဘီဘာသာစကားကို လုံးစေ့ပတ်စေ့ နားမလည်တာပဲဖြစ်ပါတယ်။ ဒါပေမယ့် ဒေသခံ မိုဇာရဘ် (Mozarab) လူမျိုးတွေနဲ့ အာရဘီဘာသာစကားကို ကျွမ်းကျင်တဲ့ စပိန်ခရစ်ယာန်တွေကို မှီပြီး ဘာသာပြန်ဆိုခဲ့တာ ဖြစ်ပါတယ်။

ဘီဘီစီရဲ့ Voice from the Dark အစီအစဉ်မှာတော့ “ဒီဘာသာပြန်လုပ်ငန်းဟာ ဘာသာစကား အမျိုးမျိုးကို တစ်ဆင့်ပြီးတစ်ဆင့် ပြောင်းလဲ ပြန်ဆိုတာဖြစ်ပါတယ်။ တစ်ခါတစ်ရံမှာ အာရဘီကို မိခင်ဘာသာစကားအဖြစ် ပြောဆိုကြတဲ့ ဒေသခံတစ်ဦးက ကူညီပေးတဲ့ ဘာသာပြန်အဖွဲ့တစ်ခုနဲ့ ပြန်ဆိုကြတယ်။ အဲဒီဒေသခံဟာ စာအုပ်တွေကို ကျယ်ကျယ်အော်ဖတ်ပေးပြီး အာရဘီစကားပြောကို နားလည်ကာ ခေတ်ပေါ်စပိန်ဘာသာစကားထက် ပိုရှေးကျတဲ့ ရောမစာပေကိုလည်း တတ်ကျွမ်းသူတွေက နားထောင်ကြပြီး ရောမဘာသာစကားနဲ့ ပြန်လည်ရေးသားကြပါတယ်။ အဲဒီရောမဘာသာပြန်ကို နောက်ပိုင်းမှာ လက်တင်ဘာသာစကားကို ပြန်ဆိုခဲ့ကြပါတယ်။ တစ်ချို့သော ဘာသာပြန်ဆိုသူတွေကတော့ အဲဒီဘာသာစကား ၃ ခုစလုံးကို ပိုင်နိုင်တတ်ကျွမ်းကြတာကြောင့် သူတို့ တစ်ဦးတည်း ဘာသာပြန်ဆိုလေ့ ရှိကြပါတယ်” လို့ ဖော်ပြခဲ့ပါတယ်။

တော်လေဒိုကို အလ်ဖွန်ဆို ၆ (Alfonso VI) က ပြန်လည်သိမ်းယူခဲ့ပေမယ့်လည်း အဲဒီဒေသမှာရှိတဲ့ မွတ်စလင်၊ ဂျူးနဲ့ မိုဇာရဘ်တို့ရဲ့အကြားမှာ အာရဘီဘာသာစကားကိုပဲ ဘုံဘာသာစကားအဖြစ် ဆက်လက် သုံးစွဲခဲ့ပါတယ်။ ယဉ်ကျေးမှုနဲ့ ဓလေ့ထုံးတမ်းတွေမှာလည်း မွတ်စလင်ရဲ့ ယဉ်ကျေးမှုတွေက တည်မြဲခဲ့သလို ဗိသုကာလက်ရာတွေကအစ အစ္စလာမ့်မစ်လက်ရာတွေ ဖြစ်နေပါတယ်။ တော်လေဒိုရဲ့ ရှည်လျားပြီး အကွေ့အကောက်များတဲ့ လမ်းတွေဟာ အဲဒီဒေသကို ရောက်ရှိလာတဲ့ ဘာသာပြန်ဆရာတွေ၊ ပညာရှင်တွေ ကွန်းခိုစရာ၊ လေ့လာစရာနေရာတွေ ဖြစ်ခဲ့ပါတယ်။ အနောက်တိုင်းက ပညာရှင်တွေ အားလုံးအတွက်တော့ တော်လေဒိုဟာ အဓိပ္ပါယ်ရှိတဲ့ နေရာတစ်ခု ဖြစ်ပါတော့တယ်။

တော်လေဒိုမှာပေါ်ထွက်ခဲ့တဲ့ ဘာသာပြန်လက်ရေးမူစာအုပ်တွေကို အခုအချိန်အထိ တော်လေဒို ကက်သလစ်ဘုရားကျောင်းရဲ့ မော်ကွန်းတိုက်မှာ တွေ့မြင်နိုင်မှာဖြစ်ပြီး ဒန်နီယဲလ် အော့ဖ် မော်လေးတို့ လက်ထက်ကတည်းက ပြန်ဆိုခဲ့တာတွေအပါအ၀င် ဘာသပြန်လက်ရာပေါင်း ၂၅၀၀၀ လောက် ရှိနေပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်။)

April 8, 2016
လူမျိုးရေး၊ ဘာသာရေးအရ ငြှင်းပမ်းမှုကို မြန်မာအစိုးရသစ်က အဆုံးသတ်ရန် လူ့အခွင့်အရေးအဖွဲ့တစ်ခု တိုက်တွန်း

ဧပြီ ၇၊ ၂၀၁၆

M-Media

– လူနည်းစုအခွင့်အရေးနှင့် လွတ်လပ်စွာယုံကြည်ကိုးကွယ်ခွင့်တို့ကို ရာစုနှစ်ဝက်တစ်ခုကျော်ကြာမှ မြန်မာ့ ပထမဦးဆုံးအရပ်သားဦးဆောင်သည့်အစိုးရ၏ အရေးအကြီးဆုံးတစ်နေရာတွင်ထားရှိရမည်ဟု လူ့အခွင့်အရေးအဖွဲ့တစ်ခုဖြစ်သော Minority Rights Group (MRG) က ၃၁၊၃၊၂၀၁၆ တွင် ထုတ်ပြန်လိုက်သည်။

မြန်မာပြည်မြောက်ဘက်ရှိ တိုင်းရင်းသားလူမျိုးများအပေါ် အကြမ်းဖက်မှုကို ဟန့်တားခြင်းနှင့် ရိုဟင်ဂျာလူနည်းစုများခွဲခြားဆက်ဆံနှိပ်စက်ခံရခြင်းများ အဆုံးသတ်ရန်တို့မှာ ဦးစားပေးလုပ်ငန်းစဉ်ဖြစ်သင့်သည်။

မြန်မာပြည်မြောက်ပိုင်းရှိ တအောင်း၊ ကချင်နှင့် ရှမ်းလူမှုအသိုင်းအ၀ိုင်းများအပေါ် တပ်မတော်၏မတရားစစ်ရေးချိုးဖောက်မှုများသည် နိုင်ငံဒီမိုကရေစီအကူးအပြောင်းကာလ၏ ချီးကျူးရန်အကောင်းဆုံးကာလအပေါ် အမည်းစက်တစ်ခုအဖြစ် ကျန်ရစ်နေပြီး ပြင်းထန်ဆဲပဋိပက္ခများအဆုံးသတ်ရေးကို ဒေါ်အောင်ဆန်းစုကြည် ဦးဆောင်သောအစိုးရအတွက် ဦးစားပေးလုပ်ငန်းတစ်ခုဖြစ်သင့်သည်ဟု MRG က ဆိုသည်။ ဒေသခံလူ့အခွင့်အရေးအဖွဲ့များမှ စုဆောင်းရရှိသည့် သက်သေခံချက်များးအရ မြန်မာ့တပ်မတော်သည် လက်နက်မဲ့အရပ်သားများ၊ မီးရှို့ဖျက်ဆီးပြီးကျေးရွာများကို ပစ်မှတ်ထားပြီး အခြားသောကမ်းအကုန်ဆုံးလူ့အခွင့်အရေးချိုးဖောက်မှုများကို လွန်ခဲ့သောရက်သတ္တပတ်အနည်းငယ်အတွင်း၌ပင် တစ်ကိုယ်တော်ကျူးလွန်ခဲ့သည်ဟု သိရသည်။

“နိုင်ငံတကာအသိုင်းအ၀ိုင်းရဲ့အာရုံဟာ နေပြည်တော်ရှိနိုင်ငံရေးအရဖြစ်ပေါ်တိုးတက်မှုအပေါ်ရှိနေချိန်မှာ မြန်မာ့တပ်မတော်ဟာ ရှမ်းမြောက်ပိုင်းနဲ့ ကချင်ပြည်နယ်က လူနည်းစုအသိုင်းအ၀ိုင်းအပေါ် စော်ကားမှုတွေကို ဆက်လက်ကျူးလွန်ခဲ့ပါတယ်” ဟု MRG ရဲ့မူဝါဒနှင့်ဆက်သွယ်ရေးဒါရိုက်တာ Carl Soderberghက ဆိုသည်။ “ညဉ်းပန်းနှိပ်စက်ခြင်း၊ အတင်းအဓမ္မလုပ်အားပေးစေခိုင်းခြင်း၊ ခိုးမှုနှင့် အိမ်ခြံမြေဖျက်ဆီးခြင်းရဲ့ အစီရင်ခံစာတွေကို ပြစ်မှုကျူးလွန်သူတွေပါထည့်သွင်းပြီး တက်လာမဲ့အစိုးရက အပြည့်အ၀ဘက်လိုက်မှုကင်းကင်းနဲ့ စုံစမ်းစစ်ဆေးသင့်ပါတယ်”

တပ်မတော်သည် မြန်မာ့နိုင်ငံရေးတွင် ကြောက်မက်ဖွယ်အင်အားရှိနေဆဲဖြစ်ပြီး လွှတ်တော်တွင် အမတ်နေရာ ၂၅ ရာခိုင်နှုန်းယူထားသည်။ အဓိကအစိုးရ၀န်ကြီးဌာနများကို ထိန်းချုပ်ထားသည်။ နိုင်ငံ၏အမြင့်ဆုံးအာဏာပိုင်အဖွဲ့အစည်းဖြစ်သည့် အမျိုးသားကာကွယ်ရေးနှင့်လုံခြုံရေးကောင်စီတွင်လည်း နေရာအများဆုံး ရရှိထားသည်။

အခြားသောတရားစီရင်ရေးဆိုင်ရာအကြမ်းဖက်မှုနှင့် ပြစ်ဒဏ်ကိုအရေးမယူမှု အလားအလာတစ်ရပ်ကလည်း မြန်မာ့တပ်မတော်တွင်ရှိနေပြီး ဘေးဖယ်ခံလူနည်းစုအသိုင်းအ၀ိုင်းပြဿနာများသည် ရာဇ၀တ်မှုများကို ပွင့်လင်းမြင်သာစွာနှင့် တာဝန်ခံမှုဖြင့် စုံစမ်းစစ်ဆေးမှုမရှိလျှင် အစိုးရသစ်သက်တမ်းတွင် ဆက်လက်ရှိနေမည်ဖြစ်သည်။ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်အဖို့ စစ်တပ်၊ လက်နက်ကိုင်တိုင်းရင်းသားအဖွဲ့များ၊ အမျိုးသမီးများအပါအ၀င် အရပ်ဖက်လူမှုအဖွဲ့အစည်းများနှင့် အပစ်အခတ်ရပ်စဲရေးဖြစ်စဉ်မြှင့်တင်ရန်၊ ပဋိပက္ခနှင့်သက်ဆိုင်သော ဆက်စပ်ချိုးဖောက်မှုများအဆုံးသတ်ရန် MRGက ဆိုသည်။

မြန်မာနိုင်ငံမှ နိုင်ငံမဲ့ရိုဟင်ဂျာလူနည်းစုအပေါ် ညဉ်းပန်းနှိပ်စက်မှုကိုလည်း အရေးတကြီးကိစ္စတစ်ခုအဖြစ် ကိုင်တွယ်ဖြေရှင်းရမည်ဖြစ်သည်။ ၁၀၀,၀၀၀ ကျော်သော မွတ်စ်လင်မ်များ ကျန်းမာရေးစောင့်ရှောက်မှု၊ ပညာရေးနှင့် အလုပ်အကိုင်အခွင့်အလမ်းမရရှိဘဲ ကျန်းမာရေးနှင့်မညီညွတ်သော ရွှေ့ပြောင်းစခန်းများတွင် နေထိုင်နေရဆဲဖြစ်သော မြန်မာပြည်အနောက်ခြမ်း ရခိုင်ပြည်နယ်တွင် လေးနှစ်နီးပါးကြာ အရေးပေါ်အခြေအနေကြေညာထားမှု ရုပ်သိမ်းလိုက်သည့် ယခုသီတင်းပတ်ဆုံးဖြတ်ချက်ကို MRGမှ ကြိုဆိုလိုက်သည်။ သို့သော် လွတ်လပ်စွာသွားလာလှုပ်ရှားခွင့်နှင့် ရိုဟင်ဂျာများအတွက် နိုင်ငံသားဖြစ်မှုအပါအ၀င် အခြေခံအခွင့်အရေးများကို သေချာစေသည့်၊ နှစ်ဖက်အသိုင်းအ၀ိုင်း ပြန်လည်သင့်မြတ်ရေး မြှင့်တင်ပေးသည့် ခိုင်မာတိကျသော လုပ်ငန်းစဉ်များကိုလည်း ဆက်လက်ဆောင်ရွက်ရပေမည်။

၂၀၁၅ခုနှစ်တွင် မြန်မာအစိုးရသည် လူနည်းစုဘာသာဝင်များ၏ အခွင့်အရေးကို ကန့်သတ်သည့် မျိုးစောင့်ဥပဒေများကို အတည်ပြုခဲ့ပြီး ၎င်းဥပဒေများသည် ကြီးထွားလာသည့် ဗုဒ္ဓဘာသာအမျိုးသားရေးလှုပ်ရှားမှုမှဖိအားကို စိုးရိမ်ရာမှတဆင့် ပေါ်ထွက်လာခြင်းဖြစ်သည်။ လွန်ခဲ့သောနှစ်အနည်းငယ်က ၁၀၀,၀၀၀ကျော်သော ရိုဟင်ဂျာမွတ်စ်လင်မ်များ တိုင်းပြည်မှနီးရာပင်လယ်ပြင်သို့ ထွက်ပြေးခဲ့သည်ဟု ခန့်မှန်းကြပြီး ၎င်းသည် ဆယ်စုနှစ်များအတွင်း အရှေ့တောင်အာရှ၏ အဆိုးဝါးဆုံးသော လူသားချင်းစာနာမှုဆိုင်ရာ အကြပ်အတည်းအဖြစ် ပေါ်ပေါက်ခဲ့ခြင်းဖြစ်သည်။

“တက်လာမဲ့အစိုးရမှာ ကမ္ဘာ့အဆိုးဝါးဆုံးဖယ်ကြဉ်ခံထားရတဲ့ လူမှုအသိုင်းအ၀ိုင်းတစ်ခုအပေါ် နိုင်ငံ့ဂုဏ်သိက္ခာကျဆင်းဖွယ် ညှဉ်းပန်းနှိပ်စက်မှုဆယ်စုနှစ်တွေကို အဆုံးသတ်ဖို့ သမိုင်းဝင်အခွင့်အလမ်းတစ်ရပ်ရှိနေပါတယ်။ ဒါဟာ အလဟဿဖြစ်စရာ မရှိပါဘူး” ဟု Soderberghက ဆက်ပြောသည်။

“မြန်မာ့ခေါင်းဆောင်မှုအသစ်ဟာ ပွင့်လင်းမြင်သာမှုပေါ် အခြေခံသည့် နိုင်ငံရေးအုပ်ချုပ်မှုစနစ်၏ ခေတ်သစ်ကို ဆောင်ကျဉ်းပေးနိုင်ပြီး လူ့အခွင့်အရေးကို လေးစားမှုရှိမယ်လို့ ကြီးမားတဲ့မျှော်လင့်ချက်ရှိပါတယ်။ တိုင်းပြည်ရဲ့ ဘေးဒုက္ခအခံစားနေရဆုံးနေထိုင်သူတွေကို နောက်ချန်မထားခဲ့ဖို့ ဒါဟာ အလွန်အရေးကြီးပါတယ်”

(minorityrights.org တွင် ဖော်ပြထားသည့် Burma: Suu Kyi-led government must end ethnic and religious persecution, says MRG ကို ရဲမျိုးဇော်က ဆီလျော်အောင် ဘာသာပြန်ဆိုသည်။)

April 7, 2016
“လူ့အခွင့်အရေး၊ ခွဲခြားဆက်ဆံခြင်း အမူအကျင့် နှင့် မြန်မာ့ရုပ်ရှင် မီဒီယာ”

(ဒီမိုကရေစီနှင့်လူ့အခွင့်ရေးဂျာနယ်) မှ ကူးယူဖော်ပြသည်။
မှူးသစ် ရေးသည်။
.
Violence ( အကြမ်းဖက်မှု)တွေ ကို လေ့လာကြည့်မယ်ဆိုရင် အကြမ်းအားဖြင့် Structure Violence နဲ့ Culture Violence ရယ်လို့ တွေ့နိုင်တယ်။ Structure Violence နဲ့ ပတ်သက်ပြီး အဓိက ရည်ညွန်းချင်တာက လက်နက်ကိုင် တိုက်ပွဲတွေ၊ ဘာသာရေး၊ လူမျိုးရေး ပဋိပက္ခ အထိကရုဏ်းတွေ နဲ့ လူမျိုးတုန်းသတ်ဖြတ်မှုတွေ စတာတွေပဲဖြစ်တယ်။ Culture Violence ကတော့ အထက်မှာ ဆိုခဲ့တဲ့ Structure Violence ထက် ပိုပြီး နက်နဲလိမ့်မယ်လို့ ယူဆပါတယ်။
.
Structure အားဖြင့် ဖြစ်ပေါ်နေတဲ့ Violence တွေကို ဖြေရှင်းဖို့က စစ်ပွဲတစ်ပွဲ လူသတ်ပွဲတစ်ပွဲ လက်နက်ကိုင် အထိကရုဏ်းပွဲတစ်ပွဲ စတဲ့ ဖြစ်စဉ်တွေကို စေ့စပ်ညှိုနိုင်းနိုင်မယ်ဆိုရင် အချိန်ကာလတစ်ခုနဲ့ ရည်မှန်းပြီး လုပ်ဆောင်နိုင်မယ်။ Culture Violence ကတော့ ဒီလိုမဟုတ်ဘဲ လူ့အဖွဲ့အစည်းထဲမှာ စိမ့်ဝင်နေတဲ့ အကြမ်းဖက်စိတ်တွေဖြစ်တဲ့ အတွက် ဖြေရှင်းရဖို့ အချိန်ကြာတတ်သလို ဖြေရှင်းနိုင်ရင်တောင် အကြမ်းဖက်စိတ်မီး တွေဟာ အချိန်မရွေး ထလောင်နိုင်တဲ့ အခြေအနေမှာရှိတယ်။ ဆိုရရင် Culture Violence တွေ အပြီးသတ်ပျောက်သွားဖို့က လူ့အဖွဲ့အစည်းတစ်ခုလုံးရဲ့ စိတ်ပိုင်းဆိုင်ရာ နဲ့ အမူအကျင့်တွေ၊ အတွေးအခေါ်တွေကိုပါ ပြောင်းဖို့လိုအပ်တယ်။
.
နောက်ထပ် သတိထားဖို့ လိုတာက လူ့အဖွဲ့အစည်းအတွင်းမှာ မမြင်ရတဲ့ အကြမ်းဖက်စိတ်တွေ၊ စိမ့်ဝင်တွေနဲ့ အကြမ်းဖက်မှု အမူအကျင့်တွေဟာ လက်နက်ကိုင်တိုက်ပွဲတွေ၊ လူမျိုးတုန်းသတ်ဖြတ်မှုတွေ၊ ဘာသာရေး လူမျိုးရေး အထိကရုဏ်းတွေစသည့်ဖြင့် (Structure) အားဖြင့် ဖြစ်ပေါ်လာမယ့် (Violence) အကြမ်းဖက်မှုတွေ ပေါ်ပေါက်လာဖို့ ကို အဓိက တွန်းအားပေးနေတာပဲဖြစ်တယ်။
.
ဒီနေရာမှာ အဓိက ပြောချင်တာက ကျွန်တော်တို့ လူ့အဖွဲ့အစည်းအတွင်းမှာ စိမ့်ဝင်နေတဲ့ အကြမ်းဖက်စိတ်(Culture Violence ) ပဲဖြစ်တယ်။
.
Culture Violence တွေဖြစ်ပေါ်လာဖို့ ဘယ်က အခြေခံလာသလဲဆိုရင်တော့ ခွဲခြားဆက်ဆံမှု (Discrimination) တွေကြောင့်လို့ ပြောရလိမ့်မယ်။
.
လူ့အဖွဲ့အစည်းအတွင်း ခွဲခြားဆက်ဆံခြင်း အမူအကျင့်တွေ စိမ့်ဝင်ဆွဲကပ် နေသမျှ ကာလပတ်လုံး အထက်မှာ ဆိုခဲ့တဲ့ Structure Violence နဲ့ Culture Violence တွေ ဖြစ်ပေါ်လာဖို့ လွယ်ကူနေမှာပဲဖြစ်တယ်။
.
အကြမ်းဖက်မှုလို့ ဆိုလိုက်ရင် လက်နက်ကိုင် အကြမ်းဖက်မှု၊ အုပ်စုဖွဲ့ ရုန်းရင်းဆန်ခတ်မှု ၊ အုပ်စုဖွဲ့ ဗိုလ်ကျ ဖိနှိပ်မှုလို့ မြင်ကြမှာအမှန်ပါပဲ။ သို့ပေမယ့် လူ့အဖွဲ့အစည်းကြားထဲမှာ ကိုယ်ထိလက်ရောက် ကျူးလွန်ကြတဲ့ အကြမ်းဖက်မှုတွေ ရှိနေသလို နူတ်အားဖြင့်အကြမ်းဖက်မှု၊ အမူအရာအားဖြင့် အကြမ်းဖက်မှုတွေကလည်း ကျွန်တော်တို့ လူ့အဖွဲ့အစည်းမှာ နေရာတိုင်း အချိန်တိုင်း လိုလို တွေ့ကြုံနေရပြန်တယ်။
.
ကျွန်တော့်တို့ မြန်မာ့လူ့အဖွဲ့အစည်းကို ကြည့်လိုက်မယ်ဆိုရင် ခွဲခြားဆက်ဆံခြင်း(Discrimination) အမူအကျင့်တွေ အများကြီး စွဲကပ်နေတာ စိမ့်ဝင်နေတာကို မလွဲမသွေ တွေ့ရမှာပဲဖြစ်တယ်။ အနီးကပ်ဆုံး ဥပမာပေးပြရမယ်ဆိုရင် လူမျိုးရေး၊ ဘာသာရေး ဆန်တဲ့ ပဋိပက္ခတွေဖြစ်ပေါ်ပြီးတဲ့နောက်ပိုင်း၊ အခုလို ၀ါတွင်းကာလမှာ အချို့သော အလှူခံမဏ္ဍပ်တွေရဲ့ အချိန်ပြည့်နီးပါးဖွင့်လေ့ရှိတဲ့ “ငါတို့ အရိုး စည်းရိုးထိုး ” ဆိုတဲ့ စာသားတွေပါ၊ ဘာသူတူရာဈေးဆိုင်မှာသာ ဈေးဝယ်ပါ၊ အိမ်ရှင်စော်ကား” စတဲ့စာသားတွေပါတဲ့ သီချင်းတွေကို ကျယ်ကျယ်လောင်လောင်ဖွင့်နေတာကို ပြရ မှာပဲဖြစ်တယ်။
.
ဒါဟာ တနည်းအားဖြင့်တွေးမယ်ဆိုရင် လူမျိုးမတူ ဘာသာမတူသူတွေအပေါ် လူများစုတွေက နူတ်အားဖြင့် အကြမ်းဖက်မှုပဲဖြစ်တယ်။ သို့ပေမဲ့လည်း ဒီသီချင်းတွေကို ဘာသာရေးဆိုင်ရာ မဏ္ဍပ်တွေမှာ ကျေကျေနပ်နပ်ဖွင့်နေကြရုံသာမက မြို့ရွာ ရပ်ကွက်အနှံ့ ကားနဲ့လှည့်ပြီးလို့တောင် ဖွင့်ကြတယ်။
.
ဒီအပြုအမှုတွေ ဘာကြောင့် ရှိနေရသလဲ၊ ဘာကြောင့် ဖြစ်ပေါ်နေရသလဲဆိုတဲ့ လားရာ အခြေခံအကြောင်းအရင်းတွေကို ကြည့်လိုက်ရင်တော့ လူ့အဖွဲ့အစည်းအတွင်းက သိစိတ်၊မသိစိတ်တွေထဲမှာ ခွဲခြားဆက်ဆံခြင်း အမူအကျင့်တွေ စွဲကပ်နေတာကို အထင်အရှားတွေ့ရလိမ့်မယ်။
.
ခွဲခြားဆက်ဆံမှုဟာ sensitive ဖြစ်တဲ့ issue တစ်ခုလည်းဖြစ်ပြီး နေရာတိုင်းလိုလိုမှာ ရှိနေတယ်။ ခွဲခြားဆက်ဆံမှုတွေကနေတဆင့် ဘာသာ၊ လူမျိုး၊ စတဲ့မတူညီတဲ့ Identity တွေအပေါ် အကောင်းဘက်က မရှုမြင်နိုင်တာတွေ၊ လေးစားမှုမရှိတော့တာတွေနဲ့ ရန်သူသဖွယ် သတ်မှတ် ပြုမှုလာကြတော့တာပဲဖြစ်တယ်။
.
ခွဲခြားဆက်ဆံမှုတွေဟာ ဒေါသစိတ်တွေကို မွေးမြူပေးတယ်။ ဒေါသစိတ်တွေကတဆင့် မတူညီတဲ့ လူ့အဖွဲ့အစည်း နှစ်ခုကြားမှာ ပဋိပက္ခမီးတွေဟာ တောက်လောင်စေတော့တာပဲဖြစ်တယ်။
.
ကိုယ့်လူမျိုး၊ကိုယ့်ဘာသာ သာလျှင် ကြီးကျယ်မြင့်မြတ်တယ် ကိုယ်နဲ့မတူညီတဲ့ လူမျိုး၊ဘာသာ၊နိုင်ငံသားတွေဟာ နိမ့်ကျတယ် ဆိုတဲ့ အစွန်းရောက် ဘာသာရေး အမျိုးသားရေး စိတ်ဓါတ်တွေကြီးထွားလာဖို့အတွက် ခွဲခြားဆက်ဆံမှုတွေက အဓိက တွန်းအားပေးနေတယ်လို့ဆိုရမယ်။
.
ခွဲခြားဆက်ဆံခြင်း အမူအကျင့်တွေကို ဘယ်လိုအရင်းအမြစ်တွေကနေ စွဲကပ်စေသလဲ ခွဲခြားဆက်ဆံခြင်းအမူအကျင့်တွေ လူ့အဖွဲ့အစည်းအတွင်းကို အရိုးစွဲ စိမ့်ဝင်စေတဲ့ အဓိက အကြောင်းအရင်းတွေက ဘာတွေလဲ စတဲ့ အရင်းအမြစ်တွေကို ရှာဖွေကြည့်ရင်တော့ အများကြီးတွေ့နိုင်တယ်။ စာပေတွေ၊ ကျောင်းစာသင်ခန်းတွေ၊ လူမှုပတ်ဝန်းကျင်တွေ၊ မိဘဘိုးဘွားတွေ၊ ရုပ်ရှင်ဖျော်ဖြေရေးတွေ စသည့်ဖြင့် အများကြီးပါပဲ။
.
လူ့အဖွဲ့အစည်းအတွင်းကို ခွဲခြားဆက်ဆံခြင်းအမူအကျင့်တွေ စွဲကပ်စေတဲ့ အရင်းအမြစ်တွေအားလုံးကို ဖေါ်ပြရေးသားရမယ်ဆိုရင်တော့ လေ့လာမှုများစွာနဲ့ အရမ်းကျယ်ပြန့်ပါလိမ့်မယ်။
.
အဲ့ဒီထဲကမှ ရုပ်ရှင်ဗီဒီယို ဖျော်ဖြေရေးတွေဟာ မြန်မာ့လူ့အဖွဲ့အစည်းအတွင်းကို ခွဲခြားဆက်ဆံခြင်း အမူအကျင့်တွေ ဘယ်လို ရိုက်သွင်းနေတယ်၊ ဘယ်လိုဆွဲကပ်စေတယ်ဆိုတာနဲ့ပတ်သက်ပြီး အနည်းငယ် ဆွေးနွေးချင်ပါတယ်။
.
အာဏာရှင်လက်ထက်တစ်ခုလုံးမှာ ထွက်ပေါ်လာတဲ့ မြန်မာ့ရုပ်ရှင်ဗီဒီယို ဇတ်လမ်းတွေကို ကြည့်လိုက်မယ်ဆိုရင် လူ့အခွင့်အရေးတန်ဖိုးစံနူန်းနဲ့ပတ်သက်ပြီး ထုတ်ဖေါ်ပြသနိုင်တဲ့ ဇတ်ကားတွေဟာ မရှိသလောက် ရှားပါးခဲ့ပေမဲ့ လူ့အခွင့်အရေးတွေကို မသိလိုက်မသိသာနဲ့ သိသိသာသာချိုးဖေါက်မှုတွေကတော့ အများအပြားရှိနေတာကို တွေ့မြင်နိုင်တယ်။
.
အထင်ရှားဆုံးညွှန်းရရင် အခုလက်ရှိ အောင်မြင်မှုရနေတဲ့ ဟာသ ဇတ်ကားတွေနဲ့ အငြိမ့်ပြဇတ်တွေမှာ လိင်၊ အသားအရောင်၊ လူမျိုး၊ ဘာသာစကား စတာ တွေကို လှောင်ပြောင်တာ၊ နှိမ်ချ ဟာသ လုပ်တာ အများဆုံးတွေ့ရလေ့ရှိတယ်။
.
ဂေးတွေကို လှောင်ပြောင်တာ ၊ မိန်းမလျာပုံစံနဲ့ ဟာသ လုပ်တာ၊ အသားမည်းတာကို ဟာသ လုပ်တာ တိုင်းရင်းသား ဘာသာစကားအသံတွေကို မပီမသအသံ တုပပြောဆိုတာတွေက မြန်မာ ရုပ်ရှင်ဗီဒီယို၊ အငြိမ့်တွေအတွက် ပြတ်လုံး ဖန်တီးတဲ့ ဖေါ်မျူလာ တစ်ခုလိုတောင်ဖြစ်နေတယ်လို့ ဆိုနိုင်တယ်။
.
ဒီအပေါ်မှာကြည့်ရှုသူတွေအနေနဲ့ သဘောတကျ ရယ်မောကြသလို၊ ကိုယ့်နေထိုင်တဲ့ လူမှု ပတ်ဝန်းကျင်တွေမှာ အဲ့ဒီ ဟာသ ပြတ်လုံးတွေကို အသုံးပြုပြီး ကိုယ်နဲ့ မတူညီသူတွေကို ပြန်ပြီး လှောင်ပြောင်လေ့ရှိကြတယ်။ ဒါဟာ ခွဲခြားဆက်ဆံခြင်း အမူအကျင့်စွဲကပ်ခံရခြင်း အရာတစ်ခုလို့လည်း ဆိုနိုင်တယ်။
.
အထူးသဖြင့် ဒီလို ခွဲခြားဆက်ဆံပြီး လှောင်ပြောင်တဲ့ စကားလုံးတွေဟာ အသိဥာဏ်နုနယ်သေးတယ် ကလေးတွေအတွက် အတုယုဖွယ်ရာ တစ်ခုဖြစ်လာပြီး၊ ကျောင်းစာသင်ခန်းတွေထဲအထိ သယ်ဆောင်လာတော့တယ်။ အဲ့ဒီမှာပဲ အခန်းဖေါ်တွေထဲက အသားမည်းတဲ့ ကျောင်းသားတွေ၊ နေထိုင်မှုပုံစံမတူတဲ့ သူငယ်ချင်းတွေ၊ ဘာသာကွဲ လူမျိုးကွဲ အတန်းဖေါ်တွေအပေါ်မှာ ခွဲခြားဆက်ဆံခြင်း စကားလုံးတွေကို အသုံးပြုပြီး စနောက် လှောင်ပြောင်ကြတော့တာပဲဖြစ်တယ်။
.
မြန်မာရုပ်ရှင်ဇတ်လမ်းတွေဟာ ဖျော်ဖြေရေးအရာတစ်ခုလို့ ဆိုပေမယ့်လည်း အဲ့ဒီ ဖျော်ဖြေရုပ်ရှင်တွေထဲက ဘယ်လိုဇတ်ကွက်တွေကတော့ဖြင့် ကြည့်ရှုသူတွေအပေါ် ဘယ်လိုမျိုး အကျိုးသက်ရောက်စေတယ် လူ့အဖွဲ့အစည်းကို ဘယ်လို စရိုက်တွေ ကူးဆက်စေတယ်ဆိုတာကို ဇတ်ကားရိုက်ကူးသူတွေ ကိုယ်တိုင်က လေ့လာဆန်းစစ်ကြည့်ဖို့ သတိရကြဟန်တော့မရှိပါဘူး။
.
ဒါ့အပြင် ပညာပေးဇတ်ကားလို့ဆိုလိုက်ရင်၊ မိဘမေတ္တာနဲ့ ရိုးသားမှု ၊မတော်လောဘရဲ့ အကျိုးအပြစ်တွေ၊ ဥပဒေချိုးဖေါက်မှုတွေ စတာတွေလာက်ကိုသာ အသားပေးပြသကြပြီး။ လူ့အခွင့်အရေးတန်ဖိုးတွေ၊ တရားမျှတမှုတွေ၊ လူသားခြင်းစာနာမှုတွေ၊ လူလူခြင်းတန်ဖိုးထားမှုတွေကို ပြသနိုင်တဲ့ ဇတ်ကားတွေက မရှိသလောက် ရှားနေစဲဖြစ်တယ်။
.
အစိုးရသစ်ပြောင်းပြီးတဲ့နောက်ပိုင်း မီဒီယာလွတ်လပ်ခွင့်တွေနဲ့အတ ဆင်ဆာလွတ်လပ်ခွင့်တွေရလာပေမယ့်လည်း မြန်မာရုပ်ရှင်ဗီဒီယိုဇတ်ကားတွေရဲ့ တိုးတက်မှုကတော့ မေးခွန်းထုတ်စရာကောင်းတဲ့ အခြေအနေတွေမှာ ရှိနေတုန်းလို့ပဲ ဆိုရမယ်။
.
ဆင်ဆာ လွတ်လပ်ခွင့်ရပြီးတဲ့နောက်မှာ စကားလုံးအားဖြင့် ခွဲခြားဆက်ဆံခြင်းပြုလုပ်တာတွေက ပိုလို့တောင်များလာတယ်လို့ ဆိုမယ်။
.
အင်တာနက်ပေါ်မှာ ဝေဖန်မှုခံခဲ့ရတဲ့ ဒါရိုက်တာ နေပိုင်ရဲ့ “ဂျောင်း”ဆိုတဲ့ ဇတ်ကားမှာဆိုရင် လူမျိုးနှစ်မျိုးကို ထိခိုက်ပြီး ဟာသလုပ်တဲ့ ဇာတ်ဝင်ခန်းကို တွေ့ရမယ်။ ဒီဇာတ်ကားကို ရခိုင် တိုင်းရင်းသားတွေက တရားဝင်ကန့်ကွက် ဝေဖန်လို့သာ အများပြည်သူကြားကို ကျယ်ကျယ်ပြန့်ပြန့်ရောက်လာပြီး ပြန်လည်တောင်းပန်မှုတွေ ရှိခဲ့တာပဲဖြစ်တယ်။ အခြားသော ဇာတ်ကားတွေမှာလည်း ရုပ်ရှင်ကြည့်သူတွေကြားမှာ မသိလိုက်မသိသာ ရယ်ပွဲတွေနဲ့တင် ပြီးဆုံးသွားတဲ့ လူမျိုးရေး၊ ဘာသာရေး ခွဲခြားဆက်ဆံမှု၊ ဖိနှိပ်လှောင်ပြောင်မှု ပါဝင်တဲ့ ဇာတ်ဝင်ခန်းတွေ အများကြီး ကျန်နေနိုင်သေးတယ်။
.
“ဂျောင်း” ဆိုတဲ့ ဇာတ်ကားက ဇာတ်ဝင်ခန်းပြောစကားနဲ့ပတ်သက်ပြီး သရုပ်ဆောင် မြင့်မြတ်ရဲ့ တောင်းပန်တဲ့ စကားကို ကြည့်မယ် ဆိုရင် ရုပ်ရှင်လောကသား သရုပ်ဆောင် တစ်ယောက်ရဲ့ အမြင်ကို ၀မ်းနည်းဖွယ်ရာ တွေ့ရလိမ့်မယ်။
.
“ကျနော် ဒီဇာတ်ကားကို ရိုက်တုန်းက သိပ်တောင် သတိမထားမိခဲ့ပါဘူး။ ကျနော်တို့က အနုပညာ တခုအပေါ်မှာ ဟာသ တခုကို ဖန်တီးလိုက်တဲ့ သဘောပါပဲ။ ဘယ်သူ့ကိုမှ ထိခိုက်နစ်နာပါစေလို့ မရည်ရွယ်ပါဘူး။” ဒါဟာ မြင့်မြတ်ရဲ့ တောင်းပန်မှု စကားကို ပေါ်ပြူလာဂျာနယ်ရဲ့ ဖေါ်ပြချက်ထဲက ဖြစ်ပါတယ်။
.
ဆိုရရင် သူအနေနဲ့ ဒီဇာတ်ဝင်ခန်းက စကားနဲ့ ပတ်သက်ပြီး သတိမထားမိခဲ့ဘူး၊ ဒါကို သူက အနုပညာ တစ်ခုအပေါ် ဟာသာတစ်ခုအနေနဲ့ ဖန်တီးတယ်လို့ ဆိုထားတယ်။ ကိုယ်နဲ့ မတူညီတဲ့ လူမျိုးစု နှစ်ခုဟာ ဟာသ ပြုလုပ်စရာမဟုတ်ဘူးဆိုတာ ဒါရိုက်တာရော သရုပ်ဆောင်ရော မသိရှာဘူး။ အနုပညာအရလည်း မလုပ်သင့်ဘူးဆိုတာ မသိရှာဘူး။ ဒါက ခွဲခြားဆက်ဆံမှု တစ်ခုဖြစ်တယ်ဆိုတာလည်း သူတို့ သတိမထားမိရှာဘူး။ မြန်မာ့ လူ့အဖွဲ့အစည်း အတွက် စိုးရိမ်စရာကောင်းတဲ့ အခြေအနေလို့တောင် ဆိုရမယ်။
ဒါဟာ ဥပမာအားဖြင့် ထုတ်နုတ်ပြတာဖြစ်ပြီး အဲ့ဒီထက်ပိုမိုပြီး လူမျိုးရေးအရ လှောင်ပြောင်တဲ့ ဇာတ်ဝင်ခန်းတွေပါတဲ့ ဇာတ်ကားတွေ အများကြီးရှိနေတယ်ဆိုတာ သတိပြုဖို့လိုနေမှာဖြစ်တယ်။
.
မြန်မာ့ရုပ်ရှင်ဗီဒီယို ဇာတ်လမ်းတွေမှာ အလှောင်ပြောင်ခံရဆုံး၊ ဟာသ အလုပ်ခံရဆုံးသူတွေကို ပြပါဆိုရင်၊ မိန်းမလျာ(ဂေး)တွေနဲ့ အသားမည်းသူတွေပဲ ဖြစ်တယ်။ အထူးသဖြင့် ဂေးတွေဟာ မြန်မာဟာသ ဇာတ်ကားတွေအတွက် ပြက်လုံး ထုတ်ကုန်တစ်ခုလိုတောင် ဖြစ်နေပါပြီ။ လူတွေ အပန်းဖြေကြည့်ရှုကြတဲ့ ရုပ်ရှင်ဗီဒီယို ဇတ်လမ်းတွေကနေတဆင့် မိန်းမလျာတွေကို ခွဲခြားဆက်ဆံဖို့ သင်ယူကြတဲ့အခြေအနေလို့ ဆိုရမှာပါ။
.
သရုပ်ဆောင် မိုးအောင်ရင် ၊ ဒိန်းဒေါင် နဲ့ နန်းခင်ဇေယျာတို့ ပါဝင်တဲ့ ဗီဒီယို ဇာတ်ကား တစ်ခုရဲ့ နာမည်ဆိုရင် “အခြောက်တို့ရဲ့ မာယာ”လို့ ပေးထားတာကို တွေ့ရတယ်။ ဇာတ်လမ်းတစ်လုံးကိုမကြည့်ဖြစ်ခဲ့ပေမယ့် ဇတ်ကားအမည်အရတော့ မိန်းမလျာ သဘာဝတွေကို ဟာသ လုပ်တော့မယ် ဆိုတာ ကြိုတင် မှန်းစလို့ရနေပါပြီ။
.
သရုပ်ဆောင်မိုးအောင်ရင်ပဲ အဓိက မင်းသားအဖြစ် ပါဝင်တဲ့ ဇာတ်ကားတစ်ရဲ့ အမည်ကိုဆိုရင်လည်း မိန်းမလျာတွေကို နှိမ်ချလှောင်ပြောင်တဲ့အခါ သုံးလေ့ရှိတဲ့ စကားလုံး“ဂျော်ဒကီး”လို့ ပေးထားတာတွေရပြန်တယ်။
.
ဒါရိုက်တာ ကိုဇော်(အာရုဏ်းဦး) ရိုက်ပြီး နေတိုး၊ ဝေဠုကျော်၊သက်မွန်မြင့်တို့ အဓိက သရုပ်ဆောင်ထားပြီး လူကြိုက်များလှတဲ့ ရုံတင်ကား “လာထား အာဘွား”ဆိုတဲ့ ဇာတ်ကားတစ်ခုလုံးမှာဆိုရင် သရုပ်ဆောင် ခင်လှိုင်ဟာ မိန်းမလျာအဖြစ် သရုပ်ဆောင်ပြီး၊ ကြည့်ရှုသူတွေ ရယ်ရအောင် ဖန်တီးထားတာ တွေ့ရပြန်တယ်။
.
ဒီလိုပဲ အငြိမ့်တွေမှာလည်း ဟာသ ပြတ်လုံးထုတ်တဲ့အခါမျိုးမှာ လိင်ကွဲပြားမှု၊ အမျိုးသမီးတွေ၊ မိန်းမလျာတွေ။ အသားမည်းသူတွေ၊ လူမျိုးခြား ၊ဘာသာခြားတွေ၊ တိုင်းရင်းသား ဘာသာစကားတွေကို ဟာသလုပ် ပြတ်လုံးထုတ်လေ့ရှိတာကို တွေ့နိုင်တယ်။
ခင်လှိုင်၊ဒိန်းဒေါင် တို့ အဓိက ပါဝင်တဲ့ အငြိမ့်တစ်ခုမှာဆိုရင် ပြတ်လုံးအနေနဲ့ ပြောတဲ့စကားမှာ “မင်းတို့လို နိမ့်ကျတဲ့ မိန်းကလေးတစ်ယောက် လက်ကို ဒို့လို မြင့်မြတ်တဲ့ ယောက်ကျားကလေးတစ်ယောက်က ကိုင်တာ ဂုဏ်တောင်ယူရဦးမယ် ဟိုက်ရှားး ” ဆိုပြီး ကျားမ ခွဲခြားမှုနဲ့ ဟာသ လုပ်ကြပြန်တာကို တွေ့ရပြန်တယ်။
.
ဒါကို ပွဲကြည့်ပရိတ်သတ်တွေကလည်း သဘောတကျ ရယ်မောကြတယ် ဆိုတာ က ခွဲခြားဆက်ဆံမှုကို အားပေးအားမြှောက်ပြုနေတဲ့ပုံစံကို သက်ရောက်နေတယ်။
.
အဲ့ဒီ အငြိမ့်မှာပဲ “အခု ၂၀၁၃ ရောက်နေပြီ မင်းတို့ မိန်းမတွေ ရင်ထုပြီး လင်လုရမယ်”လို့ ဆိုပြီး ပိုပြီးဆိုတဲ့ စကားလုံးတွေကိုတောင် ဟာသအနေနဲ့ ပြက်ထားပါသေးတယ်။
.
ဒီလို နာမည်ရ သရုပ်ဆောင်တွေ၊ လူရွှင်တော် အနေနဲ့တောင် သူတို့ ပြောဆိုသရုပ်ဆောင်လိုက်တဲ့ ဇာတ်ဝင်ခန်းတွေ၊ သူတို့ ဟသအဖြစ် လုပ်လိုက်တဲ့ ပြက်လုံးတွေဟာ ဘယ်လို ခွဲခြားဆက်ဆံမှုတွေဖြစ်စေတယ်၊ လူ့အဖွဲ့အစည်းအတွက်ဘယ်လိုအကျိုးသက်ရောက်မှုတွေ ရှိစေတယ်ဆိုတာကို သတိမထားမိဘဲ နေကြတာဟာ မြန်မာ့လူ့အဖွဲ့အစည်းအတွက် စိုးရိမ်စရာ အခြေအနေလို့လည်းဆိုနိုင်တယ်။
.
Five Star အငြိမ့်က လူရွှင်တော်အချို့ပါဝင်တဲ့ ဇာတ်ကားတစ်ခုမှာ ဆိုရင် “လူကောင်းနဲ့ လူမည်း မခွဲတတ်ဘူးလား”ဆိုတဲ့ စကားလုံးအပါအ၀င် သားရောင်မည်းတာကို ဇာတ်ဝင်ခန်းတစ်ခုလုံး ဟာသ လုပ်သွားတာ တွေ့ရပြန်တယ်။
.
ဒီထုတ်နုတ်ပြတဲ့ ဇာတ်ဝင်ခန်းတွေဟာ ဇတ်ကားအနည်းစုတွေထဲကသာ ဖြစ်ပြီး ဇတ်ကားအများစုမှာလည်း ခွဲခြားဆက်ဆံခြင်း အမူအကျင့်တွေ တော်တော်များများပါနေတာကို မြန်မာ ရုပ်ရှင်ဗီဒီယိုတွေ မှာ သတိထားကြည့်ရင် တွေ့နိုင်တယ်။
.
ခွဲခြားဆက်ဆံမှုတွေကနေတဆင့်၊ မသိစိတ်တွေမှာ အကြမ်းဖက်စိတ်တွေ ဖြစ်လာမယ်၊ ကိုယ်နဲ့ လူမျိုး၊ဘာသာ မတူညီတဲ့ သူတွေကို ဖိနှိပ်ဖို့ လှောင်ပြောင်ဖို့၊ မုန်းတီးဖို့ အကြမ်းဖက်ဖို့ လွယ်ကူလာမယ်ဆိုတာကို သတိပြုရမယ့်အစား ရုပ်ရှင်ဗီဒီယိုတွေက လူ့အဖွဲ့အစည်းအတွင်းမှာ ခွဲခြားဆက်ဆံခြင်း အမူအကျင့်တွေ ရလာဖို့ ပိုလို့တောင် တွန်းအားပေးနေတယ်လို့ ဆိုရမှာပါ။
.
တစ်ချို့အငြိမ့်ပြက်လုံးတွေမှာဆိုရင်လည်း တိုင်းရင်းသားတွေရဲ့ ပင်ကိုစကားဝဲတတ်တဲ့ အသံကို ဟာသ လုပ်တတ်ကြတာ တွေ့နိုင်တယ်။
.
ဥပမာအနေနဲ့ ပြရရင် အခုချိန်မှာ အရမ်းရိုးသွားတဲ့ ပြက်လုံးတစ်ခုကို ပြရရင် စပါကရင်ဆိုတဲ့ အချိုရည်အမည်ကို ကရင်တိုင်းရင်းသားတွေ စကားသံဝဲ၀ဲနဲ့ ဆဲဆိုမှုအသံနဲ့ ပြက်ကြ တယ်။ ဒါတင်မကသေးဘူး တရုတ်အနွှယ်တွေရဲ့လူမျိုးရေး စကားအသံဟန်တွေ၊ အိန္ဒိယအနွယ်တွေရဲ့ လူမျိုးရေး စကားအသံဟန်တွေကိုလည်း ပြက်လုံးထုတ်ကြလေ့ရှိတယ်။
.
မြန်မာ့လူ့အဖွဲ့အစည်းကို နောက်ထပ် အဆိပ်အတောက်ဖြစ်စေတဲ့ ဇတ်ကားမျိုးကတော့ အာဏာရှင်အကြိုက် အမျိုးသားရေးဝါဒကို ရှေ့တန်းတင်ထားတဲ့ ဇတ်ကားတွေနဲ့ ၊ တော်လှန်ရေးဇတ်ကားတွေပါပဲ။ တော်လှန်ရေး ဇတ်ကားတွေမှာဆိုရင် သမိုင်းကြောင်းတွေထက် လူမျိုးခြားမုန်းတီးမှု အပြည့်အ၀ အသုံးပြုထားတာတွေ့ရမယ်။ အဲ့ဒီဇတ်ကားတွေမှာ သူတစ်ပါးလူမျိုးကို အထင်သေး ရွံမုန်းအောင် ပြုလုပ်တဲ့ နည်းနဲ့ ကိုယ့်လူမျိုး ကိုယ့်နိုင်ငံကို တန်ဖိုးထားစိတ်ကို ပြသလေ့ရှိကြတယ်။
.
သာမန်ချစ်ကြိုက်ကွဲညား ဇတ်လမ်းတွေမှာဆိုရင်လည်း ဗီလိန်ဇတ်ဆောင် နေရာကို ဖန်တီးတဲ့နေရာမှာ ကြည့်ရှုသူတွေအနေနဲ့ အဖွဲ့အစည်း နယ်ပယ်တစ်ခုကို ကိုယ်စားပြုပြီး မြင်အောင် ဖေါ်ပြလေ့ရှိကြတယ်။ ဥပမာပေးပြောရမယ်ဆိုရင် မိဘသဘောတူသူ ဗီလိန်သရုပ်ဆောင်တွေနေရာမှာ သင်္ဘောသားတွေ၊ ကိုယ်ပိုင်လုပ်ငန်းရှင်တွေလို့သာ ရိုက်ကူးလေ့ရှိကြတယ်။ အထူးသဖြင့် သဘောင်္သားဇာတ်ဆောင်ဆိုရင် ရှုပ်ပွေသူ HIV ကူးဆက်ခံရသူလို့တောင် ရိုက်ကူးပြကြတာကိုတွေ့ရတယ်။ ဘယ်သောအခါမှ ဗီလိန်သရုပ်ဆောင်နေရာမှာ မရှိတဲ့ ဇာတ်ရုပ်တွေကတော့ စစ်ဗိုလ်လို၊ ရဲဝန်ထမ်းလို ဇတ်ဆောင်မျိုးတွေပဲဖြစ်တယ်။ ဆိုလိုချင်တာကတော့ ကောင်းမှု၊မကောင်းမှု၊ ကောင်းသူ၊မကောင်းသူ ဆိုတာကို ရိုက်ကူးပြတာမှာ ယူနီဖေါင်းနဲ့ တွဲပြီးကြည့်တတ်တဲ့ အမူအကျင့်တွေရအောင် တွန်းပို့နေတဲ့ ဇာတ်ကားတွေလို့ ဆိုရမယ်။
.
ဝါဒဖြန့်ချီရေးကိုဆောင်ရွက်တဲ့နေရာမှာ ရုပ်ရှင်ဗီဒီယိုတွေက အကောင်းဆုံးစွမ်းဆောင်ပေးနိုင်တယ်ဆိုတာကို လက်ကိုင်ထားပြီး အရင်အစိုးရရဲ့ ၀ါဒဖြန့်ချီရေး ဇတ်ကားတွေမှာဆိုရင်လည်း တိုင်းရင်းသား လက်နက်ကိုင်တပ်ဖွဲ့တွေအပေါ် တစ်လွဲပုံဖေါ်ကြတဲ့အပြင် ခွဲခြားဆက်ဆံတဲ့ ဇတ်ကွက်တွေကိုလည်းတွေ့ရနိုင်တယ်။ အဲ့ဒီ ဇတ်ကားတွေကိုပဲ အစိုးရသစ်လက်ထက်မှာ နိုင်ငံပိုင်ရုပ်သံမီဒီယာတွေကနေ ထုတ်လွှင့်နေစဲဖြစ်တယ်။ တရားသူကြီးတစ်ယောက်မှားရင် အပြစ်မဲ့သူတစ်ယောက် နှစ်ရှည်ထောင်ဒဏ်တွေ ကျခံသွားရနိုင်တယ်။
.
ဆရာဝန်တစ်ယောက်မှားရင် အနည်းဆုံး လူနာတစ်ယောက် အသက်ဆုံးရှုံးနိုင်တယ်။
.
အင်ဂျင်နီယာတစ်ယောက်မှားရင် လူရာနဲ့ ချီအောင် ထိခိုက်ဒဏ်ရာရ အသက်ဆုံးရှုံးရနိုင်တယ်။ မီဒီယာတစ်ခုမှားရင် လူ့အဖွဲ့အစည်းတစ်ခုလုံး ပျက်ဆီးသွားနိုင်တယ်။
.
ဒါကတော့ ကျွမ်းကျင်လုပ်ကိုင်ရာ နယ်ပယ်တွေရဲ့ တာဝန်ခံမှု တာဝန်ယူမှုတွေနဲ့ ပတ်သက်ပြီး လူ့အဖွဲ့အစည်းအပေါ် အကျိုးသက်ရောက်မှုတွေအပေါ် သတိပေးလေ့ရှိကြတဲ့ ဥပမာတွေပဲဖြစ်ပါတယ်။
.
မီဒီယာတွေရဲ့ တာဝန်ယူမှု တာဝန်ခံမှုတွေက လူ့အဖွဲ့အစည်းတစ်ခုလုံးအပေါ် အကျိုးသက်ရောက်မှုအများကြီး ရှိနေနိုင်တယ်လို့ ဆိုရမယ်။
.
မီဒီယာတွေထဲကမှ ဖျော်ဖြေရေးမီဒီယာတစ်ခုဖြစ်တဲ့ မြန်မာရုပ်ရှင်ဗီဒီယို ဇာတ်လမ်းတွေဟာ မြန်မာ့လူ့အဖွဲ့အစည်းကို ဘယ်လိုအခြေအနေမျိုးရောက်အောင် တွန်းပို့နေသလဲ၊ ဘယ်လိုလူ့အဖွဲ့အစည်းတစ်ခုဖြစ်လာအောင် ဆွဲခေါ်နေသလဲဆိုတာ ဆန်းစစ်ကြည့်ဖို့တော့ လိုနေပါတယ်။ မြန်မာ့ရုပ်ရှင် အင်စတီးကျူးရှင်းတစ်ခုလုံးအနေနဲ့လည်း ပြန်ပြီး ဆန်းစစ်ကြည့်ဖို့ ပြုပြင်ဖို့ လိုအပ်နေမှာဖြစ်တယ်။
.
ခွဲခြားဆက်ဆံခြင်းအမူအကျင့်တွေနဲ့ အကြမ်းဖက်စိတ်တွေဟာ လူ့အဖွဲ့အစည်းတစ်ခု အတွက် ထိတ်လန့်စရာအကောင်းဆုံး အရာတွေလို့ ဆိုရမယ်။ လူ့အဖွဲ့အစည်းတစ်ခု အတွင်းမှာ ခွဲခြားဆက်ဆံမှုတွေ၊ အကြမ်းဖက်စိတ်တွေ၊ လူ့အခွင့်အရေးတန်ဖိုး စံနူန်းလျော့ကျမှုတွေ ရှိနေရင် အဲ့ဒီလူ့အဖွဲ့အစည်းဟာ ငြိမ်းချမ်းတဲ့ လူ့အဖွဲ့အစည်း ယဉ်ကျေးတဲ့ လူ့အဖွဲ့အစည်းမဖြစ်တော့ပါဘူး။ စိုးရိမ်စရာကောင်းတဲ့ လူ့အဖွဲ့အစည်းတစ်ခုအဖြစ်ကို ရောက်နေပြီလို့ ပဲ ကောက်ချက်ချရမှာပါ။

Discrimination Act ကို ဒီမိုကရေစီနိုင်ငံတွေမှာ ပြဌန်းလေ့ရှိကြတယ်။ မြန်မာနိုင်ငံရဲ့ ၂၀၀၈ ဖွဲ့စည်းပုံအခြေခံဥပဒေ အခန်း (၈)၊ ပုဒ်မ (၃၄၈) မှာလည်း “နိုင်ငံတော်သည် ပြည်ထောင်စုသမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကို အကြောင်းပြု၍ ခွဲခြားမှုမရှိစေရ။” လို့ဆိုပြီး ခွဲခြားဆက်ဆံမှုနဲ့ပတ်သက်ပြီး ပြဌန်းထားတာကို တွေ့ရမယ်။
.
ခွဲခြားဆက်ဆံခြင်းဆိုတာဟာ “လူ့အခွင့်အရေးတည်ရှိမှုကို တိုက်ခိုက်ခြင်းဖြစ်တယ်လို့ အပြည်ပြည်ဆိုင်ရာ လွတ်ငြိမ်ချမ်းသာခွင့်အဖွဲ့ကြီး က အဓိပါယ်ဖွင့်ဆိုမှုမှာ ထည့်သွင်းဖွင့်ဆိုထားတယ်။ ဆိုရရင်တော့ မြန်မာ့ရုပ်ရှင်ဇာတ်လမ်းတွေဟာ ခွဲခြားဆက်ဆံခြင်းအပြုအမှုတွေပါဝင်တဲ့ ဇာတ်လမ်း ဇာတ်ကွက်တွေ၊ ဒိုင်ယာလော့တွေကို အသုံးပြုနေဦးမယ်ဆိုရင် ဒါဟာ လူ့အခွင့်အရေးကို ချိုးဖေါက်နေတာဖြစ်သလို့၊ ၂၀၀၈ ဖွဲ့စည်းပုံအခြေခံဥပဒေကိုလည်း ချိုးဖေါက်ရာရောက်တယ်လို့ သတ်မှတ်ရမယ်။ အဲ့ဒီ ဇာတ်လမ်းရုပ်ရှင်တွေဟာ လူ့အခွင့်အရေးကို ချိုးဖေါက်ဖို့ အားပေးအားမြှောက်ပြုနေတဲ့ အရာတွေလို့လည်း ဆိုနိုင်တယ်။
.
ခွဲခြားဆက်ဆံမှုတွေဟာ လူ့အဖွဲ့အစည်းအတွင်းမှာ ပဋိပက္ခတွေဖြစ်စေတယ်။ ခွဲခြားဆက်ဆံခြင်းအမူအကျင့်တွေကတဆင့် လူတွေရဲ့ မသိစိတ်ထဲကို ကိုယ်နဲ့မတူညီတဲ့ လူတွေအပေါ် အကြမ်းဖက်လိုစိတ်၊ နှိမ်ချလိုစိတ်နဲ့ မုန်းတီးစိတ်တွေ ဖြစ်ပေါ်လာတယ်။ တနည်းအားဖြင့် ပုန်းကွယ်နေတဲ့ အကြမ်းဖက်စိတ်လို့ ပြောရမယ်။ ဒါဟာ လူ့အဖွဲ့အစည်းအတွင်းမှာအကြမ်းဖက် ပဋိပက္ခတွေဖြစ်ပေါ်စေဖို့ အဓိက အကြောင်းအရင်းတစ်ချက်လည်းဖြစ်တယ်။ ယုံကြည်ကိုးကွယ်မှု မတူညီတဲ့ လူ့အဖွဲ့အစည်းနှစ်ခုကြားက မြန်မာပြည်မှာ ဖြစ်ပွားခဲ့တဲ့ ပဋိပက္ခတွေကို ပြန်သုံးသပ်လိုက်မယ်ဆိုရင်လည်း ဖြစ်ပေါ်ရတဲ့ အခြေခံအကြောင်းအရင်းတွေထဲမှာ ပုန်းကွယ်နေတဲ့ အကြမ်းဖက်စိတ်နဲ့ ခွဲခြားဆက်ဆံမှု အမူအကျင့်တွေက အဓိက ကျတဲ့ အချက်ထဲမှာ ပါနေတယ်လို ဆိုရမယ်။
.
အချုပ်အားဖြင့် ဆိုရရင်တော့ လူ့အဖွဲ့အစည်းအပေါ် လွှမ်းမိုးနိုင်တဲ့ ဖျော်ဖြေရေးမီဒီယာတစ်ခုဖြစ်တဲ့ မြန်မာရုပ်ရှင်ဗီဒီယိုကားတွေဟာ မြန်မာ့လူ့အဖွဲ့အစည်းအပေါ် ဘယ်လိုအကျိုးသက်ရောက်မှုတွေ ရှိနေသလဲဆိုတာကို ရုပ်ရှင် အင်စတီးကျူးရှင်းတစ်ခုလုံးက လေ့လာဆန်းစစ်ကြည့်ဖို့ လိုနေပြီလို့ ဆိုရပါမယ်။
.
မြန်မာရုပ်ရှင်ဗီဒီယိုဇတ်ကားတွေနဲ့ ဇတ်ဝင်ခန်းသရုပ်ဆောင်မှုတွေဟာ ၂၀၀၈ ဖွဲ့စည်းပုံအခြေခံဥပဒေ အခန်း (၈)၊ ပုဒ်မ (၃၄၈) ရဲ့ “နိုင်ငံတော်သည် ပြည်ထောင်စု သမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကို အကြောင်းပြု၍ ခွဲခြားမှုမရှိစေရ။” ဆိုတဲ့ စံနဲ့ ကိုက်ညီမှုရှိကြရဲ့လားဆိုတာ မဖြစ်မနေ ဆန်းစစ်ကြည့်ဖို့ လိုနေတယ်လို့ဆိုရမယ်။ ဘာကြောင့်လဲဆိုရင်တော့ ဒါဟာ မြန်မာ့လူ့အဖွဲ့အစည်းအတွက် အရေးကြီးတဲ့ ကိစ္စရပ်တစ်ခုဖြစ်နေတာကြောင့်ပါပဲ

April 4, 2016
အရိုးစွဲနေသော ခွဲခြားကန့်သတ်မှု့များလည်း ပြောင်းလဲချိန်တန်ပြီ

စိုင်းလတ် ဧရာဝတီ ၂၀၁၆ ဧပြီ ၀၄
.

လူဝင်မှုကြီးကြပ်ရေး ၀န်ကြီးဟောင်း ဦးခင်ရီကို သူ၏ ရုံးခန်းရှေ့တွင် ၂၀၁၃ ခုနှစ်အတွင်းက မြင်ရစဉ် (ဓာတ်ပုံ – Reuters)
ပြီးခဲ့သည့်နှစ်က ရှမ်း-ဓနု တိုင်းရင်းသား မွတ်ဆလင် ဆယ်ကျော်သက် တဦးနှင့် အတူ ရှမ်းပြည်နယ်အတွင်းရှိ လူဝင်မှုကြီး ကြပ်ရေး ရုံးတရုံးသို့ ကျနော်ရောက်ခဲ့ပါသည်။ အထက်တန်းကျောင်းမှတဆင့် နိုင်ငံသား စိစစ်ရေးကတ်ပြား လျှောက်ထား ခဲ့ခြင်းအတွက် စုံစမ်းရန်သွားရောက်ခဲ့ခြင်း ဖြစ်ပါသည်။ သူ၏ သူငယ်ချင်းများကတော့ မှတ်ပုံတင်ရခဲ့ကြပြီး ဖြစ်သော်လည်း သူ့ကို လူဝင်မှုကြီးကြပ်ရေးရုံးသို့ လာရောက်ရန်ခေါ်သည်။
.
သူက သူ့ကို ခေါ်ရသည့် အကြောင်းရင်းကို မေးသည့်အခါ သူ့ကို “မင်းက သွေးရောတဲ့ ကပြားလား” ဟု မေးပါသည်။ မေး ခွန်းကို မိန်းကလေးက နားမလည်ပါ။ “မင်းက တရုတ်လား” ဟု အဆိုပါ တာဝန်ရှိသူက ထပ်မေးပါသည်။ မိန်းကလေးက တရုတ်လူမျိုးနှင့် အနည်းငယ်သာ တူပါသည်။ သူ၏ ဖခင်က ဓနုတိုင်းရင်းသား ဖြစ်ပြီး မိခင်က ရှမ်းတိုင်းရင်းသူ တဦးဖြစ် သည်။ သူတို့ကိုယ်တိုင် မြန်မာနိုင်ငံသားများ ဖြစ်သလို သူတို့၏ မိဘများကလည်း နိုင်ငံသားများ ဖြစ်သည်။
.
“ကျမက မွတ်ဆလင်ပါ” ဟု မိန်းကလေးက ပြန်ဖြေသည်။
.
“ဟုတ်တယ် အဲဒါ ကပြားပေါ့” ဟု တာဝန်ရှိသူက စိတ်မရှည်သော လေသံဖြင့် ပြောသည်။ ထို့ကြောင့် ရုံးသို့ လာရခြင်းဖြစ် သည်ဟုလည်း ထပ်ပြောသည်။
.
သွေးရောခြင်းက သူ သို့မဟုတ် သူ့မိဘများ၏ လူမျိုးနှင့် မဆိုင်ပါ။ ကိုးကွယ်သော ဘာသာကြောင့် ဖြစ်သည်။ မွတ်ဆလင် များအတွက် အတန်းအစား ခွဲခြား သတ်မှတ်ချက် ရှိသည့် သဘောဖြစ်နေသည်။
.
သူ့ကို သွေးရောသည့် ကပြားတယောက်အဖြစ် သတ်မှတ်လိုက်ခြင်းကြောင့် ငွေကြေးအကုန်အကျခံဖို့ ဖြစ်လာသည်။ သူ၏ လျှောက်လွှာကို လက်ခံဖို့အတွက် အငယ်တန်းအရာရှိတယောက်ကို ကျပ် ၇၀၀၀ ပေးလိုက်ရသည်။ သူလုပ်လိုက်သည်မှာ မိန်းကလေး၏ စာရွက်စာတမ်းများကို ဖိုင် အဟောင်းတခုထဲသို့ ထည့်လိုက်ခြင်းသာ ဖြစ်ပါသည်။
.
အဆိုပါ မိန်းကလေး၏ အဖြစ်က မြန်မာနိုင်ငံမှ မွတ်ဆလင် အသိုင်းအ၀ိုင်း၏ အခြေအနေနှင့် ပတ်သက်၍ နိုင်ငံရေးအရ အခြေအတင် ကိစ္စများ တိုးလာနေသည်ကို ဖော်ပြနေခြင်း ဖြစ်သည်။ အလွန် ရှုပ်ထွေးပါသည်။ မြန်မာမဟုတ်သူဟု ယူဆခြင်းခံရသူများကို ဆန့်ကျင်သည့် သဘောထားများ မြင့်တက်လာနေသည့် နိမိတ်ဆိုးတခုလည်း ဖြစ်ခဲ့သည်။ နိုင်ငံသား အဖြစ်မှ ပြန်လည်ရုပ်သိမ်းမှုများလည်း အမြောက်အမြားရှိခဲ့သည်။
.
ဆွန်နီ အများစုဖြစ်သည့် မွတ်ဆလင်များသည် နိုင်ငံလူဦးရေ၏ ၄ ရာခိုင်နှုန်းမျှသာရှိသည်ဟု နောက်ဆုံး ကောက်ယူခဲ့သည့် အစိုးရ သန်းခေါင်စာရင်းအရ သိရသော်လည်း ၆ ရာခိုင်နှုန်းမှ ၁၀ ရာခိုင်နှုန်း အထိ ရှိနိုင်သည်ဟု မြန်မာနိုင်ငံမှ အစ္စလာမ် ပညာရှင်များက ဆိုသည်။ သူတို့ကို လူဦးရေ၏ ၈၉ ရာခိုင်နှုန်း ရှိသည့် ထေရ၀ါဒ ဗုဒ္ဓဘာသာ၏ ခေါင်းဆောင်အချို့က မကောင်းဆိုးရွားများသဖွယ် ယူဆထားကြသည်။ လူအများအပြားက ဘင်္ဂလီများသည် အကြမ်းဖက်သမားများ၊ ပဋိပက္ခ ဖန်းတီးနေသည့် ပြဿနာလုပ်သူများ ဖြစ်ကြ၍ သူတို့၏ ဘာသာရေးကို နှိပ်ကွပ်ရမည်ဟု အထပ်ထပ် ပြောခဲ့ကြပါသည်။ အစိုးရ၏ လုပ်ငန်းများကို နောက်ကွယ်မှ ဆက်လက်ထိန်းသိမ်းလိုသော စစ်တပ်က လှုံ့ဆော်ခြင်းဟုလည်း သတင်းများ ထွက်ပေါ်ခဲ့သည်။ ပဋိပက္ခများကို အမြန်ဆုံးရပ်တန့်ရမည်၊ နားလည်မှုလွဲမှားခြင်းနှင့် ပြဿနာများကို ရှင်းလင်းရန် အတွက် နိုင်ငံရေးအရ ဆွေးနွေးမှုများ လိုအပ်သည် ဆိုခြင်းကို လူအများစုက လက်ခံကြပုံ မရပါ။
.
လူမျိုးရေးခွဲခြားသည့် ရေးသားဖော်ပြမှုများက လူမှုကွန်ရက်ဝက်ဘ်ဆိုက်များနှင့် ပုံနှိပ်စာရွက်စာတမ်းများတွင် နေ့စဉ်လို ပေါ်ထွက်ခဲ့ပြီး ပြင်းထန်သော မွတ်ဆလင်ဆန့်ကျင်ရေး ပြောဆိုစည်းရုံးမှုများကို မီးထိုးပေးခဲ့သည်။ နိုင်ငံအတွင်းရှိ လူဝင်မှု ကြီးကြပ်ရေး ရုံးအသီးသီးတွင်လည်း “မြေပြို၍ လူမျိုးမပြုတ်၊ လူမျိုမှ လူမျိုးပြုတ်မည်။” ဟုရေးထားသည့် ဆိုင်းဘုတ်ကို တွေ့ရမည်ဖြစ်သည်။
.
သားကောင်ဘဝကျရောက်နေပြီဟု ကိုယ့်ကိုယ်ကိုယ် ခွဲခြားသတ်မှတ်ခြင်း၏ နိုင်ငံရေးသက်ရောက်မှုက မွတ်ဆလင်ဆန့်ကျင်ရေး လှုပ်ရှားမှု အပေါ် အထောက်အပံ့ ဖြစ်စေခဲ့သည်ကို ကြီးမားသော အကြမ်းဖက်မှုများက သက်သေဖြစ်သည်။
.
မြန်မာနိုင်ငံ၏ ၁၉၈၂ ခုနှစ် နိုင်ငံသား ဥပဒေအရ တရားဝင်တိုင်းရင်းသားလူမျိုးစုဆိုသည်မှာ မြန်မာနိုင်ငံ၏ လက်ရှိ ပိုင်နက် နယ်မြေဒေသများတွင် ၁၈၂၃ ခုနှစ် မတိုင်မီကထဲက အမြဲနေထိုင်ခဲ့သည့် လူမျိုးစုများ ဖြစ်ကြသည်။ အင်္ဂလိပ်-မြန်မာ ပထမ စစ်ပွဲမတိုင်မီ တနှစ် အလိုက ဖြစ်သည်။
.
ထိုအချိန်က ယခုမြန်မာနိုင်ငံဟု ကျနော်တို့သိကြသည့် နိုင်ငံမရှိသေးပါ။ ထို့ပြင် တရားဝင်သတ်မှတ်ထားသည့် တိုင်းရင်းသား လူမျိုး ၁၃၅ မျိုး ဆိုသည်မှာလည်း သမိုင်းတလျှောက်တွင် အမျိုးအစားသတ်မှတ်ချက် ကွဲပြားမှုများ ရှိနေသည်။ ဥပမာ ၁၉၆၀ ခုနှစ်တွင် ယဉ်ကျေးမှုဝန်ကြီးဌာန၏ ထုတ်ပြန်ချက်တခုတွင် တိုင်းရင်းသား လူမျိုးစု ၅၀ ခန့်ရှိသည်ဟု ခန့်မှန်းဖော် ပြထားသော်လည်း ၁၉၇၁ ခုနှစ်တွင် လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနမှ ထုတ်ဝေသည့် လက်စွဲစာအုပ်တွင် တိုင်းရင်းသား လူမျိုး ၁၄၄ ခု စာရင်းသွင်းထားသည်ကို တွေ့ရသည်။
.
ထိုစာရင်းတွင် မွတ်ဆလင်နှင့် တောင်အာရှ လူမျိုးစုများကို ရခိုင်-စစ်တကောင်း၊ ဗမာ မွတ်ဆလင်၊ ရခိုင်-ကမန် နှင့် ဗမာ-အိန္ဒိယ စသည်ဖြင့် ဖော်ပြထားသည်ကို တွေ့ရသည်။ အစိုးရက မည်သည့်အချိန်မှာမှ တရားဝင် ထုတ်ပြန်ခြင်း မရှိခဲ့သော နောက်ဆုံးစာရင်းတွင်မူ တိုင်းရင်းသားလူမျိုး ၁၃၅ ခုသာ ပါဝင်တော့သည်။ မွတ်ဆလင် အားလုံးနှင့် တောင်အာရှ နွယ်ဖွားများ ဖယ်ထုတ်ခြင်း ခံခဲ့ရသည်။ မြန်မာနိုင်ငံ၏ နိုင်ငံသား ဥပဒေနှင့် ဖွဲ့စည်းပုံအခြေခံဥပဒေ ၃ ခုတို့မှ ၀ိရောဓိများကြောင့် တိုင်းရင်းသား မိဘများမှ မွေးဖွားသော နိုင်ငံသားများ၊ မွေးရာပါ နိုင်ငံသားများ၊ ဧည့်နိုင်ငံသားများ၊ နိုင်ငံသား အဆင့်အတန်းအတွက် သံသယရှိသူများ၊ မွေးရာပါ နိုင်ငံသားဖြစ်ခွင့်ရှိသူများ၊ ရွေးကောက်ပွဲဝင်ခွင့်ရှိသည့် နိုင်ငံသားများနှင့် ရွေးကောက်ပွဲ ၀င်ခွင့် မရှိသည့် နိုင်ငံသားများ ဟူ၍ ရှုပ်ထွေးမှုများ ဖြစ်စေခဲ့သည်ဟု တရားရုံးချုပ်ရှေ့နေ ဦးကိုနီက ပြည်သူ့ခေတ် ဂျာနယ်တွင် ရေးသားခဲ့သည်။
.
ဥပဒေပြုရေးဆိုင်ရာ ချို့ယွင်းချက်များ၊ ဥပဒေ အကောင်အထည်ဖော်မှုနှင့် နိုင်ငံရေး သို့မဟုတ် ရွေးကောက် တင်မြှောက်ခြင်း ဆိုင်ရာ ခွဲခြားမှုများအပြင် မြန်မာနိုင်ငံမှ မွတ်ဆလင်များသည် နိုင်ငံသား သို့မဟုတ် နိုင်ငံခြားသား တချိန်တည်းမှာပင် ဖြစ်နေနိုင်ခြင်းနှင့် ကြုံတွေ့နေရသည်။
.
ပထမဆုံး အနေဖြင့် နိုင်ငံသား အဆင့်အတန်း ရရှိသူတယောက်ကို ထုတ်ပေးသော အသိအမှတ်ပြု ကတ်ပြား၏ အမည်ပင် လျှင် နိုင်ငံသား စိစစ်ရေးကတ်ဟူ၍ ဖြစ်နေသည်။ သုံးစွဲထားသည့် စိစစ်ရေးဆိုသည့် စကားလုံးက စောင့်ကြည့် စစ်ဆေး နေသည့် အခြေအနေဟု အဓိပ္ပါယ်ထွက်နေသည်။ နိုင်ငံသားများကို လူပုဂ္ဂိုလ်အလိုက် စိစစ်ခြင်းသာမက လူမျိုးနှင့် ဘာသာကို ကာကွယ်သည်ဆိုသော ခေါင်းစဉ်ဖြင့် ပြည်သူတို့၏ အခွင့်အရေးများကိုလည်း ကန့်သတ်ထားသည်။
.
လူဝင်မှုကြီးကြပ်ရေး ရုံးများတွင် ကျနော် အဖော်လိုက်သွားပေးခဲ့သော မိန်းကလေးကဲ့သို့ပင် “သွေးရော ကပြား” ဆိုသည့် အသုံးကို မကြာခဏ ဆိုသလို သုံးစွဲလျက် ရှိသည်။ သွေးရောခြင်းက ၂၁ ရာစု၏ လူမှုနိုင်ငံရေးတွင် ရှက်စရာ တခု မဟုတ်ပါ။ လူဝင်မှုကြီးကြပ်ရေး ၀န်ကြီးဟောင်း ဦးခင်ရီက မြန်မာနိုင်ငံတွင် နိုင်ငံသား သတ်မှတ်မှုကို သွေးဖြင့် သတ်မှတ်သည်ဟု ပြောကြားခဲ့သည်။
.
ထိုသို့ အံ့ဩဖွယ် ကောင်းသော အလားတူဖြစ်ရပ်မှာ မွတ်ဆလင်များ၏ မှတ်ပုံတင်ကတ်များတွင် လူမျိုးနှင့် ဘာသာကို ဖော်ပြသည့်နည်း ဖြစ်သည်။ ဓနုတိုင်းရင်းသား ဖခင်နှင့် အင်းသားတိုင်းရင်းသူ မိခင်တို့မှ မွေးဖွားသည့် တက္ကသိုလ်ကျောင်းသား တယောက်၏ စိစစ်ရေး ကတ်ပြားတွင် သူ၏ လူမျိုးနှင့် ဘာသာကို အိန္ဒိယ+ဗမာ+ဓနု+အင်းသား+ အစ္စလာမ် ဟု အဖြတ်အတောက်မရှိ ဖော်ပြထားသည်ကို တွေ့ရသည်။ ထိုသို့ဖြစ်ရခြင်းမှာ မွတ်ဆလင်တိုင်းက ၎င်းတို့သည် အိန္ဒိယ၊ ပါကစ္စတန် သို့မဟုတ် ဘင်္ဂါလီ ဖြစ်ကြောင်း စိစစ်ရေး ကတ်ပြားတွင် ဖော်ပြရန် လိုအပ်ခြင်းကြောင့် ဖြစ်သည်။
.
လူမျိုး အခေါ်အဝေါ်များသဖွယ် ဖော်ပြထားသော်လည်း အိန္ဒိယနှင့် ပါကစ္စတန် တို့သည် နိုင်ငံများသာ ဖြစ်ကြသည်။ အဆိုပါ စကားလုံးများကို နိုင်ငံသား သို့မဟုတ် လူမျိုး အဖြစ် အသုံးပြုရန် တရားဝင် ရှင်းလင်းဖော်ပြထားခြင်းမျိုး မရှိသော်လည်း လူမျိုးနှင့် ကိုးကွယ်သည့် ဘာသာကို ခေါင်းစဉ်တပ်ရန် အလွယ်တကူ သုံးစွဲလိုက်ခြင်း ဖြစ်ပုံရပါသည်။
.
တက္ကသိုလ်ကျောင်းသားလေး၏ ကိစ္စတွင်သူ၏ မိခင် အကြောင်းမှာလည်း စိတ်ဝင်စားစရာ ဖြစ်သည်။ မိခင်ဖြစ်သူမှာ အင်းသား တိုင်းရင်းသူ ဖြစ်ပြီး ဘင်္ဂလီလူမျိုးနှင့် ဆက်နွယ်ပတ်သက်မှု မရှိသော်လည်း နိုင်ငံသား စိစစ်ရေး ကတ်ပြားတွင် ဘင်္ဂလီဟု ဖော်ပြထားသည်ကို တွေ့ရသည်။ နိုင်ငံသား စိစစ်ရေး ကတ်ပြားများထုတ်ပေးသည့် ၁၉၈၉ ခုနှစ်တွင် လူဝင်မှု ကြီးကြပ်ရေး တာဝန်ရှိသူများက အင်းလေးကန်ဒေသရှိ ကျေးရွာငယ်လေးတခုတွင် နေထိုင်သော အဆိုပါ အမျိုးသမီး၏ ဖခင် ဖြစ်သူကို ဘင်္ဂလီဟု စာရင်းသွင်းရန် ပြောခဲ့ကြသည်။ နားမလည်သည့် အဘိုးအိုကလည်း “ကိစ္စမရှိဘူး၊ ခင်ဗျားတို့ ရေးချင်တယ် ဆိုရင်ရေးလိုက်” ဟု ခွင့်ပြုခဲ့သည့် အတွက် ဘင်္ဂလီ ဖြစ်လာခဲ့သည်။
.
နောက်ဆက်တွဲ အနေဖြင့် သမီးအတွက် စိစစ်ရေး ကတ်ပြားထုတ်ပေးသည့် အချိန်တွင်လည်း ဘင်္ဂလီဟု ဖော်ပြခြင်းခံခဲ့ရသည်။ ဘင်္ဂလီဟု သတ်မှတ်ခံရခြင်းကြောင့် ဒုက္ခရောက်ရမည်ကို နားလည်လိုက်သည့် အချိန်တွင် မြို့နယ်တရားရုံးသို့ သွား၍ သူသည် ဘင်္ဂလီ မဟုတ်ဘဲ အင်းသား ဖြစ်ကြောင်း ကျမ်းကျိန် ခဲ့သည်။ ကျမ်းကျိန်ခဲ့ပြီး နောက်ပိုင်းတွင် သူ၏ တိုင်းရင်းသား အမည်သတ်မှတ်ချက်ကို မြို့နယ်လူဝင်မှုကြီးကြပ်ရေး အရာရှိက ပြောင်းမပေးခဲ့သော်လည်း နောက်ဆုံးတွင် သူအနိုင်ရရှိခဲ့သည်။ ဘင်္ဂလီဆိုသည့် သတ်မှတ်ချက်ကို ပယ်ဖျက်နိုင်ခဲ့သည်။
.
ရှမ်းပြည်နယ်၏ မြို့တော်တောင်ကြီးမှ နောက်ထပ်မိသားစုတစုတွင် ကလေးငယ်တယောက်ကို “အိန္ဒိယ+ဗမာ+အစ္စလာမ်” ဟု သတ်မှတ်ခဲ့သော်လည်း နောက်ကလေး တယောက်ကို မူ“ပါကစ္စတန်+ရှမ်း+ဗမာ+အစ္စလာမ်” ဟု သတ်မှတ်ခဲ့သည်။ သူတို့ မှာ မိသားစုတစုတည်းမှ ဖြစ်ကြသည်။ အစိုးရအတွက်တော့ အရေးမကြီးသည့် အသွင်ဖြစ်သည်။
.
တောင်ကြီးမြို့တွင် မျိုးဆက် ၄ ခုမျှ နေထိုင်ခဲ့ကြသူများကို နိုင်ငံခြားသားများအဖြစ် ဖန်တီးလိုက်ခြင်း ဖြစ်ပါသည်။ သူတို့သည် ရွှေ့ပြောင်းဝင်ရောက်လာကြသူများ မဟုတ်ကြပါ။ သို့သော်လည်း တရားဝင် အမည်သတ်မှတ်ချက်ကြောင့် “ကုလား”ဟု သိကြသည့် တောင်အာရှဒေသမှ နိုင်ငံခြားသားများ ဖြစ်သွားကြသည်။ ပထမ ကိစ္စ ၂ ခု (အထက်တန်းကျောင်းသူလေးနှင့် တက္ကသိုလ်ကျောင်းသား) တွင် ပေါ်လွင်ထင်ရှားနေသည့် အချက်မှာ မိမိတို့ဒေသတွင် ကောင်းစွာသိရှိ နေထိုင်ခဲ့ကြသူများ၏ မြေးများကို ရှမ်းပြည်နယ်သို့ အစိုးရတာဝန်(မည်သူသည် နိုင်ငံသားဖြစ်သင့်သည် မဖြစ်သင့်သည်ကို စိစစ် သတ်မှတ်ချက်)ဖြင့် ပြောင်းရွှေ့လာသော ဗမာများက နိုင်ငံခြားသားများ၊ အပြင်လူများ အဖြစ် သတ်မှတ်လိုက်ခြင်းဖြစ်သည်။ နောက်မှ ရောက်လာသည့် သူစိမ်းများက ဒေသခံ မိသားစုများကို အပြင်လူများ အဖြစ် ပြောလိုက်ခြင်း ဖြစ်ပါသည်။
.
နိုင်ငံအတွင်းတွင် မွေးဖွားခဲ့သော မွတ်ဆလင်များကို နိုင်ငံခြားသားများ အဖြစ်သို့ ပြောင်းလဲလိုက်ခြင်း အပြင် အာဏာပိုင်များ က လူမျိုးစုများကို စနစ်တကျ ဖျောက်ဖျက်ခြင်းများလည်း ဆက်ရှိနေသည်။ ဥပမာ ပြရလျှင် ပသီလူမျိုးများသည် မြန်မာနိုင်ငံ အလယ်ပိုင်းတွင် အများဆုံးနေထိုင်ကြသည့် မွတ်ဆလင်များ ဖြစ်ကြပြီး မြန်မာဘုရင်များလက်ထက်ကတည်းက နေထိုင်ခဲ့သည့် သမိုင်းကြောင်း ရှိသူများလည်း ဖြစ်ကြသည်။ ၁၉ရာစု နှစ်အလယ်ပိုင်းခန့်မှစ၍ှဗမာ မွတ်ဆလင်များအဖြစ် ယေဘုယျ ရည်ညွှန်းခဲ့ကြသော်လည်း ပသီလူမျိုးဆိုသည့် အမျိုးအစားက ပျောက်ကွယ်သွားခဲ့ပြီ ဖြစ်သည်။ ၎င်းတို့ကိုယ်တိုင်ကသာ ပသီ ဆိုသည့် အသုံးကို ဆက်လက်သုံးစွဲခဲ့ကြသည်။
.
၂၀၁၂ ခုနှစ်တွင် ပသီအမည်ဖြင့် မှတ်ပုံတင်သည့် နိုင်ငံရေးပါတီတခုကို တားမြစ်ခြင်းခံခဲ့ရသည်။ အလားတူပင် ၎င်းတို့၏ နိုင်ငံသား စိစစ်ရေး ကတ်ပြားတွင်လည်း ပသီဟု စာရင်းသွင်းခြင်း မပြုတော့ပါ။ မန္တလေးမြို့မှ ကျနော်နှင့် ခင်မင်သည့် အမျိုးသမီးတယောက်၏ ကတ်ပြား အသစ်တွင် “အိန္ဒိယဗမာ+အိန္ဒိယဗမာ/အစ္စလာမ်” ဟု ရေးထားသည်။ သူ အသက် ၁၀ နှစ် အရွယ်က ရရှိခဲ့သော ကတ်ဟောင်းတွင်မူ သူ၏ လူမျိုးက ပသီ ဖြစ်ပြီး ဘာသာကို အစ္စလာမ်ဟု ဖော်ပြထားသည်။ သူ အသက် ၁၈ နှစ်ပြည့်ပြီး ကတ်သစ်လဲလှယ်ရမည့် အချိန်ရောက်သည့်အခါ လူဝင်မှုကြီးကြပ်ရေးဌာနက ပသီ ဆိုသည့် လူမျိုးနာမည်နှင့် ကတ်ထုတ်ပေးရန် ငြင်းဆန်ခဲ့သည်။ ထို့ကြောင့် သူက ကတ်သစ်လဲလှယ်ခြင်း မပြုဘဲ ၁၂ နှစ် ကျော်အောင် နေခဲ့သည်။ လဲလိုက်ပြီးသည့် နောက်တွင် သူ၏ ဆန္ဒမပါဘဲ အိန္ဒိယဗမာ အဖြစ်သတ်မှတ်ထားသည့် ကတ်ကို ကိုင်ဆောင်ခဲ့ရသည်။
.
အာဏာပိုင်များက သူ့ကို လှည့်ဖျားခဲ့သည်။ လူမျိုး နာမည်ကို ပသီဟု သတ်မှတ်ပေးရန် သေချာသည့်အချိန်အထိ သူက ကတ်သစ်လဲလှယ်ခြင်း မပြုဘဲ ၁၂ နှစ်ကျော်ကြာအောင် နေခဲ့သည်။ သို့သော်လည်း စာရွက်စာတမ်းများ လက်မှတ်ထိုး၍ ကတ်ကို ယူလိုက်သည့် အချိန်တွင် “အိန္ဒိယဗမာ+အိန္ဒိယဗမာ/အစ္စလာမ်” ဟု ရေးထားသည်ကို တွေ့လိုက်ရသည်။ ယခုအခါ အသက် ၃၀ ကျော်အရွယ် ပသီလူမျိုး အမျိုးသမီးတယောက်သည် “အိန္ဒိယဗမာ” လူမျိုး ဖြစ်သွားသည်။
.
ယခု စနစ်တွင် ဘာသာရေးက အဓိက ခွဲခြားချက်တခု ဖြစ်သည်။ ဥပမာ အားဖြင့် မန္တလေးမြို့မှ အမျိုးသားတယောက်၏ ကတ်တွင် အိန္ဒိယဟုဖော်ပြထားသော်လည်း မိခင်ဘက်သို့လိုက်၍ ဗုဒ္ဓဘာသာဝင်ဖြစ်ခဲ့သော် သူ့အကို၏ ကတ်တွင်မူ ထိုသို့ ဖော်ပြထားခြင်း မရှိပါ။
.
မွတ်ဆလင်များကို မနှစ်ချိုက်ခြင်းနှင့် ခွဲခြားခြင်းတို့က မြန်မာနိုင်ငံတွင် မထူးဆန်းပါ။ ဆယ်စုနှစ်ပေါင်းများစွာ ကြာမြင့်ခဲ့ပြီ ဖြစ်သည်။ သို့သော်လည်း ၉၆၉ လှုပ်ရှားမှုက ဖန်တီးခဲ့သည့် နောက်ဆုံး ဖြစ်ပေါ်ခဲ့သော မွတ်ဆလင်ဆန့်ကျင်ရေး လှုပ်ရှားမှုများက ဗုဒ္ဓဘာသာဝင်များနှင့် မွတ်ဆလင်များကြားမှ ဆက်ဆံရေးအပေါ် ပြင်းပြင်းထန်ထန် သက်ရောက်မှု ရှိခဲ့သည်။
.
မကြာသေးမီက ရှမ်းပြည်နယ်တွင် ကျနော် လေ့လာမှုပြုလုပ်ခဲ့ရာတွင် မူလတန်းကျောင်းမှ ဆရာ၊ ဆရာမများက ကလေးငယ်များကို ခွဲခြားဆန့်ကျင်မှုနှင့် ကြုံတွေ့ခဲ့သည်။ ဆရာဆရာမများက ၎င်းတို့၏ ကလေးငယ်များကို “ကုလား” သို့မဟုတ် “ကုလားမ” ဟု ခေါ်ဝေါ်သုံးစွဲသည့်အတွက် မွတ်ဆလင် မိဘများ စိတ်မကောင်း ဖြစ်ခဲ့ရသည်။ တောင်ကြီးမြို့မှ ကျောင်း တကျောင်းတွင် ဒုတိယတန်းကျောင်းသူ မွတ်ဆလင် မိန်းကလေးတဦးမှာ “ကုလား” အသွင်အပြင်ရှိသည့်အတွက် စင်မြင့် ဖျော်ဖြေမှုတွင် ပါဝင်ခွင့်မရခဲ့သည့် အတွက် ကျောင်းမသွားဝံ့ဘဲ ဖြစ်ခဲရသည်။
.
တဘက်နှင့် တဘက် လေးစား သည်းခံကြရန် ဆရာဆရာမများက သင်ကြားပေးကြပုံမရပါ။ သူငယ်တန်းကျောင်းသူလေး တဦးမှာ သူ၏ရုပ်ရည် (အထူးသဖြင့် မျက်ခုံး ၂ ခု ဆက်နေခြင်း)ကြောင့် အခြားကလေးငယ်များနှင့် ပေါင်းသင်းခြင်း မပြုနိုင်ခဲ့ပါ။
.
မွတ်ဆလင်ဆန့်ကျင်ရေး ၉၆၉ လှုပ်ရှားမှုနှင့် အတူ အလုပ်အကိုင်ရရှိရေးတွင်လည်း မွတ်ဆလင်များအပေါ် ခွဲခြားခြင်းများ တိုးလာသည်။ ယခင်ကဆိုလျှင် မွတ်ဆလင်များကို စစ်ဘက်နှင့် အရပ်ဘက်ဌာနများတွင် ရွေးချယ်ခန့်ထားခြင်း မပြုခဲ့ပါ။ ယခုအခါ မိသားစု စီးပွားရေးလုပ်ငန်းများနှင့် ကုမ္ပဏီများက မွတ်ဆလင်များကို အလုပ်သမားအဖြစ် ငှားရမ်းရန် ဆန္ဒ နည်းပါးလာကြသည်။ မကြာသေးမီက တက္ကသိုလ်မှ ဘွဲ့ရခဲ့သော မွတ်ဆလင် မိန်းကလေးတယောက် ဘဏ်တခုတွင် အလုပ်လျှောက်ထားခဲ့ရာ သူ့ကို ခန့်မည် မဟုတ်ကြောင်း ဘဏ်က သူ့ကို ပြောခဲ့သည်။
.
ဗမာ အားလုံး၊ ဗုဒ္ဓဘာသာဝင် အားလုံးက မွတ်ဆလင်များကို မုန်းတီးနေခြင်း မဟုတ်ပါ။ မြန်မာနိုင်ငံအတွင်း မွတ်ဆလင် ဆန့်ကျင်ရေး လှုပ်ရှားမှုများ ကျယ်ပြန့်လာသည်ကို စိုးရိမ်နေကြသော ဘုန်းတော်ကြီးများ၊ တက်ကြွလှုပ်ရှားသူများနှင့် သာမန်ပြည်သူများလည်း ရှိနေပါသည်။ သို့သော်လည်း သူတို့၏ သနားကြင်နာတတ်သော စိတ်ထားနှင့် အသံများက အင်အားနည်းနေသည်။
.
တင်းကျပ်သည့် နိုင်ငံသား ဥပဒေက မွတ်ဆလင်များကို ဒုတိယတန်းစား နိုင်ငံသားများ ဖြစ်စေသည့်အပြင် ၎င်းတို့ရင်ဆိုင်နေရသည့် ခွဲခြားဆက်ဆံမှုများက ဥပဒေရေးအရသာမဟုတ်ဘဲ အသိုင်းအ၀ိုင်း၏ အပြင်ကို ဖယ်ထုတ်ခြင်း အထူးသဖြင့် လူမျိုးရေးခွဲခြားမှုနှင့် ဥပေက္ခာပြုခြင်းမျိုးဖြစ်သည့် ပေါ်ပေါ်ထင်ထင် ငြင်းပယ်သည့် အလေ့အထကို ဖြစ်စေခဲ့သည်။ မွတ်ဆလင်များကို ခွဲခြားဆက်ဆံခြင်းက သူတို့၏ လူမှုရေးနှင့် ယဉ်ကျေးမှု သို့မဟုတ် လူမျိုးစုနှင့် ဘာသာရေး အပေါ်တွင် အခြေခံခြင်း ဖြစ်သည်။
.
ထို့ကြောင့် ၁၉၈၂ ခုနှစ် နိုင်ငံသား ဥပဒေကို မဖြစ်မနေ ဖြေရှင်းရမည်ဖြစ်သလို ပစ်ပယ်ထားခြင်း၊ လူမျိုးအမည် ဖျောက်ဖျက်ခြင်းနှင့် ခွဲခြားဆက်ဆံခြင်းများကို လူမှုရေးအရ၊ နိုင်ငံရေးအရ ဖြေရှင်းရန်လည်း အရေးကြီးပါသည်။ အပြန်အလှန် လေးစားခြင်း၊ အသိအမှတ်ပြုခြင်းများကို မြှင့်တင်ပေးခြင်းများ နည်းတူ မွတ်ဆလင်ဆန့်ကျင်ရေး ၀ါဒဖြန့်ချိမှုများကို ရပ်တန့်ရန်နှင့် လူများစု၏ လူမျိုးရေးခွဲခြားသည့် အတွေးအခေါ်များနှင့် လုပ်ဆောင်ချက်များကိုလည်း မဖြစ်မနေ ဖြေရှင်းရမည် ဖြစ်သည်။
.
(စိုင်းလတ်သည် ကနေဒါနိုင်ငံ Simon Fraser တက္ကသိုလ်တွင် Ph.D. စာတမ်းပြုစုနေသူ မြန်မာသုတေသီတဦးဖြစ်သည်။ ဟောင်ကောင်အခြေစိုက် Asia Sentinel အွန်လိုင်းသတင်းဌာနပါ Sai Latt ၏ Burma’s Ominous Political Debate over Ethnicity ကို ဆီလျော်အောင် ဘာသာပြန်ဆိုသည်)

http://burma.irrawaddy.com/opinion/viewpoint/2016/04/04/111799.html

April 4, 2016