Tag: EPL 2016-2017

မတ် ၁၃၊ ၂၀၁၇
M-Media

– မည်သည့်နည်းနှင့်မဆို အနိုင်ရရှိရမည်ဟု မော်ရင်ဟို၏ ဆုံးဖြတ်ထားမှုမှာ နည်းပြဟောင်း ဖာဂူဆန်နှင့် တူညီသည်ဟု မန်ယူနောက်ခံလူဟောင်း ဂယ်ရီ နဗီးလ်က ပြောကြားလိုက်သည်။

ဖာဂူဆန်မှာ မန်ယူအသင်းအား ကိုင်တွယ်ခဲ့သည့် ၂၇ နှစ်တာကာလအတွင်း ပရီးမီးယားလိဂ် ၁၃ ကြိမ်နှင့် ချန်ပီယံလိဂ် ၂ ကြိမ်အပါအ၀င် ဆုဖလားပေါင်း ၃၈ လုံးကို ရယူပေးနိုင်ခဲ့ပြီး ၂၀၁၃ ခုနှစ်တွင် အနားယူခဲ့သည်။

နောက်ပိုင်းတွင် မိုယက်စ်၊ ဗန်ဟားလ်တို့က ဖာဂူဆန်နေရာကို ဆက်ခံခဲ့သော်လည်း မန်ယူအား အောင်မြင်မှုရရှိအောင် စွမ်းဆောင်ပေးနိုင်ခြင်း မရှိခဲ့ဘဲ ယခုရာသီတွင် မန်ယူမှာ မော်ရင်ဟိုလက်ထဲသို့ ရောက်လာခဲ့သည်။

“နိုင်လိုမှု၊ အောင်မြင်မှု၊ ပြင်းပြတဲ့ ရည်ရွယ်ချက်တွေ၊ အနိုင်ရဖို့အတွက် ဘာမဆိုလုပ်တာတွေဟာ မော်ရင်ဟိုနဲ့ ဖာဂူဆန်အကြား အကြီးကျယ်ဆုံး တူညီမှုပါပဲ” ဟု နဗီးလ်က Omnisport သို့ ပြောကြားခဲ့ပြီး အသင်းမှာ မော်ရင်ဟို၏ ထိန်းကြောင်းမှုအောက်တွင် လမ်းကြောင်းမှန်ပေါ်သို့ ပြန်လည်ရောက်ရှိလာသည်ဟုလည်း ဆိုသည်။

မော်ရင်ဟိုမှာ မန်ယူအား တစ်ဖြည်းဖြည်းဖြင့် တိုးတက်အောင် ဆောင်ရွက်နိုင်ခဲ့ပြီး လက်ရှိတွင် ပရီးမီးယားလိဂ်၌ ၁၇ ပွဲဆက်တိုက် ရှုံးပွဲမရှိစံချိန်ကို ရရှိထားသည်။ ဇယားတွင် ၂ ပွဲလျော့ဖြင့် စတုတ္ထနေရာမှာ လီဗာပူးလ်နှင့် ၆ မှတ် ကွာဟနေသည်။

Ref: Goal

မတ် ၄၊ ၂၀၁၇
M-Media

– မိမိအသင်း၏ တိုက်စစ်မှူး ဇလာတန် အီဗရာဟီမိုဗစ်မှာ ရော်နယ်ဒိုနှင့် မက်ဆီတို့ကိုကျော်ကာ ကမ္ဘာ့အကောင်းဆုံး ဘောလုံးသမားဆု Ballon d’Or ကို ရရှိသင့်သည်ဟု မန်ယူနည်းပြ မော်ရင်ဟိုက ပြောကြားလိုက်သည်။

ယခုရာသီတွင် မန်ယူသို့ အလွတ်ပြောင်းရွှေ့ကြေးဖြင့် ရောက်ရှိလာသည့် အီဗရာဟီမိုဗစ်မှာ အသင်းအတွက် ပြိုင်ပွဲပေါင်းစုံတွင် ၂၆ ဂိုး သွင်းယူပေးထားပြီး EFL Cup ဖိုင်နယ်တွင်လည်း ၂ ဂိုးသွင်းယူက မန်ယူအသင်း ဖလားရရှိအောင် စွမ်းဆောင်ပေးခဲ့သည်။

မော်ရင်ဟိုကမူ အသက် ၃၅ နှစ်အရွယ် အီဗရာဟီမိုဗစ်၏ မယုံကြည်နိုင်လောက်စရာ ဂိုးသွင်းစွမ်းရည်ကြောင့် ဘောလုံးလောကတွင် တစ်ဦးချင်း အမြင့်ဆုံး ဆုတံဆိပ် Ballon d’Or ကို ရရှိသင့်သည်ဟု မှတ်ချက်ပြုခဲ့သည်။

“သူလုပ်ခဲ့တာတွေက အံ့သြစရာကောင်းတယ်လို့ ကျွန်တော် ထင်ပါတယ်။ သူသွင်းခဲ့တဲ့ဂိုးတွေ၊ ၀င်ဘလေမှာ ကစားတဲ့ နှစ်ပွဲ၊ ဆုဖလားတွေ၊ အသင်းမှာသူ့ရဲ့အရေးပါမှုတွေ – သူဟာ လုံးဝ ထူးခြားတဲ့သူလို့ ကျွန်တော် ထင်ပါတယ်။ နောက်ထပ်ပြောစရာ မရှိပါဘူး။ ဖီဖာရွှေဘောလုံးဆု စတဲ့ ဆုကြီးတွေမှာ တာဝန်ယူမှု ကြီးကြီးမားမား ရှိတယ်ဆိုတာနဲ့ပတ်သက်ပြီး ဆွီဒင်က မဂ္ဂဇင်းကြီးတစ်ခုကို ကျွန်တော် ဖြေကြားခဲ့ပါတယ်။ ခရစ္စတီယာနိုရော်နယ်ဒိုနဲ့၊ လီယွန်နယ်မက်ဆီတို့အကြောင်းလည်း ကျွန်တော် သိပါတယ်။ သူတို့ ဘယ်သူတွေလဲ၊ ဘာတွေလုပ်နေလဲဆိုတာလည်း ကျွန်တော် သိပါတယ်။ ဒါပေမယ့် ကြီးကြီးမာစတာတစ်ယောက် (အီဗရာဟီမိုဗစ်) ရဲ့ လုပ်ခဲ့တာတွေအတွက် ကျွန်တော် မယုံကြည်နိုင်ပါဘူး။ ပြီးတော့ ဒီဆုတွေကို လုံးဝ မရခဲ့တာကိုလည်း မယုံကြည်နိုင်ပါဘူး” ဟု မော်ရင်ဟိုက ပြောကြားခဲ့သည်။

အီဗရာဟီမိုဗစ်မှာ ဖေဖော်ဝါရီလအတွက် မန်ယူအသင်း၏ အကောင်းဆုံး ကစားသမားအဖြစ် ရွေးချယ်ခံခဲ့ရပြီး အသင်းသို့ ရောက်လာပြီးကတည်းက ၂ ကြိမ်မြောက် ရွေးချယ်ခံရခြင်းလည်း ဖြစ်သည်။

Ref : Goal

ဖေဖော်ဝါရီ ၂၂၊ ၂၀၁၇
M-Media

– မန်ယူတိုက်စစ်မှူး ၀ိန်းရူနီအနေဖြင့် အသင်းမှထွက်ခွာရန် စဉ်းစားပါက တရုတ်စူပါလိဂ် ကလပ်အသင်းနှစ်ခုက ခေါ်ယူရန် အဆင်သင့်ရှိနေသည်ဟု သိရသည်။

ရူနီမှာ ပြီးခဲ့သည့် စက်တင်ဘာလကတည်းက မန်ယူအသင်း၏ ပထမလူစာရင်းတွင် ပါဝင်ခွင့်မရတော့ဘဲ ပရီးမီးယားလိဂ် နောက်ဆုံး ပွဲ ၂၀ တွင် ၃ ပွဲသာ ပါဝင်ကစားခဲ့ရသည်။ နည်းပြ မော်ရင်ဟိုကမူ တရုတ်ဘောလုံးရာသီ အပြောင်းအရွှေ့ နောက်ဆုံးနေ့ဖြစ်သော ဖေဖော်ဝါရီ ၂၈ ရက်နေ့မတိုင်ခင် ရူနီထွက်ခွာနိုင်ချေကို ငြင်းဆိုခဲ့ခြင်းမရှိပေ။

“ခင်ဗျားတို့ သူ့ကိုမေးရမှာပါ။ ကျွန်တော် ဒီမှာရှိနေမလားဆိုတာ ကျွန်တော်ကိုယ်တိုင် အာမမခံနိုင်ပါဘူး။ နောက်ရာသီမှာ ကစားသမားတစ်ယောက် ဒီမှာရှိနေမလားဆိုတာကိုလည်း ကျွန်တော် အာမမခံနိုင်ပါဘူး။ ခင်ဗျားတို့ သူ့ကို မေးကြည့်ပါ” ဟု မော်ရင်ဟိုက မီဒီယာများ၏ မေးမြန်းမှုကို ဖြေကြားခဲ့သည်။

အီတလီနောက်ခံလူဟောင်း ဖေဘီယို ကန်နာဗာရိုက ၎င်း၏ တရုတ်ကလပ်အသင်း Tianjin Quanjian မှာ ရူနီအား ခေါ်ယူနိုင်ရေး အသင်းတွင်း ဆွေးနွေးမှုများ ပြုလုပ်နေပြီး ၎င်း၏အသင်းနှင့် Beijing Guoan အသင်းမှ တစ်သင်းက ခေါ်ယူနိုင်သည်ဟု ပြောကြားခဲ့သည်။

တရုတ်ကလပ်အသင်းများမှာ ယခုနောက်ပိုင်းတွင် ဥရောပမှ ထိပ်တန်းကစားသမားများကို လုပ်ခလာစာ အမြောက်အများပေး၍ ခေါ်ယူရန် ကြိုးစားလာပြီး ပြီးခဲ့သည့် ဒီဇင်ဘာလက Shanghai Shenhua အသင်းမှာ မန်ယူနှင့် မန်စီးတီးအသင်းတို့၏ တိုက်စစ်မှူးဟောင်း ကားလို့စ်တီဗက်ဇ်ကို တစ်ပတ်လုပ်ခ ပေါင် ၆၁၅၀၀၀ ပေး၍ ခေါ်ယူခဲ့သည်။

Ref : Goal