Tag: China

ဖေဖော်ဝါရီ ၄၊ ၂၀၁၉
M-Media

– ကမ္ဘာတစ်ဝှမ်းမှာရှိနေတဲ့ တရုတ်လူမျိုးတွေအနေနဲ့ ၀က်သားလျှော့စားပြီး ကမ္ဘာကြီးကို ကာကွယ်ဖို့ သဘာဝပတ်ဝန်းကျင် တက်ကြွလှုပ်ရှားသူတွေက တိုက်တွန်းလိုက်ပြီး ‘၀က်နှစ်’ နှစ်သစ်ကူးကာလနဲ့ တိုက်တိုက်ဆိုင်ဆိုင် ဒီသတိပေးမှု ပေါ်ထွက်လာတာ ဖြစ်ပါတယ်။

တရုတ်နိုင်ငံဟာ ကမ္ဘာပေါ်မှာ ၀က်သားစားသုံးမှုအများဆုံး နိုင်ငံဖြစ်ပြီး ကမ္ဘာ့ဝက်သားစားသုံးမှုရဲ့ တစ်ဝက်လောက် ရှိနေပါတယ်။ ကမ္ဘာကြီး ပူနွေးလာမှုရဲ့ အဓိကအကြောင်းအရင်းက ကာဘွန်ထုတ်လွှတ်မှု မြင့်တက်လာတာဖြစ်ပြီး အသားထုတ်လုပ်မှုလုပ်ငန်းဟာ ကမ္ဘာ့ကာဘွန်ထုတ်လုပ်မှုမှာ ၁၄.၅ ရာခိုင်နှုန်းအထိ ရှိနေပါတယ်။

တရုတ်နိုင်ငံဟာ ကမ္ဘာ့ ကာဘွန်ထုတ်လုပ်မှု အများဆုံးနိုင်ငံလည်း ဖြစ်ပါတယ်။

“တရုတ်လူမျိုးတွေ ၀က်သားကို အခုထက် တစ်ဝက်လောက် လျှော့စားမယ်ဆိုရင် လာမယ့် ၁၀ နှစ်အတွင်း တရုတ်နိုင်ငံဟာ ကာဘွန်ထုတ်လွှတ်မှုကို ၁၀ ရာခိုင်နှုန်းလောက် လျှော့ချနိုင်မှာ ဖြစ်ပါတယ်။ ဒါ့ကြောင့် ‘၀က်နှစ်’ ကို ဂုဏ်ပြုတဲ့အနေနဲ့ ၀က်သားကို လျှော့စားကြပါ” လို့ အမေရိကန်အခြေစိုက် WildAid အဖွဲ့က တရုတ်နိုင်ငံဆိုင်ရာ ရာသီဥတုပြောင်းလဲမှု ဒါရိုက်တာ ယန်လင်က ပြောကြားခဲ့ပါတယ်။

တရုတ်လူမျိုးတွေရဲ့ ပြက္ခဒိန်မှာ လ ၁၂ လကို တိရစ္ဆာန်တစ်ကောင်စီနဲ့ အမှတ်သညာပြုထားပြီး အင်္ဂါနေ့မှာ စတင်ကျရောက်မယ့် နှစ်သစ်က ၀က်နှစ်ဖြစ်ပါတယ်။ တရုတ်ရိုးရာယဉ်ကျေးမှုအရ ၀က်နှစ်မှာ ၀က်သားကိုရှောင်မယ်ဆိုရင် ပိုပြီး ကံကောင်းတယ်လို့ ယူဆထားပါတယ်။

တရုတ်နိုင်ငံက ဆိုရှယ်မီဒီယာတစ်ခုဖြစ်တဲ့ Weibo မှာ တိရစ္ဆာန်အခွင့်အရေးအဖွဲ့ PETA က ၀က်သားလျှော့စားရေး လှုပ်ရှားမှုကို ဆောင်ရွက်နေပါတယ်။

“အသားထုတ်လုပ်မှုကထွက်တဲ့ ဖန်လုံအိမ်ဓာတ်ငွေ့ဟာ ကမ္ဘာပေါ်က သယ်ယူပို့ဆောင်ရေးလုပ်ငန်းအားလုံးပေါင်းကထွက်တဲ့ ပမာဏထက်ကို ပိုပါတယ်” လို့ PETA က အာရှဆိုင်ရာ ဆော်သြရေးမှူး ဂျေဆန် ဘိတ်ကာက ပြောကြားခဲ့ပါတယ်။

၂၀၁၆ ခုနှစ်မှာ တရုတ်အစိုးရက အစားအသောက်အကြံပြုချက်တစ်စောင် ထုတ်ပြန်ခဲ့ပြီး ပြည်သူတွေကို အသားလျှော့စားဖို့ တိုက်တွန်းထားပါတယ်။

ဒါပေမယ့် တရုတ်နိုင်ငံမှာ ၀က်သားစားသုံးမှုဟာ ကြွယ်ဝမှု အဆင့်အတန်းတွေနဲ့ပါ သက်ဆိုင်နေတာကြောင့် အချိန်တိုတိုအတွင်း စားသုံးမှုလျှော့ချဖို့ဆိုတာ မဖြစ်နိုင်ဘူးလို့ ကျွမ်းကျင်သူတွေက သုံးသပ်ပါတယ်။

Ref: Reuters

ဇန်န၀ါရီ ၁၆၊ ၂၀၁၉
M-Media

– ကမ္ဘာ့ အဆင့်အမြင့်ဆုံး စစ်လက်နက်ပစ္စည်း ထုတ်လုပ်ရေးနယ်ပယ်ကို တရုတ်က လိုက်မီလာခဲ့ပြီး တစ်ချို့နည်းပညာတွေမှာ ပြိုင်ဘက်တွေထက် ပိုသာသွားပြီလို့ အမေရိကန် ကာကွယ်ရေးဝန်ကြီးဌာန ‘ပင်တဂွန်’ က မနေ့က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

‘တရုတ်၏ စစ်ရေးအင်အား’ (China Military Power) လို့ အမည်ပေးထားတဲ့ အဲဒီ အစီရင်ခံစာမှာ တရုတ်ဟာ နိုင်ငံရပ်ခြားက စစ်ရေးနည်းပညာ လျှို့ဝှက်ချက်တွေကို နည်းလမ်းပေါင်းစုံနဲ့ ရရှိအောင် ဆောင်ရွက်တာကြောင့် ပြီးခဲ့တဲ့နှစ်တွေအတွင်း စစ်ရေးနယ်ပယ်မှာ သိသိသာသာ တိုးတက်မှုတွေ ရရှိလာတယ်လို့ ရေးသားထားပါတယ်။

ထိပ်တန်း စစ်လက်နက်ပစ္စည်း တီထွင်ဖန်တီးမှု နယ်ပယ်ကို တရုတ်က လိုက်မီလာတဲ့ပြင် အသံထက်မြန်တဲ့ လက်နက်၊ ရေတပ်သုံးလက်နက်၊ ဒုံးခွင်းစနစ်တွေမှာ ပြိုင်ဘက်တွေထက် ကျော်လွတ်သွားပြီလို့ ပင်တဂွန်က သုံးသပ်ပါတယ်။

“နည်းလမ်းပေါင်းစုံသုံးကာ နည်းပညာတွေကို ရယူခဲ့တာကြောင့် တရုတ်ပြည်သူ့ လွတ်မြောက်ရေးတပ်ဖွဲ့ PLA ဟာ ကမ္ဘာပေါ်က အဆန်းသစ်စုံး လက်နက်ထုတ်လုပ်ရေးနယ်ပယ်ကို လိုက်မီလာခဲ့ပါတယ်။ တစ်ချို့ ကဏ္ဍတွေမှာဆိုရင် ဦးဆောင်သူတောင် ဖြစ်လာပါပြီ” လို့ အစီရင်ခံစာမှာ ရေးသားထားပါတယ်။

လက်ရှိမှာ တရုတ်ဟာ အာရှဒေသတွင်းနဲ့ ကမ္ဘာပေါ်က ဘယ်လိုပစ်မှတ်မျိုးကိုမဆို ပစ်ခတ်နိုင်တဲ့ တာလတ်-တာဝေသုံး ကိုယ်ပျောက်တိုက်လေယာဉ်သစ်ကို ဖန်တီးထုတ်လုပ်နေပြီး ၂၀၂၅ မှာ ပထမဆုံး စတင်အသုံးပြုနိုင်မယ်လို့ ပင်တဂွန်က အစီရင်ခံစာမှာ ထုတ်ဖော် ရေးသားထားပါတယ်။

စစ်ဖက်ဆိုင်ရာ သုတေသန လုပ်ငန်းတွေကို ဂြိုဟ်တုကနေ ခြေရာခံလို့မရအောင် မြေအောက် အဆောက်အဦးတွေမှာ လုပ်ဆောင်နေတယ်လို့လည်း ပင်တဂွန်က ဆိုပါတယ်။

Ref: CNA