ဖေဖော်ဝါရီ ၂၁၊ ၂၀၁၄
M-Media
– ဘိုင်ယန်အသင်းနှင့် ချန်ပီယံလိဂ်ပွဲတွင် ပင်နယ်တီလွဲချော်ခဲ့ပြီး ခြေစွမ်းမပြနိုင်မှုကြောင့် အပြင်းအထန် ဝေဖန်ခံနေရသည့် အာဆင်နယ်အသင်း၏ ဂျာမန်ကွင်းလယ်လူ အိုဇေးလ် အတွက် အသင်းဖော် လူးကပ်စ်ပိုဒေါစကီးက ကာကွယ်ပြောဆိုခဲ့သည်။
ပြီးခဲ့သည့် နွေရာသီက ကလပ် စံချိန်တင်ပြောင်းရွှေ့ကြေးဖြင့် အာဆင်နယ်အသင်းသို့ ရောက်ရှိလာသည့် အိုဇေးလ်မှာ ယခုနောက်ပိုင်းတွင် ပုံမှန်ခြေစွမ်းပျောက်ဆုံးလျက်ရှိပြီး ဝေဖန်မှုများနှင့် ရင်ဆိုင်နေရသည်။
ယမန်နေ့နံနက်က ကစားခဲ့သည့် ဘိုင်ယန်မြူးနစ်အား ၂ ဂိုး ဂိုးမရှိဖြင့် ရှုံးနိမ့်ခဲ့သော ချန်ပီယံလိဂ် ပွဲစဉ်တွင် အိုဇေးလ်မှာ ပင်နယ်တီလွဲချော်ခဲ့ပြီး၊ ကစားချိန်အတွင်း အသင်းဖော် ဖလာမီနီနှင့် စကားအခြေအတင် ဖြစ်ခဲ့သည်။
ထို့ကြောင့် ဘောလုံးလောကတွင် အိုဇေးလ်အား ဝေဖန်မှုများစွာ ထွက်ပေါ်လာခဲ့ပြီး၊ ပိုဒေါစကီးကမူ အိုဇေးလ်မှာ မကြာမီ အကောင်းဆုံး အနေအထားကို ပြန်လည်ရောက်ရှိလာမည်ဟု ကာကွယ်ပြောကြားခဲ့သည်။
“မနေ့က(ကြာသာပေးနေ့က) ချန်ပီယံလိဂ် ရလဒ်ကြောင့် လူတိုင်းက စိတ်ပျက်နေကြပါတယ်။ ဒါပေမယ့် ဒါဟာ ဘောလုံးပါ။ မီဆု(အိုဇေးလ်)ကို မကောင်းပြောတာဟာ မမျှပါဘူး။ ဝေဖန်တယ်ဆိုတာ အားကစားလောကရဲ့ အစိတ်အပိုင်းဖြစ်ပြီး၊ ကောင်းတဲ့အရာပါ။ ဒါပေမယ့် ထိုးနှက် တိုက်ခိုက်တာမျိုးတော့ မလုပ်ရပါဘူး” ဟု ပိုဒေါစကီးက ၎င်း၏ Facebook စာမျက်နှာတွင် ရေးသားထားသည်။
ထို့ပြင် ကစားသမားတစ်ဦးအား ပစ်ပယ်လိုက်ခြင်းမှာ အသင်းသားများနှင့် အသင်းတစ်ခုလုံးအတွက် အကျိုး မဖြစ်ထွန်းကြောင်း၊ အိုဇေးလ်မှာ ၎င်းတို့အားလုံးအား ပျော်ရွှင်အောင် လုပ်ဆောင်သူဖြစ်ပြီး ပင်နယ်တီမ၀င်ခြင်းက ထိုအရာများကို ပြောင်းလဲနိုင်မည်မဟုတ်ကြောင်း၊ သူငယ်ချင်းများအားလုံး အိုဇေးလ်ဘက်မှ အတူတကွ ရပ်တည်မည်ဖြစ်ကြောင်း ထည့်သွင်းရေးသားခဲ့သည်။
ဘိုင်ယန်အသင်းနှင့် ချန်ပီယံလိဂ်ပွဲတွင် ခြေစွမ်းမပြနိုင်မှုနှင့် ပတ်သက်၍လည်း အိုဇေးလ်က ၎င်း၏ Facebook စာမျက်နှာတွင် တောင်းပန်ခဲ့သည်။
Ref: Goal
