နိုဝင်ဘာ-၂၈ ၂၀၁၃
M-Media
ဆောင်းပါးရှင်- (ဒေါက်တာ)မောင်ဇာနည်
ဘာသာပြန်-မြင့်မိုရ်မောင်မောင်
များမကြာသေးမီက လူပေါင်းရာကျော်သေဆုံးစေပြီး တစ်သောင်းနှစ်ထောင်ကို အိုးမဲ့အိမ်မဲ့ဖြစ်သွားစေသည့် မွတ်စ်လင်မ် လူနည်းစုအပေါ် အကျည်းတန်စွာပြုလုပ်ခဲ့သော ရက်စက်ကြမ်းကြုတ်မှုများ၏ ဗဟိုချက်၌ မြန်မာနိုင်ငံ၏ ၉၆၉ အစွန်းရောက်လှုပ်ရှားမှု ရှိနေ၏။ သို့သော် သမ္မတဦးသိန်းစိန်အစိုးရ နှင့် ပြည်တွင်းရှိလူမျိုးကြီးဝါဒီတို့အကြား အပြန်အလှန် ပူးပေါင်းမှုတစ်ဖက်မှ ဗုဒ္ဓဘာသာဝင်ဘုန်းကြီးများ ဦးဆောင်ထားသည့်အုပ်စုကို နားမလည်နိုင်အောင် ဖြစ်ရသည်။
အောက်ပါ ဆက်နွှယ်ကဏ္ဍများကို စစ်ဆေးသုံးသပ်မှု မပြုဘဲ ရှင်းပြ၍ရနိုင်ဦးမည်မဟုတ်။
(က) နိုင်ငံတော်မှ ပြည်တွင်းနာဇီလက်သစ်ဗုဒ္ဓဘာသာဝင်များကို အပြစ်လွတ်အောင် ဆောင်ကြဉ်းပေးနေမှု
(ခ) လူနည်းစုမွတ်စ်လင်မ်များအား မျိုးသုဉ်းရှင်းလင်းရေးလက္ခဏာများ ထင်ရှားလာနေသည့်ကြားမှ ဦးသိန်းစိန်၏ တုန့်ပြန်အရေးယူမှု မရှိခြင်း
(ဂ) အကျဉ်းအကြပ်ကာလတစ်လျှောက်လုံး ဒေါ်အောင်ဆန်းစုကြည်ဦးဆောင်သော အတိုက်အခံအုပ်စုတို့၏ အကျင့်ပျက်ယိုယွင်းချက်များ
အကြမ်းဖက်မှု၏ ပရမ်းပတာမြင်ကွင်းက တိုင်းပြည်၏လားရာ၊ ပြန်လည်ပြုပြင်မွမ်းမံရေးနှင့်စပ်လျဉ်း၍ အဓိက မေးခွန်းများစွာ ထွက်ပေါ်လာစေသည်။
၉၆၉ ဂိုဏ်း၏လှုပ်ရှားမှုသည် အဘယ်ကဲ့သို့ ရေပန်းစားကျယ်ပြန့်လာသနည်း၊ တိုင်းပြည်တစ်ခွင် အဘယ်ကဲ့သို့ ပျံ့နှံ့ရပါသနည်း ?
လူမျိုး နှင့် ဘာသာ သန့်စင်ရေး အတွက် ဦးထိပ်ထားသည်ဟု အသံထုတ်ချက်နှင့်အတူ ထွက်ပေါ်လာသော ခေတ်သစ် အမျိုးသားရေး လှုပ်ရှားမှုသည် ဗုဒ္ဓအနှစ်တရား၊ အမျိုးသားယဉ်ကျေးမှုနှင့် စီးပွားရေးအပေါ် တလွဲ အသုံးချထားသည်ဖြစ်၍ ၁၉၃၀ ခုနှစ်များအတွင်းက ဂျာမဏီနိုင်ငံ၏ နာဇီဝါဒနှင့် ကွဲလွဲခြားနားခြင်း မရှိကြောင်း၊တွေ့ရသည်။ ၄င်း ၉၆၉ လှုပ်ရှားမှုရေပန်းစားလာသည့် အဓိက အချက်သုံးရပ် ရှိကြောင်းကို တွေ့ရသည်။
ပထမအချက်မှာ ၉၆၉ ခေါင်းဆောင် ဦးဝီရသူကဲ့သို့ ဗုဒ္ဓဓမ္မသင်ကြားရေးဌာနများမှ စစ်သွေးကြွ ဗုဒ္ဓဘာသာဝင်ဟောပြောသူ အချို့က အထွေထွေစီးပွားရေး အကြပ်အတည်းများ နှင့် လူ့အဖွဲ့အစည်းအတွင်း ယဉ်ကျေးမှုပျက်စီးနေမှုအတွက် ပြည်တွင်း မွတ်စ်လင်မ်တို့ကို ဓားစာခံအဖြစ် အမိအရ ပြုလုပ်ခဲ့ကြသည်။ ဗမာလူမျိုးတို့ကို မွတ်စ်လင်မ်တို့၏ စီးပွားရေးလက်ဝါးကြီးအုပ်မှုနှင့် ဂုတ်သွေးစုပ်မှုကို စုပေါင်းခံစားရသည့် သားကောင်များအလား ပုံဖော်ကြသည်။
ဒုတိယအချက်မှာ ၉၆၉ အုပ်စုသည် အစဉ်အလာရှိခဲ့သော မွတ်စ်လင်မ်ဆန့်ကျင်ရေးဝါဒကို လူများစု ဗုဒ္ဓဘာသာဝင်များအကြား မနေမနား ပေါက်ပေါက်ဖောက်ကြသည်။
တတိယအချက်မှာ ရဲဌာန၊ ထောက်လှမ်းရေး၊ စစ်တပ်၊ ဌာနဆိုင်ရာ နှင့် မီးသတ်တပ်ဖွဲ့ပင်မကျန် ဦးသိန်းစိန်၏ စီမံမှုအောက်၌ ရှိနေကြကုန်သော နိုင်ငံ့ဝန်ထမ်း အားလုံးနီးပါးက မြင်သာထင်သာစွာ နာဇီလက်သစ် ဗုဒ္ဓဘာသာဝင်များ အုပ်စုကို ပြစ်ဒဏ်မှ ဘေးမဲ့ပေးထားသည့် အပြင် အားပေးအားမြှောက်ပြုလုပ်နေကြပေသည်။
နေပြည်တော်အစိုးရသည် အစွန်းရောက်လှုပ်ရှားမှုများအပေါ် မည်သည့်ဖြိုခွင်းမှု ပြုလုပ်ပါသနည်း ?
ယမန်နှစ် မြန်မာနိုင်ငံအနောက်ပိုင်း ရခိုင်ပြည်နယ်၌ ရိုဟင်ဂျာမွတ်စ်လင်မ်ဆန့်ကျင်ရေး အကြမ်းဖက်မှုနှင့်ပတ်သက်၍ လွှတ်တော် အစည်းအဝေးတွင် ဦးသိန်းစိန်မှ လူမျိုးရေး မုန်းတီးမှုဖြန့်ချိနေသည့် နိုင်ငံရေးပါတီများ၊ ဗုဒ္ဓဘာသာဘုန်းတော်ကြီးများ ကို တရားဝင်ပြစ်တင် စကားဆိုခဲ့သည်။ သို့သော်လည်း သူ၏ အစိုးရအဖွဲ့သည် မွတ်စ်လင်မ် ဆန့်ကျင်ရေးအမုန်းတရား သို့မဟုတ် ရိုဟင်ဂျာမုန်းတီးရေးတို့ကို ပြောင်ပြောင်တင်းတင်း သွတ်သွင်းလှုံ့ဆော်နေသူ မည်သူတစ်ဦးကိုမျှပင် မည်သည့်အရေးယူမှုများ မပြုလုပ်ခဲ့ကြ။ လူ့အဖွဲ့အစည်းအတွင်း မွတ်စ်လင်မ်ဆန့်ကျင်ရေး
အမုန်းတရားများကို ဖြန့်ဝေ သွတ်သွင်းခြင်း၊ မွတ်စ်လင်မ်တို့အား တစ်ဆင့်ချင်း လက်စတုံးပစ်ရန် လှုံ့ဆော်ခြင်း၊ လူ့အဖွဲ့အစည်း အပေါ် သြဇာသုံးခြင်း စသည်တို့ကို လုပ်ဆောင်နေကြသူ ဗုဒ္ဓဘာသာဝင်တစ်ဦး တစ်လေကိုမျှပင် သူ၏အာဏာပိုင်တို့မှ ထိန်းသိမ်းခြင်း သို့မဟုတ် ဟန့်တားခြင်းလည်း မရှိခဲ့ချေ။
“ နိုင်ငံရေးပါတီများ၊ အချို့ဘုန်းတော်ကြီးများနှင့် တစ်သီးပုဂ္ဂလများထံ၌ လူမျိုးရေး မုန်းတီးမှု ကြီးထွားမြင့်တက်လာနေသည်။ ၄င်းတို့သည် ပြည်တွင်းနှင့်ပြည်ပရှိ (ရခိုင်)လူ့အဖွဲ့အစည်းများနှင့်ပင် ပတ်သက် အားပေးမှုရှိနေသည် ” ဟု ပါလီမန်သို့ သြဂုတ်လကတင်သွင်းသော သမ္မတအစီရင်ခံစာ၌ ဖော်ပြထား၏။ ထို့ကြောင့် အနောက်တိုင်းထိပ်တန်း မီဒီယာများမှ ခေါင်းကြီး သတင်းအဖြစ် တခမ်းတနား ဖော်ပြထားသော ဦးသိန်းစိန်၏ သဟဇာတအတူ ယှဉ်တွဲနေထိုင်ရေးအဆို နှင့် သူ့အစိုးရ၏တုန့်ပြန်ဆောင်ရွက်မှုမရှိခြင်းအကြားဝယ် တံတားထိုးမရနိုင်သည့် ကွက်လပ်ဖြစ်နေပေသည်။
အကြမ်းဖက်လူအုပ်ကြီးက မျက်မှောက်၌သောင်းကျန်းနေပါလျက် ဒေသခံရဲတပ်ဖွဲ့များသည် မတုန်မလှုပ် ရပ်ကြည့်နေခဲ့ကြောင်း ဟူသည့် သူ့အစိုးရ၏ တုန့်ပြန်ဆောင်ရွက်မှု မရှိပုံကို အထက်ပါ မီဒီယာများကပင် လေ့လာသုံးသပ် တင်ပြမှု မပြုခဲ့ကြ။
မည်သူမဆို မြန်မာနိုင်ငံတစ်ဝှန်းတွင် များမြောင်လှစွာသော မွတ်စ်လင်မ်ဆန့်ကျင်ရေးလှုံ့ဆော်ချက်များ၊ စီဒီနှင့်ဒီဗီဒီများ၊ ပုံနှိပ်ထုတ်ဝေမှုများကို အလွယ်တကူ တွေ့မြင်နိုင်ပါသည်။ ပိုမိုပွင့်လင်းမြင်သာလာသော နိုင်ငံ့လူမှုဝန်းကျင်၌ မွတ်စ်လင်မ်ဆန့်ကျင်ရေး သတင်းလိမ်များ၊ မုန်းတီးရေးအမြင်များဖြန့်ဝေရန် တရားဝင် ခွင့်ပြုသည့်နှယ် ဖြစ်နေခဲ့သည်။ သို့တစေ Voice Weekly သတင်းစာမှ သတ္ထုတွင်းဝန်ကြီးဌာန၏အလွဲသုံးစားမှုဆိုင်ရာ ဆောင်းပါးတစ်ပုဒ်မျှ ပုံနှိပ်ဖော်ပြရာတွင်မူ အာဏာပိုင်များက တရားစွဲခဲ့ပေသည်။
အစ္စလာမ်အပေါ်အမြင်မှားကြောက်ရွံ့ပြီးအကြမ်းဖက်လာအောင်စီစဉ်သူများ၊ အမုန်းတရားပွဲများကို ဦးသိန်းစိန်အစိုးရမှ နည်းလမ်းတကျ မနှိမ်နင်းပါလျှင်၊ မွတ်စ်လင်မ်နှင့်အခြား တိုင်းရင်းသား လူနည်းစုများအပေါ် ကျူးလွန်စော်ကားနေသူများအား ပြစ်ဒဏ် မပေး ကာကွယ်ထားသော သက်ဆိုးရှည်နေသည့် မူဝါဒကို အဆုံးမသတ်ပါလျှင် – ၉၆၉ ၏ အန္တရာယ်များက မျိုးဖြုတ်သုတ်သင်ခြင်း လှုပ်ရှားမှုအသွင်သို့ စုပြုံပြောင်းလဲသွားပေတော့မည်။ ဦးသိန်းစိန်၏ စစ်တပ် တစ်ပိုင်းအစိုးရသည် အတိုက်အခံများကို ချိုးနှိမ်ရာ၌ နှစ်ပေါင်း ၅၀ မက အတွေ့အကြုံရှိနေပါ၏။ လူ့အဖွဲ့အစည်းအတွင်း မရောက်ရှိစေလိုသော သတင်းနှင့် အချက်အလက်များကိုလည်း ဆယ်စုနှစ်များစွာ ထိထိရောက်ဖြတ်တောက် ပိတ်ပင်နိုင်ခဲ့ပါ၏။
ဦးသိန်းစိန်၏ထိပ်တန်းအကြံပေး နှင့် အစိုးရ၏ Myanmar Peace Center (MPC) အား ဦးဆောင်ညွှန်ကြားနေသူ – City University of Hong Kong မှ ဗမာ လူမျိုးပညာရှင် ဦးကျော်ရင်လှိုင်က ( Fletcher Forum of World Affairs in 2008 တွင် ထုတ်ဝေသည့် ) သူ၏ “Challenging the authoritarian state: Buddhist monks and peaceful protests in Burma, issues and policy” ဆောင်းပါးဝယ် တစ်ချိန်က မွတ်စ်လင်မ်ဆန့်ကျင်ရေးအဓိကရုဏ်းများ၌ စစ်တပ်သည် အဓိက အခန်းကဏ္ဍတွင် ပါဝင်ကြောင်း ရေးသားဖော်ပြဖူးသည်။
၁၉၉၇ ခုနှစ်တွင် မန္တလေးရှိ နာမည်ကြီး ဗုဒ္ဓရုပ်ပွားတော်တစ်ဆူအား စစ်ဗိုလ်ချူပ် တယောက်မှ မရိုးဖြောင့်သော အကြံဖြင့် ပြန်လည်ပြင်ဆင် မွမ်းမံခြင်းအပေါ် သံဃာတော်များ၏ ကန့်ကွက်ဆန္ဒပြမည့် အစီအစဉ်ကို စစ်အာဏာရှင်များက ရိပ်စားမိခဲ့သည်။ သံဃာတော်များမှ မစတင်နိုင်မှီ မွတ်စ်လင်မ် လုပ်ငန်းရှင်တစ်ဦးမှ ဗုဒ္ဓဘာသာဝင် အမျိုးသမီးတစ်ဦးအား မုဒိန်းကျင့်ပါသည်ဟူသော ကောလဟလ သတင်းထွက်ပေါ်လာခဲ့သည်။ အာဏာပိုင်များသည် စစ်ဗိုလ်ချူပ် အပေါ်ရှိနေသည့် အာရုံကို မွတ်စ်လင်မ်လုပ်ငန်းရှင်ဖက်လှည့်ကာ မွတ်စ်လင်မ်ဆန့်ကျင်ရေး အဓိကရုဏ်းအား ဖြစ်ပေါ်စေခဲ့သည်။ အစိုးရ ဆန့်ကျင်ရေးလှုပ်ရှားမှုများ၌ အမျက်ထွက်နေသော သံဃာတော်များ မပါဝင်စေရေးအလို့ငှာ ထောက်လှမ်းရေးသမားတို့သည် မွတ်စ်လင်မ် ဆန့်ကျင်ရေး အဓိကရုဏ်းများဖြစ်လာအောင် မကြာခဏ လှုံ့ဆော်ဖန်တီးတတ်ကြောင်း ဆန်းစစ်လေ့လာသူအချို့က ထောက်ပြထား၏ (စာမျက်နှာ ၁၃၇-၁၃၈)။ များမကြာသေးမီကပင် မတ်လ ၂၉ ရက်ထုတ် New York Times တွင်ဖော်ပြလိုက်သော “Kristallnacht in Myanmar:” ခေါင်းစဉ်တပ်ကာ အယ်ဒီတာ့အာဘော်အား The Disorder in Order: the Army-State in Burma since 1962 စာအုပ်ရေးသားသူ ပရော်ဖက်ဆာ Donald Seekin က မတ်လ ၃၀ ရက်တွင် အောက်ပါကဲ့သို့ ချေပရေးသားခဲ့သည်။
“ မြန်မာလူ့အသိုင်းအ၀ိုင်း၌ မွတ်စ်လင်မ်မုန်းတီးရေးသည် နက်နက်ရှိုင်းရှိုင်း အမြစ်တွယ်နေပါသည်။ ၄င်းမှာ ၁၉၆၂ မှ ၂၀၁၀ ခုနှစ်ကာလအတွင်း ဦးနေ၀င်းနှင့်တစ်ကွ အာဏာရှင်အစဉ်အဆက်တို့က အားပေးခဲ့ခြင်းကြောင့်ဖြစ်သည်။ ၄င်းတို့၏ သည်းခြေကြိုက် နည်းဗျူဟာများ အနက်တစ်ခုမှာ မွတ်စ်လင်မ်များသည် မြန်မာ ဗုဒ္ဓဘာသာဝင် အမျိုးသမီးများကို မုဒိန်းကျင့်ခြင်း (နှင့်) ဗုဒ္ဓဘာသာဝင်တို့ကို အစ္စလာမ်သို့ပြောင်းလဲ သွတ်သွင်းရန်ကြံစည်ခြင်း ဟူ၍ ကောလဟလ ထုတ်လွှင့်ခြင်းသာတည်း။ အာဏာပိုင်တို့၏ ခွဲခြားအုပ်ချုပ်ခြင်း နည်းဗျူဟာသည် ဗြိတိသျှ ကိုလိုနီအစိုးရ၏ တွဲရေးခွဲရေး အုပ်ချုပ်မှု ၀ါဒမှ မြစ်ဖျားခံလာဖွယ် ရှိ၏။ ဦးသိန်းစိန်သည် လူ့အဖွဲ့အစည်းအတွင်း ဘာသာတရားအားလုံး သဟဇာတ အတူ ယှဉ်တွဲနေထိုင်ရေးကို တဖွဖွဆိုနေသော်လည်း လက်တွေ့တွင်မူ နာဇီလက်သစ် ၉၆၉ ဗုဒ္ဓဘာသာ လှုပ်ရှားမှုနှင့်ပတ်သက်၍ စကားအဟ မခံခဲ့ချေ။ စစ်တပ်သည် အကန့်အသတ်မရှိ လွတ်လပ်စွာ ဖော်ထုတ်ပြောဆိုခွင့်ကို ဆယ်စုနှစ်များစွာ ကြမ်းတမ်းကြပ်မတ်နိုင်ခဲ့သော်လည်း ဒုစရိုက်သားများကို အကာအကွယ်ပေးထားခြင်းနှင့်အရေး မယူခြင်းတို့သည် အကြောက်တရားနှင့်ေ၀၀ါးမှုအား ဖန်တီးရန် နေပြည်တော်၏ မဟာဗျူဟာမြောက် အတွက်အချက်နှင့် ချိတ်ဆက်ထားဟန် ရှိပေသည်။ နိုင်ငံနှင့် စီးပွားရေးကို ပြိုင်ဖက်မဲ့ လွှမ်းမိုးထိန်းချုပ်နိုင်ရန (the divide-and-rule tactics it has always used to exert unrivaled control and influence over the state and economy) တစိုက်မတ်မတ် အသုံးချလေ့ရှိသည့် ခွဲခြားအုပ်ချုပ်မှုနည်းဗျူဟာများဟု ဆိုရပေမည်။
မိမိအားအဓိကထောက်ခံအားပေးကြသည့် ဗုဒ္ဓဘာသာဝင် လူထုအကြား အကြမ်းဖက်ဝါဒ လှိုင်းလုံးကြီး ရပ်တန့်စေအောင် အကြမ်းမဖက်ရေး၌ ထင်ရှားသည့် ကမ္ဘာကျော် ပုဂ္ဂိုလ် ဒေါ်အောင်ဆန်းစုကြည်မှာ ဘာများဆောင်ရွက်နေပါသနည်း ?
ဒေါ်စုကြည်ကိုယ်တိုင်က အစ္စလာမ့်အမုန်းတရားနှင့် အကြောက်တရား ကျယ်ပြန့်လာမှု၌ ပါဝင်လုံးထွေးလိုက်ခြင်းမှာ နားမလည်နိုင်အောင်ဖြစ်သွားစေသည်။ မွတ်စ်လင်မ်များအပေါ် အကြမ်းဖက်မှု ဖန်တီးခြင်း၌လည်းကောင်း၊ မွတ်စ်လင်မ်နှင့် ဗုဒ္ဓဘာသာဝင် အသိုင်းအ၀ိုင်းနှစ်ရပ်လုံးထံဖြစ်ပွားသော သေကြေပျက်စီးမှုများအပေါ် စာနာကြောင်းပြသရန်၌ လည်းကောင်း အကြွင်းမဲ့ ရေငုံနှုတ်ပိတ် နေခဲ့ပါသည်။ မည်သည့် အကြောင်းကြောင့်ဖြစ်စေကာမူ သူမ လျစ်လျူရှုခဲ့သည့် အကျည်းတန်မှုများ အနက် ထင်ရှားသည့် အကြောင်းသုံးရပ်မှာ –
၁။ မျက်နှာစိမ်းများနှင့်ဒေသခံများ နှစ်မျိုးလုံးဖြင့် စုစည်းထားသည့် ဗုဒ္ဓဘာသာဝင် လူရမ်းကားအုပ်စုမှ မွတ်စ်လင်မ်တို့ကိုသာ တစ်ဖက်သတ် ဦးတည်ပစ်မှတ်ထားနေသည့် အမုန်းတရားဖြန့်ချိမှုနှင့် အကြမ်းဖက်မှုများ
၂။ မွတ်စ်လင်မ်များ နှင့် ကချင်ကဲ့သို့ အခြားလူနည်းစုဝင်တို့အပေါ် အလွန်အကျွံအကြမ်းဖက်မှု၊ သတ်ဖြတ်မှု နှင့် ဖျက်ဆီးသောင်းကျန်းမှုများ
၃။ စစ်တပ်နှင့်လုံခြုံရေးတပ်ဖွဲ့ဝင်တို့သည် အဓိကရုဏ်းဖြိုခွင်းရာ၌ နှစ်ပေါင်း ၅၀ အတွေ့အကြုံရှိနေခြင်း။
ဒေါ်စုကြည်သည် မွတ်စ်လင်မ်ဆန့်ကျင်ရေး အကြမ်းဖက်မှုများအပေါ် လုံးလုံးလျားလျား ဆိတ်ဆိတ်နေခဲ့ခြင်းတော့ မဟုတ်။ မိတ္ထီလာအကြမ်းဖက်မှုကြီးအပြီး သုံးရက်မြောက်တွင် သူမက ဒေသခံလုံခြုံရေးတပ်ဖွဲ့ဝင်များ၏ အခြေအနေထိန်းသိမ်းမှု ညံ့ဖျင်းပုံကို ဖွင့်ပြောဝေဖန်ခဲ့သည်။ လူရမ်းကားများ စိတ်တိုင်းကျခုတ်ဖြတ် မီးရှို့နေချိန် လုံခြုံရေးတပ်ဖွဲ့ဝင်တို့မှ လက်ပိုက်ရပ်ကြည့်နေသည့် အချက်ကိုမူ မဝေဖန်ခဲ့ချေ။ သုံးရက်စလုံး ဗလီဝတ်ကျောင်း၊ မွတ်စလင်မ်ဈေးဆိုင်နှင့်နေအိမ်များ အပါအ၀င် အဆောက်အဦးပေါင်း တစ်ထောင်နီးပါးကို လက်နက်ကိုင်ဗုဒ္ဓဘာသာဝင် လူရမ်းကားအုပ်စုများမှ မီးလောင် တိုက်သွင်းနေခြင်းအား လုံခြုံရေး တပ်ဖွဲ့ဝင်တို့က လက်လွှတ်ထားခဲ့ကြ၏။ ၄င်းတို့၏ တမင်သက်သက် အရေးမယူဘဲနေခြင်းအပေါ် မြန်မာဘာသာဖြင့်ပြုလုပ်သော သတင်းစာရှင်းလင်းပွဲမေးမြန်းခန်း၌ ဒီမိုကရေစီအကူး အပြောင်းကာလသစ်တွင် ဒေသခံလုံခြုံရေးတပ်ဖွဲ့ဝင်တို့မှာ အဓိကရုဏ်းကိုင်တွယ်မှု အတွေ့အကြုံနည်းပါးနေသည်ဟူသော ဆင်ခြေဖြင့် သူမက ဖုံးဖိကာကွယ်ပေးခဲ့သည်။
မြန်မာစစ်တပ်နှင့်တရုတ်၏ အကျိုးတူပူးပေါင်းဆောင်ရွက်မှု သတ္ထုတွင်းစီမံကိန်းအား ဆန္ဒပြခြင်းကို အကြမ်းဖက်နှိမ်နှင်း ခဲ့သည့်ပြဿနာအပေါ် စုံစမ်းစစ်ဆေးရေးကော်မရှင် ဥက္ကဌအဖြစ် တာဝန်ယူခဲ့သော ဒေါ်စုကြည်၏ မှတ်ချက်က ……. မိမိတို့၏မြေယာ ဆုံးရှုံး၍ ဆန္ဒပြကြသူများ နှင့် ထောက်ခံ ပံ့ပိုးပါဝင်ကြသူ သံဃာတော်များအား လုံခြုံရေးတပ်ဖွဲ့ဝင်တို့မှ မီးစုန်းဓာတ်ပါ မီးလောင်ဗုံးများအသုံးပြုကာ နိုင်နိုင်နင်းနင်းဖြိုခွင်းခဲ့ခြင်း အဖြစ်ကို ကျော်ခွပစ်ခဲ့သည်။ မိတ္ထီလာရှိ အကြမ်းဖက်ခံ သားကောင်များထံ သွားရောက်ကြည့်ရှုအားပေးရမည့်အစား မတ်လ ၂၇ ရက်တွင်ကျင်းပမြဲဖြစ်သော တပ်မတော်နေ့ အခမ်းအနားသို့ တက်ရောက်ကာ အလန်းစား ဗိုလ်ချုပ်များနှင့် အလွန်နွေးထွေးသည့် ရင်းနှီးမှုကို ပြသခဲ့ပေသည်။
လက်ရှိကောလဟလများနှင့်အကြမ်းဖက်မှုတို့သည် မွတ်စ်လင်မ်ဆန့်ကျင်ရေး လုပ်ရပ်များအတွင်း လူအများထပ်မံ ပါဝင်လာအောင် တွန်းပို့မည်လော ? မြန်မာနိုင်ငံ၌ အစ္စလာမ်အပေါ်ဆင်ယင်ထားသည့် ကောလဟလများသည် မည်သည့်နေရာမှ စတင် မြစ်ဖျားခံလာသနည်း ?
သမ္မတဦးသိန်းစိန်၏ပြောဆိုခွင့်ရ ပုဂ္ဂိုလ်တစ်ဦးဖြစ်သည့် ဗိုလ်မှူးဟောင်း ဇော်ဌေး သို့မဟုတ် မှူးဇော် သည် ၂၀၁၂ ခုနှစ် ဇွန်လ ရိုဟင်ဂျာ ဆန့်ကျင်ရေးအကြမ်းဖက်မှု ပထမလှိုင်းမှာကတည်းက မွတ်စ်လင်မ်ဆန့်ကျင်ရေး ကောလဟလများ နှင့် သွားပုပ်လေလွင့် စကားများကို အဓိက တင်ပြနေသူဖြစ်ကြောင်း သိရသောအခါ လူဦးရေသန်း ၆၀ အနက် ၄ ရာခိုင်နှုန်းမျှသာရှိသည့် ပြည်တွင်း မွတ်စ်လင်မ်များအဖို့ တုန်လှုပ်စရာ ဖြစ်ခဲ့သည်။ သူ၏ဖေ့စ်ဘွခ် စာမျက်နှာပေါ်တွင် မွတ်စ်လင်မ်ဆန့်ကျင်ရေး အမုန်းတရားနှင့် စိုးကြောက်မှုများတွင် ကျယ်စေမည့် အခိုင်အမာ သတင်းယောင်ယောင် ပို့စ်များစွာ ရေးတင်ခဲ့သည်။ ၄င်းတို့အနက်သာဓကတစ်ရပ်မှာ “ လက်နက်ကိုင်မွတ်စ်လင်မ် အကြမ်းဖက်သမား တစ်စုသည် မြန်မာ-ဘင်္ဂလားဒေ့ရ်ှနယ်စပ်ကို ဖြတ်ကျော် ၀င်ရောက်လာပြီဖြစ်ကြောင်း ကျွန်ုပ်တို့မှ သတင်းရရှိထားပြီ။ သတိရှိကြကုန် ” ဟူ၏။
တစ်ချိန်တည်းမှာပင် နိုင်ငံပိုင် မီဒီယာများ၏ ဆောင်းပါးများစွာတွင်လည်း “ကုလား” ဟူ၍ မွတ်စ်လင်မ် ဆန့်ကျင်ရေး အသုံးအနှုန်းအား ဇောင်းပေးဖော်ပြခဲ့သည်။ ကုလား ဆိုသည့် မြန်မာ စကားမှာ ကြမ်းထော်မည်းညစ်သူ ဟု အဓိပ္ပာယ်ရပြီး မွတ်စ်လင်မ်များနှင့် အိန္ဒိယနွယ်ဖွားတို့ကို ရည်ညွှန်းကာ နှိမ့်ချခေါ်ဆိုချက်ဖြစ်သည်။ တိုင်းပြည်၏လုံခြုံရေးနှင့် စီမံရေးဌာနများနှင့် တစ်ကွ ယဉ်ကျေးမှုနှင့် အတွေးအခေါ်ပိုင်း၌ သြဇာကြီးမားကြသူတို့က မွတ်စ်လင်မ်ဆန့်ကျင်ရေး အမုန်းတရား အကြောက်တရား သွတ်သွင်းခြင်းကို ပေါင်းလုပ်ကြသော အခါ ပြည်သူများသည်လည်း ယင်းကဲ့သို့ပင် အမြင်ဖြစ်ပေါ်လာတတ်ကြ၏။ ထုံးဓလေ့အားဖြင့် ဗုဒ္ဓဘာသာဝင် ဘုန်းတော်ကြီးတို့သည် မြန်မာလူ့ အဖွဲ့အစည်းတွင် မိဘဘိုးဘွားနှင့် ဗိုလ်ချုပ်များထက် အလွန်သြဇာညောင်းကြသည်။ အစိုးရ၏ မွတ်စ်လင်မ်ဆန့်ကျင်ရေး လုပ်ရပ်နှင့် အကြမ်းဖက် ဝါဒီ သြဇာရှိ ဘုန်းတော်ကြီးတို့၏ ၀ါဒဖြန့်မှုများအကြား စည်းခြားဖော်ပြရန်မှာ မလွယ်ကူ လွန်းလှပါလေ။ ဖေ့စ်ဘွခ်ပေါ်၌ မိတ္ထီလာ၏သေကြေ ပျက်စီးမှု ပုံရိပ်များအပါဝင် မွတ်စ်လင်မ် ဆန့်ကျင်ရေးပို့စ်များမှာ “liked” များကို ထောင်ချီတွေ့ရပြီး လူထုမြင်ကွင်းမှာပင် ၄င်းတို့၏ နာဇီ လက်သစ်အမြင် သဘောထားများကို မအောင့်အည်းနိုင်အောင် ဖော်ထုတ် ဖွင့်ချနေသည်ကို တွေ့နေရသည်။
လတ်တစ်လောအင်တာဗျူးများ၌ ၉၆၉ အဖွဲ့ခေါင်းဆောင်တစ်ဦးဖြစ်သူ ဦးဝီရသူ က အကြမ်းဖက်မှုကို ရှုံ့ချပြစ်တင် သယောင် ပြုလာသည်။ မိမိသည် မွတ်စ်လင်မ် ဆန့်ကျင်ရေး အကြမ်းဖက်သူများ၊ ဆူပူမှုများကို ရပ်တန့် တားဆီးခဲ့သည်ဟုပင် ဆိုလာသည်။ ဤသည်မှာ သူ၏မှိုင်းတိုက် လှုပ်ရှားမှုအား အသံတိုးလိုက်ခြင်းပေလော သို့တည်းမဟုတ် မြန်မာနိုင်ငံ၌ မွတ်စ်လင်မ်တို့၏ လွှမ်းမိုးမှုအား ၉၆၉ လှုပ်ရှားမှုဖြင့် ဆက်လက်ချေမှုန်းရန် နှိုးဆွခြင်းပေလော မပြောတတ်ပြီ။ ဦးဝီရသူ၏ဖေ့စ်ဘွခ် စာမျက်နှာပေါ်တွင် ပြန်လည် သင့်မြတ်ရေးကို လက်မခံသည့် အကြောင်းများစွာ ရေးတင်ထား၏။ တစ်နေ့နံနက်ပိုင်းက ဘာသာရေးဆိုင်ရာ ခန္တီစ နှင့် မေတ္တာတရား အကြောင်းကို ရေးတင်၏။ ထိုနေ့ နေ့လည်ပိုင်းမှာပင် မွတ်စ်လင်မ်ဆန့်ကျင်ရေးစာသားများကို အားပါးတရ ရေးတင်ပြန်သည်။
မွတ်စ်လင်မ်နှင့်ထိမ်းမြားသော မြန်မာအမျိုးသမီးများမှာ အဓမ္မ ဘာသာပြောင်းစေခြင်း၊ မြန်မာအမည်မှ မွတ်စ်လင်မ်နှင့် အိန္ဒိယအမည်များ အဖြစ် အလိုမတူ ပြောင်းလဲစေခြင်း စသည့်အကြောင်းများအပါအ၀င်ဖြစ်သည်။ ဦးဝီရသူသည် လူသိရှင်ကြား စော်ကားပြောဆိုချက်များ ပြုလုပ်ခဲ့ပြီး ၂၀၀၃ ခုနှစ်တွင် ကျောက်ဆည်မြို့တွင် မွတ်စ်လင်မ် မိသားစု တစ်ခုလုံးအား မီးရှို့သတ်ဖြတ်မှု ဖြစ်ပွားခဲ့ရာ ထောင် နန်းစံခဲ့ရသည်။ ယင်းသို့သော ဘုန်းတော်ကြီးအဖို့ မိမိ၏မီးမွှေးမှိုင်းတိုက်မှုများအပေါ် ချက်ခြင်း လက်ငင်း ယူကျုံးမရ ခံစားချက်များဖြစ်ပေါ်မည်မဟုတ်။ လက်ရှိ မွတ်စ်လင်မ်ဆန့်ကျင်ရေး အကြမ်းဖက်မှုများ၌ ပါဝင်သော သူ၏အခန်းကဏ္ဍနှင့် စပ်လျဉ်း၍လည်း နောင်တ၏လက္ခဏာကို စိုးစဉ်းမျှ မပြသသေးချေ။
လွန်ခဲ့သည့် ၁၀ နှစ်တုန်းက ဦးဝီရသူမှာ မွတ်စ်လင်မ်ဆန့်ကျင်ရေးအမြင်ထားရှိသည့် အစွန်းရောက်သူတစ်ဦးသာ ဖြစ်၏။ ယခုသော် နိုင်ငံတော်ကျောထောက်နောက်ခံပြု လက်သစ် နာဇီဝါဒ မြင့်တက်လာခြင်းနှင့်အတူ သူသည် အမုန်းတရားဖန်တီး ပျိုးထောင်ရှင်တစ်ဦး၊ နိုင်ငံတကာမီဒီယာတို့မှာ မတွေ့မဖြစ် ဆုံတွေ့ရမည့်သူတစ်ဦး ဖြစ်လာပေပြီ။ ဤသို့သော နာဇီလက်သစ်ဗုဒ္ဓ ဘာသာဝင်ဟောပြောသူ၏ကျော်ကြားမှုမှာ အနာဂတ် ဒီမိုကရေစီနိုင်ငံအတွက်လည်းကောင်း၊ အထူးသဖြင့် ပြည်တွင်းရှိ မွတ်စလင်မ်များနှင့် ရိုဟင်ဂျာတို့ အတွက် လည်းကောင်း ပုံရိပ်ကောင်းတစ်ခု မဟုတ်တော့ပါလေ။
xxxxxxxxxxxxxxxxxxxxxx
(ဒေါက်တာ)မောင်ဇာနည်၏ Should we call it Buddhist terrorism ? ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။
ဆောင်းပါးရှင် မောင်ဇာနည်သည် Free Burma Coalition (1995-2004) ၏ တည်ထောင်သူဖြစ်ပြီး၊ London School of Economics မှ Civil Society and Human Security Unit ၏ ဧည့်သည်တော်အဖွဲ့ဝင် တစ်ဦးဖြစ်ပြီး၊ မိမိဇာတိမြန်မာပြည်မှ လူမျိုးရေး အကြမ်းဖက်မှု နှင့် နာဇီ လက်သစ်ဗုဒ္ဓ အမျိုးသားရေး ၀ါဒတို့အပေါ် ဝေဖန်သုံးသပ် တင်ပြနေသူလည်း ဖြစ်သည်။
