နိုဝင်ဘာ ၂၇ ၊ ၂၀၁၄
M-Media
– ဥရောပချန်ပီယံလိဂ် အုပ်စုပွဲစဉ် ၅ ကို ဒီနေ့မနက်မှာ ကစားခဲ့ပြီး အာဆင်နယ်၊ အက်သလက်တီကိုတို့ အိမ်ကွင်းမှာ အနိုင်ကစားနိုင်ခဲ့ကာ နောက်တစ်ဆင့်ကို တက်ရောက်သွားနိုင်ခဲ့ပါတယ်။
အုပ်စု A
အက်သလက်တီကို ၄-၀ အိုလံပီယာကော့စ်
မာလ်မို ၀-၂ ဂျူဗင်တပ်စ်
အိမ်ကွင်းမှာ ကစားခဲ့ရတဲ့ အက်သလက်တီကိုတို့ ဒီပွဲမှာ သက်တောင့်သက်သာ ကစားသွားပြီး အနိုင်ရခဲ့ပါတယ်။ ဒီပွဲနိုင်ရင် နောက်တစ်ဆင့်တက်ဖို့ သေချာပြီဆိုတာ သိနေတဲ့ အိမ်ရှင်တို့ လျင်လျင်မြန်မြန်နဲ့ပဲ ပွဲကို စတင်နိုင်ခဲ့ပြီး ၉ မိနစ်မှာ ဦးဆောင်ဂိုးရခဲ့ကာ ရာအူးလ်ဂါစီယာက ခေါင်းတိုက် သွင်းပေးခဲ့တာပါ။ နောက်ပိုင်းမှာလည်း အက်သလက်တီကိုတို့ပဲ ပွဲကိုစိုးမိုးနိုင်ခဲ့ပြီး မန်ဇူကစ်က ၃၈၊ ၆၂နဲ့ ၆၅ မိနစ်တွေမှာ ဟက်ထရစ်သွင်းပေးခဲ့ပါတယ်။ ဒီပွဲအနိုင်ကြောင့် အက်သလက်တီကိုတို့ အုပ်စုပထမနဲ့ နောက်တစ်ဆင့်ကို တက်ရောက်နိုင်ခဲ့ပါပြီ။
ဂျူဗင်တပ်စ်ကတော့ အဝေးကွင်းမှာ ရုန်းကန်ခဲ့ရပေမယ့် လိုအပ်တဲ့အနိုင်ဂိုးတွေကိုတော့ ရအောင် ယူနိုင်ခဲ့ပါတယ်။ ပထမပိုင်းမှာ အိမ်ရှင်တို့ အသာစီးရဲခဲ့ပြီး ဂိုးသွင်းခွင့်အချို့ ရခဲ့ပေမယ့် အသုံးမချနိုင်ခဲ့ပါဘူး။ ဒုတိယပိုင်းအစမှာတော့ ဂျူဗင်တပ်စ်တို့ အဖွင့်ဂိုးရခဲ့ပြီး ပီယာလိုရဲ့ ကွင်းလယ်ကနေ ဖြတင်ပေးမှုကို လော်ရန်တေးက အကောင်းဆုံး အဆုံးသတ်နိုင်ခဲ့တာပါ။ နောက်ပိုင်းမှာ ပွဲဟာ သူတစ်ပြန်ကိုယ်တစ်ပြန်ဖြစ်ခဲ့ပြီး ၈၈မိနစ်မှာ ဂျူဗင်တပ်စ်အတွက် အနိုင်သေချာစေမယ့်ဂိုးကို တီဗက်ဇ်က ဧရိယာအတွင်းထဲကနေ အပြင်း ကန်သွင်းနိုင်ခဲ့ပါတယ်။ ဒီပွဲအနိုင်ကြောင့် ဂျူဗင်တပ်စ်ဟာ ၉ မှတ်နဲ့ အုပ်စု ဒုတိယနေရာကို ရရှိထားပြီး နောက်ဆုံး အက်သလက်တီကိုနဲ့ပွဲမှာ သရေတစ်မှတ်ရတာနဲ့ နောက်တစ်ဆင့်ကို တက်ရောက်နိုင်မှာ ဖြစ်ပါတယ်။
အုပ်စု B
ဘေဆယ် ၀-၁ ရီးယဲလ်မက်ဒရစ်
လူဒိုဂိုးရက်စ် ၂-၂ လီဗာပူးလ်
ပွဲစဉ် ၄ ကတည်းက နောက်တစ်ဆင့်ကို တက်ရောက်နိုင်ခဲ့တဲ့ ရီးယဲလ်တို့ ဒီမနက်ပွဲမှာလည်း ဘေဆယ်ကို ပထမပိုင်း ၃၅ မိနစ် ရော်နယ်ဒိုရဲ့ တစ်လုံးတည်းသောဂိုးနဲ့ အနိုင်ရပြီး ရာနှုန်းပြည့် နိုင်ပွဲစံချိန်ကို ထိန်းထားနိုင်ခဲ့ပါတယ်။
လီဗာပူးလ်ကတော့ ထုံးစံအတိုင်း ၈၇ မိနစ်အထိ ၂ ဂိုး ၁ ဂိုးနဲ့ ဦးဆောင်နိုင်ခဲ့ပေမယ့် ချေပဂိုး ပြန်ပေးလိုက်ရတာကြောင့် သရေသာရခဲ့ပါတယ်။ ပွဲအစ ၃ မိနစ်မှာပဲ အိမ်ရှင်တို့ ဒါနီ အေဘာလိုရဲ့ဂိုးနဲ့ ဦးဆောင်နိုင်ခဲ့ပြီး ၈ မိနစ်မှာ လမ်ဘာ့တ်က ချေပဂိုး ပြန်သွင်းပေးခဲ့ပါတယ်။ ၃၇ မိနစ်မှာ လီဗာပူးလ်တို့ ဦးဆောင်ဂိုး ထပ်ရခဲ့ပြီး လမ်ဘာ့တ်၊ စတာလင်တို့ရဲ့ တွဲလုံးကနေတစ်ဆင့် ဟန်ဒါဆန်က အနီးကပ် သွင်းယူနိုင်ခဲ့တာပါ။ နောက်ပိုင်းမှာ အိမ်ရှင်တို့ကသာ ဘောလုံးပိုင်ဆိုင်မှု အသာရခဲ့ပြီး လီဗာပူးလ်ဂိုးပေါက်ကို ခြိမ်းခြောက်နိုင်ခဲ့ပါတယ်။ လီဗာပူးလ်ကတော့ လူဒိုဂိုးရက်စ် ဂိုးပေါက်ကို ၂ ကြိမ်လောက်သာ ခြိမ်းခြောက်နိုင်ခဲ့ပြီး ၈၈ မိနစ်မှာရတဲ့ ထောင့်ကန်ဘောကတစ်ဆင့် အိမ်ရှင်တို့ကို ချေပဂိုး ၁ ဂိုး ပြန်ပေးလိုက်ရပါတယ်။ ဒါ့ကြောင့် လီဗာပူးလ်ဟာ ၄ မှတ်ရထားပြီး ၆ မှတ်ရထားတဲ့ဘေဆယ်နဲ့ နောက်ဆုံးပွဲမှာ အနိုင်ကစားနိုင်မှ ရှုံးထွက်အဆင့်ကို တက်ရောက်နိုင်မှာ ဖြစ်ပါတယ်။ လူဒိုဂိုးရက်စ်ကတော့ အုပ်စုအဆင့်နဲ့ပဲ ကျေနပ်ခဲ့ရပါပြီ။
ု
အုပ်စု C
ဇင်းနစ် ၁-၀ ဘင်ဖီကာ
လေဗာကူဆင် ၀-၁ မိုနာကို
စိန့်ပီတာဇဘက်မှာ ကစားခဲ့တဲ့ပွဲမှာ ဘင်ဖီကာတို့ အခွင့်အရေးတစ်ချို့ရခဲ့ပေမယ့် အသုံးမချနိုင်ခဲ့တာကြောင့် အုပ်စုအဆင့်နဲ့ပဲ ကျေနပ်ခဲ့ရပါတယ်။ အိမ်ရှင်တို့ကတော့ ပထမပိုင်းမှာ အကောင်းဆုံး ကစားနိုင်ခဲ့ပေမယ့် အနိုင်ဂိုးကိုတော့ ၇၉ မိနစ်မှာ ဒီပွဲရဲ့ အကောင်းဆုံးကစားသမား ဒန်နီက သွင်းပေးခဲ့တာပါ။ ၇ မှတ်ရထားပြီး တတိယနေမှာရှိနေတဲ့ ဇင်းနစ်တို့ ၈ မှတ်နဲ့ ဒုတိယ နေရမှာရထားတဲ့ မိုနာကိုနဲ့ နောက်ဆုံးပွဲကို ယှဉ်ပြိုင်ကစားရမှာကြောင့် အနိုင်ရမှ နောက်တစ်ဆင့် တက်နိုင်မှာဖြစ်ပါတယ်။
လေဗာကူဆင်ကတော့ အိမ်ကွင်းမှာ အသာစီးကစားနိုင်ခဲ့ပေမယ့် အရှုံးပေးခဲ့ရပါတယ်။ မိုနာကိုအတွက် နောက်တစ်ဆင့်တက်ရေး အသက်ဆက်စေမယ့်ဂိုးကိုတော့ ၇၂ မိနစ်မှာ အိုကမ်ပို့စ်က သွင်းယူပေးခဲ့တာပါ။ ဒါပေမယ့် ရမှတ် ၉ မှတ်ရထားတဲ့ လေဗာကူဆင်ကတော့ နောက်ဆင့်တက်ခဲ့ပြီး နောက်ဆုံး ဘင်ဖီကာနဲ့ပွဲမှာ အနိုင်ရရင်တော့ အုပ်စုပထမနဲ့ရမှာ ဖြစ်ပါတယ်။
အုပ်စု D
အာဆင်နယ် ၂-၀ ဒေါ့မွန်
အန်ဒါလက်ခ်ျ ၂-၀ ဂါလာတာစာရေး
ပြီးခဲ့တဲ့တစ်ပတ်တည်းက အန်ဒါလက်ခ်ျဂို ၃ ဂိုးပြတ်နဲ့ဦးဆောင်ပြီး နောက်တစ်ဆင့်တက်ဖို့ သေချာနိုင်ပေမယ့် နောက်ခံလူတွေရဲ့ ပေါ့လျော့မှုကြောင့် ၃ ဂိုးပြန်ပေးခဲ့ရကာ သရေသာရခဲ့တဲ့ အာဆင်နယ်တို့ ဒီပွဲမှာတော့ အမှားအယွင်းမရှိခဲ့ပါဘူး။ ပွဲအစကတည်းက လျင်လျင်မြန်မြန်နဲ့ ထိုးဖောက် ကစားနိုင်ခဲ့ပြီး ၂ မိနစ်မှာပဲ ဆာနိုဂိုက အိမ်ရှင်အတွက် ဦးဆောင်ဂိုးကို သွင်းပေးခဲ့ပါတယ်။ မိနစ် ၂၀ နောက်ပိုင်းမှာတော့ ဒေါ့မွန်တို့ အာဆင်နယ်ဘက်ကို ပြန်လည်ခြိမ်းခြောက်လာနိုင်ခဲ့ပေမယ့် ဂိုးတော့ မရခဲ့ပါဘူး။ ဒုတိပိုင်း ၅၇ မိစနစ်မှာ ဂိုးသွင်းစက် ဆန်းချက်ဇ်က အာဆင်နယ်အတွက် အနိုင်သေချာစေမယ့်ဂိုးကို သွင်းပေးခဲ့ပြီး အာဆင်နယ်တို့ နောက်တစ်ဆင့်ကို တက်ရောက်သွားနိုင်ခဲ့ပါတယ်။
ပွဲစဉ် ၄ မှာ အာဆင်နယ်ကို နောက်က ၃ ဂိုးလိုက်သွင်းပြီး သရေယူနိုင်ခဲ့တဲ့ အန်ဒါလက်ခ်ျ ဒီမနက်မှာလည်း ဂါလာတာစာရေးကို ၂ ဂိုးပြတ်နဲ့ အနိုင်ကစားနိုင်ခဲ့ပေမယ့် နောက်တစ်ဆင့်တက်ဖို့ အရေးမပါခဲ့ဘဲ့ သိက္ခာဆယ်နိုင်ပွဲသာ ဖြစ်ခဲ့ပါတယ်။ လက်ရှိ ၁၂ မှတ်နဲ့ အုပ်စုကိုဦးဆောင်နေတဲ့ ဒေါ့မွန်က နောက်ဆုံးပွဲမှာ အန်ဒါလက်ခ်ျနဲ့ ကစားရမှာဖြစ်ပြီး ရမှတ် ၁၀ မှတ်နဲ့ အုပ်စုဒုတိယ အာဆင်နယ်က ဂါလာတာစာရေးနဲ့ ကစားရမှာဖြစ်တာကြောင့် အုပ်စု ပထမ၊ ဒုတိယကို ဘယ်သူရမလဲဆိုတာ ရင်ခုန်ရအုံးမှာပါ။
