News @ M-Media

Tag: interview

  • “မန္တလေးက အားလုံး မျက်စိကျနိုင်တဲ့နေရာ”

    “မန္တလေးက အားလုံး မျက်စိကျနိုင်တဲ့နေရာ”

    Zaw Myint Maung
    မကြာသေးမီက နေပြည်တော်တွင် တွေ့ရသော အမျိုးသား ဒီမိုကရေစီ အဖွဲ့ချုပ် ခေါင်းဆောင် တစ်ဦးဖြစ်သည့် ဒေါက်တာဇော်မြင့်မောင် (ဓာတ်ပုံ – သင်းလဲ့ဝင်း/Myanmar Now)

    သင်းလဲ့ဝင်း/ Myanmar Now

    နေပြည်တော် (Myanmar Now) – ပညာရေးအလေးပေးသော၊ မောင်နှမ များပြားသောမိသားစုတွင်ကြီးပြင်း လာရသူ ဒေါက်တာဇော်မြင့်မောင်သည် ငယ်စဉ်ကပင် နိုင်ငံရေးစိတ်ဝင်စားသော်လည်း မိဘ ၂ပါး၊ မောင်နှမ ၈ ဦးတို့ ဒုက္ခရောက်မည်ကို ထောက်ထားပြီး နိုင်ငံရေးတွင် ပါဝင်ခြင်းမပြုခဲ့ဟုဆိုသည်။ ဦးနေဝင်းအစိုးရလက်ထက် မန္တလေးဆေးတက္ကသိုလ် ဆရာဖြစ်သူ ဖခင်မှာ ကျောင်းသားအဆောင်မှူးလည်း ဖြစ်သည်။ နိုင်ငံရေးလှုပ်ရှားသော သူငယ်ချင်းများ ကျောင်းထုတ် ခံရသည်ကို တွေ့မြင်ခဲ့ရသည်။

    ၁၉၈၈ လူထုလှုပ်ရှားမှု ဖြစ်လာချိန်တွင်တော့ နိုင်ငံရေးလောကထဲ ခြေစုံပစ် ဝင်လိုက်တော့သည်။ ၁၉၉ဝ ရွေးကောက်ပွဲတွင် အမရပူရမဲဆန္ဒနယ်မှ ရွေးကောက်ခံရသူ အမျိုးသား ဒီမိုကရေစီ အဖွဲ့ချုပ် (NLD) အမတ် ဖြစ်လာသော်လည်း လွှတ်တော်သို့မရောက်ဘဲ နိုင်ငံအတွင်း ဆိုးရွားပါပေ့ဆိုသောထောင်များတွင် ၁၉ နှစ် နေခဲ့ရသည်။ ၂ဝဝ၉ တွင် လွတ်မြောက်လာပြီးနောက် ပါတီ၏ ဗဟိုအလုပ် အမှုဆောင် အဖွဲ့ဝင် ဖြစ်လာသော ဒေါက်တာဇော်မြင့်မောင်ကို ဒေါ်အောင်ဆန်းစုကြည် ဘေးတွင် ပုံမှန်မြင်တွေ့ခဲ့ရသည်။

    ၂ဝ၁၂ ကြားဖြတ်ရွေးကောက်ပွဲတွင် နိုင်သောကြောင့် ကျောက်ပန်းတောင်းမြို့နယ်၊ ပြည်သူ့လွှတ်တော် မဲဆန္ဒနယ် ကိုယ်စားလှယ်ဖြစ်လာပြီး ၂ဝ၁၅ ရွေးကောက်ပွဲတွင်မူ မန္တလေးတိုင်းဒေသကြီးလွှတ်တော် အမရပူရ မဲဆန္ဒနယ်အမှတ် ၁ တွင် ထောက်ခံမဲ ၇၆ ရာခိုင်နှုန်းဖြင့် အနိုင်ရခဲ့သည်။

    မန္တလေးတိုင်းဝန်ကြီးချုပ်ဖြစ်မည်ဟု အများက ခန့်မှန်းနေကြသော ဒေါက်တာဇော်မြင့်မောင်သည် သူ့ကို ပါတီက မည်သည့်နေရာတွင် ချထားမည်ဖြစ်ကြောင်းမသိသေးဟု ဆိုသည်။ Myanmar Now သတင်းဌာန၏ သတင်းထောက်ချုပ် သင်းလဲ့ဝင်းကို ပါတီအကြောင်း၊ မန္တလေးတွင်ရှိသော စိန်ခေါ်မှုများအကြောင်း ပြောပြထားသည်။

    မေး။    ။ ၂ဝ၁၂ မှာ နိုင်တာနဲ့ ၂ဝ၁၅ နိုင်တာ ဘယ်လိုကွာခြားလဲ။

    ဖြေ။    ။ ၂ဝ၁၂ နိုင်တုန်းက P to P (prison to parliament – အကျဉ်းထောင်မှ လွှတ်တော်သို့) ဆိုပြီး ကျွန်တော်ပြောတယ်။ ၉ဝ ခုနှစ်က အိပ်မတ်မက်ခဲ့တဲ့ ပါလီမန်ကိုသွားဖို့၊ ဒီမိုကရေစီရရှိဖို့ကို လုပ်နိုင်တော့မယ် ဆိုပြီးတော့ ဝမ်းသာတယ်။   ၂ဝ၁၂ ကြားဖြတ်ရွေးကောက်ပွဲ အပြီး လွှတ်တော်မှာ ကျွန်တော်တို့က လေးဆယ်ကျော်၊ သူတို့ (ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ)က သုံးရာကျော်လောက် ရှိတယ်ပေါ့လေ။ အခု ကျွန်တော်တို့က လေးရာနီးပါးရှိတယ်၊ သူတို့က လေးဆယ်ကျော်။ ပြည်သူ တာဝန်ပေးပြီ၊ ကျွန်တော်တို့ လုပ်ဖို့ပဲကျန်တော့တယ်၊ ဒီတာဝန်ကို ကျွန်တော်တို့ ဘယ်လို ကျေပွန်အောင် ထမ်းဆောင်နိုင်မလဲဆိုတဲ့ စိုးရိမ်စိတ်တော့ရှိတယ်။

    မေး။    ။ ထောင်နဲ့လွှတ်တော် ခရီးလမ်းက ဘယ်လိုလဲ။ လွှတ်တော်ထဲ လွယ်လွယ်ကူကူ ရောက်လာမယ်လို့ ထင်ထားသလား။

    ဖြေ။    ။ ထောင်ထဲမှာနေရတုန်းက တအားကြပ်တယ်။ စာဖတ်ခွင့်မရှိဘူး။ ပုံစံကြီးထိုင်ရတယ်။ မဝရေစာစားရတာ၊ အိမ်က မထောက်ပံ့ဘူးဆိုရင် ရပ်တည်ဖို့ခဲယဉ်းတယ်။ အတိတ်ကိုမဖော်ချင်ပါဘူး။ ပြန်လွတ်လာတဲ့အချိန်မှာလည်း နိုင်ငံရေးအခင်းအကျင်းက တအားဆိုးတယ်။ NLD ဖျက်သိမ်းခံရတော့မယ်ဆိုတာ ပလူကိုပျံနေတယ်။ အဲဒီကြားထဲကနေ ကျွန်တော်တို့ ရုန်းကန်ခဲ့ရတာ လွယ်အိတ်တစ်လုံးနဲ့။ ရုံးတွေပိတ်ထားတယ်။ ၂ဝ၁ဝ မတိုင်ခင် အထက်ဗမာပြည် လှည့်တဲ့အချိန်မှာ တချို့ မြို့နယ်တွေက ကျွန်တော်တို့ကို ည လက်သင့်ခံရင် ည ၁ဝ နာရီ၊ ၁၁ နာရီလောက်မှ အစည်းအဝေး လုပ်ရတယ်၊ မှတ်မှတ်ရရ နေပြည်တော်မှာ လက်ခံမယ့်သူ တစ်ယောက်မှမရှိဘူး။ တည်းခိုခန်း သွားတည်းရတယ်။ တည်းပြီးတော့မှ စည်းရုံးရတယ်။ အဲဒီလို ဆိုတော့ နိုင်ငံရေးမျှော်လင့်ချက်က တော်တော်ကို နည်းပါးပါတယ်။  ရွေးကောက်ပွဲမဝင်ဘူး ၊  အဖျက်ခံရမယ်ဆိုရင်လည်း ဆက်လုပ်မယ်ဆိုတဲ့ သန္နိဋ္ဌာန်တော့ရှိတယ်။ ဒီလို လျောလျောရှုရှု ပါလီမန်ထဲ ရောက်လာလိမ့်မယ်တော့ မထင်ဘူး။

    ၂ဝ၁ဝ ရွေးကောက်ပွဲကို သပိတ်မှောက်လိုက်တာ တော်တော်ကောင်းပါတယ်။ ဒေါ်အောင်ဆန်းစုကြည်မပါတဲ့ ရွေးကောက်ပွဲက ဘယ်လိုမှ အားလုံးပါဝင်တဲ့ရွေးကောက်ပွဲ မဟုတ်ဘူး၊ ဒါကြောင့်မို့လို့ မဝင်ဘူးပေါ့။ ကျွန်တော်တို့ နိုင်ငံရေးဆုံးဖြတ်ချက် မှန်တယ်လို့ထင်တယ်။ ရွေးကောက်ပွဲပြီးတဲ့အချိ်န်မှာ ဦးသိန်းစိန်က ဒေါ်အောင်ဆန်းစုကြည်နဲ့ တွေ့ဆုံဆွေးနွေးပွဲ လုပ်လိုက်တယ်။ အဲဒါကြောင့် လမ်းပွင့်သွားတယ်လို့ ထင်တယ်။

    မေး။    ။ အာဏာလွှဲပြောင်းပေးတဲ့ယဉ်ကျေးမှုက မြန်မာပြည်မှာ မရှိတာကြာလှပြီ။ ဒီအတွက် ပြည်ခိုင်ဖြိုးအစိုးရကို ကျေးဇူးတင်သလား။

    ဖြေ။    ။ နှစ်ပိုင်းပြောရလိမ့်မယ်။ လွှတ်တော် လွှဲပြောင်းရေး လုပ်နေတာ အင်မတန် အဆင်ပြေတယ်၊  အကုန်လုံးပြင်ဆင်ပေးတယ်။ လွှတ်တော်လွှဲပြောင်းရေးကို ဘယ်သူတွေတာဝန် ယူလဲဆိုတော့ ဒေါ်အောင်ဆန်းစုကြည်ခေါင်းဆောင်တယ်။ ဦးဝင်းမြင့် (ပြည်သူ့လွှတ်တော်ဥက္ကဋ္ဌဖြစ်လာသူ) နဲ့ ကျွန်တော်နဲ့က လွှတ်တော်ပြောင်းရွှေ့ရေးဆိုင်ရာအဖွဲ့မှာ ပါတယ်။ ကျွန်တော်တို့က လွှတ်တော်ပြောင်းရွှေ့ရေးကို တာဝန်ယူကြတယ်။ စနစ်ကျတယ် ၊ စိတ်ကျေနပ်ဖို့ကောင်းတယ်။ ဗမာပြည်မှာ နှစ်ပေါင်း ငါးဆယ်လောက် ပျောက်နေတဲ့ ဥပဒေပြုတဲ့ ပါလီမန်လွှဲပြောင်းရေးကတော့ တအားကောင်းပါတယ်။

    နောက်တစ်ပိုင်းကတော့ အုပ်ချုပ်ရေးပိုင်းကို တာဝန်ယူတဲ့တစ်ဖွဲ့ရှိတယ်။   သူတို့က ကျွန်တော်တို့လောက် မလွယ်ကူဘူးပေါ့နော်။

    မေး။    ။ (ထွေအုပ်) အထွေထွေအုပ်ချုပ်ရေးဦးစီးဌာနက ပြည်ထဲရေးရဲ့ အောက်မှာ။ ပြည်ထဲရေးဝန်ကြီးကို တပ်မတော်က ရွေးချယ်တာ ဆိုတော့ ဒီကိစ္စကို ဘယ်လိုကိုင်တွယ်မလဲ။

    ဖြေ။    ။ ထွေအုပ်ကို ပြည်ထဲရေးအဖွဲ့ထဲမှာ ထည့်ထားတာက နည်းနည်းလုပ်ရခက်နေတာ။ ကျွန်တော်တို့ ကြားတာပေါ့နော်။ ထွေအုပ်ကို အရင်အစိုးရလက်ထက်မှာကတည်းက ခွဲထုတ်ချင်တယ်။ ဒါပေမယ့် မအောင်မြင်ဘူးပေါ့။
    ဟိုတစ်နေ့က လူဝင်မှုကြီးကြပ်ရေး ဌာနကို ပြည်ထဲရေးအောက်ကို ထည့်ချင်တယ် (လို့ သမ္မတက ပြည်ထောင်စု လွှတ်တော်ကို သဝဏ်လွှာပို့တယ်)။ ကျွန်တော် လက်ရှိ အခြေအနေမှာတော့ ဒါကို လက်မခံနိုင်ဘူး။ တပ်မတော်က ကာကွယ်ရေးရယ်၊ ပြည်ထဲရေးရယ်၊ နယ်စပ်ရေးရာရယ် ယူထားပြီးတော့မှ အရပ်သားဖြစ်နေတဲ့ လူဝင်မှုကြီးကြပ်ရေးကို သူတို့ထဲ ထည့်လိုက်မယ်ဆိုတော့ တပ်ပေါ်မှာ ပိုပြီး ပါဝါ ရသွားတာပေါ့။ အဲဒါလည်း တစ်ပိုင်းပါသလို ပြီးခါနီး လွှတ်တော်ကြီးပေါ်မှာ ကမန်းကတန်းနဲ့ သမ္မတက သဝဏ်လွှာပေးပို့တာ ကတော့… ကျွန်တော်တို့ကတော့ နောက်လွှတ်တော်မှာ ဆက်စဉ်းစားဖို့ ပြောလိုက်တယ်။

    မေး။    ။ ဘာဖြစ်လို့ အမျိုးသားလွှတ်တော်နဲ့ ပြည်သူ့လွှတ်တော်အတွက် ဝင်မပြိုင်တာလဲ။

    ဖြေ။    ။ တိုင်းဒေသကြီးမှာ အတွေ့အကြုံရှိတဲ့သူလိုတယ်။ တကယ့် ဖက်ဒရယ်ပြည်ထောင်စု ဆိုရင် တိုင်းဒေသကြီးလည်း အရေးကြီးလာပြီ။ အဲဒါကြောင့်ဆင်းတာ။ (နေပြည်တော်မှာ) နေချင်တယ်ဆိုရင်လည်း ရာထူးမက်တယ်ဖြစ်ဦးမယ်။ မနေချင်ဘူး ဆိုရင်လည်း ကြီးကျယ်တယ်ဖြစ်ဦးမယ်။ အစ်မ (ဒေါ်အောင်ဆန်းစုကြည်)က တိုင်းဒေသကြီး ဆင်းရမယ်ဆိုတော့ ဟုတ်ကဲ့ဆိုပြီး တစ်ချက်လေးမှ မငြင်းပါဘူး။

    မေး။    ။ မန္တလေးမှာ ဘာအခက်အခဲတွေ ရှိမလဲ။

    ဖြေ။    ။ မန္တလေးက အားလုံးမျက်စိကျနိုင်တဲ့နေရာ။ တရုတ်နဲ့လည်းနီးတယ် ၊ အိန္ဒိယနဲ့လည်းနီးတယ်။ စီးပွားရေး အချက်အချာနေရာမြို့ ဖြစ်လာတယ်။ စက်မှုဇုန်တွေ ၊ ပြဿနာတွေ အများကြီးပဲ။ နောက်ပြီး မြို့ကြီးက တဖြည်းဖြည်း ညစ်ပတ်နေပြီ။   ရွေတချောင်း (ချောင်းရေ) က တအားပဲ ညစ်ပတ်နေပြီ။   အဓိကစိန်ခေါ်မှုကတော့ မြေသိမ်းထားတဲ့ကိစ္စတွေ။ အခုလောလောဆယ်ကို ထပ်ပြီးတော့ သိမ်းနေကြသေးတယ်။ ဒီမြေသိမ်းယာသိမ်း ပြဿနာတွေကိုတော့ ရှင်းရမယ်။ နေရာတိုင်းမှာ ပျံ့နှံ့နေတဲ့ လာဘ်ပေးလာဘ်ယူမှု၊ အကျင့်ပျက်ချစားမှုကလည်း ရှိနေသေးတာပဲ။ အစိုးရအဖွဲ့ ဖွဲ့ပြီဆိုရင် NLD အနေနဲ့ စိန်ခေါ်မှုလည်းများ၊ အခွင့်အလမ်းလည်း ပိုများမယ် ထင်ပါတယ်။

    မေး။    ။ နန်းတွင်းမှာ စစ်တပ်က အကြီးအကျယ် တပ်စွဲထားတယ်နော်။ အဲဒါကျတော့ ဘယ်လို ကိုင်တွယ်ရမလဲ။

    ဖြေ။    ။ အဲဒါတော့ ခေါင်းထဲ ဘာမှ ထည့်မထားသေးဘူး။ အခုချိန်မှာ ရှေးဟောင်းယဉ်ကျေးမှု အမွေအနှစ် ဆိုတာ တော်တော်များများ အလေးထားလာတဲ့အချိန်။ တန်ဖိုးထားသင့်တာပေါ့နော်။ ကျုံးကြီးဆိုရင် တော်တော် ပြင်လိုက်တာ ကြည့်ရတာဆိုးသွားပြီ။ ပညာရှင်တွေနဲ့ တိုင်ပင်ပြီးတော့ ပြင်ရမှာ။ သပ်ရပ်သွားတယ်လို့ ထင်ပေမယ့် ယဉ်ကျေးမှုရှုထောင့်ကကြည့်လိုက်တဲ့အခါ တန်ဖိုးမဲ့သွားတယ်။ ကျွန်တော်တို့က စီးပွားရေးနဲ့ ဖွံ့ဖြိုးရေး အဲဒီရှုထောင့်ကနေပဲ ကြည့်နေသေးတယ်ပေါ့နော်။ မန္တလေးမှာက နောင်တစ်ချိန်မှာ  ခရီးသွားလုပ်ငန်း တိုးတက်လာမှာ။

    မေး။    ။ စစ်တပ်နဲ့ NLD ညှိနှိုင်းတဲ့အခါမှာ ဝန်ကြီးချုပ်နေရာ တချို့ လိုချင်တယ်လို့ စစ်တပ်က တောင်းဆိုတယ်လို့ ပြောတဲ့သူ တချို့လည်း ရှိတယ်၊ မန္တလေးတိုင်း ဝန်ကြီးချုပ် ဘယ်သူ ဖြစ်လာမလဲ။

    ဖြေ။    ။ ဘာမျှော်လင့်ချက်နဲ့မှ ကျွန်တော် အောက်ကို (မန္တလေးတိုင်းဒေသကြီးကို) ဆင်းတာ မဟုက်ပါဘူး။ အခုလည်း ကျွန်တော် ဘာဖြစ်မယ်ဆိုတာ ကျွန်တော်ကိုယ်တိုင်မသိတဲ့အတွက် သူတို့တောင်းတဲ့ ဟာတွေ မသိပါဘူး။ (ဒေါ်အောင်ဆန်းစုကြည်နဲ့) ကာချုပ်နဲ့တွေ့တုန်းက ကျွန်တော်ပါတယ်၊ ဒါတွေက (ထုတ်) ပြောလို့ မရဘူးလေ။

    မေး။    ။ မြန်မာ့ယဉ်ကျေးမှုအမွေအနှစ်ဆိုတာတွေ အများကြီးရှိတဲ့ မန္တလေးမှာ အမျိုးသားရေးဝါဒီတွေလည်း တော်တော်များများ ထွက်လာတယ်။ ဘာသာရေးကို အသုံးချပြီးတော့ နိုင်ငံရေးလုပ်တာတွေနဲ့ ပတ်သက်ပြီးတော့ရော စိတ်ပူမိလား။

    ဖြေ။    ။ အမျိုးသားရေးဝါဒီတွေ ပေါ်လာကတည်းကတော့ စိုးရိမ်စရာရှိတယ်။  စာရွက်စာတမ်းတွေ ဖြန့်တာတွေက ကျွန်တော်တို့ ကြားနေရတယ်။ တော်တော် သတိထားပါတယ်။ စိုးရိမ်မှုရှိပေမယ့် မန္တလေးတိုင်းမှာတော့ သံဃာတွေက NLD တွေကို စောင့်ရှောက်တာတွေ ရှိပါတယ်။ ပြောရရင်တော့ တွေ့ဆုံဆွေးနွေးလို့ရတယ်ပေါ့နော်။ အခုလောလောဆယ်ကတော့ ပြဿနာကြီးကြီးကျယ်ကျယ်မရှိပါဘူး။

    မေး။    ။ နိုင်ငံရေးလုပ်ခဲ့တဲ့တစ်လျှောက်လုံး နောင်တ ရမိတာ ရှိသလား။

    ဖြေ။    ။ ဒါက ကျွန်တော်ရွေးတဲ့လမ်းလေ။ ဒီ ရွေးတဲ့လမ်း ကျွန်တော်လျှောက်တဲ့အတွက် မိသားစုနစ်နာသွားတယ်။ ကျွန်တော့်သားတွေမှာ လိုချင်တာတွေ ရှိခဲ့ဖူးတယ်။ သူတို့လိုအပ်ချက်တွေကို ကျွန်တော့်အမျိုးသမီးတစ်ယောက်တည်း မဖြည့်နိုင်ဘူး။ ဒီမှာ အထူးပြောချင်တာကတော့ ကျွန်တော့်အမျိုးသမီး နှစ် ၂ဝ လုံးလုံး ကျွန်တော့်ကို မညီးမညူဘဲနဲ့ ထောင်ဝင်စာလာတွေ့တယ်။ ကျွန်တော့်သားတွေသမီးတွေကို လူဖြစ်အောင် လုပ်ပေးခဲ့တဲ့သူ။ ကျွန်တော့်ကို အင်တာဗျူးတိုင်း နောက်ဆုံးပိတ် ဘာနဲ့ပိတ်တတ်လဲ ဆိုတော့ ကျွန်တော့်အမျိုးသမီးကို ကျွန်တော် ကျေးဇူးတင်ပါတယ်လို့။ ။

  • တပ်မတော်သားတွေလည်း ပြုပြင်ပြောင်းလဲရေးကို လိုလားနေကြပါပြီ

    တပ်မတော်သားတွေလည်း ပြုပြင်ပြောင်းလဲရေးကို လိုလားနေကြပါပြီ

    Ayarwaddy  Parliament

    ဖြိုးသီဟချို/ Myanmar Now

    ပုသိမ် (Myanmar Now) –  ဧရာဝတီတိုင်းဒေသကြီး အင်္ဂပူမြို့နယ်ဇာတိ ဦးအောင်ကျော်ခိုင်သည် တိုင်းလွှတ်တော် ဥက္ကဋ္ဌအဖြစ် မကြာသေးမီက ရွေးချယ်ခံခဲ့ရသည်။ ဖေဖော်ဝါရီ ၈ ရက်နေ့က ပြန်လည်စတင်သည့်  တိုင်းလွှတ်တော်တွင် ဥက္ကဋ္ဌသစ်က မြစ်ဝကျွန်းပေါ်ဒေသအတွင်း သိမ်းဆည်းခံလယ်ယာမြေ သုံးသိန်းကျော်ရှိနေသည့်အကြောင်းကိုလည်း ထည့်သွင်း ပြောဆိုခြင်းဖြင့် ဒေသခံတို့ ကြုံတွေ့နေသော အရေးကိစ္စကို အလေးအနက်ထားကြောင်း ပြသခဲ့သည်။

    ပြည်နယ်၊ တိုင်းဒေသကြီး လွှတ်တော်ဥက္ကဋ္ဌအများစုနည်းတူ ဦးအောင်ကျော်ခိုင်သည် အမျိုးသား ဒီမိုကရေစီ အဖွဲ့ချုပ် ကိုယ်စားလှယ်ဖြစ်သည်။ ထို့အပြင် ကိုလိုနီခေတ်ကျောင်းသားခေါင်းဆောင် ဗိုလ်အောင်ကျော်နှင့် အမျိုးနီးစပ်တော်သူလည်း ဖြစ်သည်။

    Myanmar Now သတင်းထောက် ဖြိုးသီဟချိုနှင့် တွေ့ဆုံစဉ် ဦးအောင်ကျော်ခိုင်က လယ်ယာမြေပြဿနာ၊ လွှတ်တော်အတွင်း ကိုယ်စားလှယ်နေရာ ၂၅ ရာခိုင်နှုန်း အလိုအလျောက် ရရှိထားသော တပ်မတော်သားများအပေါ် ၎င်း၏အမြင်၊ ပြည်သူများ၏ လိုအပ်ချက် စသည့်အကြောင်းအရာတို့ကို ပြောပြထားသည်။

    မေး –   လွှတ်တော် ဥက္ကဋ္ဌအဖြစ် ဦးအောင်ကျော်ခိုင်ကို ရွေးချယ်နိုင်အောင်လို့ ပါတီက ဘာကြောင့် စီစဉ်ခဲ့တယ်လို့ထင်ပါသလဲ။

    ဖြေ – အချက်အလက်တွေအများကြီးနဲ့ညီလို့ ရွေးချယ်ခဲ့တယ်လို့ ထင်ပါတယ်။ ကျွန်တော့် ကိုယ်ရေးမှတ်တမ်းရယ်၊ သူတို့သတင်းစုဆောင်းမှုတွေလည်း ရှိပါလိမ့်မယ်။ ကျွန်တော်က (ပါတီရဲ့) တိုင်းဥပဒေ အထောက်အကူပြုအဖွဲ့မှာလည်း ၂ဝ၁၃ ကတည်းက တာဝန်ထမ်းဆောင်ခဲ့တယ်၊ ပြီးတော့ တိုင်းစည်းကမ်းထိန်းသိမ်းရေး အဖွဲ့မှာလည်း တော်တော်ကြာကြာ တာဝန် ထမ်းဆောင်ခဲ့ပါတယ်။ (၂ဝ၁၅ ရွေးကောက်ပွဲမှာ) ကျွန်တော် ပြိုင်ဆိုင်ရတဲ့နေရာ ကလည်း ဧရာဝတီတိုင်းဒေသကြီးဝန်ကြီးချုပ်နဲ့ ပြိုင်ရတာဆိုတော့ တော်တော် အင်အားစိုက်ထုတ်လိုက်ရပါတယ်။ ဒါတွေကြောင့် ရွေးချယ်တယ်လို့ထင်ပါတယ်။

    မေး – တိုင်းလွှတ်တော်ဥက္ကဋ္ဌအဖြစ် အရွေးခံလိုက်ရတဲ့အတွက် ဘယ်လို မှတ်ချက်ပေးချင်ပါသလဲ။

    ဖြေ –  ကြီးလေးတဲ့ တာဝန်တရပ်ဆိုတာကတော့ မှန်ပါတယ်။ အစောကြီး ကတည်းက အရိပ်အရောင်တွေ သိနေတယ်ဆိုတော့ အများကြီးတော့ ရင်မခုန်ပါဘူး။ တကယ်ဖြစ်မဖြစ်သာ စောင့်နေရတာ၊ ကျန်တဲ့အဖွဲ့အစည်းတွေ၊ ပါတီတွေနဲ့ အများကြီး ညှိနှိုင်းနေရတာရှိတော့ ဖြစ်လာမလား၊ ဖြစ်မလာဘူးလား ဆိုတာ မသိသေးဘူးလေ။ ခုကတော့ သေချာသွားတာပေါ့။

    မေး – ဧရာဝတီတိုင်းဒေသကြီးမှာ သိမ်းဆည်းခံထားရတဲ့ လယ်ယာမြေ ပြသနာကို ဘယ်လိုကိုင်တွယ်သွားဖို့ ရှိပါသလဲ။

    ဖြေ – လယ်ယာမြေကိစ္စကအများကြီးပဲ။ ဒီပြဿနာက ချက်ခြင်းဖြေရှင်းဖို့ထက် ဥပဒေတွေ ပြဋ္ဌာန်းဖို့အတွက်လည်း အများကြီးလိုပါတယ်။ အချိန်ယူပြီး သွားရပါလိမ့်မယ်။ ဒါပေမဲ့လည်း လွှတ်တော်သက်တမ်း ၅နှစ် အတွင်းမှာ တော်တော်များများတော့ ကိုင်တွယ်နိုင်ပါလိမ့်မယ်။

    မေး – သိမ်းဆည်းခံထားရတဲ့ လယ်ယာမြေတွေ ပြန်ရဖို့အတွက် ဥပဒေပြုလွှတ်တော်က လုပ်ဆောင်နိုင်လိမ့်မယ်လို့  ယုံကြည်ပါသလား။ ပါတီရဲ့ မူဝါဒကရော လယ်ယာမြေ ပြဿနာအပေါ် ဘယ်လိုသဘောထားရှိပါသလဲ။

    ဖြေ – အဲဒါကတော့ အလုပ်လုပ်ရင်းနဲ့မှပဲ သိမှာပါ။ ပါတီရဲ့ ဗဟိုတောင်သူလယ်သမားကော်မတီကတော့ လယ်ယာမြေနဲ့ ပတ်သက်တဲ့အချက်အလက်တွေ တောင်းနေပါပြီ။ ပထမဆုံးအဆင့်ကတော့ အဲဒီဟာကို သွားရတာပေါ့။ ရေတိုစီိမံချက်အနေနဲ့ သွားလို့တော့ မရဘူးလို့ ထင်ပါတယ်။ အခုကတော့ စနေပါပြီ။ JICA (ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ)  ကလည်း ရှင်းပြပါတယ်။ ကျွန်တော်တို့ဘက်ကဘာတွေ လိုအပ်သလဲ၊  သူတို့ဘက်ကရောဘာတွေလုပ်ပေးနိုင်မလဲ၊  မျိုးစေ့တို့ ဓာတ်မြေသြဇာတို့၊ စိုက်နည်းစနစ်တို့ပေါ့။ ဆုံးရှုံးထားတာကို ရနိုင်ဖို့ကတော့ တစ်ကဏ္ဍပေါ့ဗျာ။ ဆက်ပြီးတော့ သွားမယ်ဆိုရင် စိုက်ပျိုးရေးပေါ်လစီချပေးနိုင်ဖို့ လိုပါလိမ့်မယ်။

    မေး – ဒီဒေသရဲ့ တောင်သူလယ်သမားတွေ ဘာတွေလိုအပ်နေတာ တွေ့ရပါသလဲ။

    ဖြေ – အများကြီးပါပဲဗျာ။ လယ်သမားတွေအနေနဲ့ကတော့ စိုက်စရိတ် အချိန်မီမရတာရယ်။ ဓာတ်မြေသြဇာအဆင့်အတန်း မမီတဲ့ ကိစ္စတွေ၊ ကျန်းမာရေးနဲမညီညွတ်တဲ့ အပိုင်းတွေရယ်။

    မေး – လွှတ်တော်မှာ တပ်မတော်သားတွေရဲ့ မဲဆန္ဒတွေရရှိဖို့အတွက် လွှတ်တော်ဥက္ကဋ္ဌအနေနဲ့ ဘယ်လို စည်းရုံးသွားမလဲ။

    ဖြေ – တပ်မတော်ကလည်း သိနေကြပါပြီ။ သူတို့လည်း ပြည်သူတွေလိုပါပဲ။ သူတို့စိတ်ထဲမှာ ဘယ်လိုခံစားနေရမလဲ ဆိုတာကို မှန်းဆကြည့်လို့ရနေပါပြီ၊ သူတို့လည်း ပြုပြင်ပြောင်းလဲရေးကို လိုလားနေကြပါပြီ။ တပ်မတော်သားတွေအနေနဲ့ရော၊  တပ်မတော်မိသားစုတွေ အနေနဲ့ရော၊  တပ်မတော် အင်အားအရရော နိုင်ငံတကာ အဆင့်မီ ဖြစ်ချင်နေကြပြီလို့ ထင်ပါတယ်။ အခုကတော့ ကျွန်တော်တို့အားလုံး ဒီအပေါ်မှာ တာဝန်ရှိနေပြီလို့ ထင်ပါတယ်။ သူတို့တွေကလည်း ပြည်သူထဲကပဲ ပေါက်ဖွားတဲ့ တပ်မတော်ပဲလေ။ သူတို့နဲ့ကလည်း မိသားစုလို့ပဲ ထင်ပါတယ်။

    မေး – ၂ဝဝ၈ အခြေခံဥပဒေမှာ ပါရှိတဲ့ တိုင်းနဲ့ပြည်နယ်တွေရဲ့ ဥပဒေပြုရေးအာဏာဟာ လုံလောက်တယ်လို့ ထင်ပါသလား။

    ဖြေ – ဖွဲ့စည်းပုံအခြေခံဥပဒေကိစ္စက အလွန်ကျယ်ပြန့်တဲ့ ကိစ္စဖြစ်နေပါတယ်။ တိုင်းနဲ့ပြည်နယ်အားလုံးအတွက် ပြဿနာဖြစ်နေပါတယ်။ ဖွဲ့စည်းပုံမပြင်နိုင်သေးခင်ကာလမှာ ကိုယ့်တိုင်း၊ ကိုယ့်ပြည်နယ်တွေအတွက် ဥပဒေပြုလို့ရတဲ့အပိုင်းတွေမှာလည်း ရှိပါတယ်။ ပြင်နိုင်ပြီဆိုရင်တော့ ပိုပြီးတော့ နိုင်နိုင်နင်းနင်း ပိုင်ပိုင်နိုင်နိုင် လုပ်လို့ ရနိုင်ပါတယ်။ ခုတိုင်းလည်း ဥပဒေပြုပြီး ကိုယ့်တိုင်း၊ ကိုယ့်ပြည်နယ်အတွက် လုပ်နိုင်မယ်လို့ ထင်ပါတယ်။

    မေး – ပြည်သူရဲ့လိုအပ်ချက်တွေကို လွှတ်တော်ဥက္ကဋ္ဌတစ်ဦးအနေနဲ့ ဘယ်လိုဖြည့်ဆည်းပေးသွားမလဲ။

    ဖြေ – ပြည်သူကတော့ ပြောင်းလဲချိန်တန်ပြီဆိုတဲ့ ခေါင်းစဉ်အောက်မှာ  တစ်ပြည်လုံး၊ ဧရာဝတီတိုင်းဒေသကြီး တစ်ခုလုံး အားလုံး ပါဝင်ဆောင်ရွက်ခဲ့တာပါ။ ရွေးကောက်ပွဲတစ်ခု ဆိုတာထက်ကို ပိုပြီး အများကြီး အဓိပ္ပာယ်လေးနက်ခဲ့ပါတယ်။ သူတို့ရဲ့မျှော်လင့်ချက်တွေကိုလည်း အများကြီး ထိန်းညှိသွားရမှာ ရှိပါတယ်။ ပထမဦးစားပေး၊ ဒုတိယဦးစားပေး အစစအရာအရာ စဉ်းစားရဖို့ လိုပါတယ်။ အရမ်းကြီး လက်သီးလက်မောင်းတန်းနေလို့ မရပါဘူး။      ။

  • သင်္ဃန်းကျွန်းမှာ နိုင်ချေရှိတဲ့ နောက်ထပ် အမတ်လောင်းတစ်ဦး

    သင်္ဃန်းကျွန်းမှာ နိုင်ချေရှိတဲ့ နောက်ထပ် အမတ်လောင်းတစ်ဦး

    “ဥပဒေကလည်း ကွက်ကြားမိုးရွာလို့မဖြစ်ဘူး”

    IMG_2740

    အင်တာဗျူး
    ထက်ခေါင်လင်း / Myanmar Now

    ရှေ့နေ ဦးရန်နိုင်သည်  ရန်ကုန်မြို့ရှိ အစ္စလာမ်ဘာသာဝင် အများအပြား နေထိုင်ရာ သင်္ဃန်းကျွန်းမြို့နယ်၊ ပြည်သူ့လွှတ်တော် မဲဆန္ဒနယ်မှ အမတ်လောင်းတစ်ဦးဖြစ်သည်။ ကနဦးတွင် ရွေးကောက်ပွဲကော်မရှင်က သူ့ဖခင်၏ နိုင်ငံသားဖြစ်မှု အခြေအနေနှင့်ပတ်သက်ပြီး သံသယ ဖြစ်ကာ သူ့ကို အမတ်လောင်းအဖြစ်မှ ရုပ်သိမ်းခဲ့သည်။   အယူခံအဆင့်ဆင့်တင်ခဲ့ပြီးနောက်တွင် ရွေးကောက်ပွဲဝင်ခွင့် ပြန်ရခဲ့သည်။

    မကြာသေးခင်က Myanmar Now သတင်းထောက် ထက်ခေါင်လင်းနှင့်ရန်ကုန်တွင် တွေ့ဆုံစဉ်    မြစ်ဝကျွန်းပေါ်ဒေသ၊ မြောင်းမြဇာတိ၊ ၅၅ နှစ်အရွယ် ဦးရန်နိုင်က ရွေးကောက်ပွဲ အနိုင်ရရှိမှုအခြေအနေ၊ ဗုဒ္ဓဘာသာ နှင့် အစ္စလာမ် ဘာသာဝင်များကြား ဆက်ဆံရေး၊  မဘသ အဖွဲ့၊ အမတ်လောင်း ရွေးချယ်ချိန်တွင် ပါတီများက အစ္စလာမ်ဘာသာဝင် တို့ကို ပစ်ပယ်ပုံတို့အကြောင်း ပြောပြထားသည်။

    မေး – ဦးရန်နိုင် ဘာကြောင့် ရွေးကောက်ပွဲဝင်ရတာလဲ။
    ဖြေ – အစ္စလာမ်ဘာသာဝင် လူနည်းစုတွေရဲ့ ပြောရေးဆိုခွင့်အခြေအနေအရ ဝင်ပြိုင်တာလို့ ပြောလို့ရမယ်။ လက်ရှိအခင်းအကျင်းမှာတော့  ကျွန်တော်တို့ အစ္စလာမ်ဘာသာဝင်တွေဟာ လွှတ်တော်ထဲကို ရောက်လာနိုင်ခြေကတော့ အရမ်းကိုနည်းနေပါတယ်။
    လွှတ်တော်ထဲကိုရောက် နိုင်ဖို့ဆိုတာထက် အစ္စလာမ်ဘာသာဝင် ကိုယ်စားလှယ်လောင်းဆိုတာနဲ့ကို ဘယ်ပါတီကမှ လက်မခံတာကိုတွေ့ရတယ်။  အစ္စလာမ်ဘာသာဝင် ကိုယ်စားလှယ်ပါလိုက်ရင် သူတို့ မဲမရမှာစိုးတယ်၊ ဗုဒ္ဓဘာသာနဲ့ ပတ်သက်တဲ့  ဘာသာချစ်အသင်းအဖွဲ့တွေက အထင်အမြင်လွဲမှာလို့ ယူဆကြတယ်။ NLD မှာ ကိုယ်စားလှယ်တွေကို တင်ကြပေမယ့်  အနီးကပ်မှ ဖြုတ်ချလိုက်တယ်။ ဒါကိုကြည့်ခြင်းအားဖြင့် သူတို့က မြန်မာတစ်နိုင်လုံးမှာရှိတဲ့ ပါတီဝင်တွေအားလုံးအပေါ်မှာ
    ဘာသာရေးကိုအကြောင်းပြပြီးတော့ ခွဲခြားဆက်ဆံနေတယ်။   ပါတီကြီးတွေကို အားမကိုးနိုင်တဲ့အနေအထားမျိုး တွေ့ရတယ်။ အဲဒါကြောင့် ကျွန်တော်တို့က ကိုယ့်ပါတီနဲ့ကိုယ်၊ ကိုယ့်ကြမ္မာကိုယ်ဖန်တီးနိုင်ဖို့ ကြိုးစားတယ်။  ကိုယ့်လူနည်းစုရဲ့အခွင့်အရေးကို ဘယ်ပါတီကမှ လက်မခံပေမယ့် ကိုယ့်ဘာသာ ရုန်းကန်လှုပ်ရှားမယ်ဆိုတာကို ပြတဲ့သဘောနဲ့ ဝင်ပြိုင်တာပါ။

    မေး – ပြီးခဲ့တဲ့ငါးနှစ်အတွင်း  မြန်မာပြည်မှာ  ဗုဒ္ဓဘာသာဝင်တွေနဲ့ အစ္စလာမ်ဘာသာဝင်တွေ အကြားမှာ ရင်းနှီးမှု နည်းလာတာကို ဘယ်လိုသုံးသပ်ချင်သလဲ။
    ဖြေ – အထူးသဖြင့် ခွဲခြားဆက်ဆံမှုပေါ့။ ဒီလိုလုပ်နေတဲ့အကြောင်းအရင်းကလည်း အစ္စလာမ်ကို ခုတုံးလုပ်နေတယ်လို့မြင်တယ်။ ခုတုံးလုပ်ပြီး သူတို့ မဲပိုရအောင်လို့၊ အစ္စလာမ်ပါလာရင် မဲမရနိုင်ဘူးလို့ မြင်ပြီးတော့ ဒါကိုဗန်းပြပြီး မျက်ကန်းမျိုးချစ်ပုံစံမျိုး လုပ်နေတာလို့ ထင်တယ်။

    မေး –  ခွဲခြားဆက်ဆံမှု ဆိုတာ ဘယ်လိုမျိုးလဲ။
    ဖြေ –  အထင်အမြင်တွေ လွဲနေကြတာ။   ဒီလိုဆက်ဆံနေတာလည်း ဗုဒ္ဓဘာသာဝင်တိုင်းမဟုတ်ပါဘူး။ သံဃာတော်တိုင်းမဟုတ်ဘူး။ တချို့သံဃာတော်တွေကို သိပ်ကိုချစ်ကြည်ညိုဖို့ကောင်းတယ်။ သို့သော် ဒီအစ္စလာမ်ဘာသာကို ခုတုံးလုပ်ပြီးတော့ အပုပ်ချပြီးတော့ မဲဆွယ်စည်းရုံးတာတို့၊ အဲဒီလိုမျိုးလုပ်မှ သူတို့ တိုးတက်မယ်လို့  ယူဆတဲ့အဖွဲ့တွေက လုပ်နေတယ်လို့တော့ မြင်တယ်။  ဘာသာကြီးဝါဒ၊ လူမျိုးကြီးဝါဒ  ဘယ်ဘက်ကပဲထားထား မကောင်းပါဘူး။

    မေး –  ဘာသာရေးနဲ့နွယ်တဲ့ပဋိပက္ခတွေ မြန်မာပြည်မှာ ပြန်ဖြစ်လာနိုင်တဲ့အခြေအနေတွေ တွေ့နေရပြီလား။
    ဖြေ – အခု မြင်နေတဲ့ အနေအထားအရတော့ ထိန်းထိန်းသိမ်းသိမ်းလုပ်တဲ့သူတွေ တော်တော်များလာပါပြီ။  ဗုဒ္ဓဘာသာဝင်တွေအသိုင်းအဝိုင်းကိုက နားလည်မှုရှိရှိနဲ့ ထိန်းသိမ်းတာတွေ၊ ဘာသာပေါင်းစုံချစ်ကြည်ရေးအသင်းတွေက အတက်နိုင်ဆုံး ထိန်းနေတယ်လို့ မြင်ပါတယ်။ သို့သော် အဲဒီမှာလည်း သမ္မတ ဦးသိန်းစိန်ကိုယ်တိုင်ပြောခဲ့သလို နောက်ကွယ်က လက်မည်းကြီးတွေကတော့ ရှိနေဆဲပဲပေါ့။ အဲဒီလက်မည်းကြီးတွေ ဘယ်လောက်အတိုင်းအတာထိ လုပ်နေမလဲ၊ သူတို့ကို ဘယ်လောက်အတိုင်းအတာအထိ တားနိုင်မလဲဆိုတာကတော့ အထူးဖြင့် ဥပဒေစိုးမိုးရေးအပေါ်မှာ မူတည်မယ်။ ဥပဒေကလည်း ကွက်ကြားမိုးရွာလို့မဖြစ်ဘူး။ ကျောသားရင်သားမခွဲခြားပဲ ဘယ်ဘာသာဝင်မဆို၊ ဘယ်လိုလူမျိုးမဆို ဥပဒေတစ်စုံတစ်ရာကို ဖောက်ဖျက်လာရင် အရေး ယူဖို့လိုအပ်တယ်။ ဒါကိုသာ ထိထိရောက်ရောက် လုပ်လာနိုင်ရင် ဒီပြဿနာတွေ ပျောက်သွားမယ်လို့ ထင်တယ်။

    မေး – ဥပဒေစိုးမိုးရေး ဆိုတာကို NLD က မကြာခဏ ပြောတဲ့အတွက် သူတို့ ရွေးကောက်ပွဲအနိုင်ရလို့ အစိုးရဖွဲ့နိုင်မယ်ဆိုရင် တကယ်ရော ဥပဒေစိုးမိုးရေး ဆောင်ရွက်နိုင်မယ် ထင်သလား။
    ဖြေ – အခုလက်ရှိ အနေအထားထက်တော့ အများကြီးသာမယ်လို့ ယူဆတယ်။ ဘာဖြစ်လို့လဲဆိုတော့ သူတို့သည် နိုင်ငံတကာ အမြင်တွေ၊ အတွေ့အကြုံတွေ ရှိတယ်။   သူတို့ကိုယ်တိုင် နှစ်ပေါင်းများစွာနဲ့ ရာဇသတ်ကြီးဥပဒေမှာပါတဲ့ ထောင်ဒဏ်တွေ အားလုံးပေါင်းရင်တောင်မှ မရှိတဲ့ပုဒ်မမျိုးတွေနဲ့ အကျဉ်းချခံရတာတွေ ဖြစ်ခဲ့တယ်ဆိုတော့ ဥပဒေစိုးမိုးရေကို သူတို့သေသေချာချာ လုပ်လိမ့်မယ်လို့တော့ မျှော်လင့်တယ်။

    မေး –  NLD မနိုင်ဘဲ အာဏာရပါတီ အနိုင်ရသွားရင်   ဘာတွေဖြစ်လာနိုင်သလဲ။
    ဖြေ – မကျေနပ်တာတို့ ဘာတို့က တစ်ကဏ္ဍထားပေါ့။ ဒီပုဂ္ဂိုလ်တွေပဲ ပြန်ရမယ်ဆိုရင်လည်း ပြီးခဲ့တဲ့ သက်တမ်း ၅ နှစ်ထက်တော့ နည်းနည်းလေး  တိုးတက်လာမယ်လို့ ယူဆတယ်။ ဘာ့ကြောင့်လဲဆိုတော့ သူတို့ရဲ့ အားသာချက်၊ အားနည်းချက်တွေကို သူတို့ကိုယ်တိုင် သိထားတယ်။  အဲဒီဟာတွေ ပြုပြင်ဖို့ သူတို့မှာတာဝန်ရှိတယ်၊ သူတို့သာ ဒါမလုပ်ရင်တော့ သူတို့ကျဆုံးသွားမှာပဲ။ ဘယ်လိုကဏ္ဍတွေလဲဆိုတော့ ဥပဒေစိုးမိုးရေးတို့၊ (ဆန္ဒပြ)ကျောင်းသားပြဿနာ၊   ပြည်သူကနေ သိပ်ဘဝင်မကျတဲ့ ဥပဒေတွေပြဋ္ဌာန်းတာတို့ကို သင်ခန်းစာယူပြီးတော့ ပြင်သင့်တာ ပြင်၊ ပြောင်းသင့်တာပြောင်း၊ အသစ်ပြဋ္ဌာန်းသင့်တာပြဋ္ဌာန်း ဒါမျိုးတွေ လုပ်လာလိမ့်မယ်လို့တော့ မျှော်လင့်တယ်။

    မေး – ၂ဝ၁၅ အလွန်မှာ ဘယ်သူ သမ္မတဖြစ်သင့်တယ်လို့ ယူဆသလဲ။
    ဖြေ –  ဒေါ်အောင်ဆန်းစုကြည်ကို ဖြစ်စေချင်တယ်။ ဥပဒေအရတော့ သူက အတားဆီးခံနေရတယ်။ ကျန်တဲ့ပုဂ္ဂိုလ်တွေ အားလုံးထဲမှာ ဦးရွှေမန်းကို ပိုပြီးသဘောကျတယ်။ ဘာ့ကြောင့်ဆိုတော့ သူက ပျော့ပြောင်းမှုရှိတယ်၊ လွှတ်တော်ဥက္ကဋ္ဌ  သက်တမ်းတလျှောက်မှာ လွှတ်တော်ကိုယ်စားလှယ်တွေကို သူနားလည်မှုရှိတယ်။ ဝိုင်းဝန်းကူညီပေးတယ်။ ပြည်သူတွေရဲ့ ဆန္ဒကို လုပ်နိုင်တာ၊ မလုပ်နိုင်တာထားတော့၊ တကယ်နားထောင်တာလေးတွေ၊  နောက်ပြီးတော့ အတိုက်အခံအင်အားစုတွေကို  မိတ်ဘက်ပုံစံမျိုး ပူးပေါင်းဆောင်ရွက်လာတွေကို မြင်လာရတယ်။

    မေး –  သူက ပြည်ခိုင်ဖြိုးပါတီခေါင်းဆောင်ပိုင်းမှာ မရှိတော့ဘူးဆိုတော့ ပြည်ခိုင်ဖြိုးအမတ်တွေက သူ့ကို သမ္မတအဖြစ် ရွေးပါ့မလား။
    ဖြေ – အဲဒါကတော့ သူတို့ပါတီတွင်း ပြဿနာပေါ့။ ပြည်သူရဲ့ ကိုယ်စားလှယ်တွေနဲ့ နားလည်မှုရှိရှိပေါင်းတယ်၊  အထူးသဖြင့် ဒေါ်အောင်ဆန်းစုကြည်နဲ့ ပေါင်းတယ်။ ဒီကိစ္စတွေကြောင့်   မပေါင်းစေချင်တဲ့အုပ်စုတွေက မကျေမနပ်ဖြစ်တယ်လို့တော့ ကြားမိတယ်။ အဲဒီအတွင်းရေး ပြဿနာတွေကတော့ သူတို့ပဲသိမှာပေါ့။ ဒီဟာကို ကြည့်ခြင်းအားဖြင့် ပြည်သူ့ဆန္ဒသက်သက် အကောင်အထည်ဖော်မှာကို မလိုလားတဲ့အုပ်စုတွေက အခုထက်ထိ အင်အားကောင်းဆဲပဲလို့တော့ ယူဆတယ်။

    မေး –    အင်အားကောင်းလာတဲ့ မဘသအဖွဲ့အပေါ်မှာရော ဘယ်လိုမြင်လဲ။
    ဖြေ –  အားလုံး လွတ်လပ်စွာကိုးကွယ်ခွင့်၊  ယုံကြည်ခွင့် ရှိသင့်တယ်။ ကိုယ့်ဘာသာအတွက် ကိုယ့်နိုင်ငံမှာရှိတဲ့ တခြားဘာသာဝင်တွေကို တိုက်ခိုက်တာမျိုးတော့ မဖြစ်စေချင်ဘူး။ မြန်မာနိုင်ငံမှာရှိတဲ့ အစ္စလာမ်တွေသည် ငြိမ်းချမ်းစွာနေတတ်ပါတယ်၊  အင်မတန်ကြောက်တတ်ပါတယ်၊    ဥပဒေတွေ၊ အင်အားကြီးတွေကို လေးစားတတ်ပါတယ်။  အဲဒါကိုတော့ နားလည်စေချင်တယ်။ ကိုယ့်ဘာသာကို ကိုယ်စောင့်ရှောက်တာ ကောင်းပါတယ်။ ကိုယ့်ဘာသာကို စောင့်ရှောက်ခြင်းသည် တခြားဘာသာကို တိုက်ခိုက်ခြင်းမဖြစ်စေချင်ဘူး။

    မေး –   NLD ကို  လူထုအားပေးမှု အများဆုံး ဖြစ်နေတယ် ဆိုတော့  ဦးရန်နိုင်က ရွေးကောက်ပွဲနိုင်ချေ ရှိမယ် ထင်သလား။
    ဖြေ – ကျွန်တော့်မဲဆန္ဒနယ်မှာ ကျွန်တော်နဲ့ ဘာသာတူ မဲဆန္ဒရှင်တွေ ၄ဝ ရာခိုင်နှုန်း လောက်ရှိတယ်။ ကျွန်တော့်မဲဆန္ဒနယ်မှာ ပြည်သူ့လွှတ်တော်မှာ ပြိုင်ကြမှာက ၁ဝ ယောက်ရှိတော့ မဲကွဲမယ့် အနေအထားလည်း တွေ့ရတယ်။   ကျွန်တော့် ဘာသာတူတွေ တလုံးတခဲထဲ ကျွန်တော့်ကိုပေးခဲ့ရင်တော့ ကျွန်တော် အနိုင်ရနိုင်မယ်လို့ ထင်တယ်။ အခု နောက်ဆုံးမှာ NLD က အစ္စလာမ် ဘာသာဝင်ကိုယ်စားလှယ်တွေကို ပယ်လိုက်တဲ့အခါ ကျွန်တော်တို့ဘာသာဝင်တွေက တော်တော်လေး စိတ်မကောင်းဖြစ်ကြတယ်။ အဲဒီတော့ ကိုယ့်ဘာသာတူ ကိုယ်စားလှယ်လောင်းတွေ ပေါ်လာတာကို အားပေးနိုင်တဲ့ အလားအလာတွေ တွေ့နေရတယ်။

    မေး –  ရွေးကောက်ပွဲကရော လွတ်လပ်မျှတနိုင်မလား။
    ဖြေ –  မဲစာရင်းမမှန်တာတွေ့ရတယ်။ အဲဒီတော့ နည်းနည်းစိုးရိမ်စရာလေးတွေတော့ ရှိတယ်ဗျ။  ဒီဟာနဲ့ ဝှက်ဖဲတချပ်ထားတယ်လို့ ယူဆတယ်။ အခု ကြိုတင်မဲတချို့မှာ မဲမသမာမှုတွေ  ဖြစ်လာတယ် လို့တော့ ကြားမိတယ်။   ဝန်ထမ်းတွေကို ဖိအားပေးတာတို့လည်း ကြားရတယ်။ နောက် … ပယ်မဲ။ ပညာပေးရေး အစီအစဉ်တွေကလည်း အားနည်းတော့  ပယ်မဲကလည်း တော်တော်လေးတော့ စိုးရိမ်စရာရှိတယ်။     ။

    ဆက်စပ် ဆောင်းပါးများ ဖတ်ရန်

    သင်္ဃန်းကျွန်း ပြည်သူ့လွှတ်တော် အမတ် အောင်နိုင်ရေး အဆုံးအဖြတ်ကို ဘယ်သူပေးမလဲ
    http://www.m-mediagroup.com/news/47716
    စစ်ကျန် ဒီမိုကရေစီကနေ စစ်မှန်တဲ့ ဒီမိုကရေစီ ရဖို့ ရွေးကောက်ပွဲဝင်မယ့် အမတ်လောင်း ဦးရန်နိုင်
    http://www.m-mediagroup.com/news/46444

  • လူနည်းစုထဲက တယောက်လောက် လုပ်ပိုင်ခွင့် ပြန်ရချင်လို့ ရွေးကောက်ပွဲ ဝင်တာ (ဦးဆန်းတင်ကျော်)

    လူနည်းစုထဲက တယောက်လောက် လုပ်ပိုင်ခွင့် ပြန်ရချင်လို့ ရွေးကောက်ပွဲ ဝင်တာ (ဦးဆန်းတင်ကျော်)

    အောက်တိုဘာ ၁၅ ၊ ၂၀၁၅
    M-Media
    မိုးစက် တွေ့ဆုံမေးမြန်းသည်။

    2
    လွတ်လပ်ရေးမော်ကွန်းဝင် ဒုတိယအဆင့်  ၊နိုင်ငံဂုဏ်ရည်(ဒု) အဆင့်၊အတ္ထုပ္ပတ္တိစာပေဆုရှင် ၊သက်ကြီးကန်တော့ခံ စာပေပညာရှင်  ၀မ်းအိုဝမ်း ဦးကျော်ဝင်းမောင်၏ သားဖြစ်သူ၊  ရှစ်လေးလုံးဒီမိုကရေစီ အရေးတော်ပုံကြီး ပါဝင်ခဲ့သူ တစ်ဦးဖြစ်ပြီး၂၀၁၅ ရွေးကောက် ပွဲတွင် မင်္ဂလာတောင်ညွှန့် မဲဆန္ဒနယ်မှ ဝင်ရောက် ယှဉ်ပြိုင်မည့်သူ တစ်ဦးဖြစ်သည့် အမျိုးသား ညီညွတ်ရေး ကွန်ဂရက်ပါတီ (UNC) မှ ပြည်သူ့လွှတ်တော် ကိုယ်စားလှယ် ဦးဆန်းတင်ကျော်နှင့် တွေ့ဆုံးမေးမြန်းထားပါသည်။

    M-Media။    ။  ဦးဆန်းတင့်ကျော် ရွေးကောက်ပွဲ ဝင်ဖို့ ဘာကြောင့်ဆုံးဖြတ်ခဲ့ရတာလဲ သိရပါရစေ။
    ဖြေ။    ။ ကျွန်တော်တို့ အစ္စလာမ်ဘာသာဝင်တွေဟာ ခေတ်အဆက်ဆက် တိုင်းပြည်အပေါ်မှာ အလုပ်ကျွေး တာဝန်ထမ်းဆောင်ခွင့်ရခဲ့တာ ခေတ်အဆက်ဆက်ပါပဲ။ ဗိုလ်နေဝင်း လက်ထက်နောက်ပိုင်း ကျွန်တော်တို့ အခန်းကဏ္ဍကို ရုတ်သိမ်းရင်း အပြင်ရောက်ခဲ့ရတယ်။ ဒီအခွင့်အရေးကိုလည်း ပြန်ယူချင်တယ်။ အာဏာယူဖို့ မဟုတ်ဘူး၊ နေရာယူဖို့မဟုတ်ဘူး။ တိုင်းပြည်အပေါ်မှာ  ပြည်သူအပေါ်မှာ အလုပ်ကျွေးပြုစုခွင့်ကို လိုချင်တာ။ အဖိနှိပ်ခံထားရတဲ့ လူနည်းစုတွေက တစ်ယောက်က လုပ်ပိုင်ခွင့်တွေကိုပြန် ရချင်လို့။ လုပ်ပိုင်ခွင့်ဆိုတာလည်း အာဏာမဟုတ်ဘူး။ အလုပ်ကျွေးပြုစုချင်တာ။

    M-Media။    ။ ကိုယ်စားလှယ်လောင်းယှဉ်ပြိုင်မှုအနေနဲ့ ဘာကြောင့် မင်္ဂလာတောင်ညွှန့်ကို ရွေးချယ်ခဲ့တာလဲ။
    ဖြေ။    ။ အစကတော့ ကိုယ့်မွေးဇာတိရပ်ကွက်ဖြစ်တဲ့ ပန်းဘဲတန်းကို ရွေးမလို့ပဲ။ ဒါပေမယ့် တောင်ညွှန့်ကိုလာကြည့်လိုက်တော့ ဒီမှာက ဘာသာတရားတိုင်းက လူတွေက စည်းလုံးညီညွတ်စွာနဲ့ နေထိုင်ကြပြီး တစ်ဦးနှင့်တစ်ဦး အပြန်အလှန် တန်ဖိုးထားတာတွေတွေ့တယ်။ သူငယ်ချင်းတွေကလည်း တိုက်တွန်းတော့ ဒီမှာ ဝင်ပြိုင်ဖြစ်တာပါ။

    M-Media။    ။ မဲဆွယ်စည်းရုံးမှုတွေရော စတင်လုပ်ဆောင်နေပြီလား။
    ဖြေ။    ။ ဟုတ်ကဲ့။ လုပ်နေပါပြီ။ လက်ကမ်းစာစောင်တွေဝေတာ ကျွန်တော်က ဒီရပ်ကွက်မှာ လူသိပ် မသိတော့ ကိုယ့်ကို လူသိအောင် မိတ်ဆက်တာမျိုးတွေတော့ လိုက်လုပ်နေပါတယ်။ ရပ်မိရပ်ဖတွေဆီ သွားရောက်ပြီး သူတို့နဲ့တွေ့ဆုံတာမျိုးတွေ လုပ်ပါတယ်။

    M-Media။    ။ ရွေးကောက်ပွဲ မှာ ရွေးခံရရင် ဒီမြို့နယ်က မဲဆန္ဒရှင်တွေအပေါ်မှာရော ဘာတွေလုပ်ဆောင်ပေးဖို့ရှိလဲ။
    ဖြေ။    ။ လုပ်ပေးချင်တာတွေက အများကြီးရှိတာပေါ့။ အဓိကကတော့ ပညာရေးနဲ့ ကျန်းမာရေးကိုပဲ ဦးစားပေးလုပ်ဆောင်ဖြစ်မယ်။ ကလေးသူငယ်တွေရဲ့ ပညာရေးနဲ့ပတ်သက်ပြီးတော့ မဖြစ်မနေ လုပ်ပေးချင်တယ်။ ဘဝရှင်သန် ရပ်တည်ဖို့အတွက် ကျန်းမာရေးကလည်း မဖြစ်မနေ လိုအပ်တာပါပဲ။ ကျန်းမာရေးကိုလည်း အလေးထား ဆောင်ရွက်သွားမယ်။

    M-Media။    ။ လွှတ်တော်ထဲ ရောက်သွားရင် တနိုင်ငံလုံးနဲ့ ဆိုင်တဲ့ကိစ္စတွေ ဘာတွေကိုလုပ်ဆောင်သွားမလဲ။
    ဖြေ။    ။ အရင်ဆုံး လုပ်ရမှာကတော့ တစ်ဖက်စောင်းနင်းရေးဆွဲထားတဲ့ ဖွဲ့စည်းပုံပေါ့။ အဲဒါကို ပထမဆုံး ပြင်ရမယ်။ တရားမျှတမှုမရှိတဲ့ ဖွဲ့စည်းပုံ လို့ပဲထင်တယ်။ ပြည်သူကိုအကျိုး မပြုတဲ့ဥပဒေဖြစ်တဲ့ အတွက် တစ်ယောက်တည်းဆန္ဒအရဆိုရင် အသစ်ပြန်ရေး ဆွဲသင့်တယ်လို့ပဲမြင်တယ်။

    M-Media။    ။ သမ္မတလောင်း ရွေးချယ်ခွင့်ရှိမယ်ဆိုရင်ရော ဘယ်လို လူမျိုးကို ရွေးချယ်မလဲ။
    ဖြေ။    ။ တိုင်းပြည်အပေါ်မှာ တကယ်ချစ်မြတ်နိုးပြီး တကယ်ကိုယ်ကျိုးစွန့် အနစ်နာခံမယ့် အတိတ်မှာရော လက်ရှိမှာရော အနာဂတ်မှာပါ ကိုယ်ကျိုးစွန့်နိုင်မယ့် ခေါင်းဆောင်မျိုးကို ရွေးချယ်ရမှာပေါ့။

    M-Media။    ။ စိန်ခေါ်မှုတွေရော ရှိလာနိုင်မယ်ထင်လား။
    ဖြေ။    ။ စိန်ခေါ်မှုတွေကိုလည်း မကြောက်ပါဘူး။ ရှိလာခဲ့ရင်လည်း အားလုံးကို အပြုံးနဲ့ပဲ ဖြေရှင်းမှာပါ။

    M-Media။    ။ အားနည်ချက်၊ အားသာချက်ရော ဘာတွေများရှိမယ်ထင်သလဲ။
    ဖြေ။    ။ အခြားပါတီကြီးတွေထက်စာရင် ကျွန်တော်တို့ပါတီက ပါတီသေးတော့ ငွေကို သုံးချင်တိုင်းသုံးလို့ မရဘူး။ နောက်ပါတီက အစ္စလာမ် ဘာသာဝင်အများစုနဲ့ ဖွဲ့စည်းထားတဲ့ ပါတီဆိုတော့ ဘေး အနှောက့်အယှက်တွေရှိလာမှာကို ကြောက်ရတယ် အမြဲစဉ်းစား ဆင်ခြင်နေရတယ်။ ဒါတွေက အားနည်းချက်တွေပေါ့။ နောက်အားသာချက်က ဒီရပ်ကွက်ကပြည်သူလူထုက အခြားနဲ့ မတူဘူး။ သူတို့ ကုန်ပစ္စည်းနှစ်ခုကို မြည်းစမ်းပြီးပြီ။ သူတို့သိသွားတာက သူတို့သိပ် သဘောမတွေ့ဘူး။ အဲတော့ သူတို့အသစ်ကိုမျှော်ကြမှာပဲ အဲဒီအချိန်မှာကျွန်တော်က ဒီရောက်လာတာ ကျွန်တော့်အားသာချက်လို့မြင်တယ်။

    M-Media။    ။ ပါတီကြီးနှစ်ခုကိုရော ယှဉ်နိုင်မယ်လို့ ယုံကြည်လား။
    ဖြေ။    ။ ကျွန်တော့်ရဲ့ စိတ်ဆန္ဒ အရတော့ စွဲစွဲမြဲမြဲ ယှဉ်နိုင်မယ်လို့ကို ယုံကြည်တယ်။ ၁၄ နှစ်သားလောက်ကတည်းက မမျှတဘူးလို့ ထင်တာတွေကို တိုင်းပြည်မှာ တော်လှန်လာခဲ့တယ်။ ကိုယ့်ကိုကိုယ်လည်း ပြန်မေးတယ်။ တိုင်းပြည်အပေါ်ဘယ်လောက်ချစ်လဲလို့။ ကိုယ့်လိပ်ပြာကိုယ်သန့်တယ်။ တိုင်းပြည်ချစ်စိတ်ကိုတော့ အားလုံးနဲ့ ပြတ်ပြတ်သားသား ယှဉ်ရဲပါတယ်။

    M-Media။    ။ ရွေးကောက်ပွဲနဲ့ပတ်သက်ပြီး ပြည်သူလူထု စိတ်ဝင်စားမှုကရော ဘယ်လောက် အတိုင်းအတာရှိတယ်ထင်လဲ။
    ဖြေ။    ။ ပြည်သူလူထုက အံ့သြဖို့ကောင်းပါတယ်။ ဟိုးအရင် အစဆိုတဲ့ အချိန်ကစရင် ခုဆိုရင်တော့ ၆၀% ၇၀% လောက် စိတ်ဝင်စားလာကြပါတယ်။

    M-Media။    ။ ရွေးကောက်ပွဲကိုရော ဘယ်လောက်အတိုင်းအတာထိ ယုံကြည်မှုရှိပါသလဲ။
    သူတို့ကတော့ လွယ်လင့်တကူ အရှုံးပေးမယ်လို့ မထင်ပါဘူး။ ဖြေ။    ။ ရွေးကောက်ပွဲတရားမျှတလား မမျှတလားဆိုတာ ခုပဲ ကိုးကိုးကျွန်းဖြစ်ရပ်ကိုကြည့်ရင် သိနိုင်တယ်။ NLD ကအမတ်တွေကို အကြောင်း အမျိုးမျိုးပြပြီး သွားရောက်မဲဆွယ်ခွင့်မပေးသေးဘူး။

    M-Media။    ။ နိုင်ငံရေးမျှော်မှန်းချက်တွေကရော ဘာတွေရှိသလဲ။
    ဖြေ။    ။ တိုင်းပြည်အနာဂတ်နဲ့ ပတ်သက်ပြီး ၈၈ နောက်ပိုင်း တောခိုသွားတဲ့ အချိန်ကစပြီး ငါတို့တိုင်းပြည်ဟာ ဘာကြောင့်ဒီလောက် နိမ့်ကျနေရတာလဲဆိုပြီး မခံချင်စိတ်တွေ အမြဲရှိတယ်။ ခုတိုင်းပြည်မှာ တော်တော်များများဟာ ကမ္ဘာပတ်ပြီး ကျွန်ခံနေရတယ်။ ငါတို့နိုင်ငံကို သူများ တိုင်းပြည်တွေထက် သာရမယ်ဆိုတဲ့ စိတ်ကရှိတယ်။ တိုင်းသူပြည်သားတွေဟာ စစ်တပ် အုပ်ချုပ်မှုနဲ့ မဟာလူမျိုးကြီးဝါဒမှာ ပြားပြားဝပ်ခံခဲ့ရတာ။ အုပ်ချုပ်ရေးပိုင်းကစပြီးတော့ ခွဲဝေအုပ်ချုပ်တာ ပညာရေး၊ ကျန်းမာရေး၊တရားစီရင်ရေး စတာတွေကိုတော့ တိုင်းရင်းသား ဒေသတွေကိုပါ ခွဲဝေပေးမယ်ဆိုရင် အောင်မြင်တဲ့ ဖက်ဒရယ်ပြည်ထောင်စုကို တည်ဆောက်နိုင်မှာပါ။ အဲ့လိုဖြစ်လာမှသာ တိုင်းပြည်က ကမ္ဘာအလယ်မှာ တင့်တယ်တဲ့ တိုင်းပြည်တစ်ခုဖြစ်လာမှာ။ အဲ့လောက်ထိ တိုင်းပြည်ကိုဖြစ်စေချင်တယ်။

    M-Media။    ။ နိုင်ငံရေးဖြတ်သန်းမှုကိုလည်း ပြောပြပေးပါဦး။
    ဖြေ။    ။ ၁၄ နှစ်သားအရွယ်က လမ်းစဉ်လူငယ်ဥက္ကဌနှင့် ပါတီယူနစ်တို့၏မတရားသော လုပ်ရပ်အပေါ်ဆန့်ကျင်ခဲ့လို့ ရုံးရှိတဲ့ ရွှေဘုံသာလမ်းကို (၁)လတိတိ ဖြတ်မလျှောက်ရန် အမိန့်ထုတ်ပြန်ခံရတယ်။
    ၁၈.၃.၁၉၈၈ မှ စပြီး နိုင်ငံရေး လှုပ်ရှားမှုတွေမှာ တစ်ကိုယ်တော် ပါဝင်ခဲ့တယ်။ ရှစ်လေးလုံး ဒီမိုကရေစီ အရေးတော်ပုံကို ကျွန်တော်တို့ သူငယ်ချင်း နှစ်ယောက်ကနေ စတင်ခဲ့တာ ဖြစ်တယ်။ ၇လပိုင်း ၁၉၈၉ မှာတော့ မြေအောက်လှုပ်ရှားမှုတွေ ဆက်လုပ်နေတယ်။ ထပ်ဖမ်းခံရတယ်။ ၄.၃.၁၉၉၀ ရက်နေ့တွင် ထိုင်းနိုင်ငံနယ်စပ်သို့ ထွက်ပြေး တိမ်းရှောင်ခဲ့ရတယ်။၁၉၉၉ နှစ်ကုန်ပိုင်းမှာ ရန်ကုန်ကို ပြန်ရောက်လာတယ်။ ၂၀၀၉ စက်တင်ဘာလမှာ မေတ္တာ Campaign ကိုစတင်တည်ထောင်ခဲ့တယ်။

    M-Media။    ။ အခုလိုဖြေကြားပးတဲ့အတွက် ကျေးဇူးတင်ပါတယ်။
    ဖြေ။    ။ ဟုတ်ကဲ့။ ကျွန်တော်ကလည်း ကျေးဇူးတင်ပါတယ်။

    1

  • “တက်လာမယ့် သမ္မတက အရပ်သားထဲကပဲ ဖြစ်သင့်ပါတယ်” (ကမန်အမျိုးသား တိုးတက်ရေးပါတီ ဒုဥက္ကဋ္ဌ ဦးလှတိုး)

    ကမန်အမျိုးသားတိုးတက်ရေးပါတီ  ဒုဥက္ကဋ္ဌ ဦးလှတိုး နှင့် အင်တာဗျူး
    U Hla Toe

    အိချယ်ရီအောင်/Myanmar Now
    အောက်တိုဘာ ၁၄ ၊ ၂၀၁၅
    .
    ကမန်အမျိုးသားတိုးတက်ရေးပါတီ  ဒုဥက္ကဋ္ဌ ဦးလှတိုးသည် နိုဝင်ဘာ ၈ ရွေးကောက်ပွဲတွင် ရန်ကုန်၊  မင်္ဂလာတောင်ညွှန့်မြို့နယ် ပြည်သူ့လွှတ်တော် မဲဆန္ဒနယ်မှ ဝင်ရောက်ယှဉ်ပြိုင်မည့်သူဖြစ်သည်။ ပါတီသည် ကမန်လူမျိုးများတည်ရှိရာ ရခိုင်ပြည်နယ်တွင်သာ လှုပ်ရှားမှုပိုမိုများပြားသည့် ပါတီငယ်တစ်ခု ဖြစ်သည်။ မကြာသေးခင်က Myanmar Now နှင့် ရန်ကုန်တွင် တွေ့ဆုံစဉ် အသက် ၅၆ နှစ် ရှိပြီဖြစ်သည့်  ကျောင်းဆရာဟောင်းဦးလှတိုးက မဲဆန္ဒနယ်မြေ ရွေးချယ်မှု၊ ပါတီ၏ မဲဆွယ်စည်းရုံးမှု၊  ရွေးကောက်ပွဲပြီးကာလ ဖြစ်နိုင်ချေများ၊ ၂ဝ၁၅ အလွန် သမ္မတ စသည့် အကြောင်းအရာများကို ပြောပြခဲ့သည်။ သတင်းထောက် အိချယ်ရီအောင်က တွေ့ဆုံမေးမြန်းထားခြင်းဖြစ်သည်။
    .
    မေး –  ကမန်အမျိုးသားတိုးတက်ရေးပါတီကို မတည်ထောင်ခင်တုန်းက ဦးလှတိုး ဘယ်ပါတီမှာ လှုပ်ရှားခဲ့သလဲ။ ဖြေ –  အရင်တုန်းက ပညာရေးဝန်ထမ်း ကျောင်းဆရာဖြစ်တဲ့ အတွက် ဘယ်ပါတီဝင်မှမဟုတ်ပါဘူး။ တာမွေ အ.ထ.က ၅ မှာ အထက်တန်းကျောင်းသားတွေကို နောက်ဆုံးစာသင်ခဲ့ပါတယ်။ ၁၉၈ဝ တုန်းကစပြီး ကျောင်းဆရာ စလုပ်တာပဲ။ ၁၉၉၅ မှာတော့ ကျောင်းဆရာ အလုပ်က နှုတ်ထွက်ပြီး ၂ဝ၁ဝ မှာ ပါတီကို တည်ထောင်ခဲ့တာပါ။ ဝန်ထမ်းဘဝကတည်းက နိုင်ငံရေးကို စိတ်ဝင်စားခဲ့တာပါ။ ဒါကြောင့် ပါတီတည်ထောင်ဖြစ်တာပါ။ အခုတော့ တခြား ဘာစီးပွားရေးမှ မလုပ်ပါဘူး။
    .
    မေး –  ပါတီက ဘယ်ဒေသတွေမှာ ဝင်ပြိုင်မှာလဲ။
    ဖြေ –  ရခိုင်ပြည်နယ်မှာ ၂ ယောက်၊  ရန်ကုန်တိုင်းဒေသကြီးမှာ ၂ ယောက် ဝင်ပြိုင်မှာပါ။ ၄ ယောက်လုံးက အမျိုးသားတွေပါပဲ။
    .
    မေး –  အမျိုးသမီးလွှတ်တော်ကိုယ်စားလှယ်လောင်း ဘာကြောင့် ဝင်ရောက်မယှဉ်ပြိုင်တာပါလဲ။
    ဖြေ –  ဗဟိုကောက်မတီဝင် စုစုပေါင်း ၁၅ ဦးမှာ အမျိုးသမီး ၃ ဦး ပါပါတယ်။ ကျွန်တော်တို့က သူတို့ကို ရွေးကောက်ပွဲဝင်ဖို့တိုက်တွန်းခဲ့ပေမဲ့ အကြောင်းအမျိုးမျိုးကြောင့် မဝင်ဖြစ်ခဲ့တာပါ။ ဒါကြောင့် ကျွန်တော်တို့ ၄ ယောက်ပဲ ဝင်လိုက်ရတာပါ။
    .
    မေး –  ပါတီက ဘယ်ဒေသတွေမှာ အားကောင်းသလဲ။
    ဖြေ –  ရခိုင်ပြည်နယ်ပါ။ အဲမှာက ကမန်လူမျိုးအများစုရှိတယ်လေ။
    .
    မေး –  ပါတီက ရခိုင်ပြည်နယ်မှာ အားကောင်းတယ်ဆိုပြီး အခုကျတော့ ကမန်လူမျိုးစုနည်းပါးတဲ့ မင်္ဂလာတောင်ညွှန့်မြို့နယ်ကို ရွေးချယ်ခဲ့တာ ဘာကြောင့်လဲ။
    ဖြေ – ၂ဝ၁ဝ တုန်းက ရခိုင်မှာ ဝင်ရောက်ယှဉ်ပြိုင်ခဲ့ပေမဲ့လည်း အနိုင်မရရှိခဲ့ပါဘူး။ ဘာကြောင့်လဲဆိုတော့ အဲဒီမှာက ကမန်လူဦးရေက ရခိုင်လူဦးရေလောက် သိပ်မများတဲ့အတွက်ကြောင့်ပါ။ ရခိုင်ပြည်နယ်မှာက လူမျိုးရေးခွဲခြားတာတွေရှိမယ်။ ရန်ကုန်မှာက လူမျိုးရေးခွဲခြားတယ်ဆိုတာ မရှိဘူး။ ကိုယ်ကိုယ်တိုင်ကလည်း မင်္ဂလာတောင်ညွှန့်မှာ နေတဲ့အတွက် ဒီမှာပဲပြိုင်ဖို့ဆုံးဖြတ်ခဲ့တာပါ။ ပါတီကလည်း တစ်နိုင်ငံလုံးကို စည်းရုံးမှာဖြစ်တဲ့အတွက် ရန်ကုန်မှာပြိုင်ဖြစ်တဲ့သဘောပါ။ လွှတ်တော်ထဲနေရာရရင်လည်း ကိုယ့်လူမျိုး ကိုယ့်ပြည်နယ်ကိစ္စကို ဦးစားပေးပြီးလုပ်ဆောင်သွားမှာပါ။ ကိုယ်နိုင်ငံကိစ္စတွေ လုပ်သွားမှာပါ။ လွှတ်တော်မှာပြောတဲ့စကားနဲ့အပြင်မှာပြောတဲ့စကား သိပ်မတူဘူးလေ။ လွှတ်တော်ပြင်ပက သမ္မတကိုပဲ စာလှမ်းရေးပြီးပြောပြော၊  ဝန်ကြီးကိုပဲ စာလှမ်းရေးပြီးပြောပြော ဘာမှ ထူးခြားမလာဘူး။ မရွေ့ဘူး။ ဒါကြောင့် ပါတီအနေနဲ့ရွေးကောက်ပွဲဝင်ဖို့ဆုံးဖြတ်ခဲ့တာပါ။
    .
    မေး –  မဲဆွယ်စည်းရုံးရေးကာလက  အများကြီး မရှိပါဘူး။ မဲဆွယ်ခွင့်ရတဲ့ကာလ အစောပိုင်းမှာ ပါတီက မဲမဆွယ်သေးတာ ဘာကြောင့်လဲ။
    ဖြေ – အောက်တိုဘာ ပထမ ပတ်လောက်မှာတော့ စည်းရုံးရေးလုပ်ပါမယ်။ နိုင်ငံရေးပါတီဆိုပေမဲ့  လူအင်အား သိပ်မရှိသလို ငွေအင်အားလည်း သိပ်မရှိပါဘူး။ တခြားပါတီရဲ့ လူ၊  ငွေ သုံးနိုင်မှုကိုလည်း မယှဉ်နိုင်ပါဘူး။ ၁ဝ လပိုင်းအတွင်းမှာ တစ်ပတ်ကို တစ်ကြိမ်လောက်တော့ စည်းရုံးရေးလုပ်ဖို့ရည်ရွယ်ထားပါတယ်။
    .
    မေး –  ပြည်သူအများစုက ပါတီကြီး နှစ်ခုကိုပဲ သိတဲ့သဘောရှိတယ်။  ကမန်ပါတီက ကိုယ့်ကို အများ သိရှိပြီး စိတ်ဝင်စားလာအောင် ဘယ်လိုမဲဆွယ်မလဲ။
    ဖြေ –  ကျွန်တော်တို့ပါတီကို မေ့သွားမှာစိုးလို့ ရွေးကောက်ပွဲနီးမှ စည်းရုံးရေးလုပ်တာပါ။   ပါတီကြီးတွေကတော့ လူလည်းရှိတယ်၊ ငွေလည်းရှိတယ်ဆိုတော့ လုပ်ချင်တာ လုပ်လို့ရတယ်။ အဲဒီပါတီတွေ နည်းနည်းငြိမ်မယ့် အချိန်မှာ ကိုယ့်ပါတီက စည်းရုံးရေးထလုပ်မယ်။
    .
    မေး –  ရက်အနည်းငယ်အတွင်းမှာ ကိုယ့်ပါတီကို လူသိအောင် ဘယ်လိုလုပ်မလဲ။
    ဖြေ –  ပြည်သူလူထုရဲ့ အခက်အခဲတွေကို လွှတ်တော်မှာ ဖြေရှင်းလို့ရအောင် တောင်းဆိုပေးသွားမယ်။ လမ်းမကောင်းတာတွေ ပြင်ဖို့အတွက်၊  လျှပ်စစ်မီးမရတာ၊  ရေမရတာ စတာတွေ အားလုံးရရှိအောင် လွှတ်တော်မှာ တောင်းဆိုပေးသွားမယ်ဆိုပြီး အဲဒီအချက်တွေပေါ်မှာ အခြေခံပြီး စည်းရုံးရေးလုပ်မှာပါ။ လွှတ်တော်ကိုယ်စားလှယ်ဆိုတာက လုပ်ပေးလို့ရတာ မဟုတ်ဘူး၊  အစိုးရကိုတောင်းဆိုလို့ပဲ ရပါတယ်။ ဒါကြောင့် လွှတ်တော်ထဲရောက်ခဲ့မယ်ဆိုရင် အဲဒီအချက်တွေကို တောင်းဆိုသွားမှာပါ။
    .
    မေး – ရွေးကောက်ပွဲနေ့မှာ ပါတီရဲ့ မဲရုံကိုယ်စားလှယ်တွေက ဘယ်ဒေသတွေမှာ ရှိမလဲ။
    ဖြေ –  မင်္ဂလာတောင်ညွှန့်မြို့ နယ်မှာတော့ မဲရုံတိုင်းကို ချသွားမှာပါ။ သာကေတ၊  ပုဇွန်တောင်၊  ဒေါပုံ၊  ဗိုလ်တထောင် စတဲ့ မြို့နယ်တွေကျတော့ နည်းနည်းကြီးတဲ့ မဲရုံတွေမှာပဲ မဲရုံကိုယ်စားလှယ်လောင်းတွေ ထားရှိသွားမှာပါ။ ရခိုင်မှာဆိုရင်လည်း အရေးကြီးတဲ့ မဲရုံကြီးတွေမှာပဲ မဲရုံကိုယ်စားလှယ်လောင်းတွေ ထားသွားမှာပါ။ နေရာတိုင်းမှာ မဲရုံကိုယ်စားလှယ် မထားနိုင်ပါဘူး။ ဘာကြောင့်လဲဆိုတော့ လူအင်အား သိပ်မရှိလို့ပါ။ လူအင်အားဘယ်လောက်သုံးမလဲ ဆိုတာတော့ မဆုံးဖြတ်ရသေးပါဘူး။
    .
    မေး –  ဘယ်ဒေသတွေမှာ အရွေးခံရမယ် ထင်ပါသလဲ။
    ဖြေ –  သိပ်ပြီးမခန့်မှန်းရဲပါဘူး။ စာမေးပွဲဖြေတော့ ဖြေတယ်။ ဂုဏ်ထူးတော့ မရလောက်ဘူး။ အမှတ် ၄ဝ လောက်နဲ့တော့ အောင်မယ် ထင်တယ်။ ကိုယ်စားလှယ်လောင်း တစ်ယောက်လောက် အနိုင်ရလည်း မဆိုးပါဘူး။ ရန်ကုန်မှာ တစ်ယောက်လောက်အနိုင်ရအောင်တော့ ကြိုးစားသွားမှာပါ။ ရခိုင်ပြည်နယ်မှာရဖို့တော့ မလွယ်လောက်ဘူးထင်တယ်။ ဘာကြောင့်လဲဆိုတော့ အဲဒီမှာက လူမျိုးရေးခွဲခြားလို့ပါ။ ရွေးကောက်ပွဲမှာ အနိုင်ရခဲ့တယ်ဆိုရင်   လူမျိုးကိုမကြည့်ဘဲ လူကိုလူလိုပဲကြည့်ပြီး မဲပေးခဲ့လို့ အနိုင်ရခဲ့တာလို့ပဲ မြင်မှာပါ။
    .
    မေး –  ရွေးကောက်ပွဲ မနိုင်ဘူးဆိုရင် ပါတီက ဘာဆက်လုပ်မလဲ။
    ဖြေ –  ကမန်လူမျိုးတွေရဲ့လိုအပ်ချက်တွေ လွှတ်တော်ပြင်ပကနေ တောင်းဆိုသွားမှာပါ။ ရေ၊  မီး၊  လမ်း မကောင်းတဲ့ကိစ္စတွေနဲ့ ကမန်လူမျိုးတွေရဲ့ အရေးကိစ္စတွေကို ဆောင်ရွက်သွားမှာပါပဲ။ ပါတီ တည်ထောင်ထားတဲ့ အတွက် သမ္မတ၊  ဝန်ကြီးတွေကို ကမန်လူမျိုးတွေရဲ့ လိုအပ်ချက်ကို သွားတွေ့ပြီး ပြောဆိုလို့ရပါတယ်။ ပါတီမရှိဘူးဆိုရင် သူတို့နဲ့တွေ့ပြီး လိုအပ်ချက်တွေပြောဖို့ဆိုတာ သိပ်တော့ မလွယ်လှပါဘူး။
    .
    မေး – ဒီရွေးကောက်ပွဲက တရားမျှတမယ်လို့မြင်လား။
    ဖြေ –  မျှတတယ်၊  မမျှတဘူးဆိုတာက  ပြောဖို့စောသေးတယ်။ ပြည်တွင်းပြည်ပ နိုင်ငံတကာ အဖွဲ့အစည်းတွေကလည်း စောင့်ကြည့်လေ့လာမှာဖြစ်တဲ့အတွက် ရွေးကောက်ပွဲနေ့ ရောက်ရင် တကယ်တရားမျှတတဲ့ ရွေးကောက်ပွဲ ဟုတ်မဟုတ်ဆိုတာ ပေါ်မှာပါပဲ။
    .
    မေး –  ၂ဝ၁၅ ရွေးကောက်ပွဲက မြန်မာနိုင်ငံအတွက် အပြောင်းအလဲဖြစ်နိုင်မလား။
    ဖြေ –  ဒီရွေးကောက်ပွဲက အရင်လူတွေပဲ ရရင်တော့ သိပ်ပြီးပြောင်းလဲလိမ့်မယ်လို့ မထင်ပါဘူး။ အတိုက်အခံပါတီ သို့မဟုတ် တိုင်းရင်းသားပါတီတွေပါ အစိုးရထဲမှာ ပါလာမယ်ဆိုရင်တော့ အပြောင်းအလဲဖြစ်မယ်လို့ ထင်ပါတယ်။ ညွှန့်ပေါင်းအစိုးရသာဖြစ်ခဲ့ရင် တစ်ယောက်မှားတာကို တစ်ယောက်က ထောက်ပြတာဖြစ်တဲ့အတွက် ပိုပြီးတော့ ကောင်းသွားမှာပါ။ ပါတီကြီး နှစ်ခုပဲဆို တိုင်းရင်းသားတွေရဲ့ မကျေနပ်ချက်တွေ ပေါ်လာဦးမှာပါပဲ။  စစ်ဘက်က လာတဲ့ သမ္မတ မဟုတ်ဘဲ အရပ်သား တစ်ယောက်ယောက်ကိုပဲ (သမ္မတ) ဖြစ်စေချင်ပါတယ်။   ဘယ်ပါတီကပဲ နိုင်နိုင်၊  တက်လာမယ့် သမ္မတက အရပ်သားထဲကပဲ ဖြစ်သင့်ပါတယ်။ တပ်ကပဲ ယူနီဖောင်းလဲပြီး အုပ်ချုပ်တာ နှစ်ပေါင်းတော်တော်ကြာပြီပဲ။ သမ္မတ ဦးသိန်းစိန်ဆိုလည်း တပ်ကပဲလေ။ ပြည်သူကို ကိုယ်စားပြုတဲ့ သမ္မတ ဖြစ်စေချင်ပါတယ်။ စစ်တပ်ဆိုတာက တစ်သွေး၊ တစ်သံ၊ တစ်မိန့် ဆင်းလာတဲ့သူဆိုတော့ ဘယ်လောက်တော်တော်၊ ဘယ်လောက်တတ်တတ် စစ်တပ်သွေးကတော့ ပါလာပြီးသားပဲ။ အရပ်သားကတော့  ပြည်သူထဲကလာတဲ့သူဖြစ်တဲ့အတွက် ပြည်သူတွေအခက်အခဲတွေကို စစ်တပ်ကလူထက် ပိုပြီး သိနေပြီးသားဖြစ်ပါတယ်။ ဒါကြောင့် သမ္မတကို အရပ်သားသမ္မတ ဖြစ်စေချင်တာပါ။ ၂ဝ၁၅ ရွေးကောက်ပွဲက ၂ဝ၁ဝ ရွေးကောက်ပွဲထက်တော့ ပိုပြီးကောင်းလာမယ်လို့ မြင်ပါတယ်။
    .
    မေး –  ၅ နှစ်တာကာလအတွင်းမှာ အစိုးရက ဘာတွေကို အပြောင်းအလဲ လုပ်နိုင်ခဲ့တယ်လို့ မြင်ပါသလဲ။
    ဖြေ –  အပြောင်းအလဲကတော့ အသင့်အတင့်ပဲလုပ်နိုင်ခဲ့တယ်လို့ ထင်ပါတယ်။ ကောင်းတာကတော့  လူတိုင်းဖုန်းကိုင်နိုင်တယ်။ ကားဈေးတွေ ကျတယ်။ ပြည်တွင်းငြိမ်းချမ်းရေးကိစ္စတွေကို ဆွေးနွေးနိုင်ခဲ့တယ်။ မကောင်းတာကတော့ ရခိုင်ပြည်နယ်နဲ့  မြန်မာနိုင်ငံ အနှံ့အပြား ဖြစ်ပွားခဲ့တဲ့ ပဋိပက္ခတွေကို အစိုးရအနေနဲ့ အချိန်မီ တားဆီးနိုင်ခြင်းမရှိခဲ့ပါဘူး။ ရခိုင်မှာ ၂ဝ၁၂ အရေးအခင်းဖြစ်သွားတဲ့ အချိန်မှာ စစ်တွေ၊  သံတွဲ၊  ကျောက်ဖြူ၊  ရမ်းဗြဲက ကမန်လူမျိုးတွေက ကြားညှပ်ပြီး အကြမ်းဖက်သမားတွေကြောင့် ပညာရေး၊  ကျန်းမာရေး အစုံ ဒုက္ခရောက်ခဲ့ရပါတယ်။ ပဋိပက္ခ ဖြစ်လာရင် အစိုးရအနေနဲ့ ငြိမ်းချမ်းအောင် အမြန်ဆုံးလုပ်သင့်ပါတယ်။ ဖြစ်ပွားမှုက တော်တော်လေးကြာရှည်ခဲ့တဲ့အတွက် ကမန်တွေအပြင် ပြည်သူလူထုတော်တော်များများရဲ့ အိုးအိမ် အဆောက်အအုံတွေ ဖျက်ဆီးခံရပါတယ်။ မြန်မာနိုင်ငံမှာက တရားဥပဒေ စိုးမိုးမှုက အားနည်းပါတယ်။ ဒါကြောင့် ၂ဝ၁၅ ရွေးကောက်ပွဲက တက်လာတဲ့ သမ္မတက တရားဥပဒေစိုးမိုးမှု အားကောင်းအောင် အဓိက ဦးစားပေးပြီး လုပ်သင့်ပါတယ်။ အရေးအခင်း တစ်ခုဖြစ်တယ်ဆိုတာနဲ့ အဲဒါကို ဖြေ ရှင်းဖို့ အစိုးရအနေနဲ့ အဆင်သင့်ဖြစ်နေရပါမယ်။ ။
    .