အောက်တိုဘာ ၂၄၊ ၂၀၁၆
M-Media
– ဘင်္ဂလားဒေ့ရ်ှနွယ်ဖွား ဗြိတိန်နိုင်ငံသားဖြစ်သူ ဒေါက်တာ မီရာသွလ် မိုဟာမစ် ခန်း မူကစ်မှာ ဥရောပရှိ ထိပ်တန်း သိပ္ပံပညာရှင်များအဖွဲ့ EMBO YIP က ၂၀၁၆ ခုနှစ်အတွက် ချီးမြှင့်သော သိပ္ပံဆိုင်ရာ ဂုဏ်ပြုဆုကို ရရှိခဲ့သည်ဟု သိရသည်။
ဒေါက်တာ မူကစ်မှာ စကော့တလန်ရှိ Dundee တက္ကသိုလ်အခြေစိုက် သိပ္ပံပညာရှင်တစ်ဦးဖြစ်ပြီး ၎င်း၏ သုတေသနက ပါကင်ဆန်ရောဂါဖြစ်ပွားစေသည့် မျိုးရိုးဗီဇဆိုင်ရာ ပြောင်းလဲမှုတွင် အရေးပါသော အထောက်အပံ့ ဖြစ်စေခဲ့သည်ဟု တက္ကသိုလ်မှ လွှင့်တင်သည့် ၀ဘ်ဆိုက်တွင် ဖော်ပြထားသည်။
ယခုကဲ့သို့ ဆုရရှိခြင်းကြောင့် မူကစ်သည် EMBO YIP အဖွဲ့တွင် ပါဝင်ခွင့် ရခဲ့ပြီဖြစ်သည်။
“EMBO YIP အစီအစဉ်မှာ ပါဝင်ခွင့်ရတဲ့အတွက်၊ ကျွန်တော်တို့ရဲ့ သုတေသနလုပ်ငန်းတွေကို အရှိန်မြင့်ရေး အိုက်ဒီယာအသစ်တွေကို ပေးနိုင်မယ့် ဥရာပတစ်ဝှမ်းက သိပ္ပံပညာရှင်တွေနဲ့ အလုပ်အတူလုပ်ရမယ့်အတွက် ကျွန်တော် တော်တော်လေး ကြည်နူးမိပါတယ်” ဟု ဒေါက်တာ မူကစ်က ပြောကြားခဲ့သည်။
မူကစ်မှာ တက္ကသိုလ်ရှိ သက်ရှိသိပ္ပံဆိုင်ရာကျောင်း၏ အစိတ်အပိုင်းဖြစ်သော MRC Protein Phosphorylation and Ubiquitylation Unit ဌာနတွင် Welcome Trust Clinical Investigator အဖြစ် တာဝန်ယူထားပြီး ပါကင်ဆန်ရောဂါနှင့်ပတ်သက်၍ ပိုမိုနားလည်နိုင်ရန်အတွက် ကြိုးပမ်းအားထုတ်ခဲ့သည်။
ထို့ပြင် Ninewells ဆေးရုံတွင်လည်း အာရုံကြောပါရဂူအဖြစ် တာဝန်ယူကာ မသန်စွမ်းသည့် လူနာများကို ကုသပေးနေသည်။
မူကစ်မှာ ၁၉၇၃ ခုနှစ်တွင် စကော့တလန်နိုင်ငံ ဂလက်စကိုမြို့၌ မွေးဖွားခဲ့သူဖြစ်သည်။ ဖခင်ဖြစ် အဘ်ဒူလ်မူကစ်မှာ ရှေ့နေတစ်ဦးဖြစ်ကာ မိခင်ဖြစ်သူ မာမာတက်ဇ် ဘေဂွန်မှာ ဆရ၀န်တစ်ဦးဖြစ်သည်။ မိဘနှစ်ဦးစလုံးမှာ လက်ရှိတွင် ဒါကာ၌ နေထိုင်နေကြသည်။
၁၉၉၇ ခုနှစ်တွင် အေဒင်ဘတ်တက္ကသိုလ်မှ ဘွဲ့ရခဲ့သည့် မူကစ်မှာ ဟားဗတ်တက္ကသိုလ်နှင့် လန်ဒန်တက္ကသိုလ်တို့မှ ဒေါက်တာဘွဲ့ ရရှိခဲ့သူဖြစ်သည်။ ၎င်းမှာ ကနေဒီ ပညာသင်ဆုကိုလည်း ရရှိခဲ့သည်။
လက်ရှိတွင် မူကစ်သည် အိမ်ထောင်နှင့် သားသမီး ၃ ယောက်ရှိနေပြီး Dundee တက္ကသိုလ်၏ ဆေးဘက်ဆိုင်ရာ သုတေသနကောင်စီတွင် အာရုံကြောပညာရှင်အဖြစ် တာဝန်ထမ်းဆောင်နေသည်။
“မိဘတစ်ယောက်အနေနဲ့ ကျွန်မတို့ သူ့ရဲ့အောင်မြင်မှုအတွက် ပီတိဖြစ်ပါတယ်။ သူ့ရဲ့သုတေသန အောင်မြင်ဖို့၊ လူသားတွေ အကျိုးကျေးဇူးခံစားရဖို့အတွက် ကျွန်မတို့ အလ္လာဟ်အရှင်မြတ်ထံတော်ပါးမှာ ဆုမွန်ကောင်း တောင်းပေးပါတယ်” ဟု မိခင်ဖြစ်သူက ပြောကြားခဲ့သည်။
၂၀၀၄ ခုနှစ်ကလည်း ပါကင်ဆန် ရောဂါ ဖြစ်စေနိုင်သော PINK1 မျိုးရိုဗီဇအတွင်း ပြောင်းလဲမှုများကို လေ့လာခဲ့သည့် လန်ဒန်အခြေစိုက် အဖွဲ့တစ်ခုတွင် မူကစ်မှာ အဓိကအဖွဲ့ဝင်အဖြစ် ပါဝင်ခဲ့သည်။
Ref: The Daily Star
