ဖေဖော်ဝါရီ ၂၇ ၊ ၂၀၁၅
နှင်းဆီခင် ရေးသည်။
လူသားအသီးသီးမှာ (အများစုက) အားကိုးယုံကြည်မှုဆိုတာ ရှိစမြဲပါပဲ။ ရုပ်ဝတ္တုပစ္စည်းအနေနှင့် အကောင်အထည် လက်ဆုပ်လက်ကိုင် ပြလို့မရသည့်တိုင် လေးနက်တဲ့ ယုံကြည်မှုရဲ့အနှစ်အရသာကိုတော့ ရင်မှာခံစားလို့ ရနိုင်ပါတယ်။ သိပ္ပံပညာရဲ့ဆန်းသစ်တဲ့ တီထွင်ကြံဆမှုတွေအကြားမှာ စိတ်နှင့်သာ ခံစားသိမြင်နိုင်တဲ့ နာမ်တရားဟာလည်း ရှင်သန်လျက်ပါပဲ။
လော့အင်ဂျေလိပ်မြို့မှာရှိတဲ့ ဘုရားကျောင်းတစ်ခုမှာ အမျိုးသမီးအုပ်စုတစ်စုဟာ အပတ်စဉ် စည်းရုံးကြပြီး ကိုယ်လက် လှုပ်ရှားမှုတွေကို လေ့ကျင့်ရုံသာမက စိတ်ကိုလေးနက်တည်ငြိမ်စေတဲ့ တရားထိုင်ခြင်းများကိုပါ ပူးတွဲလေ့ကျင့်ကြတယ်။ နီဗါးဒါးတက္ကသိုလ် လက်ထောက်ပါမောက္ခတစ်ဦးဖြစ်တဲ့ ရီနိုဟာဆုတောင်းခြင်းနှင့် ရိုးရာနည်း ကိုယ်လက်လှုပ်ရှားမှုနှင့်ကုသတဲ့ နည်းတွေကို နှိုင်းယှဉ်လေ့လာခဲ့တယ်။ သသနာပြုဆရာမတစ်ဦးဖြစ်တဲ့ ရိုဗာတာဟာ ဆုတောင်းမေတ္တာပို့သခြင်းနှင့် ညင်သာတဲ့ ကိုယ်လက်လှုပ်ရှားမှုတွေက ရရှိတဲ့အေးချမ်းမှုကိုသိရှိခံစားခဲ့ရတယ်လို့ ဆိုပါတယ်။ ဝေဒနာရှင်တွေကိုလည်း ထိန်းချုပ်နိုင်စွမ်းရှိအောင် ကူညီသင်ကြားပေးခဲ့တယ်။
မိမိသက်ဝင်ယုံကြည်တဲ့ ဘာသာတရားအပေါ် အလေးအနက် ယုံကြည်ကိုးစားခြင်းဟာ လောကီချမ်းသာကို ပေးနိုင်တယ်လို့ ယေဘုယျ အနေနှင့် သတ်မှတ်သည်ပဲထား၊ အာဂန္တုရောဂါပဲဖြစ်ဖြစ် နာတာရှည်ရောဂါပဲဆိုဆို သက်သာပျောက်ကင်းနိုင်တဲ့အချက်ကို သိပ္ပံပညာရှင်တွေက အာရုံစိုက်ပြီး လေ့လာဆန်းစစ်ကြတယ်။
“ကျွန်တော်တို့ဟာ သိပ္ပံနည်းကျကျ သက်သေပြလို့ မရတာကတော့ ဘုရားသခင်ဟာ ဝေဒနာတွေကို ပျောက်ကင်းစေတယ်ဆိုတာပါပဲ။ သက်သေပြနိုင်တာ တစ်ခုကတော့ ဘုရားသခင်ကို အလေးအနက် ယုံကြည်မှုရှိခြင်းကတော့ ထိရောက်တဲ့အကျိုးဖြစ်ထွန်းမှု ရှိတယ်ဆိုတာပါပဲ။”လို့ ဝါရှင်တန်ဆေးတက္ကသိုလ် တွဲဖက်ပါမောက္ခ ဒေါက်တာဒေးလ် မက်သယူးက ကြေငြာတယ်။ နောက်ပြီး ဘာသာတရားအပေါ်အလေးအနက် ယုံကြည်မှုရှိခြင်းဟာ လူသားတွေကို ပိုပြီးကျန်းမာလာစေနိုင်တယ်ဆိုတာ ယုံမှားသံသယမရှိပါဘူးလို့လည်း ပြောပါတယ်။
ဘာသာတရားအပေါ်ယုံကြည်မှုနှင့် ကျန်းမာရေးဆက်စပ်မှုကို သိပ္ပံသုတေသီတွေက လက်တွေ့လေ့လာမှုပေါင်း သုံးဆယ်ကျော် ဆောင်ရွက်ပြီးတဲ့နောက်မှာ အသက်ရှည်ကျန်းမာခြင်းဆိုတာကို လေ့လာဆန်းစစ်လို့ သိရှိခွင့်ရခဲ့တယ်။ ကယ်လီဖိုးနီးယားမှာနေထိုင်သူ ၅၂၈၆ ဦးကို သုတေသနပြုတဲ့အခါ ဘုရားရှိခိုးကျောင်းမှန်မှန်တက်သူတွေဟာ တက်ရောက်ခြင်းမရှိသူတွေထက် သေပျောက်နှုန်းလျော့နည်းတယ်လို့ သိရတယ်။ အသက်အန္တရယ်များလှတဲ့ ဆေးလိပ်၊ အရက်သောက်သုံးမှုနှင့် အဝလွန်ခြင်း၊ ကိုယ်လက်လှုပ်ရှားမှုနည်းပါးခြင်း တို့ကိုတော့ထည့်မစဉ်းစားဘူးပေါ့။
ကင်ဆာရောဂါခံစားနေရသူ (၈) ဦးမှာ ဘာသာတရားကိုင်းရှိုင်းသူ၊ ဝေဒနာရှင် (၇) ဦးဟာ ဆိုးရွားတဲ့ရောဂါလက္ခဏ မတွေ့ရပါဘူး။ အလားတူပါပဲ သွေးတိုးရောဂါဖြစ်သူ (၅) ဦးမှာ (၄) ဦး၊ နှလုံးရောဂါသည် (၆) ဦးမှာ (၄) ဦးနှင့် အထွေထွေရောဂါသည် (၅) ဦးမှာ (၄) ဦးဟာ ဘာသာတရားကို လေးစားယုံကြည်စိတ် ပြင်းပြသူတွေဖြစ်ကြပြီး ရောဂါဒဏ်ကို ဆိုးဆိုးရွားရွား မခံစားရသောကြောင်း လေ့လာဆန်းစစ်ထားတယ်။
ဘာသာတရား ယုံကြည်လေးစားမှုနှင့် ကျန်းမာရေးတို့အကြား ဆက်သွယ်မှုမှာ ကိုးကွယ်ရာဘာသာ၊ ရေမြေဒေသ ယဉ်ကျေးမှုနှင့် အသက်အရွယ် စတာတွေနှင့် လုံးဝပတ်သတ်မှုမရှိဘူးဆိုတာကို လေ့လာမှု ၂၀၀ ကျော်လုပ်ပြီး သိရှိခဲ့ရတယ်လို့ အတိအလင်းကြေငြာခဲ့တယ်။
၁၉၃၀ နှင့် ၁၉၈၀ ခုနှစ် အကြား နာတာရှည်ဝေဒနာသည်တွေကို စူးစမ်းလေ့လာတဲ့ အခါမှာတော့ … အမေရိကန်ပြည်ထောင်စုက ပရိုစတက်တစ်တွေ၊ ဥရောပက ရိုမန်ကက်သလစ်တွေ၊ ဂျပန်နိုင်ငံက ဗုဒ္ဓဘာသာဝင်တွေနှင့် အစ္စရေးနိုင်ငံက ဂျူးလူမျိုးတွေ (ကလေး၊ လူကြီးအပါအဝင်) ပါဝင်ပါတယ်။ ဆုတောင်းခြင်းက ရောဂါဝေဒနာကို ဘယ်လိုပျောက်ကင်းစေပါသလဲ ဆိုတဲ့အကြောင်း ကျွမ်းကျင်သူတွေက ဖြေရှင်းချက်များစွာပေးခဲ့တယ်။ တစ်နည်းပြောရရင် ယုံကြည်လေးစားမှုဟာ ဘာကြောင့်များ စွမ်းအားထက်လှတဲ့ အကာအကွယ်တစ်မျိုး ဖြစ်နေတာလဲဆိုတာကိုပေါ့။
ဘာသာရေးဆိုင်ရာ စုဝေးဝတ်ပြုခြင်းများဟာ လူအများနှင့်ထိတွေ့ဆက်ဆံတာကို လေးနက်စေတယ်။ လူမှုဆက်ဆံရေးနယ်ပယ်မှာ အဆင်ပြေဖို့ဆိုတာ သက်ရှည်ကျန်းမာခြင်းက အဓိကသော့ချက်ပဲလေ။ ယုံကြည်လေးစားမှုဟာ မျှော်လင့်ချက်အတွက် အသိအာရုံဖြစ်ပေါ်စေတဲ့အပြင် စိတ်ဖိစီးမှုဒဏ်ကို ထိန်းသိမ်းပေးနိုင်တယ်။ စိတ်ပိုင်းဆိုင်ရာ ရောဂါတွေကိုလည်း ထိန်းသိမ်းနိုင်စွမ်းရှိတယ်။ ဘုရားသခင်ကို အာရုံပြုစုတောင်းနေသူဟာ သွေးတိုးနှုန်း၊ အစာချေဖျက်မှု နှလုံးခုန်နှုန်းနှင့် အသက်ရှုနှုန်းတွေ လျော့ကျနေတာမို့ စိတ်ရောလူပါ အပန်းပြေပြီး အသက်သာဆုံး အနေအထားမှာ ရှိနေပါတယ်လို့ ဒေါက်တာဟားဗတ်ဘင်ဆန်က ဆိုပါတယ်။ အလားတူပဲ စိတ်ပုတီးစိပ်ရင်း၊ တစ်စုံတစ်ခုသော တရားစာသား ဝေါဟာရတွေကို အဆက်မပြတ် ရွတ်ဆိုခြင်းကလည်း လူရောစိတ်ပါ အပန်းဖြေစေနိုင်ပါတယ်တဲ့။
တခြားသူအတွက် ဆုတောင်းပေးခြင်းကရော ဝေဒနာကို လျော့ပါး သက်သာစေသလားဆိုတာ ဆေးပညာရှင်တွေက သုတေသနပြုကြပြန်တယ်။ နှလုံးရောဂါ ခံစားနေရသူတွေ (ဆန်ဖရန်စစ္စကို ဆေးရုံကြီးမှာ)ကို အုပ်စုနှစ်စု ခွဲလိုက်တယ်။ ပထမအုပ်စုကတော့ နိုင်ငံဝန်းကျင်အနှံ့မှာရှိတဲ့ ခရစ်ယာန်ဘာသာဝင်တို့ရဲ့ ဆုတောင်းပေးခြင်းကိုခံရသူတွေ၊ ဒုတိယအုပ်စုကတော့ အဲဒီလို မဟုတ်ဘူး။ လူနာတွေကတော့ ဘယ်အုပ်စုမှာပါဝင်ခွင့်ရမယ်ဆိုတာကြိုပြီး သိမထားကြဘူး။
လက်တွေ့မှာသိရတာက ဆုတောင်းပေးခြင်းခံရတဲ့အုပ်စုမှာ ပါဝင်သူတွေဟာ အဆုတ် အအေးမိတာ၊ နှလုံးထိခိုက်တာနှင့် နှလုံး ရပ်ဆိုင်းတာ နည်းပါးသလို ပဋိဇီဝဆေးသုံးစွဲရမှုလည်း လျော့နည်းတာကို တွေ့မြင်ရတယ်။ ဆရာဝန်တွေဟာ ဘာသာတရားကို အလေးအနက်ယုံကြည်သူ ဖြစ်သင့်တယ်လို့ ဆေးပညာရှင်တစ်ယောက်က မှတ်ချက်ချတယ်။ ဒါမှလည်း သူ့လူနာတွေအတွက် သီးသန့်ဆုတောင်းပေးမှာပါ။ နောက်ပြီး ဆရာဝန် (၂၆၉) ဦးကို ကွင်းဆင်းလေ့လာလို့ သိရှိရတဲ့အပြင် ကုသမှုပိုင်းဆိုင်ရာမှာ ထိရောက်လှတာကိုလည်း အထူးကုသမားတော်ကြီးတွေရဲ့ (၉၉) ရာခိုင်နှုန်းက ဆေးပညာညီလာခံတွေမှာ အတိအလင်းပြောကြတယ်။ ဆရာဝန်တစ်ဦးဆီရဲ့ သီးခြားအတွေ့အကြုံတွေကတစ်ဆင့် သိရှိရတာကတော့ ကျန်းမာရေးအခြေအနေ တိုးတက်ကောင်းမွန်ဖို့ ဘုရားသခင်က ကြားဝင်ပေးလေ့ရှိပါတယ်လို့ ဖြေကြားကြတယ်။ ဆုတောင်းခြင်းဟာ ဆေးကုသရာမှာ အစွမ်းထက်တဲ့ ကိရိယာတစ်မျိုးပါပဲတဲ့။ ဆေးပညာရဲ့ ရုပ်ပိုင်းဆိုင်ရာအစွမ်းဟာ ချိန်သီးလွှဲသလို တစ်ဖက်ကိုမြင့်တက်သွားသလောက် ယုံကြည်မှုပိုင်းအနေနှင့် တခြားတစ်ဖက်ကို ပြန်လိုလွှဲသွားသလိုပါပဲလို့လည်း ဆိုပါတယ်။ (ခွဲစိတ်ခန်းမဝင်ခင်) လေးလေးနက်နက် ဆုတောင်းခြင်းဟာ ထိရောက်အကျိုးများလှပါတယ် ဆိုတဲ့အကြောင်း။
Ref: Phyllis Mc Intosh “Faith is Powerful Medicine”
နှင်းဆီခင်
