မေ ၂၂၊ ၂၀၁၇
M-Media
နဒ်လာသွလ် အိုလမာရဲ့ ခေါင်းဆောင် ကေ အိခ်ျ စအစ် အကီလ် ဆီရဂ်ျ (ယာ)
– အင်ဒိုနီးရှားနိုင်ငံရဲ့ ဘာသာရေးမနွယ်တဲ့ အုပ်ချုပ်ရေး တန်ဖိုးတွေကို အားကောင်းအောင် ဆောင်ရွက်ဖို့ နိုင်ငံနဲ့ ကမ္ဘာ့ရဲ့ အကြီးဆုံး အစ္စလာမ့်အဖွဲ့အစည်း နဒ်လာသွလ် အိုလမာရဲ့ ခေါင်းဆောင် ကေ အိခ်ျ စအစ် အကီလ် ဆီရဂ်ျက တိုက်တွန်းလိုက်ပါတယ်။
ဂျကာတာ အုပ်ချုပ်ရေးမှူးအသစ်က အစ္စလာမ့်သွန်သင်မှုတွေကို နိုင်ငံရေးနဲ့ လူ့အဖွဲ့အစည်းမှာ လွှမ်းမိုးရေး တိုက်တွန်းဆော်သြပြီး သီတင်းပတ်အနည်းငယ်အကြာမှာ ဒီစကားမျိုး ပေါ်ထွက်လာတာပါ။
နိုင်ငံရဲ့ ဒုတိယအကြီးဆုံးမြို့ ဆူရာဘာယာမှာ ကြာသာပတေးနေ့က ပြုလုပ်တဲ့ Alliance of Arek Suroboyo ဘာသာပေါင်းစုံ ချစ်ကြည်ရေး အခမ်းအနားကို တက်ရောက်လာကြတဲ့ ဘာသာပေါင်းစုံက ပရိတ်သတ်တွေကို ဆီရဂ်ျက အခုလို ပြောကြားလိုက်တာဖြစ်ပြီး၊ နိုင်ငံရဲ့ တရားဝင် စည်းတံဆိပ်အဖြစ် အသုံးပြုနေတဲ့ ‘မတူကွဲပြားစွာ စုစည်းညီညွတ်ခြင်း’ ဆိုတဲ့ တိုင်းပြည်ထူထောင်တဲ့ အခြေခံစည်းမျဉ်းဘက်ကို ပြန်လှည့်ဖို့လည်း တောင်းဆိုခဲ့ပါတယ်။
နောက်ပြီး ဘုရားသခင်ကို ယုံကြည်ခြင်း၊ တရားမျှတပြီး ယဉ်ကျေးသော လူသားဝါဒ၊ စည်းလုံးညီညွတ်မှု၊ ဒီမိုကရေစီနဲ့ လူထုတရားမျှတရေးဆိုတဲ့ အခြေခံဥပဒေရဲ့ အုတ်မြစ် ‘ပန်ကျာဆီလာ’ အယူအဆကို ထိန်းသိမ်းဖို့ တောင်းဆိုခဲ့ပြီး အခြားသော ဘာသာရေးခေါင်းဆောင်တွေကလည်း ဒီလို မှတ်ချက်မျိုးတွေ ပေးခဲ့ကြပါတ
ယ်။
ဘာသာရေးမစွက်တဲ့ အမျိုးသားရေးဝါဒ၊ တိုင်းချစ်ပြည်ချစ်ဝါဒတွေကို အားကောင်းစေဖို့ဆိုတဲ့ ရည်ရွယ်ချက်နဲ့ ပြုလုပ်တဲ့ ဘာသာပေါင်းစုံ ချစ်ကျည်ရေးအခမ်းအနားမှာ ဆီရဂ်ျရဲ့ ဒီမှတ်ချက်ဟာ နိုင်ငံရဲ့ အုပ်ချုပ်ပုံကို လူများစု ကိုးကွယ်တဲ့ အစ္စလာမ်ဘာသာရဲ့ ဥပဒေအတိုင်း ပြောင်းလဲဖို့ လှုပ်ရှားမှုတွေ မြင့်တက်လာတာကို တန်ပြန်လိုက်တာလည်း ဖြစ်ပါတယ်။
နဒ်လာသွလ် အိုလမာအဖွဲ့ကို ၁၉၂၆ ခုနှစ်က ဆူရာဘာယာမှာ တည်ထောင်ခဲ့တာဖြစ်ပြီး ဆော်ဒီက တင်သွင်းတဲ့ ၀ဟာဘီဝါဒကို တိုက်ဖျက်ဖို့ ဖြစ်ပါတယ်။ လက်ရှိမှာတော့ အဖွဲ့ဝင် သန်း ၄၀ ကျော်လောက် ရှိနေပါပြီ။
၁၉၈၀ ပြည့်နှစ်လောက်ကတည်းက ဆော်ဒီဟာ သူ့ရဲ့ ၀ဟာဘီဝါဒကို ဖြန့်ခဲ့ပြီး ဒီရဲ့ ရိုက်ခတ်မှုကို ဧပြီလ ၁၉ ရက်နေ့မှာ ကျင်းပပြုလုပ်ခဲ့တဲ့ ဂျကာတာ မြို့တော်ဝန် ရွေးကောက်ပွဲမှာ အထင်အရှား တွေ့ခဲ့ရပါတယ်။
ရွေးကောက်ပွဲအနိုင်ရရှိခဲ့တဲ့ အနီးစ် ဘက်စ်ဝီဒန်ဟာ ဘာသာရေး သဘောထားတင်းမာသူတွေ ထောက်ခံမှုရအောင် ဆောင်ရွက်ခဲ့ပြီး၊ ပြိုင်ဘက် ဂျကာတာမြို့တော်ဝန်ဟောင်း ခရစ်ယာန်ဘာသာဝင် အဟော့ကတော့ သဘောထားတင်းမာသူတွေရဲ့ ဖိအားကြောင့် အစ္စလာမ်ဘာသာကို စော်ကားမှုနဲ့ တရားရင်ဆိုင်ခဲ့ရကာ ဒီလအတွင်းမှာပဲ ထောင်ဒဏ် ၂ နှစ် ချမှတ်ခံခဲ့ရပါတယ်။
ဆီရဂ်ျကတော့ အစွန်းရောက်သဘောထားတွေဟာ သောကြာနေ့ တရားဟောကြားမှုတွေကနေ ပြန့်နှံ့နေတယ်လို့ ဆိုပါတယ်။
“ဒီတရားဒေသနာတွေက လူတွေကို ပိုပြီး ဘာသာတရားကိုင်းရှိုင်းလာအောင်၊ ကိုယ်ကျင့်တရား ပိုကောင်းလာအောင်၊ ပိုပြီး ဘာသာတရားလေးစားလာအောင် သတိပေးရမှာဗျ။ ပုတ်ခတ်တဲ့စကားတွေ ပြောရမှာ မဟုတ်ဘူး။ သူတို့ ဘယ်လောက် အတင့်ရဲနေကြပြီလဲ။ သူများဘာသာအကြောင်း မကောင်းပြောချင်ရင် အပြင်မှာ ပြောကြပေါ့။ သောကြာနေ့ တရားဒေသနာမှာ ဒါတွေထည့်ပြောတော့ ၀တ်ပြုဆုတောင်းမှုကလည်း မပိုင်တော့ဘူး (အထမမြောက်တော့ဘူး)”
အင်ဒိုနီးရှားနိုင်ငံဟာ ကျွန်းပေါင်း ၁၇၀၀၀ ကျော်နဲ့ ဖွဲ့စည်းထားတဲ့ နိုင်ငံဖြစ်ပြီး လူမျိုးစုပေါင်း အနည်းဆုံး ၃၀၀၊ ဘာသာစကားနဲ့ ဒေသသုံးစကားပေါင်း ၇၄၀ လောက်ရှိပါတယ်။ လူဦးရေ သန်းပေါင်း ၂၆၀.၆ သန်းရဲ့ ၈၈ ရာခိုင်နှုန်းက အစ္စလာမ်ဘာသာဝင်တွေဖြစ်ပြီး အစိုးရကတော့ ခရစ်ယာန် ပရိုတက်စတင့်၊ ခရစ်ယာန် ကက်သလစ်၊ ဟိန္ဒူ၊ ဗုဒ္ဓဘာသာနဲ့ ကွန်ဖြူရှပ်စ်ဘာသာတွေကို နိုင်ငံရဲ့ တရားဝင် ဘာသာတရားအဖြစ် အသိအမှတ်ပြုထားပါတယ်။
ဆန့်ကျင်
တာအိုဝါဒခေါင်းဆောင် ဆစ်ဟာတာ အဒ်ဟူမူလ်ယာက ‘နိုင်ငံရေးမှာ အစ္စလာမ်ကို ထည့်သွင်းလာမှုနဲ့ ရှရီအာဥပဒေကို အကောင်အထည်ဖော်မှုဟာ နိုင်ငံနဲ့ ဘိုးဘေးတွေရဲ့ မြင့်မြတ်တဲ့ တန်ဖိုးတွေနဲ့ ဆက်စပ်တဲ့ အရာအားလုံးကို ဖျောက်ဖျက်ဖို့ ကြိုးစားနေတာ’ ဖြစ်တယ်လို့ ပြောကြားခဲ့ပြီး၊ အုပ်ချုပ်ရေးမှာ အပြောင်း
အလဲလုပ်ဖို့ ကြိုးစားလာတာကို ဆန့်ကျင်ဖို့အတွက်လည်း ပြည်သူလူထုကို တိုက်တွန်းခဲ့ပါတယ်။
နဒ်လာသွလ် အိုလမာအဖွဲ့ခေါင်းဆောင် စအစ် အကီလ် ဆီရဂ်ျက အင်ဒိုနီးရှားပြည်သူတွေအနေနဲ့ ဖွဲ့စည်းပုံအခြေခံဥပဒေဘက်ကို ပြန်လှည့်ကာ ‘မတူကွဲပြားစွာ စုစည်းညီညွတ်ခြင်း’ ဆိုတဲ့ စည်းကမ်း၊ ပန်ကျာစီလာ အယူအဆတွေ လက်ခံကျင့်သုံးမယ်လို့ မျှော်လင့်ကြောင်း ပြောကြားခဲ့ပါတယ်။
“ကျွန်တော်တို့ လက်ခံထားကြတဲ့ ပန်ကျာစီလာ အယူအဆဘက်ကို ပြန်လှည့်ကြပါစို့။ လူတိုင်းက ပြဿနြာ ဖစ်စေမယ့် မိမိရဲ့ ကိုယ်ပိုင်အယူအဆကို တိုက်ဖျက်သွားမှာပါ။ မွတ်စလင်တစ်ယောက်ဖြစ်ရင်လည်း ပန်ကျာစီလာ အယူအဆမှာကိုက အစ္စလာမ့်တန်ဖိုးတွေ ပါဝင်ပြီးသားပါ။ ဘုရားသခင်အပေါ် ယုံကြည်မှု၊ ညီအစ်ကိုမောင်နှမစိတ်ဓာတ်၊ တရားမျှတမှု၊ အမျိုးသားရေး ဒါတွေအားလုံးဟာ အစ္စလာမ့်ရဲ့ စည်းမျဉ်းစည်းကမ်းတွေဘဲဗျ။ မွတ်စလင်တွေအတွက် ဘာပြဿနာရှိလို့လဲ”
Ref: VOA
