Tag: IS

စက်တင်ဘာ ၁၁၊ ၂၀၁၅
M-Media

– အီရတ်နှင့် ဆီးရီးယားတွင် နယ်မြေများ သိမ်းပိုက်ကာ အကြမ်းဖက်လုပ်ငန်းများကို လုပ်ဆောင်နေသည့် IS အဖွဲ့အား အလ်ကိုင်းဒါးက စစ်ကြေညာလိုက်သည်ဟု သိရသည်။

အိုစမာဘင်လာဒင် မရှိတော့သည့်နောက် ခေါင်းဆောင်အဖြစ် ဆက်ခံခဲ့သည့် အေမန် အလ်-ဇာဝါဟီရီက ပြောကြားလိုက်ခြင်းဖြစ်ပြီး IS အဖွဲ့အား ဆန့်ကျင်သည့် စကားများ ပြောကြားထားသည့် အသံဖိုင်များမှာ ပြီးခဲ့သည့် ရက်ပိုင်းအတွင်း အွန်လိုင်းစာမျက်နှာတွင် ပြန့်နှံ့ခဲ့သည်။

IS အဖွဲ့ခေါင်းဆောင် အဘူဘာကာရ် အလ်-ဘဂ္ဂဒါဒီမှာ ဆူပူထကြွအောင် လုပ်သူသာဖြစ်ပြီး ၎င်း ကျွေးကြော်သကဲ့သို့ မွတ်စလင်အားလုံး၏ ခေါင်းဆောင်မဟုတ်ဟု ဇာဝါဟီရီက ပြောကြားခဲ့သည်။

အကြမ်းဖက်ရေးရာ ကျွမ်းကျင်သူများကမူ ထိုကဲ့သို့ စစ်ကြေညာခြင်းက ၎င်းတို့ စစ်သွေးကြွ အုပ်စုနှစ်ခုအကြား မကျေမချမ်းဖြစ်သော အကွဲအပြဲဟု ဆိုသည်။

ဗုဒ္ဓဟူးနေ့က အွန်လိုင်းစာမျက်နှာတွင် ထုတ်ပြန်ခဲ့သည့် အသံဖိုင်တွင် ဇာဝါဟီရီက “ဆူပူလှုံ့ဆော်မှု မီးတောက်ကို ငြှိမ်းသက်ဖို့ ကျွန်တော်တို့ဟာ တတ်နိုင်သမျှ နည်းနည်းလောက် တုံ့ပြန်ဖို့ကို ပိုနှစ်သက်ပါတယ်။ ဒါပေမယ့် အဘူဘာကာရ် အလ်-ဘဂ္ဂဒါဒီနဲ့ သူရဲ့ အပေါင်းအဖော်တွေက ကျွန်တော်တို့ကို ရွေးချယ်ခွင့် မပေးပါဘူး။ သူတို့တောင်းဆိုတာက မူဂျာဟစ်တွေဟာ သစ္စာစောင့်သိမယ်ဆိုတဲ့ ကတိအားလုံးကို ဖျက်ပြီး သူတို့ ခလီဖာလို့ ကျွေးကြော်ထားမှုကို သစ္စာခံဖို့ပါပဲ။ အစ္စလာမ့်သမိုင်းမှာ စတုတ္ထမြောက် ခလီဖာလို့
ဘဂ္ဂါဒီရဲ့ ကြေညာမှုကို အားလုံးက အံအားသင့်ကြပါတယ်” ဟု ပြောကြားခဲ့သည်။

အကြမ်းဖက်ဝါဒ ကျွမ်းကျင်သူ မက်သယူး အိုလ်ဆန်က 6abc သတင်းဌာနသို့ ပြောကြားရာတွင် ဇာဝါဟီရီမှာ ဘဂ္ဂဒါဒီနှင့် IS အဖွဲ့ကို ပွင့်ပွင့်လင်းလင်း ဝေဖန်ပြောဆိုရန် ဆန္ဒမရှိဟုဆိုပြီး ထိုအချင်းအရာက အလ်ကိုင်းဒါး ခေါင်းဆောင်ပိုင်းနှင့် IS အဖွဲ့တို့အကြား အကွဲအပြဲ မည်မျှအထိ နက်ရှိုင်းနေသည်ကို ဖော်ပြခြင်းဖြစ်သည်ဟု ဆိုသည်။

“အဲဒီအကွဲအပြဲဟာ ပြန်လည်ရင်ကြားစေ့လို့ မရဘူးဆိုတာ ပြနေပါတယ်။ တပ်ဖွဲ့ဝင်တွေစုဆောင်းပြီး သူတို့နှစ်ဖွဲ့ဟာ ပုခုံးချင်းယှဉ်နေကြပါတယ်။ ဒါဟာ ကြောက်စရာပါပဲ” ဟု အိုလ်ဆန်က ပြောကြားခဲ့သည်။

၎င်းတို့နှစ်ဖွဲ့ ထိုသို့ ကွဲပြဲခြင်းက အကြမ်းဖက်ဆန့်ကျင်ရေး လုပ်ဆောင်မှုများအား လမ်းဖွင့်ပေးလိုက်ခြင်းလည်း ဖြစ်မည်ဖြစ်သည်။ အိုလ်ဆန်ကမူ သတင်းအချက်အလက် အမှားများက ထိုအဖွဲ့နှစ်ခုအား ကွဲပြဲစေရန် ဖြစ်စေနိုင်သည်ဟု ထည့်သွင်းပြောကြားခဲ့သည်။

အာဖဂန်နှင့် ပါကစ္စတန်တို့တွင် IS ၏ အဖွဲ့ခွဲများမှာ တာလီဘန်နှင့် အလ်ကိုင်းဒါးတို့အား တိုက်ခိုက်မှုများ ပြုလုပ်နေသည်။ IS မှာ ယခင်က အလ်ကိုင်းဒါ၏ အီရတ်အဖွဲ့ခွဲဖြစ်သော်လည်း နောက်ပိုင်းတွင် ခွဲထွက်သွားကာ လွန်ခဲ့သည့် ၂ နှစ်အတွင်း အလွန်အမင်း ကြီးထွားလာခဲ့သည်။

Ref : Mirror

ဇူလိုင် ၂၆၊ ၂၀၁၅
M-Media

– IS က အကျဉ်းသားများအား ခေါင်းဖြတ်သတ်ဖြတ်သည့် ဗီဒီယိုများတွင် ပါဝင်သရုပ်ဆောင်ခဲ့ပြီး မကောင်းသတင်းဖြင့် ကျော်ကြားသည့် ဂျီဟာဒီ ဂျွန်မှာ ၎င်း၏ ကျော်ကြားမှုကြောင့် အဆုံးစီရင်ခံရမည်ကို ကြောက်ရွံ့၍ IS ထိန်းချုပ်ထားသော ဒေသမှ ထွက်ပြေးသွားခဲ့သည်ဟု
သတင်းများက ဖော်ပြကြသည်။

ကူဝိတ်ဖွား မိုဟာမက် အမ်ဝါဇီဆိုသူဖြစ်ပြီး ဗြိတိန်၏ မကောင်းသတင်းဖြင့် အကျော်ကြားဆုံး အကြမ်းဖက်သမားများထဲမှ တစ်ဦးလည်း ဖြစ်သည်။ ၎င်းမှာ ဗြိတိန်အကူအညီပေးရေး ၀န်ထမ်း ဒေးဗစ်ဟိန်းနှင့် အလန်ဟန်နင်း၊ အမေရိကန်ဂျာနယ်လစ် ဂျိမ်းစ်ဖိုလေးနှင့် ဆော့လ်လုဖ်တို့အား သတ်ဖြတ်သည့်ဗီဒီယိုများတွင် ပါဝင်ခဲ့ပြီးနောက် အာဏာပိုင်များက အသေရရ၊ အရှင်ရရ လိုချင်နေသောသူလည်း ဖြစ်သည်။

သို့သော်လည်း ယခုတွင်မူ ကမ္ဘာကိုတုန်လှုပ်သွားစေသော ဗီဒီယိုများဖြင့် ကျော်ကြားခဲ့သော ၎င်းမှာ IS အဖွဲ့၏ လိုက်လံရှာဖွေမှုကို ခံနေရပြီး ထွက်ပြေးနေရသည်ဟု Mirror သတင်းစာက ဖော်ပြခဲ့သည်။

အမ်ဝါဇီမှာ ၎င်းအား မနာလိုဖြစ်နေသော အကြမ်းဖက်သမားများက သတ်ဖြတ်မှုကို ကြောက်ရွံ့နေရပြီး၊ အမေရိကန်နှင့် ဗြိတိန်နိုင်ငံသားများ၊ ဂျပန်နိုင်ငံသား ဟာရူနာ ယူကာဝါနှင့် ကင်ဂျီဂိုတိုတို့အား သတ်ဖြတ်မှုတွင် ၎င်း၏ အခန်းကဏ္ဍအတွက် အမေရိကန်အထူးတပ်ဖွဲ့ဝင်များ၏ ရှာဖွေမှုကိုလည်း သတိထားနေရသည်ဟု သတင်းစာသို့ ပြောကြားခဲ့သည့် သတင်းရင်းမြစ်က
ဆိုသည်။

“သူတို့အတွက် အသုံးမလိုတော့ဘူးလို့ ယူဆရင် IS က ကျောက်ခဲတစ်လုံးလို ဒါမှမဟုတ် ဒီထက်ပိုဆိုးတဲ့ ပုံစံမျိုးနဲ့ လွှင့်ပစ်လိုက်ပါလိမ်မယ့်။ ဒါ့ကြောင့် သူအဆုံးစီရင်ခဲ့တဲ့ လူတွေရဲ့ ကံကြမ္မာမျိုး သူကိုယ်တိုင် ကြုံတွေ့ပြီး အဆုံးသတ်သွားတာမျိုး ဖြစ်ကောင်းဖြစ်လာနိုင်ပါတယ်” ဟု အဆိုပါသတင်းရင်မြစ်က ထည်သွင်းပြောကြားခဲ့သည်။

ဂျီဟာဒီ ဂျွန်မှာ ဆီးရီးယားရှိ ပို၍ လူသိနည်းသော အကြမ်းဖက်အဖွဲ့ထံ ထွက်ပြေးသွားကာ ကိုယ်ယောင်ဖျောက်နေရန် ကြိုးစားနေသည်ဟု ယုံကြည်ရသည်။ သို့သော်လည်း ပြီးခဲ့လတွင် အမေရိကန်ထောက်လုံးရေး ရင်းမြစ်က Sunday Express သို့ ပြောကြားရာ၌ ဂျီဟာဒီ ဂျွန်မှာ လူမြင်ကွင်းမှ ပျောက်ကွယ်ရန် လစ်ဗျားသို့ သွားရောက်ပုန်းအောင်နေသည်ဟု ဆိုသည်။

ဝါရှင်တန်ပို့စ် ဂျာနယ်လစ်များဖြစ်သော ဆူအဒ် မက်ခီနတ်နှင့် အဒမ် ဂိုးလ်ဒ်မန်းတို့က ဂျီဟာဒီ ဂျွန်မှာ အမ်ဝါဇီဖြစ်သည်ဆိုသည်ကို ဖေဖော်ဝါရီတွင် ဖော်ထုတ်ခဲ့သော်လည်း ဗြိတိန်နှင့် အမေရိကန်အာဏာပိုင်များကမူ ထိုဖော်ထုတ်မှုကို အတည်ပြုခဲ့ခြင်း မရှိပေ။

လန်ဒန်၌ နေထိုင်နေသည့် အမ်ဝါဇီ၏ မိခင်ဖြစ်သူကမူ ဂျီဟာဒီဂျွန်၏ အသံမှာ သူမ၏သား အမ်ဝါဇီ၏ အသံဖြစ်သည်ဟု မတ်လတွင် ပြောကြားခဲ့သည်။

Ref : RT

ဇူလိုင် ၃၊ ၂၀၁၅
M-Media

– အီရတ်နှင့် ဆီးရီးယားတစ်ဝှမ်းရှိ ရှေးဟောင်းနေရာများမှ သမိုင်းဝင်ပ္စည်းများကို IS က အကြီးအကျယ် လုယက်ယူငင်နေကြပြီး ငွေသားရရှိရန် ပွဲစားများမှ တစ်ဆင့် ပြန်လည်ရောင်းချနေကြသည်ဟု ကုလသမဂ္ဂ ယဉ်ကျေးမှုဆိုင်ရာ အေဂျင်စီဖြစ်သော ယူနက်စကို
အကြီးအကဲဖြစ်သူ ဘိုကိုဗာက ပြောကြားလိုက်သည်။

အီရတ်နိုင်ငံမှ ကမ္ဘာကျော် သမိုင်းဝင်နေရာများဟု တရားဝင်သတ်မှတ်ထားသည့် နေရာ ၁၀၀၀၀ ခန့်မှ ငါးပုံတစ်ပုံမှာ လက်ရှိအချိန်တွင် IS ၏ ထိန်းချုပ်မှုလက်သို့ ရောက်ရှိနေပြီး အများစုမှာ ကျယ်ကျယ်ပြန့်ပြန့် လုယက်ခံနေရကာ အခြားသော သမိုင်းဝင်နေရာများ၏ အခြေအနေမှာလည်း မည်ကဲ့သို့ ဖြစ်နေသည်ကို ရှင်းရှင်းလင်းလင်း မသိရသေးကြောင်း ယမန်နေ့က လန်ဒန်တွင်
ပြုလုပ်ခဲ့သော ကျွမ်းကျင်ပညာရှင်များ အစည်းအဝေး၌ ဘိုကိုဗာက ထည့်သွင်းပြောကြားခဲ့သည်။

ဆီးရီးယားရှိ အချို့နေရာများတွင် ဆိုးဆိုးဝါးဝါး လုယက်ခံခဲ့ရပြီး သမိုင်းဆိုင်ရာနှင့် ရှေးဟောင်း သုတေသနဆိုင်ရာ တန်ဖိုးရှိပစ္စည်းများ မရှိသလောက် ဖြစ်နေသည်။ ယူနက်စကိုမှာ လစ်ဗျားရှိ သမိုင်းဝင်နေရာများနှင့် ပတ်သက်၍လည်း စိုးရိမ်သည်ဟု သူမက ဆိုသည်။

IS မှ ထိန်းချုပ်ထားသည့် နယ်မြေတွင် ကမ္ဘာပေါ်ရှိ ရှေဟောင်းသုတေသနဆိုင်ရာ သမိုင်းဝင်နေရာများဖြစ်သော အက်ဆီရီယန်အင်ပါယာက တည်ဆောက်ခဲ့သည့် မြို့ကြီးများ၊ ဂရေကို- ရိုမန် လူ့အဖွဲ့အစည်း သန္ဓေတည်ရာဒေသများ၊ မွတ်စလင်နှင့် ခရစ်ယာန်အဖွဲ့များ ရာစုနှစ်ပေါင်းများစွာ အတူတကွ ယှဉ်တွဲနေထိုင်ခဲ့သည့် နေရာများ ပါဝင်ပြီး တန်ဖိုးမဖြစ်နိုင်သည့် ရှေးဟောင်းပစ္စည်းများ ကြွယ်ဝသည့်နေရာများလည်း ဖြစ်သည်။

ထိုကဲ့သို့ သမိုင်းဆိုင်ရာအမွေအနှစ်များကို လုယက်ယူငင် ရောင်းချသည့်အပြင် IS မှာ အစ္စလာမ်၏ သမိုင်းဝင်နေရာများ အပါအ၀င် အချို့သော အမွေအနှစ်များကိုလည်း ဖျက်ဆီးခဲ့ကြသည်။

Ref: Aljazeera