မတ် ၃၊ ၂၀၁၆
M-Media
– နိုင်ငံအတွင်းက အလုပ်လုပ်နေတဲ့ ဂျပန်အမျိုးသမီး သုံးပုံတစ်ပုံခန့်ဟာ လုပ်ငန်းခွင်မှာ လိင်ပိုင်းဆိုင်ရာ စော်ကားမှုတွေ ရင်ဆိုင်နေရတယ်လို့ အစိုးရလေ့လာမှုတစ်ရပ်က ဖော်ထုတ်လိုက်ပါတယ်။
၂၀၁၅ ခုနှစ် စက်တင်ဘာနဲ့ အောက်တိုဘာလအတွင်း သုံးပတ်ကြာ ကြာမြင့်ခဲ့တဲ့ စစ်တမ်းကောက်ယူမှုကို ဂျပန်ကျန်းမာရေး၊ အလုပ်သမားရေးနဲ့ လူမှုဖူလှုံရေးဝန်ကြီးဌာန သုံးခုပေါင်းကာ ပြုလုပ်ခဲ့တာဖြစ်ပါတယ်။
အင်္ဂါနေ့က ထုတ်ပြန်ခဲ့တဲ့ အစီရင်ခံစာမှာ ဂျပန်နိုင်ငံအတွင်း အရင်အလုပ်လုပ်ဖူးသူတွေ၊ လက်ရှိလုပ်နေသူတွေ၊ အချိန်ပိုင်း၊ အချိန်ပြည့် စသဖြင့် အမျိုးသမီး ၉၆၀၀ ခန့်ကို စာရင်းကောက်ယူခဲ့တဲ့ ရလဒ်တွေကို ဖော်ပြထားပါတယ်။ စစ်တမ်းဖြေဆိုကြသူတွေဟာ အသက် ၂၅ နဲ့ ၄၄ ကြား ရှိသူများ ဖြစ်ကြပါတယ်။
ဖြေဆိုသူ အမျိုးသမီး ၃၀ ရာခိုင်နှုန်းခန့်က ၎င်းတို့အနေနဲ့ လုပ်ငန်းခွင်တွေမှာ လိင်ပိုင်းဆိုင်ရာထိပါးမှုတွေ ခံစားနေရတယ်လို့ ဆိုပါတယ်။ အဲ့ဒီထဲကမှ တစ်ဝက်လောက်က ၎င်းတို့ရဲ့ ရုပ်ရည်၊ အသက်အရွယ်၊ ပုံပန်းသဏ္ဍာန်တွေကို ရည်ရွယ်ပြီး ယောင်္ကျားလေးလုပ်ဖော်ကိုင်ဖက်တွေရဲ့ ၀ိုင်းဖွဲ့ပြောဆိုမှုကို ခံရတယ်လို့ ဖွင့်ဟခဲ့ကြပါတယ်။ တခြား ၄၀ ရာခိုင်နှုန်းခန့်သော အမျိုးသမီးတွေကတော့ ကိုယ်ထိလက်ရောက် ထိတွေ့ခံရတဲ့အထိ ခံစားခဲ့ရတယ်လို့ ဆိုပါတယ်။
ယင်းအစီရင်ခံစာမှာပဲ ၃၈ ရာခိုင်နှုန်းခန့်သော အမျိုးသမီးတွေက ၎င်းတို့ကို လိင်ပိုင်းဆိုင်ရာနဲ့ပက်သက်တဲ့ မေးခွန်းတွေ အမေးခံရတယ်လို့လည်း ဆိုကြပါတယ်။ တစ်ချို့ဆို ချိန်းတွေ့ဖို့တောင်းဆိုတဲ့အထိ သို့မဟုတ် လိင်ဆက်ဆံဖို့တောင်းဆိုတာမျိုးအထိ ရှိတယ်လို့ ဖြေကြားခဲ့ပါတယ်။
စစ်တမ်းကောက်ယူမှုမှာ ပါဝင်ခဲ့တဲ့ ၆၃ ရာခိုင်နှုန်းသော အမျိုးသမီးတွေက လိင်ပိုင်းဆိုင်ရာထိပါးနှောက်ယှက်တာနဲ့ပက်သက်လို့ သက်ဆိုင်ရာကို အသိပေးပြောကြားတာမျိုး ရှိခဲ့ပါဘူး။ တိုင်ကြားသူ ၁၀ ယောက်မှာ ၁ ယောက်လောက်ဟာ ရာထူးလျှော့ချခံရတာလို မမျှမတ ဆက်ဆံခံရတယ်လို့ ဆိုပါတယ်။
ဂျပန်ဝန်ကြီးချုပ်ရှင်ဇိုအာဘေးအနေနဲ့ တိုင်းပြည်စီးပွားရေးတိုးတက်ဖို့ အမျိုးသမီးတွေအတွက် အလုပ်အကိုင်အခွင့်အလမ်းတွေ ဖန်တီးပေးဖို့ ကတိပြုခဲ့ပြီးနောက်ပိုင်း ဒီအချက်အလက် ထွက်ပေါ်လာတာဖြစ်ပါတယ်။ ကမ္ဘာ့စီးပွားရေးဖိုရမ်က ထုတ်ပြန်တဲ့ ကမ္ဘာလုံးဆိုင်ရာ ကျားမကွာဟချက် ၂၀၁၅ စာရင်းအရ နိုင်ငံပေါင်း ၁၄၅ နိုင်ငံအနက် ဂျပန်နိုင်ငံဟာ ၁၀၁ မှာ ရပ်တည်နေပါတယ်။
Ref: Presstv
