Tag: Iran

ဇန်န၀ါရီ ၂၉၊ ၂၀၂၄

M-Media 

-အီရန်ထဲ၀င်ရောက်ပြီး ဗုံးခွဲတိုက်ခိုက်ဖို့ ကြံစည်တဲ့ အစ္စရေး သူလျှို ၄ ယောက်ကို ကွပ်မျက်လိုက်တယ်လို့ အီရန်က ထုတ်ပြန်ပါတယ်။  

နောက်ဆုံးအယူခံကို တရားရုံးချုပ်က ပယ်ချပြီးတဲ့နောက် တနင်္လာနေ့ မနက်မှာ ကွပ်မျက်လိုက်တာပါ။ 

သူလျှို ၄ ဦးဟာ အစ္စရေးထောက်လှမ်းရေး မိုဆာ့ဒ်အဖွဲ့က လူတွေဖြစ်ပြီး အီရန်နိုင်ငံမြောက်ပိုင်း ကာ့ဒ်ဒေသကနေ တရားမ၀င် ၀င်ရောက်လာတာလို့ အီရန်နဲ့ ထုတ်ပြန်ချက်မှာ ဖော်ပြပါတယ်။ 

နိုင်ငံအလယ်ပိုင်း အစ္စဖာဟန်မြို့မှာရှိတဲ့ လက်နက်ထုပ်လုပ်ရေးစက်ရုံကို ၂၀၂၂ ခုနှစ် နွေရာသီမှာ ဗုံးခွဲတိုက်ခိုက်ဖို့ စီစဥ်ထားပေမယ့် အီရန်ထောက်လှမ်းရေးတွေက ဖော်ထုတ်ဖမ်းဆီးနိုင်ခဲ့တာ ဖြစ်ပါတယ်။ 

ပြီးခဲ့တဲ့ ဒီဇင်ဘာနှောင်းပိုင်းကလည်း မိုဆာ့ဒ်အဖွဲ့နဲ့ အဆက်အသွယ်ရှိတဲ့ အမျိုးသား ၃ ဦးနဲ့ အမျိုးသမီးတစ်ဦးတို့ကို အီရန်က ကွပ်မျက်ခဲ့ပါတယ်။

Ref: Aljazeera

ဇန်န၀ါရီ ၅၊ ၂၀၂၃

M-Media 

-ထိပ်တန်းဗိုလ်ချုပ် ကာစင် ဆိုလိုင်မာနီကွယ်လွန်တဲ့ နှစ်ပတ်လည် အခမ်းအနား တိုက်ခိုက်ခံရမှုကို လက်တုန့်ပြန်သွားမယ်လို့ အီရန်သမ္မတ အီဘရာဟင် ရိုင်စီက ကတိပြု ပြောကြားလိုက်ပါတယ်။ 

ဗုဒ္ဓဟူးနေ့က ဖြစ်ပွားခဲ့တဲ့ ဗုံးခွဲတိုက်ခိုက်မှု ၂ ခုကြောင့် အနည်းဆုံး ၈၉ ဦး သေဆုံးပြီး ၂၈၀ လောက် ဒဏ်ရာရရှိခဲ့ပါတယ်။ သေဆုံးသူတွေထဲမှာ အာဖဂန်နိုင်ငံသားတွေလည်း ပါ၀င်ပါတယ်။ 

တိုက်ခိုက်မှုကို သူတို့လုပ်တာလို့ IS အဖွဲ့က ထုတ်ပြန်ပါတယ်။ 

ဒီကနေ့ပြုလုပ်တဲ့ သေဆုံးသူတွေရဲ့ စျာပနအခမ်းအနားမှာ အီရန်သမ္မတ ရိုင်စီက တိုက်ခိုက်မှုအတွက် လက်တုန့်ပြန်သွားမှာဖြစ်ပြီး ကမ္ဘာကြီးနဲ့ ရန်သူတွေဟာ အီရန်ရဲ့ အင်အားနဲ့ လုပ်နိုင်စွမ်းကို မြင်တွေ့ရလိမ့်မယ်လို့ ပြောကြားခဲ့ပါတယ်။ 

တော်လှန်ရေးအစောင့်တပ်ဖွဲ့ အကြီးအကဲ ဟိုစိန် ဆလ်မာနီကလည်း ဘယ်နေရာမှာပဲဖြစ်နေပါစေ လက်တုန့်ပြန်တိုက်ခိုက်သွားမယ်လို့ ကြုံး၀ါးခဲ့ပါတယ်။ 

တော်လှန်ရေးအစောင့်တပ်ဖွဲ့ အကြီးအကဲ ကာစင် ဆိုလိုင်မာနီကို ၂၀၂၀ ခုနှစ်မှာ အမေရိကန်က လုပ်ကြံသတ်ဖြတ်ခဲ့တာ ဖြစ်ပါတယ်။ 

Ref: Aljazeera

နို၀င်ဘာ ၂၀၊ ၂၀၂၃

M-Media 

-အီရန် တော်လှန်ရေးအစောင့်တပ်ဖွဲ့က တီထွင်ထုတ်လုပ်ထားတဲ့ လက်နက်အသစ်အဆန်းတွေကို အဓိပတိ အယာတိုလာ အလီ ခါမေနီက နို၀င်ဘာ ၁၉ ရက်နေ့မှာ သွားရောက်ကြည့်ရှုခဲ့ပါတယ်။  

အဲဒီအခမ်းအနားမှာ ပြည်တွင်းဖြစ် အသံထက်မြန်တဲ့ဒုံးကျည် Fattah ကို အဆင့်မြှင့်တင်ထားတဲ့ ဒုံးကျည်အပါအ၀င်၊ ဒရုန်းအသစ်၊ လေကြောင်းရန် ကာကွယ်ရေးစနစ် အသစ်တွေကို အီရန်က ထုတ်ပြခဲ့ပါတယ်။ 

Fattah ဒုံးကျည်ကို အခုနှစ်ဇွန်လမှာ အီရန်က ထုတ်ပြခဲ့ပြီး တစက္ကန့်ကို ၃ ဒဿမ ၂ မိုင်အထိ သွားနိုင်တယ်လို့ ဆိုပါတယ်။ တရုတ်၊ ရုရှားတို့လို အသံထက်မြန်တဲ့ဒုံးကျည် ပိုင်ဆိုင်တဲ့ လက်တစ်ဆုပ်စာ နိုင်ငံတွေစာရင်းမှာ အီရန်က ပါ၀င်လာတာပါ။ 

မနေ့ကပြသတဲ့ Fattah II ဒုံးကျည်နဲ့ပတ်သက်ပြီး အသေးစိတ်အချက်အလက်တွေကို အီရန်က မထုတ်ပြန်ပါဘူး။ 

အရင်ထုတ်ထားတဲ့ Shahed ဒရုန်းကို အဆင့်မြှင့်တင်ထားတဲ့ ‘Gaza’ ဒရုန်း၊ တာတိုနဲ့ တာလတ်ပစ် ဒုံးခွင်းစနစ် 9-Dey ကို အဆင့်မြှင့်တင်ထားမှုတွေကိုလည်း တော်လှန်ရေးအစောင့်တပ်ဖွဲ့က အဓိပတိ ခါမေနီကို ပြသခဲ့ပါတယ်။ 

မနေ့က ပြပွဲမှာ ဒုံးခွင်းစနစ်အသစ် Mehran ကိုလည်း အီရန်က ထုတ်ပြပါတယ်။ ဒီစနစ်ဟာ လောင်စာတောင့်အသုံးပြုတဲ့ ဒုံးကျည်တွေနဲ့ ပစ်ခတ်နိုင်ပါတယ်။ 

ခါမေနီဟာ မနေ့က အခမ်းအနားမှာ တစ်လအတွင်း ဂါဇာက ပါလက်စတိုင်းပြည်သူ ၁၃၀၀၀ ကျော်ကို သတ်ဖြတ်ထားတဲ့ အစ္စရေးနဲ့ သူတို့ကိုထောက်ခံတဲ့ အနောက်နိုင်ငံတွေကို ၀ေဖန်ရှုတ်ချခဲ့ပါတယ်။ 

Ref: Aljazeera