မတ် ၁၄၊ ၂၀၁၆
M-Media
– ၀က်ဖို့ဒ်အား ရှုံးနိမ့်ကာ FA ဖလားမှ ထွက်ခွာခဲ့ရပြီးနောက်ပိုင်း ပေါ်ထွက်လာသည့် ကောလဟာလများအတွက် အာဆင်နယ်နည်းပြ အာဆင်ဝင်းဂါးက ဝေဖန်လိုက်ပြီး မိမိ၏နေရာအတွက် မသေမချာဖြစ်နေသည်ဆိုသည့် သတင်းမှာ ဟာသဇာတ်လမ်းတစ်ခုသာ ဖြစ်သည်ဟု ပြောကြားခဲ့သည်။
အာဆင်နယ်၏ ၃ နှစ်ဆက်တိုက် FA ဖလားဆွတ်ခူးနိုင်မည့် အိပ်မက်မှာ ယမန်နေ့က အီမရိတ်ကွင်းတွင် ကစားခဲ့သည့် ကွာတားဖိုင်နယ်တွင် ၀က်ဖို့ဒ်အား ၂ ဂိုး ၁ ဂိုးဖြင့် ရှုံးနိမ့်ခဲ့ပြီးနောက် ပျက်ပြယ်သွားခဲ့သည်။ ပရီးမီးယားလိဂ် ပြီးဆုံးရန် ၉ ပွဲအလိုတွင် အာဆင်နယ်မှာ ထိပ်ဆုံးမှ လက်စတာနှင့် ၈ မှတ်ကွာဟနေပြီး၊ ချန်ပီယံလိဂ် ၁၆ သင်းအဆင့် ပထမကျော့တွင် ဘာစီလိုနာအား ၂ ဂိုးပြတ်ဖြင့် ရှုံးနိမ့်ထားသောကြောင့် အာဆင်နယ်မှာ ဖလားလက်မဲ့ရာသီကို ရင်ဆိုင်ရဖွယ် ရှိနေသည်။
ထို့ကြောင့် ၀င်းဂါးအပေါ် ဝေဖန်မှုများ မြင့်တက်လာခဲ့ခြင်းဖြစ်သည်။
“ဒါတွေက ဟာသဇာတ်လမ်းတစ်ခုပါပဲ။ ကျွန်တော်တို့ တစ်ပွဲရှုံးခဲ့တယ်။ အဲဒီအတွက် ၀မ်းနည်းမိပြီး နောက်တစ်ပွဲအတွက် အာရုံစိုက်ချင်ပါတယ်။ သမိုင်းမှာလည်း အာဆင်နယ်က ပွဲတွေ ရှုံးခဲ့ဖူးပါတယ်။ အနာဂတ်မှာလည်း ဆက်ရှုံးနေအုံးမှာပါ။ ကျွန်တော်တို့ စည်းစည်းလုံးလုံးနဲ့ ဒါကို ကျော်ဖြတ်ရမှာဖြစ်ပြီး နောက်တစ်ပွဲကို ယုံကြည်မှုအပြည့်နဲ့ ပြင်ဆင်ရမှာပါ။ (ဘာစီလိုနာနဲ့ပွဲမှာ) ကျွန်တော်တို့ မဖြစ်နိုင်တာကို ဖြစ်အောင်လုပ်ချင်တယ်။ အင်မတန် တောင့်တင်းတဲ့အသင်းကို ကျွန်တော်တို့ ယှဉ်ရမယ်ဆိုတာ သိပါတယ်။ အာရုံစူးစိုက်မှုရှိပြီး အကောင်းဆုံးတုံ့ပြန်ဖို့ အရေးကြီးပါတယ်” ဟု ၀င်းဂါးက ပြောကြားခဲ့သည်။
အာဆင်နယ်မှာ ယခုတစ်ပတ်အတွင်း ဘာစီလိုနာနှင့် နျူးကမ့်၌ ချန်ပီယံလိဂ် ဒုတိယကျော့ကို ယှဉ်ပြိုင်ကစားရမည်ဖြစ်သည်။
Ref: Goal
