အောက်တိုဘာ ၁၄၊ ၂၀၁၆
M-Media
– ဗီယင်နာအခြေစိုက် အာကာသဆိုင်ရာ ပုဂ္ဂလိက ကုမ္ပဏီတစ်ခုဖြစ်တဲ့ Aerospace International Research Center က အာကာသနိုင်ငံတော်သစ်တစ်ခု ထူထောင်မယ့် သူတို့ရဲ့ အစီအစဉ်ကို ၀ဘ်ဆိုက်မှာ ကြေငြာလိုက်ပါတယ်။
Asgardia လို့ခေါ်တွင်မယ့် အဲဒီနိုင်ငံတော်ဟာ ဘယ်လူသားကမှ ပိုင်ဆိုင်ခြင်းမရှိတဲ့ အာကာသက ကမ္ဘာပတ်လမ်းကြောင်းမှာ ရှိမှာဖြစ်တယ်လို့ဆိုပါတယ်။
ဒီစီမံကိန်းအတွက် ပထမဆုံးဂြိုဟ်တုကို လာမယ့်နှစ်မှာ လွှတ်တင်ဖို့ရှိနေပြီး တစ်နေ့နေ့မှာ ကုလသမဂ္ဂက အသိအမှတ်ပြုလာလိမ့်မယ်လို့ ကုမ္ပဏီက မျှော်လင့်နေပါတယ်။
ဥရောပအာကာသအေဂျင်စီမှာ ၁၅ နှစ်လောက် အလုပ်လုပ်လာခဲ့သူဖြစ်ပြီး အခုစီမံကိန်းရဲ့ အကြီးတန်းအဖွဲ့ဝင်တစ်ဦးဖြစ်တဲ့ လီနာ ဒီ ၀င်နီကတော့ ဒီနိုင်ငံတော်မှာ နေထိုင်ရမယ့် နိုင်ငံသားတွေကို ၀င်ခွင့်မပေးခင် သေချာစီစစ်သွားမှာဖြစ်ပြီး နိုင်ငံကူးလက်မှတ်လည်း ထုတ်ပေးမယ်လို့ ဆိုပါတယ်။
Aerospace International Research Center ကုမ္ပဏီကို ရုရှားသိပ္ပံပညာရှင်နဲ့ စီးပွားရေးလုပ်ငန်းရှင် ဒေါက်တာ အီဂေါအက်စ်ဟာဘီလီက တည်ထောင်ခဲ့တာဖြစ်ပြီး၊ သူက ဒီအစီအစဉ်အတွက် မိမိကို အရူးလို့ပြောမှာ၊ အဓိပ္ပါယ်မရှိဘူးလို့ဆိုလာရင် မိမိအနေနဲ့ အံ့သြမိမှာမဟုတ်ဘူးလို့ ပဲရစ်မှာပြုလုပ်ခဲ့တဲ့ သူ့ရဲ့ စီမံကိန်းကြေငြာမှုမှာ သတင်းထောက်တွေကို အရွှန်းဖောက်ခဲ့ပါတယ်။
ဒီ အာကာသနိုင်ငံတော်ဟာ စကင်ဒီနေဗီးယားတွေရဲ့ ဒဏ္ဍာရီ (Norse mythology) က ဆင်းသက်လာတာဖြစ်ပြီး ကုန်းမြေအခြေပြု ဥပေဒတွေနဲ့ ကွဲပြားတဲ့ သီးခြားပုံစံတစ်ခု ဖြစ်မှာပါ။
စီမံကိန်းဖော်ဆောင်မယ့်သူတွေကတော့ ကုန်စည်ကူးသန်းရေး၊ သိပ္ပံနဲ့ ကမ္ဘာပေါ်က နိုင်ငံတိုင်းမှာရှိတဲ့ ပြည်သူတွေအတွက် အခွင့်အလမ်းသစ်တွေကို ဖော်ထုတ်ပေးလိမ့်မယ်လို့ ဆိုပါတယ်။
ရန်ပုံငွေရှာမယ်
လက်ရှိအချိန်မှာ ဒီနိုင်ငံတော်အတွက် နိုင်ငံတော်သီချင်းနဲ့ အလံတွေသတ်မှတ်ဖို့ ယှဉ်ပြိုင်မှုတွေကိုလည်း စတင်လုပ်ဆောင်နေပါတယ်။
လန်ဒန် အာကာသဆိုင်ရာ မူဝါဒနှင့် ဥပဒေရေးရာအသင်းက ဒါရိုက်တာဖြစ်သူ ပရောက်ဖက်ဆာ ဆအစ်ဒ် မွန်တီရှာကတော့ ဒီ Asgardia နိုင်ငံတော်ဟာ နိုင်ငံတကာဥပဒေအရ ဘောင်ဝင်ပါ့မလားဆိုတာကို သံသယဖြစ်နေပြီး၊ ကိုယ်ပိုင်အုပ်ချုပ်ခွင့်ရဒေသအဖြစ် သတ်မှတ်လို့ရမှာ မဟုတ်ဘူးလို့လည်း ဆိုပါတယ်။
လက်ရှိမှာတော့ ဒီစီမံကိန်းအတွက် ဒေါက်တာ အက်စ်ဟာဘီလီက ရန်ပုံငွေ စိုက်ထုတ်တာဖြစ်ပေမယ့် ပြင်ပထောက်ပံ့မှု ရှာဖွေနေတယ်လို့လည်း ဆိုပါတယ်။ အခုအချိန်အထိ အာကာသနိုင်ငံတော်သစ်မှာ နေထိုင်ဖို့ စာရင်းပေးထားသူအရေအတွက်ဟာ ၅၀၀၀၀ ကျော်သွားခဲ့ပြီ ဖြစ်ပါတယ်။
ပရော်ဖက်ဆာ မွန်တီရှာကတော့ ဒီလို လူတွေဆီကနေ ရန်ပုံငွေရှာဖွေနေတာကိုက ယုံကြည်စိတ်ချရလောက်တဲ့ စီးပွားရေးစီမံကိန်းမျိုး မရှိဘူးဆိုတာကို ပြသနေတာဖြစ်လို့ ထောက်ပြခဲ့ပါတယ်။
ဒေါက်တာ အက်စ်ဟာဘီလီကတော့ ဒီနိုင်ငံတ်ာအသစ်မှာ တရားစီရင်ရေးစနစ်သစ်ကို ထူထောင်ချင်နေပါသတဲ့။
Ref: BBC
