Tag: India

အောက်တိုဘာ ၃၊ ၂၀၁၅
M-Media

– တင်ဒါရရန်အတွက် လာဘ်ပေးသည်ကို လက်ခံရန် ငြင်းဆိုခဲ့သည့် အိန္ဒိယနိုင်ငံမှ ရထားလမ်းဆိုင်ရာ အင်ဂျင်နီယာတစ်ဦးမှာ အသတ်ခံခဲ့ရသည်ဟု သိရသည်။

အသက် ၃၁ နှစ်အရွယ်ရှိ ဆူရက်ဘ် ကူးမားရ်ဆိုသည့် အမျိုးသားဖြစ်ပြီး အနောက်ဘန်ဂေါလ်ပြည်နယ် ခါရဂ်ပူးရ်မြို့ရှိ ၎င်း၏နေအိမ်တွင် ပြီးခဲ့သည့် ရက်ပိုင်းအတွင်းက သတ်ဖြတ်ခံခဲ့ရခြင်းဖြစ်သည်။ ၎င်းမှာရထားလမ်းပစ္စည်းများဆိုင်ရာ အင်ဂျင်နီယာချုပ်အဖြစ် ထိုမြို့တွင်ပင်
တာဝန်ထမ်းဆောင်နေသူဖြစ်သည်။

ရထားလမ်းပိုင်း လုပ်ငန်းများနှင့် သံတိုသံစများ ရောင်းချမှုအတွက် တင်ဒါခွင့်ပြုရန် လုပ်ပိုင်ခွင့်ရှိသည့် ၎င်းထံသို့ ဒေသတွင်းမှ သံလုပ်ငန်းကို လက်ဝါးကြီးအုပ်ထားသည့် အဖွဲ့တစ်ခုက ၎င်းတို့အား တင်ဒါပေးရန် ဖိအားပေးခဲ့ပြီး လာဘ်ငွေများလည်း ပေးအပ်ရန် ကမ်းလှမ်းခဲ့သည်။

သို့သော်လည်း ကူးမားရ်က ငြင်းဆိုခဲ့ပြီး ရက်အနည်းငယ်အကြာတွင် ၎င်း၏ လိုင်းခန်း၌ ဆိုးရွားသော ဒဏ်ရာများဖြင့် သေဆုံးနေသည်ကို တွေ့ခဲ့ရသည်။ မျက်နှာများမှာလည်း ဆိုးဆိုးဝါးဝါး ပျက်ဆီးနေပြီး ရဲတပ်ဖွဲ့ကမူ မြွေကိုက်၍ သေဆုံးခြင်းဖြစ်သည်ဟု သတင်းထုတ်ပြန်ခဲ့သည်။

ကူးမားရ်၏ အကိုဖြစ်သူနှင့် အမှန်တရားကို လိုလားသူအချို့ကမူ ရဲတပ်ဖွဲ့နှင့် ဒေသတွင်း အဆိုပါ လုပ်ငန်းရှင်အုပ်စု၏ ဆက်နွယ်မှုများကို သိရှိနေပြီး ယခင်က ထိုဒေသတွင် ရဲတ်ဖွဲ့ဝင်တစ်ဦး လာဘ်မယူသောကြောင့် အသတ်ခံရမှုကို ထောက်ပြက ကူးမားရ် အသတ်ခံရမှုနှင့် ပတ်သက်၍ သက်ဆိုင်ရာသို့ တိုင်ကြားမှုများ ပြုလုပ်ထားသည်။

Ref: thelogicalindian.com

စက်တင်ဘာ ၃၀၊ ၂၀၁၅
M-Media

– အိန္ဒိယနိုင်ငံမှ အသက် ၁၃ နှစ်အရွယ် မိန်းကလေးငယ်တစ်ဦးမှာ စာသင်ကျောင်းတွင် ပြင်းထန်စွာ ဒဏ်ပေးခံရပြီးနောက် ၅ ရက်ကြာအဖျားကြီးကာ ကွယ်လွန်သွားခဲ့သည်ဟု သိရသည်။

နိုင်ငံအရှေ့ပိုင်း ဂျာ့ခ်ဟန်းပြည်နယ် လာတီဟာရ်ခရိုင်မှ ဘူရှူးရ်ရွာတွင် ဖြစ်ပွားခဲ့ခြင်းဖြစ်ပြီး အစိုးရ စာသင်ကျောင်းမှ ကျောင်းဆရာတစ်ဦးက ၎င်း၏ မေးခွန်းအတွက် လိုချင်သည့်အဖြေ မရသောကြောင့် စက်တင်ဘာ ၁၆ ရက်နေ့က ရူပန်တီ ကူမာရီဟု အမည်ရသည့် မိန်းကလေးငယ်အား နေပူကြဲကြဲတွင် ကြက်ဖပုံစံ ၄ နာရီကြာ ထိုင်ခိုင်း၍  အပြစ်ပေးခဲ့ခြင်းဖြစ်သည်။

ခရိုင်ပညာရေးတာဝန်ရှိသူ အက်စ်ဟော့က် ကူးမားရ်က “တော်တော် ဒေါသထွက်နေကြတဲ့ ရွာသားတွေနဲ့ ကျွန်တော် သွားတွေ့ခဲ့ပါတယ်။ ရဲတပ်ဖွဲ့နဲ့ အကြီးတန်း အစိုးရတာဝန်ရှိသူတွေကို တရားဝင်တိုင်ကြားရင်တော့ ဒီကိစ္စအတွက် ကနဦး စုံစမ်းစစ်ဆေးမှုကို ပြုလုပ်ပါလိမ့်မယ်” ဟု ပြောကြားခဲ့သည်။

သို့သော်လည်း ခရိုင်ရဲမှူး အနွပ် ဘီရ်သာရီကမူ မိန်းကလေးငယ်၏ မိသားစုများမှ တိုင်ကြားမှု မပြုလုပ်သေးဟု ဆိုသည်။

“အသတ်ခံရဖို့ မြေးလေးကို ကျွန်မတို့ ကျောင်းလွှတ်တာမဟုတ်ပါဘူး” ဟု ကူမာရီ၏ အဘွားဖြစ်သူ မာလို မာဆိုမတ်က ပြောကြားခဲ့သည်။

လူမှုရေး တက်ကြွလှုပ်ရှားသူ ရှရာဝမ် ပက်စ်ဝမ်က မိန်းကလေးငယ်၏ မိသားစုနှင့် တွေ့ဆုံဆွေးနွေးခဲ့ပြီးနောက် ထိုပြဿနာအား တိုင်ကြားရန် ဆောင်ရွက်ခဲ့ခြင်းဖြစ်သည်။

“နေပူပူထဲမှာ ဒီကလေးဟာ နာရီများစွာ အလှန်းခံထားရပါတယ်။ ဆရာက သူမရဲ့ ကျောကုန်းမှာ အုတ်ခဲတောင် တင်လိုက်ပါသေးတယ်။ အဲဒီနေ့ ကျောင်းကပြန်လာတဲ့အချိန်မှာ သူ တော်တော် အဖျားကြီးနေပါပြီ” ဟု ပက်စ်ဝမ်က ပြောကြားခဲ့သည်။

မိသားစုဝင်များမှာ ထိုမိန်းကလေးကို ဗိန္နောဆရာဆီသို့ ခေါ်သွားပြီး နောက်ပိုင်းတွင် လာတီဟာရ်ရှိ သာသနာပြု ဆေးရုံ၊ ထို့နောက် အစိုးရဆေးရုံများသို့ ပို့ဆောင်ခဲ့ရသည်။ သို့သော်လည်း အစိုးရဆေးရုံက ပုဂ္ဂလိကဆေးရုံတွင် ပြသရန် လမ်းညွှန်ပေးခဲ့သည်။

ငါးရက်တာ ထိုကဲ့သို့ ဆေးရုံပြောင်း၍ ပြသခဲ့ပြီးနောက် နောက်ဆုံးတွင် ပုဂ္ဂလိကဆေးရုံ၌ ပြသရန် မတတ်နိုင်သောကြောင့် မိသားစုမှာ ကူမာရီအား အိမ်သို့ပြန်ခေါ်လာခဲ့ပြီး ထို့နေမှာပင် သေဆုံးသွားခဲ့သည်။

“လာတီဟာရ်နဲ့ ရန်ချိုင်ခရိုင်တွေမှာ သူမကို ကုသခဲ့ပါတယ်။ ဒါပေမယ့် အစိုးရဆေးရုံက ပုဂ္ဂလိက ဆေးရုံကို လွှဲခဲ့ပြီးနောက်ပိုင်း ကုသဖို့ ကျွန်မတို့ မဆောင်ရွက်နိုင်ခဲ့တဲ့အတွက် ကလေးမလေးဟာ သေဆုံးခဲ့ရပါတယ်။ အိမ်ပြန်ခေါ်လာဖို့ကလွဲလို့ ကျွန်မတို့ ဘာမှ မတတ်နိုင်ပါဘူး” ဟု ပက်စ်ဝမ်က ထပ်လောင်းပြောကြားခဲ့သည်။

ကူမာရီ၏ ဖခင်မှာ လွန်ခဲ့သည့် နှစ်အနည်းငယ်အတွင်းက ကွယ်လွန်သွားခဲ့ပြီး အဘွားဖြစ်သူနှင့် မိခင်တို့မှာ နေ့စား ကာယအလုပ်သမားအဖြစ် အသက်မွေးဝမ်းကြောင်း ပြုနေရသူများ ဖြစ်သည်။

ရူပန်တီ ကူမာရီ၏ မိသားစုဝင်များနှင့် ရွာသားများက နေပူကြဲကြဲတွင် လေးနာရီကြာ အပြစ်ပေးခဲ့သည့် ကျောင်းဆရာအား အရေးယူအပြစ်ပေးရန် တောင်းဆိုခဲ့ကြပြီး၊ ထိုကဲ့သို့ မဆောင်ရွက်ပါက စာသင်ကျောင်းကို ချိတ်ပိတ်မည်ဟု ခြိမ်းခြောက်ခဲ့ကြသည်။

Ref: Hindustantimes

စက်တင်ဘာ ၁၃၊ ၂၀၁၅
M-Media

– အိန္ဒိယနိုင်ငံ အလယ်ပိုင်း မဒ်ယာဧ် ပရာဒက်ရ်ှမြို့ရှိ စားသောက်ဆိုင်တစ်ခုတွင် ဂက်စ်အိုး ပေါက်ကွဲမှုကြောင့် အနည်းဆုံး လူပေါင်း ၈၅ ဦး သေဆုံးခဲ့ပြီး ၁၀၀ နီးပါး ဒဏ်ရာရရှိခဲ့ကာ နှစ်အနည်းငယ်အတွင်း အိန္ဒိယ၏ အဆိုးဝါးဆုံး အဖြစ်အပျက်လည်း ဖြစ်ခဲ့သည်။

ပတ်လာဝဒ်မြို့ရှိ အဆိုပါ စားသောက်ဆိုင် အဆောက်အဦးမှာ ပေါက်ကွဲစေတတ်သော ပစ္စည်းများအား တရားမ၀င် သိုလှောင်ထားပြီး ဂက်စ်အိုးပေါက်ကွဲသည့်အခါ ထိုပစ္စည်းများကြောင့် ပိုမိုကြီးမားခဲ့ခြင်းဖြစ်သည်ဟု ဒေသတွင်း အာဏာပိုင်များက ပြောကြားခဲ့သည်။ ထို့ပေါက်ကွဲမှုကြောင့် အနီးရှိ အဆောက်အဦးများပါ ပျက်ဆီးခဲ့သည်။

ပေါက်ကွဲမှုမှာ ယမန်နေ့နံနက် ဒေသစံတော်ချိန် ၈ နာရီခွဲတွင် ဖြစ်ပွားခဲ့ခြင်းဖြစ်ပြီး အလုပ်သမားများနှင့် ကျောင်းသားများမှာ အဆိုပါ စားသောက်ဆိုင်တွင် နံနက်စာ စားသောက်နေကြချိန် ဖြစ်သည်။ အခင်းဖြစ်ပွားပြီးနောက် ဖုန်များပေနေသော အလောင်းများ၊ ပေါက်ကွဲပျက်ဆီးသွားသော ယာဉ်များနှင့် ပြန့်ကျဲနေသော ခန္ဓာကိုယ်အစိတ်အပိုင်းများ၏ ဓာတ်ပုံများမှာ ဆိုရှယ်မီဒီယာများတွင် ပြန့်နှံ့ခဲ့သည်။

ရဲတပ်ဖွဲ့က သေဆုံးသူမှာ အနည်းဆုံး ၈၅ ဦးရှိပြီး ဒဏ်ရာရရှိသူ ၁၀၀ နီးပါးခန့်ကို အနီးရှိ ဆေးရုံးများ၌ ဆေးကုသမှုပေးနေသည်ဟု ပြောကြားခဲ့သည်။

အာဏာပိုင်များကမူ အဆိုပါ စားသောက်ဆိုင်အတွင်း မိုင်းလုပ်ငန်းလုပ်ရာတွင် အသုံးပြုသည့် ပေါက်ကွဲစေတတ်သော ပစ္စည်းများ တရားမ၀င် သိုလှောင်ထားသည်ဟု ဆိုသည်။ အခြား ရဲတပ်ဖွဲ့ တာဝန်ရှိသူ တစ်ဦးက ပေါက်ကွဲသည့်အချိန်တွင် ဆိုင်ရှေ့၌ လူအပြည့်ပါသော ဘတ်စ်ကားတစ်စီး ရပ်နေသောကြောင့် သေဆုံးဒဏ်ရာရမှုစာရင်းမှာ ထိုကဲ့သို့ များပြားခဲ့ခြင်းဖြစ်သည်ဟု ပြောကြားခဲ့သည်။

ဘေးအန္တရာယ်ကင်းရှင်းရေး သတ်မှတ်ချက်များ အားနည်းသည့် အိန္ဒိယနိုင်ငံတွင် ဂက်စ်အိုးပေါက်ကွဲမှုများမှာ ပုံမှန်လိုလို ဖြစ်နေသည့် ကိစ္စတစ်ခုဖြစ်သည်။ သို့သော်လည်း ယခုပေါက်ကွဲမှုမှာ အသေအပျောက်များသည့် ပေါက်ကွဲမှု ဖြစ်ခဲ့သည်။

Ref: Channelnewsasia

စက်တင်ဘာ ၁၊ ၂၀၁၅
M-Media

– ရုပ်တုဆင်းတု ကိုးကွယ်မှုများနှင့်ပတ်သက်၍ ဝေဖန်မှုများ ပြုလုပ်ခဲ့သော အိန္ဒိယ နာမည်ကျော် သမိုင်းနှင့်ဒဿနပညာရှင် အမ်အမ် ကာလ်ဘာဂီမှာ နိုင်ငံတောင်ပိုင်း ကာရ်နာတာကာပြည်နယ်တွင် အမည်မသိ သေနတ်သမားများ၏ ပစ်ခတ်မှုကြောင့် သေဆုံးခဲ့သည်ဟု ရဲတပ်ဖွဲ့က ပြောကြားခဲ့သည်။

တနင်္ဂနွေနေ့တွင် ပစ်သတ်ခံခဲ့ရခြင်းဖြစ်ပြီး အိုင်တီလုပ်ငန်းထွန်းကာရာ ဘန်ဂလောရ်ပြည်နယ်မှ ကီလိုမီတာ ၄၀၀ ဝေးသည့် ဒါရ်ဝဒ်မြို့ရှိ ကာလ်ဘာဂီ၏ နေအိမ်သို့ လူနှစ်ယောက် ရောက်လာကာ ၎င်း တံခါးဖွင့်သည့်အချိန်တွင် ပစ်သတ်သွားခဲ့ခြင်း ဖြစ်သည်။ Sahitya Academy Award ဆုအပါအ၀င် စာပေရေးရာ အခြားသော ဆုတံဆိပ်အများအပြားကို ရရှိခဲ့သည့် ကာလ်ဘာဂီကို ဆေးရုံသို့ မိသားစုဝင်များက ခေါ်သွားခဲ့သော်လည်း လမ်း၌ပင် သေဆုံးသွားခဲ့သည်။

ဒါရ်ဝဒ်မြို့ ရဲတပ်ဖွဲ့မဟာမင်းကြီးဖြစ်သူ ရာဗင်ဒရာ ပရာဆဒ်ကမူ ရဲတပ်ဖွဲ့မှာ အဆိုပါအမှုအား လူသတ်မှုဟု ယူဆခဲ့ပြီး ထိုကိစ္စကို ကိုင်တွယ်ရန်အတွက် အထူးတပ်ဖွဲ့တစ်ခုကို ဖွဲ့စည်းခဲ့သည်ဟု ပြောကြားခဲ့သည်။ သို့သော်လည်း ရဲတပ်ဖွဲ့အနေဖြင့် မည်သည့်အဖွဲ့ကိုမှ သံသယမရှိဘဲ စုံစမ်းစစ်ဆေးမှုများကို ပြုလုပ်နေသည်ဟု ၎င်းက ထပ်လောင်းပြောကြားခဲ့သည်။

ကာလ်ဘာဂီမှာ တောင်ပိုင်းမြို့ ဟမ်ပီရှိ ကာနာဒါတက္ကသိုလ်တွင် ဒုတိယအကြီးအကဲအဖြစ် ယခင်က ဆောင်ရွက်ခဲ့ဖူးပြီး ဟိန္ဒူယုံကြည်ချက်တွင် အရေးပါသည့် ရုပ်တုဆင်းတု ကိုးကွယ်မှုနှင့်ပတ်သက်၍ ၂၀၁၄ ခုနှစ် ဇွန်လက ပြင်းထန်သည့် မှတ်ချက်များ ပေးခဲ့မှုကြောင့် ဝေဖန်မှုကို ခံခဲ့ရသူဖြစ်သည်။

Vishwa Hindu Parishat နှင့် Bajrang Dal တို့ကဲ့သို့ လက်ယာစွန်းရောက် အုပ်စုများကမူ ကာလ်ဘာဂီအား တရားစွဲဆိုခဲ့ပြီး ဘာသာရေးယုံကြည်ချက်အား စော်ကားမှုအတွက် ဖမ်းဆီးရန် တောင်းဆိုခဲ့သည်။ ထို့ပြင် အသက်အန္တရာယ် ခြိမ်းခြောက်မှုများပင် ခံခဲ့ရသောကြောင့် ၎င်း၏ နေအိမ်တွင် ရဲတပ်ဖွဲ့ကို အစောင့်ချထားပေးခဲ့ရကာ ကာလ်ဘာဂီကမူ အဆိုပါအစောင့်များကို ရုပ်သိမ်းရန် မကြာသေးမီကပင် တောင်းဆိုခဲ့သည်။

ပြီးခဲ့သည့်လ အနည်းငယ်ကလည်း လူမှုတက်ကြွလှုပ်ရှားသူ ဂိုဗင်ဒ် ပန်ဆာရီမှာ နိုင်ငံအနောက်ပိုင်း မဟာရက်စ်ထရာပြည်နယ် ခိုလာပူရ်းမြို့၌ မနက်လမ်းလျှောက်ထွက်စဉ် အသတ်ခံခဲ့ရသည်။ ၂၀၁၃ ခုနှစ်က အိန္ဒိယဒဿနပညာရှင်နှင့် စာရေးဆရာဖြစ်သူ နရန်ဒရာ ဘဘ်ဟိုလ်ကာမှာလည်း အသတ်ခံခဲ့ရသည်။

အိန္ဒိယသတင်းဝဘ်ဆိုက် Scroll.in ကမူ ဟိန္ဒူဘာသာရေးသဘောထားမျာကို ထိခိုက်စေသည်ဟု စွပ်စွဲခံရသော ပညာရှင်များအား ပေါ်တင်ခြိမ်းခြောက်မှုများ ပြုလုပ်ခဲ့ပြီး ဘန်သဲလ်မြို့တွင် လက်ယာစွန်းရောက် Bajrang Dal အဖွဲ့အတွက် ပူးပေါင်း ဆော်သြပေးသူတစ်ဦး၏ Twitter အကောင့်၌ ကာလ်ဘာဂါအား ခြိမ်းခြောက်ခဲ့သည့် ပို့စ်ကို ထောက်ပြခဲ့သည်။

သို့သော်လည်း ရဲတပ်ဖွဲ့ကမူ အဆိုပါပို့စ်နှင့်ပတ်သက်၍ ဂရုမစိုက်ရန်နှင့် စုံစမ်းစစ်ဆေးမှု ပြုလုပ်သွားမည်ဟု အလ်ဂျာဇီးရား သတင်းဌာနသို့ ပြောကြားခဲ့သည်။

၂၀၁၄ ခုနှစ်မေလတွင် နရန်ဒရာမိုဒီဦးဆောင်သည့် ဟိန္ဒူအမျိုးသားရေး BJP ပါတီ အာဏာရပြီးနောက်ပိုင်းတွင် လက်ယာစွန်းရောက်အုပ်စုများမှာ အသံပိုကျယ်လာခဲ့ပြီး လူမှုရေးအရ တင်းမာမှုများလည်း နိုင်ငံအတွင်း မြင့်တက်လာခဲ့သည်။

တက်ကြွလှုပ်ရှားသူများနှင့် လူမှုအဖွဲ့အစည်းများကမူ အစိုးရမှာ အဆိုပါအုပ်စုများအား ထိန်းကြောင်းပေးနေသည်ဟု သတိပေးထားသည်။

Ref: Aljazeera