Tag: Leicester

ဖေဖော်ဝါရီ ၈၊ ၂၀၁၆
M-Media

– ရာသီတစ်ဝက်ကျော်သည်အထိ ပုံစံကောင်းများပြသနေကာ ထိပ်ဆုံးတွင်ရှိနေသည့် လက်စတာအသင်းမှာ ပရီးမီးယားလိဂ်ဖလားကို ရရှိနိုင်မည့်အခြေအနေ ရှိနေသည်ဟု အင်္ဂလန်ကစားသမားဟောင်းများဖြစ်ကြသော ဆိုးလ်ကမ်းဘဲလ်နှင့် ဒါရီယက်စ် ဗက်ဆဲလ်တို့က ပြောကြားလိုက်သည်။

ပြီးခဲ့သည့်ဘောလုံးရာသီက တန်းဆင်းဇုန်းတွင်သာ ကျင်လည်ခဲ့ရသည့် လက်စတာမှာ ယခုနှစ်တွင် အံ့သြဖွယ် အကောင်းဆုံးခြေစွမ်းကို ပြသနိုင်ခဲ့ပြီး ယခုတစ်ပတ်တွင် အနီးကပ်ဆုံးပြိုင်ဘက် မန်စီးတီးကို ၃ ဂိုး ၁ ဂိုးဖြင့် အနိုင်ယူကာ အမှတ်ပေးဇယားကို ၅ မှတ်ဖြတ်၍ ဦးဆောင်ထားနိုင်ခဲ့သည်။

စပါးကလည်း ဒုတိယနေရာသို့ ရောက်ရှိလာခဲ့ပြီး ဆိုးလ်ကမ်းဘဲလ်ကမူ ၎င်းတို့နှစ်သင်းမှာ ဖိအားများကို မည်ကဲ့သို့ကျော်ဖြတ်မည်ကို ခန့်မှန်း၍မရဟုဆိုသည်။

“ထိပ်ဆုံးမှာ အာဆင်နယ်တို့၊ မန်ယူတို့ ရှိမယ်ဆိုရင်တော့ ဇာတ်လမ်းက တစ်မျိုးဖြစ်မှာပေါ့လေ။ ဒါပေမယ့် တစ်ခါမှ အဲဒီနေရာကို မရောက်ဖူးတဲ့အသင်းတွေကို မြင်နေရတာကြောင့် ဘယ်သူဗိုလ်စွဲမလဲဆိုတာကို မသိနိုင်ပါဘူး။ အချို့အသင်းတွေ ကျသွားနိုင်ပြီး တစ်ချို့ကလည်း တက်လာနိုင်ပါတယ်။ ဒါ့ကြောင့် ကံသေကံမ ဘာမှ ပြောလို့မရပါဘူး။ အခုအချိန်မှာတော့ လက်စတာက ထိပ်ဆုံးမှာပါ။ တကယ်လို့ ဒီအခြေအနေမျိုးကို သူတို့ ဆက်ထိန်းမယ်ဆိုရင်တော့ ဗိုလ်စွဲဖို့ သူတို့ လုပ်နိုင်မှာပါ” ဟု ကမ်းဘဲလ်က ပြောကြားခဲ့သည်။

အင်္ဂလန်တိုက်စစ်မှူးဟောင်းဖြစ်သူ ဗက်ဆဲလ်ကလည်း ပရီးမီးယားလိဂ်ဖလားမှာ လက်စတာ၏လက်ထဲတွင်သာ ရှိနေသည်ဟုဆိုသည်။

“သင်္ချာနည်းအရပြောရရင် သူတို့ ဖလားရနိုင်ပါတယ်။ ရာနီယေးရီက အခုအချိန်မှာ ဒါကို ပြောမှာမဟုတ်သေးပါဘူး။ အဲဒီအဆင့်ကို ရောက်ပြီဆိုတဲ့အတွေးကတော့ သိပ်မကြာတော့ဘူးလို့ ကျွန်တော်ထင်ပါတယ်။ ဒါပေမယ့် သူတို့ ကစားတဲ့ပုံစံမျိုး ကစားတဲ့အသင်းတွေ ရာသီကုန်အထိ ပြဿနာကြီးကြီးမားမားဖြစ်တာ ကျွန်တေ်ာ မတွေ့ဖူးပါဘူး” ဟု ဗက်ဆဲလ်က ပြောကြားခဲ့သည်။

လက်စတာနှင့် စပါးအသင်းမှ တစ်သင်းသင်း ဗိုလ်စွဲပါက ၁၉၉၂ ခုနှစ်က စတင်ခဲ့သည့် ပရီးမီးယားလိဂ်ပြိုင်ပွဲတွင် ၆ သင်းမြောက် ချန်ပီယံကလပ်လည်း ဖြစ်လာမည်ဖြစ်သည်။

Ref: Goal

ဖေဖော်ဝါရီ ၇၊ ၂၀၁၆
M-Media

– အံ့သြဖွယ် ခြေစွမ်းကောင်းများ ပြသကာ ပရီးမီးယားလိဂ်ကို ဦးဆောင်နေသည့် လက်စတာအသင်းမှာ အင်္ဂလန်ပြည်သူများ၏ နှလုံးသား ကို ဖမ်းစားနိုင်ခဲ့ပြီဟု အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။

ယမန်နေ့က မန်စီးတီးအသင်းအား အဝေးကွင်းတွင် ၃ ဂိုး ၁ ဂိုးဖြင့် အနိုင်ကစားနိုင်ခဲ့ပြီးနောက် လက်စတာမှာ ဒုတိယနေရာမှ စပါးကို ၅ မှတ်၊ တတိယနေရာမှ မန်စီးတီးကို ၆ မှတ် ဖြတ်ထားနိုင်သည်။ ၀င်းဂါးကမူ လက်စတာ၏ အနေအထား၊ ကစားပုံများက အင်္ဂလိပ်ဘောလုံးပရိတ်သတ်များ၏ နှလုံးသားနှင့် မျှော်လင့်ချက်များကို ဖမ်းစားနိုင်ခဲ့သည်ဟု ဆိုသည်။

“ရာသီကုန်အထိ လက်စတာရရှိမယ့် အရာတစ်ခုကတော့ ကျွန်တော်တို့ ပရိတ်သတ်၊ မန်စီးတီးပရိတ်သတ်နဲ့ စပါး ပရိတ်သတ်တို့ကလွဲလို့ တစ်နိုင်ငံလုံး သူတို့အနောက်မှာ ရှိနေမယ်ဆိုတာပါပဲ။ နာမည်ကြီးကစားသမားတွေ မ၀ယ်လို့ ခင်ဗျားတို့က ကျွန်တော့်ကို ဝေဖန်တယ်။ ဒါပေမယ့် နာမည်ကြီးကစားသမားတစ်ယောက်မှမရှိတဲ့ အသင်းကို ခင်ဗျားတို့ အားပေးရပါလိမ့်မယ်။ လက်စတာဟာ လက်ဖျားခါလောက်အောင်ကောင်းတာကိုမြင်ရတာ ကျေနပ်စရာလို့ ကျွန်တော်ထင်ပါတယ်” ဟု ၀င်းဂါးက ပြောကြားခဲ့သည်။

Ref: Goal

ဖေဖော်ဝါရီ ၆၊ ၂၀၁၆
M-Media

– လက်စတာအသင်း၏ ပရီးမီးယားလိဂ်ထိပ်ဆုံး၌ ရပ်တည်မှုအတွင်း အဓိကအခန်းကဏ္ဍမှ ပါဝင်နေသည့် တိုက်စစ်မှူး ဂျာမီ ဗာဒီမှာ ချီးကျူးမှုနှင့် ထိုက်တန်သည့် ကစားသမားဖြစ်သည်ဟု မန်စီးတီးတိုက်စစ်မှူး ဆာဂျီယိုအဂူရိုက ပြောကြားလိုက်သည်။

ဗာဒီမှာ ယခုအချိန်အထိ ပရီးမီးယားလိဂ်တွင် ၁၈ ဂိုး သွင်းယူထားပြီး ဂိုးအများဆုံးသွင်းယူသူ စာရင်းတွင် ဦးဆောင်နေသည်။ အဂူရိုကမူ ယခုနှစ်တွင် ဒဏ်ရာများဖြင့် ရုန်းကန်နေရပြီး ခြေစွမ်းကောင်းများ မပြသနိုင်ခဲ့သော်လည်း ပြို င်ပွဲအားလုံး နောက်ဆုံး ၅ ပွဲတွင် ၆ ဂိုး သွင်းယူထားနိုင်သည်။

လက်စတာနှင့် မန်စီးတီးတို့မှာ ယနေ့ညတွင် ပရီးမီးယားလိဂ်ပွဲစဉ်အဖြစ် ယှဉ်ပြိုင်ကစားရမည်ဖြစ်သည်။

“တိုက်စစ်မှူးတစ်ယောက်ဟာ ဂိုးအများအပြားသွင်းယူပြီး တော်တော်လေး တည်ငြိမ်နေတဲ့အခါ အဲဒီအတွက် ချီးကျူးပြောဆို ခံရမှာပါပဲ။ သူဟာ အမြဲတမ်း ဂိုးသွင်းဖို့ချောင်းနေပြီး၊ ဂိုးသွင်းဖို့ အာရုံခံနိုင်မှု၊ ဂိုးရှေ့မှာ စေ့စပ်သေချာမှုတွေလည်း ရှိပါတယ်။ သူဟာ ဒီနှစ်မှာ လက်ဖျားခါလောက်အောင် ကောင်းနေပြီး သူရရှိနေတဲ့ ချီးကျူးမှုနဲ့လည်း ထိုက်တန်ပါတယ်” ဟု အဂူရိုက ချီးကျူးပြောဆိုခဲ့သည်။

Ref: Goal

ဖေဖော်ဝါရီ ၃၊ ၂၀၁၆
M-Media

– အသင်း၏ တိုက်စစ်မှူးများဖြစ်ကြသည့် ဂျာမီဗာဒီနှင့် ရီယာ့ဒ် မဟ်ရက်ဇ်တို့အကြား နားလည်မှုမှာ မယုံကြည်နိုင်လောက်စရာ ဖြစ်နေသည်ဟု လက်စတာနည်းပြ ကလော်ဒီယို ရာနီယေးရီက ပြောကြားလိုက်သည်။

ယမန်နေ့က ကစားခဲ့သည့် လီဗာပူးလ်အသင်းနှင့် ပရီးမီးယားလိဂ်ပွဲစဉ်တွင် လက်စတာမှာ မဟ်ရက်ဇ်၏ ဖန်တီးမှုက တစ်ဆင့် ကိုက် ၃၀ အကွာမှ မြေမကျကန်သွင်းသည့် ဂိုးတစ်ဂိုးအပါအ၀င် ဗာဒီ၏ သွင်းဂိုး ၂ ဂိုးဖြင့် အနိုင်ရရှိခဲ့သည်။ ထို့ကြောင့် လက်စတာမှာ ဒုတိယနေရာမှ မန်စီးတီးအား ၃ မှတ်ဖြတ်ကာ ဇယားထိပ်ဆုံးအား ဆက်လက် ဦးဆောင်ထားနိုင်ဆဲ ဖြစ်သည်။

“မဟ်ရက်ဇ်က ဗာဒီဆီကို ဘောလုံးပေးပို့တာ၊ ဗာဒီက အချိန်ကိုက် နေရာယူပြီး ဂိုးသမားရဲ့ လွတ်တဲ့နေရာကို ကန်သွင်းတာတွေဟာ မယုံနိုင်လောက်စရာပါပဲ။ သူတို့ဒီလိုလုပ်မယ်ဆိုတာ လူတိုင်းက သိခဲ့ကြပါတယ်။ အခုအချိန်မှာ ကျွန်တော်တို့ဟာ ဘောလုံးကစားရတာကို ပျော်နေပါပြီ။ ရှုံးလည်း ကိစ္စမရှိပါဘူး။ ဘာ့ကြောင့်လည်းဆိုတော့ ကျွန်တော်တို့ လုပ်စရာရှိတာကို လုပ်နေတာမို့လို့ပါ။ ဘာမဆိုဖြစ်နိုင်ပါတယ်။ ခရီးဆုံးတဲ့အထိ ကျွန်တော်တို့ တိုက်ပွဲဝင်သွားမှာပါ” ဟု ရာနီယေးရီက ယမန်နေ့ပွဲအပြီးတွင် Sky Sports သေို့ ပြောကြားခဲ့သည်။

Ref: Goal

ဇန်န၀ါရီ ၂၅၊ ၂၀၁၆
M-Media

– မိမိတို့အသင်းမှာ ပရီးမီးယားလိဂ် ထိပ်ဆုံးနေရာနှင့် ထိုက်တန်သည်ဟု လက်စတာစီးတီးအသင်း ကွင်းလယ်လူ ဒန်နီ ဒရင့်ဝါးတားက ပြောကြားလိုက်သည်။

ယခုတစ်ပတ် ပရီးမီးယားလိဂ်တွင် အာဆင်နယ်မှာ ချယ်ဆီးအား ၁ ဂိုး ဂိုးမရှိဖြင့် ရှုံးနိမ့်ခဲ့ပြီး၊ မန်စီးတီးအသင်းမှာလည်း ၀က်စ်ဟမ်းကို သရေကျခဲ့သောကြောင့် စတုတ်စီးတီးအသင်းအား ၃ ဂိုးပြတ်ဖြင့် အနိုင်ရရှိခဲ့သည့် လက်စတာမှာ ပရီးမီးယားလိဂ်ကို ၃ မှတ်ဖြတ်၍ ဦးဆာင်နိုင်ခဲ့သည်။ စတုတ်အသင်းအား အဖွင့်ဂိုးသွင်းယူခဲ့သူ ဒရင့်ဝါးတားကမူ မိမိတို့မှာ ထိပ်ဆုံးနေရာနှင့် ထိုက်တန်သည်ဟု ပြောကြားခဲ့သည်။

“ပရီးမီးယားလိဂ်မှာ ခက်ခဲတဲ့တစ်ရာသီကို ကျွန်တော်တို့ ဖြတ်သန်းပြီးတဲ့နောက်ပိုင်းမှာ ကျွန်တော်တို့ရဲ့ အခြေအနေကို ပြောင်းပြန်လှန်ပစ်ခဲ့ပါတယ်။ ကျွန်တော်တို့ဟာ ဇယားထိပ်ဆုံးရောက်နေပြီး အသင်းအတွက်တော့ တော်တော်ကြီးမားတဲ့ အောင်မြင်မှုပါပဲ။ ကျွန်တော်တို့ဟာ အဲဒီနေရာနဲ့ ထိုက်တန်တယ်ဆိုတာ အမှတ်တွေက ပြသနေပါတယ်။ တစ်ကယ်လို့ တစ်ယောက်ယောက်က ဒီအတွက် သံသယဖြစ်နေမယ်ဆိုရင်တော့ သူတို့မှားကြောင်း ကျွန်တော်တို့ သက်သေပြသွားမှာပါ။ ကျွန်တော်တို့ လုပ်ဆောင်ခဲ့တာတွေက လက်စတာအသင်းသမိုင်းရဲ့ ကြီးမားတဲ့ အစိတ်အပိုင်းပါပဲ။ ဒါပေမယ့် ပရိတ်သတ်တွေအတွက် စိတ်လှုပ်ရှားစရာတွေကို ချန်ထားပေးနိုင်လိမ့်မယ်လို့ ကျွန်တော် ထင်ပါတယ်” ဟု ဒရင့်ဝါးတားက ပြောကြားခဲ့သည်။

Ref : Goal