Tag: DailySportNews

ဇန်နဝါရီ ၁၂၊ ၂၀၁၄
M-Media

ပရီးမီးယားလိဂ် ပွဲစဉ် ၂၁ ရဲ့ ပွဲ ၇ ပွဲကို စနေနေ့ညက ကစားခဲ့ပြီး အစောပိုင်း ကစားခဲ့တဲ့ ချယ်ဆီးနဲ့ ဟားလ်စီးတီးနဲ့ ပွဲမှာတော့ ချယ်ဆီးက ဟာဇာဒ့်၊ တောရက်စ်တို့ရဲ့ ဂိုးနဲ့ အနိုင် ရခဲ့ကာ ဝေဖန်ခံနေရတဲ့ တိုက်စစ်မှူးတွေ နောက်ပိုင်းပွဲတွေမှာ ဂိုးပြန်သွင်းလာတာဟာ မော်ရင်ဟိုအတွက်တော့ ကျေနပ်စရာပါ။

နှစ်သစ်မှာ နိုင်ပွဲမရသေးတဲ့ မန်ယူအသင်းကတော့ လိဂ်ဖလားပထမအကျော့မှာ အရှုံးပေးခဲ့ရတဲ့ ဆွမ်ဆီးကို အိုးထရက်ဖို့ဒ်မှာ ၂ ဂိုးပြတ်နဲ့ အနိုင်ယူနိုင်ခဲ့ပါတယ်။ ဘောလုံးပိုင်ဆိုင်မှု အသာနဲ့ ကစားနိုင်ခဲ့တဲ့ မန်ယူဟာ ဒုတိယပိုင်း မိနစ် ၆၀ မတိုင်ခင်မှာပဲ အနိုင်ဂိုး ၂ ဂိုးစလုံးကို ရရှိခဲ့တာဖြစ်ပြီး ဗလင်စီယာနဲ့၊ ခုတစ်လော ဂိုးမြူးနေတဲ့ ၀ဲလ်ဘတ်တို့က သွင်းယူပေးခဲ့ပါတယ်။

တင်ရှားဝုဒ်ရဲ့ စပါးအသင်းကတော့ တစ်တထက်တစ်စ တည်ငြိမ်လာပြီး အခုပွဲမှာလည်း ၃ မှတ်ရယူနိုင်ခဲ့ပါတယ်။ ထူးခြားတာကတော့ မေဂျာလိဂ် ကလပ်ကို ပြောင်းရွှေ့မယ်လို့ ကြေညာခဲ့တဲ့ ဒီဖိုး ဂိုးသွင်းနိုင်ခဲ့တာပါ။

အဲဗာတန်ကလည်း နော်ဝစ်ခ်ျကို အနိုင်ရခဲ့ပြီး ဇယားအောက်ခြေက ဆန်းဒါးလန်းအသင်းကတော့ ဖူးလ်အသင်းကို အဝေးကွင်းမှာ ဂိုးပြတ်နဲ့ နှိပ်ကွပ် ခဲ့ပါတယ်။

တန်းဆင်းဇုန်နားက အသင်း ၂ သင်းဖြစ်တဲ့ ကာဒစ်ဖ်နဲ့ ၀က်စ်ဟမ်းတို့ပွဲမှာတော့ ၀က်စ်ဟမ်းအသင်းက အနိုင်ရခဲ့ပြီး နောက်ဆုံး ၅ ပွဲမှာ ၁ ပွဲသာ အနိုင်ရထားတဲ့ ဆောက်သက်တမ်ကလည်း နည်းပြသစ်နဲ့ ၀က်စ်ဘရွန်းကို အဒမ် လာလနာရဲ့သွင်းဂိုးနဲ့နိုင်ခဲ့ပါတယ်။

အခုတစ်ပါတ်မှာ ဇယားအောက်ခြေက အသင်းတစ်ချို့ အနိုင်ရခဲ့တာကြောင့် တန်းဆင်းဇုန်က အမှတ်တွေဟာ မတိမ်းမယိမ်းဖြစ်လာခဲ့ပြီး အမှတ်ပေးဇယားကိုတော့ ချယ်ဆီးက တစ်ပွဲပိုကစား တစ်မှတ်အသာနဲ့ ဦးဆောင်နေပါတယ်။

ယနေ့မှာတော့ နယူးကာဆယ်နဲ့ မန်စီးတီး၊ စတုတ်စီးတီးနဲ့ လီဗာပူးလ်အသင်းတို့ ကစားဖို့ရှိနေပြီး၊ အာဆင်နယ်အသင်းကတော့ အင်္ဂါနေ့ မနက်ကျမှ အက်စတွန်ဗီလာအသင်းနဲ့ အဝေးကွင်းပွဲကိုကစားရမှာဖြစ်ပါတယ်။

စနေနေ့ ပွဲစဉ်များရဲ့ အနိုင်အရှုံးရလဒ်များကတော့ အောက်ပါအတိုင်းဖြစ်ပါတယ်။

ဟားလ်စီးတီး ၀-၂ ချယ်ဆီး
ကာဒစ်ဖ် ၀-၂ ၀က်စ်ဟမ်း
အဲဗာတန် ၂-၀ နော်ဝစ်ခ်ျ
ဖူလ်ဟမ် ၁-၄ ဆန်းဒါးလန်း
ဆောက်သက်တမ် ၁-၀ ၀က်စ်ဘရွန်း
စပါး ၂-၀ ခရစ္စတယ်ပဲလေ့စ်
မန်ယူ ၂-၀ ဆွမ်ဆီး

Photo-premierleague.com

ဇန်န၀ါရီ ၁၁-၂၀၁၄
M-Media

ဒဏ်ရာ အကင်းမသေသေးသောကြောင့် မန်ယူတိုက်စစ်မှူး ဗန်ပါစီ ခြောက်ပတ်ခန့် ထပ်မံအနားယူရမည်။

– အာဆင်နယ်အသင်းတွင် ရရှိခဲ့သည့် ပေါင်းဒဏ်ရာဟောင်း ပြန်လည် ခံစားနေရသည့်အတွက် မန်ယူအသင်း တိုက်စစ်မှူး ရော်ဘင် ဗန်ပါစီမှာ နောက်ထပ် ၆ ပတ်ခန့်  ထပ်မံ အနားယူရမည်ဟု သိရသည်။

ဗန်ပါစီမှာ ဒီဇင်ဘာ ၁၀ ရက်နေ့ကတည်းက ဒဏ်ရာကြောင့် အသင်းမှအနားယူနေရသူဖြစ်ပြီး နည်းပြမိုယက်စ်က အမြန်ပြန်ကစားနိုင်ရန် အလိုရှိနေသော်လည်း  ဒဏ်ရာမှာ အကင်းမသေ သေးသောကြောင့် ဆက်လက်အနာယူးရမည်ဖြစ်ပြီး ယခုအခါ ဟော်လန်၌ ဆေးကုသမှု ခံယူနေသည်ဟု အသင်းက ယမန်နေ့တွင် အတည်ပြုခဲ့သည်။

အခြားတိုက်စစ်မှူးဖြစ်သည့် ၀ိန်းရူနီမှာလည်း ပေါင်ခြံဒဏ်ရာကြောင့် အနားယူနေရပြီး ဒဏ်ရာအမြန်ဆုံးသက်သာရန်အတွင် အပူချိန်မြင့်သည့် အီဂျစ်နိုင်ငံတွင် ဆေးကုသမှုခံယူရန် စေလွှတ်ထားသည်။

………………………………..
လုပ်ပွဲကြောင့် ၉ လ ပွဲပယ်ခံ လာဇီယိုအသင်း ခေါင်းဆောင်၏ ပြစ်ဒဏ်အား ၆ လသို့ လျှော့ချ

– အီတလီဘောလုံးအဖွဲ့ချုပ်က အသေးစိပ် စုံစမ်းစစ်ဆေးမှုများပြုလုပ်ပြီးနောက် လုပ်ပွဲ ပြုလုပ်မှုကြောင့် ၉ လ ပွဲခံနေရသည့် လာဇီယို အသင်းခေါင်းဆောင် စတီဖာနို မော်ရီ၏ ပြစ်ဒဏ်အား ၆ လ သို့ လျှော့ချခဲ့သည်ဟု သိရသည်။

အသက် ၃၄ နှစ်အရွယ်ရှိပြီဖြစ်သည့် မော်ရီမှာ လာဇီယိုအသင်း ၂၀၁၁ ခုနှစ်က ကစားခဲ့သည့် ဂျီနိုအာ၊ လက်ချီအသင်းတို့နှင့်ပွဲစဉ်၌ ပြုလုပ်ခဲ့သည့် လုပ်ပွဲကစားမှုအား တိုင်ကြားရန် ပျက်ကွက် ခဲ့မှုကြောင့် အီတလီဘောလုံး အဖွဲ့ချုပ်က ကနဦး ပွဲပယ်ပြစ်ဒဏ် ၆ လနှင့် နောက်တိုးပြစ်ဒဏ် ၃ လ စုစုပေါင်း ၉ လ ချမှတ်ခဲ့ခြင်း ဖြစ်သည်။

သို့သော်လည်း ယမန်နေ့က အားကစားတရားရုံးတွင် ၁ နာရီခွဲကြာ ကြားနာမှု ပြုလုပ်ခဲ့ပြီးနောက် နောက်တိုးပြစ်ဒဏ် ၃ လအား ပယ်ဖျက်ပေး ခဲ့ခြင်းဖြစ်သည်။ ထို့ကြောင့် မော်ရီ၏ ပြစ်ဒဏ်မှာ လာမည့် ဖေဖော်ဝါရီ ၂ ရက်နေ့တွင်ပြည့်မည်ဖြစ်သည်။ ၂၀၁၁ ခုနှစ်က ဖော်ထုတ်တွေ့ ရှိခဲ့သည့် စီးရီးအေ လုပ်ပွဲ အရှုပ်တော်ပုံတွင်ပါဝင်မှုကြောင့် ယခင် အီတလီလက်ရွေးစင်ကစားသမား ဂူဆပ်ပီ ဆစ်ဂ်နိုင်ရီ အပါအ၀င် နာမည်ကြီး ကစားသမား အများအပြား အဖမ်းခံခဲ့ရပြီး စီးရီးအေ အသင်းအချို့မှာလည်း အမှတ်လျော့ပြစ်ဒဏ်ကို ခံခဲ့ရသည်။

ဇန်န၀ါရီ ၁၁-၂၀၁၄
M-Media

– ဆန်းတို့စ်အသင်း၏ တောင်းဆိုချက်အရ ရာဇ၀တ်မှုဖြင့် စုံးစမ်းစစ်ဆေးမှုအချို့ ပြုလုပ်ခဲ့ပြီးနောက် ဘာစီလိုနာအသင်းတိုက်စစ်မှူး နေးမာ၏ အပြောင်းအရွှေ့မှာ လုပ်ကြံမှု ဖြစ်နိုင်သည်ဟု စပိန်တရားရုံးက ပြောကြားလိုက်သည်။

ပြီးခဲ့သည့် နွေရာသီက ဖြစ်ပေါ်ခဲ့သည့် နေးမာ၏ အပြောင်းအရွှေ့တွင် ဘာစီလိုနာအသင်းက ယူရို ၅၇ သန်းပေးချေခဲ့ရသည်ဟု ပြောဆိုခဲ့သော်လည်း လက်တွေ့တွင် ဆန်းတို့စ်အသင်းမှာ ၁၇.၁ သန်းသာ ရရှိခဲ့သောကြောင့် ပြီးခဲ့သည့် နှစ်က ဆန်းတို့စ်အသင်းမှ စောဒကတက်မှုများ ပြုလုပ်ခဲ့ခြင်းဖြစ်သည်။

ဘာစီလိုနာ ဥက္ကဌ ဆန်ဒရို ရိုဆဲလ်က ထိုကဲ့သို့ စောဒကတက်မှုမှာ မဟုတ်မှန်ဟု ပြောကြားခဲ့သော်လည်း စပိန်တရားရုံးချုပ်မှ ထိုကိစ္စကို စုံစမ်းစစ်ဆေးခဲ့ကာ အပြောင်းအရွှေ့တွင် မသမာမှုများရှိနေသည်ဟု တွေ့ရှိခဲ့ရသည်။ ထို့ကြောင့် တရားသူကြီးချုပ်က အပြောင်းအရွှေ့ကိစ္စရပ်များကို အသေးစိတ်ဖေါ်ပြထားသော စာရွက်စာတမ်းများကို တောင်းယူခဲ့ပြီး၊ ဘာစီလိုနာအသင်း၏ စာရင်းစစ်များကိုလည်း ဆင့်ခေါ်ရန်ရှိနေသည်။

“သူတို့ကြားထဲမှာ ချုပ်ဆိုခဲ့တဲ့ စာချုပ်ဟာ သူတို့သဘောတူညီထားတာနဲ့ ကိုက်ညီမှုမရှိပါဘူး။ ပေးချေရမယ့် ငွေပမာဏကို ရှောင်ရှားဖို့အတွက် သူတို့ ချုပ်ဆိုခဲ့တာစာချုပ်ဟာ အတုလည်း ဖြစ်ကောင်းဖြစ်နိုင်ပါတယ်” ဟု တရားသူကြီးချုပ် ဂျိုဆေး ပီရဲလ်စ်က ယမန်နေ့တွင် ပြောကြားခဲ့သည်။

နေးမာ၏ အပြောင်းအရွှေ့တွင် မိမိတို့အနေဖြင့် မည့်သည့်အမှားမှ ပြုလုပ်ခဲ့ခြင်းမရှိဟု ဘာစီလိုနာအသင်းကပြောကြားခဲ့သော်လည်း ပြောင်းရွှေ့ကြေး၏ ကျန်ရှိသည့် ပမာဏကို မည်သူမည်ဝါရရှိခဲ့သည်ကို ပြောကြားခြင်းမရှိခဲ့ပေ။ ထို့ပြင် နေးမာအား ပိုင်ဆိုသည့် DIS စူပါမားကတ်အုပ်စုကလည်း ပြောင်းရွှေ့ကြေး အကျိုးခံစားခွင့်အဖြစ် ၎င်းတို့မှာ ရာခိုင်နှုန်းအနည်းကိုသာ ရရှိခဲ့သည်ဟု ပြောဆိုခဲ့သည်။

ဇန်နဝါရီ ၁၀ ၊ ၂၀၁၄
M-Media

ဝက်စ်ဘရွန်းအသင်း နည်းပြသစ်အဖြစ် ပီပီမဲလ်အား ခန့်အပ်

– အသင်း၏ နည်းပြသစ်အဖြစ် လာလီဂါကလပ် ရီးယဲလ်ဘက်တစ်အသင်း၏ နည်းပြဟောင်းဖြစ်သူ ပီပီမဲလ်အား ခန့်အပ်လိုက်သည်ဟု ၀က်စ်ဘရွန်းအသင်းက ကြေညာခဲ့သည်။

ပရီးမီးယားလိဂ်တွင် ၄ ပွဲဆက်တိုက် ရှုံးနိမ့်ခဲ့ကာ အသင်းမှာ တန်းဆင်းဇုန်နှင့် ၂ မှတ်အကွာတွင် ရှိနေခဲ့ပြီးနောက် ယခင်နည်းပြ စတီဗ် ကလာ့က်ကို ပြီးခဲ့သည့် ဒီဇင်ဘာ ၁၄ ရက်နေ့က ၀က်စ်ဟမ်းအသင်းက ထုတ်ပယ်ခဲ့ခြင်းဖြစ်သည်။

မဲလ်မှာ ယမန်နှစ်က ရီးယဲလ်ဘက်တစ်အသင်းအား လာလီဂါတွင် အဆင့် ၇ ဖြင့် ယူရိုပါလိဂ်ပြိုင်ပွဲဝင်ခွင့်ရအောင် စွမ်းဆောင်ပေးနိုင်ခဲ့သူဖြစ်ပြီး ၀က်စ်ဟမ်းအသင်းနှင့် ၁၈ လစာချုပ်ချုပ်ဆိုခဲ့ခြင်းဖြစ်သည်။

ပြီးခဲ့သည့် ဒီဇင်ဘာလကတည်းက နည်းပြအဖြစ်ခန့်အပ်ရန် ၀က်စ်ဘရွန်းအသင်းက မဲလ်နှင့် ဆွေးနွေးခဲ့ပြီး၊ မဲလ်က ၎င်း၏ကိုယ်ပိုင်နည်းပြအဖွဲ့ တစ်ဖွဲ့လုံးကို ခေါ်ယူရန်ပြောသောကြောင့် စာချုပ်ချုပ်ရန် ပျက်ပြယ်ခဲ့ရပြီး ယခုမှ ခန့်အပ်နိုင်ခဲ့ခြင်းဖြစ်သည်။

………………………………….
မန်စီးတီးအား ရှုံးနိမ့်ခဲ့သောပွဲတွင် ဒိုင်လူကြီးအား ဝေဖန်ခဲ့သောကြောင့် လီဗာပူးလ်နည်းပြ ရော်ဂျာ ဒဏ်ရိုက်ခံရ

– ဒီဇင်ဘာ ၂၆ ရက်နေ့က ကစားခဲ့သည့် မန်စီးတီးအသင်းအား ရှုံးနိမ့်ခဲ့သောပွဲတွင် ဒိုင်လူကြီးများအား ဝေဖန်ခဲ့သောကြောင့် လီဗာပူးလ်အသင်းနည်းပြ ဘရန်ဒန်ရော်ဂျာမှာ အင်္ဂလန်ဘောလုံးအဖွဲ့ချုပ် FA ၏ ပေါင် ၈၀၀၀ ဒဏ်ရိုက်မှုကို ခံခဲ့ရသည်ဟုသိရသည်။

ရဟီမ်းစတာလင်၏ ဂိုးအား လူကျွံဘောအဖြစ်သတ်မှတ်ခဲ့မှု၊ လူဝစ်ဆွာရက်ဇ်အား ဧရိယာအတွင်း မန်စီးတီး အသင်းသားများက ပြစ်ဒဏ် ကျူးလွန်ခဲ့သော်လည်း ပင်နယ်တီမပေးခဲ့မှုအပါအ၀င် ထိုပွဲတွင်ပြုလုပ်ခဲ့သည့် ဒိုင်လူကြီးများ၏ ဆုံးဖြတ်ချက်အချို့အား ရော်ဂျာက ပွဲအပြီးတွင် ဝေဖန်ခဲ့သောကြောင့် ထိုကဲ့သို့ ပြစ်ဒဏ် ချမှတ်ခံခဲ့ရခြင်းဖြစ်ပြီး ထိုပြစ်ဒဏ်အတွက် အယူခံဝင်သွားမည် မဟုတ်ဟု ရော်ဂျာက ပြောကြားခဲ့သည်။

ဇန်နဝါရီ ၊ ၁၀၊ ၂၀၁၄
M-Media

– မန်ချက်စတာ စီးတီးအသင်း ၏ ကွင်းလယ်လူ ယာယာတိုးယေးမှာ ၂၀၁၃ ခုနှစ် အာဖရိက အကောင်းဆုံး ဘောလုံးသမားဆုအား ဆွတ်ခူးရရှိခဲ့သည်ဟု သိရသည်။

ထိုဆုအား အာဖရိက ဘောလုံးအဖွဲ့ချုပ် CAF က ပေးအပ်ချီးမြှင့်ခြင်းဖြစ်ပြီး၊ အာဖရိကတိုက်ရှိ ဘောလုံးသမားများနှင့် နည်းပြများက မဲပေးရွေးချယ်ခဲ့ခြင်း ဖြစ်ကာ၊ ဆုပေးပွဲအခမ်းအနားကို ယမန်နေ့က နိုက်ဂျီးရီးယားနိုင်ငံ လာဂို့စ်မြို့တွင် ကျင်းပပြုလုပ်ခဲ့သည်။ တိုးယေးမှာ ထိုဆုအား ချယ်ဆီး ကွင်းလယ်လူ မီခေးလ်နှင့် ဂါလာတာစာရေးတိုက်စစ်မှူး ဒရော့ဂ်ဘာတို့ကို ကျော်ဖြတ်ကာ ရရှိခဲ့ခြင်းဖြစ်ပြီး သုံးနှစ်ဆက်တိုက် ရရှိခဲ့ခြင်းလည်းဖြစ်သည်။

အသက် ၃၀ အရွယ်ရှိ တိုးယေးမှာ ၂၀၁၃ ခုနှစ်အတွင်း မန်စီးတီးအသင်းနှင့် ဆုဖလားများ မရရှိခဲ့သော်လည်း ကမ္ဘာ့ဖလား ၀င်ခွင့် သုံးကြိမ်ဆက်ရရှိခဲ့သည့် အိုက်ဗရီကို့စ် အသင်းတွင် အကောင်းဆုံးခြေစွမ်းပြနိုင်ခဲ့သူဖြစ်သည်။ အဆိုပါဆုအား သုံးကြိမ်ဆက်ရရှိခဲ့မှုကြောင့် တိုးယေးမှာ ကင်မရွန်း တိုက်စစ်မှူး အီတူးနှင့် စံချိန်တူညီသွားပြီဖြစ်သည်။