News @ M-Media

Tag: Gaza

  • ဂါဇာရှိ ပါလက်စတိုင်းတော်လှန်ရေးလှုပ်ရှားမှုကို လုံးဝ ချေမှုန်းမည်ဟု အစ္စရေးခြိမ်းခြောက်

    ဂါဇာရှိ ပါလက်စတိုင်းတော်လှန်ရေးလှုပ်ရှားမှုကို လုံးဝ ချေမှုန်းမည်ဟု အစ္စရေးခြိမ်းခြောက်

    အောက်တိုဘာ ၂၅၊ ၂၀၁၆
    M-Media

    gaza

    – ပါလက်စတိုင်းပိုင် ဂါဇာကမ်းမြှောင်အား နောက်ထပ် တိုက်ခိုက်မှုပြုလုပ်ပါက ထိုတိုက်ခိုက်မှုမှာ နောက်ဆုံးဖြစ်မည်ဖြစ်ပြီး ပါလက်စတိုင်းတော်လှန်ရေးလှုပ်ရှားမှုကို အပြီးသတ်ချေမှုန်းသွားမည်ဟု အစ္စရေးကာကွယ်ရးဝန်ကြီး လီဘာမန်က ခြိမ်းခြောက်ပြောဆိုလိုက်သည်။

    ယမန်နေ့က Al-Quds သတင်းစာနှင့် အင်တာဗျူးတွင် လီဘာမန်က ထိုကဲ့သို့ ပြောကြားခဲ့ခြင်းဖြစ်သည်။ လီဘာမန်၏ ထိုမှတ်ချက်ကြောင့် ပါလက်စတိုင်းအရေး တက်ကြွလှုပ်ရှားသူများမှာ ဒေါသထွက်ခဲ့ကြပြီး ဆိုရှယ်မီဒီယာများမှတစ်ဆင့် ရှုတ်ချခဲ့သည်။

    ထိုနေ့မှာပင် အစ္စရေးစစ်တပ်သည် ဂါဇာအား ရန်စကျူးကျော်မှုတစ်ခုအဖြစ် ပါလက်စတိုင်း တော်လှန်ရေးလှုပ်ရှားမှုအဖွဲ့ဖြစ်သော ဟားမက်စ်တို့ တပ်စွဲထားသည်ဟုဆိုသည့် နေရာတစ်ခုကို လေကြောင်းမှ တိုက်ခိုက်ခဲ့သည်။ ထိုတိုက်ခိုက်မှုနှင့်ပတ်သက်၍ ထိခိုက်ဒဏ်ရာရမှုစာရင်းများ ထွက်မလာသေးပေ။

    ထိုတိုက်ခိုက်မှုမပြုလုပ်ခင် ဟားမက်စ်က မိမိတို့ပိုင်နက်သို့ ဒုံးကျည်တစ်စင်း ပစ်လွှတ်ခဲ့သည်ဟု အစ္စရေးက ပြောကြားခဲ့သည်။

    ပါလက်စတိုင်းပိုင် ဂါဇာကမ်းမြှောင်ဒေသကို အစ္စရေးက ပိတ်ဆို့ထားမှုကြောင့် ဂါဇာပြည်သူများ၏ အသက်ရှင်နေထိုင်ရမှု အခြေအနေမှာ အလွန်ဆိုးရွားနေပြီး ကုလ၏ အရှေ့အလယ်ပိုင်းငြိမ်းချမ်းရေး လုပ်ငန်းစဉ်ဆိုင်ရာ အထူးညှိနှိုင်းရေးမှုးက ဂါဇာ၏ ဆိုးရွားသော အခြေအနေများအတွက် အလွန်အမင်း စိုးရိမ်မိကြောင်း၊ အစ္စရေး၏ ပေါ်လစီများမှာ အကြမ်းဖက်မှုကို အားပေးအားမြှောက်ပြုရာ ရောက်နေကြောင်း ပြောကြားခဲ့သည်။

    Ref : Presstv

  • အစ္စရေး ဝန်ကြီးချူပ်အား ဖမ်းဆီးရေး အွန်လိုင်းမှ လက်မှတ်ထိုး တောင်းဆိုမှု  UK တွင် အရှိန်မြင့်လာ

    အစ္စရေး ဝန်ကြီးချူပ်အား ဖမ်းဆီးရေး အွန်လိုင်းမှ လက်မှတ်ထိုး တောင်းဆိုမှု UK တွင် အရှိန်မြင့်လာ

    သြဂုတ် ၂၈ ၊ ၂၀၁၅
    M-Media
    1439727302
    –  ၂၀၁၄ ခုနှစ်တွင် အစ္စရေးက ဂါဇာအား တိုက်ခိုက်မှု၌ စစ်ရာဇ၀တ်မှုများ ကျူးလွန်ခဲ့သည်ဆိုသော စွပ်စွဲချက် အတွက် အစ္စရေးဝန်ကြီးချုပ် နေတန်ယာဟုအား ဖမ်းဆီးရန် တိုက်တွန်းသည့် အွန်လိုင်းမှ တောင်းဆိုမှုမှာ ယူကေပါလီမန်တွင် ဆွေးနွေးရန် လိုအပ်သော ပြည်သူများ၏ လက်မှတ် တစ်သိန်း ရရှိတော့မည်အခြေအနေ ရှိနေသည်။

    “ရိုးရိုးသားသားပြောရရင် ကမ္ဘာ့ တရားစီရင်ရေး ဥပဒေတွေကြောင့် သူ့(နေတန်ယာဟု)ကို ဖမ်းဆီးဖို့ မမျှော်လင့်ပါဘူး။ သူ့ကို ဒီမလာစေချင်တဲ့သူ တော်တော်များများ ရှိတယ်ဆိုတဲ့ သတင်းစကားကိုပဲ ရှင်းရှင်းလင်းလင်း ပေးချင်တာပါ” ဟု ယူကေသို့ စက်တင်ဘာလတွင် လာရောက်မည်ဟု နေတန်ယာဟု၏ ကြေညာချက်ကို တုန့်ပြန်သည့်အနေဖြင့် အဆိုပါ တောင်းဆို လှုပ်ရှားမှုကို စတင် ဖော်ဆောင်ခဲ့သော ဒါမိန်း မော်ရန်က ပြောကြားခဲ့သည်။

    သြဂုတ်လ ၇ ရက်နေ့က စတင်လွှင့်တင်ခဲ့သော အဆိုပါ တောင်းဆိုမှုတွင် ယခုအချိန်အထိ လူပေါင်း ၇၆၀၀၀ ကျော် လက်မှတ်ရေးထိုးထားပြီး အစိုးရထဲမှ တရားဝင် တုန့်ပြန်ပြောကြားရေး အတွက် လိုအပ်သော လက်မှတ် ၁၀၀၀၀ ကို ကောင်းမွန်စွာ ကျော်ဖြတ်နိုင်ခဲ့သည်။

    အဆိုပါလက်မှတ်များ တစ်သိန်းကျော်သွားပါက တောင်းဆိုမှုတွင်ပါဝင်သည့် အကြောင်းအရာများကို ပါလီမန်တွင် ဆွေးနွေးရန်အတွက် စဉ်းစားခံရမည်ဖြစ်သည်။

    လက်နက်သဘောတူညီချက်

    မော်ရန်၏ အဆိုပါအသနားခံစာတွင် အဓိကဖော်ပြမှုမှာ ၂၀၁၄ ခုနှစ် ဇူလိုင်လမှစ၍ ၅၁ ရက်ကြာပြုလုပ်ခဲ့ပြီး အရပ်သား ၁၄၉၂ ဦးအပါအ၀င် ပါလက်စတိုင်းပြည်သူ ၂၂၀၀ ကျော် သေဆုံးခဲ့သည့် ဂါဇာကို အစ္စရေးက ဗုံးကြဲမှုဖြစ်သည်။

    အဆိုပါတိုက်ခိုက်မှုအတွင်း အစ္စရေးစစ်သား ၆၆ ဦးနှင့် အရပ်သား ၅ ဦး သေဆုံးခဲ့သည်။

    “ဘင်ဂျမင်နေတန်ယာဟုက ဒီစက်တင်ဘာမှာ လန်ဒန်လာပြီး ဆွေးနွေးမှာပါ။ နိုင်ငံတကာဥပဒေအောက်မှာ နေတန်ယာဟုကို ယူကေရောက်တာနဲ့ ၂၀၁၄ ခုနှစ်က အရပ်သား ၂၂၀၀ ကျော် သေဆုံးမှုအတွက် စစ်ရာဇ၀တ်မှုနဲ့ ဖမ်းဆီးသင့်ပါတယ်” ဟု အဆိုပါ တောင်းဆိုမှု ကမ်ပိန်းတွင် ရေးသားထားသည်။
    fe2fe18865d84d7e845dbe7be823cbd4_18
    ဒါရီတွင် မွေးဖွားပြီး လက်ရှိတွင် မန်ချက်စတာ၌ နေထိုင်နေသော ဆော့ဖ်ဝဲ ပညာရှင် မော်ရန်က ၎င်းအနေဖြင့် ထိုလှုပ်ရှားမှုကြောင့် ရလဒ် တစ်ခုခုထွက်ရန် မမျှော်လင့်ဟုဆိုသည်။ သို့သော်လည် အစ္စရေး၏ ဂါဇာတွင် စစ်ရေးဆောင်ရွက်မှုကို ထင်ရှားစေချင်နေ၏။

    “ယူကေက နိုင်ငံရေးသမားတွေက အစ္စရေးကို ထောက်ခံကြတယ်။ (၀န်ကြီးချုပ်) ဒေးဗစ် ကင်မရွန်းကလည်း အစ္စရေးကို ထောက်ခံတယ်။ ဗြိတိန်အစိုးရကလည်း လက်နက်ရောင်းချဖို့ အစ္စရေးနဲ့သဘောတူညီချက်သစ် တစ်ခု ရထားတယ်။ ပြီးတော့ ဗြိတိန်ရဲ့လက်နက်တွေကို ဂါဇာအပေါ် ကျူးလွန်မှုမှာ သုံးမလားဆိုတာကိုလည်း သူတို့ သေသေချာချာ မပြောနိုင်ပါဘူး” ဟု မော်ရန်က ပြောကြားခဲ့သည်။

    “တိုက်ခိုက်နေတဲ့ သီတင်းပတ်အတွင်းမှာပဲ သဘောတူညီချက်ကို ဒေးဗစ် ကင်မရွန်းက အတည်ပြုလိုက်တယ်။ ဒါမျိုးက မဖြစ်သင့်ဘူးဗျ။ လူတွေက ဒါကိုမလိုချင်ဘူးဆို၊ ဘာ့ကြောင့် အစိုးရက လုပ်ရတာလဲ။ ဒီမှာ ဘယ်သူက ဘယ်သူ့အတွက် အလုပ်လုပ်နေတာလဲ” ဟု ယူကေက အတည်ပြုခဲ့သော ကန်ဒေါ်လာ ၆.၃ သန်းတန် လက်နက်ရောင်းချရေး သဘောတူညီချက်ကို ရည်ညွှန်း၍ ၎င်းက ထပ်လောင်းပြောကြားခဲ့သည်။ အဆိုပါ သဘောတူညီချက်တွင် ဝေဟင်မှ မြေပြင်ပစ် မစ်ဆိုင်းဒုံးကျည်များလည်း ပါဝင်လေသည်။

    ယခုနှစ်ဇူလိုင်လတွင် အစ္စရေးအပေါ် ကျန်ရှိနေသည့် လက်နက်ရောင်းဝယ်ရေး ကန့်သတ်ချက်အားလုံးကို ယူကေအစိုးရက ဖယ်ရှားလိုက်သည်။ ယူကေ၏ နိုင်ငံခြားသို့ လက်နက်ရောင်းချမှု သတ်မှတ်ချက်တွင် လက်နက်များကို လူ့အခွင့်အရေးအား ချိုးဖောက်ရေး အသုံးပြုမည်ဟု “ထင်ရှားသော အန္တရာယ်” ရှိနေသည့် မည်သည့်နေရာကိုမဆို လက်နက်ရောင်းချမှုကို ပိတ်ပင်ရမည်ဟု ပါဝင်သည်။

    အစိုးရက တုန့်ပြန်မှုပြုလုပ်ရန်အတွက် လိုအပ်သော လက်မှအရေအတွက် ရရှိခဲ့ပြီး သီတင်းပတ်အနည်းငယ် ကြာမြင့်ခဲ့သော်လည်း အစိုးရ၏ တုန့်ပြန်မှုကို မော်ရန်တစ်ယောက် စောင့်နေရဆဲဖြစ်သည်။ သို့သော်လည်း မိမိ၏ အဓိကရည်ရွယ်ချက်မှာ လွှတ်တော်တွင် ငြင်းခုံရသည့် ကိစ္စတစ်ခု ဖြစ်လာရန် ဖြစ်သည်ဟု သူကဆိုသည်။ ထိုကိစ္စအား ဖြေရှင်းပေးရေး အတွက်တော့ သူက မမျှော်လင့်။

    “သူတို့က ကမ္ဘာလုံးဆိုင်ရာ တရားစီရင်ရေးစနစ်၊ ကံကောင်းပါစေ.. ဘာညာ လျှောက်ပြောမှာပေါ့ဗျာ”

    လန်ဒန်ရှိ အစ္စရေးသံရုံးမှ အလ်ဂျာဇီးရားသတင်းဌာနသို့ ပေးပို့သော အီးမေးလ်တွင် အဆိုပါ တောင်းဆိုမှုကို “အဓိပ္ပါယ်မရှိသော စတန့်တစ်ခု” သာ ဖြစ်သည်ဟု ဖော်ပြခဲ့သည်။

    “အစ္စရေးနဲ့ ယူကေအစိုးရတို့ရဲ့ဆက်ဆံရေးဟာ ဘယ်တုန်းကမှ နီးကပ်မှု မရှိခဲ့ပါဘူး အပြန်အလှန်ကုန်သွယ်မှုတွေက ပြီးခဲ့သည့်နှစ်တွေမှာ ၂ ဆ တိုးလာတယ်။ ပညာရေး၊ သိပ္ပံနဲ့ ယဉ်ကျေးမှုဆိုင်ရာ ပူးပေါင်းဆောင်ရွက်မှုတွေ ကလည်း ပုံမှန်တိုးတက်နေပါတယ်” ဟု အဆိုပါမေးလ်တွင် ထည့်သွင်းရေးသားထားသည်။

    စစ်ရာဇ၀တ်မှုလား

    Operation Protective Edge (ဂါဇာအား အစ္စရေးတို့၏ တိုက်ခိုက်မှုအမည်) နှင့်ပတ်သက်၍ စစ်ရာဇ၀တ်မှု ပြဿနာများအဖြစ် အသံထွက်လာခြင်းမှာ ယခုအကြိမ်သည် ပထမဆုံးအကြိမ်မဟုတ်တော့။

    အစ္စရေး၏ဗုံးကြဲမှုပြီးဆုံးပြီး သိပ်မကြာခင်မှာပင် Amnesty International က “ထိုတိုက်ခိုက်မှုများမှာ အရပ်သားများနှင့် အရပ်သားများ၏ ပိုင်ဆိုင်မှုများကို တမင်သက်သက် ပစ်မှတ်ထား ဆောင်ရွက်ပုံပေါ်ပြီး စစ်ရာဇ၀တ်မှုတွင် အကြုံးဝင်သည်” ဟု ပြောကြားခဲ့သည်။

    ထို့ပြင် ပါလက်စတိုင်းပြည်သူများအပေါ် အစ္စရေးတို့၏ လုပ်ရပ်များကို မှတ်တမ်းတင်ထားသော အစီရင်ခံစာတစ်စောင်ကိုလည်း ထိုအဖွဲ့က ထုတ်ပြန်ခဲ့သည်။

    “အစ္စရေးတပ်ဖွဲ့တွေဟာ….. အရပ်သားတွေရဲ့ အိမ်တွေကို အကြိမ်ကြိမ်အခါခါ တိုက်ခိုက်ခြင်း၊ လူသတ်ပွဲနဲ့မခြား လုပ်ပြခြင်းဖြင့် စစ်ပွဲ၏ ဥပဒေများကို ပြောင်ပြောင် တင်းတင်း ချိုးဖောက်ခဲ့သည် ” ဟု Amnesty အဖွဲ့၏ အရှေ့အလယ်ပိုင်းနှင့် အမြောက်အာဖရိကဆိုင်ရာ ဒါရိုက်တာ ဖီးလစ် လူသာက ပြောကြားခဲ့သည်။

    “အစ္စရေးတပ်ဖွဲ့တွေက အရပ်သားအိမ်တွေဆီ တိုက်ခိုက်မှုတွေကို ဒီအစီရင်ခံစာမှာ ဖော်ပြထားပြီး ဒါတွေက သတိပေးချက်မရတဲ့၊ ထွက်ပြေးဖို့အခွင့်အရေးမရတဲ့ ပါလက်စတိုင်းပြည်သူတွေရဲ့ အသက်တွေအပေါ် အလေးမထားမှုကို တုန်လှုပ်ဖွယ်ရာ တွေ့ရတာလည်းဖြစ်ပါတယ်”

    “လူနေအိမ်တွေကို ထပ်ခါတစ်လဲလဲနဲ့ မသင့်လျော်တဲ့တိုက်ခိုက်မှုတွေက အစ္စရေးရဲ့ လက်ရှိ စစ်ဘက်နည်းလမ်းတွေဟာ သိသိသာသာ အပြစ်အနာအဆာရှိနေပြီး နိုင်ငံတကာ လူသားချင်းစာနာထောက်ထားမှုဆိုင်ရာ ဥပဒေရဲ့ စည်းမျဉ်းစည်းကမ်းတွေနဲ့လည်း အခြေခံကျကျကို ဆန့်ကျင်နေပါတယ်” ဟု လူသာက ထပ်လောင်းပြောကြားခဲ့သည်။

    အစ္စရေးဝန်ကြီးချုပ် နေတန်ယာဟုကမူ အစ္စရေး၏ လုပ်ရပ်များကို ကာကွယ်ပြောကြားခဲ့ပြီး ကုလသမဂ္ဂအပါအ၀င် နိုင်ငံတကာ အဖွဲ့အစည်းများ၏ ဝေဖန်မှုများကို ပယ်ချခဲ့သည်။

    “အစ္စရေးဟာ နိုင်ငံတကာဥပဒေအရ ကိုယ့်ကိုယ်ကို ကာကွယ်တာပါ။ ဒီလိုပြောတာ ကျွန်တော်တို့ တစ်နိုင်ငံတည်း မဟုတ်ပါဘူး” ဟု ၂၀၁၄ ခုနှစ်က ပြည်သူအား ပြောကြားသော မိန့်ခွန်း၌ ထည့်သွင်းပြောဆိုခဲ့သည်။

    အဆိုပါအသနားခံစာ၏ တရားဝင်မှုကလွဲလျှင် အမှန်တစ်ကယ် အရာရောက်သည့် ရလဒ်မျိုး ထွက်လာနိုင်သည့် အလားအလာမရှိ။

    ယူကေ၏ နိုင်ငံခြားရေးနှင့် ဓနသဟာယရေးရာ ရုံးမှ အလ်ဂျာဇီးရားသို့ ပြောကြားရာတွင် နိုင်ငံတကာ ဥပဒေအောက်၌ မိမိနိုင်ငံသို့ လာရောက်လည်ပတ်သော နိုင်ငံခြား တိုင်းပြည်အစိုးရ၏ အကြီးအကဲတစ်ဦးမှာ ဥပဒေရေးရာ လုပ်ငန်းစဉ်များနှင့် ကင်းလွတ်ခွင့်ရှိပြီး ဖမ်းဆီး ထိန်းသိမ်း၍ မရဟု ဆိုသည်။

    သို့သော်လည်း အဓိကအချက်က အစိုးရ၏ အရေးယူမှုများ မဟုတ်ဘဲ၊ ပြည်သူများ၏ တုံ့ပြန်မှုသာ ဖြစ်လေသည်။

    “လက်မှတ်တစ်သောင်းလောက်ထက်ပိုပြီး ကျွန်တော် မမှန်းခဲ့ပါဘူး။ ဒီကိစ္စတွေနဲ့ပတ်သက်ပြီး မီးမောင်းထိုးပြချင်ရုံလောက်ပါပဲ။ ဒါကြီးကို လစ်လျူမရှုစေချင်ပါဘူး”

    Source: Al Jazeera

  • ဆောင်းရာသီနှင့် မအေးချမ်းနိုင်သေးသော ဂါဇာပြည်သူများ

    ဆောင်းရာသီနှင့် မအေးချမ်းနိုင်သေးသော ဂါဇာပြည်သူများ

    ဧပြီ ၁၁၊ ၂၀၁၅
    M-Media
    263888_60651677
    – ဂါဇာတွင် ဆောင်းဝင်လာပြီ။ “ဆောင်း” ဆိုသည့်စကားလုံးက ဂါဇာပြည်သူများအတွက် စိတ်မချမ်းသာစရာ အပြည့်ရှိနေသော စကားလုံးဖြစ်သည်။ အစ္စရေး၏ တိုက်ခိုက်မှုအပြီး ၆ လကြာခဲ့ပြီဖြစ်သည်။ ကမ္ဘာကြီးကတော့ ရှေ့ဆက်သွားနေသည်။ သို့ရာတွင် ဂါဇာ၌ လူထောင်ပေါင်းများစွာမှာ အိုးမဲ့အိမ်မဲ့ ဖြစ်နေကြသည်။ အချို့က ဗုံးမှန်၍ ပြိုကျပျက်စီးနေသော အဆောက်အဦးများတွင် ပြွတ်သိပ် ကျပ်ညပ်စွာ နေကြရသည်။ အေးလွန်းလှသည့် ရာသီဥတုကြောင့် ကလေးငယ်များ သေဆုံးနေကြသည်ဟု ကုလသမဂ္ဂက ဆိုသည်။

    တစ်နေ့တွင် ဆရာဝန်ဖြစ်ရမည်ဟု ရည်မှန်းထားသည့် အသက် ၈ နှစ်အရွယ် ရာဘာဟ်လေးမှာ အေးခဲမတတ်ဖြစ်နေသည့် ရာသီဥတုအောက်တွင် သူငယ်ချင်များနှင့်အတူ အဆောက်အဦးပျက်များကို ဖြတ်၍ ခြေထောက်ဗလာဖြင့် လမ်းလျှောက်နေသည်။ ကုလသမဂ္ဂက ဖိနပ်များပေးသည်။ သို့သော်လည်း ရာဘာဟ်က ကျောင်းတက်လျှင်စီးရန် သိမ်းထားလေသည်။ ဘ၀တွင် ပထမဆုံးအကြိမ်အဖြစ် သူနှင့် သူငယ်ချင်းများမှာ နေ့စဉ်ဘ၀တွက် ဖိနပ်မပါဘဲ နေရခြင်းဖြစ်သည်ဟု သူက ဖွင့်ဟခဲ့သည်။ ဂါဇာရှိ အခြေအနေနှင့်ပတ်သက်၍ ကျွန်တော်မေးမြန်းခဲ့သူ အားလုံးနီးပါးမှာ ၎င်းတို့၏ ဘ၀တွင် ကြုံဖူးခဲ့မျှသထက် ပို၍ ယခုအချိန်တွင် နုံချာဆင်းရဲနေကြသည်။ ထို့ပြင် နောက်ထပ်တိုက်ခိုက်မှုများ ဘွားကနဲ ပေါ်လာမလားဆိုသည့် ထင်မြင်မှုများကလည်း ၎င်းတို့၏ ဘ၀ကို ပိုမိုဆိုးဝါးစေည်။

    ကစားစရာ အခြားအရုပ်များမရှိသည့် ရာဘာဟ်လို ကလေးများက ၎င်းတို့အိမ်အား ဖျက်ဆီးပစ်ခဲ့သော အစ္စရေး၏ ဒုံးကျည် အကြွင်းအကျန်များဖြင့် ကစားကြရသည်။

    ဂါဇာက အမိုးဖွင့်အကျဉ်းထောင်ကြီးနှင့် တူသည်ဟု နှိုင်းယှဉ်ဖော်ပြကြသည်။ ကျွန်တော်ရောက်ခဲ့ဖူးသည့် အချိန်များတွင် ထိုသို့နှိုင်းယှဉ်မှုက ယခုအချိန်တွင် အမှန်ဆုံးဖြစ်မည်ဟု ထင်သည်။ အဘယ့်ကြောင့်ဆိုသော် ယခုလက်ရှိတွင် ဂါဇာပြည်သူအများစုက တကယ်ပင် ဟင်းလင်းပြင်တွင် နေနေရသည်။ သို့သော်လည်း သူတို့ကတေ့ အကျဉ်းထောင်များက အနည်းဆုံး လျှင်စစ်မီးတော့ ရှိကြသည်ဟု နာကျည်းစွာ ပြောကြသည်။

    ဂါဇာပြည်သူများ ခံစားနေရသည့် ပြဿနာက များပြားသည်။ အစ္စရေးက ဂါဇာပြည်သူလူထု၏ စီးပွားရေးကို ဆက်လက်ပိတ်ဆို့ထားသည်။ ဟားမက်စ်က အစ္စရေးကို အာခံသည်။ သယံဇာတတွေကို ဖြုန်းပစ်သည်။  ဂါဇာပြည်သူတို့၏ အသက်ဆက်ရာ လမ်းကြောင်းဖြစ်သည့် မှောင်ခိုလှိုဏ်ခေါင်းများကို အီဂျစ်က ပိတ်ပစ်လိုက်ပြီး ဂါဇာနှင့်ကပ်နေသည့် နယ်စပ်ကိုလည်း ပိတ်ပစ်သည်။ ၁.၈ သန်းသော ဂါဇာပြည်သူများက အထီးကျန်နေသည်။ အစ္စရေးနှင့် အီဂျစ်တို့၏ ပိတ်ဆို့မှုကို ဖြေလျော့ရေးနှင့် ပတ်သက်၍ နိုင်ငံတကာမှ ဖိအားများက ရှေ့တစ်လှမ်းတိုးသင့်လေသည်။

    ဂါဇာပြည်သူများမှာ စစ်ပွဲကို စိတ်ကုန်နေပြီး အစ္စရေးမှ ဆိုးရွားစွာ တုန့်ပြန်မှုကို ကြောက်ရွံ့သည့်အတွက် ဟားမက်စ်တို့ တော်လှန်မှုကိုလည်း မလိုချင်တော့။

    “ခုခံတာမျိုးကိုလည်း မလိုချင်တော့ပါဘူး။ ကျွန်မတို့ ခံစားနေရတာလည်း တော်လောက်ပါပြီ” ဟု ပျက်ဆီးနေသော အိမ်တွင် မိသားစုနှင့်အတူနေထိုင်သည့် အသက် ၅၀ အရွယ် ခါဒရာ အဘဒ်က ဆိုသည်။
    08KRISTOF-articleLarge
    အသက် ၆၅ နှစ်အရွယ် အိမ်ထောင်ဦးစီးဖြစ်သော အမျိုးသမီး ဟာလီမာ ဂျွန်ဒီယာက သူမ၏ မိသားစုရှိ ကလေးငယ်များမှာ စစ်ပွဲကြောင့် စိတ်ဒဏ်ရာများ ရနေသည်ဟု ပြောကြားခဲ့သည်။

    “ဟားမက်စ်က ဒုံးကျည်တွေထပ်ပစ်တာကို ကျွန်မတို့ မလိုချင်တော့ပါဘူး။ နောက်ထပ်စစ်ပွဲလည်း မလိုချင်တော့ပါဘူး”

    မုတ်ဆိတ်နှင့် လူငယ်တစ်ယောက်က ၎င်းမှာ ယခင်က ဟားမက်စ်အတွက် အလုပ်လုပ်ပေးခဲ့သော်လည်း အစိုးရထံမှ လခများ ထပ်မံပေးချေခြင်း မရှိတော့သောကြောင့် ဆက်မလုပ်တော့ဟု ပြောကြားခဲ့သည်။

    ပါလက်စတိုင်းပိုင်နက်များအတွင်း ဗုံးကြဲနေမှုများက ပါလက်စတိုင်းပြည်သူများအား တိုက်ခိုက်ရေးသမားဖြစ်လာရေး လမ်းကြောင်းသို့ ပို့ဆောင်ပေးနေသည်ကိုတော့ အစ္စရေးက ရှင်းရှင်းလင်းလင်း နားလည်သင့်သည်။ အသက် ၁၄ နှစ်အရွယ် အဟ်မဒ် ဂျန်ဒီယာဆိုသူ လူငယ်လေးက ဟာလီမာကဲ့သို့ ပြဿနာတွေပြီးလိုသည့် သဘောထားရှိသည်။ သို့သော်လည်း အဆုံးသတ်ကတော့ ဆန့်ကျင်ဖက် ဖြစ်ခဲ့သည်။ သူက အသက်ကြီးချင်ပြီး အစ္စရေးစစ်သားအားများ သုတ်သင်ရန် လိုလားနေသည်။

    “စစ်ပွဲက ကျွန်တော်တို့ဟာ တစ်ချိန်မဟုတ်တစ်ချိန် စစ်ကြောင့် သေကြရမှာပဲဆိုတဲ့ စိတ်ခံစားမှုကို ဖြစ်စေပါတယ်။ ဒါဆိုရင် ဘာ့ကြောင့် ဂုဏ်သိက္ခာရှိစွာနဲ့ အသက်ကို မစွန့်လွှတ်ရဲရမှာလဲ။ ကျွန်တော် တိုက်ခိုက်ရေးသမားတစ်ယောက် ဖြစ်ချင်ပါတယ်” ဟု အဟ်မဒ်က ပြောကြားခဲ့သည်။

    အဟ်မဒ်မှာ အစ္စရေး၏ ဒုံးကျည်ဖြင့် ပစ်ခတ်မှုတွင် သေဆုံးသွားခဲ့သည့် မိသားစုဝင်များ၏ ဓာတ်ပုံတစ်ခုကို သိမ်းထားသည်။ ထိုကဲ့သို့ ပြန်လည်တိုက်ခိုက်ရန် တောင့်တသည်ဟု သူကဆိုသည်။

    “ကျွန်တော်တို့ သူတို့အားလုံးကို သတ်ပစ်ကောင်းသစ်ပစ်နိုင်မှာပါ။ အဲဒီအချိန်ကျရင် ပိုကောင်းသွားပါလိမ့်မယ်” ဟု ပြောပြီး အစ္စရေးအားလုံးကို ဖယ်ရှားပစ်ချင်သလားဟု မေးမြန်းရာတွင် သူက ခေါင်းညိတ်၍ “အစ္စရေးအားလုံးကို သတ်ဖို့ ကျွန်တော့်အသက်ကို ပေးပါမယ်” ဟု ပြန်လည် ဖြေကြားခဲ့သည်။

    ၎င်း၏ အချို့စကားက လူငယ်သဘာဝ မဆင်မခြင် ပြောခြင်းဖြစ်သည်။ သို့သော်လည်း အချို့က ဆယ်ကျော်သက်လူငယ်တစ်ယောက် ဖြစ်လာလျှင် ဂါဇာတွင် ရနိုင်သော အလုပ်အကိုင် လမ်းစအနည်းငယ်မှ တစ်ခုမှာ တိုက်ခိုက်ရေးသမားအဖြစ် ဆောင်ရွက်ရန်ဖြစ်သည်ဆိုသည့် ၎င်းတို့၏ အကြောင်းမလှသည့် လက်တွေ့ဘ၀ကို ရောင်ပြန်ဟပ်နေသည်။ ဖခင်က ဆောက်လုပ်ရေးလုပ်သားတစ်ဦးဖြစ်ပြီး လက်ရှိတွက် အလုပ်မရှိဟု အဟ်မဒ်က မနှစ်သက်ဖွယ်ပုံစံဖြင့် ပြောသည်။

    ခြုံ၍ဆိုရလျှင် ထိုကဲ့သို့ ခံစားရမှုများက ဂါဇာပြည်သူများ တိုက်ခိုက်မှုများကို မနှစ်မြို့မှု ပိုဖြစ်လာစေပြီး ကြမ်းကြမ်းတမ်းတမ်းလက်စားချေရန် တောင့်တလာကြသည်။ တိုကဲ့သို့သော တွန်းအားများ၏ ညီမျှမှုကို တွက်ဆရခက်သည်။

    အစ္စရေးနှင့် အီဂျစ် နှစ်နိုင်ငံစလုံးက ဂါဇာ၏ လုံခြုံရေးဆိုင်ရာ စိုးရိမ်မှုကို  တရားဝင်ပြောထားသည်။ (ဟားမက်စ်အား အကြမ်းဖက်အဖွဲ့အစည်းအဖြစ် အီဂျစ်တရားရုံးက မကြာသေးမီကပင် ကြေညာထားသည်) သို့သော်လည်း ဂါဇာဒေသ၏ စီးပွားရေးကို အကျပ်အတည်းဖြစ်အောင် လုပ်ထားခြင်းမှာ လုံခြုံရေးအတွက်ဟု အစ္စရေး၏ အကြောင်းပြမှုမှာ ရူးနှမ်းခြင်းသာဖြစ်သည်ဟု အစ္စရေးရှိ လူ့အခွင့်အရေးအဖွဲ့အစည်း Gisha က ပြောကြားခဲ့သည်။ Gisa က အသက် ၂၄ နှစ်အရွယ် အေယာ အဘစ်နှင့် ကျွန်တာ့်ကို မိတ်ဆက်ပေးသည်။ သူမက နောက်ဘက်ကမ်းတွင်နေထိုင်သော ပါလက်စတိုင်းအမျိုးသားတစ်ဦးနှင့် လက်ထပ်ထားသည်။ ၎င်းတို့ ဇနီးမောင်နှံတွင် ၅ လ အရွယ် ကလေးငယ်တစ်ဦးရှိပြီး ကလေးကို အနောက်ဘက်ကမ်းမှ ဖခင်ဖြစ်သူက မမြင်ဖူး။ အဘယ့်ကြောင့်ဆိုသော် အစ္စရေးတို့က အဘစ်အား ဂါဇာမှ ထွက်ခွာခွင့် မပေးသောကြောင့်ဖြစ်သည်။

    “ကျွန်မ နေ့တိုင်း မျက်ရည်ကျရပါတယ်။ ဘာလုပ်ရမှန်းလည်းမသိဘူး” ဟု သူမက ဆိုသည်။

    ထိုနည်းတူစွာ အစ္စရေးမှာ အမေရိကန်နှင့် အခြားသော နိုင်ငံခြားကျောင်းများတွင် ကျောင်းတက်ခွင့်ရသော ဂါဇာကျောင်းသားများကိုလည်း သွားရောက်ပညာသင်ကြားခွင့် မပေး။

    စီးပွားရေးပိတ်ဆို့ခြင်းက ဟားမက်စ်ကို ဟန့်တားနိုင်သော လွတ်လပ်သည့် စီးပွားရေးအသိုင်းဝိုင်းအား အခြေပျက်စေနိုင်သည်ကိုလည်း အစ္စရေး အကြီးတန်း တာဝန်ရှိသူများက သိသည်။ ထို့ကြောင့် ထိုပိတ်ဆို့မှု ဖြေလျော့ရေးနှင့်ပတ်သက်၍ မကြာသေးမီက သင်လျော်သည့် ကိစ္စများကို ပြောနေကြသည်။ သို့သော်လည်း ပြောင်းလဲမှု များများစားစားတော့ ဖြစ်မလာခဲ့။

    ၂၀၁၀ ခုနှစ်က ဂါဇာသို့ လည်ပတ်သည့်အချိန်တွင် ဂါဇာအတွင်း ထင်ရှားသည့် စီးပွားရေးသမား မိုဟာမက် တာလ်ဘာနီ လုပ်ကိုင်နေသော ဂါဇာ ကွတ်ကီးစက်ရုံသို့ သွားရောက်လည်ပတ်ခဲ့သည်။ ကျွန်တော်ပြန်လာပြီးနောက်ပိုင်း ဂါဇားအားတိုက်ခိုက်မှုအတွင်း အစ္စရေးက တာလ်ဘာနီ၏ စက်ရုံကို ထပ်တလဲလဲ ဗုံးကြဲဖျက်ဆီးခဲ့သည်။

    တာလ်ဘာနီက စက်ရုံကို ပြန်ပြင်ခဲ့သည်။ သို့သော်လည်း သုံး၍ မရသည့် ဒိန်းမတ်လုပ် ကွတ်ကီးလုပ်စက်ကို ပြင်ဆင်ရန်အတွက် ဥရောပ နည်းပညာရှင် ၃ ဦးကို အစ္စရေးက ၀င်ခွင့်မပေးခဲ့။ ပါကင်ထုပ်သည့်စက်မှာလည်း စပယ်ယာပစ္စည်းများ လိုအပ်နေပြီး အစ္စရေးက သွင်းခွင့်မပြုသောကြောင့် သုံး၍ မရသည်မှာ ၃ လခန့်ရှိနေပြီ။ အစ္စရေးမှာ ဂါဇာအား ပြင်းပြင်းထန်ထန်ပိတ်ဆို့ထားပြီး ယနေ့ဂါဇာမှာ သီးသန့် ခွဲထုတ်ထားခြင်းခံထားရကာ မျှော်လင့်ချက်လည်း ပျောက်ဆုံးနေသည်။ ဂျာနယ်လစ်များကတော့ တစ်ခါတစ်ရံ ခြွင်းချက်ဖြင့် ၀င်ခွင့်ရသည်။

    ထိုပိတ်ဆို့ထားမှုက ဗုံးကြဲသလောက် မဆိုးဝါး။ သို့သော်လည်း ကြာရှည်လာလျှင်တော့ ဂါဇာပြည်သူတို့၏ စိတ်ဓာတ်များကို ပျက်ဆီးစေမည်ဖြစ်သည်။ စီးပွားရေးသမားများက ၎င်းတို့၏ ကုန်ပ္စည်းများကို ရောင်း၍မရ။ ကျောင်းသားများကလည်း အနောက်ဘက်ကမ်းရှိ တက္ကသိုလ်များကို တက်ခွင့်မရ။ ဇနီးကလည်း ခင်ပွန်းဖြစ်သူဆီ သွားတွေ့ခွင့်မရ။ ဟားမက်စ်၏ အုပ်ချုပ်မှုအမှားများကလည်း အဓိကပြဿနာ ဖြစ်နေသည်။ သို့သော်လည်း ကျွန်တော်တို့က ဟားမက်စ်အပေါ် သြဇာလွှမ်းမိုးမှုမရှိ။ အစ္စရေးအပေါ်သာ ဖိအားပေးရမည်။ အမေရိကန်နှင့် အခြားသော အင်အားကြီးနိုင်ငံများမှာ ဂါဇာဒေသ ပိတ်ဆို့ထားမှုအား ပြန်ဖွင့်ပေးရန် အစ္စရေးနှင့် အီဂျစ် ၂ နိုင်ငံစလုံးကို တိုက်တွန်းဆော်သြသင့်သည်။

    တာလ်ဘာနီမှာ လက်တွေ့ဆန်သည့် စီးပွားရေးသမားဖြစ်သည်။ ဟီဘရူးဘာသာစကားကိုလည်း ကျွမ်းကျင်ပြီး သူ၏ ရည်ရွယ်ချက်က ကွတ်ကီးများရောင်းချရန်၊ အလုပ်သမားများ ခန့်ထားရန်နှင့် ငွေရှာရန်ဖြစ်သည်။ ယခုအခေါက် သူနှင့်တွေ့သည့်အခါတွင် အစ္စရေးနှင့်ပတ်သက်၍ ခါးသီးမှုကို အရင်ကထက် ပိုကြားရသည်။

    “ကျွန်တော့်ရဲ့ ဒေါ်လာ ၂၂ သန်းတန် စက်ရုံကို ဘာအကြောင်းပြချက်မှ မရှိဘဲနဲ့ သူတို့ ဖျက်ဆီးလိုက်တယ်ဗျာ။ အဲဒါကို ကျွန်တော် ၄၅ နှစ်လောက် တည်ဆောက်ခဲ့ရတာဗျ။ သူတို့ ၂ နာရီအတွင်းလောက်မှာ ဖျက်ဆီးလိုက်ကြတယ်။ သူတို့ကို ကျွန်တော်ဘာပြောရမလဲ? ကျေးဇူးတင်ပါတယ်လို့ ပြောရမှာလား? ဒီအချိန်က အဆိုးဝါးဆုံးအချိန်ပဲဗျာ။ လူတွေမှာ ဘာမှထပ်ဆုံးရှုံးစရာမရှိတော့ဘူး။ ဒါကြောင့် ကျွန်တော် နောက်ထပ်စစ်ဖြစ်ပါစေလို့ပဲ မျှော်လင့်တယ်” ဟု တာလ်ဘာနီက ခါးသီးစွာဖွင့်ဟခဲ့သည်။

    ref:  The New York Times
    လေးမောင် ဘာသာပြန်သည်။

  • စနစ်တကျ ဖိနှိပ်မှုများအောက်မှ ၀မ်းတစ်ထွာကို ဖြေရှင်းနေရသည့် ဂါဇာမှ ငါးဖမ်းလုပ်သားများ

    စနစ်တကျ ဖိနှိပ်မှုများအောက်မှ ၀မ်းတစ်ထွာကို ဖြေရှင်းနေရသည့် ဂါဇာမှ ငါးဖမ်းလုပ်သားများ

    မတ် ၁၇ ၊ ၂၀၁၅
    M-Media
    150310063729681768_8
    -အဘူ မိုဟာမက် အလ်-ဟစ်စီတစ်ယောက် ၎င်း၏ ဘ၀တစ်သက်တာကို ငါးဖမ်းလှေများပေါ်တွင် ကုန်ဆုံးခဲ့ပြီး  နောက်ဆုံးတွင် ဂါဇာအခြေစိုက် ပါလက်စတိုင်း ငါးဖမ်းလုပ်သားများအဖွဲ့၏ ခေါင်းဆောင် ဖြစ်လာခဲ့သည်။

    အစ္စရေးနှင့် အီဂျစ်တို့၏ ဂါဇာအား ၈ နှစ်ကြာပိတ်ဆို့ထားမှုကြောင့် ပါလက်စတိုင်း ငါးဖမ်းသမားများအနေဖြင့် သင့်တော်သည့်လူမှုဘ၀ကို မရရှိနိုင်တော့ဟု အသက် ၇၀ အရွယ် ဟစ်စီက ဆိုသည်။

    “ဒီအလုပ်က မိသားစုအတွက် လုံလောက်အောင် မထောက်ပံ့နိုင်ပါဘူး”

    ငါးများများ ဖမ်းရသည်ဖြစ်စေ၊ မဖမ်းရသည်ဖြစ်စေ ငါးဖမ်းလှေအား တစ်နေ့တာ အသုံးပြုရန်အတွက် လောင်စာဆီ လီတာ ၈၀၀ လိုအပ်သည်။

    “အဲဒီအတွက် ငါးဖမ်းသမားတွေဟာ ရှက်ကဲလ်ငွေ ၄၂၀၀ (ကန်ဒေါ်လာ ၁၀၈၀) လောက် သုံးရပါတယ်။ တစ်ခါတစ်လေကျရင် သူတို့ဟာ ဒီကုန်ကျစားရိတ်ကို ကာမိအောင်တောင် ငါးမရပါဘူး” ဟု ဟစ်စီက ဖွင့်ဟခဲ့သည်။

    အစ္စရေးက ဂါဇာဒေသအား ၅၁ ရက်ကြာ တိုက်ခိုက်မှုကို အဆုံးသတ်သွားစေသည့် သြဂုတ်လ ၂၆ ရက်နေ့ အပစ်ရပ်ရေး သဘောတူညီချက်တွင် ငါးဖမ်းဇုန်ကို ရေမိုင် ၆ မိုင်အဖြစ် ပေးသွားမည်ဟု အစ္စရေးက သဘောတူညီခဲ့သော်လည်း ငါးဖမ်းလုပ်သားများနှင့် လူ့အခွင့်အရေးအဖွဲ့များက အစ္စရေးမှာ ထိုသဘောတူညီချက်ကို ပုံမှန်လိုလို ချိုးဖောက်နေသည်ဟု စွပ်စွဲခဲ့ကြသည်။

    အစ္စရေးစစ်တပ်မှ ပြောရေးဆိုခွင့်ရှိသူ တစ်ဦးကတော့ ငါးဖမ်းလုပ်သားများအား ခွဲဝေပေးသော နေရာပမာဏကို ဂါဇာသို့ ဦးတည်သည့် လက်နက်ပို့ဆောင်ခြင်းကဲ့သို့ လုံခြုံရေးခြိမ်းခြောက်မှုဖြင့် ဆုံးဖြတ်ခြင်းဖြစ်သည်ဟု ဆိုသည်။

    “ပြီးခဲ့တဲ့ သီတင်းပတ်က ဟားမက်စ်တွေ ဒုံးကျည်တည်ဆောက်နိုင်စေမယ့် ပစ္စည်းတွေ ဂါဇာကို ဦးတည်ပေးပို့မှုကို တားဆီးလိုက်တယ်လို့ ကျွန်တော်တို့ ကြေငြာခဲ့ပါတယ်။ ရေတပ်က ပိတ်ဆို့တားဆီးမှုဟာ တရားဝင်ပြီး အစ္စရေးရဲ့ လုံခြုံရေးကို ထိန်းသိမ်းဖို့အတွက် လိုအပ်ပါတယ်” ဟု ၎င်းက ပြောကြားခဲ့သည်။

    150310063732994952_8

    သို့သော်လည်း ၁၉၉၃ ခုနှစ်က အော်စလိုတွင် အစ္စရေးနှင့် ပါလက်စတိုင်းခေါင်းဆောင်များအကြား လက်မှတ်ရေးထိုးခဲ့သော အော်စလိုသဘောတူညီချက်အရ ငါးဖမ်းလုပ်သားများကို အနည်းဆုံး ရေမိုင် ၂၀ ခန့် ခွဲဝေပေးရမည်ဟု ပါရှိသည်။ အစ္စရေးအာဏာပိုင်များမှာ မကြာသေးမီနှစ်များအတွင်း ငါးဖမ်းဇုန်၏ အကျယ်အ၀န်းကို ချုံ့ခဲ့သည်။ အထူးသဖြင့် ပြီးခဲ့သည့်နှစ် ဂါဇာကမ်းမြှောင်အား တိုက်ခိုက်ပြီးနောက်တွင်ဖြစ်သည်ဟု အစ္စရေးလူ့အခွင့်အရေးအဖွဲ့ B’Tselem ၏ ဒါရိုက်တာဖြစ်သူ ဆာရစ်မီခေလီက ပြောကြားခဲ့သည်။

    “အရေးကြီးဆုံး သက်ရောက်မှုက သူတို့ရဲ့ အသက်မွေးဝမ်းကြောင်းအလုပ်နဲ့ ပတ်သက်တာပါ။ တကယ်လို့ အစ္စရေးက တစ်ဖက်မှာ ဒါဟာ လုံခြုံရေး အန္တရာယ်လို့ပြောရင် (ငါးဖမ်းလုပ်သားတွေကို) အခြားရွေးချယ်မှုတစ်ခုတော့ ပေးရပါမယ်” ဟု မီခေလီက ဆိုသည်။

    ဂါဇာမှ ငါးဖမ်းလုပ်သားများမှာ ယခင်က အိမ်နီးချင်းနိုင်ငံများသို့ သွားလာ ရောင်းချနိုင်ခဲ့သည်။ သို့သော် ယနေ့အချိန်တွင်တော့ ထိုကဲ့သို့ မဟုတ်တော့။

    150310063731353323_8

    “ငါးဖမ်းသမားတွေဟာ အီဂျစ်၊ လစ်ဗျား၊ လက်ဘနွန်နိုင်ငံတွေကို အရင်က သွားနိုင်ပါတယ်။ အခုအချိန်မှာတော့ မသွားနိုင်တော့ပါဘူး။ ဂါဇာအကျဉ်းထောင်ထဲမှာတောင် ငါးဖမ်းလုပ်သားတွေ ရှိပါတယ်။ ကျွန်တော်တို့ လုပ်သမျှအရာတိုင်းကို အစ္စရေးက ကန့်သတ်ချုပ်ချယ်ထားပါတယ်။ ကျွန်တော်တို့ တောင်ဘက်မှာ အလုပ်လုပ်နေတဲ့အခါ အီဂျစ်ကလည်း ကျွန်တော်တို့ကို ပိုလို့တောင် ခြိမ်းခြောက်ပါတယ်” ဟု အလ်-ဟစ်စီက ပြောကြားခဲ့သည်။

    အသက် ၅၁ နှစ်အရွယ်ရှိပြီး ငါးဖမ်းလှေပိုင်ရှင်ဖြစ်သူ ခါမစ် အဘူ ဆက်ဒက်က ငါးဖမ်းလုပ်သားများမှာ ရေမိုင် ၆ မိုင် အစွန်းသို့ ကပ်သွားလျှင် အစ္စရေးရေတပ်က မကြာခဏ ဖမ်းဆီးပြီး အချို့ကို အမြောက်များ၊ သေနတ်များဖြင့် ပစ်ခတ်သည်ဟု ပြောကြားခဲ့သည်။

    “လွန်ခဲ့တဲ့ ၂ နှစ်လောက်က ကျွန်တော် တစ်ကြိမ် အဖမ်းခံခဲ့ရပါတယ်။ သူတို့ အက်ရ်ှဒေါ့ (အစ္စရေးတောင်ဘက်ပိုင်းမြို့) ကို ခေါ်သွားပြီး ကျွန်တော့်ကို စစ်လားဆေးလား လုပ်ပါတယ်။ ကျွန်တော့်ရဲ့ ငါးဖမ်းလှေကို ၆ လလောက်ဖမ်းထားပြီးမှ ပြန်ပေးပါတယ်” ဟု ဆက်ဒက်က ဆိုသည်။

    ငါးဖမ်းလုပ်သားများတွင် မိသားစုဝန်ထုပ်ဝန်ပိုးကြီးများကို ထမ်းထားရသူများရှိပြီး အစ္စရေး၏ ပိတ်ဆို့ထားမှုများကြောင့် ဘ၀ကို ခက်ခက်ခဲခဲ ရုန်းကန်နေကြရလေသည်။

    “ပါလက်စတိုင်းက ငါးဖမ်းလုပ်သားတွေကလည်း ကမ္ဘာ့ရဲ့ အခြားနေရာက ငါးဖမ်းလုပ်သားတွေလိုပဲဆိုတာကို ကမ္ဘာကြီးက နားလည်ရပါမယ်။ ကျွန်တော့်မှာ ကလေး ၈ ယောက်ရှိပြီး ၃ ယောက်က တက္ကသိုလ်တက်နေပါတယ်။ ကျွန်တော် သူတို့အတွက် ထောက်ပံ့ရပြီး ဒီငါးဖမ်းအလုပ်ဟာ ကျွန်တော့်ရဲ့ တစ်ခုတည်းသော အလုပ်ပါပဲ” ဟု ဆက်ဒက်က ထပ်လောင်းပြောကြားခဲ့သည်။

    ပြီးခဲ့သည့် နွေရာသီ အစ္စရေးက ဂါဇာအား တိုက်ခိုက်ခြင်းမပြုခင်က အစ္စရေးရေတပ်မှာ ငါးဖမ်းခွင့်ပေးထားသည့် ရေမိုင် ၆ မိုင်အတွင်း ပါလက်စတိုင်းများအား ပစ်ခတ်မှုပေါင်း အနည်းဆုံး ၁၇၇ ကြိမ် ပြုလုပ်ခဲ့သည်။ ၂၀၁၃ ခုနှစ် တစ်နှစ်လုံးတွင် ပစ်ခတ်ခဲ့သည့် ပမာဏနီးပါးရှိနေသည်ဟု Oxfam လူသားချင်းစာနာထောက်ထားမှုဆိုင်ရာ အကူအညီပေးရေးအဖွဲ့က ဆိုသည်။ ပြီးခဲ့သည့် ဇန်န၀ါရီနှောင်းပိုင်းတွင်မူ အစ္စရေးစစ်တပ်မှာ ပါလက်စတိုင်း ငါးဖမ်းလှေတစ်စင်းအား နှစ်မြှုပ်ခဲ့ပြီး လှေပေါ်တွင်ပါလာသူ ၅ ဦးကိုလည်း ဖမ်းဆီးခဲ့သည်။

    မကြာသေးမီက လက်ထပ်ထားသည့် အသက် ၂၀ အရွယ် မဟ်မူးဒ် အလ် ဟစ်စီက ရေမိုင် ၉ မိုင်ခန့် ငါးဖမ်းခွင့်ရလျှင်ပင် ဂါဇာမှ ငါးဖမ်းလုပ်သားများမှား ချမ်းသာမည်ဟုဆိုပြီး ၎င်းကတော့ ပင်လယ်ပြင်တွင် ၃ ရက်တာ ငါးဖမ်းမှ ၇၅ ရှက်ကဲလ် (၁၉ ဒေါ်လာ) ရရှိသည်ဟု ဆိုသည်။

    “ဒါပေမယ့် ငါးတွေသိပ်မရှိတော့တာကြောင့် အခုတစ်လော ဒီထက်ဝင်ငွေနည်းပါတယ်”

    150310063732259936_8

    အဘူ မိုဟာမက် အလ်-ဟစ်စီ၏ သားတစ်ဦးဖြစ်သူ မိုဟာမက်ကတော့ ၎င်းတို့ငါးဖမ်းလှေ၏ ပဲ့ကိုင်ဖြစ်သည်။

    “ကျွန်တော် ဒီလှေမှာလုပ်လာတာ ၁၉၉၆ ခုနှစ်ကတည်းကပါ။ ကြုံတွေ့ခဲ့ရသမျှထဲမှာ အခုအခြေအနေက အဆိုးဆုံးပါပဲ” ဟု မိုဟာမက်က ပြောကြားခဲ့သည်။

    ဂါဇာမှ ငါးဖမ်းလုပ်သားအများစုမှာ ၎င်းတို့၏ နေ့စဉ်ဝမ်းရေးကိုဖြေရှင်းရန်အတွက် နိုင်ငံတကာမှ အကူအညီကို မှီခိုနေရသည်။

    ထိုကဲ့သို့အခက်အခဲများကြားတွင် အစ္စရေးစစ်တပ်ကိုလည်း ကြောက်ရသေးသည်။ ဇန်န၀ါရီ ၂၇ ရက်မှ ဖေဖော်ဝါရီ ၉ ရက်အထိ အစ္စရေးရေတပ်မှာ ရေမိုင် ၆ မိုင်ဇုန်အတွင်း အလုပ်လုပ်နေသည့် ငါးဖမ်းသမားများကို ပစ်ခတ်မှု ၁၇ ကြိမ်ရှိခဲ့သည်ဟု ကုလသမဂ္ဂ လူသားချင်းစာနာထောက်ထားမှုရေးရာ ပူးပေါင်းဆောင်ရွက်ရေး ရုံးက ပြောကြားခဲ့သည်။

    “ပြီးခဲ့တဲ့လအနည်းငယ်က သူတို့တွေ (အစ္စရေးစစ်သားများ) ဟာ ကျွန်တော်တို့ကို သေနတ်နဲ့ချိန် အ၀တ်တွေချွတ်ခိုင်းပြီး ရေထဲ ခုန်ဆင်းခိုင်းပါတယ်။ အရမ်းအေးတာပဲဗျာ” ဟု အဟ်မဒ် အလ် ဟစ်စီက ဆိုသည်။

    အချို့ငါးဖမ်းလုပ်သားများမှာ နှစ်ဦးသုံးဦးပေါင်း၍ လှေတစ်စင်းဖြင့် ငါးဖမ်းထွက်ကြရပြီး ဖမ်းဆီးရမိသမျှကို ခွဲယူကြကာ ဈေးတွင် ပြန်ရောင်းကြရသည်။ သို့သော်လည်း ကန့်သတ်ချက်များအကြားတွင် ဆောင်ရွက်ရသည့်အတွက်ကြောင့် ၎င်းတို့၏ အခြေအနေက တိုးတက်ခြင်းမရှိ။

    “ကျွန်တော်တို့ရဲ့ငါးတွေကို အစ္စရေးနဲ့ အီဂျစ်ဈေးတွေမှာ အရင်က သွားရောင်းလေ့ရှိပါတယ်။ ပြီးခဲ့တဲ့ နှစ်အနည်းငယ်အတွင်းမှာ နယ်စပ်တွေကို ပိတ်လိုက်ပြီး ပင်လယ်စာတွေရဲ့ဈေးကလည်း တော်တော်လေး ကျသွားခဲ့ပါတယ်။ အရင်က အနောက်ဘက်ကမ်းမှာ သွားရောင်းသလိုမျိုးလည်း ရောင်းလို့မရတော့ပါဘူး” ဟု နာမည်ကြီး အလ်-ဆလာမ် ပင်လယ်စာ စားသောက်ဆိုင်ပိုင်ရှင်ဖြစ်ပြီး ပင်လယ်စာ ဖြန့်ဖြူးရောင်းချသူ မွန်နာရ် အဘူ ဟက်ဆီရာက ပြောကြားခဲ့သည်။

    ဆင်းရဲလှသည့်ဘ၀တွင် မိသားစုအနာဂတ်အတွက် ဂါဇာရှိ ငါးဖမ်းလုပ်သားများက ခေါင်းခြောက်ရသည်။

    “ကျွန်တော်တို့ ဟစ်စီမိသားစုကပါ။ တစ်ယောက်နဲ့တစ်ယောက် ဖေးမကြပေမယ့်လည်း ပိုက်ဆံရအောင်တော့ မလုပ်နိုင်ကြပါဘူး။ ကျွန်တော့်မှာ ကလေးငါးယောက်ရှိပြီး အကြီးဆုံးက အထက်တန်းပြီးတော့မှာပါ။ သူက သိပ်တော်တဲ့ကလေးဖြစ်ပြီး ကောလိပ်တက်သင့်ပါတယ်။ ဒါပေမယ့် ကျွန်တော် ဘယ်တတ်နိုင်မှာလဲဗျာ”

    မိသားစုပြဿနာနှင့်ပတ်သက်၍ ဖခင်တစ်ဦးဖြစ်သူ ဆမီဟ်က ဖွင့်ဟခဲ့ခြင်းဖြစ်သည်။

    ဂါဇာဒေသရှိ ငါးဖမ်းလုပ်သားများအား နည်းမျိုးစုံနှင့် အစ္စရေးက ကန့်သတ်မှုမှာ ပါလက်စတိုင်းတို့၏ စီးပွားရေးကို ချွတ်ခြုံကျစေရန် ဆောင်ရွက်သည့် နည်းဗျူဟာများထဲမှ တစ်ခုဟု ပါလက်စတိုင်း ပေါ်လစီကွန်ယက် အလ်-ရှာဘာကာမှ ဒါရိုက်တာဖြစ်သူ အလ်အာ တာတီရန်က ဆိုသည်။

    “ဂါဇာပြည်သူတွေရဲ့ အဓိကအလုပ်အကိုင်ဖြစ်ပြီး ပုံမှန်ဝင်ငွေရတဲ့ ငါးဖမ်းလုပ်ငန်းဟာ ခြိမ်းခြောက်မှုတစ်ခုလို့ အစ္စရေးက သတ်မှတ်ပါတယ်။ ဒါ့ကြောင့် ဒီလုပ်ငန်းနဲ့ ငါးဖမ်းလုပ်သားတွေဟာ အမြဲတမ်း ပစ်မှတ်ထား တိုက်ခိုက်ခြင်း ခံနေရတာပါပဲ”

    source:aljazeera

    ဘာသာပြန်- လေးမောင်

  • ကုလ၏ ဂါဇာစုံစမ်းရေးကော်မရှင် အကြီးအကဲ ရာထူးမှ နှုတ်ထွက်

    ကုလ၏ ဂါဇာစုံစမ်းရေးကော်မရှင် အကြီးအကဲ ရာထူးမှ နှုတ်ထွက်

    ဖေဖော်ဝါရီ ၃၊ ၂၀၁၅
    M-Media

    gaza

    – ပါလက်စတိုင်း လွတ်မြောက်ရေးအဖွဲ့အတွက် အကြံဥာဏ်ပေးမှုများကို ပြုလုပ်ခဲ့သည့် မိမိအား ဘက်လိုက်သည်ဟု အစ္စရေးက စွပ်စွဲမှုကြောင့် ရာထူးမှ နှုတ်ထွက်တော့မည်ဟု ဂါဇာစုံစမ်းစစ်ဆေးရေး ကော်မရှင်အဖွဲ့ခေါင်းဆောင် ၀ီလီယံရှာဘက်စ်က ပြောကြားလိုက်သည်။

    အဆိုပါကော်မရှင်မှာ ၂၀၁၄ ခုနှစ် နွေရာသီတွင် ဂါဇာဒေသအား အစ္စရေး၏ ကျူးကျော်တိုက်ခိုက်မှုအတွင်း ဖြစ်နိုင်ဖွယ်ရှိသည့် စစ်ရာဇ၀တ်မှုများကို စုံစမ်းစစ်ဆေးရန် ကုလသမဂ္ဂမှ ဖွဲ့စည်းထားခြင်းဖြစ်ပြီး ကနေဒါ ပညာရှင် ၀ီလီယံရှာဘက်စ်က အဖွဲ့ခေါင်းဆောင်အဖြစ် တာဝန်ယူထားသည်။

    သို့သော်လည်း ယမန်နေ့တွင် ကော်မရှင်သို့ ပေးပို့သောစာ၌ ရှာဘက်စ်က လာမည့် မတ်လတွင် ထုတ်ပြန်တော့မည့် အစီရင်ခံစာအတွက် စီစဉ်မှုနှင့် တွေ့ရှိခဲ့ရသောအချက်များအတွက် ဘက်လိုက်မှုများ ရှိလိမ့်မည်ဆိုသော ပြဿနာကို ရှောင်ရှားရန်အတွက် ရာထူးမှ ချက်ချင်းနှုတ်ထွက်သွားမည်ဟု ဖော်ပြခဲ့သည်။

    အဆိုပါကော်မရှင်တွင် အဖွဲ့ဝင် ၃ ဦး ပါဝင်ပြီး ရှာဘက်စ်နှုတ်ထွက်သွားခြင်းက ကော်မရှင်၏ အမှားမခံသည့် အခြေအနေကို မီးမောင်းထိုပြသကဲ့သို့ ဖြစ်နေသည်။ ပြီးခဲ့သည့် သီတင်းပတ်အနည်းငယ်အရင်ကလည်း နိုင်ငံတကာရာဇ၀တ်ခုံရုံးက မိမိတို့အနေဖြင့် ပါလက်စတိုင်း ပိုင်နက်အတွင်း ဖြစ်ပွားခဲ့သည့် ရက်စက်မှုများအတွက် ကနဦး စုံစမ်းစစ်ဆေးမှုများပြုလုပ်သွားမည်ဟု ပြောကြားခဲ့သည်။

    ရှာဘက်စ်၏စာတွင် ၂၀၁၂ ခုနှစ်အတွင်း ပါလက်စတိုင်းလွတ်မြောက်ရေးအဖွဲ့ကို သူမရေးပေးခဲ့သော ဥပဒေဆိုင်ရာ ယူဆချက်စာတမ်းအတွက် ကန်ဒေါ်လာ ၁၃၀၀ ရခဲ့ပြီး ထိုပမာဏမှာ အခြားသော အစိုးရများ၊ အဖွဲ့အစည်းများအတွက် ၎င်းရေးပေးခဲ့သော အကြံပြုစာတမ်းများအတွက် ရရှိခဲ့သည့် ငွေကြေးပမာဏခန့်သာဖြစ်ကြောင်း ထည့်သွင်းရေးသားခဲ့သည်။

    စုံစမ်းရေးကော်မရှင်၏ အကြီးအကဲအဖြစ် ခန့်အပ်မှုကို အစ္စရေးက တစ်စိုက်မတ်မတ် ဆန့်ကျင်ကန့်ကွက်ခဲ့သည်။

    ကုလ၏ အဆိုပါကော်မရှင်မှာ ဂါဇာဒေသအတွင်း အစ္စရေးနှင့် ဟားမက်စ်တို့၏ လှုပ်ရှားမှုများကို လေ့လာကာ အထောက်အထားများ စုစည်းပြီးနောက် ယခုလက်ရှိတွင် အစီရင်ခံစာကို စတင်ရေးသားနေပြီဖြစ်သည်။

    Ref: aljazeera