ဇွန် ၁၀၊ ၂၀၁၆
M-Media
– နိုင်ငံတကာပြိုင်ပွဲတွင် အောင်မြင်မှုရရှိရန် ရော်နယ်ဒို၏ ဆန္ဒမှာ ယူရို ၂၀၁၆ ပြိုင်ပွဲတွင်လည်း ပြည့်မည်မဟုတ်ဟု ဘရာဇီးလ် ဂန္တ၀င်ဘောလုံးသမား ပီလီက ပြောကြားလိုက်သည်။
ပြင်သစ်နိုင်ငံ၌ ကျင်းပမည့် ယူရို ၂၀၁၆ ဘောလုံးပြိုင်ပွဲမှာ ယနေ့ညတွင် စတင်မည်ဖြစ်ပြီး အိမ်ရှင် ပြင်သစ်၊ ကမ္ဘာ့ဖလားချန်ပီယံ ဂျာမနီနှင့် ယူရို ၂ ကြိမ်ဆက်ချန်ပီယံ စပိန်တို့က ဗိုလ်စွဲရန် ရေပန်းစားနေသည်။ ရော်နယ်ဒိုဦးဆောင်သည့် ပေါ်တူဂီကမူ အုပ်စု F တွင် သြစတြီးယား၊ ဟန်ဂေရီ၊ အိုက်စလန်တို့နှင့် ကျရောက်နေပြီး နောက်တစ်ဆင့်တက်ရေး အခြေအနေကောင်းနေသည်။
ကလပ်အသင်းကစားသမားဘ၀တွင် အောင်မြင်မှု သရဖူ အလီလီဆောင်းနိုင်ခဲ့သည့် ရော်နယ်ဒိုမှာ နိုင်ငံအသင်းနှင့် အောင်ပွဲရရန် မျှော်လင့်နေပြီး ပီလီကမူ အခြားသောအသင်းများ၏ တောင့်တင်းမှုကြောင့် ထိုမျှော်လင့်ချက် ပြည့်ဝမည်မဟုတ်ဟု ဆိုသည်။
“နောက်ဆုံးပင်နယ်တီကိုကန်ပြီး ရီးယဲလ်အတွက် ရော်နယ်ဒို ချန်ပီယံလိဂ် ယူပေးခဲ့တာ တစ်ကဏ္ဍပါ။ ယူရိုမှာ ပေါ်တူဂီထက် ပိုတောင့်တင်းတဲ့အသင်းတွေ တော်တော်များများ ရှိနေပါတယ်။ ဂျာမနီဟာ ရေပန်းအစားဆုံးဖြစ်နေပြီး စပိန်၊ ပြင်သစ်၊ အီတလီ၊ အင်္ဂလန်တို့ကလည်း ရေးပန်းစားနေပါတယ်။ နယ်သာလန် ခြေစစ်ပွဲမအောင်တာ စိတ်မကောင်းစရာပါပဲ။ သူတို့သာပါရင် ယူရိုပြိုင်ပွဲက ဘယ်လောက်အကြိတ်အနယ်ရှိတယ်ဆိုတာကို မြင်ရမှာပါ။ ဘယ်ဂျီယံနဲ့ ပေါ်တူဂီတို့ကတော့ စောင့်ကြည့်ရမယ့် အသင်းတွေပါပဲ” ဟု ပီလီက ပြောကြားခဲ့သည်။
Ref: Goal
