ဒီဇင်ဘာ ၂၉၊ ၂၀၁၅
M-Media
– ဂျပန်နှင့် တောင်ကိုရီးယားတို့မှာ စစ်အတွင်းက လိင်ကျွန်ကိစ္စများအပေါ် သမိုင်းဝင်သဘောတူညီချက်တစ်ခု ရရှိခဲ့ပြီး ဂျပန်ဝန်ကြီးချုပ် ရှင်ဇိုအာဘေးကမူ နှစ်နိုင်ငံဆက်ဆံရေးအတွက် ခေတ်သစ်တစ်ခုထူထောင်နိုင်ခဲ့ပြီဖြစ်ကြောင်း ချီးကျူးပြောဆိုလိုက်သည်။
အဆိုပါ သဘောတူညီချက်မှာ ယမန်နေ့က ရရှိခဲ့ခြင်းဖြစ်ပြီး ဒုတိကမ္ဘာစစ်အတွင်း ဂျပန်စစ်တပ်က ဆောင်ရွက်သော ပြည့်တန်ဆာခန်းများတွင် အတင်းအဓမ္မလုပ်ကိုင်စေခဲ့သည့် ကိုးရီးယားအမျိုးသမီးများအတွက် ယန်းငွေ ၁ ဘီလီယံ
(ကန်ဒေါ်လာ ၈.၇ သန်း) ကို ထောက်ပံ့သွားမည်ဖြစ်သည်။
“ဂျပန်နဲ့ တောင်ကိုရီးယားတို့ဟာ ခေတ်သစ်တစ်ခုကို ကြိုဆိုရတော့မှာပါ။ နှစ်နိုင်ငံစလုံးဟာ ဒီခေတ်သစ်ကို ဖွင့်လှစ်ဖို့ အတူတကွ ပူးပေါင်းဆောင်ရွက်သွားပါလိမ့်မယ်” ဟု တောင်ကိုရီးယားသမ္မတ ပက်ဂျုံဟေးနှင့် ဖုန်းပြောဆိုပြီးနောက် အာဘေးက သတင်းထောက်များအား ပြောကြားခဲ့သည်။
ဂျပန်နိုင်ငံခြားရေးဝန်ကြီး ဖူမီယိုခီရှိဒါက ကလည်း “ဂျပန်စစ်တပ်က ပါဝင်မှုတွေရှိခဲ့တဲ့ ကိုးရီးယားဇိမ်မယ်များအရေးကိစ္စနဲ့ပက်သက်လို့ ဂျပန်အစိုးရအနေနဲ့ တာဝန်မကင်းဘူးလို့ ခံစားရပါတယ်” ဟု တောင်ကိုးရီးယားနိုင်ငံခြားရေးဝန်ကြီး ယွန်ဗြောင်ဆီနှင့် ထိုကိစ္စအတွက် ဆွေးနွေးမှုအပြီးတွင် ပြောကြားခဲ့သည်။
ခီရှီဒါက ထပ်မံ၍ ၀န်ကြီးချုပ်အနေဖြင့် ကျူးလွန်ခံရသော အမျိုးသမီးများကို နှလုံးသားထဲက နက်နက်ရှိုင်းရှိုင်း တောင်းပန်သည်ဟု ထည့်သွင်းပြောကြားခဲ့သည်။
အာရှတစ်ခွင်မှ အမျိုးသမီးထောင်ပေါင်းများစွာ (အများစုမှာ ကိုးရီးယားအမျိုးသမီးများ) မှာ ဂျပန်စစ်သားများအား လိင်ကိစ္စဖျော်ဖြေရန် ရှေ့တန်းပြည့်တန်ဆာခန်းများသို့ ပို့ဆောင်ခံခဲ့ရသည်။ တောင်ကိုးရီးယားတွင် လိင်ကျွန်များဖြစ်ခံခဲ့ရပြီး ခုချိန်ထိ အသက်ရှင်ကျန်သူ ၄၆ ယောက်သည် အသက် ၈၀ ကျော် ၉၀ နီးပါးခန့် ရှိနေပြီဖြစ်သည်။
Ref: Al jazeera
