Tag: indonesia

ဇူလိုင် ၁၉၊ ၂၀၁၇
M-Media

– ဘာသာသာသနာစောင့်ရှောက်မည်ဆိုသည့် သဘောထားတင်းမာသော အစ္စလာမ့်မစ်အဖွဲ့ Hizb ut-Tahrir Indonesia (HTI) ၏ တရားဝင်ရပ်တည်မှုကို အင်ဒိုနီးရှားအစိုးက ပယ်ဖျက်လိုက်ပြီး ထိုအဖွဲ့အား ပိတ်ပင်လိုက်ခြင်းဖြစ်သည်။

ဥပဒေနှင့် လူအခွင့်အရေးဆိုင်ရာ ၀န်ကြီးဌာနမှ အထွေထွေဥပဒေ စီမံခန့်ခွဲရေး ညွှန်ကြားရေးမှူးချုပ် ဖရက်ဒီဟာရစ်က ယနေ့တွင်ပြုလုပ်သည့် သတင်းစာရှင်းလင်းပွဲတွင် အစိုးရအနေဖြင့် တိုင်းပြည်တည်ထောင်သည့် အခြေခံမူဖြစ်သော ‘လူမျိုးစုံသဟဇာတဖြစ်ရေး အယူအဆကို ထိန်းသိမ်းရန်’ နှင့် ‘တစ်ပြည်ထောင် အင်ဒိုနီးရှားသမ္မတနိုင်ငံဖြစ်ဆိုသည့် ညီညွတ်မှုကို ထိန်းသိမ်းရန်’ အဆိုပါ HTI အဖွဲ့၏ တရားဝင်ရပ်တည်မှုကို ပယ်ဖျက်ခြင်းဖြစ်သည်ဟု ပြောကြားခဲ့သည်။

Hizb ut-Tahrir အဖွဲ့မှာ နိုင်ငံအတွင်း လူများစုကိုးကွယ်ရာ ဘာသာတရားဖြစ်သော အစ္စလာမ်ဘာသာကို အစိုးရက ကာကွယ်စောင့်ရှောက်ရန်နှင့် အစ္စလာမ့်ဥပဒေများကို နိုင်ငံ၏ ပြစ်မှုဆိုင်ရာဥပဒေများတွင် ထည့်သွင်းရန် တောင်းဆိုနေသည့်အဖွဲ့ဖြစ်သည်။

တိုင်းပြည်၏ အခြေခံဥပဒေ၊ အယူအဆများနှင့် မကိုက်ညီသည့် အဖွဲ့အစည်းများကို ပိတ်ပင်ရန် ရည်ရွယ်သည့် ဥပဒေကဲ့သို့ အာဏာတည်သော အမိန့်တစ်ခုကို ပြီးခဲ့သည့် သီတင်းပတ်၌ သမ္မတ ဂျိုကိုဝီဒိုဒိုက လက်မှတ်ရေးထိုးခဲ့ပြီးနောက်ပိုင်း ယခုဆောင်ရွက်ချက် ပေါ်ထွက်လာခြင်း ဖြစ်သည်။

ဖရဒ်ဒီက HTI ၏ တရားဝင်ရပ်တည်မှုကို ပယ်ဖျက်ခြင်းမှာ တစ်ဖက်သက်ဆုံးဖြတ်ချက်မဟုတ်ဘဲ အစိုးရ၏ နိုင်ငံရေး၊ ဥပဒေရေးနှင့် လုံခြုံရေးဆိုင်ရာ အဖွဲ့အစည်းများ ပူးပေါင်းဆွေးနွေးမှု၏ ရလဒ်ဖြစ်သည်ဟု ပြောကြားခဲ့သည်။

အင်ဒိုနီးရှား၏ ဥပဒေနှင့် လူ့အခွင့်အရေးဆိုင်ရာ ၀န်ကြီးဌာနမှာ နိုင်ငံအတွင်းရှိ အသင်းအဖွဲ့များ၊ ပြည်သူအခြေပြုအဖွဲ့များအတွက် ခွင့်ပြုချက်ပေးရသည့် ဌာနဖြစ်ပြီး စည်းမျဉ်းစည်းကမ်းများနှင့် မညီညွတ်ပါက ပယ်ဖျက်ခွင့်လည်း ရှိနေသည်။

HTI က ၎င်းတို့မှာ အင်ဒိုနီးရှား၏ လူမျိုးစုံသဟဇာဖြစ်ရေး အယူအဆကို လေးစားသည်ဟုဆိုသော်လည်း အဖွဲ့၏ မြေပြင်လုပ်ငန်းများမှာ ထိုအယူအဆနှင့် ဆန့်ကျင်နေကြောင်း၊ အစိုးရ၏ ယခုဆုံးဖြတ်ချက်ကို ထိုအဖွဲ့အနေဖြင့် ဥပဒေအကြောင်းအရ တုန့်ပြန်နိုင်ကြောင်း ဖရက်ဒီက ထည့်သွင်းပြောဆိုခဲ့သည်။

HTI မှာ ပြီးခဲ့သည့်တစ်ပတ် သမ္မတ ဂျိုကိုဝီဒိုဒို ထုတ်ပြန်သည့်အမိန့်ကို ဆန့်ကျင်ကြောင်း ပြောကြားခဲ့သည်။

Ref: CNA

ဇူလိုင် ၁၂၊ ၂၀၁၇
M-Media

– အမျိုးသားလုံခြုံရေးကို ခြိမ်းခြောက်သည်ဟု ယူဆရသည့် အဖွဲ့များကို အာဏာပိုင်များက တားမြစ်ပိတ်ပင်နိုင်သည့် အမိန့်အသစ်တစ်ခုကို အင်ဒိုနီးရှားသမ္မတ ဂျိုကို ၀ီဒိုဒိုက ထုတ်ပြန်လိုက်သည်ဟု သိရသည်။

တနင်္လာနေ့တွင် သမ္မတက လက်မှတ်ထိုးခဲ့သည့် အဆိုပါအမိန့်မှာ လူထုအခြေပြု အဖွဲ့အစည်းများနှင့် ပတ်သက်၍ ကိုင်တွယ်ဆောင်ရွက်ရန် လက်ရှိကျင့်သုံးနေသည့် ဥပဒေကို ပြင်ဆင်ချက်ဖြစ်သည်။

အမျိုးသားလုံခြုံရေးဆိုင်ရာ တာဝန်ရှိသူ ၀ီရန်တိုက ယခုအမိန့်မှာ အမျိုးသားလုံခြုံရေးကို ထိန်းသိမ်းရန်နှင့် အင်ဒုိုနီးရှားနိုင်ငံ တည်တံ့ရေး ရိုးရိုးသားသား ရည်ရွယ်ခြင်းဖြစ်သည်ဟု ပြောကြားခဲ့သည်။

“အစိုးရက ထင်ရာမြင်ရာလုပ်တာမျိုး မဟုတ်သလို အစ္စလာမ့်လူထုအခြေပြုအဖွဲ့တွေကို တိုက်ခိုက်တာလည်း မဟုတ်ပါဘူး” ဟု ၀ီရန်တိုက ပြောကြားခဲ့သည်။

အမိန့်တွင် မည်သည့်အဖွဲ့စည်းများကို ပိတ်ပင်မည်ဟု သီးခြားမဖော်ပြထားဘဲ အမိန့်ကို အခြေခံကာ တရားရေးဝန်ကြီးဌာနက ဆုံးဖြတ်ပိုင်ခွင့် ရှိမည်ဖြစ်သည်။

နယူးယောက်အခြေစိုက် Human Rights Watch အဖွဲ့က ထိုဆောင်ရွက်ချက်ကို ရှုတ်ချခဲ့ပြီး လွတ်လပ်စွာ အသင်းအဖွဲ့ဖွဲ့စည်းခွင့်၊ လွတ်လပ်စွာဖော်ပြခွင့်ကို ဆိုးဆိုးရွားရွား ချိုးဖောက်ခြင်းဖြစ်သည်ဟု ပြောကြားခဲ့သည်။ သို့သော်လည်း နိုင်ငံ၏ အကြီးဆုံး အစ္စလာမ်ဘာသာရေးအဖွဲ့ နဒ်လာသွလ် အိုလမာက အစိုးရ၏ ထိုအမိန့်ကို ကြိုဆိုခဲ့သည်။

ထိုအမိန့် အသက်ဝင်ပါက အင်ဒိုနီးရှားတွင် အစ္စလာမ့်ဥပဒေ ပြဌာန်းရန်နှင့် ခလီဖာနိုင်ငံတစ်ခုဖြစ်ရန် လှုံ့ဆော်နေသည့် Hizbut Tahrir အဖွဲ့မှာ တားဆီးပိတ်ပင်ခြင်း ခံရနိုင်သည်။

အစိုးရကမူ ထိုအဖွဲ့၏ လုပ်ရပ်များက နိုင်ငံ၏ ဘာသာရေးမနွယ်သော အုပ်ချုပ်ရေးအယူအဆနှင့် ကိုက်ညီခြင်းမရှိဘဲ လူ့အဖွဲ့အစည်းတွင် သွေးကွဲမှုကို ဖြစ်စေမည်ဟုဆိုကာ မေလက ပိတ်ပင်ရန် စီစဉ်ခဲ့သည်။

Hizbut Tahrir အဖွဲ့က သမ္မတ၏ ယခုအမိန့်ကို ရှုတ်ချခဲ့ပြီး ဖွဲ့စည်းပုံ အခြေခံဥပဒေခုံရုံး၏ သုံးသပ်ဆုံးဖြတ်မှုကို ရရှိရန် ဆောင်ရွက်သွားမည်ဟု ပြောကြားခဲ့သည်။

Ref: Aljazeera

ဇွန် ၂၂၊ ၂၀၁၇
M-Media

– အင်ဒိုနီးရှားနိုင်ငံရဲ့ နာမည်ကျော်အပန်းဖြေမြို့ ဘာလီမှာ ခွေးသားတွေကို ကြက်သားအဖြစ် ရောင်းချတာမျိုးရှိနေပြီး အဲဒီကို သွားရောက်လည်ပတ်တဲ့သူတွေကလည်း မသိဘဲ စားလိုက်တာမျိုးတွေ ရှိတယ်လို့ သတင်းတွေ ထွက်လာပါတယ်။

တိရစ္ဆာန် ကာကွယ်စောင့်ရှောက်ရေး အဖွဲ့အစည်းတစ်ခုဖြစ်တဲ့ Animals Australia က ဘာလီကျွန်းက စားသောက်ဆိုင် ၇၀ ၀န်းကျင်လောက်နဲ့ လမ်းဘေး အစားအသောက် ရောင်းတဲ့ဆိုင်တွေဟာ ခွေးတွေကို သတ်ပြီး ကြက်သားအဖြစ် ရောင်းနေကြတယ်လို့ ဆိုပါတယ်။

ခွေးတွေဟာ လစ်လျူရှုခံထားရပြီး သစ်သီးခြင်းတွေ ဒါမှမဟုတ် ဆန်အိတ်တွေနဲ့ ပိတ်လှောင်ခံထားရကာ ညဘက်ရောက်ရင် ခြေထောက်တွေကို ကြိုးချည်၊ ပါးစပ်ကို တိပ်နဲ့ပိတ် အသတ်ခံနေရတယ်လို့ ဒီအဖွဲ့ရဲ့ တရားဝင် ၀ဘ်စာမျက်နှာမှာ ဖော်ပြထားပါတယ်။

Animals Australia လှုပ်ရှားမှု ဒါရိုက်တာ လင်ဝှိုက်က ဘာလီမှာ ခွေးနဲ့ တစ်ခြားတိရစ္ဆာန်တွေကို သတ်တာဟာ ဥပေဒနဲ့ ဆန့်ကျင်ပေမယ့် ခွေးသားစားတာကိုတော့ ပိတ်ပင်ထားခြင်းမရှိကြောင်း၊ ခရီးသွားတွေဟာ ဆာတေး ကြက်အမှတ်နဲ့ စားသုံးနေကြကြောင်း ABC သတင်းဌာကို ပြောကြားခဲ့ပါတယ်။

ဒီအဖွဲ့ဟာ ဘာလီရဲ့ ခွေးကုန်ကူးမှု လုပ်ငန်းအတွင်း ထိုးဖောက်ဝင်ရောက်ပြီး ပြုလုပ်ခဲ့တဲ့ လျှို့ဝှက်စုံးစမ်းမှု ရလဒ်ကို အခြေခံကာ ဒီလိုထုတ်ပြန်ခဲ့တာဖြစ်ပါတယ်။

ခွေးသားလုပ်ငန်းမှာ ပါဝင်သူတွေဟာ ခွေးတွေကို ခိုးတာ၊ အမဲလိုက်တာ၊ အဆိပ်ခတ်သတ်ဖြတ်တာတွေ လုပ်တယ်လို့လည်း ဒီအဖွဲ့က ပြောပါတယ်။

New South Wales Poisons Information Centre ရဲ့ ဒါရိုက်တာဖြစ်သူ ဒေါက်တာ အန်ဒရူး ဒေါ်ဆန်က ခွေးသားစားသူတွေဟာ အော့အန်တာ၊ ကြွက်သားတွေနာကျင်တာနဲ့ အသက်ရှုရခက်ခဲတာ စတဲ့ ပြဿနာတွေ ဖြစ်နိုင်တယ်လို့ ပြောကြားခဲ့ပါတယ်။

Ref : Alarabiya