စက်တင်ဘာ ၁၂၊ ၂၀၁၇
M-Media
– အိန္ဒိယနိုင်ငံကို လာရောက်ဖို့ ရှိနေတဲ့ ဂျပန်ဝန်ကြီးချုပ် ရှင်ဇိုအာဘေးကို ၀န်ကြီးချုပ်မိုဒီက နိုင်ငံရဲ့ သမိုင်းနဲ့ ယဉ်ကျးမှုအမွေအနှစ်တစ်ခုဖြစ်တဲ့ ‘ဆစ်ဒီဆိုင်ယစ် ကီ ဂျာလီ’ ဗလီဝတ်ကျောင်းတော်ကို ခေါ်ဆောင် ပြသသွားမယ်လို့ သိရပါတယ်။
ဂျပန်နိုင်ငံရဲ့ အကူအညီနဲ့ ဆောက်လုပ်မယ့် မွမ်ဘိုင်း-အဟ်မဒ်ဒါဘတ် ကီလိုမီတာ ၂၅၀ ရှိတဲ့ ကျည်ဆံရထားလိုင်း အုတ်မြစ်ချပွဲအတွက် ၀န်ကြီးချုပ် ရှင်ဇိုအာဘေးဟာ မနက်ဖြန်မှာ အိန္ဒိယနိုင်ငံ ဂူဂျာရတ်ပြည်နယ်ကို ရောက်ရှိလာမှာ ဖြစ်ပါတယ်။
အဟ်မဒ်ဒါဘတ်လေဆိပ်ကို ရောက်ရှိလာမယ့် အာဘေးကို မိုဒီက ကြိုဆိုကာ ပထမဆုံးအနေနဲ့ မဟတ္တမဂန္ဒီနေထိုင်ခဲ့တဲ့ နေရာကို သွားရောက်လည်ပတ်မှာပါ။
ညနေပိုင်းမှာတော့ ခေါင်းဆောင်နှစ်ဦးဟာ နိုင်ငံရဲ့ သမိုင်းဝင် ‘ဆစ်ဒီဆိုင်ယစ် ကီ ဂျာလီ’ ကို သွားရောက်လည်ပတ်မှာဖြစ်ပါတယ်။ ၁၆ ရာစုက ဆောင်လုပ်ထားတဲ့ ဒီဗလီဝတ်ကျောင်းတော်ရဲ့ ကြွယ်ဝတဲ့ သမိုင်းအမွေအနှစ်၊ ဗိသုကာလက်ရာတွေကို မိုဒီကိုယ်တိုင် အာဘေးကို ရှင်းပြသွားမယ်လို့ အာဏာပိုင်တွေက ပြောကြားထားပါတယ်။
ဘာဘေးနဲ့ မိုဒီတို့ဟာ ကြာသာပတေးနေ့မှာ မွမ်ဘိုင်း-အဟ်မဒ်ဒါဘတ် ကျည်ဆံရထားလမ်း အုတ်မြစ်ချပွဲကို တက်ရောက်မှာ ဖြစ်ပါတယ်။ အိန္ဒိယရူပီး ကုဋေ ၁၁၀,၀၀၀ ကုန်ကျမယ့် ဒီစီမံကိန်းအတွက် ဂျပန်နိုင်ငံက ကုဋေ ၈၈,၀၀၀ ကို အနည်းဆုံးအတိုးနှုန်းနဲ့ နှစ်ရှည် ထုတ်ချေးပေးမှာပါ။ စီမံကိန်းကိုတော့ ၂၀၂၃ ခုမှာ ပြီးစီးနိုင်ဖို့ မျှော်လင့်ထားပါတယ်။
‘ဆစ်ဒီဆိုင်ယစ် ကီ ဂျာလီ’ ကို သက္ကရာဇ် ၁၅၇၃ ခုနှစ်မှာ တည်ဆောက်ခဲ့တာဖြစ်ပြီး ဗလီဝတ်ကျောင်းတော် တစ်ခုလုံးမှာ ထွင်းထုထားတဲ့ ကနုတ်ပန်းလက်ရာတွေရဲ့ လှပမှု၊ အနုစိတ်မှု၊ ရုပ်လုံးကြွမှုတွေကြောင့် အဓိက ကျော်ကြားပါတယ်။
Ref: ndtv
