Tag: India

သြဂုတ် ၂၇၊ ၂၀၁၅
M-Media

– ဂူဂျာရတ်ပြည်နယ်တွင် ဇာတ်နိမ့်များအား ခွဲခြားမှုဆန့်ကျင်ရေး ဆန္ဒပြမှုများမှာ ပိုမိုပြင်းထန်လာခဲ့ပြီး လူသေဆုံးမှုများ ရှိလာပြီးနောက် ပဋိပက္ခဖြစ်ပွားရာ ဒေသများတွင် အိန္ဒိအစိုးရက စစ်သား ထောင်နှင့်ချီ၍ ချထားလိုက်သည်ဟု သိရသည်။

အင်္ဂါနေ့က ပြည်နယ်မြို့တော် အဟ်မဒ်ဒါဘတ်တွင် စတင်ခဲ့သည့် ပါတဲလ်ဇာတ်နိမ့်များ၏ အဆိုပါဆန္ဒပြမှုမှာ အသက် ၂၂ နှစ်အရွယ် ၎င်းတို့၏ခေါင်းဆောင်ကို အစိုးရက ဖမ်းဆီးခဲ့ပြီးနောက်ပိုင်း ပိုမိုပြင်းထန်လာခဲ့ပြီး ကားများနှင့် ရဲစခန်းများ မီးရှို့သည်အထိ ဖြစ်လာခဲ့သည်။

ရဲ့တပ်ဖွဲ့အကြီးအကဲ ပီပီပန်ဒီကမူ လူပေါင်း ၅ သိန်းခန့် ဆန္ဒပြရာ အဓိကမြို့ဖြစ်သည့် အဟ်မဒ်ဒါဘတ်တွင် လူ ၃ ဦးသေဆုံးခဲ့သည်ဟု ယမန်နေ့က ပြောကြားခဲ့သည်။ နောက်ပိုင်းတွင် ဆန္ဒပြသူများ၏ တိုက်ခိုက်မှုများမှာ ပြည်နယ်အတွင်းရှိ အခြားမြို့များတွင်ပါ ဖြစ်ပွားလာခဲ့ပြီး ဘာနက်စ်ကန်သာခရိုင်တွင် ယမန်နေ့မနက်ပိုင်းက ဆန္ဒပြသူများအား ရဲတပ်ဖွဲ့က ပစ်ခတ်ရာတွင် လူ ၂ ဦးသေဆုံးခဲ့ကာ၊ မဲဟ်ဆာနာ ခရိုင်တွင် တစ်ဦး သေဆုံးခဲ့သည်။

သတ္တမမြောက်သေဆုံးသူမှာ ရဲတပ်သားတစ်ဦးဖြစ်ပြီး လူအုပ်ကြီး၏ ရိုက်နှက်မှုကြောင့် ဒဏ်ရာများ ရရှိခဲ့ကာ ဆေးရုံတွင် သေဆုံးခဲ့ခြင်းဖြစ်သည်။ အဆိုပါဆန္ဒပြမှုကြောင့် ယမန်နေ့တွင် ပြည်နယ်အစိုးရက ကာဖျူးအမိန့် ထုတ်ပြန်ခဲ့ပြီး၊ ယနေ့တွင် စစ်သားထောင်ပေါင်းများစွာကို ချထားခဲ့ခြင်းဖြစ်သည်။

သမ္မတမိုဒီကမူ အကြမ်းဖက်မှုများ မပြုလုပ်ကြရန် မေတ္တာရပ်ခံခဲ့သည်။

“အကြမ်းဖက်တာဟာ ဘယ်သူ့အတွက်မှ မကောင်းပါဘူး ပြဿနာတွေအားလုံးကို ဆွေးနွေးမှုတွေကနေ ငြိမ်းချမ်းစွာ ဖြေရှင်းနိုင်ပါတယ်” ဟု မိုဒီက ပြောကြားခဲ့သည်။

အိန္ဒိယမှာ ဒါလစ်ဟုခေါ်သည့် ထိတွေ့ကိုင်တွယ်ခွင့်မရှိသော မျိုးနွယ်များနှင့် အခြားသော ဇာတ်နိမ့်မျိုးနွယ်များအတွက် အစိုးရအလုပ်အကိုင်နှင့် တက္ကသိုလ်ဝင်ခွင့်များကို အချိုးတစ်ခုဖြင့်သာ သတ်မှတ်ပေးထားသည်။

ဂူဂျာရတ်ပြည်နယ်ရှိ ၆၃ သန်းသော လူဦးရေတွင် ပါတဲလ်လူမျိုးများမှာ ၂၀ ရာခိုင်နှုန်း ရှိပြီး၊ ၎င်းတို့ကမူ အခြားဇာတ်မြင့်များနှင့် အလုပ်အကိုင်အခွင့်အလမ်းအတွက် ယှဉ်ပြိုင်ရန် ရုန်းကန်နေရသည်ဟု ပြောကြားခဲ့သည်။

ပါတဲလ်များ၏ အဆိုပါဆန္ဒပြမှုမှာ ဇူလိုင် ၆ ရက်နေ့ကတည်းက စတင်ခဲ့ခြင်းဖြစ်ပြီး တစ်ဖြည်းဖြည်းဖြင့် ကြီးထွားလာခဲ့ခြင်းဖြစ်သည်။

Ref: Aljazeera

သြဂုတ် ၂၆၊ ၂၀၁၅
M-Media

– ဟိန္ဒူဇာတ်နိမ့်များအား အစိုးရအလုပ်အကိုင်များနှင့် တက္ကသိုလ်ကောလိပ်များတွင် ခွဲခြားမှုကို မကျေနပ်၍ ဂူဂျာရတ်ပြည်နယ်တွင် ပါတဲလ် ဇာတ်နိမ့်များ ဆန္ဒပြမှုအတွင်း ရုန်းရင်းဆန်ခတ်မှုများ ဖြစ်ပြီးနောက် အိန္ဒိယအစိုးရက စစ်တပ်များချထားလိုက်ကာ ကာဖျူးအမိန့် ထုတ်ပြန်လိုက်သည်ဟု သိရသည်။

သိန်းနှင့်ချီသော ပါတဲလ် ဇာတ်နိမ့်များမှာ ပြည်နယ်မြို့တော် အဟ်မဒ်ဒါဘတ်တွင် အင်္ဂါနေ့ကတည်းက ဆန္ဒပြခဲ့ကြခြင်းဖြစ်ပြီး ၎င်းတို့ခေါင်းဆောင် ဟာဒစ်ပါတဲလ်ကို အိန္ဒိယအစိုးရက ဖမ်းဆီးခဲ့ပြီးနောက် ကားများ၊ ဘတ်စ်များနှင့် ရဲစခန်းများအား မီးရှို့ခဲ့ကြသည်။

ရဲတပ်ဖွဲ့ဝင်များကို ကျောက်ခဲဖြင့် တိုက်ခိုက်မှုများလည်း ဖြစ်ပွားခဲ့ပြီး ရဲတပ်ဖွဲ့ဝင် ဒါဇင်အနည်းငယ် ဒဏ်ရာရရှိခဲ့ဟု ဂူဂျာရတ် ရဲတပ်ဖွဲ့အကြီးအကဲ ပီစီ သာကူရ်က ပြောကြားခဲ့သည်။ ထို့ကြောင့် အဟ်မဒ်ဒါဘတ်မြို့နှင့် ပြည်နယ်အနောက်ပိုင်းရှိ အခြား မြို့ ၄ မြို့တွင် စစ်တပ်များကို ယမန်နေ့က ချထားလိုက်ကာ ကာဖျူးအမိန့် ထုတ်ပြန်လိုက်သည်။

“အင်္ဂါနေ့နှောင်းပိုင်းကစလို့ ပြည်နယ်ရဲ့ မြို့တွေမှာ ပါတီဒါရ် (ပါတဲလ်) လူမျိုးတွေက မီးရှို့မှုကြီးတွေ၊ အဓိကရုန်းတွေ ပြုလုပ်ခဲ့ပြီးတဲ့နောက်ပိုင်းမှာ ကာဖျူးအမိန့်ကို ထုတ်ပြန်လိုက်တာပါ။ ရဲကားတွေကို ကျောက်ခဲတွေနဲ့ထုတာတွေ၊ အွန်ဂျာဟ်နဲ့ ကာလိုမြို့နယ်တွေမှာ ရဲစခန်းတွေကို မီးရှို့တာတွေလည်း ရှိခဲ့ပါတယ်” ဟု သာကူရ်က AFP သတင်းဌာနသို့ ပြောကြားခဲ့သည်။

ပါတဲလ်လူမျိုးများ၏ ခေါင်းဆောင် ဟာဒစ်က်ပါတဲလ်မှာ အင်္ဂါနေ့တွင်ပင် အာမခံဖြင့် ပြန်လည်လွတ်မြောက်လာပြီး နောက်လိုက်များအား တည်တည်ငြိမ်ငြိမ်ရှိကြရန် ပြောကြားခဲ့သော်လည်း ဗုဒ္ဓဟူးနေ့တွင် ထပ်မံ၍ ဆန္ဒပြရန် တိုက်တွန်းခဲ့သည်။

မြို့ ၅ မြို့၌ ပါတဲလ်များ၏ ဆန္ဒပြမှုအတွင်း ဘတ်စ်ကားအစီးရေ ၁၀၀ ခန့်မှာ မီးရှို့ဖျက်ဆီးခံရပြီး တိုက်ခိုက်မှုများကြောင့် အဆောက်အဦး ပျက်ဆီးမှုများလည်း ရှိခဲ့သည်။

ဆန္ဒပြပွဲသို့ ပါတဲလ်ဇာတ်နိမ့် ၅ သိန်းခန့် တက်ရောက်ခဲ့ကြပြီး ၎င်းတို့အား မျှမျှတတ ဆက်ဆံရန် တိုက်တွန်းခဲ့ကြသည်။ ဂူဂျာရတ် ၀န်ကြီးချုပ် အမျိုးသမီး အနန်ဒီဘန် ပါတဲလ်ကမူ ၎င်း၏ လူ့အဖွဲ့အစည်းအား ငြိမ်းချမ်းရေးကို ထိန်းသိမ်းရန် တိုက်တွန်းခဲ့သည်။

အိန္ဒိယမှာ ဒါလစ်ဟုခေါ်သည့် ထိတွေ့ကိုင်တွယ်ခွင့်မရှိသော မျိုးနွယ်များနှင့် အခြားသော ဇာတ်နိမ့်မျိုးနွယ်များအတွက် အစိုးရအလုပ်အကိုင်နှင့် တက္ကသိုလ်ဝင်ခွင့်များကို အချိုးတစ်ခုဖြင့်သာ သတ်မှတ်ပေးထားသည်။

အနန်ဒီဘဲလ်ကမူ ပြည်နယ်အစိုးရမှာ ဇာတ်နိမ့်များအတွက် အစိုးရအလုပ်အကိုင် ၅၀ ရာခိုင်နှုန်းနှင့် ကျောင်းဝင်ခွင့် ၅၀ ရာခိုင်နှုန်းသာ ခန့်ထားရန် အိန္ဒိယတရားရုံးချုပ်က သတ်မှတ်ပေးထားသောကြောင့် ပါတဲလ်ဇာတ်နိမ့်များ၏ တောင်းဆိုမှုကို လိုက်လျောရန်မှာ မဖြစ်နိုင်ဟု ပြောကြားခဲ့သည်။

ဂူဂျာရတ်ပြည်နယ်ရှိ ၆၃ သန်းသော လူဦးရေတွင် ပါတဲလ်လူမျိုးများမှာ ၂၀ ရာခိုင်နှုန်း ရှိပြီး၊ ၎င်းတို့ကမူ အခြားဇာတ်မြင့်များနှင့် အလုပ်အကိုင်အခွင့်အလမ်းအတွက် ယှဉ်ပြိုင်ရန် ရုန်းကန်နေရသည်ဟု ပြောကြားခဲ့သည်။

ပါတဲလ်များ၏ အဆိုပါဆန္ဒပြမှုမှာ ဇူလိုင် ၆ ရက်နေ့ကတည်းက စတင်ခဲ့ခြင်းဖြစ်ပြီး တစ်ဖြည်းဖြည်းဖြင့် ကြီးထွားလာခဲ့ခြင်းဖြစ်သည်။

Ref: Aljazeera

သြဂုတ် ၁၅၊ ၂၀၁၅
M-Media

– ဇွန်လ ၉ ရက်နေ့က မြန်မာနိုင်ငံအတွင်းသို့ ဖြတ်ကျော်ဝင်ရောက်ကာ သူပုန်များအား ချေမှုန်းခဲ့သည့် ကွန်မန်ဒိုများကို ၆၉ နှစ်မြောက် လွတ်လပ်ရေးအကြိုနေ့တွင် အိန္ဒိယက သူရဘွဲ့များနှင့် ဂုဏ်ထူးဆောင်ဘွဲ့ ၇ ခု ချီးမြှင့်ခဲ့သည်ဟု သိရသည်။

အဆိုပါ စစ်ဆင်ရေးကို ဦးဆောင်ခဲ့သည့် ဒုတိယဗိုလ်မှူးကြီး နက်တာ ဆန်ဂျန်ဘန်မှာ ငြိမ်းချမ်းသည့်အချိန်တွင် ပေးအပ်ချီးမြှင့်သည့် ဂုဏ်ပြုဆုများထဲမှ ဒုတိယအမြင့်ဆုံးဖြစ်သော Kirti Chakra ဆုကို ရရှိခဲ့ပြီး၊ ဟာဗီလ်ဒါ တန်ကာ ကူးမားရ် လင်ဘူမှာလည်း တတိယအမြင့်ဆုံးဖြစ်သော Shaurya Chakra ဘွဲ့ကို ရရှိခဲ့သည်။ လေထီးတပ်မှ ကွန်မန်ဒို ၅ ဦးမှာ Sena Medal ဆုတံဆိပ်များကို ရရှိခဲ့သည်။

မနီပူးရ်ရှိ ချန်ဒဲလ် ခရိုင်တွင် ဇွန်လ ၄ ရက်နေ့က သူပုန်များ၏ တိုက်ခိုက်မှုများကြောင့် စစ်သား ၁၈ ဦး သေဆုံးခဲ့ပြီးနောက် အိန္ဒိယ လေထီးတပ်သားများမှာ မနီပူးရ်နှင့် နာဂလန်းပြည်နယ်များကို ဖြတ်၍ မြန်မာနိုင်ငံအတွင်းသို့ ၀င်ရောက်ကာ သူပုန်စခန်းနှစ်ခုကို စီးနင်းချေမှုန်းခဲ့သည်။ သူပုန်များ၏ ထိုတိုက်ခိုက်မှုမှာ နှစ်ပေါင်း ၂၀ အတွင်း အိန္ဒိယ လုံခြုံရေးတပ်ဖွဲ့များအပေါ် အဆိုးဝါးဆုံး တိုက်ခိုက်မှုလည်း ဖြစ်ခဲ့သည်။

၎င်းတို့အပြင် နိုင်ငံအတွက် စွန့်လွှတ်စွန့်စား တာဝန်ထမ်းဆောင်ခဲ့ကြသော ကြည်းတပ်၊ ရေတပ်၊ လေတပ်တို့မှ တပ်သားများကိုလည်း အိန္ဒိယက သူရဘွဲ့နှင့် အခြားသော ဘွဲ့ထူးဂုဏ်ထူးများ ချီးမြှင့်ခဲ့သည်။

Ref: hindustantimes

သြဂုတ် ၁၃၊ ၂၀၁၅
M-Media

– Nestle မှ ထုတ်လုပ်သော မက်ဂီခေါက်ဆွဲခြောက်တွင် ခဲဓာတ်မှာ အန္တရာယ်ရှိသည့်အဆင့်အထိ ပါဝင်နေမှုအတွက် အဆိုပါ ခေါက်ဆွဲခြောက်များအား အစားအသောက်ဘေးအန္တရာယ်ကင်းရှင်းရေး အဖွဲ့က ပိတ်ပင်ခဲ့ပြီးနောက် ထိုကိစ္စအတွက် နစ်နာကြေး ကန်ဒေါ်လာ သန်း ၁၀၀ နီးပါးရရှိရန် အိန္ဒိယအစိုးရက Nestle အား တရားစွဲဆိုလိုက်သည်ဟု သိရသည်။

တရားစွဲဆိုမှုကို နိုင်ငံ၏ ထိပ်တန်းစားသုံးသူ တရားရုံးဖြစ်သော NCDRC သို့ တင်သွင်းခဲ့သည်ဟု အိန္ဒိယအစိုးရက ယမန်နေ့တွင် ပြောကြားခဲ့ပြီး ဆွစ်ဇာလန် အခြေစိုက် Nestle ကုမ္ပဏီမှ နစ်နာကြေး ရူပီး သန်း ၆၄၀၀ (ကန်ဒေါ်လာ ၉၈.၆ သန်း) ရယူရန်အတွက်ဖြစ်သည်ဟု ဆိုသည်။

“သူတို့ရဲ့ မျှတမှုမရှိတဲ့ ကုန်သွယ်ရေးကျင့်သုံးမှုတွေကို ကျွန်တော်တို့က တိုင်ကြားတာဖြစ်ပြီး သူတို့ရဲ့ တုံ့ပြန်မှုကိုကြားရဖို့ တရားရုံးက နို့တစ်စာ ထုတ်ပြန်ပါလိမ့်မယ်” ဟု စားသုံးသူရေးရာ ၀န်ကြီးဌာနမှ အတွင်းရေးမှူးဖြစ်သူ ဂျီ ဂါချာရန်က AFP သတင်းဌာနသို့ ပြောကြားခဲ့သည်။

အစိုးရ၏အမိန့်ကြောင့် ပြီးခဲ့သည့်ဧပြီလတွင် ဓာတ်ခွဲခန်းစမ်းသပ်မှုများ ပြုလုပ်ခဲ့ရာတွင် Nestle ၏ မက်ဂီခေါက်ဆွဲခြောက်များတွင် တရားဝင်ခွင့်ပြုထားသည့် ပမာဏထက် ခဲဓာတ်ပိုမြင့်မားနေသည်ကို တွေ့ရှိခဲ့ရသည်။ ထို့ပြင် ခေါက်ဆွဲထုတ်လုပ်သည့် ပစ္စည်းများစာရင်းတွင် ဖော်ပြထားခြင်းမရှိသည့် ဓာတ်ပစ္စည်းတစ်မျိုးဖြစ်သော မိုနိုဆိုဒီယမ် ဂလူတမိတ်လည်း ပါဝင်ကြောင်းကို အဆိုပါစမ်းသပ်မှုတွင် တွေ့ရှိခဲ့သည်။

Nestle India ၏ ပြောရေးဆိုခွင့်ရှိသူ ဟီမန်ရှူ မန်ဂလစ်ကမူ မိမိတို့ကုမ္ပဏီမှာ NCDRC မှ တိုင်ကြားမှုနှင့်ပတ်သက်၍ တရားဝင်နို့တစ်စာကို မရသေးကြောင်း ပြောကြားခဲ့သည်။ NCDRC တွင် ကုမ္ပဏီများကို ဒဏ်ကြေးချမှတ်နိုင်သည့် အခွင့်အာဏာ ရှိနေသည်။

“တရားဝင်စာရွက်စာတမ်းတွေရရင်တော့ ကျွန်တော်တို့ဟာ တုံ့ပြန်မှု အသေအချာ ပြုလုပ်သွားမှာပါ” ဟု မန်ဂလက်က ပြောကြားခဲ့သည်။

သို့သော်လည်း မိမိတို့ကုမ္ပဏီမှာ အိန္ဒိယ အစားအသောက် ဘေးအန္တရာယ်ကင်းရှင်းရေး အာဏာပိုင်အဖွဲ့၏ ဆုံးဖြတ်ချက်အတွက် အသနားခံစာတစ်စောင်ကို ရေးသားကာ မွမ်ဘိုင်း တရားရုံးချုပ်သို့ တင်သွင်းထားကြောင်း၊ မကြာမီ ဆုံးဖြတ်ချက်ရရှိမည်ဟု မျှော်လင့်ကြောင်း ၎င်းက ထည့်သွင်းပြောကြားခဲ့သည်။

၂ မိနစ်အတွင်း ပြုတ်၍ စားသုံးနိုင်သည့် Nestle ၏ မက်ဂီခေါက်ဆွဲခြောက်မှာ အိန္ဒိယတွင် လူကြိုက်များသည့် အစားအသောက်ဖြစ်ပြီး နှစ်စဉ် ကန်ဒေါ်လာ သန်း ၂၄၀ ဖိုး ရောင်းချနေရသည်။ ထိုမက်ဂီခေါက်ဆွဲခြောက်များ ရောင်းချခွင့်ကို အစိုးရက ပိတ်ပင်ခဲ့ပြီးနောက် ကန်ဒေါ်လာ သန်း ၅၀ ဖိုးရှိ ခေါက်ဆွဲခြောက်များကို ဖျက်ဆီးပစ်မည်ဟု Nestle စောစောပိုင်းတွင် ကြေညာထားသည်။

Ref: Aljazeera