အောက်တိုဘာ ၁၀၊ ၂၀၁၅
M-Media
– တရုတ်နိုင်ငံမှ ထင်ရှားသည့် လူ့အခွင့်အရေးသမား ရှေ့နေအမျိုးသမီး ၀မ်ယူ၏ ဆယ်ကျော်သက်အရွယ် သားဖြစ်သူအား တရုတ်ရဲတပ်ဖွဲ့က ဖမ်းဆီးကာ မြန်မာနိုင်ငံတွင် ထိန်းသိမ်းထားသည်ဟု ၎င်း၏ မိသားစုနှင့် နီးစပ်သူ တစ်ဦးက ပြောကြားလိုက်သည်။
ဖမ်းဆီးခံရသူမှာ အသက် ၁၆ နှစ်အရွယ် ဘောင်ဇူရှန်းဆိုသူဖြစ်ပြီး တရုတ်နိုင်ငံမှ ထွက်ပြေးရန် ကြိုးစားစဉ် အင်္ဂါနေ့က နယ်စပ်မြို့တစ်ခုရှိ တည်းခိုခန်းတွင် တရုတ်ရဲတပ်ဖွဲ့က ဖမ်းဆီးခဲ့ခြင်းဖြစ်ပြီး ဓားစားခံအဖြစ် တရုတ်အစိုးရက အသုံးချနေသည်ဟု ၀မ်ယူမိသားစု၏ မိတ်ဆွေဖြစ်သူ ဇူဖန်ဆူက AFP သတင်းဌာနသို့ ယနေ့တွင် ပြောကြားခဲ့သည်။
တရုတ်ပြည်မှ မထွက်ပြေးခင် မိသားစုနှင့်အတူ ဘောင်ဇူရှန်းနေထိုင်ခဲ့သော မွန်ဂိုလီးယားအတွင်းပိုင်းမှ ရဲတပ်ဖွဲ့ကမူ ဇူရှန်း ဖမ်းဆီးခံရသည့်အကြောင်းကို မကြားမိဟု ဆိုသည်။ တရုတ်အစိုးရက ၎င်းတို့အား တော်လှန်သည်ဟု ယူဆသော ရှေ့နေများကို ဖမ်းဆီးမှုအတွင်း ၀မ်ယူနှင့် ၎င်း၏ ခင်ပွန်း နှစ်ဦးစလုံး ပါဝင်ခဲ့ပြီး ဘောင်ဇူရှန်းမှာလည်း ဇူလိုင်လတွင် နိုင်ငံကူးလက်မှတ် အသိမ်းခံခဲ့ရသည်။
လက်ရှိတွင်မူ ဘောင်ဇူရှန်းအား မြန်မာအစိုးရနှင့် နှစ်ပေါင်းများစွာ ပဋိပက္ခများဖြစ်နေသည့် သူပုန်များတည်ရှိရာ မြန်မာနိုင်ငံမြောက်ပိုင်း မိုင်းလမြို့တွင် ထိန်းသိမ်းထားသည်ဟု ဆိုသည်။ ၎င်းအား ကူညီနေသည့် လူငယ်နှစ်ဦးကိုလည်း ထိုမြို့တွင်ပင် ဖမ်းဆီးထားသည်ဟု ဇူက ၎င်းတို့နေထိုင်သည့် တည်းခိုခန်းပိုင်ရှင်၏ ပြောကြားမှုကို ကိုးကား၍ ပြောဆိုခဲ့သည်။
ဘောင်ဇူရှန်းနှင့်အတူ ဖမ်းဆီးထိန်းသိမ်းခံရသော လူငယ်နှစ်ဦး၏ အိမ်ကိုလည်း နောက်ပိုင်းတွင် တရုတ်ရဲတပ်ဖွဲ့က ၀င်ရောက်ရှာဖွေခဲ့သည်ဟု ဆိုသည်။
အမေရိကန်ပြည်ထောင်စု ဆန်ဖရန်စစ္စကိုတွင် နေထိုင်သည့် ဇူကမူ မိမိမှာ ဘောက်ဇူရှန်းအား ထိုင်းနိုင်ငံတွင် တွေ့ဆုံရန်နှင့် ထို့နောက် အမေရိကန်၌ ခိုလှုံခွင့်ရရန် စီစဉ်ထားသည်ဟု ပြောကြားခဲ့သည်။
Ref: Bangkokpost
