Tag: Iran

ဖေဖော်ဝါရီ ၇၊ ၂၀၁၇
M-Media

– အမေရိကန်၏ သရုပ်မှန်ကို ဖွင့်ချလိုက်သည့်အတွက် သမ္မတသစ် ဒေါ်နယ်ထရမ့်ကို ကျေးဇူးတင်မိသည်ဟု အီရန်အဓိပတိ အယာတိုလာ အလီ ခါမေနီက ပြောကြားလိုက်သည်။

“ဒီလူကြီးကို ကျွန်တော်တို့ ကျေးဇူးတင်ပါတယ်။ သူဟာ အမေရိကရဲ့ သရုပ်မှန်ကို ဖွင့်ပြလိုက်တာပါ။ အမေရိကန်ရဲ့ အုပ်ချုပ်ရေးစနစ်မှာ နိုင်ငံရေး၊ စီးပွားရေး၊ အကျင့်စာရိတ္တနဲ့ လူမှုရေးဆိုင်ရာ ခြစားနေတာ ရှိတယ်လို့ ကျွန်တော်တို့ နှစ်ပေါင်း ၃၀ ကျော်လောက် ပြောခဲ့တာ အဲဒါပါပဲ။ ဒါကို ဒီလူကြီးက ရွေးကောက်ပွဲနဲ့ ရွေးကောက်နောက်ပိုင်းမှာ ပွင့်ပွင့်လင်းလင်း ယူလာခဲ့တာပါ” ဟု ခါမေနီက အင်္ဂါနေ့ မြို့တော်တီဟီရန်တွင် စစ်တပ်အရာရှိများအား ပြောကြားသည့် မိန့်ခွန်း၌ ထည့်သွင်းပြောဆိုခဲ့သည်။

ထရမ့်၏ ဗီဇာပိတ်ပင်သည့်အမိန့် ထွက်ပေါ်လာပြီးနောက် အမေရိကန်လေဆိပ်တွင် အီရန်ကလေငယ်တစ်ဦး လက်ထိပ်ခပ် ဖမ်းဆီးခံရသည့် ဓာတ်ပုံကို ရည်ညွှန်း၍ ခါမေနီက “အသက် ၅ နှစ်အရွယ် ကလေးငယ်လေးကို လက်ထိပ်ခတ်တဲ့ သူ့ရဲ့လုပ်ရပ်ဟာ အမေရိကန် လူ့အခွင့်အရေးရဲ့ အဓိပ္ပါယ်အစစ်အမှန်ကို ပြသလိုက်တာပါပဲ” ဟု ပြောကြားခဲ့သည်။

ထရမ့်က အီရန်မှာ မီးနှင့်ကစားနေပြီး၊ အိုဘားမား၏ ကြင်နာမှုကိုပင် မကျေနပ်နိုင်သေးဟု ဖေဖော်ဝါရီ ၃ ရက်နေ့တွင် Twitter စာမျက်နှာ၌ ရေးသားခဲ့ပြီး ခါမေနီက အိုဘားမားကို ကျေးဇူးမတင်နိုင်ကြောင်း၊ အိုဘားမားမှာ အီရန်အပေါ် ပိုမိုဆိုးရွားစေသည့် ပိတ်ဆို့မှုများကို ပြုလုပ်ခဲ့ပြီး အီရတ်နှင့် ဆီးရီးယားတို့တွင် မတည်မငြိမ်ဖြစ်အောင်လုပ်ကာ IS အကြမ်းဖက်အဖွဲ့ ပေါ်ပေါက်လာရေးကို ကူညီခဲ့သူဖြစ်ကြောင်း ပြန်လည်တုန့်ပြန်ခဲ့သည်။

ခါမေနီ၏ ယခုပြောကြားမှုမှာ အီရန်၏ ထိပ်ဆုံး အာဏာပိုင်တစ်ဦးက ထရမ့်ကို ပထမဆုံး တိုက်ရိုက်တုန့်ပြန်ခြင်းလည်းဖြစ်သည်။ ယခင်က အီရန်နှင့် အင်အားကြီး ၆ နိုင်ငံတို့၏ နျူအရေး သဘောတူညီချက်နှင့် စပ်လျဉ်း၍ ထရမ့်က ကြေငြာချက်ထုတ်ပြန်မှုကို အီရန်သမ္မတ ဟာဆန်ရူဟာနီက စောစောပိုင်းက ဝေဖန်ထားဖူးသည်။

Ref: Aljazeera

ဖေဖော်ဝါရီ ၅၊ ၂၀၁၇
M-Media

– အမေရိကန်က ထပ်တိုးပြုလုပ်ခဲ့သည့် ပိတ်ဆို့မှုကို ဆန့်ကျင်သည့်အနေဖြင့် အီရန် တော်လှန်ရေးအစောင့်တပ်ဖွဲ့မှာ ယမန်နေ့က စစ်ရေးလေ့ကျင့်မှုများ ပြုလုပ်ခဲ့သည်ဟု သိရသည်။

နိုင်ငံမြောက်ပိုင်း ဆမ်နန်ပြည်နယ်တွင် ပြုလုပ်ခဲ့သည့် အဆိုပါ လေ့ကျင့်မှုများမှာ အိမ်ဖြူတော်၏ ‘ခြိမ်းခြောက်မှုများနှင့် ရှက်စရာ ပိတ်ဆို့မှုများကို ရင်ဆိုင်ရန်အတွက် ခြွင်းချက်မဲ့ အဆင်သင့်ဖြစ်မှု’ ကို ပြသရန် ရည်ရွယ်ခြင်းဖြစ်သည်ဟု တော်လှန်ရေးအစောင့်တပ်ဖွဲ့၏ ၀ဘ်ဆိုက်တွင် ဖော်ပြထားသည်။

“အီရန်ရဲ့ လုံခြုံရေးကို ကာကွယ်ဖို့အတွက် ကျွန်တော်တို့ဟာ နေ့ရောညပါ ဆောင်ရွက်နေပါတယ်။ ရန်သူတွေဆီက အသေးဆုံး ခြေလှမ်းကို တွေ့တာနဲ့ ကျွန်တော်တို့ရဲ့ ဒုံးကျည်တွေဟာ သူတို့ရဲ့ခေါင်းပေါ်ကို မိုးရွာသလို ရွာသွားမှာပါ” ဟု တော်လှန်ရေးအစောင့်တပ်အကြီးအကဲ ဗိုလ်မှူးချုပ် အမီရ် အလီ ဟာဂျီဇာဒါက ပြောကြားခဲ့သည်။

ပြီးခဲ့သည့်တစ်ပတ်အတွင်း အီရန်က တာလတ်ပစ် ဒုံးကျည်များကို စမ်းသပ်ခဲ့ပြီးနောက် သောကြာနေ့က ဒေါ်နယ်ထရမ့်အစိုးရမှာ အီရန်အပေါ် ပိတ်ဆို့မှုအသစ်များကို ပြုလုပ်ခဲ့သည်။ အိမ်ဖြူတော်က နျူထိပ်ဖူးသယ်ဆောင်နိုင်သော ဒုံးကျည်ကို ထုတ်လုပ်ခြင်းမှာ ကုလလုံခြုံရေးကောင်းစီ၏ ဆုံးဖြတ်ချက်နှင့် ဆန့်ကျင်သည်ဟု ပြောကြားခဲ့သည်။

အီရန်ကမူ မိမိတို့၏ ဒုံးကျည်စမ်းသပ်မှုမှာ ၂၀၁၅ ခုနှစ်က အင်အားကြီး ၆ နိုင်ငံနှင့် ရရှိခဲ့သည့် နျူသဘောတူညီချက်၊ လုံခြုံရေးကောင်စီ၏ ဆုံးဖြတ်ချက်တို့ကို ချိုးဖောက်ခြင်းမရှိဟု ပြောကြားခဲ့သည်။ ထို့ပြင် အမေရိကန်၏ ထိုပိတ်ဆို့မှုမှာ တရားမ၀င်ဘဲ ထိုအတွက် တုန့်ပြန်သွားမည်ဟုလည်း သန္ဓိဌာန်ပြုခဲ့သည်။

Ref: Aljazeera

ဇန်န၀ါရီ ၂၄၊ ၂၀၁၇
M-Media

– ၂၀၁၇ ခုနှစ် အာရှဒေသအတွက် ‘မွတ်စလင်ကမ္ဘာ၏ ယဉ်ကျေးမှုမြို့တော်’ အဖြစ် အီရန်နိုင်ငံ အရှေ့မြောက်ပိုင်းရှိ မက်ရ်ှဟဒ်မြို့တော်က ရွေချယ်ခြင်း ခံခဲ့ရသည်။

အာရှဒေသ၊ အာရပ်ဒေသနှင့် အာဖရိကဒေသတို့တွင် နှစ်စဉ် ယဉ်ကျေးမှုမြို့တော်များ ရွေးချယ်သတ်မှတ်ခြင်းကို အစ္စလာမ့် ပညာရေး၊ သိပ္ပံနှင့် ယဉ်ကျေးမှုဆိုင်ရာအဖွဲ့ (ISESCO) က ၂၀၁၁ ခုနှစ်တွင် စတင်ခဲ့ခြင်းဖြစ်သည်။

ယခုနှစ်အတွက် သတ်မှတ်ခံရသည့်မြို့ကို ယမန်နေ့တွင်ကြေငြာခဲ့ပြီး အာရှဒေသအတွက် မက်ရ်ှဟဒ်မြို့၊ အာရပ်ဒေသအတွက် ဂျော်ဒန်မြို့တော် အမ်နန်၊ အာဖရိကဒေသအတွက် ယူဂန်ဒါမြို့တာ် ကမ်ပါလာတို့က ‘မွတ်စလင်ကမ္ဘာ၏ ယဉ်ကျေးမှုမြို့တော်’ အဖြစ် အသီးသီး ရွေးချယ်ခြင်း ခံခဲ့ရသည်။

“ဒါဟာ မက်ရ်ှဟဒ်မြို့၊ အီရန်နိုင်ငံရဲ့ အစ္စလာမ်ကမ္ဘာအတွက် အရေးပါတဲ့နေ့ပါပဲ။ မက်ရ်ှဟဒ်ဟာ ၀ိဇ္ဇာသိပ္ပံ ပညာရှင်တွေ၊ ဒဿနပညာရှင်တွေနဲ့ အနုပညာရှင်တွေကို စွဲဆောင်စရာ အဓိကမြို့ ဖြစ်လာနိုင်ပါတယ်” ဟု အခမ်းအနားသို့ တက်ရောက်ခဲ့သည့် အီရန် ယဉ်ကျေးမှုနှင့် အစ္စလာမ့်ရေးရာ လမ်းညွှန်မှုဆိုင်ရာ ၀န်ကြီး ဆာလေဟီ အမီရီက ပြောကြားခဲ့သည်။

Ref: Press TV

ဇန်န၀ါရီ ၁၉၊ ၂၀၁၇
M-Media

– အီရန်နိုင်ငံ မြို့တော်တီဟီရန်တောင်ပိုင်းရှိ သက်တမ်းအရင့်ဆုံး မိုးမျှော်အဆောက်အဦးတစ်ခုမှာ ယနေ့မနက်ပိုင်းက မီးလောင်ပြိုကျခဲ့ပြီး မီးသတ်တပ်ဖွဲ့ဝင် အနည်းဆုံး ၂၀ သေဆုံးခဲ့ကာ လူအများအပြား ဒဏ်ရာရရှိခဲ့သည်ဟု သိရသည်။

၁၇ ထပ်မြင့်သည့် အဆိုပါအဆောက်အဦး၏ အပေါ်ဆုံးအထပ်များတွင် မီးလောင်ကျွမ်းခဲ့ခြင်းဖြစ်ပြီး မီးသတ်တပ်ဖွဲ့ဝင်များက နာရီပေါင်းများစွာ ငြိမ်းသက်ခဲ့သော်လည်း ဒေသစံတော်ချိန် နံနက် ၁၁ နာရီခွဲတွင် ပြိုကျခဲ့သည်။ တီဟီရန်ရှိ အရေးပေါ် အကူအညီပေးရေးအဖွဲ့ အကြီးအကဲကမူ မီးလောင်မှုကြောင့် အနည်းဆုံး လူ ၇၀ ဒဏ်ရာရရှိခဲ့ပြီး ၂၃ ဦးကို ဆေးရုံတင်ထားရသည်ဟု ပြောကြားခဲ့သည်။

အီရန်သမ္မတ ဟာဆန်ရူဟာနီက ယခုအဖြစ်အပျက်နှင့်ပတ်သက်၍ စုံစမ်းစစ်ဆေးမှုကို ချက်ခြင်းဆောင်ရွက်ရန် ပြည်ထဲရေးဝန်ကြီးကို ညွှန်ကြားခဲ့သည်။

တီဟီရန်အုပ်ချုပ်ရေးမှူးရုံးမှ လုံခြုံရေးဆိုင်ရာ တာဝန်ရှိသူ မိုဟ်ရှန် ဟာမီဒါနီကမူ ကနဦး စုံစမ်းစစ်ဆေးမှုများအရ မီးလောင်မှုမှာ အဆောက်အဦး၏ လျှပ်စစ်စနစ်မှတစ်ဆင့် လောင်ကျွမ်းခြင်းဖြစ်သည်ဟု ပြောကြားခဲ့သည်။

မီးလောင်မှုကြောင့် တူရကီ၊ ဂျာမနီနှင့် ယူကေသံရုံးတို့အပါအ၀င် အနီးအနားရှိ အဆောက်အဦးများမှ လူများကိုလည်း ကယ်ထုတ်ခဲ့သည်။

အဆိုပါ မိုးမျှော်တိုက်ကို ၁၉၆၂ ခုနှစ်တွင် ဆောက်လုပ်ခဲ့ခြင်းဖြစ်ပြီး ထိုစဉ်က တီဟီရန်မြို့တွင် အမြင့်ဆုံးအဆောက်အဦး ဖြစ်ခဲ့သည်။ ထိုအဆောက်အဦးတွင် ဈေးဝယ်စင်တာများနှင့် ဒီဇိုင်းလုပ်ငန်းများ ဖွင့်လှစ်ထားသည်။

Ref: Press TV

ဇန်န၀ါရီ ၂၉၊ ၂၀၁၇
M-Media

– ဒီဇင်ဘာ ၁၈ ရက်နေ့ (မနေ့က) ကျရောက်ခဲ့သည့် ‘အမျိုးသား လေထုသန့်ရှင်းမှုနေ့’ တွင် အီရန်သမ္မတ ရူဟာနီမှာ ပြည်တွင်းထုတ် လျှပ်စစ်ကားများနှင့် မော်တော်ဆိုင်ကယ်များကို သွားရောက်ကြည့်ရှု အားပေးခဲ့သည်ဟု သိရသည်။

ကက်ဘိနတ်အဖွဲ့ဝင် ၀န်ကြီးများနှင့်အတူ သွားရောက်ကြည့်ရှုခဲ့ခြင်းဖြစ်ပြီး ပြပွဲတွင် Azad အစ္စလာမ့်တက္ကသိုလ်မှထုတ်လုပ်သည့် Yooz နှင့် အခြား သုတေသနစင်တာ ၂ ခုမှ ထုတ်လုပ်သည့် မော်တော်ဆိုင်ကယ်များ ပါဝင်သည်။

အဆိုပါ Yooz ကားမှာ တစ်နာရီလျှင် ကီလိုမီတာ ၈၀ အထိ မောင်းနှင်နိုင်ပြီး ဘတ္ထရီအားပြည့်ရန် ၂ နာရီခွဲသာ ကြာမြင့်သည်။ သမ္မတရူဟာနီကမူ အဆိုပါ ထုတ်ကုန်များကို ချီးကျူးခဲ့ပြီး အရည်အသွေးနှင့် ဘေးအန္တရာယ်ကင်းရှင်းရေး ပိုမိုကောင်းမွန်အောင် ဆောင်ရွက်ရန် တိုက်တွန်းခဲ့သည်။

အီရန်မှာ နိုင်ငံ၏ မြို့ကြီးများတွင် လေထုညစ်ညမ်းမှု ပြဿနာကို မီးမောင်းထိုးပြရန် ရည်ရွယ်၍ ဇန်န၀ါရီ ၁၈ ရက်နေ့ကို ‘အမျိုးသား လေထုသန့်ရှင်းရေးနေ့’ အဖြစ် သတ်မှတ်ခဲ့သည်။

ပြီးခဲ့သည့် နှစ်အနည်းငယ်အတွင်း မြို့တော် တီဟီရန်အပါအ၀င် နိုင်ငံရှိ မြို့ကြီးများတွင် လေထုညစ်ညမ်းမှုများ မြင့်တက်လာမှုကို ခံစားခဲ့ရပြီး ကားများမှ ထုတ်လွှတ်သည့် အမှုန်အမွှားများက ထိုပြဿနာ၏ အဓိကအကြောင်းအရင်းဖြစ်နေသည်။

Ref : Press TV