Tag: LaLiga

စက်တင်ဘာ ၂၀၊ ၂၀၁၄
M-Media

– အသင်းဟောင်း စပါးသို့ တစ်နေ့တွင် ပြန်လည်သွားရောက် ကစားမည်ဟု ရီးယဲလ်တိုက်စစ်မှူး ဂါရက်ဘေးလ်က ဖွင့်ဟ ပြောကြားလိုက်သည်။

ဘေးလ်မှာ ပြီးခဲ့သည့်နှစ် နွေရာသီအပြောင်းအရွှေ့က ကမ္ဘာ့စံချိန် တင်ပြောင်းရွှေ့ကြေး ယူရို သန်း ၁၀၀ ဖြင့် ရီးယဲလ်သို့ ပြောင်းရွှေ့ခဲ့ခြင်းဖြစ်ပြီး ရီးယဲလ်နှင့်အတူ ချန်ပီယံလိဂ်၊ စပိန်ရှုံးထွက်ဖလားနှင့် ယူအီးအက်ဖ်အေ စူပါဖလားတို့ကို ဆွတ်ခူးနိုင်ခဲ့သည်။

စပါးမှထွက်ခွာမှုတွင် ပရိတ်သတ်များအား ဒေါသထွက်ခဲ့ပြီး ဘေးလ်ကမူ မိမိ၏ဆုံးဖြတ်ချက်အား ပရိတ်သတ်များက နားလည်မည်ဟု မျှော်လင့်ကြောင်း၊ ၆ နှစ်ကြာ ပျော်ရွှင်စွာ ဖြတ်သန်းခဲ့သည့် စပါးအသင်းသို့ တစ်နေ့တွင် ပြန်လည် လာရောက်မည်ဖြစ်ကြောင်း ပြောကြားခဲ့သည်။

“၀ှိုက်ဟတ်လိန်းမှာ ကြုံခဲ့ရတဲ့ ညတွေကို ကျွန်တော် ဘယ်တော့မှ မမေ့ပါဘူး။ သိပ်ကို ထူးခြားတဲ့ ညတွေပါပဲ။ စပါးအတွက် ကျွန်တော့်နှလုံးသားထဲမှာ အမြဲတမ်း နေရာတစ်နေရာ ရှိနေမှာပါ။ ကျွန်တော် အသင်းပြောင်းသွားပေမယ့် ပရိတ်သတ်တွေက ကျွန်တော့်ကို ချစ်နေဆဲပဲလို့ မျှော်လင့်ပါတယ်။ စပါးပရိတ်သတ်တွေကို ကျွန်တော်ချစ်ပါတယ်။ ဘယ်သူမှ မသိနိုင်တာက တစ်နေ့မှာ ကျွန်တော်ဟာ စပါးကို ပြန်လာနိုင်မယ်ဆိုတာပါပဲ” ဟု ဘေးလ်က BT Sport သို့ ပြောကြားခဲ့သည်။

ဘေးလ်မှာ ဘာစီလိုနာနှင့် ကစားသည့် စပိန်ရှုံးထွက်ဖလားဗိုလ်လုပွဲ၊ အက်သလက်တီကိုနှင့် ကစားသည့် ချန်ပီယံလိဂ် ဗိုလ်လုပွဲတို့တွင် သွင်းယူပေးခဲ့သည့် အဆုံးအဖြတ်ဂိုးများအပါအ၀င် ပြီးခဲ့သည့်ရာသီက ရီးယဲလ်အတွက် စုစုပေါင်း ၁၅ ဂိုး သွင်းယူပေးခဲ့သည်။

စက်တင်ဘာ ၇ ၊ ၂၀၁၄
M-Media

– ၂၀၁၃-၁၄ ဘောလုံးရာသီအတွင်း ရရှိသည့် ၀င်ငွေများကို ရီးယဲလ်က ယမန်နေ့တွင် ထုတ်ပြန်ခဲ့ရာ ယူရို ၆၀၃.၉ သန်းရှိခဲ့ပြီး ရီးယဲလ်အသင်းမှာ ကမ္ဘာ့အချမ်းသာဆုံးကလပ်အဖြစ် ၁၀ နှစ်ဆက်တိုက် ရပ်တည်နိုင်ခဲ့သည်ဟု သိရသည်။

ကလပ်အသင်း ဒါရိုက်တာများ အစည်းအဝေးမှာ ယခုလ ၂၁ ရက်နေ့မှ ပြုလုပ်မည်ဖြစ်သော်လည်း အသင်းဥက္ကဌ ဖလော်ရန်တီနိုပီရက်ဇ်က အသင်း၏ ၀င်ငွေစာရင်းအား ယမန်နေ့က ထုတ်ပြန်ခဲ့ခြင်းဖြစ်သည်။

၂၀၁၃-၁၄ အသင်းဝင်ငွေ ၆၀၃.၉ သန်းမှာ ပြီးခဲ့သည့်နှစ်ကထက် ၁၀.၉ ရာခိုင်နှုန်း တိုးလာခဲ့ပြီး အသားတင်အမြတ်ငွေမှာ ယူရို ၃၈.၅ သန်းအထိရှိကာ ၄၄ ရာခိုင်နှုန်း တိုးလာခဲ့ခြင်းဖြစ်သည်။ ထို့ပြင် အသင်း၏အကြွေးမှာလည်း ၂၁ ရာခိုင်နှုန်းအထိ ကျဆင်းခဲ့ပြီး နိုင်ငံသို့ပေးဆောင်ရသည့် အခွန်ငွေမှာ ယူရို ၁၆၇ သန်းအထိရှိသည်ဟု ပီရက်ဇ်က ပြောကြားခဲ့သည်။

“ကမ္ဘာ့အချမ်းသာဆုံး ကလပ်အသင်းစာရင်း ထိပ်ဆုံးမှာ ကျွန်တော်တို့ဟာ ၁၀ နှစ်ဆက်တိုက် ရှိနေမှာပါ။ ရီးယဲလ်ဥက္ကဌအဖြစ် ဆောင်ရွက်ရတာကို ဂုဏ်ယူမိပါတယ်။ ဒါပေမယ့် နာမည်ကြီးအသင်းတစ်သင်းမှာ တာဝန်ယူမှုဆိုတာလည်း ရှိပါတယ်။ ၁၁၂ နှစ်တာ သမိုင်းကြောင်းရှိတဲ့ ကျွန်တော်တို့ ဒါကို ဘယ်တော့မှ မမေ့ပါဘူး” ဟု ပီရက်ဇ်က သတင်းထောက်များအား ပြောကြားခဲ့သည်။

ရီးယဲလ်မှာ ပြီးခဲ့သည့် ၁၂ လအတွင်း အိုဇေးလ်၊ ဒီမာရီယာတို့ကို ရောင်းချခြင်းမှလည်း ယူရို သန်း ၁၀၀ ကျော် ရရှိခဲ့သည်။

စက်တင်ဘာ ၁ ၊ ၂၀၁၄
M-Media

– ဦးဆောင်ဂိုးရရှိခဲ့သော်လည်း ရီးရဲလ်ဆိုစီဒက်အား ရှုံးနိမ့်ခဲ့ရသည့်ပွဲအတွက် ဒေါသထွက်ရသည်ဟု ရီးယဲလ်အသင်းနည်းပြ အန်ဆယ်လော့တီက ပြောကြားခဲ့သည်။

ယမန်နေ့က ကစားခဲ့သည့် အဆိုပါပွဲတွင် ပွဲအစ ၁၁ မိနစ်၌ပင် ရီးယဲလ်က ၂ ဂိုးပြတ်ဖြင့် ဦးဆောင်ခဲ့ပြီး နောက်ပိုင်း အခွင့်အရေး အမြောက်အများရခဲ့သော်လည်း ခံစစ်မှာ ဖရိုဖရဲဖြစ်ခဲ့ကာ ဆိုစီဒက်အား ၄ ဂိုး ပြန်ပေးခဲ့ရပြီး ရှုံးနိမ့်ခဲ့ရသည်။

ပွဲအပြီးတွင် အသင်း၏ စိတ်ပျက်စရာ ကောင်းသော ရလဒ်အတွက် ပရိတ်သတ်များအား အန်ဆယ်လော့တီက တောင်းပန်ခဲ့သည်။

“ကျွန်တော်လုံးဝမကြိုက်တဲ့ ရှုံးပွဲပါပဲ။ ဘာ့ကြောင့်လည်းဆိုတော့ တစ်ခါတစ်လေ ကစားပုံ ဆိုးရွားနိုင်ပေမယ့် ၂ ဂိုးပြတ်နဲ့ ဦးဆောင်နေတဲ့အချိန်မှာတော့ ပွဲအတွက် လိုအပ်တဲ့ တုံ့ပြန်မှုမျိုး ပြရပါမယ်။ ဒီအတွက် ကျွန်တော် တာဝန်ယူပါတယ်။ တစ်ခုခု ပြောင်းလဲရမှာပါ။ အသင်းကစားတဲ့ပုံကို ကျွန်တော်မကြိုက်ပါဘူး” ဟု ပွဲအပြီးတွင် သတင်းထောက်များအား ပြောကြားခဲ့သည်။

ယခုပွဲရှုံးနိမ့်မှုကြောင့် ရီးယဲလ်မက်ဒရစ်မှာ ပြိုင်ဘက် ဘာစီလိုနာနှင့် ၃ မှတ်ကွာဟသွားပြီး၊ အက်သလက်တီကိုနှင့် ၁ မှတ်ကွာဟခဲ့သည်။

သြဂုတ် ၃၀ ၊ ၂၀၁၄
M-Media

– ရီးယဲလ်မက်ဒရစ်က ဒီမာရီယာအား ရောင်းချခဲ့ခြင်းမှာ အမှားတစ်ခုကို ကျူးလွန်ခဲ့ခြင်းဖြစ်ပြီး ကမ္ဘာ့အကောင်းဆုံးကစားသမား ၁၀ ဦးတွင်ပါဝင်သူ ၁ ဦးကို ဆုံးရှုံးခဲ့ခြင်းဖြစ်သည်ဟု ဘာစီလိုနာအလယ်တန်းကစားသမား မာရှေရာနိုက ပြောကြားလိုက်သည်။

ရီးယဲလ်အသင်းတွင် ပုံမှန်နေရာမရသည့် ဒီမာရီယာမှာ မန်ယူအသင်းသို့ ယူရို ၈၄ သန်းဖြင့် ယခုသီတင်းပတ်အစောပိုင်းက ပြောင်းရွှေ့သွားခဲ့ခြင်းဖြစ်သည်။

“ဒါဟာကျွန်တော် စိုးရိမ်ရမယ့် ကိစ္စတစ်ခုတော့ မဟုတ်ပါဘူး။ ဒါပမေယ့် သူတို့ ဆုံးရှုံးခဲ့တယ်လို့ ကျွန်တော်ထင်ပါတယ်။ သူဟာ ကျွန်တော်သိပ်ကြိုက်တဲ့ ကစားသမားတစ်ဦးပါ။ ပြီးတော့ ကမ္ဘာ့အကောင်းဆုံး ဘောလုံးသမား ၁၀ ဦးထဲက တစ်ဦးလည်းဖြစ်ပါတယ်။ သူဟာ တိုက်စစ်နဲ့ ခံစစ်ကို ဟန်ချက်ညှိပေးပြီး ကစားအားကောင်းသူ တစ်ဦးပါ။ သူ့ကို နေရာတော်တော်များများမှာ သုံးနိုင်ပါတယ်” ဟု ဒီမာရီယာ ပြောင်းရွှေ့သွားခြင်းနှင့် ပတ်သက်၍ အာဂျင်တိုင်းအသင်းဖော် မာရှေရာနိုက Mundo Deportivo သတင်းစာသို့ ပြောကြားခဲ့သည်။

မာရှေရာနိုမှာ ပြီးခဲ့သည့်ရာသီက အသင်းမှထွက်ခွာရန် စီစဉ်ခဲ့သော်လည်း ကမ္ဘာ့ဖလားပြိုင်ပွဲပြီးနောက် ဘာစီလိုနာအသင်းနှင့် သက်တမ်းတိုးစာချုပ် ချုပ်ဆိုခဲ့သည်။

သြဂုတ် ၂၉ ၊ ၂၀၁၄
M-Media

– ရီးယဲမက်ဒရစ်သို့ ပြောင်းရွှေ့ရန် ဆုံးဖြတ်ချက်မှာ မှန်ကန်ခဲ့ပြီး ချန်ပီယံလိဂ် ဆီမီးဖိုင်နယ် ဒုတိယအကျော့တွင် ဘိုင်ယန်ကွင်း၌ ၄ ဂိုး ပြတ်ဖြင့် အနိုင်ရရှိခဲ့သည့်ပွဲမှာလည်း ပြီးခဲ့သည့်နှစ် အကောင်းဆုံးပွဲဖြစ်သည်ဟု ရီးယဲလ်ကစားသမား ဂါရက်ဘေးလ်က ပြောကြားခဲ့သည်။

“ပြီးခဲ့သည့်တဲ့နှစ်က ကျွန်တော့်ရဲ့ ဆုံးဖြတ်ချက် မှန်ကန်ခဲ့ပါတယ်။ ဖလားနှစ်လုံးနဲ့ ဥရောပ စူပါဖလားတစ်လုံး ရခဲ့တာက အဲဒီအတွက် သက်သေပါပဲ။ အခုအချိန်မှာ ထိုင်ပြီး အပြောင်းအရွှေ့ဈေးကွက်ကို ကြည့်နေရတာ ကောင်းပါတယ်။ တစ်နေရာမှာ အခြေကျပြီဆိုရင် ပျော်ရွှင်ရနိုင်ပေမယ့် လွန်ခဲ့တဲ့ ၁၂ လတုန်းကတော့ ပြောင်းပြန်ပါပဲ။ ကျွန်တော်အိမ်မှာထိုင်ပြီး ဒီကိုလာဖို့ စောင့်နေရတာပါ” ဟု ဘေးလ်က Daily Mail သတင်းစာသို့ ပြောကြားခဲ့သည်။

ဘေးလ်မှ ယမန်နှစ်နွေရာသီက စပါးအသင်းမှ စံချိန်တင်ပြောင်းရွှေ့ကြေး ယူရို သန်း ၈၀ ဖြင့် ရီးယဲလ်သို့ ပြောင်းရွှေ့လာခဲ့ခြင်းဖြစ်ပြီး အစပိုင်းတွင် ကစားကွက်နှင့် အံမ၀င်ခဲ့သော်လည်း နောက်ပိုင်း ခြေစွမ်းပြ ဂိုးများသွင်းယူနိုင်ခဲ့ကာ ချန်ပီယံလိဂ် နောက်ဆုံးဗိုလ်ပွဲတွင်လည်း အသင်းအတွက် အရေးပါသည့် အနိုင်ဂိုးကို သွင်းယူပေးနိုင်ခဲ့သည်။

စိန်ခေါ်မှုများနှင့် ရင်ဆိုင်ရမည်ဖြစ်သော်လည်း ယခုနှစ်တွင် ရီးယဲလ်အနေဖြင့် ချန်ပီယံလိဂ်ဖလားကို ကာကွယ်ကာ သမိုင်းသစ်ရေးထိုးနိုင်မည်ဟု ဘေးလ်က ထပ်လောင်းပြောကြားခဲ့သည်။