News @ M-Media

Tag: malaysia

  • ကုလအထွေထွေညီလာခံတွင် မလေးရှားက မြန်မာပြည်သူများနှင့်အတူ ရပ်တည်မည်

    ကုလအထွေထွေညီလာခံတွင် မလေးရှားက မြန်မာပြည်သူများနှင့်အတူ ရပ်တည်မည်

    စက်တင်ဘာ ၁၇၊ ၂၀၂၂
    M-Media

    -လာမယ့်တစ်ပတ်မှာ စတင်မယ့် ၇၇ ကြိမ်မြောက် ကုလသမဂ္ဂ အထွေထွေညီလာခံမှာ အာဏာသိမ်းစစ်ကောင်စီကို ဆန့်ကျင်ကာ မြန်မာပြည်သူတွေဖက်က ရည်တည်ကြောင်း မလေးရှားက ပြောကြားသွားဖို့ ရှိနေပါတယ်။

    အထွေထွေညီလာခံကို စက်တင်ဘာ ၁၉ ရက်နေ့ကနေ ၂၆ ရက်နေ့အထိ ကျင်းပပြုလုပ်သွားမှာပါ။ မလေးရှားနိုင်ငံခြားရေး၀န်ကြီး ဆိုက်ဖူဒင် အဘ်ဒူလာက ညီလာခံတက်ရောက်မယ့် မလေးရှားရဲ့ အစီအစဥ်ကို ဒီကနေ့ Facebook စာမျက်နှာမှာ ရေးသားခဲ့ပါတယ်။

    မလေးရှား၀န်ကြီးချုပ် အစ္စမာအီလ် ဆာဘရီ ယာကွဘ်ဟာ စက်တင်ဘာ ၂၃ ရက်နေ့ကျရင် မိန့်ခွန်းပြောမှာဖြစ်ပြီး ဒီမိန့်ခွန်းမှာ မြန်မာနိုင်ငံမှာ ဖြစ်ပွားနေတဲ့ ကိစ္စနဲ့ပတ်သက်ပြီး မလေးရှားရဲ့ အမြင်ကို ထည့်သွင်းပြောဆိုမှာ ဖြစ်ပါတယ်။

    စက်တင်ဘာ ၁၉ နေ့ရက်မှာ မလေးရှားကိုယ်စားလှယ်အဖွဲ့ဟာ NUG အစိုးရ တာ၀န်ရှိသူတွေနဲ့ တွေ့ဆုံဖို့လည်း ရှိနေပါတယ်။

    ဥရောပသမဂ္ဂ နိုင်ငံခြားရေးအကြီးအကဲနဲ့ အစည်းအ၀ေး၊ OIC ကိုယ်စားလှယ်တွေနဲ့ အစည်းအ၀ေး၊ အာဆီယံ နိုင်ငံခြားရေး ၀န်ကြီးများ အစည်းအ၀ေး အပါအ၀င် အထွေထွေညီလာခံနဲ့ ဆက်နွယ်နေတဲ့ ဆက်စပ်အစည်းအ၀ေးတွေမှာလည်း မြန်မာနိုင်ငံက ကိစ္စတွေအကြောင်း ဆွေးနွေးသွားမယ်လို့ ဆိုက်ဖူဒင်က ဆိုပါတယ်။

    “မြန်မာပြည်သူတွေရဲ့ ကိုယ်စားလှယ်တွေထံကနေ မြန်မာနိုင်ငံမှာ ဘာတွေ ဖြစ်ပျက်နေလဲဆိုတဲ့ နောက်ဆုံးရ အချက်အလက်တွေကို မလေးရှားက နားထောင်သွားမှာဖြစ်ပါတယ်။ အမြင်တွေ ဖလှယ်ပြီး၊ မလေးရှားက နောက်ထပ် ဘယ်လို ကူညီနိုင်မလဲဆိုတာကိုလည်း ဆွေးနွေးသွားမှာပါ”

    ၂၀၂၁ ခုနှစ် ဧပြီလက ရရှိခဲ့တဲ့ မြန်မာ့အရေး ဘုံသဘောတူညီချက် ၅ ရပ်၊ အာဆီယံက ဦးဆောင်ပြီး မြန်မာနိုင်ငံကို ပေးအပ်နေတဲ့ အကူအညီတွေအကြောင်း အလေးအနက်အထား သုံးသပ်ဖို့ အာဆီယံအဖွဲ့ကို တိုက်တွန်းသွားမယ်လို့လည်း ဆိုက်ဖူဒင်က ထည့်သွင်း ရေးသားထားပါတယ်။

    Ref: New Straits Times

  • မလေးရှား၀န်ကြီးချုပ်ဟောင်း ထောင်နန်းစံရမည်

    သြဂုတ် ၂၃၊ ၂၀၂၂
    M-Media

    -ခြစားမှုအပါအ၀င် စွဲချက် ၇ ခုနဲ့ ချမှတ်ထားတဲ့ ပြစ်ဒစ်အတွက် ၀န်ကြီးချုပ်ဟောင်း နာဂျစ်ရာဇတ်ရဲ့ အယူခံလျှောက်ထားမှုကို မလေးရှား တရားရုံးချုပ်က ပယ်ချလိုက်ပါတယ်။

    ဒီစွဲချက်တွေမှာ နိုင်ငံပိုင်လုပ်ငန်း 1MDB က ငွေကြေး အကြီးအကျယ် အလွဲသုံစားလုပ်ထားမှုလည်း ပါ၀င်ပါတယ်။

    ၀န်ကြီးချုပ်ဟောင်းရဲ့ အယူခံလျှောက်ထားမှုဟာ ဘာအကျိုးကျေးဇူးမှ မရှိနိုင်ဘဲ၊ အောက်ရုံးက ချမှတ်ထားတဲ့ ပြစ်မှု ၇ ခုဟာ သက်သေအထောက်အထားတွေ ပြည့်စုံတဲ့အတွက် အယူခံကို ပယ်ချလိုက်တာလို့ ဂျူရီအဖွဲ့ အကြီးအကဲ တရားသူကြီး မိုင်မွန် တူအန် မတ်က အမိန့် ဖတ်ကြားခဲ့ပါတယ်။

    ဒါ့ကြောင့် နာဂျစ်ဟာ ထောင်ဒဏ် ၁၂ နှစ်ကို ချက်ခြင်းကျခံရတော့မှာပါ။ ဒါဟာ မလေးရှားနိုင်ငံရေးသမိုင်းမှာ ပထမဆုံး ထောင်ဒဏ်ချမှတ်ခံရတဲ့ ၀န်ကြီးချုပ်ဟောင်းအဖြစ် မှတ်တမ်း၀င်မှာ ဖြစ်ပါတယ်။

    နာဂျစ်ကို အာဏာအလွဲသုံးစားမှု၊ ငွေကြေးခ၀ါချမှု၊ ယုံကြည်မှု အလွဲသုံးစားလုပ်မှု စတာတွေနဲ့ တရားစွဲဆိုပြီး ၂၀၂၂ ခုနှစ် ဇူလိုင်လမှာ အောက်ရုံးက ပြစ်ဒဏ်ချမှတ်ခဲ့တာ ဖြစ်ပါတယ်။

    ပြီးခဲ့တဲ့ ဒီဇင်ဘာမှာ အယူခံခုံရုံးက နာဂျစ်ရဲ့ အယူခံလျှောက်ထားမှုကို ပယ်ချခဲ့ပြီး၊ အခု တရားရုံးချုပ်ကပါ ထပ်မံ ပယ်ချခဲ့တာ ဖြစ်ပါတယ်။

    Ref: Aljazeera

  • မြန်မာနိုင်ငံမှဒုက္ခသည်များကို ကူညီနိုင်ရေး မလေးရှားက ငွေးကြေးလိုအပ်

    မြန်မာနိုင်ငံမှဒုက္ခသည်များကို ကူညီနိုင်ရေး မလေးရှားက ငွေးကြေးလိုအပ်

    မေ ၁၆၊ ၂၀၂၂

    M-Media


    -နိုင်ငံအတွင်းရှိနေတဲ့ မြန်မာဒုက္ခသည်တွေကို အလုပ်အကိုင်နဲ့ ပညာရေးအခွင့်အလမ်းရရှိအောင် ဆောင်ရွက်ပေးဖို့အတွက် ငွေကြေးလိုအပ်တယ်လို့ မလေးရှားနိုင်ငံခြားရေး၀န်ကြီး ဆိုက်ဖူဒင် အဘ်ဒူလာက ပြောပါတယ်။ 

    မြန်မာစစ်တပ်ရဲ့ နှိပ်စက်ညှင်းပမ်းမှုတွေကြောင့် ထွက်ပြေးလာရတဲ့ တိုင်းရင်းသားလူနည်းစု ၂ သိန်း၊ ရိုဟင်ဂျာ ၁ သိန်းခွဲ စုစုပေါင်း ၃ သိန်းခွဲလောက် မလေးရှားနိုင်ငံမှာ ဒုက္ခသည်အဖြစ် ခိုလှုံနေရတာ ဖြစ်ပါတယ်။ 

    NUG နိုင်ငံခြားရေး၀န်ကြီး ဒေါ်ဇင်မာအောင်နဲ့ ၀ါရှင်တန်မှာ မနေ့က တွေ့ဆုံမှုအပြီး ဆိုက်ဖူဒင်က NGO အဖွဲ့တွေရဲ့ ကျောင်းတွေက ဒုက္ခသည်ကလေးငယ် ၂၅ ရာခိုင်နှုန်းကိုသာ ပညာသင်ပေးနိုင်တယ်လို့ သတင်းထောက်တွေကို ပြောကြားခဲ့ပါတယ်။ 

    ဒုက္ခသည်တွေကို ကူညီနိုင်ရေး တတိယနိုင်ငံတွေထံကနေ ရန်ပုံငွေ တောင်းခံထားပြီး ဒီကိစ္စကို အမေရိကန်-အာဆီယံ ထိပ်သီးအစည်းအ၀ေးမှာလည်း ၀န်ကြီးချုပ် အစ္စမာအီလ် ဆာဘရီ ယာကွဘ်က ပြောခဲ့ကြောင်း ဆိုက်ဖူဒင်က ထည့်သွင်းပြောဆိုခဲ့ပါတယ်။ 

    မလေးရှားက မြန်မာဒုက္ခသည်ကလေးငယ်တွေရဲ့ ပညာရေးကို ကူညီပေးဖို့ ‘ကာတာဖောင်ဒေးရှင်း’ က ဘဏ္ဏာရေးအကူအညီ ပေးထားပါတယ်။ 

    မြန်မာနိုင်ငံကအကြပ်အတည်း ဖြေရှင်းရေး အာဆီယံရဲ့ သဘောတူညီချက် ၅ ချက်ကို အာဏာသိမ်းစစ်အစိုးရက အရေးမစိုက်တဲ့အတွက် အာဆီယံက အခြားနည်းလမ်းတွေ ရှာဖွေသင့်တယ်လို့လည်း ဆိုက်ဖူဒင်က သတင်းထောက်တွေကို ပြောကြားခဲ့ပါတယ်။ 

    Ref: The Star

  • မလေးရှားက မြန်မာကို ကိုဗစ်ကာကွယ်ဆေး ၅ သိန်း လှူဒါန်း

    မလေးရှားက မြန်မာကို ကိုဗစ်ကာကွယ်ဆေး ၅ သိန်း လှူဒါန်း

    ဧပြီ ၂၁၊ ၂၀၂၂

    M-Media 


    -မြန်မာနိုင်ငံကို ကိုဗစ်ကာကွယ်ဆေး AstraZeneca အလုံးရေ ၅ သိန်း လှုဒါန်းခဲ့တယ်လို့ မလေးရှား ကျန်းမာရေး၀န်ကြီး ခိုင်ရီ ဂျမာလွတ်ဒင်က Twitter စာမျက်နှာမှာ ရေးသားခဲ့ပါတယ်။

    တစ်ချို့နိုင်ငံတွေက ကပ်ရောဂါကို ကျော်လွှားပြီး ပုံမှန် အခြေအနေ ရောက်အောင် စသွားနေတဲ့အချိန်မှာ တစ်ချို့နိုင်ငံတွေက ပြည်သူတွေ ကိုယ်ခံအားရရှိရေး အကူအညီတွေ လိုအပ်နေသေးတယ်လို့ ၀န်ကြီးက ဆိုပါတယ်။ 

    “မြန်မာပြည်သူတွေအတွက် မလေးရှားပြည်သူတွေက ပေးပို့တဲ့ AstraZeneca ကာကွယ်ဆေး သန်း၀က် ဒီနေ့ ရန်ကုန်ကို ရောက်သွားခဲ့ပါတယ်။ အတူတကွ အန္တရာယ်ကင်းကင်း နေကြရအောင်”

    အာဏာသိမ်းစစ်ကောင်စီက မလေးရှားထံကနေ ကိုဗစ်ကာကွယ်ဆေးတွေ ရရှိကာ ရန်ကုန်မြို့ ကာကွယ်ဆေးသိုလှောင်ရုံမှာ ထားရှိဖြန့်ဖြူးသွားမယ်လို့ ထုတ်ပြန်ပါတယ်။ 

    နိုင်ငံအတွင်းက လူ ၂၈.၉၇ သန်းလောက် ကာကွယ်ဆေး ၂ ကြိမ် ထိုးထားပြီး၊ Booster ထိုးထားသူ ၁.၂ သန်း ရှိတယ်လို့လည်း စစ်ကောင်စီက ဆိုပါတယ်။ 

    Ref: New Straits Times

  • ဧပြီ ၁ ရက်နေ့မှစ၍ နိုင်ငံခြားခရီးသွားများကို မလေးရှားက ၀င်ခွင်ပေးတော့မည်

    ဧပြီ ၁ ရက်နေ့မှစ၍ နိုင်ငံခြားခရီးသွားများကို မလေးရှားက ၀င်ခွင်ပေးတော့မည်

    မတ် ၉၊ ၂၀၂၂

    M-Media 

    -ဧပြီလ ၁ ရက်နေ့ကစတင်ပြီး နိုင်ငံတကာခရီးသွားတွေကို ၀င်ခွင့်ပေးတော့မယ်လို့ မလေးရှား၀န်ကြီးချုပ် ဒါတွတ်ဆရီ အစ္စမာအီလ် ဆာဘရီ ယာကွဘ်က အင်္ဂါနေ့မှာ ကြေငြာပါတယ်။

    ကိုဗစ်ကာကွယ်ဆေး အနည်ဆုံး ၂ ကြိမ်ထိုးထားတဲ့ ခရီးသွားတွေဟာ မလာခင် ၂ ရက်အရင် ကိုဗစ် PCR Test စစ်ရမှာဖြစ်ပြီး မလေးရှားလေဆိပ်ကို ရောက်တဲ့အချိန်မှာ RTK Test စစ်ကာ ၀င်ခွင့်ရမှာ ဖြစ်ပါတယ်။ အရင်ကလို ကွာရန်တင်း၀င်စရာ မလိုတော့ပါဘူး။ 

    RTK Test ကို လေဆိပ်က ဆေးခန်းမှာဖြစ်စေ၊ ဒါမှမဟုတ် အပြင်ဆေးခန်းမှာဖြစ်စေ ၂၄ နာရီအတွင်း စစ်ပေးရမှာ ဖြစ်ပါတယ်။

    “နယ်စပ်တွေကို ဖွင့်တော့မယ်ဆိုတဲ့ ဒီကြေငြာမှုကို တစ်တိုင်းပြည်လုံးက စောင့်နေကြတာ တော်တော်ကြာနေပါပြီ။ ဧပြီ ၁ ရက်နေ့ကစပြီး နယ်စပ်တွေ ပြန်လည်ဖွင့်လှစ်လိုက်ခြင်းဟာ နိုင်ငံသားတွေ ပြည်ပကို လွတ်လွတ်လပ်လပ် သွားနိုင်ရုံသာမက နိုင်ငံခြားသားတွေ မလေးရှားကို လာရောက်လည်ပတ်ခွင့်လည်း ရရှိစေမှာ ဖြစ်ပါတယ်”  လို့ ၀န်ကြီးချုပ် ဆာဘရီက ဒီကနေ့မိန့်ခွန်းမှာ ထည့်သွင်းပြောဆိုခဲ့ပါတယ်။ 

    ကိုဗစ်ကာကွယ်ဆေး မထိုးရသူတွေကို ဘယ်လို၀င်ရောက်ခွင့်ပေးမလဲ ဆိုတာနဲ့ပတ်သက်ပြီး ကျန်းမာရေး၀န်ကြီး ခိုင်ရီ ဂျမာလွတ်ဒင်က ဗုဒ္ဓဟူးနေ့မှာ ထုတ်ပြန်ကြေငြာဖို့ ရှိပါတယ်။ 

    မလေးရှားနိုင်ငံသားတွေဟာ နယ်စပ်ဖွင့်ထားတဲ့ ဘယ်နိုင်ငံကိုမဆို လွတ်လပ်စွာ သွားရောက်နိုင်တယ်လို့လည်း ၀န်ကြီးချုပ်က ထည့်သွင်းပြောဆိုခဲ့ပါတယ်။ 

    ဧပြီလ ၁ ရက်နေ့ကစပြီး စီးပွားရေးလုပ်ငန်းတွေ အပြည့်အ၀ လည်ပတ်လုပ်ကိုင်ခွင့် ရရှိမှာဖြစ်ကြောင်း၊ ခပ်ခွာခွာနေထိုင်ရေးစည်းမျဥ်းကို လုံး၀ ပယ်ဖျက်မှာဖြစ်ပြီး နှာခေါင်းစည်းက မဖြစ်မနေ တပ်ဆင်ရမှာ ဖြစ်ကြောင်း ဆာဘရီက ထည့်သွင်းကြေငြာခဲ့ပါတယ်။

    မလေးရှားဟာ ၂၀၂၀ ခုနှစ် မတ်လကတည်းက ပြည်ပခရီးသွားတွေကို ၀င်ခွင့်ပိတ်ထားတာ ဖြစ်ပါတယ်။

    Ref: The Star