မတ် ၂၃၊ ၂၀၁၅
M-Media
– ဒီတစ်ပတ် ပရီးမီးယားလိဂ်ပွဲစဉ်တွေမှာတော့ ထိပ်ဆုံးက ချယ်ဆီး၊ မန်စီးတီးနဲ့ အာဆင်နယ်တို့ အနိုင်ရခဲ့ကြပြီး လီဗာပူးလ်ကတော့ အိမ်ကွင်းမှာ မန်ယူကို ရှုံးနိမ့်ခဲ့ရပါတယ်။
ချန်ပီယံလိဂ်မှာ ဘာကာကို ဂိုးပြတ်ခြေပြတ်ရှုံးပြီး ထွက်ခဲ့ရတဲ့ မန်စီးတီးတို့ ပရီးမီးယားလိဂ်မှာ သိက္ခာပြန်ဆယ်နိုင်ခဲ့ပြီး အိမ်ကွင်းမှာ ၀က်စ်ဘရွန်းကို သက်တောင့်သက်သာနဲ့ပဲ အနိုင်ရခဲ့ပါတယ်။ ပွဲအစ ၂ မိနစ်လောက်မှာပဲ ဘိုနီရဲ့ ဂိုးသွင်းဖို့ကြိုးစားမှုကို တားဆီးခဲ့တယ်ဆိုပြီး ၀က်စ်ဘရွန်းက ဂါရက် မက်အော်လေး တိုက်ရိုက်အနီကဒ်နဲ့ ထုတ်ခံခဲ့ရတာကြောင့် မန်စီးတီးတို့ အသာရခဲ့တာလည်း ဖြစ်ပါတယ်။ တစ်ကယ်တော့ ဘိုနီကို တားလိုက်တာ ခရေ့ဂ်ျဒေါ်ဆန်ဖြစ်ပြီး ဒိုင်လူကြီးက မှားယွင်းပြီး ထုတ်ပယ်မိခဲ့တာပါ။ မန်စီးတီးအတွက် ဂိုးတွေကိုတော့ ဘိုနီ၊ ဖာနန်ဒိုနဲ့ ဒေးဗစ်ဆေးလ်ဗားတို့က သွင်းယူပေးခဲ့တာဖြစ်ပါတယ်။
စိန့်ဂျိမ်းစ်ပါ့က်မှာ ကစားခဲ့တဲ့ နယူးကာဆယ်နဲ့ အာဆင်နယ်တို့ပွဲမှာတော့ ဂျရူးရဲ့ ဂိုး ၂ ဂိုးနဲ့ အမြှောက်တပ်သားတွေ အောင်ပွဲခံခဲ့ပါတယ်။ ပွဲအစကတည်းက ကစားပုံသွက်ခဲ့တဲ့ အာဆင်နယ်တို့ ၂၄ မိနစ်နဲ့ ၂၈ မိနစ်မှာပဲ ဦးဆောင်ဂိုး ၂ ဂိုး ရခဲ့တာပါ။ ဂျရူးသွင်းခဲ့တဲ့ ဒီဂိုးတွေဟာ ၀ဲလ်ဘတ်ရဲ့ ခြေထဲကနေထွက်လာတာ ဖြစ်ပါတယ်။ ဂျရူးဟာ နောက်ဆုံးပွဲစဉ် ၆ ပွဲမှာ ၈ ဂိုးအထိ သွင်းပေးထားနိုင်ပါတယ်။ ဒုတိယပိုင်းမှာ နယူးကာဆယ်တို့ ကစားကွက် ပိုမိလာပြီး ၄၈ မိနစ်မှာ မူဆာ စစ်ဆိုကိုက ချေပဂိုး ၁ ဂိုး သွင်းယူပေးနိုင်ခဲ့ပေမယ့်
နောက်ထပ်ဂိုးတွေ ထပ်မသွင်းနိုင်ခဲ့တာကြောင့် အိမ်ကွင်းမှာ အာဆင်နယ်ကို အရှုံးပေးခဲ့ရတာ ဖြစ်ပါတယ်။
ဒီတစ်ပတ်ရဲ့ Match of The Week ဖြစ်တဲ့ လီဗာပူးလ်နဲ့ မန်ယူတို့ရဲ့ ပွဲမှာ တော့ ဒီဇင်ဘာလကတည်းက ပရီးမီးယားလိဂ် ရှုံးပွဲမရှိသေးတဲ့ လီဗာပူးလ်တို့ မန်ယူကို အရှုံးပေးခဲ့ရပါတယ်။ ပွဲအစမှာ အိမ်ရှင်တို့ အထနှေးတာကြောင့် ၁၄ မိနစ်မှာ မာတာက မန်ယူအတွက် ဦးဆောင်ဂိုး သွင်းပေးနိုင်ခဲ့ပါတယ်။ လီဗာပူးလ်အတွက် နောက်ထပ် ထိုးနှက်ချက်တစ်ခုက ဒုတိယပိုင်းမှာ လူစားဝင်လာတဲ့ ဂျရတ်တစ်ယောက် ဒုတိယပိုင်းအစ ၁ မိနစ်မပြည့်ခင်မှာဘဲ ဟာရဲရားကို ပြစ်ဒဏ်ကျူးလွန်ခဲ့တာကြောင့် တိုက်ရိုက်အနီကဒ်နဲ့ အထုတ်ခံခဲ့ရတာပါ။ ဒုတိယပိုင်းတစ်ပိုင်းလုံး ၁၀ ယောက်တည်းနဲ့ ကစားခဲ့ရပေမယ့် လီဗာပူးလ်တို့ရဲ့
အားထုတ်မှုက အတော်လေးကောင်းခဲ့ပါတယ်။ ၅၉ မိနစ်မှာ မာတာက ဒုတိယ ဦးဆောင်ဂိုး သွင်းနိုင်ခဲ့ပြီး ၁၀ မိနစ်အကြာမှာ စတားရစ်ခ်ျက ချေပဂိုးတစ်ဂိုး ပြန်သွင်းနိုင်ခဲ့ပါတယ်။ နောက်ပိုင်းမှာလည်း လီဗာပူးလ်တို့ ဂိုးသွင်းခွင့်အချို့ ရခဲ့ပေမယ့် ကံတရားရဲ့ ဖေးမမှု မရှိတာကြောင့် အိမ်ကွင်းမှာ အရှုံးနဲ့ ရင်ဆိုင်ခဲ့ရပါတယ်။
ထိပ်ဆုံးက ချယ်ဆီးကလည်း မနေ့က ကစားခဲ့တဲ့ပွဲမှာ ကံကောင်းထောက်မစွာနဲ့ အနိုင် ၃ မှတ် ရခဲ့ပါတယ်။ ပွဲအစ ၂ မိနစ်နဲ့ ၉ မိနစ်တွေမှာ ဟဇာ့ဒ်နဲ့ ဒီယေဂိုကော်စတာတို့ရဲ့ ဂိုးတွေနဲ့ ဦးဆောင်နိုင်ခဲ့တဲ့ ချယ်ဆီး ၂၆ မိနစ်နဲ့ ၂၈ မိနစ်မှာ အိမ်ရှင်တို့ရဲ့ ချေပဂိုးသွင်းယူမှုကို ခွင့်ပြုခဲ့ရပါတယ်။ နောက်ပိုင်းမှာ အိမ်ရှင်တို့ အားတက်လာခဲ့ပြီး ချယ်ဆီးဘက်ကို ထိုးဖောက်တိုက်စစ်ဆင်မှုတွေကို မကြာခဏ ပြုလုပ်လာနိုင်ခဲ့ပါတယ်။ ဒါပေမယ့် ချယ်ဆီးတို့ ထိန်းကစားနိုင်ခဲ့ပြီး ၇၇ မိနစ်မှာ လိုအစ်ရီမီက အနိုင်ဂိုး သွင်းပေးနိုင်ခဲ့တာကြောင့် ဇယားထိပ်မှာ ၆ မှတ်ပြတ်နဲ့ ချယ်ဆီးတို့ ဦးဆောင်ခွင့်ရရှိခဲ့တာ ဖြစ်ပါတယ်။
ဒီတစ်ပတ်ရဲ့ ပရီးမီးယားလိဂ် ရလဒ်များကတော့ အောက်ပါအတိုင်း ဖြစ်ပါတယ်။
မန်စီးတီး ၃-၀ ၀က်စ်ဘရွန်း
အက်စတွန်ဗီလာ ၀-၁ ဆွမ်ဆီး
နယူးကာဆယ် ၁-၂ အာဆင်နယ်
ဆောက်သက်တမ် ၂-၀ ဘန်လေ
စတုတ်စီးတီး ၁-၂ ခရစ္စတယ်ပဲလေ့စ်
စပါး ၄-၃ လက်စတာ
ဝက်စ်ဟမ်း ၁-၀ ဆန်းဒါးလန်း
လီဗာပူးလ် ၁-၂ မန်ယူ
ဟားလ်စီးတီ ၂-၃ ချယ်ဆီး
ဂျူပီအာရ် ၁-၂ အဲဗာတန်
