Tag: China

ဒီဇင်ဘာ ၁၈၊ ၂၀၁၅
M-Media

– နိုင်ငံမြောက်ပိုင်း၌ ယခုသီတင်းပတ်အဆုံးပိုင်းတွင် လေထုညစ်ငြမ်းမှုနှင့် ရင်ဆိုင်ရဖွယ်ရှိသောကြောင့် ဒေသခံများအနေဖြင့် ပြင်ဆင်ထားကြရန် တရုတ်အာဏာပိုင်များက ယနေ့တွင် ကြေငြာခဲ့ပြီး၊ အနီရောင်အဆင့် သတိပေးချက်လည်း ထုန်ပြန်လိုက်သည်။

မီးခိုးများဖြင့် လေထုညစ်ညမ်းမှုမှာ နိုင်ငံအလယ်ပိုင်းနှင့် အရှေ့မြောက်ပိုင်းအထိ ပြန့်နှံ့ဖွယ်ရှိနေကာ စနေနေ့ညနေပိုင်းမှ အင်္ဂါနေ့အထိ ကြာမြင့်လိမ့်မည်ဟု တရုတ်မိုးလေ၀သ အေဂျင်စီက ပြောကြားခဲ့သည်။

လေထုညစ်ညမ်းမှုကြောင့် တရုတ်နိုင်ငံတွင် အနီရောင်အဆင့် သတိပေးချက်ထုတ်ပြန်ရသည်မှာ ၂၀၁၃ ခုနှစ်က သတိပေးချက်စနစ် စတင်ခဲ့ပြီးနောက်ပိုင်း ယခုအကြိမ်သည် ဒုတိယအကြိမ်ဖြစ်ပြီး ပထမအကြိမ်မှာ ပြီးခဲ့သည့် သီတင်းပတ်က ဘေဂျင်းတွင် ကြေငြာခဲ့ရခြင်းဖြစ်သည်။

Ref: channelnewsasia

ဒီဇင်ဘာ ၁၆၊ ၂၀၁၅
M-Media

– ၂၀၁၅ ခုနှစ်အတွင်း ဂျာနယ်လစ်များအား ဖိနှိပ်ချုပ်ချယ်မှု အများဆုံးနိုင်ငံများစာရင်းတွင် တရုတ်၊ အီဂျစ်၊ အီရန်တို့က ထိပ်ဆုံး၌ရှိနေပြီး၊ ပြီးခဲ့သည့်နှစ်ကထက်စာလျှင် ယခုနှစ်တွင် ဂျာနယ်လစ်များ ဖမ်းဆီးထောင်ချခံရမှုမှာ အနည်းငယ် ကျဆင်းခဲ့သည်ဟု စာနယ်ဇင်းလွတ်လပ်ခွင့် စောင့်ကြည့်အဖွဲ့ Protect Journalists အဖွဲ့က ထုတ်ပြန်သော အစီရင်ခံစာတွင် ဖော်ပြထားသည်။

နယူးယောက်အခြေစိုက်ဖြစ်သော အဆိုပါ အဖွဲ့က ၂၀၁၅ ခုနှစ်အတွင်း ထောင်သွင်းအကျဉ်းချခံခဲ့ရသော ဂျာနယ်လစ်ပေါင်း ၁၉၉ ယောက် ရှိခဲ့ပြီး၊ ပြီးခဲ့သည့်နှစ်က ၂၂၁ ယောက်ထိရှိကြောင်း နှိုင်းယှဉ်ထောက်ပြခဲ့သည်။

ထောင်ချခံရသူများအနက်မှ လေးပုံသုံးပုံခန့်မှာ တရုတ်နိုင်ငံတွင် ဖြစ်ပြီး ကမ္ဘာ့အဆိုးရွားဆုံး စာနယ်ဇင်းဖိနှိပ်သည့်နိုင်ငံအဖြစ် ၂ နှစ်ဆက်တိုက် ရှိနေခြင်းလည်းဖြစ်သည်။ တရုတ်နိုင်ငံတွင် ထောင်ကျနေသည့် သတင်းထောက်အရေအတွက်မှာ ၄၉ ဦး ရှိနေပြီး ယခင်နှစ်များနှင့် နှိုင်းယှဉ်ပါက စံချိန်တင် ကျဆင်းမှုဖြစ်သည်။

အီရန်၊ ဗီယက်နမ်နှင့် အီသီယိုးပီးယားတို့တွင်လည်း ယခင်ကထက်စာလျှင် ဖမ်းဆီးခံ ဂျာနယ်လစ်အရေအတွက်များ လျော့နည်းသွားပြီဖြစ်သည်။ သို့သော်လည်း ၎င်းနိုင်ငံများတွင် ပြန်လည်လွှတ်မြောက်လာသူများမှာပြည်နှင်ဒဏ်အပါအ၀င် ငွေဒဏ်များဆောင်ရခြင်း၊ ပြင်းထန်သည့်ကန့်သတ်ချက်များကို ရင်ဆိုင်နေရဆဲ ဖြစ်သည်။

အစီရင်ခံစာများအရ တူရကီတွင်လည်း မီဒီယာလွတ်လပ်ခွင့်များ တစ်ဖန်ပြန်၍ ဆိုးရွားလာပြီး ဖမ်းဆီးခံဂျာနယ်လစ်များ အရေအတွက်သည် ၂၀၁၄ ထက် နှစ်ဆတိုးလာသည်ကို တွေ့ရသည်။

“တူရကီနိုင်ငံက ဂျာနယ်လစ်တွေကိုထောင်ချမှု အဆိုးဝါးဆုံးအဖြစ် ၂ နှစ်ဆက်တိုက် ရပ်တည်ခဲ့ပြီးတဲ့နောက် ၂၀၁၄ မှာ ဂျာနယ်လစ် ဒါဇင်ပေါင်းများစွာ လွှတ်ပေးခဲ့ပြီး ၂၀၁၅ မှာတော့ အသစ်ထပ်မံဖမ်းဆီးမှုတွေ ပြုလုပ်ခဲ့ကာ ဂျာနယ်လစ်တွေကို ထောင်ချတဲ့နိုင်ငံများစာရင်းက နံပါတ် ၅ မှာ ရပ်တည်နေပါတယ်” ဟု Protect Journalists ၏ အစီရင်ခံစာတွင် ဖော်ပြထားသည်။

ဂျာနယ်လစ်များကို ထောင်ချခဲ့သည့် အခြားနိုင်ငံများတွင် အဇာဘိုင်ဂျန်နိုင်ငံက ၈ယောက်၊ ဆော်ဒီနှင့် ဆီးရီးယားတွင် ၇ ယောက်စီ၊ ဗီယက်နမ်နိုင်ငံက ၆ ယောက်၊ ဘာရိန်းနိုင်ငံ၊ ဘင်္ဂလားဒေ့ရ်ှနှင့် မြန်မာနိုင်ငံတို့တွင် ငါးယောက်စီ ရှိနေသည်။

အစိုးရမဟုတ်သောအဖွဲ့များက ဂျာနယ်လစ်များအား ဖမ်းဆီးမှုမှာ ဆီးရီးယားတွင် အများဆုံးဖြစ်ခဲ့ပြီး ၂၆ ယောက် ထိန်းသိမ်းခြင်းခံခဲ့ရသည်။ ISIS အဖွဲ့ကမူ ဆီးရီးယားနှင့် အီရတ်တွင် ၁၈ ယောက်ခန့် ဖမ်းဆီးခဲ့သည်။ အစီရင်ခံစာတွင် ၂၀၁၅ ခုနှစ်အတွင်း ပဋိပက္ခဖြစ်ပွားသောနေရာများ၌ ဂျာနယ်လစ် ၈ ယောက် ပျောက်ဆုံးနေကြောင်း ဖော်ပြထားသည်။

Ref: Aljazeera

ဒီဇင်ဘာ ၁၃၊ ၂၀၁၅
M-Media

– တရုတ်အင်တာနက်ကုမ္ပဏီတစ်ခုဖြစ်သည့် Alibaba မှာ ဟောင်ကောင်ထုတ် နေ့စဉ်သတင်းစာ တစ်စောင်ဖြစ်သော South China Morning Post ကို ၀ယ်ယူတော့မည်ဟု ပြောကြားခဲ့ပြီး သတင်းစာ၏ လွတ်လပ်စွာထုတ်ဖော်ခွင့် ရည်ရွယ်ချက် မဆုံးရှုံးစေရန် ထိန်းသိမ်းမည်ဟု ကတိပြုခဲ့သည်။

အင်္ဂလိပ်ဘာသာစကားဖြင့် ထုတ်ဝေသော ယင်းသတင်းစာနှင့် ပတ်သက်၍ ကောလဟာလများ ထွက်ပေါ်လာပြီးနောက်ပိုင်း ယခုသတင်း ပေါ်ထွက်လာခြင်းဖြစ်ပြီး အနာဂတ်တွင် တရုတ်အစိုးရ၏အာဘော် ဖြစ်လာမည်ဟူသော စိုးရိမ်မှုများ မြင့်တက်လာခဲ့သည်။

ဂျာနယ်လစ်များကိုတိုက်ခိုက်ခြင်း၊ အယ်ဒီတာအဖွဲ့ဝင်များအား အာဏာပိုင်များက ဖိအားပေးခြင်း၊ ဆင်ဆာဖြတ်မှု တိုးမြှင့်လာခြင်းတို့ကြောင့် ဟောင်ကောင်တွင် စာနယ်ဇင်းလွတ်လပ်ခွင့်အပေါ် ဖိနှိပ်မှုအတွက် စိုးရိမ်မှုများ မြင့်တက်လာနေသည်။

တရုတ်တက္ကသိုလ်မှ နိုင်ငံရေးပါမောက္ခတစ်ဦးဖြစ်သူ ၀ီလီလမ်က ထိုကဲ့သို့ ၀ယ်ယူမှုမှာ တရုတ်အစိုးရက ၎င်းတို့၏ ပါဝါကို ပျော့ပြောင်းသောနည်းလမ်းဖြင့် ကမ္ဘာတစ်ဝှမ်းသို့ တိုးမြှင့်ထိုးဖောက်ရန် အကွချက်စီစဉ်ထားမှု၏ အစိတ်အပိုင်းတစ်ရပ်ဖြစ်သည်ဟု ပြောကြားခဲ့သည်။

Ref: Aljazeera