Tag: China

မေ ၂၀၊ ၂၀၁၈
M-Media

– အပြန်အလှန် ပြုလုပ်ထားကြတဲ့ အခွန်တိုးမြှင့်ကောက်မယ့် အစီအစဉ်တွေကို ရပ်ဆိုင်းဖို့အတွက် တရုတ်နဲ့ အမေရိကန်တို့က သဘောတူခဲ့ကြပါတယ်။

နှစ်နိုင်ငံ ကုန်သွယ်ရေးမညီမျှမှုကို လျှော့ချဖို့အတွက် အမေရိကန်ရဲ့ ကုန်ပစ္စည်းတွေ၊ ၀န်ဆောင်မှုတွေကို ပိုမိုတင်သွင်းရေး ရည်ရွယ်တဲ့ ဆွေးနွေးမှုကို ၀ါရှန်မှာ ပြီးခဲ့တဲ့ရက်တွေအတွင်း ပြုလုပ်ခဲ့ပြီးတဲ့နောက် ဒီသဘောတူညီချက် ထွက်လာတာ ဖြစ်ပါတယ်။

အမေရိကန် ဘဏ္ဍာရေးဝန်ကြီး စတီဗင် မူချင်က တရုတ်နိုင်ငံဟာ အမေရိကန်က တင်သွင်းတဲ့ ဘယ်အရာကိုမဆို အခွန်လျှော့ချလိမ့်မယ်လို့ ပြောကြားခဲ့ပါတယ်။

တရုတ်ဒုတိယ၀န်ကြီးချုပ် လူဟီကလည်း ဒီသဘောတူညီချက်ဟာ အနိုင်-အနိုင် အနေအထားမျိုးဖြစ်တယ်လို့ ဆိုပါတယ်။

အခုသဘောတူညီချက်ကြောင့် မိမိတို့ဟာ တရုတ်နဲ့ နှစ်စဉ် ကုန်သွယ်ရေးကွာဟချက်ကို ၃၃၅ ဘီလီယံအထိ လျှော့ချနိုင်မယ်လို့ အမေရိကန်အစိုးရက ပြောပါတယ်။ အိမ်ဖြူတော်က ကွာဟချက်ကို ဘီလီယံ ၂၀၀ လောက်အထိ လျှော့ချချင်နေပြီး လက်ရှိ သဘောတူညီချက်နဲ့ပတ်သက်လို့ အသေးစိတ် ထုတ်ဖော်ပြောဆိုခြင်း မရှိသေးပါဘူး။

မစ္စတာ မူချင်က နှစ်ဖက်စလုံးဟာ အင်မတန်အဓိပ္ပါယ်ရှိတဲ့ တိုးတက်မှုကို ပြုလုပ်ခဲ့ပြီး တရုတ်က အမေရိကန်ဆီကနေ ကုန်ပစ္စည်းတွေ ပိုမိုတင်သွင်းကာ ကုန်သွယ်ရေးကွာဟချက်ကို လျှော့ချနိုင်မယ့် မူဘောင်တစ်ခုကို သဘောတူခဲ့ကြတယ်လို့ ဆိုပါတယ်။

အမေရိကန်ရဲ့ ဉာဏစွမ်းအားတွေကို တရုတ်က ခိုးယူနေတယ်လို့ စွပ်စွဲကာ အမေရိကန်သမ္မတ ဒေါ်နယ်ထရမ့်က အခုနှစ်အစောပိုင်းမှာ တရုတ်ကုန်ပစ္စည်းတွေအပေါ် အခွန်တွေတိုးကောက်ဖို့ စီစဉ်ခဲ့တာပါ။ တရုတ်ကလည်း အမေရိကန် ပစ္စည်းတွေကို အခွန်ပိုမိုကောက်သွားမယ်လို့ တုန့်ပြန်ခဲ့ပါတယ်။

Ref: BBC

ဧပြီ ၄၊ ၂၁၀၈
M-Media

– အမေရိကန်သမ္မတထရမ့်က တရုတ်ကုန်ပစ္စည်းတွေအပေါ် ဒုတိယအကြိမ် အခွန်တိုးကောက်မှုအတွက် တရုတ်ကလည်း ဒုတိယမြောက် တုန့်ပြန်လိုက်ပြီး အမေရိကန်က အဓိကတင်သွင်းတဲ့ ပဲပိစပ်၊ ကား၊ လေယာဉ်၊ အမဲသားနဲ့ ဓာတုပစ္စည်းတွေကို အခွန်တိုးကောက်မယ်လို့ ဒီကနေ့မှာ ကြေငြာခဲ့ပါတယ်။

အမေရိကန်က တရုတ်ကုန်စည်တွေအပေါ် ဒုတိယအကြိမ်အဖြစ် ကန်ဒေါ်လာ ဘီလီယံ ၅၀ ဖိုး အခွန်ကောက်မယ်လို့ ကြေငြာပြီး ၁၁ နာရီအကြာမှာ တုန့်ပြန်ခဲ့တာဖြစ်ကာ ကုန်စည်ပေါင်း ၁၀၀ ကျော် ပါဝင်မှာဖြစ်ပါတယ်။ တန်ဖိုးကတော့ အမေရိကန်က ကောက်ခံမယ့် တန်ဖိုးနဲ့ အတူတူဖြစ်ပါတယ်။

ဒီကိစ္စကြောင့် ကမ္ဘာ့ စီးပွားရေးအင်အားကြီး နှစ်နိုင်ငံဖြစ်တဲ့ တရုတ်နဲ့ အမေရိကန်အကြား ကုန်သွယ်ရေးစစ်ပွဲ အကြီးအကျယ် ဖြစ်နိုင်တယိဆိုတဲ့ စိုးရိမ်မှုတွေ မြင့်တက်လာခဲ့ပါတယ်။

အခုတစ်ကြိမ် တရုတ်က အခွန်တိုးကောက်မယ့်စာရင်းမှာ Tesla က လျှပ်စစ်ကား၊ Ford က Lincoln မော်ဒယ်ကားတွေ၊ General Dynamics and Brown က ထုတ်လုပ်တဲ့ Gulfstrem ဂျက်လေယာဉ်တွေ ပါဝင်မှာဖြစ်ပါတယ်။

အမေရိကန်ရဲ့ ဒုတိယအကြိမ် အခွန်ကောက်မယ့်ပစ္စည်းတွေဟာ စက်မှုထုတ်ကုန်တွေ ဖြစ်ပေမယ့် တရုတ်ကတော့ အဓိက အမေရိကန်ပို့ကုန်တွေဖြစ်တဲ့ ပဲပိစပ်၊ အမဲသား၊ ၀ါ၊ ၂၀၁၆ ခုနှစ် ရွေးကောက်ပွဲမှာ သမ္မတထရမ့်ကို မဲပေးခဲ့တဲ့ ပြည်နယ်တွေကနေထွက်တဲ့ လယ်ယာထွက်ကုန်တွေကို အခွန်တိုးကောက်လိုက်တာပါ။

အမေရိကန်ရဲ့ အခွန်တိုးကောက်မှုဟာ အိုင်တီနဲ့ စက်ရုပ်တွေလို ကုန်ထုတ်လုပ်ငန်းဆိုင်ရာ မဟာဗျူဟာကျတဲ့ ပစ္စည်းတွေကို ပြည်တွင်းဖြစ်တွေနဲ့ အစားထိုးကာ တရုတ်ရဲ့ Made in China 2025 အစီအစဉ်ကို ထိခိုက်စေဖို့ ရည်ရွယ်တာဖြစ်ပြီး တရုတ်ကတော့ အမေရိကန်နိုင်ငံရေး လှုပ်ခတ်လာအောင် ရည်ရွယ်တာဖြစ်ပါတယ်။

Ref: CNA