အောက်တိုဘာ ၂၆ ၊ ၂၀၁၄
M-Media
– ယနေ့နံနက်က ကစားခဲ့သည့် ဘာစီလိုနာနှင့်ပွဲတွင် ဘန်ဇီမာမှာ အကောင်းဆုံး ဖြစ်ခဲ့သည်ဟု ရီးယဲလ်နည်းပြ အန်ဆယ်လော့တီက ပြောကြားလိုက်သည်။
အဆိုပါပွဲ၌ ပွဲအစ မိနစ်အနည်းငယ်မှာပင် နေးမာက ဘာကာအတွက် ဦးဆောင်ဂိုး သွင်းခဲ့သော်လည်း ရီးယဲလ်မှာ တည်တည်ငြိမ်ငြိမ်ဖြင့် ပွဲအား ထိန်းချုပ်နိုင်ခဲ့ကာ ရော်နယ်ဒို၊ ပီပီနှင့် ဘန်ဇီမာတို့၏ဂိုးဖြင့် အနိုင်ရခဲ့သည်။
အန်ဆယ်လော့တီကမူ အသင်းသားအားလုံးကို ချီးကျူးခဲ့ပြီး ဘန်ဇီမှာ အကောင်းဆုံးဖြစ်ခဲ့သည်ဟု ပြောကြားခဲ့သည်။
“အသင်းရဲ့ အားထုတ်မှုကို ကျွန်တော်လေးစားပါတယ်။ နေးမာရဲ့ဂိုးပြီးတဲ့နောက်မှာ ကျွန်တော်တို့ ရည်ရွယ်ချက်မပျောက်ခဲ့ဘဲ အားလုံး ကောင်းကောင်းမွန်မွန်ဖြစ်ခဲ့ပါတယ်။ ဘန်ဇီမာ၊ အစ္စကို၊ ရော်နယ်ဒိုနဲ့ ရော်ဒရီဂတ်စ်တို့ကို ချီးကျူးရမှာဖြစ်ပြီး ဘန်ဇီမာကတော့ အကောင်းဆုံးပါပဲ” ဟု ပွဲအပြီးတွင် အန်ဆယ်လော့တီက ပြောကြားခဲ့သည်။
ရီးယဲလ်၏ထိုနိုင်ပွဲမှာ ဘာစီလိုနာ၏ ယခုနှစ်ရာသီ ရှုံးပွဲမရှိစံချိန်ကို ရပ်တန့်နိုင်ခဲ့ခြင်းဖြစ်ပြီး၊ ထိပ်ဆုံးမှ ဘာစီလိုနာနှင့် အမှတ်ကွာဟမှုမှာလည်း တစ်မှတ်သာရှိတော့သည်။
အန်ဆယ်လော့တီကမူ ယခုနိုင်ပွဲမှာ အရေးပါသောနိုင်ပွဲဖြစ်ပြီး အသင်းကောင်းတစ်သင်းအား အနိုင်ရခဲ့ခြင်းဖြစ်ကြောင်း ထည့်သွင်းပြောကြားခဲ့သည်။
