Tag: JefreyTinOhn

” ၂၀၁၇-၂၀၁၈ ခု ပညာသင်နှစ် တော်၊သင့်၊ညံ့ စုပေါင်းစနစ် ကို ကျောင်းသား မိဘတွေ သဘောမကျ”

မေလ ၂၅ မှ မေလ ၃၁ ရက်နေ့သည် မြန်မာတစ်နိုင်ငံလုံး၏ အခြေခံပညာကျောင်းများ၏ ကျောင်းအပ်နှံရေးအချိန်ဖြစ်သည်။ ထို့ကြောင့်လည်း စာရေးသူသည် အခြေခံပညာ အတန်းစုံ ကျောင်းအပ်နှံပြီး ကျောင်းသုံးဖတ်စာအုပ်များ ထုတ်ယူလာခဲ့သော ကျောင်းသား မိဘများအား စုံစမ်းမေးမြန်းကြည့်သောအခါ တူညီသောအဖြေတစ်ခုမှာ “ပုံနှိပ်စာအုပ်များနှင့် ကျောင်းအပ်နှံခ လုံးဝ၊လုံးဝ မပေးရခြင်း” ပင်ဖြစ်သည်။

စာရေးသူတို့ မြန်မာနိုင်ငံ၏ အခြေခံပညာကျောင်းများအနက် အစိုးရစစ် စာမေးပွဲများတွင် အောင်ချက်အကောင်းဆုံးကျောင်းများတွင် ဆဋ္ဌမတန်းမှစ၍ တက္ကသိုလ်ဝင်တန်းအထိ အမှတ် အနည်းအများအလိုက် (A) ခန်း၊ (B) ခန်း၊ (C)ခန်း စသည်ဖြင့် ခွဲခြားသတ်မှတ်   ၍ အတန်းရွေးချယ် ပေးသော စနစ်တစ်ခုမနှစ်က အထိရှိနေခဲ့သည်။ ရန်ကုန်တိုင်းဒေသကြီး ဗဟန်းမြို့နယ် အထက (၂) နန်ယန်ကျောင်းတွင် စာအတော်ဆုံး ကျောင်းသား၊ကျောင်းသူများအား special တန်း (S) ခန်း ဟူ၍လည်းကောင်း အခြား “အထက” ကျောင်းများတွင် (A)ခန်း၌ သီးခြားရွေးချယ် ပညာသင်ကြား စေပါသည်။

ကောင်းကျိုးရလာင်္ဒများအနေနှင့် တင်ပြရလျှင် မိဘများအနေနဲ့ မိမိတို့သားသမီးများပညာ ရေးအတွက် လူအား၊ငွေအားများ အထူးစိုက်ထုတ်ကာ အသုံးပြုလာခဲ့ကြသောကြောင့်လည်း        တက္ကသိုလ်ဝင်တန်းစာမေးပွဲများတွင် ဘာသာစုံဂုဏ်ထူးရှင်များ တစ်ထောင်ကျော် လာပြီဖြစ်သည်။   စာရေးသူတို့ ကျောင်းသားဘဝ တက္ကသ်ိုလ်ဝင်တန်း ဘာသာစုံ ဂုဏ်ထူးရှင်သည် တစ်နိုင်ငံလုံး အတိုင်းအတာဖြင့် (၂) ဦးသာပေါ်ထွန်းခဲ့ပါသည်။

အတော်ဆုံးခန်း (A) ခန်း သို့မဟုတ် (S) ခန်းကို ရရှိရေးအတွက် ကျောင်းသား၊ကျောင်းသူ များကလည်း အပြင်းအထန်ကြိုးစားသည်။ ပြိုင်ဆိုင်ကြသည်။ အတော်ဆုံးအခန်းကို သင်ကြားသည့် ဆရာ၊ဆရာမများ အနေနဲ့လည်း တော်ရုံတန်ရုံ အရည်အချင်း အတွေ့အကြုံနှင့် အဆင်မပြေပေ။    မိမိစာသင်ကြားမှု စွမ်းရည်ကောင်းလျှင် ကောင်းသလောက် ကျောင်းသားများ၏ အထင်ကြီး လေးစားခြင်း မှတ်ချက်ကို ခံစားရနိုင်သည်။ မိမိ၏ စာသင်ကြားမှု ဟာကွက်၊ပျော့ကွက်များရှိလျှင် စိတ်ဝင်စားဖွယ်ကောင်းအောင် စာမသင်တတ်လျှင် “ကိုယ့်ပေါင် ကိုလှန်ထောင်းသလို” ဖြစ်နေလိမ့်မည်။ မိမိစာသင်ချိန်၌ ကျောင်းသားများငေးငိုင်နေမည်။ အိပ်ငိုက်နေမည် ဖြစ်သည်။ ပညာတတ်မိဘများ၏ ဝေဖန်ထောက်ပြ ပဲ့တင်သံများ၊ ပတ်ဝန်းကျင်၌ ပျံ့နှံ့နေမည် ဖြစ်သည်။

မိဘများအနေနဲ့လည်း မိမိတို့ရင်သွေးများကို အတော်ဆုံးခန်း (A) ခန်း၊ (S) ခန်းများ၌ထား ချင်သည့် ရည်ရွယ်ချက်က “တံငါနားနီး၊ တံငါမုဆိုးနားနီး၊မုဆိုး” ပုံစံ မိမိတို့ရင်သွေးများကို ပင်ကိုယ် ကြိုးစားချင်စိတ်၊လိုချင်စိတ်ရှိသူများနှင့်အတူ စိတ်ဓာတ်ခွန်အားများ၊အတုယူ၊ အားကျစိတ်များ၊ဖြစ် ပေါ်လာစေရန် ရည်ရွယ်မှန်း စာရေးသူ မိဘချင်း၊စာနာမိပါသည်။ နားလည်ပေးပါသည်။

၂၀၁၇-၂၀၁၈ခု ပညာသင်နှစ်မှစ၍ အတော်ဆုံးတန်း၊အလယ်အလတ်အတန်း၊ အညံ့ဆုံး တန်း (A) (B) (C) (D) ခွဲခြားကာ၊ အတန်းလက်ခံသည့် စနစ်အား ပညာရေးဝန်ကြီးဋ္ဌာနသည် အခြေခံပညာ ကျောင်းများအား ကျင့်သုံးခွင့် မပြုတော့ကြောင်းကို စာရေးသူသည် မေလ ၂၅ ရက်တွင် မိမိ၏သားသမီးများ ကျောင်းအပ်နှံသောအခါ လက်တွေ့သိလိုက်ရသည်။ စာရေးသူ၏ သမီးတစ်ဦးသည် နဂိုကတည်းက (A) ခန်းတွင် ပညာသင်ကြားခဲ့ပြီး အဋ္ဌမတန်း အစိုးရစစ် စာမေးပွဲ ကို ဘာသာစုံ အဆင့် (A) ဖြင့် အောင်မြင်ခဲ့သော်လည်း ယခုကျောင်းအပ်ခဲ့သောအခါ (F) အခန်း တွင် ကျောင်းအပ်ခဲ့ရသည်။ အလားတူ စာရေးသူ၏ တပည့်တစ်ဦးသည် တစ်ကျောင်းလုံးတွင် ဒုတိယအဆင့်ဖြင့် အောင်မြင်ခဲ့သော်လည်း တက္ကသိုလ်ဝင်တန်းကို (D) အခန်းသို့ ပြောင်းရွေ့အပ် နှံခဲ့ရသည်။

စာရေးသူ သတိထားမိသည်မှာ မိမိ၏ ဇွဲ၊လုံ့လ၊ဝီရိယ စွမ်းအားများကြောင့် နဂိုကတည်းက   အတော်ဆုံး၊ အထက်ဆုံးကျောင်းသား၊ ကျောင်းသူများထားသည့် (A)ခန်းတွင် ပညာသင်ကြားခဲ့ရ သူများ ယခု ၂၀၁၇- ၂၀၁၈ခု ပညာသင်နှစ်သစ် အစီအစဉ်အရ (B) ခန်းရောက်၊ (I) ခန်းရောက်၊   (H)ခန်းရောက်ကြရသောအခါ ကလေးသဘာဝအရ စိတ်ဒဏ်ရာများရခဲ့ကြောင်း လေ့လာမိပါ သည်။

ယခုနှစ်တွင် စတင်စမ်းသပ်ကျင့်သုံးသည့် တော်သော ကျောင်းသား၊သူများ အသင့်အတင့် ကြိုးစားသော ကျောင်းသား၊သူများ၊ ဝတ်ကျေတန်းကျေ ကျောင်းသား၊သူများ (တော်၊သင့်၊ညံ့) ၃မျိုး   ၃စားကို အခန်းတိုင်းတွင် မျှထည့်ကာ စာသင်ကြားပေးမည့်စနစ်ကို စာသင်ပေးသည့် ဆရာ၊ဆရာမ များ စာအလယ်အလတ်နှင့် စာညံ့သော ကျောင်းသား၊မိဘများက နှစ်သက်ကြပါလိမ့်မည်။

အမှန်တကယ် ကျောင်းတိုင်း၊ကျောင်းတိုင်းတွင် ပင်ကိုယ်စာလိုချင်သူ၊ စာကြိုးစားထူးချွန်သူ များသည် တက်ရောက်နေသော ကျောင်းသား၊ကျောင်းသူများ၏ ဦးရေ ၅ ပုံ ၁ပုံသာရှိပါလိမ့်မည်။

ဆရာဝန်ဘွဲ့ရ၊အင်ဂျင်နီယာဘွဲ့ရ၊ဝိဇ္ဖာသိပ္ပံတက္ကသိုလ်ဘွဲ့ရပြီး အလုပ်အကိုင်မရှိသော နောင် တော်များ၏ လက်တွေ့ဖြစ်ရပ်များကိုကြည့်ပြီး အခြေခံပညာကျောင်းသား၊ကျောင်းသူများမဆိုထား ဘိ တက္ကသိုလ်နယ်ပယ် ၁၄၆ခု ကျောင်းသား လူငယ်များသည်ပင် အနာဂတ်ပျောက်သလို ခံစားနေရပါသည်။

ထို့ကြောင့် စာရေးသူအနေဖြင့် အမှန်တကယ်ပြောင်းလဲစေချင်သည့် ပညာရေးအပြောင်း အလဲမှာ ပညာသင်ကြားနေသော ကျောင်းသား လူငယ်များ၏ဘဝကို အာမခံချက်ရှိသည့် အာမခံချက်ပေးနိုင်သည့် ပညာရေးစနစ်တစ်မျိုးကို လိုလားတောင့်တလျက် ရှိပါသည်။ “ရေပေါ် အရုပ်ရေးသည့်အလား” “ ဆင်ကန်းတောတိုး၊ မြေစမ်းခရမ်းပျိုး” သည့် စမ်းသပ်လုပ်ဆောင်နေမှု့ များသည် အချိန်ကုန် ငွေကုန် လုပ်ရပ်များဟု ထင်မြင်မိပါသည်။

ဂျက်ဖရီတင်အုန်း (ရန်ကုန်စက်မှု့တက္ကသိုလ်)

June 2, 2017
“မြင်မြင်သမျှ ပါမောက္ခ၊ တွေ့သမျှလူ ပါရဂူ”

“ပညာမြင့်မှ နိုင်ငံတင့်မည်” ကိုယုံကြည်သော နိုင်ငံတော်၏အတိုင်ပင်ခံ ဦးဆောင်သော အရပ် သားအစိုးရသည် ပညာရေးလိုအပ်ချက်အရ ၂၀၁၇- ၂၀၁၈ ပညာသင်နှစ်တွင် ဝိဇ္ဖာ၊သိပ္ပံ တက္က သိုလ်၊ ကွန်ပျူတာ၊နည်းပညာတက္ကသိုလ်နှင့် ပညာရေးကောလိပ်များအတွက် နည်းပြ သရုပ်ပြရာထူး ၁၄၀၀ခန့်ထားမည်ဖြစ်ကြောင်း နည်းပြ သရုပ်ပြရာထူးများခန့်ထားရာတွင် အဆင့်မြင့်ပညာဦးစီးဋ္ဌာန လက်အောက်ရှိ ဝိဇ္ဇာ၊သိပ္ပံတက္ကသိုလ် ၄၈ခုအတွက် ၆၈၀ ဦး၊ကွန်ပျူတာနှင့် နည်းပညာတက္ကသိုလ် ၆၀ အတွက် ၆၀၀၊ ပညာရေးကောလိပ် ၂၅ ခု အတွက် ၁၂၀ ဦး၊ စုစုပေါင်း ၁၄၀၀ ဦးကို ကျောင်းဖွင့် အမှီ ခန့်ထားနိုင်ရန် ဘာသာရပ်အလိုက် ခန့်ထားလိုသည့်ဦးရေနှင့်ပညာအရည်အချင်းသတ်မှတ် ချက်များ တောင်းခံပြီး အဆင့်မြင့်ပညာရေးဦးစီးဋ္ဌာနမှ တက္ကသိုလ်အားလုံးအတွက် သတင်းစာမှ ကြော်ငြာ အသိပေးခေါ်ယူသွားမည်ဖြစ်ကြောင်း၊ အခြေခံပညာဦးစီးဋ္ဌာန ညွှန်ကြားရေးမှူးချုပ် ဒေါက်တာ သိန်းဝင်းက မေလ ၁၄ရက်နေ့၌ ပြောဆိုခဲ့ပါသည်။

မြန်မာနိုင်ငံတွင် နဝတ၊ နအဖ စစ်အစိုးရလက်ထက်၊ ဦးသိန်းစိန်အစိုးရလက်ထက်တို့တွင် မဟာဘွဲ့၊ပါရဂူဘွဲ့ရများစွာကို စက်ရုံထွက်ကုန်သဖွယ် မွေးထုတ်ခဲ့ပေသည်။ Thesis စာတမ်းများ ပြုစုဖို့၊တင်ဖို့၊ နောက်ကွယ်က “ရှဲဒိုး” ရေးပေးနေသူများ၊ ဖန်တီးထုတ်လုပ်ပေးနေသူများကလည်း ထိုက်တန်သည့် ကန်တော့ပန်းဆင်မြန်းခံရလျှင် “ကူညီပါရစေ” သတည်း။ သိပ္ပံနှင့်နည်းပညာဝန် ကြီး ဦးသောင်းလက်ထက်တွင်ပင် မဟာဘွဲ့ M.E ဘွဲ့မရသေးဘဲ၊ပါရဂူဘွဲ့ Ph.D ကိုပြိုင်တက်ခွင့် ပေးပြီး ပါရဂူဘွဲ့ရသွားသော စက်ရုံထွက်ကုန်များသည်ပင်လျှင် အမြောက်အမြားရှိခဲ့သည်။

စာရေးသူတို့ တက္ကသိုလ်ကျောင်းသားဘဝက ပညာသင်ကြားပေးခဲ့ကြသော ဆရာ၊ဆရာမ ကြီးအချို့သည် ပညာရပ်ဆိုင်ရာ ပါရဂူဘွဲ့ (Doctor of Philosophy) Ph.D ဘွဲ့ကိုအမေရိက၊ အင်္ဂလန် စသည့် အနောက်နိုင်ငံများမှ ရရှိခဲ့ကြသည်။ မိမိတို့ တက်ရောက်နေသော တက္ကသိုလ်နောက်ဆုံးနှစ် စာမေးပွဲအောင်စာရင်း အမှတ်ပေါင်းရလာဒ်ကို ကြည့်၍ မဟာဘွဲ့ကြို သင်တန်းများကို တက်ရောက်ခွင့်ပြုခဲ့သည်။ တက္ကသိုလ်မဟာဘွဲ့များဖြစ်သည့် M.A, M.Sc, M.E စတဲ့ဘွဲ့များရရန် ကတိကဝတ်ပြု လက်မှတ်ရေးထိုးမှုပြုရသည်။ လျှောက်ထားသူများပြားပါက ဝင် ခွင့်စာမေးပွဲ ရေးဖြေ၊နှုတ်ဖြေ၊ ဖြေဆိုရသေးသည်။ရွေးချယ်ခံရပါက မိမိတို့သက်ဆိုင်ရာ တက္ကသိုလ် များတွင် ကျောင်းသားတစ်ပိုင်း၊ဆရာတစ်ပိုင်း၊ အလုပ်သင်ဆရာအနေဖြင့်ဝင်လုပ်ရသည်။ အချို့ မဟာဘွဲ့ကြိုတန်းများကို နိုင်ငံခြားပြန် ပါရဂူ Ph.D ဘွဲ့ရ ဆရာ၊ဆရာမများက သင်ကြားပေးခဲ့ ကြသည်။ မဟာဘွဲ့များအတွက် စာတမ်းများပြုစုရန် စာကြည့်တိုက်များသို့ အကြိမ်ကြိမ်အခါခါ သွားခဲ့ရသည်။ “ရှာဖွေလေလေ တွေ့ရှိလေလေ” ဆိုတဲ့စကားအတိုင်း အချိန်ကုန် ငွေကုန် စိတ်ဆင်းရဲ အပင်ပန်းခံကာ သုတေသန စာတမ်းများကို ပြုစုခဲ့ကြသောကြောင့် မိမိ၏သုတေသန စာတမ်းကို ပါမောက္ခကြီးများ အကြိုက်တွေ့ခဲ့သည်။

ကံမကောင်း၊ အကြောင်းမလှ၍ မိမိ၏ Thesis သုတေသနစာတမ်း၊ အပယ်ခံရလျှင် မဟာဘွဲ့ကို လက်ပြနှုတ်ဆက်သွား ရသူများထဲတွင် စာရေးသူ၏မိတ်ဆွေတစ်ဦး ပါခဲ့ဖူးသည်ကို မှတ်မိပါသေးသည်။

စာရေးသူတို့ ကျောင်းသားဘဝတွင် ပါရဂူဘွဲ့ရယူရန် အနောက်နိုင်ငံများသို့ ပညာတော် သင်သွားရသည်။ ပါရဂူဘွဲ့အတွက် ပညာသင် စရိတ်ကို အနောက်နိုင်ငံများ၏အစိုးရများက နှစ်နိုင် ငံချစ်ကြည်ရေးအကြောင်းခံကာ ကူညီဆောင်ရွက်ပေးတတ်ကြသည်။ ဂျပန်နိုင်ငံရှိ “အိုကီနာဝါ ဖောင်ဒေးရှင်းကြီးသည် ယနေ့တိုင် မြန်မာနိုင်ငံသားများ၊ ပညာတော်သင် စေလွှတ်ရေးတွင် အစစ အရာရာ ကူညီထောက်ပံ့လျက်ရှိသည်။ စာရေးသူ၏ ရန်ကုန်စက်မှု့တက္ကသိုလ်ကျောင်းသားဘဝ ကဆရာကြီးတစ်ဆူလည်းဖြစ်ခဲ့သူ ပညာရေးဝန်ကြီးဟောင်း ဒေါက်တာချမ်းငြိမ်းသည် အင်္ဂလန် နိုင်ငံမှ မဟာဘွဲ့နှင့် ပါရဂူဘွဲ့ Ph.D ကိုရရှိခဲ့သူဖြစ်သည်။ အတွေ့အကြုံရှိ အရည်အချင်းအပြည့် ရှိသူမို့ ဆရာ့စာသင်ချိန်ဆို ကျွန်တော်အလွန်ပျော်သည်။ ဗဟုသုတများစွာရသည်။

စာရေးသူသည် ယခုအချိန်အခါတွင် ပညာဖြင့် အမိမြန်မာနိုင်ငံတော်ကြီး တင့်တယ် လှပစေ ရန် ရည်ရွယ်လျက် အရပ်ဖက် လူ့အဖွဲ့အစည်းတစ်ရပ် (Civil Society Organization) C.S.O ကိုယ်ကျိုးမဖက်၊ အများအကျိုးအတွက် (Non- Profit Organization) တစ်ခုကို တရားဝင် အသင်းအဖွဲ့မှတ်ပုံတင် လုပ်ထုံးလုပ်နည်း စည်းမျဉ်းစည်းကမ်းများနှင့်အညီ နေပြည်တော်ရှိ ပြည်ထဲရေး ဝန်ကြီးဋ္ဌာန၊ ပညာရေးဝန်ကြီးဋ္ဌာနများသို့ မှတ်ပုံတင်ခဲ့ပါသည်။ စိတ်တူ၊ကိုယ်တူ၊ ရည်ရွယ်ချက်တူ ပညာရေး နယ်ပယ်မှ ဆရာ၊ဆရာမများဖြင့်ဖွဲ့စည်းခဲ့ပါသည်။

ရန်ကုန်မြို့လောက်ရှိသည့် အရှေ့တောင်အာရှမှ စင်္ကာပူနိုင်ငံလေးသည် မည်သည့်သယံ ဇာတမှလည်းမထွက်၊ ပြည်ပပို့ကုန်ဟူ၍ ဘာကုန်မှ ထွေထွေထူးထူးမရှိ။ သို့သော် လူသားရင်းမြစ်အမြောက်အမြားကို စင်္ကာပူနိုင်ငံ၏ တက္ကသိုလ် ကောလိပ်များက အချိန်နှင့် တစ် ပြေးညီ တန်ဖိုးရှိရှိ ထုတ်လုပ်ပေးလျက်ရှိသည်။

စာရေးသူသည် မြန်မာ့ပညာရေးလောကသား ပဲ့ကိုင်ရှင်များအား အကြံပြုလိုသည်မှာ “မြင်မြင်သမျှပါမောက္ခ၊ တွေ့သမျှပါရဂူ” များကို စက်ရုံထွက်ကုန်ပစ္စည်းများသဖွယ် ထုတ်လုပ် နေမည့်အစား ဒေါက်တာဘွဲ့အမည်ခံ “ပြစားများ” ၊ မွေးထုတ်နေမည့်အစား ၊ အရည်အသွေး၊အ ရည်အချင်း၊ ထွန်းတောက်ခဲ့သော ရှေ့ဆောင်လမ်းပြ တစ်ချိန်က ဂုဏ်ထူးဆောင် ဆရာ၊ဆရာမကြီး များကဲ့သို့ အတုစံနမူနာယူ မွေးထုတ်သင့်ပါကြောင်း အကြံပြုတိုက်တွန်းလိုက်ပါသည်။

လေးစားလျှက်

ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)

May 22, 2017
“ပြည်တွင်းငြိမ်းချမ်းရေးနှင့်ဒီမိုကရေစီ ဖက်ဒရယ်ခရီးကို လှမ်းလိုလျှင်”

ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်) ရေးသည်။

မြန်မာနိုင်ငံတွင် ပြည်သူလူထု မထင်တာတွေ၊ အမှန်တကယ်ဖြစ်ခဲ့သလို ကမ္ဘာပေါ်မှာမရှိ ရှားပါး ဖြစ်ရပ်တွေလည်း ဧကန်အမှန်ဖြစ်လျက်ရှိနေသည်ကို သတင်းမီဒီယာများတွင်လည်းကောင်း ၊ လူမှု့ရေးကွန်ယက် Facebook တွင်လည်း ထူးထူးဆန်းဆန်းတွေ့နေရပါသည်။

ဦးသိန်းစိန်အစိုးရလက်ထက်၊ မြန်မာလူမျိုးတို့၏ အထွဋ်အမြတ်ထားရာ ဥာဏ်တော်အမြင့် ၃၂၆ပေရှိတဲ့ ရွှေတိဂုံစေတီပေါ် လင်းတ ၆ကောင်နားသွားခဲ့သည့်ဖြစ်ရပ်သည် စိတ်ဝင်စားဖွယ် ကောင်းလှသည်။ စာရေးသူက ထိုစဉ်ကယူခဲ့သော အတိတ်န်ိမိတ်ကို ပြန်ပြောပြရလျှင် ၁။ “ ဆွမ်းဆန်ထဲ ကြွက်ချေးများ လာရောက်မည်။” ၂။ “ နိုင်ငံ၏ပုံရိပ်ကျဆင်းမည်။” ၃။ “ မင်္ဂလာရှိသော နေရာများ အမင်္ဂလာများဖြစ်သွားမည်။” ၄။ “နိုင်ငံ၏အထွဋ်အထိပ် ဦးဆောင်နေရာများတွင် ပြည်သူလူထု၏အော့နှလုံးနာ၊ မလိုလား၊ မနှစ်သက်သူများနေရာဝင်ယူလာမည်။” စသည်ဖြင့် ယူဆခဲ့သောအတွေးများသည် ၂၀၁၅ခု နိုဝင်ဘာလ ၈ရက် ပါတီစုံ အထွေထွေရွေးကောက်ပွဲကြီး တွင် လုံးဝဥသုန် မှန်ကန်ခဲ့ပေသည်။ စေ့စေ့တွေးလျှင် ရေးရေးပေါ်ပါသည်။ ရွှေတိဂုံစေတီတော်ကြီး သည် မြန်မာလူမျိုး ဗုဒ္ဓဘာသာဝင်များ၏ ဂုဏ်ယူစရာနေရာတစ်ခု၊ နားခဲ့သည့် ငှက်သည် သင်္ချိုင်းသုသာန်များတွင် လူသေကောင်များကို စားသုံးသည့် မြန်မာတို့မနှစ်မြို့သော လင်းငှက်ဖြစ်သည်။

မထင်မှတ်နောက်ဖြစ်ရပ်တစ်ခုမှာ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ (နအဖ) စစ်အစိုးရလက်ထက်က လူမှု့ရေးအသင်းကြီးတစ်ခု အနေဖြင့် ဆောင်ရွက်သွားမည်ဟု ဖွဲ့စည်းခဲ့သော “ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းကြီး” သည် နိုင်ငံပိုင် ပြည်သူ့ ဘဏ္ဍာတော်ငွေများဖြင့် တည်ထောင်ထားသည့် အဖွဲ့အစည်းတစ်ခုအနေဖြင့် ကမ္ဘာသိဖြစ်ခဲ့သည်။ အခြေခံပညာ ကျောင်းဆရာ၊ဆရာမများ၊တက္ကသိုလ်ကောလိပ်ဆရာ၊ဆရာမများ၊ အစိုးရဝန်ထမ်း များပါ၊ ဝန်ထမ်းမိသားစုများပါ၊ ထိုပြည်ခိုင်ဖြိုး အသင်းကြီးတွင် အဖွဲ့ဝင်အနေဖြင့်ပါဝင်ရသည်။ ၂၀၁၀ခု ပါတီစုံ ဒီမိုကရေစီ ရွေးကောက်ပွဲအတွက် မှတ်ပုံတင်သောအခါ ပါတီအဖြင့် အသွင်ပြောင်းကာ “ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ” ဖြစ်သွားခဲ့ပါသည်။ ပြည်သူပိုင်ပစ္စည်းများ၊ ပါတီပိုင်ဖြစ်သွားခဲ့ပါသည်။ နေပြည်တော်ရှိ ပြည်ခိုင်ဖြိုးဋ္ဌာနချုပ်ကြီးကို စာရေးသူ မြင်သောအခါ ထင်ရှားသော သက်သေအထောက်အထားတစ်ခုရခဲ့ပြန်သည်။ ၂၀၁၀ခု ပါတီစုံ ဒီမိုကရေစီရွေးကောက်ပွဲ၌ အနိုင်ရခဲ့ပြီး အစိုးရဖွဲံ့ခဲ့သောအခါ ဗိုလ်ချုပ်၊ဗိုလ်ချုပ်ကြီးများ တစ်ချိန်က ဖြစ်ခဲ့သူများသည် အစိုးရအဖွဲ့တွင် နာမည်အရှေ့၌ “ဦး”-တတ်ကာ ဝန်ကြီးများဖြစ်လာကြတော့သည်။

ပြည်နယ်တိုင်းဒေသများရှိ ယခင်ကတိုင်းမှူး ဗိုလ်ချုပ်များသည် ပြည်နယ်၊ တိုင်းဒေသများရှိ နာမည်အရှေ့၌ “ဦး” တက်ကာ ဝန်ကြီးချုပ်များဖြစ်လာကြပြီး၊ အပိုင်စားမင်းများ ဖြစ်လာကြတော့သည်။ နိုင်ငံပိုင် မြေပေါ် မြေအောက်၊ ရေပေါ်၊ရေအောက်တွင်းထွက် သယံဇာတများကို မိမိအနီးအနားရှိ ဝေစား။မျှစား၊ ပေါင်းစား၊ချစား၊စီးပွားရေးမုဆိုး ခရိုနီများနှင် ဖက်လှဲတကင်း အလုပ်ဖြစ်ခဲ့သောကြောင့် ရရှိလိုက် သော ဆိုးကျိုးရလာဒ်တစ်ခုမှာ “စားစရာမရှိသော လူတန်းစားနှင့် ထားစရာမရှိသော လူတန်းစား (၂) ရပ်” ပေါ်ထွန်းလာခဲ့ခြင်းပင်ဖြစ်သည်။

ဝန်ကြီးချုပ်တာဝန်များ ထမ်းဆောင်ခဲ့သည့် သက်တမ် ၅ နှစ်ကာလ ပြီးဆုံးသောအခါ နောက်တက်လာသည့် ပြည်နယ်တိုင်း ဒေသကြီးအစိုးရထံ အပ်နှံရမည့် ပြည်သူ့ဘဏ္ဍာများ (ငွေ၊ အဆောက်အဦး၊ လယ်ယာမြေ၊ မော်တော်ကား)စသည်တို့ကို ပြည်သူရွေးချယ်သည့် အစိုးရထံ လုံးဝမအပ်ဘဲ မိမိတို့၏ မိခင်ရင်းပါတီ စစ်ဗိုလ်ချုပ်များဖြင့် ဖွဲ့စည်းထူထောင်ထားသည့် “ပြည်ခိုင်ဖြိုး” ပါတီသို့လွှဲအပ်ပေးခဲ့ခြင်းသည် မရိုးသားသော ပြယုဂ် အနေနဲ့ မြန်မာ့သမိုင်းတွင် ကျန်ရစ်နေမည်မှာ သေချာသည်။ ဥပမာပြရလျှင် မကွေးတိုင်းဝန်ကြီးချုပ်ဟောင်း ဦးဘုန်းမော်ရွှေ နှင့် ဧရာဝတီတိုင်း ဝန်ကြီးချုပ်ဟောင်း ဦးသိန်းအောင်တို့သည် မိမိတို့တိုင်းဒေသကြီးရှိ အစိုးရများထံ ဘီလျှံချီရှိငွေကျပ် ကို သိန်းပေါင်းများစွာသည် ထင်ရှားသော သက်သေလက္ခဏာတစ်ရပ်ဖြစ်ခဲ့ သည်။

ထို့နောက် ထင်ရှားထောက်ပြစရာ အချက်တစ်ခုမှာ ၂၀၀၈ခု ဖွဲ့စည်းပုံအခြေခံဥပဒေ ဖြစ်သည်။ ကမ္ဘာပေါ်တွင် နိုင်ငံတိုင်း ဖွဲ့စည်းအုပ်ချုပ်ပုံ အခြေခံဥပဒေ၊ ဥပဒေ၊ နည်းဥပဒေ စသည်တို့သည် ဘုရားဟောကျမ်းဂန်၊ထာဝရမှန် စည်းမျဉ်းဥပဒေများမဟုတ်ကြပေ။ သိပ္ပံပညာရှင်များ စဉ်းစား၊တွေးခေါ်၊လက်တွေ့၊သုတေသနပြုမှုမြောက်များစွာထဲမှ ထုတ်ဖော်ခဲ့ သည့် Law များ၊ Principals၊ ဥပဒေသများ၊ နိယာမများသည်ပင်လျှင် ခေတ်ကာလနှင့် အံ့ဝင်ခွင်ကျ မဖြစ်တော့၍ ပြင်ဆင်ပယ်ဖျက် အသုံးပြုနေရသည်များရှိသည်။

ကမ္ဘာကြီး၏ အချိန်တိုင်း၊သိပ္ပံနှင့် နည်းပညာများတိုးတက်ပြောင်းလဲနေခြင်း၊လူသားတို့၏ အသိဥာဏ်ပညာများ ဖွံ့ဖြိုးတိုးတက်လာခြင်း၊ ကမ္ဘာ့ကုလသမဂ္ဂ အဖွဲ့ကြီး၏ လူ့အခွင့်အရေးပါ ပြ ဋ္ဌာန်းချက်များကို မဖြစ်မနေလေးစားလိုက်နာရခြင်း၊ စသည့်အခြေအနေ အကြောင်းတရားများ အောက်တွင် နိုင်ငံတစ်နိုင်ငံသည် မိမိတို့၏ ဖွဲ့စည်းအုပ်ချုပ်ပုံ အခြေခံဥပဒေကို မိမိတို့ အစိုးရအဖွဲ့ အတွင်း လွှတ်တော်များအတွင်း ခေတ်ကာလ လိုအပ်ချက်နှင့်အညီ နိုင်ငံအကျိုး ပြည်သူလူထု အကျိုးအတွက် ပြင်ဆင်ဖြည့်စွက်ရေးဆွဲ နေရသည်ကိုကမ္ဘာ့စံပြ ဒီမိုကရေစီနိုင်ငံများဖြစ်သည့် အမေရိကန်နိုင်ငံနှင့် အိမ်နီးချင်းအိန္ဒိယနိုင်ငံတို့၏ နိုင်ငံရေး သမိုင်းများကိုလေ့လာပါက သိနိုင်ပါသည်။

သို့သော် ကမ္ဘာ့အံဖွယ် ဖွဲ့စည်းပုံ အခြေခံဥပဒေ တစ်ခုမြန်မာပြည်မှာရှိနေပါသည်။ မြန်မာ့ အရေးကျွမ်းကျင်နှံ့စပ်သည့် ဘာတင်းလစ်တနာဆိုသူက “ မြန်မာပြည်၏ ၂၀၀၈ ခုနှစ်ဖွဲ့စည်းပုံ အခြေခံဥပဒေကို တရားသူကြီးချုပ် ဦးအောင်တိုးက အာဏာရှင်ကြီး ဦးသန်းရွှေ အလိုကျ မြန်မာပြည် တည်သရွေ့ စစ်တပ်က အမြဲတမ်းအာဏာရှိစေရေး ဒေါ်အောင်ဆန်းစုကြည် သမ္မတ မဖြစ်ရေး” စသည့် အခြေခံမူများပေါ်အခြေခံကာ ရေးဆွဲခဲ့ကြောင်း ဘန်ကောက်ပို့စ်တွင်ရေးသားခဲ့ ဖူးပါသည်။

၁၉၈၈ခုနှစ် စက်တင်ဘာလ ၁၈ရက်နေ့တွင် ပါဝင်ခဲ့သော “နဝတ” စစ်ခေါင်းဆောင် ဗိုလ်ချုပ်မှူးကြီးစောမောင်က နိုင်ငံတကာ မီဒီယာများအား ပြောကြားခဲ့သော စကားများသည် စစ် သားကြီး ပီသကြောင်း ခေါင်းဆောင်ကောင်းပီသကြောင်းကို သမိုင်းသက်သေထူခဲ့သည်။ ဗိုလ်ချုပ်မှူးကြီးက “ရွေးကောက်ပွဲမှာ အနိုင်ရတဲ့ ပါတီကို အာဏာအပ်မယ်။ တပ်မတော်က စစ်တန်းလျား ပြန်မယ်။ ဖွဲ့စည်းပုံအခြေခံဥပဒေရေးဆွဲတဲ့ အလုပ်ဟာ တပ်မတော်အလုပ်မဟုတ်ဖူး။ ရွေးကောက်ပွဲ အနိုင်ရပါတီရဲ့အလုပ်သာဖြစ်တယ်” ဟု သမိုင်းမှတ်တမ်း ရေးထိုးခဲ့ဖူးပါသည်။

လက်ရှိမြန်မာနိုင်ငံတွင် ၂၀၀၈ခုနှစ် ဖွဲ့စည်းပုံ အခြေခံဥပဒေအရ အုပ်ချုပ်နေသည်မှာ ၇ နှစ်ကြာခဲ့ပြီဖြစ်သည်။ မြန်မာနိုင်ငံတွင် မြို့နယ်ပေါင်း ၃၂၅ မြို့ရှိသည့်အနက်၊ ၂၇၈ မြို့နယ်တွင် ဆ န္ဒမဲပေးခွင့် ရှိသူ ဦးရေ ၂၂၄၉၆၆၆၀ ဦးအနက်၊ ၂၀၇၈၆၅၉၆ ဦးတို့က ထောက်ခံသည့်အတွက် ထောက်ခံသည့်ရာခိုင်နှုန်းမှာ ၉၂ ဒသမ ၄ ရာခိုင်နှုန်းဖြစ်ကြောင်း၊ ပြည်လုံးကျွတ် ဆန္ဒခံယူပွဲ ကျင်းပရေး ကော်မရှင် ဥက္ကဋ္ဌ ဦးအောင်တိုးက ၂၀၀၈ခုနှစ်မေလ ၁၀ရက်နေ့တွင် ထုတ်ပြန်ကြေညာ ခဲ့ပေသည်။ ထိုစဉ်က ကော်မရှင် ဥက္ကဋ္ဌက မြန်မာပြည်၏လူဦးရေသည် ၅၇၅၀၄၃၆၈ ဖြစ်သည် ဟု ဖော်ပြခဲ့သည်။ ၂၀၁၄ သန်းခေါင်စာရင်း အရ လက်ရှိ မြန်မာပြည်၏ လူဦးရေနှင့် ၆သန်းကျော်ကာ ဟ နေသည်။

အထူးစိတ်ဝင်စားဖွယ်ကောင်းသည်မှာ ၂၀၁၄ ခုနှစ် မတ်လ ၃၀ရက်နေ့ ကမ္ဘာ့ကုလသမ္မဂ အဖွဲ့ကြီးနှင့် နိုင်ငံတကာ အဖွဲ့အစည်းများ၏ အကူအညီဖြင့် ကောက်ခံခဲ့သော သန်းခေါင်းစာရင်း မှတ်တမ်းများအရ မြန်မာတစ်နိုင်ငံလုံး၏ လူဦးရေသည် ၅၁ ဒသမ ၄ သန်းသာရှိကြောင်းသိရသည်။ နှစ်ကာလကြာလေလေ လူဦးရေများလေလေ ဖြစ်သည်မှာ ငြင်းချက်မထုတ်နိုင်သော သက်သေ တစ်ခုဖြစ်သည်။ သို့သော် ၂၀၀၈ ဖွဲ့စည်းပုံ အတည်ပြုစဉ်က ၅၇ သန်းကျော် ရှိပြီး ၂၀၁၄ခု သန်းခေါင်စာရင်းကောက်ရလာဒ်တွင် ၅၁ သန်းကျော် ရှိနေခြင်းသည် မြန်မာပြည်၏လူဦးရေ နှစ် ကာလ ကြာလေလေ လျော့သွားလေလေ ဖြစ်စဉ်တစ်ခုကို ပြသည့်အညွှန်းကိန်း ရလာဒ်ကို ဖော်ဆောင်နေခြင်းသည် ကမ္ဘာ့အံဖွယ်တစ်ခုလား? ဒါမှမဟုတ်ရင် “ငါ့စကားနားရ၊ ငါပြောတာ အမှန် ငါလုပ်တာအမှန်” ငါတကောကောပြီး ထင်ရာစိုင်းခဲ့ ရာဇဝင်ရိုင်းခဲ့သည့်ဖြစ်စဉ်တစ်ခုလား ဆိုတာ ကမ္ဘာက ထောက်ပြစရာဖြစ်နေပေသည်။ ထို့ကြောင့် ထိုဖွဲ့စည်းပုံကို မပြင်သရွေ့ပြည်တွင်း ငြိမ်းချမ်းရေး လုံးဝမရနိုင်သလို တိုင်းရင်းသားများ တောင်းဆိုနေသည့် ဒီမိုကရေစီ ဖက်ဒရယ်ခရီး ကိုလည်း လျှောက်လှမ်းနိုင်မည်မဟုတ်ပေ။

ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)

May 16, 2017
“ယနေ့ခေတ် ပညာရေးကို စကားလုံးဝေါဟာရတွေနဲ့ ပဲ တန်ဆာဆင်ပြီး အချိန် မကုန်သင့်”

ကာတွန်း Credit- သီဟစော

ဧပြီ ၂၅ ၊ ၂၀၁၇
ဂျက်ဖရီတင်အုန်း(R.I.T) ရေးသည်။

၂၃ ရက် ဧပြီလ မှာအစိုးရစစ်စာမေးပွဲများဖြစ်ကြတဲ့ Grade 4 နှင့် Grade 8 အပါဝင် Grade 9 အထိ စာမေးပွဲအောင်စာရင်းတွေ ထွက်ခဲ့ကြတယ်။ဒီနှစ်ထူးခြားတာက Grade 4 နှင့်Grade 8 အတန်းတင်းစာမေးပွဲများကျင်းပပြီး စစ်ဆေးနေချိန်တစ်လျှောက်လုံး စာရေးသူရဲ့မိတ်ဆွေ စာစစ်ဆရာမများနှင့်တွေ့လိုက်တိုင်း သူတို့ပြောကြတာကတော့”အမှတ် ၂၀ ဖိုးကို ခဲရာခဲဆစ် မနည်းရှာပြီး လုပ်ပေးခဲ့ရတယ်။ မေးခွန်းက စာဖြေသူတွေကို အလွယ်တကူ ဖြေနိုင်အောင် December လ စာမေးပွဲမေးခွန်းတွေထဲကပဲ အမှတ် ၂၀ ကျော်ဖိုးမေးထားခဲ့တယ်။ တစ်ချို့ခလေးတွေအတွက် ကုစားမဖြေရအောင် ကျမတို့က အောင်မှတ်ဖိုးကို ဆွဲထုတ်ရှာပေးခဲ့တယ်။ဒါတောင် စာမေးပွဲကျသေးတဲ့သူက ကျကြတာ ပါပဲ “ဟူ၍ဆရာမတွေရဲ့ ညည်းတွားသံလေးများကိုလည်း စာရေးသူ ကြားခဲ့ရပါတယ်။ ဒီနှစ်စာမေးပွဲအောင်စာရင်းတွေကို” အတန်းကူးပြောင်းလို့” သတ်မှတ်တာ ကြေညာတာကို တွေ့လိုက်ရလို့အများစုက အံ့သြသွားကြပါလိမ့်မယ်။

အမှန်တကယ် ဒီအသုံးအနှုန်းကို သုံးစွဲဖို့ ‘နဝတစစ်အစိုးရ’လက်ထက် ကတည်းက ပညာရေးဝန်ကြီးဌာနက လမ်းညွှန်ထားကြောင်း စာရေးသူ သိခဲ့ပါတယ်။တကယ်တော့ စာမေးပွဲအောင်ရင် အတန်းတက်တယ်။အတန်းကူးပြောင်းသွားတယ်လို့ သိထားကြပြီး စာမေးပွဲကျရှုံးရင်တော့ အတန်းမတက်ဖူး။ နဂိုရှိရင်းစွဲအတန်းပဲ။အတန်းမကူးပြောင်းပေးဖူး လို့ဆိုလိုကြောင်း ကိုလည်း အားလုံးနီးပါး သိထားကြပါတယ်။ အင်္ဂလိပ်စာမှာတော့ အောင်ရင် pass ကို သုံးပြီး စာမေးပွဲမှာကျရှုံ့းလို့အတန်းမတက်ရင် fail ကိုသုံးတာလည်း အများအသိဖြစ်ပါတယ်။ တနည်း fail or pass သုံးကြပါတယ်။မြန်မာစကားမှာတော့ ခေါ်လို့ ပြောလို့နားထောင်လို့ကောင်းလို့ နှုတ်ကျိုး သုံးနှုံးနေတာကတော့ “စာမေးပွဲအောင်စာရင်း”ဖြစ်နေတော့”အတန်းကူးပြောင်း”ဆိုတဲ့အသုံးအနှုန်းဟာ မြန်မာ့ပညာရေးလောကမှာ အသုံး မတွင်ကျယ်ခဲ့တာပါ။

ဒါပေမယ့်အခြေခံပညာကျောင်းတွေမှာ ကျောင်းပြောင်းကိစ္စတွေအတွက် ကျောင်းထွက်လက်မှတ်သွားယူခဲ့တဲ့အခါမှာ သက်ဆိုင်ရာ အချို့ကျောင်းတွေက” အတန်းကူးပြောင်း”ဆိုတဲ့အသုံးကို ထောက်ခံစာတွေမှာ သုံးကြောင်း စာရေးသူမိတ်ဆွေ သင်္ဃန်းကျွန်းမြို့နယ်က အငြိမ်းစားကျောင်းအုပ်ဆရာကြီးတစ်ဦးကအောင်စာရင်းကြေညာသည့်နေ့ကရှင်းပြခဲ့ဖူးပါသည်။ ဒီအတွက်ကြောင့်လည်း ‘အတန်းကူးပြောင်း’အသုံးအနှုန်းသည် ဆန်းပြားသည့် အသုံး ထူးဆန်းသည့်အသုံးမဟုတ်ကြောင်း အခြေခံပညာကျောင်းအချို့မှာ သုံးနေတာကြာပြီ ဖြစ်ကြောင်း စာရေးသူတင်ပြလိုခြင်းဖြစ်ပါသည်။

ထိုသို့မဟုတ်ပါက “ပြောင်းလဲချိန်တန်ပြီ”ဆောင်ပုဒ်ဖြင့်အစိုးရ ဖြစ်လာသော အရပ်သားအစိုးရအနေဖြင့် မြန်မာလူထုကြီးတစ်ရပ်လုံး နှစ်ပေါင်းများစွာသုံးစွဲလာခဲ့သော ” စာမေးပွဲအောင်စာရင်း”ကို “အတန်းကူးပြောင်း “ဆိုပြီး ပြောင်းလဲရသလားဟူသော မမှန်ကန်သည့် ဝေဖန်ရေး လေကန်ရေးဖြစ်သွားမည်ကိုလည်း စာရေးသူစိုးရိမ်မိပါသည်။အကြောင်းမှာ ၁၉၈၈ ခုစက်တင်ဘာလ ၁၈ ရက် နိုင်ငံတော်ငြိမ်ဝပ်ပိပြားမှု့တည်ဆောက်ရေးအဖွဲ့(နဝတ)စစ်အစိုးရ အာဏာရှိစဉ်တွင် နိုင်ငံကိုခေါ်သည့် Burma ကို Myanmar သို့လည်းကောင်း လူမျိုးနှင့်ဘာသာစကားကို ခေါ်သည့် Burmese ကိုလည်း Myanmar သို့လည်းကောင်း ပြောင်းလဲခဲ့ပေသည်။ထို့ကြောင့် Myanmar သည် Burma နှင့်Burmese အဓိပ္ပါယ် နှစ်ခွ ဖြစ်သွားခဲ့ရပါသည်။

အင်္ဂလိပ်စာဖြင့် စာပေရေသားရာတွင် ရှုပ်ထွေးမှု့များဖြစ်လျက်ရှိပါသည်။ အနောက်တိုင်းသား အင်္ဂလိပ်လူမျိုးတွေကို ဆန့်ကျင်ကြောင်း ပြသလိုဟန်တူပါသည်။

ရှေးအခေါ်အဝေါ်အသုံးအနှုန်းများကို ဇာတိသွေးဇာတိမာန် တက်ကြွဟန် လုပ်ပြပြီးပယ်ဖျက်ခဲ့ပါသည်။အမှန်တကယ် ဘာသာစကားနှင့်မျိုးချစ်စိတ်ဓာတ်သည် လုံးဝခြားနားပါသည်။ဂျပန်လူမျိုးတို့သည် မျိုးချစ်စိတ်ဓာတ်မည်မျှပြင်းထန်ကြောင်းကို တက္ကသိုလ်ရှိ သင်ရိုးများကို ဂျပန်စာဖြင့်သင်ကြားစေခြင်း စက်မှု့ထုတ်ကုန်အမျိုးမျိုး၏သုံးစွဲပုံများကို ဂျပန်စာဖြင့်ရေးသာ့းခြင်း ဂျပန်စကားကို ကောင်းစွာပြောဆို တတ်သည့်နိုင်ငံခြားသားများကို လုပ်ငန်းခွင်များတွင် လစာကောင်းကောင်းပေးခြင်း စသည့် လုပ်ရပ်များ ကို ပြုလုပ်ခဲ့သော်လည်း အင်္ဂလိပ်လူမျိုးများတီထွင်ခဲ့သည့် နိုင်ငံကိုခေါ်သည့် Japan နှင့် လူမျိုးနှင့်ဘာသာစကားကိုခေါ်သည့် Japanese တို့ကို ပြောင်းလဲခဲ့ခြင်းမရှိခြင်းသည် အထူးမှတ်သားစရာဖြစ်သည်။

ထင်ရှားသော သာဓက တစ်ခုကို တင်ပြရလျှင် တပ်မတော်ဖခင် လွတ်လပ်ရေးဗိသုကာ ဗိုလ်ချုပ်အောင်ဆန်းသည် ဗြိတိသျှနယ်ချဲ့အင်္ဂလိပ်တို့၏နယ်ချဲ့စနစ်ကို ခါးသည်းစွာမုန်း တီးသော်လည်း အင်္ဂလိပ်လူမျိုးနှင့်အင်္ဂလိပ်ဘာသာစာပေတို့ကို မုန်းတီးခြင်းမရှိကြောင်းကို ဗိုလ်ချုပ်အကြောင်းရေးသားထားသည့် ကိုယ်ရေးအတ္ထုပ္ပတ္တိ စာအုပ်များနှင့် ဗိုလ်ချုပ်ပြတိုက်ကို သွားရောက်လေ့လာလျှင် သိနိုင်ပါသည်။ ဝါဒနှင့်ဝါဒီကို ကွဲကွဲပြာ့းပြားသိဖို့လိုအပ်ပါသည်။ “လူကိုခင်လျှင် မူကို ပြင်သည် ။လူကို မုန်းလျှင်မူကို သုံးခဲ့ကြသည့် ခေတ်အဆက်ဆက် အစိုးရများ၏ နိုင်ငံ့ပုံရိပ်ကျဆင်းစေသည့် လုပ်ရပ်ဆိုးများကို ပြည်သူ့အရပ်သားအစိုးရ သတိပြုဖို့လိုပါသည်။ နိဂုံးချုပ်တင်ပြရလျှင် နိုင်ငံတော်၏ထိပ်တန်းတာဝန်များကို ထမ်းဆောင်သူများအနေဖြင့် တိုင့်းပြည်အတွက် မည်သည့်အလုပ်ကို လုပ်လုပ် အနှစ်သာရပြည့်ဝသည့်အလုပ်များကို တာဝန်သိသိ သစ္စာရှိရှိ ထမ်းရွက်ဖို့လိုပေလိမ့်မည် ဟု စာရေးသူထင်မြင်မိသည်။ စကားလုံးလေးများပြောင်းသည့် အပေါ်ယံ ရေပေါ်အရုပ်ရေးသည့်လုပ်ရပ်များသည် ပြစားသည့် အလုပ်များသာ ဖြစ်ပါကြောင်း ပြည်သူလူထုကြီးအား လိမ်ညာသည့် လုပ်ရပ်များဖြစ်ကြောင်း ထပ်လောင်းတင်ပြလိုက်ရပါသည် ။

လေးစားလျက်
ဂျက်ဖရီတင်အုန်း(ရန်ကုန်စက်မှု့တက္ကသိုလ် R.I.T)

April 25, 2017
“မြန်မာ့ပညာရေး စနစ်ကို ဆင်ကန်းတောတိုး မြေစမ်းခရမ်းပျိုး ပုံစံမျိုး မဖြစ်စေချင်”

မတ်လ ၂၅ ၊ ၂၀၁၇
ဂျက်ဖရီတင်အုန်း (ရန်ကုန်စက်မှုတက္ကသိုလ် R.I.T)

မြန်မာနိုင်ငံတွင် စတုတ္ထတန်းနှင့်အဋ္ဌမတန်း အတန်းတင်စာမေးပွဲများကို အစိုးရစစ်အနေ ဖြင့် ပြန်လည်စစ်ဆေးမေးမြန်းခဲ့သည်မှာ တတိယအကြိမ်ပင်ရှိပြီ။ ဖေဖော်ဝါရီလ ၂၂ရက်တွင် စတင်ကျင်းပခဲ့ပြီး ၂၈ရက်နေ့တွင် ပြီးဆုံးခဲ့ပေသည်။ စာဖြေသူများအားလုံးကို အောင်မြင်စေချင် သည့် ရည်ရွယ်ချက်ဖြင့် ၂၀၁၆ခု ဒီဇင်ဘာလတွင် စစ်မေးခဲ့သော အစမ်းစာမေးပွဲမေးခွန်းများထဲမှ အောင်မှတ်နီးပါးလောက်ကို မေးမြန်းခဲ့ကြောင်း ဆရာ၊ ဆရာမများ သတိပြုမိခဲ့ကြသည်။ ထိုစတုတ္ထတန်းနှင့် အဋ္ဌမတန်း အတန်းတင်စာမေးပွဲကြီး မဖြေဆိုမှီကပင် ၂၀၁၆ခု ဒီဇင်ဘာလ စာမေးပွဲမေးခွန်းများထဲမှ အောင်မှတ်ဖိုးနီးပါးလောက် စစ်မေးမည်ကို ကျောင်းအုပ်ကြီးများ၊ ဆရာ၊ ဆရာမများ ကြိုတင်သိနေခြင်းသည်လည်း ထူးခြားချက်တစ်ရပ်အနေဖြင့် ၂၀၁၇ခုနှစ်တွင် အမှန် တကယ်ဖြစ်ခဲ့သည်။

ရန်ကုန်တိုင်းအတွင်းရှိ မြို့နယ်များအလိုက်စစ်ဆေးခဲ့သော Grade-4 နှင့် Grade-8 အဖြေ လွှာများကိုလည်း သက်ဆိုင်ရာမြို့နယ်များရှိ “အထက၊အလက” အခြေခံပညာကျောင်းများ၌ စစ် ဆေးပြီးစီးခဲ့ပြီးဖြစ်သည်။ ထိုသို့စစ်ဆေးရာတွင် စာစစ်ဆရာမများအနေဖြင့် အမှတ်၂၅ မှတ်ဖိုးကို မရ၊မက ရှာဖွေကာ အောင်မှတ်ဖိုးရလေအောင် ခက်ခက်ခဲခဲစွဲတင်ပေးခဲ့ရကြောင်း အခြေခံပညာမှ စာစစ်ဆရာမတစ်ဦးက စာရေးသူအားပြောကြားခဲ့ပေသည်။

၂၀၁၇ ခုနှစ် မတ်လ ၈ ရက်နေ့မှ မတ်လ ၁၇ရက်ထိ ကျင်းပခဲ့သော တက္ကသိုလ်ဝင်တန်း သင်္ချာ(ပြည်တွင်း) မေးခွန်းလွှာဖြေဆိုသည့်နေ့၌ စာဖြေသူ ကျောင်းသား၊ကျောင်းသူအများစုအ ကြား ငိုယို ညည်းတွားသံများကြားခဲ့ရသည်။ အကြောင်းမှာ ထိုမေးခွန်းလွှာ၌ ၁ မှတ်တန် section (A) No.24 ၌ မေးခွန်းလွဲမှားမှု၊ ၃ မှတ်တန် section (B) No.4 ၌ ပေးချက်မပြည့်စုံမှု ၊ ၅ မှတ်တန် section (C) No.7 (A), 7 (B) နှင့် section (C) No.8 (B) တို့၌ ပုစ္ဆာမေးခွန်းသတ်မှတ်ချက်များ၊ မပြည့်စုံပဲ အားနည်းနေမှု section(C) No.15 (A) ၌ ပုစ္ဆာလွှဲမှားနေမှု့တို့ဖြစ်ကြောင်း သင်္ချာဆရာ များက ဝေဖန်၊ထောက်ပြ၊ ပြောဆိုချက်များသည် “ဝိရောဓိ” ဖြစ်စေသည့်အတွက် နောင်အနာဂတ် တွင် မေးခွန်းထုတ်သူ စာစစ်မှူးများအတွက် အတွေ့အကြုံထူး တစ်ခုဖြစ်သည်ဟု စာရေးသူ သတိ ပြုမိသည်။ ထို့ကြောင့်လည်း ပညာရေးဝန်ကြီး၊ပြည်ထောင်စုဝန်ကြီး၊ဒေါက်တာမျိုးသိမ်းကြီးက “သင်္ချာမေးခွန်း၊ မပြည့်စုံမှု၊မှားယွင်းမှုများရှိပါက ကျောင်းသားများမနစ်နာစေရန် ဆောင်ရွက်ပေး မည်ဖြစ်ကြောင်း ကတိပြုပြောကြားချက်ကိုလည်း မီဒီယာများအကြား အတည့်အလင်းပြောဆိုပြီး ဖြစ်သည်။

ပြီးခဲ့သည့် ၂၀၁၇ ခု တက္ကသိုလ်ဝင်တန်း စာမေးပွဲကြီးတွင် မကြုံစဖူးဖြစ်ရပ်များကို အံ့သြ ဖွယ်ရာ ကြားသိခဲ့ရပါသည်။ တက္ကသိုလ်ဝင်တန်းစာမေးပွဲကြီး စာဖြေသူတစ်ဦးသည် ဘာသာရပ် တိုင်းကို ဆက်တိုက် မပျက်မကွက် ဖြေဆိုရသည့်အစဉ်အလာသည် ကြာခဲ့ပြီဖြစ်သည်။ အကြောင်း အမျိုးမျိုးကြောင့် ဘာသာရပ်တစ်ခုခုကို ဖြေဆိုရန် ပျက်ကွက်ခဲ့လျှင် ကျန်ဘာသာရပ်များကို ဖြေဆို ခွင့် လုံးဝမပြုတော့ချေ။

သို့သော် ၂၀၁၇ ခု မတ်လတွင် ကျင်းပခဲ့သော စာမေးပွဲကြီးတွင် အချို့သော စာဖြေသူများ သည် သင်္ချာဘာသာရပ်တွင် အထိနာ၍ လက်လျော့ကာ ဓာတုဗေဒ ဘာသာရပ်ကို မဖြေဆိုကြ တော့ပဲ ရူပဗေဒဖြေဆိုသည့်နေ့တွင် စာမေးပွဲခန်းထဲသို့ စာမေးပွဲလာရောက်ဖြေဆိုခဲ့ကြောင်း ကြီး ကြပ်ရေးတာဝန်ယူထားရသော ဆရာမတစ်ဦးက စာရေးသူအား ပြောဆိုခဲ့သည်။ ဒီမိုကရေစီအစိုးရ အရပ်သားအစိုးရလက်ထက်တွင် စာမေးပွဲနှင့်ပတ်သက်၍ ဖြေလျော့ပေါ့သည့် သဘောမျိုးဟု စာရေးသူ နားလည်မိပါသည်။ အံ့သြရပါသည်။

စာရေးသူတို့နေထိုင်ရာ ရန်ကုန်တိုင်းဒေသကြီးရှိ အခြေခံပညာ အထက်တန်းကျောင်းများ တွင် တက္ကသိုလ်ဝင်တန်းအောင်ချက်ရာခိုင်နှုန်း ကောင်းရေးအတွက် တစ်ကျောင်းနှင့်တစ်ကျောင်း အပြိုင် အဆိုင် ကြိုးပမ်းအားထုတ်နေခြင်းသည် အပေါင်းလက္ခဏာဆောင်သည်ဟု ထင်မြင်မိပါ သည်။ မိမိတို့ကျောင်း အောင်ချက်မြင့်မားရေးအတွက် ပဉ္စမတန်း အတန်းတင်စာမေးပွဲကြီးရမှတ်ကို အခြေခံကာ ဆဋ္ဌမတန်းမှစ၍ တက္ကသိုလ်ဝင်တန်းအထိ စုစုပေါင်းရမှတ် အနည်းအများ အလိုက် အဆင့်များ သတ်မှတ်ကာ ရမှတ်အများဆုံးအခန်း (အတော်ဆုံးအခန်း)ကို section (A)၊ ထို့နောက် (B) (C) စသည်ဖြင့် သတ်မှတ်လာခဲ့သည်မှာ ဆယ်စုနှစ်များစွာရှိခဲ့ပေသည်။

၂၀၁၇ခုနှစ် ဇွန်လ ၁ ရက် အခြေခံပညာကျောင်းများစတင်ဖွင့်လှစ်ချိန်တွင် အတန်းတိုင်း၏ စာသင်ခန်းများကို (A) (B) (C)(D) စသည်ဖြင့် ခွဲခြားမသတ်မှတ်တော့ပဲ၊ “ပန်း” နာမည် အမျိုးမျိုး အမည်ပေးထားမည်ဖြစ်သည်။ ဥပမာ ခရေပန်းတန်းခွဲ၊သစ်ခွပန်းတန်းခွဲ၊ နှင်းဆီပန်းတန်းခွဲ၊ငုဝါပန်း တန်းခွဲ၊စပ္ပွါယ်ပန်းတန်းခွဲ စသည်တို့ကို မှည့်ခေါ်သတ်မှတ်ထားမည်ဖြစ်ပြီး စာသင်ခန်းတိုင်းတွင် “တော်၊လတ်၊ညံ့” ကျောင်းသား၊ကျောင်းသူမျိုးစုံကို စုစည်းထားပြီး ပညာသင်ကြားစေမည့်အတွက် ကျောင်းသား၊ကျောင်းသူများအကြား ခွဲခြားသည့်စနစ်တစ်ခု အားငယ်စေသည့်စနစ်တစ်ခု ရှိတော့ မည် မဟုတ်ကြောင်း အခြေခံပညာ၊ ကျောင်းအုပ်ဆရာမကြီးတစ်ဦးက စာရေးသူအား ပြောဆိုခဲ့ပေသည်။ တနည်းအားဖြင့် အခြေခံပညာ ကျောင်းတွင်းစာမေးပွဲတွင် ရမှတ်အလိုက် အဆင့် ၁၊ အဆင့် ၂ ပေးတဲ့စနစ်ကို မကျင့်သုံးတော့ပဲ၊ (A) Level. (B)Level. (C) Level (D)Level
စနစ်ကို ကျင့်သုံးခဲ့သည့် သဘောလည်းဖြစ်ပါသည်။

ထို့ပြင် ၂၀၁၇-၂၀၁၈ ခု ပညာသင်နှစ်မှစ၍ အခြေခံပညာ သူငယ်တန်းမှ နဝမတန်းအထိ စာမေးပွဲဖြေဆိုပြီး “အောင်၊ရှုံး” သတ်မှတ်သည့် စနစ်တစ်ခုကိုကျင့်သုံးတော့မည် မဟုတ်ကြောင်း မိတ်ဆွေ၊ကျောင်းအုပ်ဆရာကြီးတစ်ဦး၏ ပြောဆိုသည်ကိုလည်း ထူးဆန်းစွာကြားသိခဲ့ရသည်။

စာရေးသူအနေဖြင့် ‘NLD’ အရပ်သားအစိုးရအနေဖြင့် အပြောင်းအလဲ တစ်ရပ်အနေဖြင့် ပညာရေးကဏ္ဍတစ်ရပ်ကို ပြုပြင်ပြောင်းလဲရာတွင် အသိ၊သတိ ကြီးစွာ ထားသင့်သည်ဟု ထင်မြင်မိ ပါသည်။ ပညာရေးဟူသည် တိုင်းပြည်၏ အနာဂတ် ကံကြမ္မာကို ပဲ့ကိုင်ပေးနိုင်သည့် အရာဖြစ်သည်။ ပညာရေး အားကောင်းသော တိုင်းပြည်သည် တိုးတက်ဖွံ့ဖြိုးသည်။ မည်သည့်သယံဇာတမျှ ထွက်ရှိခြင်း မရှိသည့် စင်္ကာပူနိုင်ငံလေးသည် ပညာရေးအားကောင်းသောကြောင့် လူ့စွမ်းအား အရင်းအမြစ်များ ဖွံ့ဖြိုးတိုးတက်ပြီး အရှေ့တောင်အာရှတွင် “ကျားတစ်ကောင်” အနေဖြင့် ဂုဏ်ပြု ခံနေရခြင်းပင် ထင်ရှားသည့်သက်သေ သာဓကဖြစ်ပါသည်။

အစိုးရ တစ်ရပ်ပြောင်းတိုင်း ပညာရေးဝန်ကြီးတစ်ဦးပြောင်းတိုင်း၊ ပညာရေး စနစ်တစ်ခုကို “ဆင်ကန်းတောတိုး၊မြေစမ်းခရမ်းပျိုး၊ ရောင်ဝါးဝါး၊စမ်းတဝါးဝါး၊ လုပ်နေသည့်စနစ်မျိုးသည်၊ တိုင်းပြည် ဘဏ္ဍာလည်းကုန်၊အချိန်လည်းကုန်ကာ အနာဂတ်လူငယ်ကျောင်းသားများ၏ ဘဝကို မရေရာ၊ မသေချာ ဖြစ်စေသည့်ဖက်သို့ ဦးတည်စေပါသည်။

တိကျရေရာ သေချာသည့် အာမခံချက်ရှိသည့် ပညာရေးစနစ်တစ်ခုကို တည်ဆောက်ရန် ဖွံ့ဖြိုးတိုးတက်နေသော ကမ္ဘာတစ်လွှားနိုင်ငံများ၏ ပညာရေးစနစ်များကို အတုစံနမူနာယူကာ လူငယ်တို့၏ ဘဝကို အာမခံချက်အပြည့်အဝပေးနိုင်သည့် လမ်းညွှန်မှု့ပေးနိုင်သည့် ပညာရေးစနစ် တစ်ခုကို အမြန်အကောင်အထည်ဖော် အုတ်မြစ်ချ တည်ဆောက်ကြပါလို့ အကြံပြုတိုက်တွန်းလိုက်ရပါသည်။

ဂျက်ဖရီတင်အုန်း (ရန်ကုန်စက်မှုတက္ကသိုလ် R.I.T)

March 25, 2017