Tag: China

ဒီဇင်ဘာ ၂၈၊ ၂၀၁၅
M-Media

– နည်းပညာကုမ္ပဏီများမှာ ရုပ်ဖျက်ထားသည့် မှတ်တမ်းများကဲ့သို့ အရေးပါသော အချက်အလက်များကို အစိုးရအား လွှဲပြောင်းပေးအပ်ရန် လိုအပ်ပြီး အကြမ်းဖက်မှုကို တန်ပြန်စစ်ဆင်နိုင်ရန် စစ်တပ်အား ပြည်ပသို့စေလွှတ်ခြင်းကို ခွင့်ပြုထားသည့် အငြင်းပွားဖွယ် အကြမ်းဖက်မှုတိုက်ဖျက်ရေး ဥပဒေသစ်ကို တရုတ်ပါလီမန်က ယမန်နေ့တွင် အတည်ပြုလိုက်သည်ဟု သိရသည်။

တရုတ်အစိုးရကမူ ၎င်းတို့တိုင်းပြည်တွင် စစ်သွေးကြွများနှင့် ခွဲထွက်ရေးသမားများ တဖြည်းဖြည်း များပြားလာခြင်းနှင့် ရင်ဆိုင်နေရကြောင်း ပြောကြားထားသည်။ အဆိုပါဥပဒေသည် လွတ်လပ်စွာပြောဆိုခွင့်ကဲ့သို့သော လူ့အခွင့်အရေးများကို ချိုးဖောက်နိုင်သည့်အပြင် အင်တာနက်လွတ်လပ်ခွင့်ကိုလည်း ထိပါးလာနိုင်သောကြောင့် အနောက်နိုင်ငံများက အထူးစိုးရိမ်လျက် ရှိနေကြသည်။

အမေရိကန်သမ္မတ အိုဘားမားကလည်း ထိုဥပဒေနှင့်ပတ်သက်၍ စိုးရိမ်မှုများ ရှိနေကြောင်း တရုတ်သမ္မတ ဇီဂျင်ပင်းကို တိုက်ရိုက် ပြောကြားထားဖူးသည်။

သို့သော်လည်း ထိုဥပဒေမှာ နည်းပညာကုမ္ပဏီများ၏ ပုံမှန်ဆောင်ရွက်ချက်များကို ထိခိုက်စေမည်မဟုတ်ဘဲ အသိဥာဏ်မူပိုင်ခွင့်ဆိုင်ရာ အခွင့်အရေး ဆုံးရှုံးမှု သို့မဟုတ် မရိုးသားသည့် ကိစ္စများလည်း ပါဝင်မည်မဟုတ်ဟု လွှတ်တော်ရာဇ၀တ်မှုရေးရာဌာနမှ အကြီးအကဲ လီရှောင်ဝေက ပြောကြားခဲ့သည်။

ဇူလိုင်လကပြဌာန်းခဲ့သော တရုတ်နိုင်ငံ၏ နိုင်ငံတော်လုံခြုံရေး ဥပဒေတွင် သတင်းအချက်အလက်နှင့် ပတ်သက်သည့် အဓိက အခြေခံအဆောက်အဦးများနှင့် သတင်းအချက်အလက်စနစ်များမှာ လုံခြုံ၍ ထိန်းချုပ်နိုင်သည့်အနေအထားတွင် ရှိရန် လိုအပ်သည်ဟု ဖော်ပြထားသည်။

ယခုပြဌာန်းလိုက်သည့် အကြမ်းဖက်တိုက်ဖျက်ရေး ဥပဒေမှာ ပြည်သူ့လွတ်မြောက်ရေးတပ်မတော် (PLA) ကိုလည်း ပြည်ပစစ်ရေးလှုပ်ရှားမှုများတွင် ပါဝင်ရန် ခွင့်ပြုထားသည်။ သို့သော်လည်း ကျွမ်းကျင်သူများကမူ ထိုသို့ ပါဝင်ခြင်းက လက်တွေ့နှင့် သံတမန်ရေးဆိုင်ရာပြဿနာများ ကြုံတွေ့ရနိုင်သည်ဟု သတိပေးထားသည်။

ပြည်သူ့လုံခြုံရေးဝန်ကြီးဌာန၏ အကြမ်းဖက်မှုဆန့်ကျင်ရေးဌာနခွဲမှ ခေါင်းဆောင် အန်ဝေကျင်းက တရုတ်နိုင်ငံမှာ အကြမ်းဖက်သမားများ အထူးသဖြင့် အရှေ့တာကက်စတန် တပ်ဖွဲ့များ၏ ခြိမ်းခြောက်မှုကို ခံနေရသည်ဟု ပြောကြားခဲ့သည်။

အဆိုပါ အကြမ်းဖက်တိုက်ဖျက်ရေး ဥပဒေသစ်တွင် အကြမ်းဖက်တိုက်ခိုက်မှုများကို အသေးစိတ်မတင်ပြရန် မီဒီယာကို ကန့်သတ်ထားသည်။ ပုံစံတူလိုက်လုပ်လာနိုင်သည့်အတွက် အကြမ်းဖက်ရေးလှုပ်ရှားမှုများကို မီဒီယာနှင့် လူမှုကွန်ယက်များတွင် မရေးသားရန်အပြင် ရက်စက်ကြမ်းကြုတ်ပြီး လူမဆန်သည့် ပြကွက်များကိုလည်း မပြသရန် တားမြစ်ထားသည်။

Ref: Reuters

ဒီဇင်ဘာ ၂၇၊ ၂၀၁၅
M-Media

– တရုတ်နိုင်ငံမှာ အိမ်ထောင်ရှင်များတွင် ကလေးနှစ်ဦးယူခွင့်ပြုသည့် ဥပဒေကို ယနေ့တွင် လက်မှတ်ရေးထိုးကာ တစ်အိမ်ထောင် ကလေးတစ်ယောက်စနစ်အား တရားဝင် ဖျက်သိမ်းလိုက်သည်ဟု သိရသည်။

နိုင်ငံအတွင်း သက်ကြီးရွယ်အိုများ များပြားလာခြင်း၊ အမျိုးသား၊ အမျိုးသမီး ကွာဟချက် ကြီးမားလာခြင်းနှင့် အလုပ်လုပ်နိုင်သည့် အရေအတွက် နည်းပါးလာခြင်းတို့ကြောင့် ၁၉၇၀ ပြည့်နှစ်ကတည်းက ချမှတ်ကျင့်သုံးခဲ့သည့် တစ်အိမ်ထောင် ကလေးတစ်ယောက်ပေါ်လစီကို ဖျက်သိမ်းရန် ပြီးခဲ့သည့် အောက်တိုဘာက အာဏာရ ကွန်မြူနစ်ပါတီမှ ကြေငြာခဲ့သည်။

ယခုဥပဒေ၌ တစ်အိမ်ထောင်လျှင် ကလေး ၂ ယောက် ယူခွင့်ရှိသော်လည်း ထပ်မံမွေးဖွားမှုများအတွက် ကန့်သတ်ချက်များ ရှိနေသည်။ တရုတ်အာဏာပိုင်များကမူ ထိုကဲ့သို့ တစ်အိမ်ထောင် ကလေးတစ်ယောက်ပေါ်လစီက တရုတ်နိုင်ငံ စီးပွားရေးဖွံ့ဖြိုးတိုးတက်မှုအတွက် အထောက်အကူဖြစ်ခဲ့ပြီး မွေးဖွားမှုး သန်း ၄၀၀ ခန့်ကို ဟန့်တားနိုင်ခဲ့သည်ဟု ပြောကြားခဲ့သည်။

Ref: Channelnewsasia

ဒီဇင်ဘာ ၂၇၊ ၂၀၁၅
M-Media

– တရုတ်နိုင်ငံ ဇင်ကျန်းပြည်နယ်ရှိ ၀ီဂါလူမျိုး အစ္စလာမ်ဘာသာဝင်များအား တရုတ်ကွန်မြူနစ်အစိုးရက ဖိနှိပ်ချုပ်ချယ်မှုများကို ရေးသားဖော်ခဲ့သည့် ပြင်သစ်ဂျာနယ်လစ်တစ်ဦးကို နိုင်ငံအတွင်းမှ တရုတ်အစိုးရက နှင်ထုတ်ရန်သွားမည်ဟု သိရသည်။

L’Obs မဂ္ဂဇင်းမှ ဂျာနယ်လစ် အူရ်ဆူလာ ဂူသီယာဖြစ်ပြီး ဒီဇင်ဘာ ၃၁ ရက်နေ့တွင် ကုန်ဆုံးမည့် ၎င်း၏ ဗီဇာနှင့် မီဒီယာခွင့်ပြုကဒ်တို့ကို သက်တမ်းတိုးပေးမည်မဟုတ်ဟု တရုတ်အာဏာပိုင်များက ပြောကြားခဲ့ကြောင်း အဆိုပါမဂ္ဂဇင်းတိုက်က သောကြာနေ့တွင် ထုတ်ဖော်ပြောဆိုခဲ့သည်။

ဝီဂါလူမျိုးများ ဖိနှိပ်ခံရမှုအကြောင်း ရေးသားထားသော ဂူသီယာ၏ ဆောင်းပါးမှာ နိုဝင်ဘာလထုတ် L’Obs မဂ္ဂဇင်းတွင် ပါဝင်ခဲ့ပြီး ထိုအချိန်ကတည်းက တရုတ်အာဏာပိုင်များမှာ ၎င်းအား တိုင်းပြည်မှထွက်သွားရန် ဖိအားပေးနေခဲ့ခြင်းဖြစ်သည်။

ဇင်ကျန်းပြည်နယ်ရှိ ၀ီဂါလူမျိုးများကို တရုတ်အစိုးရက ဖိနှိပ်ချုပ်ချယ်မှုများရှိသည်ဆိုသော သတင်းများ ထွက်ပေါ်နေသည်မှာ ကြာမြင့်နေပြီဖြစ်ပြီး တရုတ်အစိုးရမှာ ၀ီဂါများ၏ ဘာသာတရားကျင့်သုံးမှုအား တားမြစ်ပိတ်ပင်ခြင်း၊ ဟန်လူမျိုးများအား ဇင်ကျန်းပြည်နယ်သို့ ပြောင်းရွှေ့စေကာ ၀ီဂါလူမျိုးများ အရေအတွက်လျော့ကျအောင် ဆောင်ရွက်ခြင်းတို့ကို ပြုလုပ်နေသည်ဟု စွပ်စွဲခံထားရသည်။

အင်္ဂါနေ့က ဖော်ပြသည့် မဂ္ဂဇင်း၏ အယ်ဒီတာ့အာဘော်တွင် ဂူသီယာ၏ လုပ်ဖော်ကိုင်ဖက်များက သူမမှာ အသက်အန္တရာယ်ပင် ခြိမ်းခြောက်ခံခဲ့ရပြီး၊ တရုတ်နိုင်ငံပိုင် မီဒီယာတစ်ခုက ပြုလုပ်သည့် လှုပ်ရှားမှုတစ်ခုတွင် ဂူသီယာအား ဘက်လိုက်သော နိုင်ငံရေးခံယူချက်နှင့် တရုတ်ဆန့်ကျင်ရေး သဘောတရားများ ရှိသည်ဟု စွပ်စွဲခံခဲ့ရကြောင်း ဖော်ပြခဲ့သည်။ L’Obs မဂ္ဂဇင်းကမူ ထိုစွပ်စွဲချက်များအား ငြင်းဆိုခဲ့သည်။

တရုတ်အာဏာပိုင်များက ဂူသီယာ၏ ဖော်ပြမှုမှာ “ရှက်ဖွယ်လိလိဖြစ်သော အကြမ်းဖက်ဝါဒလုပ်ရပ်နှင့် ရက်စက်သည့် သတ်ဖြတ်မှုလုပ်ရပ်” ဖြစ်သည်ဟု ယမန်နေ့က တရုတ်နိုင်ငံခြားရေးဝန်ကြီးဌာနမှ ထုတ်ပြန်သည့် ကြေငြာချက်တွင်
ဖော်ပြထားသည်။

နယ်စည်းမခြားသတင်းထောက်များအဖွဲ့မှ နိုင်ငံပေါင်း ၁၈၀ ကို စာရင်းပြုစုထားသော ကမ္ဘာ့မီဒီယာလွတ်လပ်မှု အညွှန်းကိန်း (World Press Freedom Index) တွင် တရုတ်နိုင်ငံမှာ အဆင့် ၁၇၆ တွင်ရှိနေပြီး ၎င်း၏နောက်တွင် ဆီးရီးယား၊ မြောက်ကိုရီးယား၊ တာခ်မန်နစ္စတန်နှင့် အီရစ်ထရီယာနိုင်ငံတို့သာ ရှိနေသည်။

Ref: Aljazeera