Tag: Iran

သြဂုတ် ၂၀၊ ၂၀၁၅
M-Media

– ရုရှားနိုင်ငံထုတ် မြေပြင်မှဝေဟင်ပစ် လေကြောင်းရန် ကာကွယ်ရေး ဒုံးကျည်စနစ် S-300 ကို ပေးပို့ရန်အတွက် ရုရှားနှင့် အီရန်တို့ သဘောတူညီချက်ရရှိခဲ့ပြီး နည်းပညာပိုင်းဆိုင်ရာ ကိစ္စရပ်များသာ ကျန်ရှိတော့သည်ဟု ရုရှား ဒုတိယ နိုင်ငံခြားရေးဝန်ကြီး မီခေးလ် ဘော့ဂ်ဒါနော့ဗ်က ပြောကြားလိုက်သည်။

“အခုအချိန်မှာ ဒီကိစ္စက ပြတ်သွားပါပြီ။ ဒီကိစ္စနဲ့ပတ်သက်ပြီး ကျွန်တော်တို့ရဲ့ မိတ်ဖက်အီရန်နဲ့ အပြည့်အ၀ သဘောတူညီချက် ရရှိခဲ့ပါတယ်။ မေးခွန်းတွေကိုလည်း အခြေခံကျကျ ဖြေရှင်းခဲ့ပြီးပါပြီ။ ကျန်တာကတော့ နည်းပညာပိုင်းဆိုင်ရာ အသေးစိတ်တွေပဲ ဖြစ်ပါတယ်” ဟု အရှေ့အလယ်ပိုင်းနှင့် အာဖရိကဆိုင်ရာ ရုရှားသမ္မတ၏ အထူးကိုယ်စားလှယ်ဖြစ်သော ဘော့ဂ်ဒါနော့ဗ်က ယမန်နေ့တွင် ပြောကြားခဲ့သည်။

ရုရှားမှာ အဆိုပါ S-300 ဒုံးကျည်စစ်နစ်များကို အီရန်နိုင်ငံသို့ ယခုနှစ်နှောင်းပိုင်းတွင် ပေးပို့သွားမည်ဟု နိုင်ငံခြားရေးဝန်ကြီးဌာနမှ အဆင့်မြင့်အရာရှိတစ်ဦးက ပြောကြားခဲ့သည်။ ထို့ပြင် စနစ်များ၏ အရေအတွက် အတိအကျကိုလည်း သဘောတူညီချက်တွင် ထည့်သွင်းရေးသားထားသည်ဟု ဆိုသည်။

အဆိုပါဒုံးကျည်စနစ်များ ပေးပို့ရန်အတွက် စာချုပ်ကို ၂၀၀၇ ခုနှစ်က ချုပ်ဆိုခဲ့သော်လည်း ကုလက အီရန်အပေါ် ပိတ်ဆို့မှုများ ချမှတ်ထားခြင်းကြောင့် ၃ နှစ်အကြာ ၂၀၁၀ ခုနှစ်တွင် ရုရှားက ဆိုင်းငံ့ခဲ့သည်။ သို့သော်လည်း ရုရှားနိုင်ငံခြားရေးဝန်ကြီး ဆာဂျီ လာဗရော့ဗ်ကမူ အီရန်၏ နျူအရေး သဘောတူညီချက် ရရှိခဲ့သည့်အတွက်ကြောင့် ထိုပိတ်ပင်မှုကို ဆက်လက်ပြုလုပ်ရန် မလိုတော့ဟု ပြောကြားခဲ့သည်။

အဆိုပါ S-300 လေကြောင်းရန်ကာကွယ်ရေး ဒုံးကျည်စနစ်များကို အလ်ဂျီးရီးယား၊ အဇာဘိုင်ဂျန်၊ ဘီလာရုဇ်၊ ဆိုက်ပရက်စ်၊ ကာဇက်စတန်နှင့် ဗီယက်နိုင်ငံတို့တွင် ၂၀၁၀ ခုနှစ်ကတည်းက အသုံးပြုနေပြီး၊ တရုတ်နိုင်ငံသို့လည်း ပေးပို့ထားသည်။

Ref: RT

သြဂုတ် ၁၇၊ ၂၀၁၅
M-Media

– အင်အားကြီးနိုင်ငံများနှင့် နျူအရေး သဘောတူညီချက် ရယူခဲ့သော်လည်း အဆိုပါ သဘောတူညီချက်က အီရန်နိုင်ငံအပေါ်သို့ အမေရိကန်၏ နိုင်ငံရေး သို့မဟုတ် စီးပွားရေး သြဇာလွှမ်းမိုးမှုကို ဖွင့်ပေးခြင်း ဖြစ်မည်မဟုတ်ဟု အီရန်အဓိပတိ အယာတိုလာ ခါမေနီက ယနေ့တွင် ပြောကြားခဲ့သည်။

ပြီးခဲ့သည့်လက ရရှိခဲ့သည့် အဆိုပါ နျူးကလီးယား သဘောတူညီချက်မှာ လက်ရှိအချိန်တွင် အမေရိကန် အထက်လွှတ်တော်မှ အတည်ပြုရန် လိုအပ်နေပြီး အတည်ပြုပြီးမှသာ အကျုံးဝင်မည်ဖြစ်သည်။ ခိုမေနီမှာ ထိုသဘောတူညီချက်နှင့်ပတ်သက်၍ အရေးပါသော ပြောကြားမှုများကို မပြုလုပ်ခဲ့ပေ။

“အီရန် ဒါမှမဟုတ် အမေရိကန်တို့က လက်ခံမလားဆိုတာကို ရှင်းရှင်းလင်းမသိရသေးတဲ့ ဒီသဘောတူညီချက်ဟာ အီရန်အပေါ် အမေရိကန်ရဲ့ သြဇာလွှမ်းမိုးမှုကို လမ်းဖွင့်ပေးမယ်လို့ သူတို့က ထင်ကြပါတယ်။ အရင်ကလည်း ဒီလမ်းကြောင်းကို ပိတ်ခဲ့ပြီး အနာဂတ်မှာလည်း ဆက်လက် ပိတ်ဆို့သွားမှာပါပဲ။ အီရန်အပေါ် အမေရိကန်ရဲ့ နိုင်ငံရေး၊ စီးပွားရေး၊ ယဉ်ကျေးမှုတွေ လွှမ်းမိုးခံမှာ မဟုတ်ပါဘူး” ဟု အစ္စလာမ့်မစ် ရေဒီယိုနှင့် တယ်လီဗီးရှင်းသမဂ္ဂ အဖွဲ့အ၀င်များနှင့် တွေ့ဆုံစဉ်အတွင်း ပြောကြားခဲ့သည်ဟု ခါမေနီက ၎င်း၏ ၀ဘ်ဆိုက်တွင် ဖော်ပြခဲ့သည်။

သဘောတူညီချက်ရရေး ဆွေးနွေးမှုအတွက် သမ္မတရူဟာနီအား နိုင်ငံအရေးအအရ ကာကွယ်ပေးခဲ့သည့် ရူဟာနီမှာ သဘောတူညီချက်ကို ပယ်ချရန် ဖြစ်နိုင်ချေနည်းသည်ဟု လေ့လာဆန်းစစ်သူ အများစုက ရှုမြင်ကြသည်။ သို့သော်လည်း ၎င်းကိုယ်တိုင်က “စာတန်ဆိုးကြီး” ဟု ရည်ညွှန်းထားသည့် အမေရိကန်အပေါ် မယုံသင်္ကာဖြစ်မှုမှာ နက်နက်ရှိုင်းရှိုင်း ဆက်ရှိမည်ဟု ဆိုသည်။

အဆိုပါ နျူသဘောတူညီချက်ကို အကောင်အထည်ဖော်ပါက အီရန်အပေါ် ပြုလုပ်ထားသည့် နိုင်ငံတကာမှ ပိတ်ဆို့မှုများကို ဖယ်ရှားပေးမည်ဖြစ်ပြီး ဈေးကွက်လူဦးရေ သန်း ၈၀ နီးပါးအတွက် နိုင်ငံခြား ရင်းနှီးမြှုပ်နှံလမ်းလည်း ပွင့်သွားမည်ဖြစ်သည်။

Ref: PressTV