သြဂုတ် ၂၂၊ ၂၀၁၆
M-Media
– ပရီးမီးယားလိဂ် ပွဲစဉ် ၂ ဖြစ်တဲ့ ဒီတစ်ပတ်မှာတော့ နည်းပြသစ်နဲ့ ၃ သင်းစလုံး ရာနှုန်းပြည့်နိုင်ပွဲကို ရယူနိုင်ခဲ့ပြီး လက်ရှိချန်ပီယံနဲ့ အာဆင်နယ်တို့ကတော့ သရေကျသွားခဲ့ပါတယ်။ အဖွင့်ပွဲမှာ လက်စတာကို အနိုင်ယူနိုင်ခဲ့တဲ့ ဟားလ်စီးတီးကလည်း ဒီတစ်ပတ်မှာအနိုင်ရခဲ့ပြီး လီဗာပူးလ်ကတော့ သမိုင်းဝင်ရှုံးပွဲ တွေ့သွားခဲ့ပါတယ်။
သောကြာနေ့မှာ အစောဆုံးကစားခဲ့တဲ့ မန်ယူတို့ အီဗရာဟီမိုဗစ်ရဲ့ သွင်းဂိုး ၂ ဂိုးနဲ့ ဆောက်သက်တမ်ကို အိမ်ကွင်းမှာ အနိုင်ရခဲ့ပေမယ့် တစ်ပွဲလုံးအသာရခဲ့တာတော့ မဟုတ်ပါဘူး။ ဆောက်သက်တမ်းဟာ ပထမပိုင်းမှာတင် အခွင့်အရေး ၂ ကြိမ်လောက်ရခဲ့ပြီး ဒုတိယပိုင်း အစမှာလည်း တာဒစ်ရဲ့ ခေါင်းတိုက်ဂိုး လူကျွံလို့ ဂိုးမရခဲ့တာပါ။ မန်ယူရဲ့ ဂိုးတွေကိုတော့ ၃၆ မိနစ်မှာ ရူနီရဲ့ ဖြတ်တင်ဘောကို အီဗရာဟီမိုဗစ်က အံ့ဖွယ်ခေါင်းတိုက်သွင်းယူခဲ့ပြီး ၅၂ မိနစ်မှာရတဲ့ ပင်နယ်တီကိုလည်း ၀င်အောင် ကန်သွင်းနိုင်ခဲ့ပါတယ်။ ကမ္ဘာ့စံချိန်တင်ပြောင်းရွှေ့ကြးနဲ့ ပြောင်းလာတဲ့ ပေါ့ဘာ ဒီပွဲမှာ ပွဲထွက်ကစားခဲ့ပြီး မော်ရင်ဟိုက သူ့ရဲ့ခြေစွမ်းအတွက် ကျေနပ်တယ်လို့ ပြောခဲ့ပါတယ်။
ဂွါဒီယိုလာရဲ့ မန်စီးတီးကလည်း အဝေးကွင်းမှာ စတုတ်စီးတီးအသင်းကို အနိုင်ရဖို့ အခက်အခဲ မရှိခဲ့ပါဘူး။ ပထမပိုင်းမှာတင် အဂူရိုက ၂ ဂိုးသွင်းပေးခဲ့ပြီး ဒုတိယပိုင်းမှာ နိုလီတိုက ၂ ဂိုးထပ်သွင်းကာ ၄ ဂိုး ၁ ဂိုးနဲ့ အနိုင်ရခဲ့ပါတယ်။
ဝက်ဖို့ဒ်ကွင်းမှာ ချယ်ဆီးတို့ အနိုင်ရခဲ့တယ်ဆိုပေမယ့် နောက်က လိုက်ကစားခဲ့ရတာပါ။ ဘောလုံးပိုင်ဆိုင်မှုအသာရခဲ့တဲ့ ချယ်ဆီး အစောပိုင်းမိနစ်တွေမှာ ဂိုးပေါက်ပျောက်ခဲ့ပြီး အိမ်ရှင်အတွက် ဦးဆောင်ဂိုးကို အီတီယန်နီ ကာပူအီက ၅၅ မိနစ်မှာ စည်းအတွင်းကနေ လှလှပပ ကန်သွင်းယူခဲ့တာဖြစ်ပါတယ်။ နောက်ပိုင်းမှာ တိုက်စစ်မြှင့်လာတဲ့ ချယ်ဆီး မိနစ် ၈၀ မှ ချေပဂိုးရခဲ့ပြီး အော်စကာအစား လူစားဝင်လာတဲ့ ဘတ်ရှူဝါယီက သွင်းပေးခဲ့ကာ၊ ပွဲပြီးဖို့ ၃ မိနစ်အလိုမှာတော့ ကော်စတာက တစ်ကိုယ်တော်အစွမ်းနဲ့ အကေင်းဆုံး အဆုံးသတ်ကာ အနိုင်ဂိုးသွင်းနိုင်ခဲ့ပြီး ဧည့်သည်တို့ကို အနိုင် ၃ မှတ် သေချာစေခဲ့ပါတယ်။
ဘန်လေကွင်းမှာ ရှုံးခဲ့တဲ့ လီဗာပူးလ်ရဲ့အရှုံးကတော့ တော်တော်လေး အံ့သြစရာကောင်းခဲ့ပါတယ်။ ဘောလုံးပိုင်ဆိုင်မှု ၈၀ ရာခိုင်းနှုန်းကျော်၊ ဂိုးကန်သွင်းခွင့် ၂၆ ကြိမ် ဂိုးပေါက်တည့်မှု ၅ ကြိမ် ရှိခဲ့ပေမယ့် ပရီးမီးယားလိဂ်သမိုင်းတစ်လျှောက် ပထမဆုံးအကြိမ် ဘန်လေကို အရှုံးပေးခဲ့ရပါတယ်။ ပထမပိုင်း ၂ မိနစ်နဲ့ ၃၇ မိနစ်တွေမှာ ၂ ကြိမ်သာ ရခဲ့တဲ့ အိမ်ရှင်ရဲ့ ဂိုးသွင်းခွင့်တွေကို ဆမ် ဗိုက်စ်နဲ့ အန်ဒရီ ဂရေးတို့က အကောင်းဆုံး အဆုံးသတ်ပေးခဲ့တာပါ။
ပွဲစဉ် ၁ မှာ လက်စတာကို အနိုင်ရခဲ့တဲ့ ဟားလ်စီးတီး ဆွမ်ဆီးကိုအဝေးကွင်မှာ ၂ ဂိုးပြတ်နဲ့အနိုင်ယူကာ ရာနှုန်းပြည့်နိုင်ပွဲကို ရယူနိုင်ခဲ့ပြီး အာဆင်နယ်ကတော့ လက်ရှိချန်ပီယံနဲ့ သရေကျခဲ့ပါတယ်။
ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်း ဖြစ်ပါတယ်။
မန်ယူ ၂-၀ ဆောက်သက်တမ်
စတုတ် ၁-၄ မန်စီးတီး
ဘန်လေ ၂-၀ လီဗာပူးလ်
ဆွမ်ဆီး ၀-၂ ဟားလ်စီးတီး
စပါး ၁-၀ ခရစ္စတယ်ပဲလေ့စ်
ဝက်ဖို့ဒ် ၁-၂ ချယ်ဆီး
ဝက်စ်ဘရွန်း ၁-၂ အဲဗာတန်
လက်စတာ ၀-၀ အာဆင်နယ်
ဆန်းဒါးလန်း ၁-၂ မစ်ဒယ်ဘရော့
ဝက်စ်ဟမ်း ၁-၀ ဘုန်းမောက်
