Tag: China

အောက်တိုဘာ ၂၂၊ ၂၀၁၅
M-Media

– ပါတီဝင်များအနေဖြင့် အစားကျူးခြင်း၊ အရက်သောက်ခြင်း၊ အိမ်ထောင်ဖက်မှလွဲ၍ အပြင်တွင် လိင်ဆက်ဆံခြင်းနှင့် ဂေါက်သီးရိုက်ကစားခြင်းတို့ မပြုလုပ်ရန် တရုတ်ကွန်မြူနီပါတီက အမိန့်ထုတ်လိုက်သည်ဟု နိုင်ငံပိုင် Xhinhua သတင်းဌာနက ယနေ့တွင် ဖော်ပြခဲ့သည်။

ထိုတားမြစ်ချက်များကို ပါတီဝင်များ လိုက်နာရမည့် “ကျင့်ဝတ်စည်းကမ်းများ” အဖြစ် ထုတ်ပြန်ခဲ့ခြင်း ဖြစ်ပြီး ဝေဖန်သူများကမူ ပါတီအတွင်း သမ္မတ ဇီဂျင်ပင်းအား ဆန့်ကျင်သူများကို နှိပ်ကွပ်ရန် ပစ်မှတ်ထားသည့် ဆောင်ရွက်မှု တစ်စိတ်တစ်ပိုင်းဖြစ်သည်ဟု ပြောကြားခဲ့သည်။

တရုတ်ကွန်မြူနစ် ပါတီဝင်များအနေဖြင့် အငယ်အနှောင်းများထားခြင်းနှင့် အိမ်ထောင်ရေးဖောက်ပြန်ခြင်းများ မပြုလုပ်ရန် သတ်မှတ်ထားပြီး ဖြစ်သော်လည်း လိင်ပိုင်းဆိုင်ရာ ယခုကန့်သတ်မှုအသစ်က ပို၍ တင်းကျပ်သည်ဟု Xinhua က ဆိုသည်။

ချမ်းသာကြွယ်ဝသည့် အရာရှိအချို့ အပြင်းပြေပြုလုပ်သည့် ဂေါက်သီးရိုက်ကစားခြင်း၊ အစားကျူးခြင်းနှင့် အရက်သောက်ခြင်းတို့ကို ပါတီ၏ စည်းမျဉ်းအား ချိုးဖောက်ခြင်းဖြစ်သည်ဟု သတ်မှတ်မှုမှာ ယခုအကြိမ်သည် ပထမဆုံးဖြစ်သည်။

ထိုစည်မျဉ်းဥပဒေများမှာ ၈၈ သန်းသော ကွန်မြူနစ်ပါတီဝင် တစ်ဦးချင်းစီအပေါ် ပြဌာန်းခြင်းဖြစ်ပြီး ပါတီအတွင်း အပေါင်းအသင်းဖွဲ့ခြင်းနှင့် ဆွေမျိုးကောင်းစားရေးဝါဒကိုလည်း ပိတ်ပင်ခဲ့သည်။

၂၀၁၂ ခုနှစ်တွင် ပါတီခေါင်းဆောင်ပိုင်းသို့ ရောက်ရှိလာပြီးနောက်တွင် ဇီဂျင်ပင်းမှာ ခြစားမှုများကို ပြင်းပြင်းထန်ထန် ကိုယ်တွယ်ခဲ့သောကြောင့် ထောင်နှင့်ချီသော အရာရှိများမှာ အာဏာ လက်လွတ် ဆုံးရှုံးခဲ့ရသည်။ သို့သော်လည်း ဝေဖန်သူများကမူ ဇီမှာ ယခုစည်းကမ်းများကို အသုံးပြုကာ ပါတီအတွင်း ၎င်းအား ဆန့်ကျင်သူများကို ဖယ်ရှားရန် ရည်ရွယ်နေသည်ဟု ပြောကြားခဲ့သည်။

Ref: Aljazeera

အောက်တိုဘာ ၁၉၊ ၂၀၁၅

M-Media

– တရုတ်နိုင်ငံ၏ စီးပွားရေးကို အဓိက စီမံခန့်ခွဲနေသည့် အမျိုးသား ဖွံ့ဖြိုးတိုးတက်ရေးနှင့် ပြုပြင်ပြောင်းလဲရေး ကော်မရှင် NDRC မှ တာဝန်ရှိသူ ၃ ဦးကို ခြစားမှုသံသယဖြင့် စုံစမ်းစစ်ဆေးမှုများ ပြုလုပ်နေသည်ဟု အာဏာရ ကွန်မြူနစ်ပါတီ၏ ခြစားမှု တိုက်ဖျက်ရေးအဖွဲ့က ယနေ့တွင် ပြောကြားလိုက်သည်။

စစ်ဆေးခံနေရသူများမှာ ကော်မရှင်၏ လူမှု ဖွံ့ဖြိုးရေးဌာန အကြီးအကဲ ၀မ်ဝေ၊ အရည်သွေး စစ်ဆေးရေးဌာနမှ သုတေသနပညာရှင်များ ဖြစ်ကြသည့် ရန်ဝေနှင့် ဇူဟေယူတို့ဖြစ်ကြပြီး စည်းကမ်းများကို ဆိုးဆိုးဝါးဝါး ချိုးဖောက်ခဲ့သည်ဟုဆိုကာ အသေးစိတ် အချက်အလက်များကို ထုတ်ပြန်ခဲ့ခြင်းမရှိချေ။

NDRC ကလည်း စုံစမ်းစစ်ဆေးမှုကို အတည်ပြုခဲ့ပြီး ပါတီ၏ အမိန့်များကို လိုက်နာကာ ခြစားမှုများကို ပြင်းပြင်းထန်ထန် တိုက်ဖျက်သွားမည်ဟု ပြောကြားခဲ့သည်။ တရုတ်သမ္မတ ဇီဂျင်ပင်းမှာ ၂၀၁၂ နှောင်းပိုင်းတွင် ပါတီခေါင်းဆောင်နေရာ ရလာပြီး ၂၀၁၃ ခုနှစ်တွင် အာဏာရပြီးကတည်းက ခြစားမှုများကို ပြင်းပြင်းထန်ထန် ကိုင်တွယ်ခဲ့ပြီး အကြီးတန်းအရာရှိ အများအပြားကို စစ်ဆေးခြင်း၊ ထောင်ချခြင်းများ ပြုလုပ်ခဲ့သည်။

Ref: Reuters