Tag: Iran

သြဂုတ် ၂၀၊ ၂၀၂၃

M-Media 

-ပြင်သစ်၊ ဆွီဒင်နဲ့ ဗြိတိန်တို့က သူလျှိုတွေကို ဖော်ထုတ်ဖမ်းဆီးထားနိုင်တယ်လို့ အီရန် ထောက်လှမ်းရေး အကြီးအကဲက မိုဟာမက် အလာဗီက ပြောပါတယ်။ 

နိုင်ငံခြားသား အကျဥ်းသားအချို့ကို ကွပ်မျက်ခဲ့တာကိုလည်း သူက အတည်ပြုပါတယ်။  

အီရန်ဟာ လက်ရှိမှာ အမေရိကန်နိုင်ငံ အကျဥ်းသား လဲလှယ်ရေးကိစ္စကို ဆွေးနွေးနေတာပါ။ အိုမန်နဲ့ ကာတာနိုင်ငံတို့က ဒီကိစ္စမှာ ကြား၀င်ဆောင်ရွက်ပေးနေပါတယ်။ 

အီရန်က အမေရိကန်အကျဥ်းသား ၅ ဦးကို ပြန်လွှတ်ပေးမှာဖြစ်ပြီး အပြန်အလှန်အားဖြင့် အမေရိကန်က သိမ်းဆည်းထားတဲ့ အီရန်ပိုင်ငွေ ဒေါ်လာသန်းထောင်ချီကို ပြန်ပေးရမှာ ဖြစ်ပါတယ်။ 

သမ္မတအိုဘားမားအစိုးရလက်ထက် ၂၀၁၆ တုန်းကလည်း ဒီလိုလဲလှယ်မှု ပြုလုပ်ခဲ့ပြီး အမေရိကန်က ဒေါ်လာ သန်း ၄၀၀ ပြန်ပေးခဲ့ပါတယ်။ 

Ref: Al Arabiya 

သြဂုတ် ၁၂၊ ၂၀၂၃

M-Media 

-အီရန်က လွှတ်လိုက်တဲ့ သူလျှိုတစ်ဦးကို ပြီးခဲ့တဲ့တစ်ပတ်က ဖမ်းဆီးပြီး ပြည်နှင်ဒဏ်ပေးလိုက်တယ်လို့ အစ္စရေး ပြည်ထဲရေးက ထုတ်ပြန်ပါတယ်။ 

အီရန်က ဂျူးအမျိုးသားတစ်ယောက်ဖြစ်ပြီး ဘင်ဂူရီယန်လေဆိပ်ကို ရောက်တဲ့အချိန် စစ်မေးရာကနေ အီရန်သူလျှိုဖြစ်ကြောင်း ပေါ်ပေါက်ခဲ့တာလို့ ဆိုပါတယ်။ 

ဒီအမျိုးသားက အီရန်ရဲ့ လုံခြုံရေးစီမံကိန်းမှာ ပါ၀င်တဲ့ အစ္စရေးပစ်မှတ်တွေအကြောင်း ထောက်လှမ်းဖို့ ရောက်လာတာလို့ ထွက်ဆိုခဲ့ကြောင်း အစ္စရေးရဲ့ ထုတ်ပြန်ချက်မှာ ဖော်ပြပါတယ်။ 

ဒါဟာ ဒေသတွင်း ထောက်လှမ်းရေးနဲ့ အကြမ်းဖက်ကွန်ယက် တည်ဆောက်မှု တစ်စိတ်တစ်ပိုင်းဖြစ်တယ်လို့လည်း ဆိုပါတယ်။ 

အီရန်ကတော့ ဒီကိစ္စနဲ့ပတ်သက်ပြီး ထုတ်ပြန်ခြင်း မပြုသေးပါဘူး။ 

၁၉၄၈ ခုနှစ် ပါလက်စတိုင်းနယ်မြေတွေကို ရွှေ့ပြောင်းအခြေချ ဂျူးလက်နက်ကိုင်တွေက သိမ်းပိုက်ပြီး အစ္စရေးနိုင်ငံ ထူထောင်ခဲ့စဥ်ကတည်းက အရှေ့အလယ်ပိုင်း ထောက်လှမ်းရေးနယ်ပယ်ကို အစ္စရေးက စိုးမိုးထားတာပါ။ 

ပတ်၀န်းကျင် အာရပ်နိုင်ငံတွေမှာ အစ္စရေးသူလျှိုတွေ အများအပြားရှိနေပါတယ်။ 

အာရပ်နိုင်ငံတွေမှာ အာဏာရှင်စနစ် တည်မြဲနေတာ၊ မတည်မငြိမ်ဖြစ်တာ၊ ပြည်တွင်းစစ်ဖြစ်တာ၊ အကြမ်းဖက်အဖွဲ့အစည်းတွေ ခြေကုပ်ယူတာတွေ အားလုံးဟာ အစ္စရေးသူလျှိုတွေရဲ့လက်ချက် ဖြစ်တယ်လို့ ကျွမ်းကျင်သူတွေက သုံးသပ်ပါတယ်။ 

Ref: Arab News 

ဇွန် ၇၊ ၂၀၂၃

M-Media 

-ဒုံးခွင်းစနစ်တွေကို ဖြတ်ကျော်၀င်ရောက်နိုင်တဲ့ ပြည်တွင်းဖြစ် အသံထက်မြန်တဲ့ ဒုံးကျည်ကို အီရန်က ပထမဆုံးအကြိမ် ထုတ်ဖော်ပြသလိုက်ပါတယ်။ 

‘ဖာတာ’ လို့အမည်ပေးထားတဲ့ ဒီဒုံးကျည်ဟာ အီရန်စစ်တပ်ကို ပတ်၀န်းကျင်နိုင်ငံတွေထက် နှာတစ်ဖျားသာစေမှာ ဖြစ်ပါတယ်။ 

အသံထက် ၅ ဆ မြန်တဲ့ ဒုံးကျည်တွေကို လက်ရှိ ကမ္ဘာမှာ အမေရိကန်၊ ရုရှား၊ တရုတ်နဲ့ မြောက်ကိုရီးယားတို့သာ ပိုင်ဆိုင်ထားပါတယ်။ ဒီစာရင်းမှာ အီရန်က ပါ၀င်လာတာပါ။ 

ဖာတာဒုံးကျည်ဟာ တစ်စက္ကန့်ကို ၁၆၈၈၀ ပေ သွားပြီး မိုင်ပေါင်း ၈၇၀ အထိ ရောက်ရှိနိုင်ပါတယ်။ 

အသံထက်မြန်တဲ့ ဒုံးကျည် တီထွင်ထုတ်လုပ်နေကြောင်း အီရန်တော်လှန်ရေးအစောင့်တပ်ဖွဲ့ရဲ့ လေတပ်အကြီးအကဲ အမီရ် အလီ ဟာဂျီဇာဒါက ပြီးခဲ့တဲ့ နို၀င်ဘာလမှာ ထုတ်ပြောခဲ့တာပါ။ အဲဒီနောက် ၆ လအကြာမှာပဲ ပထမဆုံး ဒုံးကျည်ကို ထုတ်ပြလာနိုင်တာ ဖြစ်ပါတယ်။ 

အသံထက်မြန်တဲ့ ဒုံးကျည်တွေဟာ ကမ္ဘာ့လေထုရဲ့ အပြင်ဖက်ကနေပါ ပျံသန်းနိုင်ပြီး ဒုံးခွင်းစနစ်တွေက ဟန့်တားဖို့ မလွယ်ကူတဲ့ ဒုံကျည်မျိုးဖြစ်ပါတယ်။ 

Ref: Aljazeera