Tag: Gaza

ဒီဇင်ဘာ ၂၉၊ ၂၀၁၅

M-Media

– ဂါဇာပြည်သူ ၂ ထောင်ကျော် သေဆုံးခဲ့ရသော ပြီးခဲ့သည့်နှစ် ကျူးကျော်တိုက်ခိုက်မှုအတွင်း လူနေအိမ်များအား အစ္စရေးက တိုက်ခိုက်မှုမှာ ရည်ရွက်ချက်ရှိရှိ ကျူးလွန်ခဲ့ခြင်းဖြစ်သည်ဟု အစ္စရေးအခြေစိုက် လူ့အခွင့်အရေးအဖွဲ့တစ်ခုက ပြောကြားလိုက်သည်။

ပိတ်ဆို့ခံထားရသည့် ဂါဇာဒေသရှိ လူနေအိမ်များ တိုက်ခိုက်မှု ၇၀ ကို လေ့လာစမ်းစစ်ပြီးနောက် ဗုဒ္ဓဟူးနေ့က ထုတ်ပြန်သော အစီရင်ခံစာတွင် B’Telem လူ့အခွင့်အရေးအဖွဲ့က ထိုကဲ့သို့ဖြော်ပထားခြင်းဖြစ်ပြီး ရက်ပေါင်း ၅၀ ကြာမြင့်ခဲ့သည့် အဆိုပါတိုက်ခိုက်မှုအတွင်း ဂါဇာပြည်သူများ သေကြေပျက်ဆီးခဲ့ရမှုအတွက် အစ္စရေးအစိုးရတွင် တာဝန်ရှိသည်ဟု ဖော်ပြထားသည်။

`ဒီနှစ်နွေရာသီ ဂါဇာကိုတိုက်ခိုက်ခဲ့တဲ့အချိန် သိသာတဲ့အချက်ကတော့ ပြည်သူတွေ အိမ်ထဲမှာရှိနေတုန်း လူနေအဆောက်အဦးအတွေကို အစ္စရေးက အကြိမ်ပေါင်းများစွာ ဗုံးကြဲခဲ့တယ်ဆိုတာပါပဲ။ ဒီလုံပုံစံ တိုက်ခိုက်မှုမျိုးဟာ တကယ့်ကို တုန်လှုပ်ချောက်ခြားစရာပါ။ ပြီးတော့ အစ္စရေးတာဝန်ရှိသူတွေနဲ့ စစ်ဘက်အကြီးအကဲတွေချမှတ်တဲ့ ပေါ်လစီလည်းဖြစ်ပါတယ်´ ဟု ၄၉ မျက်နှာရှိသည့် အဆိုပါ အစီရင်ခံစာတွင် ထည့်သွင်းဖော်ပြထားသည်။

B’Tselem မှ စုံစမ်းစစ်ဆးခဲ့သည့် တိုက်ခိုက်မှုများတွင် သေဆုံးခဲ့သူများမှာ ၆၀၆ ဦးရှိပြီး ၇၀ ရာခိုင်နှုန်းမှာ ၁၈ နှစ်အောက် ကလေးများနှင့် ၆၀ ကျော် သက်ကြီးရွယ်အိုများ ဖြစ်ကြသည်။ ကုလသမဂ္ဂကလည်း အစ္စရေး၏ ထိုကျူးကျော်တိုက်ခိုက်မှုအတွင်း သေဆုံးခဲ့သူများထဲမှ ၇၀ ရာခိုင်နှုန်းမှာ အရပ်သားများဖြစ်ကြသည်ဟု ပြောကြားထားသည်။

အဆိုပါလူ့အခွင့်အရေးအဖွဲ့၏ ဒါရိုက်တာဖြစ်သူ ဟာဂိုင်း အလ်-အဒ်က ထိုသို့ လူနေအိမ်များအား ပစ်မှတ်ထား၍ တိုက်ခိုက်မှုမှာ သာမန်ဆုံးဖြတ်ချက်မှ ထွက်ပေါ်လာသည့် ကိစ္စမဟုတ်ဘဲ၊ အချို့ခြေအနေတွင် နိုင်ငံတကာ လူသားချင်းစာနာထောက်ထားမှုဆိုင်ရာ ဥပဒေများကို ချိုးဖောက်ခြင်းဖြစ်ကြောင်း၊ အချို့နေရာများတွင် ဆိုးရွားသည့် မေးခွန်းပေါင်းများစွာကို ဖြစ်စေကြောင်း ပြောကြားခဲ့သည်။

တိုက်ခိုက်မှုအတွင်း နိုင်ငံတကာ ဥပဒေများကို လေးစားခဲ့သည်ဟု အစ္စရေး၏ ပြောကြားချက်ကိုလည်း B’Tselem က မေးခွန်းထုတ်ခဲ့သည်။

`ဒီတိုက်ခိုက်မှုတွေမှာ ပြည်သူတွေဘယ်လောက်သေမလဲဆိုတာ စစ်တပ်က မသိခဲ့ဘူး၊ မသိနိုင်ခဲ့ဘူးလို့ ပြောလို့ မရပါဘူး။ ပထမ တစ်ရက်၊ နှစ်ရက်လောက် မသိဘူးဆိုတာ ဖြစ်ကောင်းဖြစ်နိုင်ပါတယ်။ ဒါပေမယ့် ၁၀ ရက်၊ အရက် ၂၀ လောက်ဖြစ်လာပြီး ပြည်သူတွေ သေဆုံးတာကို မြင်ရတဲ့အခါ ဒီတိုက်ခိုက်မှုတွေဟာ ဆက်မဖြစ်သင့်တော့ပါဘူး´ ဟု B’Tselem ၏ လေ့လာဆန်းစစ်မှုအကြီးအကဲ ယေးလ် စတိန်းက ထည့်သွင်းပြောကြားခဲ့သည်။

ထို့ပြင် B’Tselem က အစ္စရေး၏ နိုင်ငံတကာဥပဒေချိုးဖောက်နိုင်ချေနှင့်ပတ်သက်၍ ရှင်းလင်းရန် တောင်းဆိုခဲ့သည်။

Ref: aljazeera

ဇန်နဝါရီ ၂၄ ၊ ၂၀၁၅
M-Media

– ဟေရှမ် အလ်-မိုဂ်ရာဘီတစ်ယောက် အိမ်၏ ဧည့်ခန်းအလယ်တွင် ရပ်နေပြီး အပြင်ရှိ အုတ်ဂူကြီး နှစ်ခုကို စူးစိုက်ကြည့်နေသည်။ သူ၏ ဘေ့စ်ဘောဦးထုပ်ကို ချွတ်လိုက်ပြီး အခြားလက်တစ်ဖက်ဖြင့် ခေါင်းကို ပွတ်ကာ ဦးထုပ်ကို ပြန်ဆောင်းလိုက်သည်။

`ကျွန်တော့်မှာ ဒီနေရာကလွဲကို အခြားသိတဲ့နေရာ မရှိပါဘူး´

တာယာများ၊ ထင်းချောင်းများ၊ ပလတ်စတစ်ပုံးများ၊ ဖိနပ်အဟောင်းများနှင့် သံချောင်းအပိုင်းအစများဖြင့် ပြည့်နေသော တဲပုတ်အတွင်းမှ မိုဂ်ရာဘီက ပြောနေသည်။

ထိုအခြေအနေက ဂါဇာစီးတီးရှိ အလ်-ရှိခ်ရှာဘန် သုသာန်မှ မိုဂ်ရာဘီ၏ ဘ၀ပင်ဖြစ်သည်။

အသက် ၄၃ နှစ်အရွယ် ရှိပြီဖြစ်သည့် မိုဂ်ရာဘီတစ်ယောက် အုတ်ဂူများအကြား ဆောက်လုပ်ထားသော လက်ဖြစ်အိမ်ကလေးတွင် နေထိုင်ရသည့်ဘ၀မှာ မည်ကဲ့သို့အဆုံးသတ်မည်ကို မပြောတတ်။ သူသိသည်က ပါလက်စတိုင်းများ မိမိတို့၏ အမိမြေမှ အစ္စရေး၏ မောင်းထုတ်ခြင်းကို ခံခဲ့ရသည့် ၁၉၄၈ ခုနှစ်မှစ၍ သူနှင့် သူ့မိသားစုတစ်ခုလုံး သုသာန်အတွင်းရှိ ဤနေအိမ်တွင်သာ ဘ၀ခရီးလမ်းကို ဖြတ်သန်းခဲ့ရသည် ဆိုသည်ပင်။

`ကလေးတွေအတွက်ကတော့ ထိတ်လန့် တုန်လှုပ်ဖွယ်ရာပါပဲ´ ဟု သူကဆိုပြီး မနှစ်မြို့ဖွယ် ဘ၀အခြေအနေကြောင့် ကလေးများမှာ ကျောင်းတွင်လည်း မျက်နှာငယ်ရသည်ဟု သူက ထပ်လောင်းပြောကြားခဲ့သည်။ မိသားစုအားထောက်ပံ့ရန်အတွက် ခက်ခဲသည်ဟုလည်း မိုဂ်ရာဘီက ထပ်ပြောသည်။ မြင်းဖြင့်ဆွဲသည့် လှည်းကလေးဖြင့် အိမ်နီးနားချင်းများအား လိုက်လံ ပို့ဆောင်ပေးသည့် အလုပ်မှ တစ်နေ့လျှင် ၀င်ငွေအနည်းငယ်သာရသည်။

`အချိန်အများစုကတော့ ကလေးတွေ ဗိုက်ဆာဆာနဲ့ အိပ်ခဲ့ရတဲ့ အချိန်တွေပါပဲ။ ပိုးမွှားတွေ၊ ကြွက်တွေကြားထဲမှာပေါ့ဗျာ´

အလ်-ရှိခ် ရှာဘန် သုသာန်အတွင်း ဂါဇာပြည်သူများစွာမှာ အိမ်များဆောက်၍ နေကြရသည်။ မည်သူမျှ မနေချင်ကြ။ သို့သော်လည်း ၎င်းတို့အနေဖြင့် အခြား သွားစရာနေရာလည်း မရှိကြပေ။

၂၀၁၄ ခုနှစ် အစ္စရေး၏ တိုက်ခိုက်မှုအတွင်း ဗုံးများထိမှန်ခဲ့သောကြောင့် နေရာအချို့က သုသာန်ဆိုသည်ထက် အမှိုက်ပုံနှင့် ပိုတူနေသည်။ တစ်ချို့နေရာက သုသာန်၊ တစ်ချို့နေရာက သံတိုသံစ၊ သစ်တိုသစ်စများ ပုံထားသည့်နေရာ ဖြစ်နေသည်။ အချို့နေရာကတော့ မြို့ပြင်မှ တဲစုရပ်ကွက်နှင့်တူ၏။ တစ်နေရာတွင် ညစ်ပတ်ပေရေနေသော ကြောင်တစ်ကောင်က ငှက်သေတစ်ကောင်ကို မြိန်ရေယှက်ရေ စားသောက်နေသည်။ တောထနေသော မြေပုံများပေါ်တွင် ပတ်ဝန်းကျင်မှ စွန့်ပစ်ထားသော အမှိုက်များ၊ စားကြွင်းစားကျန်များ၊ ထင်းတိုထင်းစများ၊ ၀ိုင်ယာကြိုးများနှင့် အ၀တ်စုတ်များဖြင့် စုပုံနေသည်။ ကလေးများကတော့ အုတ်ဂူအကြီးစားတစ်ခု၏ ပြောင်ချောနေသာ ကျောက်ပြားပေါ်၌ ဂေါ်လီလုံးများဖြင့် ကစားနေကြ၏။

`သိပ်ကို စိတ်ပျက်စရာပါပဲ။ ကလေးတွေအတွက် ပိုဆိုးတာပေါ့ဗျာ။ သူတို့မှာ ကစားဖို့ တစ်ခြားနေရာ မရှိဘူး။ ဒါ့ကြောင့် ဒီမြေပုံတွေကြားထဲမှာပဲ သူတို့ ကစားရပါတယ်´

အခြားသော ဂါဇာပြည်သူများက ထိုသုသာန်သို့ လာရောက်သည့်အခါ အုတ်ဂူများအကြား ခုန်ပေါက်ပြေးလွှား ဆော့ကစားနေသော ကလေးများကိုတွေ့ပြီးစိတ်ဆိုးဒေါသထွက်ကြသည်။ တစ်ခါတစ်ရံ ကလေးများအား အော်ဟစ်ငေါက်ငမ်းမှုများ၊ ရိုက်နှက်မှုများလည်း ရှိသည်ဟု သုသာန်အတွင်း နေထိုင်ကြသူများက ဆိုသည်။

သို့သော်လည်း သေသေသပ်သပ်မရှိသည့် ဤသုသာန်၏ နေရာတိုင်း၌ ဘ၀၏ လက္ခဏာများ ရှိနေလေ၏။ သစ်သားတိုင် ၂ ချောင်းကြားတွင် နေလှမ်းထားသည့် အ၀တ်အထည်များက လေပြေလေညှင်းနှင့်အတူ ခြောက်သွေ့သွား၏။ သားငယ်လေး တစ်ယောက် နို့ဘူးခွံကို ဘီးတပ်ထားသော လှည်းကလေးအား ဟိုဟိုဒီဒီတွန်း၍ ကစားနေသည်။ သမီးငယ်လေး တစ်ဦးကလည်း ပလတ်စတစ် ကွင်းနှစ်ခုကို တိပ်ဖြင့်ကပ်ကာ လုပ်ထားသော ခါးလှည့်ကွင်းဖြင့် ဆော့နေ၏။ ဤဒေသတွင် နေအိမ်အပါအ၀င် အရာအားလုံးမှာ အဖာအထေးများနှင့်ပင်ဖြစ်လေသည်။

မိုဂ်ရာဘီ၏ အိမ်အပြင်ဖက်မှာတော့ တိတ်ဆိတ်ငြိမ်သက်မှုအပြင် ၂၀၁၄ ခုနှစ် အစ္စရေး၏ ကျူးကျော်တိုက်ခိုက်မှုအတွင်း သေဆုံးသွားခဲ့သူ ၂ ဦးကို မြှုပ်ထားသည့် အုတ်ဂူသစ်နှစ်ခုကို တွေ့နေရသည်။ ထိုအထဲမှ တစ်ဦးမှာ အလ်-ရှိခ် ရှာဘန် သုသာန်တွင် နေထိုင်သူဖြစ်သည်။ သုသာန်အတွင်းနေထိုင်သူများမှာ သေဆုံးသူများ၏ ၀ိညာဉ်များနှင့် ထိစပ်ဆက်နွယ်မှုအတွက် အထူးသတိထားကြသည်ဟု ဟာရီမ်းကဆိုသည်။

`ကျွန်တော်တို့က အုတ်ဂူအပေါ်မှာ အိပ်ကြတာပါ။ လူသေတွေရဲ့ အပေါ်မှာပေါ့ဗျာ။ ညဘက်ကျရင် ဟိုဟိုဒီဒီတွေ ကျွန်တော်တို့မြင်ရတယ်။ ကလေးတွေကလည်း အိပ်နေရာကနေ အလန့်တကြားနိုးလာပြီး `ကယ်ပါ၊ ကယ်ပါ´ လို့ အော်ကြပါတယ်´

၈ တန်းတက်နေသော မိုဟာမက် ဆန်ဘူလ်က ထိုကဲ့သို့သောနေရာတွင် မနေချင်တော့ဟု ၀န်ခံခဲ့သော်လည်း  အုတ်ဂူများကို မကြောက်ဟု သတ္တိခဲလေးက ဆို၏။

`အလ္လာဟ်အရှင်မြတ်ကလွဲလို့ ကျွန်တော် ဘာကိုမှ မကြောက်ပါဘူး။ ညဘက်တွေတောင်မှာ ကျွန်တော်ထွက်လာပြီး အုတ်ဂူတွေပေါ်မှာ ကစားပါတယ်။ အခြားကလေးတွေကတော့ ကြောက်တာပေါ့ဗျာ။ ကျွန်တော်ကတော့ မကြောက်ပါဘူး´

အဆိုပါ သုသာန်က ပြည်သူပိုင်နေရာဖြစ်သော်လည်း အစိုးရက ၎င်းတို့အား နေခွင့်ပြုထားသည်ဟု သူတို့ကဆိုသည်။ အဘယ့်ကြောင့်ဆိုသော် ၎င်းတို့အား ပြန်လည်နေရာချထားရေး အတွက် ငွေသုံးစွဲဖို့ မလိုသောကြောင့် ဖြစ်သည်။ သို့သော်လည်း သုသာန်အတွင်း အိမ်ရာသစ်များ တိုးချဲ့ ဆောက်လုပ်မှုကိုတော့ တားမြစ်ထားသည်။

ပါလက်စတိုင်း သာသနာရေးရာဝန်ကြီးဌာနမှ ဒါရိုက်တာဖြစ်သူ မွန်ဇာ မူဂါရီက အစိုးရနေဖြင့် ထိုသူများအတွက် နေစရာအိမ်ရာများ ရှာဖွေပေးမည်ဟု ၀န်ခံခဲ့သည်။ သို့သော်လည်း မည်သည့်အချိန်တွင်ဖြစ်မည်၊ မည်သည့်နေရာဖြစ်မည်ဆိုသည်ကိုတော့ ၎င်းကိုယ်တိုင်လည်း မပြောတတ်။

`သုသာန်မှာနေတဲ့လူတွေကို ထောက်ပံ့တာတွေရပ်ဖို့၊ ကန့်သတ်မှုတွေလုပ်ဖို့၊ ဒဏ်ကြေးတွေ ကောက်ခံဖို့ မြူနီစီပယ်ဌာနကို ကျွန်တော်တို့ ၀န်ကြီးဌာနက ပြောထားပါတယ်။ ဒါတွေအားလုံးဟာ သုသာန်နယ်နမိတ်ကို ကာကွယ်ဖို့ လုပ်တာပါ´ ဟု မူဂါရီက ပြောခဲ့သည်။

ထိုသုသာန်တွင်နေထိုင်သူ ကမီလီယာ ကူဟေးလ်တစ်ယောက် အပျက်အစီးများနှင့် ပြန့်ကျဲနေသည့် ချိုင့်တစ်ခုကို စိုက်ကြည့်နေသည်။ ထိုနေရာက ၂၀၁၄ခုနှစ် ဇူလိုင်လ အစ္စရေးတို့ ကျူးကျော်တိုက်ခိုက်ခြင်းမပြုမီ သူမ၏နေအိမ် ဖြစ်ခဲ့သည်။ ဤသုသာန်တွင် နေထိုင်ကြ သူများမှာ ယခုလက်ရှိအချိန်တွင် ပို၍ ထိခိုက်ခံစားနေရပြီး နိုင်ငံတကာအသိုင်းအ၀ိုင်းမှ ကြားဝင်ဖြေရှင်းပေးမှုများ လိုအပ်နေသည်ဟု ကူးဟေးလ်က ဖွင့်ဟခဲ့သည်။

`ဒီနေရာကို စွန့်ခွာပြီး ကလေးရဲ့ ဘ၀လေးတွေ ကောင်းသွားဖို့သာ ကျွန်မအလိုရှိပါတယ်။
ဒီမှာက အစားအသောက်လည်း မရှိဘူး။ ချက်စရာလည်း ဘာမှမရှိဘူး။ ကလေးတွေ မှဲ့တစ်ပေါက် မစွန်းဖို့ နေ့ရောညပါ ကျွန်မက စောင့်ရှောက်နေရပါတယ်။ ဒီနေရာဟာ အန္တရာယ်ရှိတဲ့နေရာပါ။ ဒါပေမယ့်လည်း ကျွန်မတို့ ဘယ်သွားရမလဲရှင်´

ကူဟေးလ်က သူမ၏ ဒုက္ခသုက္ခများကို ဖွင့်ဟခြင်းဖြစ်သည်။

ဒေသခံအစိုးရကလည်း ၎င်းတို့အား ကူညီခြင်းမရှိဟု ဟာရီမ်းကဆိုသည်။ ထို့ကြောင့် ကူညီထောက်ပံ့မှုများမှာ ပြင်ပအဖွဲ့အစည်းများမှ လာကြသည်။ လုံလောက်သည့် ငွေကြေး မရှိခြင်းကြောင့် သုသာန်အတွင်း နေထိုင်သူများက ၎င်းတို့ကိုယ်တိုင်လည်း ရွှေ့ပြောင်း မနေထိုင်နိုင်ကြ။ ယခင် နိုင်ငံတကာမှ အကူအညီတောင်းထားမှုမှာလည်း သတင်းသဲ့သဲ့ပင် မကြားရ။ ၂၀၁၄ ခုနှစ် အစ္စရေး၏ ကျူးကျော်တိုက်ခိုက်မှု ပြီးကတည်းက ၎င်းတို့၏အခြေအနေများမှာ ပို၍ ဆိုးရွားလာခဲ့သည်ဟု ဟာရီမ်းက ထည့်သွင်း ပြောကြားခဲ့သည်။

သူငယ်ချင်းရောင်းရင်းတစ်ဦး၏ အုတ်ဂူကို ဟာရီးမ်က ကြည့်နေသည်။ ထိုသူမှာ ဤနေရာတွင်မွေး၊ ဤနေရာတွင်ကြီး၍၊ ဤနေရာတွင်ပင် သေဆုံးခဲ့ရသူဖြစ်သည်။

`အကူအညီလိုချင်ပါတယ်။ တစ်ခြားနေရာမှာလည်း ကျွန်တော်တို့ နေချင်ပါတယ်။ ဒီသုသာန်ထက် ပိုကောင်းတဲ့ ဘယ်နေရာမဆိုပေါ့ဗျာ´

ဟာရီးမ်၏အသံမှာ တိမ်ဝင်၍ သွားလေ၏။

ref:Aljazeera
လေးမောင်(M-Media) မြန်မာပြန်ဆိုသည်။

နိုဝင်ဘာ ၊ ၂၆ ၊ ၂၀၁၄
M-Media

– အုတ်ပုံများ အပျက်အဆီးများကြားတွင် ပိတ်မိနေသာ ဂါဇာပြည်သူများ၏ အခြေအနေကို မြင်ရသည်မှာ အလွန်ပင်တုန်လှုပ်ခဲ့ရသည်ဟု ဂါဇာသို့ လာရောက်လည်ပတ်ခဲ့သည့် ၀က်မင်စတာ ရိုမန်ကက်သလစ်ဘုန်းတော်ကြီး ဗင်းဆင့် နီကိုးလ်စ်က ပြောကြားလိုက်သည်။

ဘုန်းတော်ကြီးနီကိုးလ်စ်မှာ ဂါဇာဒေသရှိ ခရစ်ယာန်ကက်သလစ်အသိုင်းအ၀ိုင်းအား ကြည့်ရှုရန်အတွက် ဘုရားဖူး ၁၀၀ နှင့်အတူ ရောက်ရှိလာခြင်းဖြစ်ပြီး ၂ လနီးပါးကြာ အစ္စရေး၏ ကျူးကျော်တိုက်ခိုက်မှုကြောင့် ပျက်ဆီးခဲ့ရသည့် ဂါဇာရှိ ဆေးရုံတစ်ခုနှင့် စီးပွားရေး ဇုန်တစ်ခုကိုလည်း သွားရောက်ကြည့်ရှုခဲ့သည်။

`စစ်ပွဲနဲ့ ဆင်းရဲမွဲတေမှုတွေရဲ့ ရိုက်ခတ်မှုတွေက ကျွန်တော့်ကို အရမ်း တုန်လှုပ်စေခဲ့ပါတယ်။ ပုပ်ရဟန်းမင်းကြီးကတော့ စစ်ပွဲရဲ့အဆုံးသတ်ဆိုတာ ရှိကိုရှိရမယ်လို့ ပြောခဲ့ပါတယ်။ ဂါဇာလိုနေရာမျိုးမှာ ဒီလိုသက်ရောက်မှုကိုမြင်ရတဲ့အခါ ဒီအယူအဆကို ခိုင်မာစေပါတယ်´ ဟု အင်္ဂလန်နှင့် ဝေးလ်နိုင်ငံ ခရစ်ယာန်ရိုမန်ကက်သလစ် အသင်းအတော် အကြီးအကဲ ဘုန်းတော်ကြီးနီကိုးလ်စ်က ပြောကြားခဲ့သည်။

အစ္စရေး၏ ကျူးကျော်တိုက်ခိုက်မှု ပြီးဆုံးခဲ့သည်မှာ တစ်လကျော်ကြာပြီဖြစ်သော်လည်း အပျက်အဆီးများကို ဖယ်ရှားမှုနှင့် အဆောက်အဦးများကို ပြန်လည်ဆောက်လုပ်မှုမှာ အနည်းငယ်သာ ရှိနေသေးသည်။

ထို့ပြင် စိတ်ဒဏ်ရာရနေသော ကလေးများနှင့် မိဘမဲ့ကလေးများကို စောင့်ရှောက်မှုများပေးနေသော မိဘမဲ့ဂေဟာတစ်ခုကိုလည်း ဘုန်းတော်ကြီးက သွားရောက်ကြည့်ရှု အားပေးခဲ့သည်။

`ဘာမှလုပ်စရာမရှိတဲ့ပုံစံနဲ့ လူတွေဟာ လမ်းမတွေပေါ်မှာ ထိုင်နေတာကိုတွေ့ရတာ အံ့အားသင့်စရာပါပဲ။ ဒီလူဦးရေကို ထောက်ပံ့ဖို့ စီးပွားရေးဆိုတာလည်း ဒီမှာ မရှိပါဘူး´ ဟု ဘုန်းတော်ကြီးက ထပ်လောင်းပြောကြားခဲ့သည်။

ဟားမက်စ်အဖွဲ့က ဒုံးကျည်ဖြင့် ပစ်ခတ်မှုကို တုံ့ပြန်သည်ဟု အကြောင်းပြကာ နှစ်လနီးပါး ကြာမြင့်သည့် ဂါဇာကမ်းမြှောင်အား အစ္စရေး၏ ကျူးကျော်တိုက်ခိုက်မှုအတွင်း လူပေါင်း ၂၁၀၀ ကျော် သေဆုံးခဲ့သည်။ ကုလသမဂ္ဂကမူ သေဆုံးသူများထဲတွင် ၈၀ ရာခိုင်နှုန်းခန့်မှာ အရပ်သားများဖြစ်ကြပြီး ကလေးငယ်များနှင့် အမျိုးသမီးများ အများစုဖြစ်သည်ဟု ပြောကြားခဲ့သည်။ ထို့ပြင် သေဆုံးသွားသော ကလေးငယ်များ၏ ၇၀ ရာခိုင်နှုန်းမှာ အသက် ၁၂ အောက် ကလေးများ ဖြစ်ကြသည်ဟုလည်း ဆိုသည်။

ဘုန်းတော်ကြီး နီကိုးလ်စ်ကလည်း အပြစ်မဲ့ ဂါဇာပြည်သူများမှာ ပဋိပက္ခအယူအဆများအတွင်း ကြားညပ်နေခြင်းမှာ လက်ခံနိုင်ဖွယ်မရှိသည့် အခြေအနေဖြစ်ကြောင်း၊ ပိုမိုကြောက်ရွံ့စရာကောင်းသည်က အရှေ့အလယ်ပိုင်းဒေသအတွင်း အစွန်းရောက်များ၏ အုပ်ချုပ်မှုများ ဖြစ်လာခြင်းဖြစ်ကြောင်း ထည့်သွင်းပြောကြားခဲ့သည်။

`နိုင်ငံရေးခေါင်းဆောင်တွေဟာ လုံခြုံရေးဆိုင်ရာ ဒါမှမဟုတ် စစ်ရေးတုံ့ပြန်မှုမျိုးနဲ့ ကျေနပ်မနေရပါဘူး။ နိုင်ငံရေးအဖြေတစ်ခု လိုအပ်ပါတယ်´ ဟု ၎င်းက ဆိုသည်။

အစ္စရေး၏ ကျူးကျော်တိုက်ခိုက်မှုအတွင်း လူနေအိမ်များ၊ ဆေးရုံများ၊ ကျောင်းများ၊ ဗလီဝတ်ကျောင်းတော်များ၊ မသန်စွမ်းကုသရေးစင်တာများ၊ ဒုက္ခသည်များ ခိုလှုံနေသည့် ဘောလုံးကွင်းများ ကုလစာသင်ကျောင်းများ စသည်တို့ကို ပစ်မှတ်ထားခဲ့သောကြောင့် ဂါဇာရှိ လူနေတိုင်ခန်းပေါင်း ၅၅၁၀ မှာ လုံးဝပျက်ဆီးခဲ့ပြီး ၃၁၀၀၀ မှာလည်း ထိခိုက်မှုများ ရှိခဲ့သည်။

ထို့ပြင် အခြားသော အများပြည်သူနှင့်သက်ဆိုင်သည့် အဆောက်အဦးများမှာလည်း ထိခိုက်ပျက်ဆီးခဲ့ရသည်။

 

OnIslam & Newspapers